المساعد الشخصي الرقمي

مشاهدة النسخة كاملة : رحله سطحيه ....


&^^مهــــا^^&
11-03-2009, 04:49
السلام عليكم


وش اخباركم بعد هالعجاج الله يغفر لنا ويرحمنا برحمته


جايبه لكم سالفه من الفرن توه صايره


امس في الليل قال ابوي بروح للسطح وقال تعالي يابنيتي معي قلت سم ولبيه <<مطيعه ياحبي لي :d:


ورحت معوه يبيني اساعده يابعدي هو


ويوم رحنا فوق واول مافتحنا الباب الا يجينا ذاك الهواء اللي يرد الروح


ويجلس ابوي يصلح اشغاله


واقوم ارش مع ابوي المويه على الجدار ويوم خلصت مساعده لابوي <<يبني غرفه<<لاصحاب الشفايه:thumb:


قلت يابنت قومي سوي لتس مغامره في هالغابه


وبدأت رحلة الاستكشاف


وقبل مانبدأ استكشاف بيني وبينكم طار عقلي وطرت كلي <<امسكون لا اطير صدز:)


وجتن سكره من شفت الهواء البارد


ورحنا انا واختي وبدينا نستكشف لقينا احجار كريمه على الارض <<الله من الصدز:)


ولقينا برميل ونقوم نجمع بلك ويالله نشيلهن وحطيناهن فوق بعض


ورقينا على البرميل وااااااااي ياسلام وناسه <<تحقق حلمي :315r:


واشوف الشارع


وبعد شفت العالم من سطحنا <<تسذوب :)


ولقينا رمل واجيكم واحط رجليني (الله يكرمكم) داخله والرمل باااااااارد يازينوه


ونجلس نلعب بوووه وارسم قلوب وحركات <<تبي تعلمكم انه سوت شي :puzzled:


ورحت اكمل ولقيت سلم يودي للخزان واجي ارقى عليه وهناك جانا الهواء اللي يفضخ ضبنات العقل بغيت اطير:d:


واجيكم وافك الشوشه واجلس الفح به يمين يسار لعل وعسى تصير حرير:)


وتركت شوشتي تتنفس له شوي مثل الاعلانات n)


ويوم شبعت شوشتي من التنفس وحست ان الرئتين تبعاته يبن ينفجرن


قالت شوشتي لرموشي يالله قومن جاء دوركن


مادريت انهم طاقينها سوالف ولاخلوني اسولف معهم :za3lan:


واشوف الا رميشاتي يرقصن وطلع اتفاق بينهم وانا ما ادري :a::a::a:


بس هين اوريهم ان اخذتهم معي للسطح مره ثانيه :148r:


وجلست افكر واحلم بنفس الوقت اني اميره وجايه احضر مباراه ختاميه <<احلام بنفسجيه:thumb:


يوم خلصت المباراه واقوم والووووووح بيدي الكريمه


واقولهم لاداعي لاداعي حلفت انكم ماتقومون:315r:


ويجلسون يصوروني وكلن يبي يصور معي << لاتفوتكم هاللحظه :)


وبينما انا بين هاللحظات اللي مايتفوتن ابد :d:


ويمكن مايرجعن الا بعد سنين الله يعطينا طولت العمر


ماحسيت الا بالبلكه على راسي وبدال ما انزل وانا اميره والجماهير تصفق لي :148r:


نزلت وانا منفضخ راسي والدم يسيل من ورائي :za3lan:


ورجليني يوجعني من الرمل




مايستفاد من الرحله


1- لاجيتوا تحلمون احلموا على قدكم


2- لاجيتي تفكين شوشتس انتبهي لايكون فيه اتفاق بينه وبين رموشتس والا لاتاخذينهم معتس :a:


3- اللي تبي شعره يصير حرير مثل الفلبينيات تسوي لوه استشوار سطحاوي :)


4- لا احد يحط رجلينوه داخل الرمل لاصار بارد والا بيجيه ماغص يمغص راسه:315r:


5- اللي يبي يشوف العالم من سطحنا لان مابوه الا هو يجي يدفع ثمن التذاكر والتذاكر محدوده لايفوتكم العرض:thumb:


والعرض ساري حتى نفاذ الكميه


وآآآآآسفه على الاطاله


تقبلوا احترامي,,
يـــوسف
11-03-2009, 05:39
قالت شوشتي لرموشي يالله قومن جاء دوركن


مادريت انهم طاقينها سوالف ولاخلوني اسولف معهم :za3lan:


واشوف الا رميشاتي يرقصن وطلع اتفاق بينهم وانا ما ادري :a::a::a:


بس هين اوريهم ان اخذتهم معي للسطح مره ثانيه :148r:


مها عليتس خيال شي هههههههههههههههههههههههههههههههههههههههه هههه

أجل تبي تخلينهن بالبيت وتروحين بدونهن ههههههههههههههه بسم الله الرحمن الرحيم :)





1- لاجيتوا تحلمون احلموا على قدكم
والله انك صدقتي كنت أحلم أني اصير دختور وغدآن وآخرته بغيت اصير بياع خضره بس الله رحمن شوي :)

2- لاجيتي تفكين شوشتس انتبهي لايكون فيه اتفاق بينه وبين رموشتس والا لاتاخذينهم معتس :a:
هذي ملاحظه حلوه يبيله قعده ومخمخه هههههههههههههههه

3- اللي تبي شعره يصير حرير مثل الفلبينيات تسوي لوه استشوار سطحاوي :)
تسمعين ياآم الهكي أنتي و ياريتاج :)

4- لا احد يحط رجلينوه داخل الرمل لاصار بارد والا بيجيه ماغص يمغص راسه:315r:
وأزيد على نصيحة مها تروه يحفر المخ يعني العرق اللي بعقب رجلك يبي يدخن بمخك فـ يآعزيزي أفطن لروحك :)

5- اللي يبي يشوف العالم من سطحنا لان مابوه الا هو يجي يدفع ثمن التذاكر والتذاكر محدوده لايفوتكم العرض:thumb:
اممممممممممممش ياعليشة :)



مها موضوع أقل ماأقدر أقول عنه منتاااااااااااااااااز





توسدي إحترامي
ماجد
11-03-2009, 05:49
والله وطلعتي مخمخيه يعني تتخيلين اشياء غريبه عجيبه
انا ادري انكن يالبنات عليكن خيال يخرع
لكن رموش وشعر يسون اتفاقيه هذا شي جديد وغريب << قام يراعي لاصابعوه تقل يحشن بوه

مها موضوعك مميز
الله يسعدك
روح حايل
11-03-2009, 06:20
<<< مادة يده بعشرة أريل حق التذكره :) وبيده الثانيه عبدول تبي يدخل مجانا :)








ياروحي يالخيال المعجعج :)




اميرة السطح شكرا لنقل المشاعير اللي شعرتي به :)
ابو ضاري
11-03-2009, 10:13
خيال منسم تنسيم من المخيخ

تصدقين يوم كنت احلم كنتا احلم اصير طيار واخرته سواق تاكسي خخخخخخخخخخخخخ

هذا الحلم

مها منتازه السولافه
الشبث
11-03-2009, 10:15
ما شاء الله طلعن الرموووش تركيب بعد هاااااااااااااااااه

خخخخخخخخخخخخخخخخخخخخخخخخخخ

>>خطير بالاكتشافات خخخخخخخخخخخخ


بالله ممكن تحجزين لي تذكره ابي اطلق سراح شوشتي خخخخخخخ





لاهنتي مهاوي على هالسالفه





وتقلدي تحيتي
عبدالله الجعيثن
11-03-2009, 10:25
^
^
انت شوشتك اسيام ماينفع به حتى بروووش المزارعين




مها ... انا ماذابح شفايتي الا!!!





