المرحلة الثانية \ حلّل غذائك [الأرشيف]

العَـــروب

25-02-2009, 04:56

السلام عليكم ورحمة الله

اخواني المشاركين في دورة ( قيّم نفسك صحياً )

بالبداية حابة ابلغكم بان اللي يجتازون الدورة كاملة
راح يحصلون على وسام تقديري من المضيف الطبي

المرحلة الاولى من الدورة هنا :

http://www.shmmr.net/vb/showthread.php?t=60401

شرح المرحلة الاولى هنا :

http://www.shmmr.net/vb/showthread.php?t=60412

ومهمتكم الحين هي اتباع التعليمات التالية بجميع خطواتها

قبل البداية ،، سجلوا عندكم وجباتكم اللي أكلتوها أمس

بالضبط من صحيتوا من النوم لين نمتوا البارحة

والمطلوب منكم هو اتباع الخطوات لتحديد الاخطاء في نظامكم الغذائي

نستخدم الموقع التالي :

www.mypyramid.gov (http://www.mypyramid.gov/)

الصفحة الرئيسية :

نضغط على mypyramid tracker كما هو واضح في الصورة

http://www.arb-up.com/files/arb-up-2008-6/N7748785.jpg (http://www.arb-up.com/)

ثم نضغط على check it out .. مكان السهم الأحمر ..

http://www.arb-up.com/files/arb-up-2008-6/vZf48988.jpg (http://www.arb-up.com/)

تظهر الصفحة ..:

http://www.arb-up.com/files/arb-up-2008-6/BeS49823.jpg (http://www.arb-up.com/)

تدخل جميع بياناتك

1- العمر

2- ( ذكر أو أنثى )

3- اتركه لا تغير فيه شي

4- اضغط على كلمة centimeters وراح يظهر لك المربع اللي فيه رقم 5

5- الطول

6- اضغط على كلمة kilograms وراح يظهر المربع اللي فيه رقم 7

7- الوزن

8- اضغط على الخيار المشار اليه بالرقم 8

تظهر الصفحة كما في الصورة ..:

http://www.arb-up.com/files/arb-up-2008-6/8Gl50132.jpg (http://www.arb-up.com/)

المهمة الآن عبارة عن عمل قائمة لأصناف الطعام التي تناولتها خلال يوم واحد

في المربع رقم 1 تكتب الصنف .. ثم تظهر لك الأنواع المتعددة بالجزء رقم 2

مثال ..:

على الغداء أكلت كبسة

الكبسة عبارة عن أرز ودجاج مقلي

تكتب أولا (rice) وتظهر لك القائمة بأنواع الأرز باختلاف طرق تحضيره
تختار الصنف القريب من طريقة التحضير المعتادة

ويظهر لك اسمه في قائمة طعامك بالجزء 3

ومرة اخرى تنتقل إلى الدجاج .. ثم الوجبات الأخرى .. وهكذا ..

الخطوة هذي تحتاج لترجمة وجباتك للغة الانجليزية
اللي عنده اي مشكلة بالترجمة يرسل لي وجباته وانا اترجم له

وبعد الانتهاء من تحضير القائمة .. تضغط على select quantity

تظهر الصفحة :

http://www.arb-up.com/files/arb-up-2008-6/XpM50306.jpg (http://www.arb-up.com/)

المطلوب هنا هو تحديد كميات كل صنف حددته في الخطوة السابقة

في الجزء رقم 1 و 2 تختار حجم الحصة الغذائية من كل صنف ( حجم الشريحة - كمية المشروب ... الخ )

في الجزء رقم 3 تحدد عدد الحصص الغذائية من كل صنف

بعدها تضغط على save and analyze

تظهر هالصفحة :

http://www.arb-up.com/files/arb-up-2008-6/EGl60194.jpg (http://www.arb-up.com/)

ثلاث روابط موجودة في الصفحة

أسميتهم A - B - C

عند الضغط على الرابط A تظهر هالصفحة :

http://www.arb-up.com/files/arb-up-2008-6/aeZ60842.jpg (http://www.arb-up.com/)

المجموعة الاولى تحتوي على المجموعات الغذائية
والمجموعة الثانية تحتوي على بعض المواد او العناصر الضرورية للجسم

