أحمد
10-03-2009, 11:37
مرحبا باهل الفلة ياعل ربي يفللكم بالرضى والعافية
هالقصة واقعية وهي اهداء الى متكي بعد التوقيع اللي يحرضني فيه على النحشة معوه برا الحدود
وكله تحاشياً للأضرار المتوقعة من مقابلة الشبث هاليومين خخخخخخخخ
وهذي هي احداث القصة
قبل مايقارب عشر سنوات كنا نلعب كوره في احد حواري الرياض وكان الشبث مع الفريق المنافس لنا ....
الكوره كانت معي وداعس على الخط والشبث وراي بمسافة بعيدة جداً وفية حيوانات يتفرجون على المباراة ويعرفون وشلون يشيشون الشبث
فاصل نسيت اقولكم ان الشبث هوايتوه الاولى والهواية الام هي ( العنف ) بكل انواعوه
الاكيد ان اللي برا الملعب الله لايحلهم قامو يصيحون على الشبث افااا يابو ماجد لايتعدا الجثري ياحيف ياخو سعداا حمييييييييييييييييييييييييير حمييييييييييييييييييييييير
يالربع والله المسافة بيننا ماهي هينه وثواني عقب النخوه ياهو وراي اسمع نحيطوه
عرفتبه انا ان الاعاقة حاصلة حاصلة الله لايعوق بشر وانا اخلي الكوره وانسفة يمين برا الملعب
وهو يخلي الكوره بعد وينطلق وراي واخذلي شوين يمار مهي سالفة الرجل يبي حلقي
وانا اشقلي ملعب بوه ناس يلعبون جنبنا والشبث وراي لوه غبره بعد رجلين
الحكم حق الملعب اللي دخلناوه وقف اللعب يمار يقول عسى ماشر ياشباب قلت الله ابو هالافم الا الشر والشرير
وحنا نعدي من عند واحد اصلع يبي يلعب الركني يمار يقول ابك ابك ابك يارياجيل بيذبحه امسكوه وانا بيني وبين نفسي اقول ماوالله تفرجة انت وصلعتك ابك ابك هاه والله من طرق السوالف عندك يالمهايطي ليه ماتمسكوه يالتسلب ....
يالربع ادري ان بعضكم يبي يقول ليه مايدخل الجثري بوجه لوه رجال كبير وتقضي هالسالفة
اقولوه انا والله لو ادخل مهو بوجهوه لو ادخل مادري وين خخخخ===> يوسف لايروح تفكيرك بعيد
يالربع بعضكم مايعرف الشبث مثلي مثل هالحزات الاوادم ماينفعون معوه والحل الوحيد تسان الله كاتبلي سلامة
هي اني اقطع السيدين اللي قدامي غدي الله يجيب راعي تريلة مسرع وملتفت وراوه غدينن ازرق من قداموه ويصدم هالمصيبة اللي يلحقن بدون سبب
يوم قربت للسيدين وهو ياقف الشبث ويصوت ارجع ارجع خلاص
مايبينن انصدم بس ماهو ذالن علي لا بذمتي ادري انوه يبي نهايتي على يدوه مايبيه بسياره
الوكاد اني عقب هالسالفة بكم يوم شغلت مخي وياعله ماعادت من تشغيله قلت لازم اتقاضى منوه
وحساباتي كانت على النحو التالي يوم الاثنين اسوي سواتي والثلوث مستلم 24 ساعة يعني مايشوفن والاربعاء اذا طلعت من الدوام ابودي امي لحايل ومعي اجازه خمس ايام يعني ماارجع الا السبت دور اللي يبي يجي
والسوات هي اني اواعد واحد من اخوياي مايعرفوه الشبث عشان مااجني عليه ونغطي اللوحة ونغبر السياره وهالرجال ينتضرن عند طرف الملعب واقوم انا اتغافل الشبث واشوتوه وهو مقفي
وسويت هالحركة الشبث يركض وانا اجية تقل طير واشوتوه من ورا وهو يتكوم على الارض وله غبره والذهول يسيطر على الحضور منهو اللي يقدر يسوي هالسواة الا واحد مجنون او بايعة
ومايمدية يقوم من مكانوه الا وانا واصلن خويي ومنحاشين