ابوتس وش يبي بالغرفه يبنيها
&^^مهــــا^^&
11-03-2009, 10:42
مها عليتس خيال شي هههههههههههههههههههههههههههههههههههههههه هههه


أجل تبي تخلينهن بالبيت وتروحين بدونهن ههههههههههههههه بسم الله الرحمن الرحيم :)


لا بس اسوي لهم تهديد علشان يتوبون ويسمحون لي اسولف معهم:)




مها موضوع أقل ماأقدر أقول عنه منتاااااااااااااااااز

يعافيك ويسلمك ربي





توسدي إحترامي



هلا وغلا

وأزيد على نصيحة مها تروه يحفر المخ يعني العرق اللي بعقب رجلك يبي يدخن بمخك فـ يآعزيزي أفطن لروحك

بسم الله معلومه جديده:)

ويسعدك ربي على مرورك
&^^مهــــا^^&
11-03-2009, 10:47
والله وطلعتي مخمخيه يعني تتخيلين اشياء غريبه عجيبه
انا ادري انكن يالبنات عليكن خيال يخرع
لكن رموش وشعر يسون اتفاقيه هذا شي جديد وغريب << قام يراعي لاصابعوه تقل يحشن بوه

مها موضوعك مميز
الله يسعدك


هلا وغلا

اايه شفت هههههههههههههههههههههههههههههه

علشان اللي يسوي حركات من هنا والا هناك نشيب بوه :)

<<حركات:d:

ويسعدك ربي على مرورك
&^^مهــــا^^&
11-03-2009, 10:55
<<< مادة يده بعشرة أريل حق التذكره :) وبيده الثانيه عبدول تبي يدخل مجانا :)








ياروحي يالخيال المعجعج :)




اميرة السطح شكرا لنقل المشاعير اللي شعرتي به :)











هلا وغلا

الله يحييتس اللي معه وغدان تدخل مجانا <<استانسي من قدتس ياروح:)

اميرة السطح :d:

على الاقل حسستين بما احسه في ابو ام احساسي <<افهميه عاد:)

العفووووووووووووووو واسرعي قبل امنع اصطحاب الوغدان:solh:

ويسعدتس ربي على مرورتس
&^^مهــــا^^&
11-03-2009, 11:00
خيال منسم تنسيم من المخيخ

تصدقين يوم كنت احلم كنتا احلم اصير طيار واخرته سواق تاكسي خخخخخخخخخخخخخ

هذا الحلم

مها منتازه السولافه


هلا وغلا

امس مخي منسم بعد العجاج :)

من طيار لسواق تاكسي بس حلمك حلو تدري ليش لان كلهم فيهم قياده بس وحده في السماء والثاني في الارض <<ابووووك يالتحليل:)

مشكووووووووور

ويسعدك ربي على مرورك
&^^مهــــا^^&
11-03-2009, 11:06
ما شاء الله طلعن الرموووش تركيب بعد هاااااااااااااااااه

خخخخخخخخخخخخخخخخخخخخخخخخخخ

>>خطير بالاكتشافات خخخخخخخخخخخخ

الله يهديك اسكت لاتفضحنا كلن يحسدن على رموشي بطولهن ونعومتهن:)

مادروا انهن تركيب:d:

بالله ممكن تحجزين لي تذكره ابي اطلق سراح شوشتي خخخخخخخ

هههههههههههههههههههههههههههههههههههههههه هه

بما انك مشرف للفله بعد الدخول مجانا <<ماخليت احد:)



لاهنتي مهاوي على هالسالفه





وتقلدي تحيتي


هلا وغلا

ويسعدك ربي على مرورك
&^^مهــــا^^&
11-03-2009, 11:12
^
^
انت شوشتك اسيام ماينفع به حتى بروووش المزارعين




مها ... انا ماذابح شفايتي الا!!!





