سميته كوكو ياأبا المعايير [الأرشيف]

مشاهدة النسخة كاملة : سميته كوكو ياأبا المعايير

فتى البيداء

14-03-2009, 03:29

مسيكم / صبحكم بالخير

أضاف يوسف موضوع مهم ومميز للفله كعادته .. وموضوعه (( عيال الكول والأتكيت والغنج ))

وهذا رابطه :http://www.shmmr.net/vb/showthread.php?t=60850

وكأنه يعلم بما حصل لي قبل عام ..مع هذه الفئة التي تكلم عنها ..

ووعدتها أني أكتب ماحصل لي .. مع العلم أني متردد في كتابته لأنه يحتوي

على قصيدة أنا لا أعلم هل أسميها قصيدة أم عصيدة ؟؟

ولكن هذا ما كتبته مع العلم بأنه قد لا يرتقي لذوقكم .. وأعذروني على القصور ..

الموضوع :

العام الماضي في نادي الفروسية بالقصيم .. وبعد أنتهى السباق جاء أحد الملاك وطلب من

أحد الدلالين بالحراج على حصانه .. ومن ثم تجمهرة الناس على هذا الحصان ..

ومن ضمن الي تجمهروا شخصين عليهم بناطيل جنز .. وقد سرحوا شعورهم بطريقة غريبة ..

ووقفوا بجنبي .. جاء يمي أحد الأصدقاء يستشيرني بشراء هالحصان .. قلت له لا ماهب

ذاك الزين .. فيه علة (أصابه) بالكتف .. ومن المعروف عن الخيل أنا أصاباته متعددة ..

فإصابة تكون ( بالوتر .. أو بالرمانة .. أو بالكتف .. أو يكون فيه صوت بالجهاز التنفسي

أو غير ذلك )

المهم الي كانوا بجنبي (المايعين) واحد منهم سمعن أقول لا به كتف ..

قال : لخويه يقولون به كتف !!

قال : خويه الكتف هين وبسيط .. وكل ما قيل فيه كذا ..

قال خويه هاه وش رايك ؟؟ يقولون فيه كذا ؟؟ يقول خويه لا هالشيء بسيط ..

يعني الحصان ما بقى فيه شيء سليم .. وهو يقول لا هالشيء بسيط ..

الحقيقة هو غثن ودبل تسبدي .. وساعة ماروحت للبيت وأنا أخذ قلم وورقة وكتب هالبيتين ..

أتمنى أن تنال أعجابكم :

خل شراء الخيل لرجال المناعير .... وألا التغنج لمربيات الظفاير

وقول خيولنا أطبوعها أصبحت غير .... أثاري خيالها جنس أخته بشاير

فقدتكم بالعير أثاريكم كما الطير .... يلحق وليفه وين ماكان طاير

لقيتكم بالنادي يالنفخ الكير .... سألتكم بالله لا تجرون علينا الجراير

يفتي وجنزه شده بالسير .... يقول الأصل هين وابحث عن باقي المعاير

يفتي وجنزه شده بالسير .... يقول الوتر هين وابحث عن باقي المعاير

يفتي وجنزه شده بالسير .... يقول الصوت هين وابحث عن باقي المعاير

يفتي وجنزه شده بالسير .... يقول الكتف هين وابحث عن باقي المعاير

قلت غربلك ربي وش بقى من خير .... شف له بس قصاب سكاكينه طراير

قلت غربلك ربي من وين جاك تعبير .... تأمر وتنهى وكل علومك خطاير

قال وش عاد يعني الخيل تحتاج تفكير ؟ ... أشد رسنها وتجي عليكم صداير

وعلى طاري الطير شريت لي طير .... يصيد لي كل ماكان بالجو طاير

واخترت أسمه كوكو ياأبالمعايير .... أدور الموظات وماكان في هاليوم صاير

واصبغ مخالبه كل يوم بالمناكير .... لجاك من طبوق السماوات ثاير

قلت أصح يالنذل يالهيس ياأباالعصافير .... جرت على الخيل وأنت بالطير جاير

شمر كمومك عن ذراعيك يالضير .... ودر هالأسواق وتلفت في كل عاير

للخيل هيبه ولرجاله مقادير .... مايدل دروبها ألا منه على الدرب ساير

وسلامتكم .

