المساعد الشخصي الرقمي

مشاهدة النسخة كاملة : ظاهره اجتماعيه : الزوجة الثانية


فوووز
20-02-2009, 03:24
http://up2.m5zn.com/photo/2009/2/19/07/sgmb7rhz1.gif/gif


{مدخل:


صحوتُ على حُلمٍ جميلٍ بهيج..
ملأ قلبي طرباً..
بعث الحياة في روحي من جديد..
أيها الفرح..
أحلم أنت أم حقيقة؟؟
أواقعٌ أنت أم خيال؟؟



http://up2.m5zn.com/photo/2009/2/19/07/y5iingfzn.gif/gif



. الزوجة الثانية .


هذا الموضوع ابي اشوف راي الجميع فيه ,, لاني حاسه انه في هالايام صاير الزواج من زوجة ثانية كانها قاعِدة في الحياة الكل لازم يسير عليها.


بعض الشباب قبل مايتزوج يموت لين يلقى الزوجة الاولى وكل هذا عشان كثرة شروطة وطلباته ويطول لين يتزوج !!
و يصر على شروطه ومستحيل يتنازل عنها...ولو ماتوافقت العروس مع شروطه يرفض وهو رافع راسه ..ومتمسك برأيه ..


بس بعد مايتزوج بعد عناء وجهد جهيد..فترة بسيطة بس....


و يوم تدرون آلاه قاعد يدور زوجة ثانية , وبكل سهولة هالمرة يلقى عروس ومن دون شروط ,,,
وش السبب ؟؟؟ وش سبب بحثه عن زوجه ثانية ؟؟؟؟!!!!!!!
ليه ,,, ممكن تكون زوجته مقصره معاه؟
او انه يقالكم بيطبق الشرع _ مقوله دايم يقولونها الشرع محلل اربع_؟
وإلا يبي يستر على اكبر قدر من البنات ويتزوجهن لان العنوسه كثيرة بسبب كثرة عدد البنات عن عدد الشباب (وعلى فكرة الكلام هذا مهوب صحيح لان عدد الشباب الان هو الاكثر بفارق كبيروبكرة الشباب هم اللي بيعنسون)؟
وإلا إذا ماكان شاب قال يبي يجدد شبابه؟؟
وإلا وش الغرض من هالزواج بوجهة نظركم؟
مع العلم أنه ممكن يكون عايش حياة سعيدة...والكل يحسده عليها .. وهو يبي يرفس النعمه برجله ويدور له على نكد..


عندي بعض الأسئلة وابي اجاباتها منكم بكل صراحة ..
كل واحد يجاوب على السؤال الموجة له..



http://up2.m5zn.com/photo/2009/2/19/07/y5iingfzn.gif/gif


من جهة : ( سؤال موجة للبنات):
السؤال موجه للبنات ,,
ممكن نستثني المطلقات والأرامل.. من السؤال ..لان اكيد المجتمع راح يكون حاكم عليهم انهم خلاص (زوجه ثانية)..!!
لانه معارض أنها تفكر بالزواج من شاب (ولد )ماسبق له الزواج..أو لو تقدم لها أنها توافق عليه.
نرجع للبنات و السؤال الموجه لهم ...
أنت توك بنت مابعد تزوجتي و جاك شاب (أو رجال كبير شوي) متزوج من قبل وزوجته على ذمته و جاء يخطبك أنت على انك تكوني زوجة ثانية وش راح يكون ردك ..؟؟؟؟
بتقبلين والا لا ..؟ وش أسبابك في القبول ؟ ووش أسبابك في الرفض.؟
فضلا عن انه ممكن يكون بينك وبينه فارق السن اكثر من عشر سنوات.. وله أولاد كثير .. او ممكن يكون منهم منهو متزوج . <<<< ابي الرد بكل صراحة.


http://up2.m5zn.com/photo/2009/2/19/07/y5iingfzn.gif/gif


ومن جهة ثانية: ( السؤال موجة للشباب):
لو تقدم لأختك هذا الرجال اللي سبق وذكرت ,بغض النظر عن رجولته واخلاقة وش راح يكون ردك على هالخطبة ؟؟ بتوافق؟.. او ترفض ؟..
او تظل ساكت ما يكون لك وجهة نظر..أو ردة فعل.. وتقول القرار قرار اختي وهي اللي بتتزوج.. ؟؟؟<<< بس أنتبه ترى هنا أختك أحوج ماتكون لك في هالموقف.
طيب افرض اختك عشان تتخذ قرارها لجأت لك تستشيرك بالموضوع وبغت رايك بكل صراحة وش راح تقول لها ؟؟؟ ؟؟؟؟؟
طبعا قلنا بعيداً عن اخلاق الرجال وصفاته نبي رايك في وضعه الاجتماعي وحياة اختك معه..
الحين صارت حياة أختك ومستقبلها بيدك ياتقنعها تتزوجه كزوجة ثانية ,, ياتخليها ترد الخطيب والله يرزقها ابرك منه ...


