مالله قاسم [الأرشيف]

مشاهدة النسخة كاملة : مالله قاسم

يـــوسف

22-02-2009, 02:17

السلام عليكم ورحمة الله وبركاته
يالله صبآح خير ويالله مساء خير على الجيمع
يالربع قسمن بالله اني اخطط اشتكي .. تسيف يوم كتبت لي موضوع هذا طول .
بالعربي تقول صك بوه حجة استحكام على أرض تخبرونهم يمغطونك بأربعين الف سطر أخر شي يقولك الأرض الفلانية مملوكه لفلان .. طيب كل هاللي فوق وش تبون بوه تكبتونه :(

ماعلينا :)

يوميا نعاني من مشاكل ونواجه انواع وأشكال ننحسد على اننا نقابلهم <_ مستانس

يالربع اليوم يوم غريب عجيب قسمن بالله بحياتي كله ماشفت زي بعض هالحرامية وبما انه وقت نزول راتب يكثرون :)

اليوم بداية الدوام وأستقبل مكالمة _______> بداية تشتيم وسعابيل وغلط على كل خلق الله :)

آخر شي يقول ليش تخصمون علي 4000 قلت لحظات معي ... وأكشف حسابه يالربع طلع حرآمي ينزل الراتب يسحبه كله وإذا خصمو عليه يزعل يقول ليش تخصمون علي 4 شهور ؟؟؟

طيب يعني يابو شدوق بس انت تبي تعيش مافيه ناس غيرك تبي حقه :)

المشكلة يقول انتم يالبنك حرامية .. طيب يالأخو وش نسميك حرامي هريهرا ههههههههههههه

ولا الثاني يقول نازل لي راتب خدامة يوم شفت حسابة الا 140 ريال .. قلت سلمك الله الخدامة راتبه اكثر منك وهو يقفل بوجهي :solh:

ولا واحده تهاوش ليش موقفين بطاقته الفيزآ يوم راعيت له الا 6 شهور مادفعت شي ..
يوم قلت ياطويلة العمر عندك 6 شهور متاخره بالسداد قالت شغلوها لي والله مااسحب بس بشوفه شغاله ههههههههههههههههههههههه حسيت انه مختله ولا مضروبة كوع مع هامته يوم هي وغيده :)

الزبده بواحد يالربع راتبه 17 ألف تخيلو مابقىا من راتبه الا 2000 الباقي كله تأخرات بالسداد وزعلان يقول من عطاكم الحق تخصمون علي كل هالمتأخرات قلت حنا قال انت منهو قلت انا البنك:)

قال انت راس مالك موظف تشتغل عندي ....

قلت وجهة نظرك واحترمه بس بالحقيقة انا امثل بنكي قال واللعنه فيك قلت ماعليك زود طال عمرك :)
ياناس ماتحسون بهالشعور شي والله العظيم <_ ماعاد فيه إحساس ههههههههه

قال انت فيك وفيك وفيك ومافيك ويجيك ويخطيك ويلفك ومدري وشو ..

قلت رجاء انا ماأقدر اكمل معك المكالمة لأن تربيتي راقية وماتعودت انزل لهالمستوى قال وربي لااذبحك قلت لا ياطويل العمر هذي فيها شكوى رسمية والمكالمة مسجله وانا ماراح اخلي حقي :)

قال لاتقول طويل العمر قلت ماأعرف اقول الا ياطويل العمر قال قلي ياإكح كح ولاتقولي طويل العمر ... قلت ماعليش ياطويل العمر اذا مستواك كذا انا هنا أرفع من مستواك هههههههههههههههههههههههههههههههههههههههه هههههه

قال أنت بشر قلت لاياطويل العمر أدمي وهي تقفل معه ويطلب مني أحوله على الشكاوي قلت ماعليش مااقدر احولك دق مره ثانية ..وأنا صادق لحد يقول صرفه :(

وهو يقفل وأنا اروح أتقهوى عند خوين لي ماخذيت شوي الا شلة الشكاوي جايين كلن كرشه قدامه اربعه متر أصغرهم عمره 35