السنعوووسيه

14-03-2009, 05:14

قلو هل السكبات بشماغ وعقال:)

00000000000وجونا هل الجنزات واهل البناطيل

ايا بملين فرقى العين لابسين جنز وبالميدان ههههههههههه

انا اشهد ان الرجال بضلال العصر بالاحيمر:)

فتى البيدا صــــــــــــــح لسانك يالذيب

وبيض الله وجهك

كل الشكر على الموضوع

عاطر ودي

ماجد

14-03-2009, 06:35

صح لسانك

لاهنت يالذيب

حيل حليل

14-03-2009, 07:04

يا ابن الحلال هذولا ناس ماتربوا
او بالاصح تربوا مع خواتهم
ياخي اكبر غلط ان تشوف ولدك ولا اخوك يمشي كانه ام اربعطش وتسكت
هذا حلاته تسلمه وايت وتجلسه عند الغنم لمدة شهر
علي الحرام ان تظبط اموره ويمشي صح

لاهنت اخوي وصح لسانك

منصور الغايب

14-03-2009, 11:39

صح لسانك ..

يوم غثوك طلعت هالقصيدة ..

ابشر باللي يغثك كل يوم لما يطلع منك معلقة ... :)

يـــوسف

14-03-2009, 13:26

منصور تبينا نطق طيحني ونوقف قدام فتى البيداء يما ينجلط ههههههههههههههههه

صحححححححححححححححححححح لسانك يافهد على هالكصيدة

تسان عازمهم بالأسطبل ومربطهم ولا خذهم واشتر لهم جحش :)

عزتي لميمتهم بس <_ تلقونه تبتسي آخر الليل وتدعي

لاهنت يافهد على هالموضوع الاكثر من منتاز ..

توسد إحترامي

شام

14-03-2009, 14:14

برافووووووووو عليك يا فتى البيداء
ماشاء الله عليك شاعر من الطراز الأول
وخاصة احب الشعر الذي يحاكي قضايا وظواهر اجتماعية
نأمل المزيد فلا تبخل علينا باحساسك الراقي
تقديري و احترامي

غالب

14-03-2009, 15:30

والله أنا لو بيدي تسان خيرت هالفئه ياإما يصيرون رجالن متسنعين وألا سجنتهم مؤبد
تسيف الواحد تقل زول بنت:232r:
يربي لك الحمد

صح لسانك
وفالك البيرق

واستلم سلامي

أحمد

14-03-2009, 19:52

صح لسانك فتى البيداء

وعلى قولة الشباب نبي ندور اللي يغثك كل يوم عشان تطالعنا بجديدك

فتى هالحين انت صديقي لو تقوللي اي شي

ياربي السلامة اثري الرجال شاعر

تري مكاسي يالفتى

بالمختصر..

14-03-2009, 21:07

للخيل هيبه ولرجاله مقادير .... مايدل دروبها ألا منه على الدرب ساير

صـــح لسانك .. و عـــلا شانك ..

لهم وجـه يتكلمون عن الخيل هالأشكال :biggrin:

.
.

ريتاج

14-03-2009, 21:30

صــــــــــــــــــــــــح لساانك يااخووي...

قصيده ولا اروووع... وفاالك البيرق:)

الله يستر على شبااب المسلميين ويصلحهم ياارب..

لاهنت اخووي عالقصيده الرائعه

شيييييييييع

فتى البيداء

14-03-2009, 23:01

فتى البيداء

14-03-2009, 23:10

صح لسانك

لاهنت يالذيب

الله لا يهينك أخوي ماجد على المرور الكريم ..

فتى البيداء

14-03-2009, 23:44

يا ابن الحلال هذولا ناس ماتربوا
او بالاصح تربوا مع خواتهم

عز الله أنك صادز .. دايم أنا أقول أن حليل حليل فلته ماهو بسيط ..

ياخي اكبر غلط ان تشوف ولدك ولا اخوك يمشي كانه ام اربعطش وتسكت
هذا حلاته تسلمه وايت وتجلسه عند الغنم لمدة شهر
علي الحرام ان تظبط اموره ويمشي صح

ماعقب الوايت أحسافه أكيد أنه يبي يصير أخو أعيال وقرم ..