العمود رقم ( 1 ) يحتوي على مقدار استهلاكك من كل صنف مذكور
والعمود رقم ( 2 ) يحتوي على المقدار الذي يجب أن تحتويه وجباتك اليومية

هنا يمكنك ان ترى ان كانت وجباتك متوازنة ام لا

في الرابط B .. :

http://www.arb-up.com/files/arb-up-2008-6/g6G61301.jpg (http://www.arb-up.com/)

الجدول في الجزء B يبين تحليل للطعام المُستهلك
ويبين لك التفاصيل لوجباتك خلال اليوم

الجزء 1 يبين المادة او التصنيف

الجزء 2 يبين مقدار استهلاكك منه

الجزء 3 يبين المقدار الذي يجب عليك ان تستهلكه يوميا

أما الرابط C .. :

http://www.arb-up.com/files/arb-up-2008-6/LLm61327.jpg (http://www.arb-up.com/)

يظهر تقسيم طعامك من حيث المجموعات الغذائية

ويظهر على شكل مقارنة بين مقدار استهلاكك والمقدار المطلوب منه أن تتناوله

..............................

المطلوب هو اتباع التعليمات السابقة الى ان تصل الى الصفحة C

وتقيّم نظامك الغذائي

هل هو سليم أم يوجد خلل ؟

إن وُجد الخلل فـ أين هو ؟

وما هو اقتراحك لتحسين نظامك الغذائي ؟

ان شاء الله ما يكون الدرس هذا صعب

واللي محتاج أي مساعدة أو توضيح انا موجودة وبالخدمة

وبالمرحلة الثالثة والأخيرة راح نتعلم كيف نعمل نظام غذائي صحي

ورجاءً اخواني حاولوا ما تطلعون عن الموضوع ،، لان عندي صعوبة بمتابعة الملاحظات بين السوالف :(

ويا هلا

.

εïз خزامى εïз

25-02-2009, 07:21

الله يعطيكـ العآفيه ياقلبي
مجهود وآضح

الحين حطيت كل الوجبات اللي اكلتها أمس
حتى اللي خفيفه ومع القهوه
قآم اخر شئ هزأني
يقول انتي تاكلين milk كثير
عشان الـ greece salad وحليب و ساندويش دجاج جبن
وتشيز كيك :blushing:
وعلى باله كل هذا الاكل اللي فيه كالس اكله كل يوم
:frown: << زعلت تحسه هآوشهآ
هو اللي poor و الـ sodiom << مقلله املآح قصده؟!
وثلاثه good اللي هم : الـfat و Cholesterol و الـ grain
والباقين average
الحين ماعرفت وش اسوي؟!
وقفت عند هذآ شسمه ومدري؟!
اوووهـ :frown:

εïз خزامى εïз

25-02-2009, 07:38

طيب احس b & c
مآ وضح شئ جديد
!!
هو نفسه تقريبا بس بنسب وتفصيل الفايتمينات

الشبث

25-02-2009, 12:20

لا لا لا الرجال اخذن على خاطروه مني بالحيل

يقول حشا مهو جسم هذا فاتحن مخرطه

ام يوووسف

قسم بالله اغلب الوجيه حمر

الرجال زعلانن علي

نظامي الغذائي من جنبه

بس على قولة خزامى هذا اكلي امس بس

يعني يختلف امس عن باقي الايام

احيانا باليوم اكل وجبه

وفي الغالب وجبتين بس

توسطيلي عن هالحبيب ههههههههه

لاهنتي يا ام يوسف مجهود ولا اروع

متااابعين

وابشري ماراح اتكلم مع اي احد بالصف هههههههه

وتقلدي تحيتي

أحمد

25-02-2009, 13:02

شبيثان بس يشاغب بالفصل ودايم يسجلون اسموه على السبوره مع اللعابين واذا جت الواجبات مايحل وش نسويبه يادكتوره بس الله يقطع عدووه والله انوه مونسنا واللي يقولوه اسكت انا اقول يحكم عليه بالمزمزه 48 ساعة.....

