وش اسوي بوه ؟!

[ريال الفسحه]

يكون عندك اخو اصغر منك نزغه عادي:148r:


انه يكون عندك اخو بالمتوسط مثل سناعيسو عادي:055r:


يكون عندك اخو عله ونشبه ودلوع مايخالف:d:


لكن يكون عندك اخو عمره ماكمل 15 واسلوبه اسلوب
واحد 51 هذا اللي مايخش المخ :puzzled:



هذا يالربع عندي لي اخو عمره حول هالخمس طعش
اسلوبه اسلوب شايب الا شايبن خالص بس ماله لحيه
للحين


يعني على سبيل المثال


تقوله وش امنيتك بالحياه وش ودك تسوي ودك تدرس
تصير دكتور طيار يقاطعك وانت تكلم ويقول ماتودينن للمعزا
ولابي لك شي :)


افضل الاوقات عنده اذا تطارح مع صخل او حوار قبل يومين جيته
فاغصن لوه حوار على الشبك ههههههههه

شعندك يافلااااان قال عشان اذا كبر يذل مني :055r: <---سياسي التسلب



خوذو مثال ثاني


قبل تقريبا اسبوع ونص بالاختبارات خلق الله يذاكرون وهو عندي انا
على النت الساعه 12 وهو حاط الكتاب عند رجله ويراعي للتلفزيون
وجالس بسروال وفنيله قام من عندي مافطنت الا لابس ثوبه وشماغوه
ولابسن [ جبه ] عندوه مايمشي الا به قلت وين تبي يافلاااااان


قال ابنام :055r:


ماينام الا متلطم بشماغه اصلا شيبان هالوقت ينامون بهاف
وهو متلطم وكاشخ :puzzled:



حاولت اغير اسلوبه ابيه تلحلح شوين مار مامن فايده
فاللي عنده نفس الحاله يشاركنا لعلنا نجد له حل :d:


اللحين هذهو وراي مصخن ولابس التطقيمه ثوب ملون شماغ
مهو متسوي متلطم لابس شرابات العايله وداهن رجلينه بفازلين
ويقول ودوني لابو خلف ابيه يتسوينن عن الخشه








بالله هذا وغد ؟ :055r:





































































وش اسوي ؟


:puzzled:

[غالب]

وينه
هاته لي
أنا أحب هالنوع
جبه بعرسك أبي أحضر وأبيك توريني إياه:055r:







علمه للنت
وشف وش يصير له
أكيد يبي يقلب أكبر دلوع بالحساء:055r:













هو إنت من مواليد 1408هـ:232r:


واستلم سلامي

[ريال الفسحه]

8

انت واشكالك مواليد 1408 :)


اقول لو اعرفوه عليك ثاني يوم القاك مبلش ابوك
تقوله نبي معزا :)

[مصقال]

مدري اخوك احس انه يطلع نابغة



وراح ينفع البشرية

[ريال الفسحه]

ينفع البشريه يمكن اما نابغه ماهقيت


:)








هلابك

[حيل حليل]

ههههههههههههه

يا ابن الحلال خله على حاله اصرف لك
لانه لو صارت عندكم مناسبه
راح يدهر ويحلف عليك انك ماتشيل العود
وانت وقته ادهر شماته بالشيبان

لكن احس انه من الهيط اللي بمخ اخوك
انه مايلبس بدلة رياضه بالمدرسه
يعض الثوب وانواع التنجيش للكوره

[السنعوووسيه]

هههههههههههههههههههههه


والله انه سنافي:)


ريالوه00اترك الجذع عنك وخلوه بحالوه:)
تبي تدشروووووووه يالداشر:)


يعطيك الف عافيه

عاطر ودي

[يـــوسف]

اممممممممممممممممممممممممممش يالوليده هههههههههههههههههههههههههههههههههه


الله يخليه لكم ويستر عليه :)

ريالوه تسلفن وغدكم يومين ؟؟؟

وأسلفك الصهبان اللي عندي هههههههههههههههههههههههه


طلال البارح بالماسنجر ياكلون ومشغلن لهم الكام فضخو قلب طلال :)


بس عندي لك حل ..



زخوه وأقلعوه يم الغيثه جبرين تخبر وهو مبين مامن حيل خلهم يلزخلونه بهكالجيلان ويحرم سالفة بر :)





لاهنت ياريالوه وهات لنا صورته الله العالم انه يصور متلطم :)



توسد إحترامي

[الشمـــ نور ــــري]

ياحيووو
والله ان الشياب يهبلون مابوه احلا منهم
مير خلوووه على حالووه ابرك
هههههههههههههههههههههههههههههههه

[فتى البيداء]

ابن فسحه .. هذا أرجاء من واحد يحط بوجهه مكياج ولابس له ثوب مايفسخه

ألا كود يتدهن بودتسه .. بالعكس أنا هالشكل أحب لي من النوعيه أنفة الذكر ..