لاهنت اخوي وصح لسانك

لا ندمت .. ووجهك أبيض .. مرورك طرب يالطربه ..

فتى البيداء

14-03-2009, 23:51

صح لسانك ..

يوم غثوك طلعت هالقصيدة ..

منصور أبقولك سر .. تصدق ماعمره طرا علي شيء ألا

وأقول به قصيدة .. بعضهن ماشي الحال .. وبعضهن مثل

وجهي ..لكن ألي أكتبه قليل ..

ابشر باللي يغثك كل يوم لما يطلع منك معلقة ... :)

الله لا يهينك أخوي منصور .. تكفى ألا المغثه .. الله يقدرن على المعلقه بلا مغثه ..

أخوي منصور مرورك له ثقله .. مع أنكم لك زمن ماكتبت في الفله .. الله لا يهينك ..

فتى البيداء

14-03-2009, 23:56

منصور تبينا نطق طيحني ونوقف قدام فتى البيداء يما ينجلط ههههههههههههههههه

عاد يوسف أختصاصي بالملاهد .. وأنا ولد أبوي وين تبي تصيرون به ؟؟ << مخطط لصمغ الفار

صحححححححححححححححححححح لسانك يافهد على هالكصيدة

صح بدنك أخوي يوسف ..
تسان عازمهم بالأسطبل ومربطهم ولا خذهم واشتر لهم جحش :)

والله مايستاهلون يايوسف .. حتى الجحش يتعذرهم ..

عزتي لميمتهم بس <_ تلقونه تبتسي آخر الليل وتدعي

تدعي تقول ليتهم بنات نزوجهم ونرتاح من شرهم .. لأنهم ماهم برجال مع الرجال ولا حريمن مع الحريم ..

لاهنت يافهد على هالموضوع الاكثر من منتاز ..

الله لا يهينك يايوسف وهذا من بعض ماعندك ..
توسد إحترامي

يوسف الله لا يهينك على هالمرور الكريم ..

فتى البيداء

15-03-2009, 00:03

برافووووووووو عليك يا فتى البيداء
ماشاء الله عليك شاعر من الطراز الأول
وخاصة احب الشعر الذي يحاكي قضايا وظواهر اجتماعية
نأمل المزيد فلا تبخل علينا باحساسك الراقي
تقديري و احترامي

أختي شام عاد مرة وحدة من الطراز الأول ؟ << يفتل شنبه يقول وش هو أمرؤ القيس من ؟؟

عسى الله ينفع به .. وليت أني شاعر لأن الشعر أنحنى منحى أخر وبعيد عن جميع الأغراض الشعرية وانحصر في الغزل واللحب .. وكأننا خلقنا لنحب ونعشق .. فليت الشعراء يوضفوا موهبتهم لما فيه خير ..

أشكر لك هذا التشجيع ورفع المعنويات أختي شام ..

المسافـر

15-03-2009, 00:04

فتى البيداء

15-03-2009, 00:09

والله أنا لو بيدي تسان خيرت هالفئه ياإما يصيرون رجالن متسنعين وألا سجنتهم مؤبد

عوذا .. والله أنك تصلح تصير وكيل عليهم ..

تسيف الواحد تقل زول بنت:232r:
يربي لك الحمد

أي والله .. تقل زول بنت .. ومايعرف من المراجل ألا أسمه ..

صح لسانك
صح بدنك ..
وفالك البيرق
وينهو ؟؟

واستلم سلامي

الله لا يهينك ياسناعيسو .. على المرور الكريم ..ألا بالله وين ابوخلوف ؟؟

فتى البيداء

15-03-2009, 00:21

صح لسانك فتى البيداء

صح بدنك أخوي الجثري ..

وعلى قولة الشباب نبي ندور اللي يغثك كل يوم عشان تطالعنا بجديدك

الله لا يهينك الجثري والله ليت عندي شيء يرتقي لمستواكم ..

فتى هالحين انت صديقي لو تقوللي اي شي

عز الله أن أتشرف بصداقك .. وأنت ألي يقولك شيء نذبحه ..