دكتوره عروب الله يعطيتس على قد نيتس ويعينتس على مدرسة المشاغبين بس هالدرس يحتاج تركيز وانا تعبان من الدوام ابتواصل معكم بعد مااصحى من النوم

تعيش دكتورتنا العروب تعيش تعيش تعيش

أحمد

25-02-2009, 20:29

اختي العروب والله اني حريص على هالدوره وحريص على اني اطلع بالفايده منها وحريص على اني اواضب تقديراً مني انا والاخوان للمجهود اللي تبذلينه اختي ولا يهون الوسام ولاكن...

هالمرحله صعبه علي مع اني قسم بالله جلست مع شخص ملم المام تام باللغة وكل هذا لاني ابتجنب مسالة اني ارسلك على الخاص لاني ادري انك تعانين من كثر الرسايل

والمشكله اللي واجهتنا هي اصناف الاكل بعضها مالقيت له ترجمه قلت احطها لتس وعطيني ترجمتها.....

افطرت فول وفلافل وبيض ===> حرس وطني

تغديت كبسه دجاج==> اكلت ربع الدجاجة مع الرز

تعشيت صحن بطاطس مقلي مع شوي رز ===> بعدد حوالي عشرين لقمه

تخلل هالاصناف بعض الحلويات يعني مايعادل ثلاث حبات مارس

شربت كاستين شاي ويمكن خمس ببسي علب

اختي العروب الله يكثر من امثالك

العَـــروب

26-02-2009, 02:06

راجعتلكم باذن الله اخواني

بس وين باقي المشاركين ؟

الظاهر الدرس هالمرة صعب شوي عليهم

εïз خزامى εïз

26-02-2009, 02:34

الجثري
خمسه علب ببسي
"اوب" احبكـ :frown:

والله كنت فاتحه الصفحه بسويها عنكـ
بس مااعرف طولك ووزنكـ
و "اوب" احبكـ :frown:

العَـــروب

26-02-2009, 02:37

خزامى برافو عليج يا بنت .. والله برافو

شطورة والله :)

طيب احس b & c
مآ وضح شئ جديد
!!
هو نفسه تقريبا بس بنسب وتفصيل الفايتمينات

C مثل A

بس C على شكل chart أو رسم بياني

اثنينهم يقسمون الوجبات حسب المجموعات الغذائية

أما B فيحلل الوجبات حسب المواد الغذائية أو nutrients

<< تصفق لج :)

العَـــروب

26-02-2009, 02:41

لا لا لا الرجال اخذن على خاطروه مني بالحيل

يقول حشا مهو جسم هذا فاتحن مخرطه

ام يوووسف

قسم بالله اغلب الوجيه حمر

الرجال زعلانن علي

نظامي الغذائي من جنبه

بس على قولة خزامى هذا اكلي امس بس

يعني يختلف امس عن باقي الايام

احيانا باليوم اكل وجبه

وفي الغالب وجبتين بس

توسطيلي عن هالحبيب ههههههههه

لاهنتي يا ام يوسف مجهود ولا اروع

متااابعين

وابشري ماراح اتكلم مع اي احد بالصف هههههههه

وتقلدي تحيتي

هلا هلا .. حي الله ابو ماجد

افا بس ليش زعّلته :)

ان شاء الله استفدت يا بوماجد .. وبالمرحلة الجاية نتعلم شلون نصحح نظامنا الغذائي

أما بالنسبة لان الوجبات ليوم واحد بس وهذا مو مقياس .. فالملاحظة بمحلها

هالموقع تستخدمه بشكل يومي .. تراقب التغيّر بنظامك ومحتوى وجباتك من خلاله

وبتلاقي نفسك تعدّل من وجباتك بشكل تلقائي

حياك الله يا بو ماجد

العَـــروب

26-02-2009, 02:53

اختي العروب والله اني حريص على هالدوره وحريص على اني اطلع بالفايده منها وحريص على اني اواضب تقديراً مني انا والاخوان للمجهود اللي تبذلينه اختي ولا يهون الوسام ولاكن...

هالمرحله صعبه علي مع اني قسم بالله جلست مع شخص ملم المام تام باللغة وكل هذا لاني ابتجنب مسالة اني ارسلك على الخاص لاني ادري انك تعانين من كثر الرسايل

والمشكله اللي واجهتنا هي اصناف الاكل بعضها مالقيت له ترجمه قلت احطها لتس وعطيني ترجمتها.....