قلت بقلبي لاهلا ولامرحبا الله لايقبل هالوجيه

قالو فيه عميل مشتكي عليك ... قلت طيب سلامات جايين كلكم كنكم رايحين هوشة :)

ويسحبونن واتسمع للمكالمة قالو وش ملاحظاتك قلت العميل خبيل يقرنهن بالشعبان .
[طبعا انا اسمع المكالمة ومنخرع بالعربي موقفين فوق راسي تقل محققين حاشرين لهم متهم بقضية إرهاب ]

قالو ايش معنا شعبان.... قلت لهم لاصرتو زيي بدونز تعرفونهن المهم مالقو شي علي ورحت لمكتبي وأطلب لي هكالعشاء واقوم افغم يما انتف بطيني .ياويلي ياواحدن بهم يبي فصلتي باللي هي بوه

وأفتح الخط وأول مكالمة حسيت ان فيه قواطي ونعول الله يكرمكم دخلن من السماعه :solh:

لحجي يقول سارقين مني 200 ريال ؟

يالله يعني بنك عنده مليارات يردي نفسه ويسرق منك ياللي ماتطلع الريال وش يبي فيك :)

المهم اننا نعاني يوميا من حرامي ويعتبر نفسه على حق يعني مشكله :)

توسدو إحترامي

غالب

22-02-2009, 02:48

أصبر شوين أبي إجي
أشغلن خوينا البارح اللي بغا يكلمك تخبروه هههههههه

واستلم سلامي

حيل حليل

22-02-2009, 02:59

ههههههههههههههههههههههه
والله ياهي معـــــــاناه شغلتكم

انت وش سويت بدنياك عشان يحطونك بهالوظيفه:315r:
واعزي لك
لكن كله كوم واللحجي اللي يبي الميتين ريال كوم
واوووووووووويلي ( فيس تركي 2000 يتوجد:))

عسى الله يعينك
انا لو محلك كان ما أفطر اذا بغيت اداوم
عشان اتفاهم مع هالسلنتح اللي ماتفهم
العن شكله تقوله تيس ويقولك احلبه:)

يالربع ادعوا
لمشرفنا ان الله يرزقه بالصبر والسلوان عله يجد مايرضى:315r:

يـــوسف

22-02-2009, 03:07

أصبر شوين أبي إجي
أشغلن خوينا البارح اللي بغا يكلمك تخبروه هههههههه

واستلم سلامي

خويك انت ماهو خويي :)
اللي تسبب بصفقك حظر ههههههههههههههههههههههههههههههه
لاصرفته علمن افك الحظر عنك :)

أتحراك

ابو ضاري

22-02-2009, 03:09

كل هذا يسون فيك ياخالي

المفروض يعطونك بدل اساء للادب التي تتعرض لها من العملاء

ياخالي بعضهم مايستحي ....

والحراميه بكل مكان انتبه ....ويسلم عليك ابو عقاب ياجدي انت

يـــوسف

22-02-2009, 03:10

ههههههههههههههههههههههه
والله ياهي معـــــــاناه شغلتكم

انت وش سويت بدنياك عشان يحطونك بهالوظيفه:315r:
واعزي لك
لكن كله كوم واللحجي اللي يبي الميتين ريال كوم
واوووووووووويلي ( فيس تركي 2000 يتوجد:))
أنت تشوف هاللي يحسبن مابهالدنيا الا هو يسرقونه هههههههههههههههه
مايدر ان بوه شركات <_ فل السبحه :)

عسى الله يعينك
انا لو محلك كان ما أفطر اذا بغيت اداوم
عشان اتفاهم مع هالسلنتح اللي ماتفهم
العن شكله تقوله تيس ويقولك احلبه:)
والله اني بعض المرات اصلي باليوم المغرب مرتين والعشاء ثلاث اتسذب على المشرفين اقول ماصليت كله ابي انحاش واقفل :)
يالربع ادعوا
لمشرفنا ان الله يرزقه بالصبر والسلوان عله يجد مايرضى:315r:
اي والله قومو روكعو وصلو وادعولي تكفون لا أنجلط باتسر :)