ريالوه خله بحاله لا تقوله شيء .. ولا تعدل بطبيعته ..

[أحمد]

لا لا لا غلط الولد لا يقعد كذا


على هالحله مايمر مرحلة المراهقه



والخوف انوه يراهق وعمروه ثلاثين




تدري وش تسوي ؟؟؟؟




ارسلوه لباريس يتعلم الاتيكيت




او تدري علم ابوك عليه ===> خخخخخخخخ ماله دخل




إذا لقيت حل ثاني ابعلمك

[&^^مهــــا^^&]

لا تسوي بوه شي

خله مثل ماهو :thumb:

بعدين لاغيرته ينحرف لاقدر الله وتندم

احلى شي يكون الواحد على طبيعته

والله يخليه ويصلحه لكم

<<جاري البحث عن حلول

تقبل احترامي,,

[εïз خزامى εïз]

بسم الله عليه مايشوووف شرررر
يآحلو اللي كذآآآ
قسم بالله مهنآ ابيض ولا اصفى من قلووبهم
ابد كنه اخوي الصغير ووولد شيااااااب حتى نبرة صووته ههههه
يآلبآآآهـ بس هههه
لاتغيرهـ
حلو بطبعه واسلوووبه
اجل تبغاآهـ مثلكـ
مآلغ:frown:
يآخي شربه شئ حآر
"اوب" داخل تتشمت فيه:frown:

[عبدالله الجعيثن]

^
^


ايوالله تبيه مثلك "مالغ":thumb:


ريال انت مفروض تماشيه وتتعلم منّه ...

[ابو عارف]

يكون عندك اخو اصغر منك نزغه عادي:148r:


انه يكون عندك اخو بالمتوسط مثل سناعيسو عادي:055r:


يكون عندك اخو عله ونشبه ودلوع مايخالف:d:


لكن يكون عندك اخو عمره ماكمل 15 واسلوبه اسلوب
واحد 51 هذا اللي مايخش المخ :puzzled:



هذا يالربع عندي لي اخو عمره حول هالخمس طعش
اسلوبه اسلوب شايب الا شايبن خالص بس ماله لحيه
للحين


يعني على سبيل المثال


تقوله وش امنيتك بالحياه وش ودك تسوي ودك تدرس
تصير دكتور طيار يقاطعك وانت تكلم ويقول ماتودينن للمعزا
ولابي لك شي :)


افضل الاوقات عنده اذا تطارح مع صخل او حوار قبل يومين جيته
فاغصن لوه حوار على الشبك ههههههههه

شعندك يافلااااان قال عشان اذا كبر يذل مني :055r: <---سياسي التسلب



خوذو مثال ثاني


قبل تقريبا اسبوع ونص بالاختبارات خلق الله يذاكرون وهو عندي انا
على النت الساعه 12 وهو حاط الكتاب عند رجله ويراعي للتلفزيون
وجالس بسروال وفنيله قام من عندي مافطنت الا لابس ثوبه وشماغوه
ولابسن [ جبه ] عندوه مايمشي الا به قلت وين تبي يافلاااااان


قال ابنام :055r:


ماينام الا متلطم بشماغه اصلا شيبان هالوقت ينامون بهاف
وهو متلطم وكاشخ :puzzled:



حاولت اغير اسلوبه ابيه تلحلح شوين مار مامن فايده
فاللي عنده نفس الحاله يشاركنا لعلنا نجد له حل :d:


اللحين هذهو وراي مصخن ولابس التطقيمه ثوب ملون شماغ
مهو متسوي متلطم لابس شرابات العايله وداهن رجلينه بفازلين
ويقول ودوني لابو خلف ابيه يتسوينن عن الخشه








بالله هذا وغد ؟ :055r:





































































وش اسوي ؟


:puzzled:
-----------------------------
أبد هذه حالة طبيعية سبحان الله هذا مثلي أبد
ياخوي العام رايحن لوحدة تسويني 53 مابين مرداع ومخلب ومسمار.

ما عندك خبر آخر العلاج الكي؟

ياحليله هذا خويي الغالي.

شكراً لك وله.