ياربي السلامة اثري الرجال شاعر

لا أشويعر .. يهرف بما يعرف .. الله لا يهينك أخوي الجثري ..

تري مكاسي يالفتى

أموت ودري وش معنى تري مكاسي ؟؟

الجثري الله يبارك بالشبث ألا جابك يمنا .. مرورك طرب يالطربه ..

فتى البيداء

15-03-2009, 00:26

صـــح لسانك .. و عـــلا شانك ..

صح بدنتس أختي بالمختصر .. والله يرفع مقدارتس ..

لهم وجـه يتكلمون عن الخيل هالأشكال :biggrin:

قال يامن بلي ؟؟ قال يامن صبر .. الخيل مبليه أختي بالمختصر الله يكون بعونه ..

.
.

شكراً على المرور الكريم بالمختصر .. الله لا يهينتس ..

فتى البيداء

15-03-2009, 00:36

صــــــــــــــــــــــــح لساانك يااخووي...

صح بدنتس ..

قصيده ولا اروووع... وفاالك البيرق:)

الله لا يهينتس .. فالتس السعد ..

الله يستر على شبااب المسلميين ويصلحهم ياارب..

اللهم أمين ..

لاهنت اخووي عالقصيده الرائعه

شيييييييييع

أختي ريتاج الله لا يهينتس على المرور البطران .. شيع شيع ..

فتى البيداء

15-03-2009, 00:48

وعلى طاري الطير شريت لي طير .... يصيد لي كل ماكان بالجو طاير

واخترت أسمه كوكو ياأبالمعايير .... أدور الموظات وماكان في هاليوم صاير

واصبغ مخالبه كل يوم بالمناكير .... لجاك من طبوق السماوات ثاير

:)

صح لسانك يافهد

صح بدنك أخوي المسافر .. أشوى أني قلت قبل أن القصيدة ماهي قد المقام

أخوي المسافر مجال الشعر في حضرتك وأمثالك له هيبة ..

العينات هذي انتشرت بهالزمن الواحد مايقول الا الله لا يبلانا

أي والله الله لا يبلانا ..

يعطيك العافية

أخوي المسافر مرورك كرم منك .. فالله لا يهينك ..

غالب

15-03-2009, 15:23

..ألا بالله وين ابوخلوف ؟؟
أذكر مره تسان ماهو يتسذب علي:)
قال لي إنهم يعمرون لهم بيت
وإنهم يبون يسكنون به
وأنا أقول يعني يمكن إنه ماوصلهم التلفوون:232r:
الله أعلم

------------------
يوسف يابعد خشمي إنت
الرجال سألن وأبي أرد عليه
لا تسوي لي به رجوله وتمسح ردي
------------------

واستلم سلامي

المسافـر

15-03-2009, 15:34

صح بدنك أخوي المسافر .. أشوى أني قلت قبل أن القصيدة ماهي قد المقام

أخوي المسافر مجال الشعر في حضرتك وأمثالك له هيبة

هلا والله بفهد

جزاك الله خير على هالكلام اللي ماني قده والشعر له اهله

بس نشخبط بهذا نبي نونس ونستانس بمعنى ...

عبر عن شعورك لو بــ :)

شكرا

مصقال

15-03-2009, 20:39

فتى البيداء

أنت هين شفتهم مرة ورحت

أنا ياخوك كل يوم دابلين تسبدي

المشكلة معي الدوام وأنا مشرف عليهم

وأثنين بعد

εïз خزامى εïз

16-03-2009, 00:26

ههههههههههههههههههههههههههههههههههههه
يآربيييييييه لهالدرجه هم كذآآ؟ لأ لأ صراحه
لايحتمل الوضع ههههههههههههههه
فتى جآني "تتساتس" وشلون انت؟؟
هههههههه
صححح لسآآنكـ
لآآهنت

حمـود

16-03-2009, 10:38

خل شراء الخيل لرجال المناعير .... وألا التغنج لمربيات الظفاير

وقول خيولنا أطبوعها أصبحت غير .... أثاري خيالها جنس أخته بشاير

صح لسانك يا فتى البيداء
كلمات من ذهب

وهذه الاشكال تستحق اكثر من ذلك