ابوتس وش يبي بالغرفه يبنيها


هلا وغلا

الشفايه تسري بعروقك:)

امممممممم

هذي الغرفه علشان الجماهير اللي يبي يجون يشوفون العالم من سطحنا:d:

ويسعدك ربي على مرورك
الشبث
11-03-2009, 14:01
ابو غازي


ادري تتقلب من القهر لان صلعتك تقل طاسه على راسك






مها






بالله اذا جاء لا تدخلينه فتشي عليه ترى يلبس باروكه خخخخخخخخخخخخ





وتقلدوا تحيتي
&^^مهــــا^^&
11-03-2009, 14:47
حاضر حضرت وكيل رقيب متقاعد :)

وبعد باروكه ؟؟:puzzled:

شكله سارق باروكة روووووح ياويلك منه لو تدري عنك:d:
شام
11-03-2009, 15:11
تسلمين يا مها
و حقق الله احلامك جميعها
وبارك و حفظك غاليتي
موضوع حلووووو بعد العجاج ..
كان الله بعونكم ...
حمـود
11-03-2009, 15:49
ان شاء الله

مها ابداع بالفله جميل

دمتي بخير
السنعوووسيه
11-03-2009, 22:03
ههههههههههههههههههههههههههه


يامجرمه ليش تلوفحين لحالتس ليه معلمتينن


والله انتس خطيره وخيالتس واسع بالمره


لذالك الف شكر يامبدعه


عاطر ودي
أحمد
11-03-2009, 22:20
مها


هههههههههههههههههههههههههههههههه



ليه تبو تبنون غرفة اخوتس يبي يتزوج ===> شفااااااااااااااااي



اما انا عن نفسي يقول الشبث او مايقول انا حلمي تطلعلي كريشة واصير دبا ويالله اقوم من المركى واذا قمت اسحب ثوبي من ورا عشان الحويجات ايه تخبرون



موضوع مبدع من عضو مبدع لاجديد


تري مكاسي
εïз خزامى εïз
11-03-2009, 23:20
هههههههههههههههههههههههههههه
الحمد لله على سلامتكـ ياقلبي انتي
بغيتي تروحين وووووطي
تكفين طلبتكـ
قولي تم...:)
لآ عآد توسوسين يرحم حبايبكـ...
ههههههههههههههههههههههههه
اومآ الشوشه .... ههههههه
ذكرتيني بدعاية .....> دعي شعركـِ يتنفسسسسس << اكرههآآآآ تخووووف :frown:
سآلوفه حلووووهـ
ميرسي
&^^مهــــا^^&
12-03-2009, 01:25
تسلمين يا مها
و حقق الله احلامك جميعها
وبارك و حفظك غاليتي
موضوع حلووووو بعد العجاج ..
كان الله بعونكم ...


هلا وغلا

الله يسلم قلبك شام

اللهم آآآمين وياك

الاحلى تواجدك يالغلا

ويسعدك ربي على مرورك
&^^مهــــا^^&
12-03-2009, 01:27
ان شاء الله

مها ابداع بالفله جميل

دمتي بخير

هلا وغلا

الابداع تواجد يالناصر

ويسعدك ربي على مرورك
&^^مهــــا^^&
12-03-2009, 01:32
ههههههههههههههههههههههههههه


يامجرمه ليش تلوفحين لحالتس ليه معلمتينن


والله انتس خطيره وخيالتس واسع بالمره


لذالك الف شكر يامبدعه


عاطر ودي


هلا وغلا

يالله تعالي العرض سااااري

خلينا نجلس نلفح بشوشنا ونحلم احلام بنيه :)

العفوووووووووووووو

الابداع اخذناه منتس ياام شوشه <<خربته:)

ويسعدتس ربي على مرورتس
ريتاج
12-03-2009, 01:34
هههههههههههههههههههههههههههههههههههههههه هههههههه
هههههههههههههههههههههههههههههههههههههههه هههههههههههههه

هههههههههههههههههههههههههههههههههههههههه ههههههههههههههههه


مهوووش يالمفهييه قسم بالله قممه الونااسه لما دعيتينن ارش معااكم هههههههههه


ذكرتينن لا جلست بالصطح احتسي مع النجمه والقمر :) انتي زيي هههههههه


والله شييين والخيااالاااات رووعه صراااحه ...



