سماعة بلو توث جديدة

[مصقال]

مسالخير

أكليوم رحت لسوق الجوالات أبشتري سماعة بلوتوث علشان المرور عطوني قسيمة لأني أسوق وانا أكلم

وأنا أتشرا بالسوق لقيت واحد معه سماعات وهو يصوتلي وقال جرب هالسماعة الجديدة وقلت بكم هي عاد؟؟؟؟؟؟؟؟؟؟؟؟؟
قال بخمسمية ريال

فهيت شوي وقلت عاد ليه هالغلي ؟؟
قال لي : هذي السماعة سحرية تقدر تسمع به بالجوال وبعد تقدر تسمع وش يقولون الناس بقلوبهم

فهيت أكثــــــــــر؟؟؟؟؟؟؟؟؟؟؟؟؟؟
وقال لي خذه وجربه وإذا ماعجبتك تعال رجعه
الوكادخذيته وقلت مالي ألا أجربه بحبيب عمري وصديق طفولتي ( الشبث )
يوم صفطت قدام بابهم ولا هو طالع من البيت شافني كنه علمه بي 9 سنين وقام يحلف و يلزم ألا أتقهوا وقلته أشوفك طالع أجيك نوبة ثانية حلف الرجال ولا الملعون يقول بقلبه الشكوى لله مالي ألا أصبر وأقهويه سم وأتثاوب عنده وكل شوي أراعي للساعة علشان ينقلع

أنا ماأفتكيت منه بالمضايف هو وشكاويه هلحين جاين بعد وجه

يوم شفته كذا قلت أروح احسن

من بكره الصباح رحت للدوام يوم دخلت قلت صباح الخير ياعيال ولا واحد منهم يقول ويننا والخير وأنت مصبحنا
تركته ورحت لواحد وجلست بجنبه وقمت أسولف معاه ولا يقول ألعن شكله ياقشر ريحة أفمه وتذكرت إني ما أفطرت

بعدها بكم يوم رحت لهلي برفحاء وحين وصلت ولا أبوي جالس بين أخواني يسولف عليهم ومروق
و هو شافني نزلت دمعته ألي حسبتها دموع فرح وألا يقول بقلبه كش وجه منين لفا هالوجه الكريه وسلمت عليه وعلى أخواني و قمت أسولف عليهم ولا أخوي يقول بقلبه خلني أضحك معاه وأسولف يمكن يرجع لي ال1500 ألي أطلبه وبعدها والله مايشوف الريال


ومن يومها كرهت السماعة وقطيتها وعرفت قيمة المجاملة وإنها نعمة من الله

وأن إذا حدينا ما جامل الثاني كان صارت مشاكل وكلن معط شوشة الأخر

وأنه لا بد إنك تبادر الناس بأبتسامة أحسن من ماتكشر بوجيههم وتخسر الموجودين حولك بس بعيدا عن النفاق

وشكـــــــــــــــــــــــرا

[εïз خزامى εïз]

ههههههههه
تخيـــل لو صدز؟!
تراني قسم من دآخل مااسبك والله:frown:<<تصدق بسررعهـ:)
الحين كل ابوهم مايحبونكـ؟!:( كل ابو النآس شريرهـ:(؟!
طيب مين اللي يوم اقبلت قال ياهلاآ؟ << تخش جو!!؟ :boxed:
صرآحه صدقت
المجآمله ضروريه لكن ..بحدود
لا توصل للنفاق ولا تزيد وتمصل!
موضوع قيـــم
ميرسي....

[فتى البيداء]

هالحين كل ثقل هالطينه أنت وصابراً على نفسك .. دريت بمصايبك ألي أنت مسويه وتبيهم يتحملونك ؟؟


بس عاد تدري طريقة عرض الموضوع جازت لي حيل ..