افطرت فول وفلافل وبيض ===> حرس وطني

تغديت كبسه دجاج==> اكلت ربع الدجاجة مع الرز

تعشيت صحن بطاطس مقلي مع شوي رز ===> بعدد حوالي عشرين لقمه

تخلل هالاصناف بعض الحلويات يعني مايعادل ثلاث حبات مارس

شربت كاستين شاي ويمكن خمس ببسي علب

اختي العروب الله يكثر من امثالك

هلا حي الله الجثري

توقعت ان الترجمة شوي بتكون صعبة .. بس ولا يهمك .. أي مساعدة أنا بالخدمة

بالنسبة لوجباتك :

فلافل = falafel

بيض = egg

كبسة :

http://www.mypyramidtracker.gov/images/add.gif (http://www.mypyramidtracker.gov/Default.aspx?Module=12&option=add&food=CHICKEN+BACK%2c+BATTERED%2c+FRIED%2c+W%2f+SKIN&code=24177210&subcode=0)CHICKEN BACK, BATTERED, FRIED, W/ SKIN (http://www.mypyramidtracker.gov/Default.aspx?Module=12&option=add&food=CHICKEN+BACK%2c+BATTERED%2c+FRIED%2c+W%2f+SKIN&code=24177210&subcode=0)

+

RICE, WHITE & WILD, FAT ADDED, PREPARED WITH SALT (http://www.mypyramidtracker.gov/Default.aspx?Module=12&option=add&food=RICE%2c+WHITE+%26+WILD%2c+FAT+ADDED%2c+PREPARED+WITH+SALT&code=56205320&subcode=0)

البطاط المقلي = HOME FRIES (http://www.mypyramidtracker.gov/Default.aspx?Module=12&option=add&food=HOME+FRIES&code=71403000&subcode=0)

مارس = MARS BAR (http://www.mypyramidtracker.gov/Default.aspx?Module=12&option=add&food=MARS+BAR&code=91726150&subcode=0) << الحجم العادي انتبه

الشاي = tea

البيبسي = pepsi

الفول ما عرفته :( اشوف ترجمته وارجع ابلغك

آسفة جداً اذا كانت المرحلة فيها شوية تعقيد :(

بس اللي يتعود على الموقع وادراج وجباته فيه بشكل يومي راح يغنيه هالشي عن اكبر اخصائيين التغذية

وانا مابي الا فايدتكم

اذا فيه اي اسئلة ثانية لا تتردد .. سواء بالموضوع او عالخاص

شاكرة حرصك .. حياك الرحمن

أبو روز

26-02-2009, 03:09

طبقت كل الخطوات واليوم ما أكلت الا وجبة وحده والحين مداوم وطاقن الجوع كله من نصايحك يا دكتوره ههههههههههههههههههه

لا هنتِ يا العروب والله موضوعك روعة ومجهود تشكرين عليه

εïз خزامى εïз

26-02-2009, 03:11

الفول bean
<< كان فطورهآ هههه :blushing:
اخترت خيآر كان cooked beans with tomato << اتوقع كذآ :frown:

العَـــروب

26-02-2009, 03:13

ابو روز

هلا حياك الله

المرحلة الثالثة ان شاء الله راح تتعلم فيها شلون تخفف من غير ما يطقك الجوع :)

حياك الله يا بو روز .. شاكرة تفاعلك

العَـــروب

26-02-2009, 03:15

خزامى

انتِ صح يا حلوة :)

شرايج تصيرين ماي اسستنت ..؟ :)