صراااحه موضوووووع فلااااااااوي مليوونيين بالميييه...




مهوووش يالمنسمه انتي كذا :)





شع شع
شييييـييييييع
&^^مهــــا^^&
12-03-2009, 02:04
مها


هههههههههههههههههههههههههههههههه



ليه تبو تبنون غرفة اخوتس يبي يتزوج ===> شفااااااااااااااااي



اما انا عن نفسي يقول الشبث او مايقول انا حلمي تطلعلي كريشة واصير دبا ويالله اقوم من المركى واذا قمت اسحب ثوبي من ورا عشان الحويجات ايه تخبرون



موضوع مبدع من عضو مبدع لاجديد


تري مكاسي



هلا وغلا

لااااااااااا علشان نستقبلكم في الغرفه:) <<جماهيرنا:thumb:

ان شاءالله تطلع لك كروش مو كرشه وحده:)

وعاد لله يعينك وشلون تبي تنحف نفسك :puzzled:

الابدااااع تواجدك اخوي

ويسعدك ربي على مرورك

تري مكاسي كثار:d:
&^^مهــــا^^&
12-03-2009, 02:07
هههههههههههههههههههههههههههه
الحمد لله على سلامتكـ ياقلبي انتي
بغيتي تروحين وووووطي
تكفين طلبتكـ
قولي تم...:)
لآ عآد توسوسين يرحم حبايبكـ...
ههههههههههههههههههههههههه
اومآ الشوشه .... ههههههه
ذكرتيني بدعاية .....> دعي شعركـِ يتنفسسسسس << اكرههآآآآ تخووووف :frown:
سآلوفه حلووووهـ
ميرسي





هلا وغلا

الله يسلم قلبك من الشر يابعدهم انتي

يابنت الحلال خلين اوسوس واوسع صدري وش وراي فاضيه :)

الاحلى تواجدك خزومي

وثانكس على مرورك
&^^مهــــا^^&
12-03-2009, 02:15
هههههههههههههههههههههههههههههههههههههههه هههههههه
هههههههههههههههههههههههههههههههههههههههه هههههههههههههه

هههههههههههههههههههههههههههههههههههههههه ههههههههههههههههه


مهوووش يالمفهييه قسم بالله قممه الونااسه لما دعيتينن ارش معااكم هههههههههه


ذكرتينن لا جلست بالصطح احتسي مع النجمه والقمر :) انتي زيي هههههههه


والله شييين والخيااالاااات رووعه صراااحه ...



صراااحه موضوووووع فلااااااااوي مليوونيين بالميييه...




مهوووش يالمنسمه انتي كذا :)





شع شع
شييييـييييييع


هلا وغلا

هههههههههههههههههههههههههههههههههههههههه ههههههههههههه

وراتس تأخرتي علينا بغينا نروح عنتس :a:

شفتي عاد صرنا سيم سيم بعض :)

الاروووووووووووع تواجدتس ياقلبي

يابعدي انتي ما اقول الا كش عليتس :) <<صديقتي وبكش عليتس عندتس مانع:solh:

وربي يسعدتس على مرورتس
حيل حليل
12-03-2009, 22:13
يوم تفكين شعرتس وتقومين تلفحين
اول ماطرى علي زيت املا
احمدي ربتس ان ابوتس ماشافتس
ولا كان وداتس لشيخ يقرى عليتس

يوم طاحة البلكه على راستس
مادارن عصافير فوق راستس مثل افلام الكرتون


مبدعه اخت مها
لاهنتي
&^^مهــــا^^&
13-03-2009, 13:06
يوم تفكين شعرتس وتقومين تلفحين
اول ماطرى علي زيت املا
احمدي ربتس ان ابوتس ماشافتس
ولا كان وداتس لشيخ يقرى عليتس