[حلاوة الغالي]

هههههههههههههههه

اي والله المجامله نعمهـ

زين بعد مادخلت لك مدرسه والا جامعه والسماعه بذنك
والله تسان سامعن الهوايل ! :008b:

الوكاد مشاركتن سنعه جازت لي

[حيل حليل]

ترى تسذب اللي يقول ان المجامله خصله سيئه
لانه لو ماتجامل راح تخسر الكثير من الناس
وهذا يعتبر شي خاطئ وخاطئ وخاطئ <<<< تنرفز

لكن تصدق توي اكتشف انك شخص غير مرغوب فيه اسريا وعمليا
مع اني كنت احسبك كلك ملح وقبله
<<<<<<< ماله خاتمه

مصقال
انت مهبوووووووول وموضوعك اهبل منك ياصديقي الجديد

لاتحرمنا من جديدك
لاني ورب الكعبه استمتعت بهالموضوع

[صعوة فسفورية]

مصقال .. جامل ولا تجامل

[يـــوسف]

مصقال :(
لاتسب زين لاوالله أقدم شكوى عليك :)


والله لو يسوون هالاختراع أول مايندب أنت كل يوم يمغطونك عند هالأشارات :)



الله لايبلانا بس ضاق صدري ياخوك مديرنا بس يلبس سماعة بلوتوث وأنا بالعربي لامر من جنبي عطيته وحده :)

ودايم يراعي لي مراعاة اللي يبي دبتي :(



لاهنت يامصقال

[غالب]

إي والله المجامله زينه

<<<يقول بقلبه وش هالمصقال مشاركاته ماتعدت الميه ويكتب مهو مثلي صافق 2000وباليالله 3مواضيع:055r:<<


واستلم سلامي

[ريتاج]

صـــــح كلامك يااخووي مصقـــــــال ...


لو مافيه مجاملات كان انا ميته من مبطي ههههههههههههههههه


الدنيا اصلن قاايمه عالمجاملات ...



مشكوور اخووي مصقال عالسالوفه والموضووع الرائع


شع...شع


شيــــــــــــــــع

[حمـود]

مصقال كلام عسل يا م عسل

وسكر يا كسر


اقول وينه ابي اكشف واحد على حقيقته

[مصقال]

مسالخير خزامى



ماعليك منهم هذولا أعداء النجاح


لأني الأفضل والأكمل والأمثل ( دعاية لصدى الملاعب )


وشكرا

[مصقال]

مسالخير فتى البيداء


لا تاخذ عني فكرة أني ثقيل طينة لا والله


بس المخرج عاوز كده بالعكس لي صداقات كثيرة


ِ
بس حبيت أوصل الصورة لكم


وشكرا

[مصقال]

مسالخير حلاوة الغالي


أشكر ردك على موضوعي وهي الأولى وإنشاءالله تكرر



على فكرة ترا درست بالمدرسة 12 سنة


والجامعة 5 سنين ليش ؟؟؟ لأني حملت ترم مرتين


لو أقولك وش صار معي في الدراسة كان يبي لي مؤلف مكسيكي ولا تركي علشان طول المسلسل


وبعد كاتب سيناريو هندي علشان المشاهد الحزينة يوم أندب



ألف شكرا

[مصقال]

مسالخير حليل حيل


أعيد وأكرر المخرج عاوز كدا



وأشكرك على الإطراء



وأنت ألي لا تحرمنا من مواضيعك

[مصقال]

مسالخير صعوة فسفورية


أشكرك على ردك على موضوعي وهذي الأولى وإنشاءالله تكرر



بس صراحة مافهمت ردك


جامل ولا تجامل مثل ألي يقول السحة هي التمرة


وألف شكرا

[مصقال]

مسالخير متكي



أنا أنصحك لا تشتريه ترا بتكره الناس مثلي



لأنك مكروه


وشكرا

[مصقال]

مسالخير سناعيسو



أذكر الله و قل ماشاء الله عليه



وشكرا

[مصقال]

مسالخير ريتاج


المجاملة زينة أكيد ولا بد منها ولا كان العيادات النفسية



مليانة


وشكرا

[مصقال]

مسالخير الناصر


وأشكرك على ردك على موضوعي وهذي أول مرة وإنشاءالله تكرر



أذا فيه واحد غاثك وتبي ترف وش بقلبه



راع عيونه وأنت تعرف


وشكرا

[مصقال]