[الشبث]

لااااااااااااااااااااااااااا

اخوك هذا حالتوه بينه


اكيد عاشقن عنز


ماااااااافيها كلاااام






ريال



اخوك يعني وش يبي يصير هالسدمه خخخخخخخخخخخخخ










اخيرا كتبت يا مروووح








بس بالله قبل اخلص


ابي اتعرف على الاخ ممكن




وتقلد تحيتي

[روح حايل]

خلوه على رشتوه :solh:

[ابو ضاري]

انا شفته الولد مؤدب ولا عليه

بس منهو اللى يروح للمعزا وينك ياسلمان ابي احلب المعزا ابي خاثر ولبن
ماشاء الله اشوف شدوقك نازلات اربعه سانتي ....ياربي احفظهم

[ريتاج]

ويييلي هذا الرجاال السنع ..


ماار اترركه بحااله ... لا تخربه خله هااتس لا تحركه



بااتسر يخرب مرتن وحده


خله بس...
شع شع

شيييييييييع

[ريال الفسحه]

هههههههههههههههههههه


والله انكم تمرشون :)




لي نكستن تسان ماهفيت

[قمر اللــيل]

اللحين هذهو وراي مصخن ولابس التطقيمه ثوب ملون شماغ
مهو متسوي متلطم لابس شرابات العايله وداهن رجلينه بفازلين
ويقول ودوني لابو خلف ابيه يتسوينن عن الخشه



8

8


8

كان مصوره نبي نشوفه وشلون يدهن بالفازلين

ههههههههه



ريال لاهنت حافظ على اخوك >> ترا الناس قشرا ماتعطي خير

دمت بخير

[ابو ضاري]

ريال الفسحه

سطل لبن سفري وارسله مع الرجال ...ابي اعطي منه ابو عارف

[مصيول]

اجل معجبك جيل هالوقت يالمالغ <<<<< مالقيته بكل المعاجم :):)


اللحين ثوب مخصر مكياج شنب مافيه ذقن مافيه ومن تالي دحدرو باحمر الشفايف !!

هذا الجيل اللي معجبك يالمالغ :):)




بس تسانك دور الحل عندي الحل :):)


هذا مله الا انك ترهمه شايب :):) ــــــــــــــــــ واخطب له عجوز وزجه :)

وليانشدوكم عن عمره قل هذا ماكنن دور ابن رشيد بس فاصلن العداد :):)

ههههههههههههههههههههههههههههه



الله يستر عليه ويخليه لعينن ترجيه :)

[شنقل]

ازرق بوه للبحرين


وتشوف اذا ماتغير

[ليلى بنت عبدالعزيز]

حماده نفس اخوك
اخوك يمكن طال اخضر شاربه اخشوشن صوته
حماده لا طول اصبعي صغير كبر سناعيسو
اما الثوب سالفته سالفه الولد بمدرسه اهليه يلبس الي يبي وهو بثوبه كاشخ
مرة شريت له بنطلون جنز زعل علي، يقول:ابوي ولاجدي ولا خالي لبسه ..قلت هاه وانا القط وجهي..
:
تدري وش طموحه بالحياه
يبي يمتلك ددسن بحنايا وعليه شراع
ووده يحط في الحوش بيت شعر صح ابي يدوي مو جاهز مثل الي في المحلات حق الرخوم
ولا ضاق صدره دق على خاله ودني لخيولك ،ولا على عمي يقوله ياعمي ياغالي بخاطري ريحة الذود وأشرب حليب >> أمير
امس بالبر مسكت معه يبي يذبح تيس يوم مر قطيع غنم ويقوم خاله ويشري وحده عشان خاطره ويذبحون ويصلخون >>شدوق حماده الين مكه>> عود مدلل
له أكثر من سنتين مايطلع على الحريم >> يقول خليهم يتغطن
انا خايفه من شي يقووووول :أبي العرس

:

يعرف للكوره والفرق والسوني بانواعه ومعه لاب توب ومنتديات ومشاركات بس التغير مرفوض عننده
بس بيني وبينك أحسن ..
وخل اخوك كذا ,,,ريالوه وش رايك نخليهم يتصادقون اعتقد بيكونون دوله صح كلها رجوله..


ريال تعال ابيك
انزل

/

/

/

/

منت سهل موضوعك :thumb:

[فوووز]

ريال الفسحه
صح أن أخوك كذا غثيث ..
ومافيه أمل يتطور ويندمج مع هالعصر.. ذا من العصر الحجري
ههههههههههههههههههههههههههه
بس والله أحمد ربك ..
أجل وش رأيك باللي يستصعب حياة الشباب و وده يصير بنيه... هذا اللي ماله دواء
الله يستر على شباب هالايام,,,

[حمـود]

هذا انسان ما اصدق

بالله ريالوه

قله عندي انا نعجه تكح وش اداويه بوه

بالله ابي الرد بسرعه

ههههههههههه