تسلمين لي

الشبث

26-02-2009, 08:57

اخشى ما اخشاه على زملااااي بالصف انهم بدو ينقرضون خخخخخخ

ام يوسف

بارك الله فيك ورب البيت افدتينا كثير

الحين طبقته على تغذيتي امس

الرجال مهو زعلان مثل امس

بس مهو راضي للحين هههههههه

بس ابشرك سويت شويت تشكيلات يحبهم قلبك

وركزت على اللعب من الاطراف >> خش جو كوره

ركزت على الخضار يا ام يوسف

نزل مني 4 كيلو >> اطلع برا يا كذاااااااااااااااااااااااااااااااااب

الف شكر لتس ام يوسف

وتقلدي تحيي

ندووو

26-02-2009, 09:57

انا ما اكل رز بالغدا اكل خضار مع خبز ابيض واحيانا سلطه

واحب البيض اوالبطاطا المقليه عشا

بس اكثر بكل الشوكلاتات بكل وقت وبين الوجبات
حتى الفطور اكتفي بجالكسي

انا اصلا ما حتاج ازيد ولا انقص س غذائي مره مو صحي

ومافهمت المرحله الاخيره اكمل ولا اطلع

قمر اللــيل

26-02-2009, 15:09

ام يوسف قسم بالله دايخه من هالرابط

توي جايه من الاحتفالات وذا دوخني زياده

اسمعي شوفيلج صرفه معاوه دبرينا لاهنت>>> تراها عصبت واجد :148r:

قسم باترك هالمسابقه والسبب هالرابط كل اشويه ادخل وسوي وعدل

قمر اللــيل

26-02-2009, 15:14

Pyramid CategoriesPercent RecommendationMilk7%Meat and Beans9%Vegetables0%Fruits120%Grains13%

Back (javascript:history.back();)

8

8
هذا كلاموه

قمر اللــيل

26-02-2009, 15:22

المهم يعطيك العافيه وماقصؤرتني معنا بيض الله وجهك حشا اعيونك

دمت ياغاليه

ابو ضاري

26-02-2009, 16:16

ام يوسف الله يعطيك عافيه دوختن الصفحات

انا ابي اقولها كذا بس لا تعلمين اهل الفله بي ان زايد الوزن

الفطور ..خبز صاج... خاثر.... سمن غنم ...واستكانه شاهي طبعا وماء

الغداء ماتغديت تقهويت قهوه وشاهي بعدين اكلت فواكه تفاح وبرتقال

العشاء خبز مع ايدام باميا ....اكثر من الماء

طلال

26-02-2009, 23:00

.:. ام يوسف .:.

.:.

عصب علي الموقع كل الايقونات معصبات .. ليه ؟!

.:.

اكتب هنا اللي اكلته امس و لا ..!

.:.

مجهود كبير

.:.

.: لاعدمناك يالغاليه .:.

العَـــروب

27-02-2009, 01:11

يا هلا ومراااحب كلن باسمه

1- الموقع يشتغل تمام والروابط سليمة .. لا تتبلون عليه :)

2- الفايدة من الدورة هي تعليمكم وتدريبكم على استخدام الموقع

صح بيكون صعب اول وثاني ويمكن ثالث مرة .. بس مع الشرح والتدريب راح يصير اسهل من شرب الماي

والله ما فيه اي فايدة يا اخواني من اني ادخل الموقع بدالكم واعطيكم النتايج .. ما سوينا شي والله :(

اذا مشيتوا عالشرح بالتفصيل راح تتعلمون .. المشكلة الوحيدة اللي ممكن تواجهونها هي الترجمة

وانا مستعدة اترجم من عيوني المركبة

بس وين الفايدة اذا دخلت الموقع مكانكم وعطيتكم النتايج من غير ما تتدربون عليه ؟ :(

عموما .. اللي يشوف ان الدرس صعب بس هو محتاج لنظام غذائي
فيه موضوع مثبّت اسمه ( عيادة التغذية 2 ) جاوبوا على الاسئلة اللي فيه وابشروا بالانظمة الغذائية والنصايح

واللي حاب يتعلم شلون يكتب نظامه بنفسه يجتاز الدورة ويتعلّم عالموقع

حياكم :)

أبو روز

27-02-2009, 01:14

انا ما اشوف فيه اي صعوبه يا دكتورة

الصعب والله شلون نترك الكبسة ، اليوم خربت البرنامج دغست كبسة لحم يما طلعت ما اذاني وعقبه زقارتين يالله رجعت لي روحي

العَـــروب

27-02-2009, 01:25

تعب قلبي

اذا الوزن عندج اوكيه .. بس نوعية الاغذية غير صحية
فالمفروض تعدلين من الاصناف وتقسمينها حسب المجموعات الغذائية

هذا ان شاء الله تتعلمينه بالمرحلة الثالثة

تابعي معانا .. وحياج الرحمن

Pyramid CategoriesPercent RecommendationMilk7%Meat and Beans9%Vegetables0%Fruits120%Grains13%

Back (http://javascript<b></b>:history.back();)