مع العلم ان الكل يعرف كيف تكون حياة الرجل المتزوج من ثنتين, ووش الاعباء اللي راح يتحملها فوق طاقته واهمها العدل بين الزوجتين .


غير انه ممكن مايكون صاحب شخصية قوية وتصير احد زوجاته مسيطرة عليه وتمشية على كيفها و تروح الزوجة الاولى او الثانية بالرجلين (على حسب الزوجة المسيطرة.) <<< وغيرها امور كثيرة لايمكن حصرها.


http://up2.m5zn.com/photo/2009/2/19/07/y5iingfzn.gif/gif



أخيراً:
انتم كشباب وش راي الواحد فيكم من الزواج من زوجة ثانية ؟؟.
ممكن يفكر فيه ؟؟!!
سواء وهو في شبابه او بعد مايتقدم فيه العمر؟؟
ووش وجهة نظرك في الموضوع ؟ وهل أنت من المؤيدين للزواج من زوجة ثانية؟ او من المعارضين اللي يقبل بالحياة الهادية والهانئه.؟؟؟


موضوع حامي شوي بس أبي رأي الجميع بكل صدق وواقعية. وصراحـــــــــــــــــــــة بعد..



http://up2.m5zn.com/photo/2009/2/19/07/y5iingfzn.gif/gif



}مخرج:


تلك الساعات المعدودة التي قضيناها سوياً..
أكانت موجودة في صفحاتنا أم أننا سرقناها من دفاتر القدر..؟؟!!
أيها الفرح..
بعثرتني بعد أن بعثرت روحي..
أخفتني بعد أن كنت سعيدة..
أتعلم أنني لازلت أشعر بانك لم تكن سوى حُلم جميلٌ في مخيلتي....



http://up2.m5zn.com/photo/2009/2/19/07/gx2rkoo1x.gif/gif
يـــوسف
20-02-2009, 03:54
أختي فووووز الله يعطيك العافية على هالموضوع .

وأنا عن نفسي للحين بلشان بالاوله ماتزوجت للحين :)

يعني اعذريني عن الأجابة مابي اقول رايي عن شي ماجربته .



وين المتزوجين مالهم حس ولاخبر <_ الشاهري وينك :)



توسدي إحترامي
راعي البيرق
20-02-2009, 04:21
^
أنت ياللي فوق ... تعال وألقالك بدال الوحده ثتين ..
الحريم على قفى من يشيل .. :)
ــــــــــــــــــــــــــــــــــــ
أختي أنا أشوف أن الزواج من الثانيه .. في هذه الأيام .. أصبح شبه عام ..
للحاج الماسه له .. من النساء لقلة الرجال .. بالنسبة لكثرة النساء ..
وفي قادم الأيام .. ستقبل البنت بأن تكون ثالثه ورابعه .. وهي مبسوطه ..
عسانا نلحق هذيك الأيام .. :)
ــــــــــــــــــــــــــ
متكي وشرايك .. :d:
ملامح شمري
20-02-2009, 07:34
{مدخل:


صحوتُ على كابوسٍ مريع..
ملأ روحي سخطًا..
بعث الموت في قلبي من جديد..
أيها السخط..
أصاحيٌ أنت أم نيم ؟؟
أجادٌ أنت أم تستبهل ؟؟



ومن جهة ثانية: ( السؤال موجة للشباب):
لو تقدم لأختك هذا الرجال اللي سبق وذكرت ,بغض النظر عن رجولته واخلاقة وش راح يكون ردك على هالخطبة ؟؟ بتوافق؟.. او ترفض ؟..
او تظل ساكت ما يكون لك وجهة نظر..أو ردة فعل.. وتقول القرار قرار اختي وهي اللي بتتزوج.. ؟؟؟<<< بس أنتبه ترى هنا أختك أحوج ماتكون لك في هالموقف.
طيب افرض اختك عشان تتخذ قرارها لجأت لك تستشيرك بالموضوع وبغت رايك بكل صراحة وش راح تقول لها ؟؟؟ ؟؟؟؟؟
طبعا قلنا بعيداً عن اخلاق الرجال وصفاته نبي رايك في وضعه الاجتماعي وحياة اختك معه..
الحين صارت حياة أختك ومستقبلها بيدك ياتقنعها تتزوجه كزوجة ثانية ,, ياتخليها ترد الخطيب والله يرزقها ابرك منه ...