وبعد عشر ايام جيت للمخيم كالعاده نتقهوى ونلبس وننزل الملعب
شوين يوم خفق الشبث من قدامي وراح للعارضة ورجع مادري وش بلاوه
وهو يسلم علي يمار تقل ناسي قلت حلواه ليتوه ينسى ماني حتى معتذر عشان يسجلي بالتاريخ تعدي على الشبث بدون اعتذار وادخل التاريخ من اوسع ابوابوه
الوكا لعبنا وقبل المغرب انتهت المباراة وانا ساج عند الحنفية اتوضى يوم هكالشين مسك اذني ياهاذا الشبث وانا اتقعطل والله زامت علي تسبدي وابغضت هالدنيا اللي حنا عايشين به
وهو يقودن يم العارضة اللي راح يمة مشوين اثرية حاطن لوه حبل وانا ياغافل لك الله وهو يربطن على العارضة طبعاً بعد توسل وطلبات من الشباب ربطن على العارضة اللي على جنب ولا النية يبي يربطن فوق يالربع
وهو يقوم يشوت علي وكوره براسي ويبنط راسي بالعارضة ووحدة ببطني والوضو راح فيها ووحده وشيشه من عند اذني
الله لايعيده من ذكريات
عاد بوه ناس من اخوياي بالملاعب اللي حولنا يشوفونن مربوط ويقمز الواحد منهم من سيارتوه يقول افاا الجثري وش بلاوه يوم يقرب يمار اللي عندي الشبث يقوم يحرفة على طول يم المخيم ويسلم على اخويانا ويواعدهم لمباراة بكرا ويمشي الله ابو هلاشكال يالطقعان
عاد انا اقولوه طيب ياخي حرام عليك وش الضرر اللي جاك من ضربتي ويخليك تسويبي هالسوايا ياللي ماتخاف الله
يقوم يلاهدن ويورينن جرح باصبعوه مثل جرح الرجال اللي يقول دكتوره لحقي على وووه ياصبر الارض بس
هذا والسلام عليكم ورحمة الله وبركاتوه
هالقصة واقعية وهي اهداء الى متكي بعد التوقيع اللي يحرضني فيه على النحشة معوه برا الحدود
وكله تحاشياً للأضرار المتوقعة من مقابلة الشبث هاليومين خخخخخخخخ
وهذي هي احداث القصة
قبل مايقارب عشر سنوات كنا نلعب كوره في احد حواري الرياض وكان الشبث مع الفريق المنافس لنا ....
الكوره كانت معي وداعس على الخط والشبث وراي بمسافة بعيدة جداً وفية حيوانات يتفرجون على المباراة ويعرفون وشلون يشيشون الشبث
فاصل نسيت اقولكم ان الشبث هوايتوه الاولى والهواية الام هي ( العنف ) بكل انواعوه
الاكيد ان اللي برا الملعب الله لايحلهم قامو يصيحون على الشبث افااا يابو ماجد لايتعدا الجثري ياحيف ياخو سعداا حمييييييييييييييييييييييييير حمييييييييييييييييييييييير
يالربع والله المسافة بيننا ماهي هينه وثواني عقب النخوه ياهو وراي اسمع نحيطوه
عرفتبه انا ان الاعاقة حاصلة حاصلة الله لايعوق بشر وانا اخلي الكوره وانسفة يمين برا الملعب
وهو يخلي الكوره بعد وينطلق وراي واخذلي شوين يمار مهي سالفة الرجل يبي حلقي
وانا اشقلي ملعب بوه ناس يلعبون جنبنا والشبث وراي لوه غبره بعد رجلين
الحكم حق الملعب اللي دخلناوه وقف اللعب يمار يقول عسى ماشر ياشباب قلت الله ابو هالافم الا الشر والشرير
وحنا نعدي من عند واحد اصلع يبي يلعب الركني يمار يقول ابك ابك ابك يارياجيل بيذبحه امسكوه وانا بيني وبين نفسي اقول ماوالله تفرجة انت وصلعتك ابك ابك هاه والله من طرق السوالف عندك يالمهايطي ليه ماتمسكوه يالتسلب ....