8

8
هذا كلاموه

قمر االليل

هلابج يا قلبي

العبارة هذي وين طلعت لج ؟

العَـــروب

27-02-2009, 01:31

ابو ماجد

يا عيني عليك يا خطير :)

\

الضاري

اذا الموقع صعب عليك .. جاوب على الاسئلة اللي بموضوع ( عيادة التغذية 2 ) وابشر بالنظام

هلابك

\

طلال

الموقع ما فيه شي :(

وين الصعوبة اللي واجهتها .. علشان اوضح اكثر

\

ابو روز

يا هلا ومرااحب

والله كلامك يبرد القلب ويرفع المعنويات بعد ما صابني احباط :(

وبالمرحلة الثالثة راح تعرف شلون تضعف من غير ما تترك الكبسة

هلابك .. وشاكرة تفاعلك

εïз خزامى εïз

27-02-2009, 02:46

ههههههههههههههههههههههههه
شبث اي اطراف هههههههههههه؟
اومآ أبو روووووز يآنآآآس والله اللي يدق تحسينه عآيش هههههه:)
هههههههههههههههههه
بسم الله ماشاء الله

عروب ياقلبي
اليوم حاولت اقلل من الكالس ..(اجبان-حيب..) يعني مو مثل قبل
بس الحلآ مستحيل اقلله مآأقدر .. مآأقدر
وملحت الجريش علي ابغى الملح مرتن وحده هههه
كان كله "افريج" ماعدآ الـ"صوديوم" هالمرهـ
يعني مصررر الا وانا مقلله
اخترت بدال الجريش (lamb with rice) << ماعرفت الجريش وشهو بس توقعت انه نشويات مثل الرز؟؟
طريقتي باني حطيت الملح في اكل واحد (بس "اوب" مالح مره لأ عآآدي بس اكثر من الطبيعي)
مفيده والا لا؟

العَـــروب

27-02-2009, 02:53

^
^

ما شاء الله على هالبنت تبارك الله

انا قايلة هالبنت ذكية :)

الجريش مع النشويات صح .. مثل الرز بالضبط

ممكن تستبدلينه بالرز مثل ما قلتي

بس الصوديوم انتِ أقل من الطبيعي بوايد والا شوي بس ؟

اذا الفرق بسيط لا تزيدين ملح

اذا الفرق كبير قولي لي اعطيج ملاحظات

<< تصفق وتصفر بعد :)

εïз خزامى εïз

27-02-2009, 02:57

لأ والله الفرق كبير بالارقآم من
اللي اخذه واللي ضروري له جسمي

<< استحت :blushing:

طلال

27-02-2009, 09:42

.:. ام يوسف .:.
.:.

طلال

الموقع ما فيه شي :(

وين الصعوبة اللي واجهتها .. علشان اوضح اكثر

.:.

لآ .. تمام وضعي معه ..!!

.:.

بس الايقونات معصبه ..!

.:.

يعني ليه عصبو ؟

.:.

خطاء او ان النظام الغذائي من جنب القده .! :)

.:.

لاعدمناك

الشبث

27-02-2009, 17:42

ام يوووسف

هههههههههه

امس بغا يذبحني الرجال ههههههههههه

تخيلي امس وجبه وحده بس وياليته وجبه كامله

رز بس بدون حتى دجاج ولحم

وبالاخير احس وحده من الايقونات تقولي ياملا الموذي وش ممسوي بنفسك على بالك رجيم

خخخخخخخخخخخخخخ

بس اليوم بأذن الله ابخليه يجي يحب راسي

اشتريت خضروات انوااااع واشكال

حتى القرع اباكلوه بدون طبخ

والليمون اباكلوه بقشوروه

ووووووه يا تسبدي

وتقلدي تحيتي

أحمد

27-02-2009, 18:16

اختي العروب هالحين الموضوع واضح والرجال اللي طلع للشبث والله لاشوف خشتوه الله لا يعوق بشر

تري مكاسي العروب

^
^
^
^
^
^
^
^
^
^
^
^
^

والله لو انا مسكر الموضوع كذا كان اعتبر نفسي قليل ادب تدرون ليه ؟؟؟؟؟؟؟

لان اللي مايشكر خزوم على اهتمامه بالموضوع يعتبر واحد جاحد خزامى الله يطول بعمرتس ويخليتس لعينن ترجيتس يارب