مع العلم ان الكل يعرف كيف تكون حياة الرجل المتزوج من ثنتين, ووش الاعباء اللي راح يتحملها فوق طاقته واهمها العدل بين الزوجتين .


غير انه ممكن مايكون صاحب شخصية قوية وتصير احد زوجاته مسيطرة عليه وتمشية على كيفها و تروح الزوجة الاولى او الثانية بالرجلين (على حسب الزوجة المسيطرة.) <<< وغيرها امور كثيرة لايمكن حصرها.


,,,,,,


يا كثر كلامك كل ذا شرح لنقطتك , والله اننا فهمناها من اول سطر يا اخت فوووز


شوفي اذا اختي معنسة وفاتها القطار , ماعندي مانع وبنصحها تاخذه ..


على الاقل يمكن تحمل منه وتجيب ولد ينفعها ويبر فيها او بنت .


واذا كانت صغيرة وتوها , بقول صبري وان ماجاك احد وتقدم لك واحد


متزوج وانتي تخطيتي سن الزواج , خوذيه ورضي فيه


أخيراً:
انتم كشباب وش راي الواحد فيكم من الزواج من زوجة ثانية ؟؟.
ممكن يفكر فيه ؟؟!!
سواء وهو في شبابه او بعد مايتقدم فيه العمر؟؟
ووش وجهة نظرك في الموضوع ؟ وهل أنت من المؤيدين للزواج من زوجة ثانية؟ او من المعارضين اللي يقبل بالحياة الهادية والهانئه.؟؟؟


مؤيد , لاننا بنسوي خير ببنات الناس و بنسترهن
واذا عنسنا والبنات صارن اقل على قولتك
مع ان مثل هالشي مُستبعد بجد و بدون مزح
بتكون خيرة لنا , لانهم بيسمحون بالزواج
من برى و بيفتحون لنا الباب ولا براح نبلش
بسالفة الفيزا او ندور واسطات عشانها.
ذا من ناحية و من ناحية اخرى
عشان تادبين كل وحدة ان غثتك
بالثانية و تقهرينها وبس






}مخرج:


تلك السويعات التي قضيناها سوياً..
أكانت موجودة في جرايدنا أم سرقناها من دفاتر ابلة منيرة..؟؟!!
أيها السخط..
لجيتني بعد أن صجيت راسي..
اضحكتني بعد أن كنت ببتسي..
أتعلم أنني لازلت أشعر بانك لم تكن سوى واحد فاضي شغل في حوش اهلي..!
السنعوووسيه
20-02-2009, 07:57
حي الله اختي فوووووووزroooose

من الاخير

الرجال وش له بوجع الراس

مااخذ الا فيه قصور بزوجته استحاااااااااااااله 0او ماله مكان بقلبه
ولا وين يبي يتزوج ويبلش0!!!!!!او ان زوجته ما دخلت قلبه
استحاله غير كذا





انا عني متكيه عند الوالد:)
ما طاري على عرس وانا اختس 00ابصير صمله :)






يعطيتس الف عافيه


عاطر ودي
طلال
20-02-2009, 08:00
.:. فوز .:.

.:.

.:. موضوع جميل جدا .:.

.:.
.



لو تقدم لأختك هذا الرجال اللي سبق وذكرت

.

.:. الصدق ..!!! .:.


و الله زين طلع سالم من المجلس :( بـ صراحه ..!!

.:.

.:. بالنسبــه للـ زوجه الثانيه << ما لاقينا الاولى الى اللحين :) .:.


.:. و الزوجه الثانيه بنظري مستحييييييييل ان شاء الله .:.

.:.