لاهنت يالغالي

عبدالمجيد الشمري

22-02-2009, 03:11

ههههههههههههههههههههههه

ما اقول الا الله يعينك يالمتكي

توسد احترامي وتقديري واعجابي

عبدالمجيد

يـــوسف

22-02-2009, 03:13

كل هذا يسون فيك ياخالي

المفروض يعطونك بدل اساء للادب التي تتعرض لها من العملاء

ياخالي بعضهم مايستحي ....
أقترحت عليهم قبل فترة بإيميل أرسلته لجميع المدراء يعطونا بدل تهزيء وبغو يتنفوني بس وقعوني على إنذار ماهو شين :)

والحراميه بكل مكان انتبه ....ويسلم عليك ابو عقاب ياجدي انت

عليك وعليه السلام وسلم عليه وقله ترن ابزوجه :)

لاهنت ياخالي وأفزع لي انت والشاهري وظفوني بالجبيل لاباتسر تطلع صورتي بالجريدة ذابحن مديري :)

يـــوسف

22-02-2009, 03:15

ههههههههههههههههههههههه

ما اقول الا الله يعينك يالمتكي

توسد احترامي وتقديري واعجابي

عبدالمجيد

لا لا لا لا جيتك انت غير ولاهو قصور بالاخوان بس انت جيتك غير يالغالي :)
سناعيسو بعد ورتس قم اذبح لنا من القعدان <_ مهايطي ويجيب العيد :)

الغالي عبدالمجيد لاهنت يالغالي على هالمرور اللي يقوطر عسل وشعر :7ayyoh:

بنت الجبل آخت القصيد

22-02-2009, 03:36

عبدالمجيد الشمري

22-02-2009, 03:38

لا لا لا لا جيتك انت غير ولاهو قصور بالاخوان بس انت جيتك غير يالغالي :)
سناعيسو بعد ورتس قم اذبح لنا من القعدان <_ مهايطي ويجيب العيد :)

الغالي عبدالمجيد لاهنت يالغالي على هالمرور اللي يقوطر عسل وشعر :7ayyoh:

يابعد حيي وميتي يالعزوه والله اني اسج عليكم دايم
واكخكخ من الضحتس ولا ادري وش ارد يالغالي:)

<<< ما الله عطاه من هالابداعات وخفة الدم ,,

الله لا يهينكم جميــــــــــع

محبكم
عبدالمجيد

يـــوسف

22-02-2009, 03:45

ياربي :)
كتبت رد مهنا طولوه وفصل معي :)

سالفتن حلوه بس كسرت خاطري اللي تقول والله ماسحب منه شيء
اختي بالعيد لقت البنك ماسحبو منه شيء قالت ايه عيديه منهم لنا الله يجزاهم خير
وراحت اسحبتهن وانبسطت - وانبسطنا معه كرمت لنا بالملاهي- وعقب 3 شهور انسحب منه يوم راحت لهم
قالو متاخر انتي من قالتس تسحبين :)
.
.
عقبال ماتصير مدير البنك

والله لو هي مشتكيتهم تسان مطلعينهن من عيونهم :)
البنك يخطي يعني يبي خلق الله يخلون له القسط مايتعرضهونهن هههههههههههههههه

بس آشوا استانستو بهن :)

لاهنتي

يـــوسف

22-02-2009, 03:47

يابعد حيي وميتي يالعزوه والله اني اسج عليكم دايم
واكخكخ من الضحتس ولا ادري وش ارد يالغالي:)

<<< ما الله عطاه من هالابداعات وخفة الدم ,,

الله لا يهينكم جميــــــــــع

محبكم
عبدالمجيد

ياأبن الحلال لو بس تسلم ترك تونسنا والله يالغالي
أبد الفلة فلتك متى ماحصل لك سجه تعال نتولج سناعيسو :7ayyoh:

العَـــروب

22-02-2009, 03:55

انا يوم اني تبهدلت تركت الشغل وصرت ربة بيت

انت اذا تركت شغلك شتصير ؟ رب بيت ؟ :)

اصبر يا مال العافية .. مالك الا الوظيفة عشان نلقالك بنت الحلال ونزوجك
ما صارت للحينك عزوبي :)

يعطيك العافية يا يوسف

يـــوسف

22-02-2009, 04:16

أم يوسف يمكن اصير رب منزل أكيد مايبي له كلام :)
ياحلو زولي بالمطبخ هههههههههههههههههههههههههه

لاهنتي ياأم يوسف .