رد على الأخوات والأخوان ألي ردوا على موضوعي


أبيكم تلاحظون ردكم علي و ردي عليكم


لا يخلو من المجاملة بل يعتبر نوع من أنواع المجاملة



صحيح أننا مانعرف بعض إلا في المضايف لكن هناك مجاملة مع بعضنا


فما بالكم للأهل والناس ألي حوالينا



الناس تنتظر مننا الكلمة والبسمة الحلوة وهذا ماننتظره من الأخرين




بس لا يصل لحد النفاق

وشكرا

[حمـود]

مسالخير الناصر


وأشكرك على ردك على موضوعي وهذي أول مرة وإنشاءالله تكرر



أذا فيه واحد غاثك وتبي ترف وش بقلبه



راع عيونه وأنت تعرف


وشكرا


واذا كان شبيثان
وش السوات

[ريال الفسحه]

<--- يقول بقلبه [ لو تهيا ياخذ لوه باند ويفكنا :) ]

[أحمد]

ياهلا والله بمصقال ==> يقول بقلبوه بعد وجه حنا يالله متحملين الشبث تجي انت تسولفبوه خخخخخخخخخخ


ياخي المجامله زينه بس ماهي ازين من انك تصير واضح >> اخس يالولد



بس مانت ملاحظ انك يوم لبست السماعة ماحد مشتهيك حتى ابوك ياملا البعد والله من الشر بهالراس






تري مكاسي مصقال

[مصقال]

مسالخير الناصر



أنا ماغاثن ألا الشبث كنت أغليه بس طلع مايدانيني



والظاهر إته مايداني أحد كش وجه

[مصقال]

مسالخير الجثري


أرحع وأقول هذولا أعداء النجاح وكل ناجح لا بد يحارب




وشكرا

[ماجد]

مصقال
تعرف المضراب الحديدي الي نطلعوه من علبه تشاش الصبغ
عمرك لعبت طنب من200 واكثر
تعرف الكبوري


المجامله شي ضروري لكن بالمعقول
يعني اشوف وجه ريال... وقول انوه مزيون !! بلعكس اكون ظلمت ريال وظلمت المجتمع


طنب ... اخير < اتحداك تفهمه

[مصقال]

مسالخير ماجد

هذي أول مرة ترد على موضوعي وإشاءالله تكرر


تدري إني ألعب طنب قبل تنولد



ويكون بعلمك والله العظيم كنا من كثر ألي يلعبون نلعبها بالنبيطات


ألا إنت لعبت تيل بالحفرة


ألي بين قطعة 4 و 3 بالشعبيات هذا إذا لحقت عليها ألحين دفنوها


من كثر التيل كنت أحطها بقوطي نيدو كبير

[الشبث]

اقول


هذي سماعاتك عندي يابا الخايبات


خخخخخخخخخ





اسمع



يوم الخميس ابجيك ابيك تكتب سالفة الهربه خخخخخخخخ




وتقلد تحيتي

[مصقال]

شبيثان



خلاص كرعت عقب السماعة




ورجع لي ال 7 الريال ألي أطلبك ولا تجي أرسل مع حدا أخوانك



خلاص أمسح رقمي

[الشبث]

عزالله منت فقيده


خخخخخخخخخخخخخ




وتقلد تحيتي

[مصقال]

نسيت أقول لك
ترا الخميس بحضر عرس



حاول تصرف نفسك

[ليلى بنت عبدالعزيز]

ماحب المجامله ولا اعرف لها ..
مشكلتي بالحياة ان الي قدامي اعرف مشاعره من كلامه وحركاتي معي واتعب اذا شفته يمثل قدامي..


مصقال موضوعك فري نايس وحطيت لك نجمه على جبهك
صفقووووووووووووووووله

[مصقال]

مسالخير ليالي




ترا هالايام ماتنفع غير المجاملة



تمشي أمور كثير بها


أجل أحسن من أنك تكشرين بوجه الغير


ترا يمكن بالكلمة الحلوة أو البسمة تكسبين الغير


وهذا شئ أفضل من إنك تخسرينهم


مشكورة على ردك على موضوعي وهذي المرة الأولي وإنشاءالله تكرر