.:. لاعدمناك يالغاليه .:.
بنت الجبل آخت القصيد
20-02-2009, 08:28
يعطيك العافيه فوز
بالنسبه لي شخصياً طبعاً الرفض..هذي قناعتي الشخصيه
لان صعب تكون الحياه هادئه بدون مشاكل بهالزواج
واصعب منه تكونين انتِ سبب لهالمشاكل :)
فجلستك عند ميمتك احسن من مليون رجال


اما للي حولي من البنات دايم اقولهم من ناحية الشرع مو حرام ولاعيب
وتعتمد على الشخص المتقدم اذا كان دينه واخلاقه مشهود له بها ليش ترفض ؟


اتذكر معيده كانت تدرسنا بالكليه وكانت زوجه ثانيه
بالرغم من جمالها وتوها باول عمرها الا انه كان السبب بقبولها لهالرجل اللي متقدم لها
اعجبها عقله وتفكيره وتعيش سعيده الان معه ومع زوجته الثانيه بكل احترام بينهم
بالرغم من انها بعمر بناته وعلاقتهم ببعض قويه حتى اولادهم مافيه تفريق بينهم
لاعيال هذي ولاعيال هذي

طبعاً مو كل الناس كذا تعتبر حاله نادره

.
.
آحترامي
ابو راكــــــــان
20-02-2009, 08:31
اختــــــــــي فوز
موضوع جميل ويستحق النقاش....للزوجه الثانيـــــــــــه

ارى يختلف فيها كل رجل منهم من هو مؤيــــــــد ومن هو غير مؤيـــد

ومن الممكن يكون وجود الزوجه الثانيه بلا سبب اتباع سنه المصطفى
وله الحق في ذالك ولكن الكثير من الناس لا يقبل على الزوجه الثانيه الا بسبب من الزوجه الاولى ..اما مشاكل اوغير ذالك

وانا لا استطيع ان احكم على الكل.......
ريم شمر
20-02-2009, 10:32
باقي فئه رأيهم مهم مع انك ماطلبتيه


الزوجه الاولى :)



وبما اني زوجه أولى وان شاء الله اكون الأولى والاخيره :d:..( قولوا آمين يالسامعين:qannaj: )


فاليك رأيي :


التعدد ليس قانون بشري بل هو شريعة الرحمن

سمح به الله سبحانه للرجل مثنى وثلاث ورباع

اذن لايحق لي كمسلمه أن اعترض أو أو ارفض ماشرعه ربي

وفي حالة حدوثه سواء كان بسبب أو بدون سبب فليس علي الا الرضى والتسليم

لأن الرجل لم يقترف ذنياً او أثما او كبيره ولم يتعدى حدود الله

واما ان قاده ذلك الى الظلم والميل فهو ذنبه ويحمل وزر ذلك على كاهله



ورغم ذلك فـمن الطبيعي لكل إمرأة أن تحزن أو تغار او تغضب

فأمنا عائشة رضي الله عنها غارت

وقطعاً زواج الزوج لمرة اخرى أمر ليس بالهين على زوجته الاولى

خصوصا إن كان بينهما حب وموده وليس هناك سبب قوي للزواج ثانيه

لكن الحزن شئ والاعتراض شئ آخر !!
.
.



بالنسبة للرجل ففي هذا العصر الزواج من واحده وانشاء عائله

يحتاج لبال طويل وقدرة على التعامل مع تحديات الحياة

فمابالك باكثر من واحده او فتح اكثر من بيت

هذا الامر كما نرى جميعاً مايحصل في مجتمعنا

سيؤدي في النهايه بالرجل الى الهرب بعيداً عن المشاكل والمسؤليات

وترك بيوته المفتوحه وابناءه عرضه للضياع

يعني على قولة واحد من اعمامي ( عساني اتحمل وحده علشان آخذ الثانيه:) )

هذا عدا عن احتمال وقوعه بالظلم وبالتالي مزيد من الذنوب يحاسب عليها
.
.
.


بالنسبه للبنات فحسب ظروفها وماتحصل عليه

فاذا لم يتقدم لها الا متزوج فهل تبقى عانساً حتى لاتكون زوجه ثانيه ؟!!

لا اظن ان هذا من العدل ؟!

فلها الحق في بناء حياتها وانجاب ابناءها !!

ولايجب الحكم على الزوجه الثانيه لمجرد قبولها الزواج من متزوج

فمن نوى الزواج سيحقق نيته بها وبدونها


هذا رأيي بكل شفافيه وصدق
الذي طبعاً لايعلم عنه أبو طلال شيئاً :055r:


شكراً لك يافوزroooose
منصور الغايب
20-02-2009, 11:22
أهلا بك اختنا الفاضلة فوووز ...


الاولى ... هي المسؤولة عن زواج الثانية ..

إذ لو قرت عينه بالاولى لما احتاج إلى ثانية ..