يالربع ادري ان بعضكم يبي يقول ليه مايدخل الجثري بوجه لوه رجال كبير وتقضي هالسالفة
اقولوه انا والله لو ادخل مهو بوجهوه لو ادخل مادري وين خخخخ===> يوسف لايروح تفكيرك بعيد
يالربع بعضكم مايعرف الشبث مثلي مثل هالحزات الاوادم ماينفعون معوه والحل الوحيد تسان الله كاتبلي سلامة
هي اني اقطع السيدين اللي قدامي غدي الله يجيب راعي تريلة مسرع وملتفت وراوه غدينن ازرق من قداموه ويصدم هالمصيبة اللي يلحقن بدون سبب
يوم قربت للسيدين وهو ياقف الشبث ويصوت ارجع ارجع خلاص
مايبينن انصدم بس ماهو ذالن علي لا بذمتي ادري انوه يبي نهايتي على يدوه مايبيه بسياره
الوكاد اني عقب هالسالفة بكم يوم شغلت مخي وياعله ماعادت من تشغيله قلت لازم اتقاضى منوه
وحساباتي كانت على النحو التالي يوم الاثنين اسوي سواتي والثلوث مستلم 24 ساعة يعني مايشوفن والاربعاء اذا طلعت من الدوام ابودي امي لحايل ومعي اجازه خمس ايام يعني ماارجع الا السبت دور اللي يبي يجي
والسوات هي اني اواعد واحد من اخوياي مايعرفوه الشبث عشان مااجني عليه ونغطي اللوحة ونغبر السياره وهالرجال ينتضرن عند طرف الملعب واقوم انا اتغافل الشبث واشوتوه وهو مقفي
وسويت هالحركة الشبث يركض وانا اجية تقل طير واشوتوه من ورا وهو يتكوم على الارض وله غبره والذهول يسيطر على الحضور منهو اللي يقدر يسوي هالسواة الا واحد مجنون او بايعة
ومايمدية يقوم من مكانوه الا وانا واصلن خويي ومنحاشين
وبعد عشر ايام جيت للمخيم كالعاده نتقهوى ونلبس وننزل الملعب
شوين يوم خفق الشبث من قدامي وراح للعارضة ورجع مادري وش بلاوه
وهو يسلم علي يمار تقل ناسي قلت حلواه ليتوه ينسى ماني حتى معتذر عشان يسجلي بالتاريخ تعدي على الشبث بدون اعتذار وادخل التاريخ من اوسع ابوابوه
الوكا لعبنا وقبل المغرب انتهت المباراة وانا ساج عند الحنفية اتوضى يوم هكالشين مسك اذني ياهاذا الشبث وانا اتقعطل والله زامت علي تسبدي وابغضت هالدنيا اللي حنا عايشين به
وهو يقودن يم العارضة اللي راح يمة مشوين اثرية حاطن لوه حبل وانا ياغافل لك الله وهو يربطن على العارضة طبعاً بعد توسل وطلبات من الشباب ربطن على العارضة اللي على جنب ولا النية يبي يربطن فوق يالربع
وهو يقوم يشوت علي وكوره براسي ويبنط راسي بالعارضة ووحدة ببطني والوضو راح فيها ووحده وشيشه من عند اذني
الله لايعيده من ذكريات
عاد بوه ناس من اخوياي بالملاعب اللي حولنا يشوفونن مربوط ويقمز الواحد منهم من سيارتوه يقول افاا الجثري وش بلاوه يوم يقرب يمار اللي عندي الشبث يقوم يحرفة على طول يم المخيم ويسلم على اخويانا ويواعدهم لمباراة بكرا ويمشي الله ابو هلاشكال يالطقعان
عاد انا اقولوه طيب ياخي حرام عليك وش الضرر اللي جاك من ضربتي ويخليك تسويبي هالسوايا ياللي ماتخاف الله
يقوم يلاهدن ويورينن جرح باصبعوه مثل جرح الرجال اللي يقول دكتوره لحقي على وووه ياصبر الارض بس
هذا والسلام عليكم ورحمة الله وبركاتوه