المساعد الشخصي الرقمي

مشاهدة النسخة كاملة : معقول شاعر مايعرف اشعاره؟؟


فواز الغسلان
15-03-2009, 01:26
معـقول شـاعـر مايعـرف اشـعاره=ويخطي بشرح بيـوته الشعريه
مدري شرى القيفان من سـمـساره=او شـالـهـا بالـبــوق والعـاريه
شفـتـه على التلفاز عـقب اخـباره=منقول عـبر الـشـاشـة الفـضيه
واثريـه شـيـخ وعـالي(ن)مقـداره=جاء للمكان بدعوة(ن)رسـمـيه
ويـوم ابـتـدى كـن الـقـيـامـه ثاره=والا رمـيـــت بقـنـبـلـه ذريـه
من كثر مانسـمع ضجـيج انصاره=كـنـك بـوسـط الصـالة الدولـيه
ولــد وزيــر ومالك(ن) مـلـيــاره=وابوه خـمـس سـنـيـن بالمـاليه
وقـام يتـغـزل فـي جــدايـل سـاره=اللي رمت روحه على الردميه
وصارت حـيـاتـه بالـعرب منهاره=واصبح يعاني حالة(ن)نفـسـيه
وانه حـكـيـم الـشـعـر مـع بيـطاره=واصبح لشعره خلطة(ن)سريه
ونـشـدت لـي نـاس تـعرف اسراره=وشلون جـمـهـوره تعدى الميه
قـالـوا خـدم قـصــره وكل اصهاره=وبعض الجـنـود وقادة الدوريه
والـلــي يـشـجـع فــك لــه سـيـاره=وراحة شهر بالعـطـلة الصيفيه
قـلـت ابشـروا باللـي يشـيل الحاره=مثل الجنود بثـكـنـة(ن)حربيه
الـلـي يـطــق الـطـبــل مع مزماره=وان مالـقـيـت الطـبل بالطبليه
تشجـيـعــهــم يـشـبه هـديـر الغاره=والقصف عـبر الهجمة الجـويه
واسـعـارنا ياناس نصــف اسـعاره=تسديد قـسـط الـددسـن الـمـلويه
((عبدالله بن غيث))
15-03-2009, 02:02
صح لسانك

أبو فهد ..!

هالمره منتب هين , ناوي لك أحد :7ayyoh:


تحياتي لك
نورة الشريف
15-03-2009, 08:06
يسعد صباحك ياشاعر

لافض فوك والله

تطرقت الى قضية مهمة جدا

لك مني خالص التقدير

اختك نورة
عبدالله الجعيثن
15-03-2009, 08:12
الغسلان



صح لسانك



جزله ومعبره جدا



لاهنت يالذيب
هايس الشمري
15-03-2009, 10:27
فوااز الغسلان




صح لساانك يا بعدي..!




ولا هنت..




اخووك
غزل القصيد
15-03-2009, 10:30
فواز

صح الله لسانك


هذولا واجد في ساحتنا ومعروفين على قولتك



شكرا لقلمك


تحياتي
عبدالمجيد الشمري
15-03-2009, 11:40
صح لسانك
الحاصود
15-03-2009, 12:36
صـح لسـانـكـ ...


ولو انه ماهو كل من ما يرف قصيده يعتبر متهـم




لا هنت على هالجزله
أبو روز
15-03-2009, 16:18
ابو فهد

صح لسانك تطرقت الى موضوع موجود هذه الايام لمن يريد الشهرة عن طريق بوابة الشعر

قصيدة جزلة ورائعة ولاهي غريبه منك

استمتع بكل ما يكتبه ويقوله الغسلان

تقبل مروري
فواز الغسلان
17-03-2009, 07:51
صح لسانك

أبو فهد ..!

هالمره منتب هين , ناوي لك أحد :7ayyoh:


تحياتي لك




هلا وغلا اخوي ابن غيث وكل الشكر لك يالذيب

تحياتي لك
سيف الدولة
17-03-2009, 23:24
ياهلااابك

فواز الغسلاان

صح لسااانك ولاهنت اخوي

رائعة من رائع
فواز الغسلان
19-03-2009, 01:39
يسعد صباحك ياشاعر

لافض فوك والله

تطرقت الى قضية مهمة جدا

لك مني خالص التقدير

اختك نورة







هلا وغلا بالعزيزه نورة الشريف وكل الشكر لك

تحياتي لك
زاهي
19-03-2009, 18:00
ابو فهد


صح لسانك على هالروعه


مبدع كما عهدتك
النابغة
27-03-2009, 02:14
أبو فهد لاهنت يالغالي

وصح إلسانك يالذيب

وذكرتني بواحد من الجماعة يقول كنت مستلم دورية في أحد الأحياء المشهورة

وأشوف راعي جيب ما غير يفر

يقول وأنا أنصاه ووأوقفة وش عندك هنا ؟ يقول يا ابن الحلال بايعن لي قصيدة وأحتري الدراهم

يقول يوم دققت بوجهه إلى والله واحدن من الشعراء المشهورين
فواز الغسلان
05-04-2009, 15:48
الغسلان



صح لسانك



جزله ومعبره جدا



لاهنت يالذيب



هلا وغلا ابوجعيثن وحياك يالعزوه

لاهنت والله
تركي ثنيان
08-04-2009, 07:37
صح لسانك

وانا يوم قريت العنوان شاعر مايعرف اشعاره قلت هذا شاريهااا

يعطيك العافيه
أبو رغد
08-04-2009, 10:09
ونـشـدت لـي نـاس تـعرف اسراره=وشلون جـمـهـوره تعدى الميه
قـالـوا خـدم قـصــره وكل اصهاره=وبعض الجـنـود وقادة الدوريه


يمكن هذولا الناس بهم قماره=ولا مصادر حكيهم ملويه
والشعر يخدم من خدم مشواره=أدنى الملا يالذيب وكباريه
واليا اجتمع شعرٍ جزل ووقاره=وقبول عند الناس مابه زيه
ومحمد ابن سعود جتك أخباره=حكمته بين الناس عاده حيه


يقول رحمه الله:
(واليا اجتمع زينٍ وضرب اليماني =لذة نعيمٍ بالجسد وان توافن)


راوي معروف وشاعر جزل يا فواز لا هنت