&^^مهــــا^^&

22-02-2009, 05:34

هو انت للحين ماغيرت وظيفتك <<هو بكيفه:)

الله يعينك على هالاشكال

تلقى راسك كله شيب ويوم عن يوم يزيد الشيب لما يشيبن عيونك :)

اصبر اصبر لا لقيت لي وظيفه اتوسط لك <<رحمتك:thumb:

والله يرزقك بوظيفه تسعدك وتريحك من هالاشكال

والله يعطيك العااااافيه على موضوعك

تقبل احترامي,,

مصيول

22-02-2009, 05:49

اللحين هالموضوع كله كوم وانك تكي ورا الشمس وتخلينا كوم !!

ياملا الغنيمه ماقلت اخذ مصيول يتكي معي :):)

وبعدين والله ماالومهم البنوك هم الحراميه :):)

يعني بالله وش شعورك تشوف راتبك اخر الشهر لاطينه !!

الله يعين ابو 17 الف :( ـــــــــــــــــ ولا اللي تقل رتب شغاله على قولته !!

المفروض البنك مايسحب كل الراتب ياخذ جزء منه !!

ولا وش ذنب هالمقرود وعايلته يعيش بالدين شهر !!

بس ان جيت للصدز ام فيزه هذي فله :):) تكفى ان دقت عليكم اخطبه لي :):)

ريتاج

22-02-2009, 06:49

يااوخيي ماالك الا الصبر ثم الصبر ثم الصبر

بس والله ياهي اهاناات تجييكم يمين تشيب الراس الله يعينكم بس

تجوود يااوليدي بووظيفتك برجوولك ويدييك وسنوونك بعد.. مااحااصلن لك غييره..:)

يالله انك تووفقه ..وتيسر له

شع شع

شيـــــــــــــــــــع

الشبث

22-02-2009, 13:24

لا يا عيشة مرمر

ياخوي لو انا مكانك تسان كل يوم مشاتم انا وهالخلق خخخخخخخخخخ

ياصبرك

بس انت قلته مات الاحساس خخخخخخخخخ

لاهنت يالذيب

والله يصبرك خخخخخخخخخخ

وتقلد تحيتي

عبدالله الجعيثن

22-02-2009, 13:48

تمسك بوضيفتك

وش انت لاقي

ماورى البيب الا القواطي وتريلات الاتراك

يـــوسف

22-02-2009, 14:18

هو انت للحين ماغيرت وظيفتك <<هو بكيفه:)

الله يعينك على هالاشكال

تلقى راسك كله شيب ويوم عن يوم يزيد الشيب لما يشيبن عيونك :)
الشبيب :(
اصلا فيه شعر علشان اشيب :)

اصبر اصبر لا لقيت لي وظيفه اتوسط لك <<رحمتك:thumb:

والله يرزقك بوظيفه تسعدك وتريحك من هالاشكال

والله يعطيك العااااافيه على موضوعك

تقبل احترامي,,

الله يجزاك خير على هالدعوه عقب دعوتك ابقدم استقالتي بكرا :)

لاهنتي

السنعوووسيه

22-02-2009, 14:22

يـــوسف

22-02-2009, 14:22

اللحين هالموضوع كله كوم وانك تكي ورا الشمس وتخلينا كوم !!

ياملا الغنيمه ماقلت اخذ مصيول يتكي معي :):)
بعد زول يازول مصيول خلنا نقضبك الحين عقب نحجز لك :)

وبعدين والله ماالومهم البنوك هم الحراميه :):)
ماهم حرامية ولاتقذف :)

يعني بالله وش شعورك تشوف راتبك اخر الشهر لاطينه !!

الله يعين ابو 17 الف :( ـــــــــــــــــ ولا اللي تقل رتب شغاله على قولته !!

ياخوي من عمايلهم يوم انك تقرد روحك وتقبل هالدين ليه محد قالك سو هلون :)
خلهم يستاهلون والله اني مستانس انهم متبهذلين :(

المفروض البنك مايسحب كل الراتب ياخذ جزء منه !!