يوم طاحة البلكه على راستس
مادارن عصافير فوق راستس مثل افلام الكرتون


مبدعه اخت مها
لاهنتي


هلا وغلا

ههههههههههههههههههههههههههه

لا انا مبعده عنوه خفت يقول بنيتي انهبلت :)

افلام كرتون يكذبون علينا بالعصافير انا دارن فوق راسي نمل :a:

الابداااع مرورك اخوي حيل حليل
عجايب بنت الشايب
13-03-2009, 13:59
واقوم ارش مع ابوي المويه على الجدار ويوم خلصت مساعده لابوي <<يبني غرفه<<لاصحاب الشفايه



الله يجزاك خير


انك راعيتي الفروق الفرديه :)
بالمختصر..
13-03-2009, 16:49
ورقينا على البرميل وااااااااي ياسلام وناسه <<تحقق حلمي :315r:


واشوف الشارع




وه من قدتس :)

حلووووه الرحله بس الرمل وش جابوه للسطح ؟

<< يبنون غرفه ياذكيه

>> اها :)




.
.
&^^مهــــا^^&
13-03-2009, 20:01
الله يجزاك خير


انك راعيتي الفروق الفرديه :)







هلا وغلا

عجايب هاهنا ياهلا ياهلا :)

وياتس يالغلا

ويسعدتس ربي على مرورتس
&^^مهــــا^^&
13-03-2009, 20:06
وه من قدتس :)


حلووووه الرحله بس الرمل وش جابوه للسطح ؟


<< يبنون غرفه ياذكيه


>> اها :)





.

.




هلا وغلا

الله يحييتس تعالي معنا :)

نبي غرفه وبعد نبي نحط بحر بسطحنا ونخلي الرمل على الجوانب علشان يصير شاطئ <<فاهمه غلط:d:

ويسعدتس ربي على مرورتس
غالب
13-03-2009, 22:47
وبعد شفت العالم من سطحنا <<تسذوب :)

ياااو ياتسذب البنت أححح ياتسذبه
يختي واللي ماعنده شوشه ويبي يسوي لصلعته استشوار وش يسوي:)<<على واحد الله يجيرتس:):)<<


واستلمي سلامي
&^^مهــــا^^&
14-03-2009, 00:27
ياااو ياتسذب البنت أححح ياتسذبه
يختي واللي ماعنده شوشه ويبي يسوي لصلعته استشوار وش يسوي:)<<على واحد الله يجيرتس:):)<<


واستلمي سلامي


هلا وغلا

يجلس فوق السطح في منتصف الليل بعز القايله الساعه 4 العصر <<مضيعه التوقيت :)

يخلي صلعته تبرد من هوى ربي :315r:

يالله براااااد الجنه <<ماسكتن عصاه :d:

ويسلمك ربي على مرورك
&^^مهــــا^^&
14-03-2009, 01:18
هلا وغلا ريم شمر

ويسعدك ربي على احلى شكر

والله لايحرمني من مرورك
بنت الجبل آخت القصيد
16-03-2009, 04:42
الحمد لله على سلامتس مهوووش
شكلتس تقولين توبه ماعقب هـ النوبه :)

.
.
لاتعودينه نبيتس يابنتـــ :(
&^^مهــــا^^&
16-03-2009, 08:57
الحمد لله على سلامتس مهوووش
شكلتس تقولين توبه ماعقب هـ النوبه :)

.
.
لاتعودينه نبيتس يابنتـــ :(


هلا والله

الله يسلم قلبتس عطروشتي

توووووووووبه ما اعوده ابد:)

ياحظي تبيني
&^^مهــــا^^&
16-03-2009, 08:58
الحمد لله على سلامتس مهوووش
شكلتس تقولين توبه ماعقب هـ النوبه :)

.
.
لاتعودينه نبيتس يابنتـــ :(



هلا والله

الله يسلم قلبتس عطروشتي

توووووووووبه ما اعوده ابد:)

ياحظي تبيني :315r:

وش تبين تعطيني :thumb:

انتظرتس :d:

ويسلمك ربي على مرورك