المساعد الشخصي الرقمي

مشاهدة النسخة كاملة : تصدقون عاد ... إهو في أحد يعالج 200 مرض


مشعل
13-07-2002, 06:44
المعالج الكويتي أللي قدر يعالج 200 مرض ومن أولهم قدر يعالج مرض الإيدز
وهم بعد السرطان والعقم والعقر وأمراض وأمراض ما تنحصي والله


المعالج تراه منكم وفيكم يعني شمري شمري شمري
فلاح السعد
13-07-2002, 14:57
هلا مشعل


وشلونك؟؟؟؟



شكلك من كثر الحماس نسيت تحط اي معلومه عن هالشخص :)



تحياتي

اخوك فلاح السعد
البــنــدري
13-07-2002, 16:09
ياليت تعطينا معلومات عن هالمعالج واسمه وعنوانه ان امكن

تحياتي
مشعل
14-07-2002, 05:38
هلا أخوي فلاح وهم بعد البندري وشكرا وهم بعد ألف شكر دخولكم المشاركة
بيني وبينكم ما ودي أتعب المعالج أنا لما رحت وشفت الناس عنده قلت ياربي الله يعينك والساعه كانت 2 بالليل وهو يعالج الناس والله إنه شمري صج صاحب طنيه ولا منو يقدر يقعد لهالساعه المتأخره من الليل

إهوبالكويت بس
حقوق الطبع محفوظه .....إسمحولي لهالدرجه من النذاله ألي عندي
إخوان أنا والله ماراح أقصر عن أي شخص يحتاج هالمعالج
بس يحلي البريد ماله وأنا بعون الله أكون عند حسن ضنكم يا عزوتي
البــنــدري
14-07-2002, 15:34
ليش التردد ؟؟ مدام انك تكلمت عن هالشخص ليش ماتقولنا اسمه على الاقل يمكن سمعنا فيه ؟

تحياتي
فلاح السعد
14-07-2002, 16:55
عزيزي مشعل

مايصير تسوي دعايه وبعدين تقول حقوق الطبع محفوظه :)

على راحتك حبيب البي

تحياتي




اختي البندري


انا ماقلت لك ان فيك شفاوه زايده شوي :) خلي الرجال بكيفه :)
الشمري محمد فهد
15-07-2002, 02:13
أخوي مشعل ممكن توضح أكثر ليه ما تبي تذكر اسمه او عنوانه

او أي معلومات عنه ؟
البــنــدري
15-07-2002, 05:05
من شابه اخاه فماظلم :)

ومن اجيب الشفاوة غير منك:):):)
مشعل
15-07-2002, 05:32
بسم الله الرحمن الرحيم

أبيه أنا شخلاني أتكلم عن الرجال هذا شفتوا وهقتوني

خلاص بتكلم بتكلم ...............
إهو بالكويت ... بعيادة فردوس الحكمة ...4569596
موجود فيها دكتورين إختصاص كل واحد مختلف
دكتور المختص بالطب العربي
ودكتور الثاني مختص بطب العائله
لكن البليه المختص بالطب العربي تصدقون دكاتره تعالج عنده

بس الوقت أللي يتواجدون فيه من بعد صلاة العشاء إلي الساعة 3 الفجر


كله علان مابي أحد من عزوتي يزعل علي
البــنــدري
15-07-2002, 14:57
مابغيت تعلم :)

بس موغريبه انهم مايتواجدون الابهالوقت هذا بالذات ؟


عمووووما تسلم وماقصرت على هالمعلومات .

تحياتي
فلاح السعد
15-07-2002, 16:55
عزيزي واخي مشعل


زين ياخوي اعطيتنا العنوان :)

شوي ونموت :)

بس تصدق انا اخاف لااروح بهالوقت


يمكن يكون المكان مراقب :)


والله ادري اذيناك انا والاخت البندري بس هي اكثر :)


اول مشاركه لك ويبسنا ريقك :)


اشكرك على اسلوبك وتعاملك وطرحك ووجودك

اخوك فلاح السعد
البــنــدري
15-07-2002, 18:11
والله من الشفاوة اللي ورثتها منك :)

ولولاها ماكان علمنا مشعل العنوان :):)
الفيتو
16-07-2002, 03:49
من حمد ربك اني جيت متاخر على الموضوع
والا كان طاق على كرسيي من الشفايه :D:D:D:D
على العموم تسلم مشعل على هذه المعلومه وانك قلت لنا منهو
الله يجعل على يده نفع هذه الامه
مشعل
16-07-2002, 07:47
البندري .....

تدرون ليش يستقبل الناس بهالوقت هذا لأن يكون من بعد صلاة العشاء وقت طويل من غير إنقطاع علي الصلاة وهم إهو ياخذ راحته أكثر مع المرضي
لأنه ياخذ أول شي الحالات الطارئة وبعدين يسقبل الحالات الثانيه

والله العظيم الله يعينه هالرجال شكثر يتعب
وبعدين ترا كل شي عنده بلاش من غير فلوس تصدقون


ألف شكر
الدكتور عبدالعزيز النخيلان
19-07-2002, 04:38
يا خي ماادري ليش انا ماني مقتنع من هالسالفة

واحد يعالج 200مرض ؟؟!!!!!....

لا .. ومن بينها السرطان والايدز ؟؟!!!!!!!!!!!

وين كليات الطب ومراكزالابحاث عنه ؟؟

فوق راسي علامة استفهام كبر اجا !!
مشعل
28-07-2002, 04:50
الله وأكبر عليك يا أخوي عبدالعزيز النخيلان ليش ماتصدق وإذا مومصدق أحسنلك أقول روح للمعالج وإكتشف إنت بنفسك من غير أي علامة إستفهام علي قولتك ليش ماتروح له إهو وتشوف الحالات إلي عالجها قدام عيونك مو أحسنلك أخوي الغالي