بس لاتكثرين من الفول تدلخين

تري مكاسي عروب وتري مكاسي السكرتيره خزامى

الشبث

27-02-2009, 18:22

8
8
8

وانت ما ذبحك الا اكل عيدان الاسنان

انتبه لصحتك وخل عنك الشكر

وش دخلك موضوعك ولا موضوع العروووب يالمعصقل

انت لو تاكل كثر ما تشكر كان امووورك تمام

بس ترن اقولك من هالحين

اذا استمريت على طريقتك هذي

الاسبوع الجاي ما يبقا لك الا صبع واحد وخشمك

والباقي يختفي

خخخخخخخخخخخخخ

وتقلد تحيتي

حيل حليل

27-02-2009, 18:32

^
^
انا مستغرب من اللي يقول ان الدببه صدورهم وسيعه
والدليل الشاب اللطيف اللي فوقي :)

ياحبيبي ياشبيثان
احسك لابس بدلة رياضه وانواع التمارين بالصاله
حتى يقولون ان ولدك ماجد راعى لك بنص عين وقال الحمد لله على نعمة العقل

العروووووووب لازلنا معك وصدقيني انك افدتينا كثير في هالموقع
عسى الله يطول عمرك ويوفقك

الشبث

27-02-2009, 18:37

ايوالله يا ام يوسف افدتينا

والدليل ابشرتس ان الاخ اللي فوقي طالعن لوه بطين تقل نفره

وووووووووه بصمالله على الفضل

اخ حيل حليل

ممكن استعيرك الليله ابمحط ماجد بك

خخخخخخخخ

وتقلدوا تحيتي

قمر اللــيل

27-02-2009, 23:50

ام يوسف

مشكوره حبيبتي والله ماقصرتي يالسنافيه

بيض الله وجهك

امس كان معصب على بس اليوم تمام >>>فهمت للعبه

كل شي اوكيه

عساج على القوه

يـــوسف

28-02-2009, 02:58

خاله :(

أنا ماأكل شي والله عزوبي ماكلن شحم وانتفخت كريشتي وش اسوي :(

εïз خزامى εïз

28-02-2009, 04:00

<<< مآنآمت للحين .. يأثر على البشره والصحه:frown:
ووووهـ ياقلبي ياشلة الرشيقين شئءء :blushing: جوتيم بوكو
ابو ماجد انت وش اللي حارقك:frown: يوم انه يمدحني << ووهـ يالمدح ههههه:blushing:
هههههه
المفروض انكـ تحرق شحم الكرش
الكررررش!!
فهمت؟؟!!
ايه خل عنك حرقة الغييييره ههههههه واشتغل على حرق سعراتكـ في كرشك ههههههههههههه
هههههههههههههههههه
الجثري... هذآ من طيب اصلكـ ياخوي ....
اخجلت توآضعي..مدري اقول عفوآ هههههه.. آمين اجمعين
حليل ... <<طال عمركـ

عندي حل للكرش
وترى من جدي اتكلم بس انه يحتاج ليآمآ تتعود على الحليب
وهو حليب الابل
يبعد الكرش ويساوي البطن:) << ترى ماتكذب
<<< لو سمحتي برآ ياقدمكـ:(

العروب ماقصرتي يابعد شلة السمنه ههههههه

العَـــروب

28-02-2009, 05:26

ما شاء الله اشوفكم متجمعين بهذا :)

طلال

معصب عليك لان ما عنده سالفة جليل الحيا شلون يعصب على طلال :)

اكيد توزيع المواد الغذائية عندك مو مضبوط

انتظر المرحلة الثالثة

\

ابو ماجد

ما شاء الله احسك متحمس هههههههه

لا هنت عالمتابعة .. وتابع المرحلة الاخيرة

\

الجثري

حياك الرحمن .. تدرب زين عالموقع وراجع نظامك كل يومين أو ثلاث

يا هلا

\

حيل حليل

والله ما لي هدف الا فايدتكم

حياك الرحمن .. شاكرة متابعتك

\

قمر الليل

تستاهلين تصفيق مع خزامى

الله يسلمج ويعافيج يالغالية

\

يوسف المتكي

طالعتلك كريشة هاه :)

