شوي بالله ..!!

[مشــــعل]

الله حيهم ..!!

عندي مشكله ماهي عويصه .. لكن تدبل التسبد

فرمت الملوي الجهاز - ياعله ماعاده-

واصبحت الدنيا كله يسار من عقب ماهي يمين

يعني الخلف والتحديث وملف وتحرير وكل الشعب من يسار ..

هل فيه طريقه ارجعه زي قبل


لانه غثتن صراحه .. عجزت ارد بس ارعي لهن :)

[مرافئ الحنين]

وكل الشعب من يسار ..


:d: حلوه كلهم راحويسار اجل

بصراحه مالقيت لك حل

ان شاء الله احد يجي يساعدك (=

[شام]

سؤال أخي الكريم
هل قمت بتعريب نظام التشغيل
فدائماً هذه المشكلة وحسب معلوماتي تظهر لدى تعريب الويندوز
لذلك يفضل الابقاء على اللغة الانكليزية.
و لنرى مالدى المختصين من حلول لهذه المشكلة

[بالمختصر..]

أكيد راحوا يسار لأنه إنجليزي ..

بس إنت ماوضحت كلامك .. أتوقع تقصد المتصفح ( الإكسبلورر ) !!

بـ إنتظار توضيحك ..




.
.

[ملامح شمري]

مشعل الله واعلم ان تعريبك له موب مكتمل ..

صوري لي الشاشة و ضعها هنا.

[مشــــعل]

ملامح + مرافيء+ شام+ بالمختصر


الله يعافيكم على هالمرور


تفضلو الصوره عشان تتضح الصوره :)

هالدنيا كله ناهجتن يسار







http://up2.m5zn.com/photo/2009/3/4/06/j44h1txmp.bmp/bmp

[شام]

نفس المشكلة عندي
عندما قمت بتعريب نظام التشغيل اخي مشعل
لذلك على جهاز آخر اعتمدت الويندوز باللغة الانكليزية و الاوفيس .
لأني لم اجد حلول لهذه المشكلة
و بانتظار اخونا ملامح أكيد عنده حل معقول
لكما احترامي

[مشــــعل]

8
احد الاخوان يقول مركب لك متصفحك قديم

مادري عنده سالفه او لا ..!!

شكرا ياشام

والكره في ملعب ملامح :)

[العَـــروب]

اول مرة اشوف عربي عـ اليسار :232r:

[ليلى بنت عبدالعزيز]

8
8
8
مثلها
اعتبره نوع من التغيير :)

[عبدالله المهيني]

مشعل


يمكن نزلوا لك متصفح النسخة السابعه

وأنت يمكن كنت تستخدم نسخة قديمة



شف

أدخل على تعليمات وبعدين حول انترنت اكسبلور

وشف كم رقم النسخة




اذا على كذا النسخة هذه أفضل من السابقة بمراحل



:)

[ملامح شمري]

مشعل جرب و ادخل على لوحة التحكم , بعدها خيارات اقليمية , و من اعدادات اللغة و خانة متقدم ..

خل كل الاختيارات عربي او اختر السعودية و اعد تشغيل الجهاز .

ما حصلت اتجاه الايقونات منضبط بعد ماتعيد تشغيله , وكنت جايبه من المحل وهو كذا بعد الفورمات ..

أعتقد انه موب معربينه لك صح أو استخدموا قرص تعريب خطأ او عطبان , الاكس بي بروفشنال له سي دي
تعريب مختلف عن نسخة الاكس بي هوم او المنزلي . وفيه غيرها بس أغلب الظن
واللي يحضرني هالحين , انهم ما سووا شغلهم صح .


ارجع فيه لهم و خله يعدله لك و لا تدفع ولا ريال زيادة .

[ريال الفسحه]

تبيع الجهاز يابوالشباب

[مشــــعل]

حي الله الشباب :)
(العروب + ليالي) شكرا على المرور ..



(عبدالله المهيني)..يعني الملوي هذا هو الجديد :)
انا سويت نفس اللي تقول وبلشت بتاليته ..



(ملامح) طبقت نفس الخطوات طلع لي مربع ( ادخل سي دي الويندوز)



(سلمان) تروه جاك مجانا ولو تبيني انا معوه ماقول شين :)


بما انه افتقرنا للحلول الرئيسيه .. شكلي ابي انكس وافرمتوه نبوتن ثانيه:)


شكري للجميع

[ابن جشعم]

وعليكم السلام ورحمة الله وبركاته اخوي يامشعل...... يالله حيوه

الأنتي فايرس الكاسبر لوه دخل بمثل هذه الامور .... ؟؟؟؟؟

اذا هو عندك بالجهاز احذفه وأعد تشغيل الجهاز وعقبين تقدر تركبه من جديد

في احد مواضيع وردود الاخ ملامح في هذا المضيف تحصل آخر نسخه للكاسبر (http://www.shmmr.net/vb/showthread.php?t=55344).

تحياتي