ولا وش ذنب هالمقرود وعايلته يعيش بالدين شهر !!

طيب هو يومنه ينام عند الصراف واول ماينزل الراتب يسحبه كله ويحول الباقي شنوح :315r:

بس ان جيت للصدز ام فيزه هذي فله :):) تكفى ان دقت عليكم اخطبه لي :):)

ام فيزا هي لو تاخذه شهرين وانت محبوس ههههههههههههههههههههههههه

أبخطب لك وحده خابره كل ماهذا تدق علينا عمره 18 ورصيده 3 مليون :)
ولاتقول الا بابا وماما :)

خلك على خط النار

يـــوسف

22-02-2009, 14:24

يااوخيي ماالك الا الصبر ثم الصبر ثم الصبر

بس والله ياهي اهاناات تجييكم يمين تشيب الراس الله يعينكم بس

بدينا بالذل :)

تجوود يااوليدي بووظيفتك برجوولك ويدييك وسنوونك بعد.. مااحااصلن لك غييره..:)

متجودن به اللهابوهم ماني مخليه ماعليتس :)

يالله انك تووفقه ..وتيسر له

شع شع

شيـــــــــــــــــــع

شيع ياريتاج :)

يـــوسف

22-02-2009, 14:27

لا يا عيشة مرمر

ياخوي لو انا مكانك تسان كل يوم مشاتم انا وهالخلق خخخخخخخخخخ

ياصبرك

بس انت قلته مات الاحساس خخخخخخخخخ

اويلي يالاحساس اسمع بوه ههههههههههههههه

لاهنت يالذيب

والله يصبرك خخخخخخخخخخ

اللهم آمين ويجزاك خير

وتقلد تحيتي

لاهنت يابو ماجد والله يخلي لك خويك الفلبيني هههههههههههههههههه

يـــوسف

22-02-2009, 14:28

تمسك بوضيفتك

وش انت لاقي

يابو غازي فيه وظيفة بمصر تسان تخاوي :)

ماورى البيب الا القواطي وتريلات الاتراك

ولايهون ابو كنعان :)

يـــوسف

22-02-2009, 14:33

مره من المرات جيبت بسدد فاتورتي من حساب ابوي:)
والحمد الله حصلت رقم العميل ***والرقم السري:solh:
صار الموضوع سهالات

اول 3 شهور اسدد عادي مره من المرات جيت بسدد ويقول الي برد الالي
لا يمكنك السداد00جلست يومين احاول مار مافيه امل:za3lan:
^
^
شوفو شلون تنهب ابوه :)
وانا ادق عليهم00ويرد علي واحد اضاهر انو انت هع هع
لا أنا أفزع على طول لاشفته من 06على طول اطفي النور ههههههههههههههه
قلت ياخوي ماقبل السداد معي وش المشكله:a:
قال اختى الحساب بسمتس قلت ايه<<انا اتسذب بسم ابوي:3ajeeb:
قال اني اسمك فلان قلت ها قال اقول اسمتس فلان قلت ايه الصزت صوت مره والاسم اسم رجال<<شف وساعة الوجه:315r:
هههههههههههههههههههههههههههههههههههههههه هههههههههههههههههه
مار يوم شاف زلختي مثل الشمس قال اختي عفوا اخوي عندنا خلل بالنضام
دق مره ثانيه:)
لو انا محله تسان موقفن البطايق وقايلن لتس روحي للفرع باتسر عشان تنقردين ههههههههههههههههههههههههههههههههههههههه

والله بعذركم انواع واشكال تصادفون ههههههههههههه

يعطيك العافيه يالزعيم
كل الشكر

عاطر ودي

على الطاري :)
مره جاني اتصال الأسم إسم مره والدلع دلع مرايه يعني عجايز كبر القاع
والصوت صوت واحدن كبر ابو غازي وبلشت به ماأدري هي حرمه ولا رجل :)
والأسم رجاء <_ يعني يجي ولد وبنت

بلشت بوه آخر شي يوم قلت أخوي وهي تقوم تزابد من ورا هالتلفون طلعت مشغلتن السبيكر وعنده حريم تفشلت :solh:

لاهنتي يالسنعوسية

أحمد

22-02-2009, 14:38

يوسف يابعد زولي زولك

يعني من يوم تنزل الروتب تبدا المزمزه خخخخخخخخخخ

انا الحمد لله فلوسي اجمعهن بقواطي نيدو ومااتعامل مع البنوك

تدري ان زل المزح الله يعينك يالعشير

كاسيان ===> يعني مسيكين

يـــوسف

22-02-2009, 15:12

اي والله انك صادز مزمزه على اصول ههههههههههههههههههههههههههههههههههههههه
يعني ريالوه يدفع به ملايين بس يمزمز :)

وشو كاسيان لاتخليني احس اني زي سناعيسو :)

يازين زولك يالجثري بطرف برزان

لاهنت يالغالي

فتى البيداء

23-02-2009, 01:37

يوسف ياحياة الشر والشرير .. عاد تصدق أن كان الكلام ألي قلته له هذا

ألي أنت كاتبه فوالله ما أشوف فيه غلط .. ولي يدور الزله أخرته يمتلي

أفمه أتراب .. عاد تصدق أن فيه ناس عايشين لزله يايوسفيه ..

بعض الناس يحسب الكرم والشهامه بس في أمور العزايم ما يدري أنه

تشمل حتى الأخلاق .. وحسن المعامله << الهدن راعي الزله ق التحقيق ..

يوسف ( تعبر بأم شوشه يما تجيك المنقوشه ) ..

εïз خزامى εïз

23-02-2009, 01:54

يآحووول
يآصكآتــ بقعآآآآ :frown:
اسمع
ترى والله محدن مرتاح ياخوي
الكل يشقى ويتعب
ومحدن رآضي
كل الوظايف تتعب ماعدآ ارآمكو هههههههه
مااقدر اقول الا الله يقويك ويعينكـ
نآس واشكال غريبه:(
درس لك تصير صبور اكثر .. والله انك كفو يوم قلت ماعليك زود ههههه
هذا وانا ودي اتوظف ببنكـ بس الكل يقول فوق الشغل اللي "اوب" زين
سمعه للبنات "اول" زينه
ميرسي
سيو

يـــوسف

23-02-2009, 02:12

هلا وغلا بفهد أبو شداقاتن متهدلات :)

يافهد والله ماجا الا الصحيح بس وش تسوي بهم .. يجيك مشحون وحالته حاله ويشوف نفسه ماسرق :)

اويلي يافهد عاد تدري لاطلعت اوفاتي يومين اتضايق ابي اداوم ياخوك وناسة ههههههههههههههه

لاهنت يالعزوهـ

يـــوسف

23-02-2009, 02:16

خزآمىا عاد آرامكو أشر ناس أوب حلوين :)

أول مايتوظف الواحد عندهم هاااااااااااااااااااالكبر جنوبه :)

خمس سنين يمدي يشرحون عليه بمادة الأحياء هيكل عظمي خالص

وش يبغىا بالراتب اوب زين الفلوس :)

لاأبشرتس صبرت يما انبشمت من الصبر ماعاد هي لحية اصبر ابصير دختور أشعه <_ وخذنا :)

لاهنتي

فوووز

01-03-2009, 18:09

والله مانتب سهل يامتكي
أنت لها ... والله انك تسكتهم.. وتخليهم مايسوون :)
بس الله يعينك عليهم...صدق غثى وناس ماتفهم
أحرص على نفسك من حقين الشكاوي وهاللي يبي شيلتك...

تقبل مروري /أختك فوووز

يـــوسف

01-03-2009, 18:12

<_ عاضن ثوبه يبي يهجم على المضيف العام تحمس :)

الله يعطيك ألف عافية أختي وأبد لاتوصين حريص :)

توسدي إحترامي

حمـود

01-03-2009, 19:15

ههههههههههههههه

الله يخس العدو

يوسف يا لى اللي انت خابر

دمت بخير

يـــوسف

01-03-2009, 19:46

حمود يازول العربان زولك ول ماأزين زولك :)

تقل سعفه :)

لاهنت يابا اللي انت خابر هههههههههههههههههههههههههههههه

توسد إحترامي