تابع المراحل وتعلّم .. وان ما عرفت للموقع ادخل الرابط الاول بتوقيعي وجاوب عالاسئلة وابشر باللي يرضيك

\

خزامى

حياج الله يا بعدهم

العَـــروب

28-02-2009, 05:40

المرحلة الثالثة يبيلها تحضير شوي

والمزاج اليوم ما يسمح :)

ان شاء الله انزلها بعد يومين

وبالنسبة للاسئلة والطلبات راح اجاوب عليها باجر او اللي بعده باذن الله

سي يو

أحمد

28-02-2009, 18:36

واخيراً وبعد جهد جهيد حليت الواجب ومسطر ومضبوط =====> مدري ليه احس انوه نصاب

بس الاكيد
طلع لي:

وجه فرحان في اربع اشياء

الـ meat & beans << اللحوم والفول
و الـ Total Fat<< الدهون
والـ Saturated Fat<< الدهون المشبعه
والـCholesterol<< كوليسترول

اما الوجه العادي

طلع لي في شيئين هم:
الخضروات والاملاح

والوجه الحزين اللي الللي خرع شبيثان طلع في:
ا
لـGrain<< الحبوب
والحليب والفواكه

تري مكاسي اختي الدكتوره عروب ولاتهون السكرتيره المبدعة قاهرة الشريرين خزامى

الشبث

01-03-2009, 00:50

ام يوسف

قسسسسسسسسسسم هو اللي حدن

وانتظر المرحله الجايه بفاااارغ الصبر

وابشرتس كل يوم اطبق الطريقه

طبعا اكيد زعلان بس ابحاول اتوب عن كثرة الاكل خخخخخخخخخ

وتقلدوا تحيتي

العَـــروب

01-03-2009, 08:23

حسبي الله على عدوكم

الادارة هاوشوني :)

لا تسولفون

راجعة ان شاء الله للردود

والمرحلة الثالثة جاية عالدرب

سي يو

العَـــروب

02-03-2009, 00:26

واخيراً وبعد جهد جهيد حليت الواجب ومسطر ومضبوط =====> مدري ليه احس انوه نصاب

بس الاكيد
طلع لي:

وجه فرحان في اربع اشياء

الـ meat & beans << اللحوم والفول
و الـ Total Fat<< الدهون
والـ Saturated Fat<< الدهون المشبعه
والـCholesterol<< كوليسترول

اما الوجه العادي

طلع لي في شيئين هم:
الخضروات والاملاح

والوجه الحزين اللي الللي خرع شبيثان طلع في:
ا
لـGrain<< الحبوب
والحليب والفواكه

تري مكاسي اختي الدكتوره عروب ولاتهون السكرتيره المبدعة قاهرة الشريرين خزامى

تمام تمام تمام

الحمد لله ان الامور ضبطت

الحين لازم تخلّي الوجه الزعلان يصير مبتسم

شوف المرحلة الثالثة

حياك الرحمن اخوي

العَـــروب

02-03-2009, 00:28

هلا هلا هلا ابو ماجد .. حي الله مشاغب الفصل :)

ممتاز .. قواك الله ..

بالمرحلة الثالثة المطلوب انك تسوي نظام متوازن لنفسك

قواك الرحمن .. شاكرة متابعتك

&^^مهــــا^^&

02-03-2009, 12:34

اعذريني على التأخيررررررررر

بس جربت وجنني وارسلت لك الوجبات :)

وانتظرك علشان الحقكم بالمرحله الثالثه بأذن الله

استاذه شوفيهم يأخروني :puzzled:

تقبلي ودي,,

العَـــروب

03-03-2009, 12:11

حي الله مهاوي

ارسلت لج المطلوب

يالله لحقي المرحلة الاخيرة :)

يا هلا

&^^مهــــا^^&

03-03-2009, 14:21

ابشركم ايها القووووم :d:

اني سويت هالمرحله والفضل لله ثم للعروب الله يعافيها <<طلعت الشيب براسها:)

يالله وراكم وراكم للثالثه:thumb:

تقبلوا احترامي,,

العَـــروب

05-03-2009, 10:10

^
^

لا للحين ما طلع الشيب ههههههههه

حياج الله مهاوي .. نورتينا .. لحقينا عالـ ثالثة :)