والثانية .. قد تكون مؤدبة للاولى .. مقومة لها .. اذا أحسن الاختيار ..
وقد تكون معينا لها ... على الاجهاز ما بقي من حياة الزوج :)



شكرا لك ..
ريم شمر
20-02-2009, 11:26
^
^
معك في هذا لكن ليس في مطلق الاحوال

أحيانا تكون هناك اسباب اخرى لاعلاقه لها بالزوجه الاولى

بل أن الزوجه الاولى تظل هي الاغلى والاحب حتى لو تزوج عليها ثلاث :)
شامان
20-02-2009, 13:43
وإلا يبي يستر على اكبر قدر من البنات ويتزوجهن لان العنوسه كثيرة بسبب كثرة عدد البنات عن عدد الشباب (وعلى فكرة الكلام هذا مهوب صحيح لان عدد الشباب الان هو الاكثر بفارق كبيروبكرة الشباب هم اللي بيعنسون)؟
وإلا إذا ماكان شاب قال يبي يجدد شبابه؟؟
وإلا وش الغرض من هالزواج بوجهة نظركم؟




^
^
فوووز ما ادري صراجه وش مصدرك تكفي احصائيات حوادث الطرق،،
على كلن البنات اضعاف اضعاف الشباب .

على العموم نرجع لمحور حديثنا ...
الزوجة الثانية ..

اما ان يكون تصحيح للزواج الاول وتلافي السلبيات الموجودة فيه .. كجمال المرأه
مستواها التعليمي ..
صحة المرأه
عامل الزمن والوصول لسن اليأس
حاجة الرجل لإمرأه ثانية لإرضاء غريزته الجنسية ..

والحمد الله هذا شي مقبول شرعااا .. والخوف كل الخوف من عدم العدل فيما بينهم واعان الله من تعدد في الزوجات فهذا شي مرتبط بالعدل بينهن

شكرا فوز ارجو قبول شخابيطي بصدر رحب
شام
20-02-2009, 16:27
مثنى وثلاثة ورباع
لا اعتراض على شرع الله
و يجب الخضوع التام لأوامره سبحانه وتعالى في العدل
ومع ذلك ومع شدة التخوف من اللاعدل
ومع ارتفاع تكاليف الحياة الباهظة
بات الزواج من ثانية أمر جداً ضئيل ولا يستحق الذكر
محصوراً فقط لدى حالات معينة ( الانجاب )
إن كانت الزوجة الأولى لا تنجب ..
وغير ذلك فلم نعد نسمع أن فلان تزوج مرة ثانية ..
بل هناك مشكلة أكثر أهمية وهي عزوف الشباب عن الزواج لسن متأخر
بسبب كذلك ارتفاع تكاليف الحياة .. ويفضل الارتباط بعاملة او موظفة أو لديها مهنة
لمساعدته ..
شكراً اختي فوز للطرح المفيد
يـــوسف
20-02-2009, 20:26
يالربع قضبوني طريق لراعي البريق يقول على قفىا من يشيل وين اللي توافق :(
لاخطبت الوحده قالت وين يشتغل موظف بنك لا لا مابيه ياربي راتبه حرآم :)
وش أسوي بروحي أنا




راعي البريق ياخي لاتقول قل الرجال انا عندي استعداد اصفهن طابور ياشيخ بس دلوني على اللي يوافقون :)
لوليتا
20-02-2009, 20:42
*
*

لكل حالة ظروفها
وما قد نرفضه شكلا الان قد نقبله بعد حين
وطالما لا شئ يخالف شرع الله
فلا بأس ابدا
المهم لا ضرر ولا ضرار
فلا يكون الزواج الثانى بضرر باقى الاطراف والا هنا تم الرفض بكل تاكيد



فوووز موضوع حيوى

تسلمين

*
*
الشاهري العبيدي
20-02-2009, 22:31
قبل لا اقرا دعوة متكي لي لارد :)

كنت مجهز حالي وبأرد




موضوعك أخيتي موضوع الساعة لكثير من الناس والأسر



الرجل يبقى يطمح بالثانية


والمرأة الغيور تبقى تحد من هذا الطموح



والغالب من يسيطر بعطفه وحكمته وذكائه وفطنته بهذه الحرب السجال



فأحيانا تفشل الأولى باحتواء قلبه فتخسر الرهان!


ومرات تتحلى بصفة الحنونة المالكة لعقله وقلبه فتكسب الحرب الضروووس



هذا ما اراه حقيقة



اما فارق السن فليس بمهم جدا هنا



واحيانا اخر....يكون الزواج بالثانية بوقت يحدده هو وقت شاء أو

عند ولوج قصة حب في قلبه!


هنا يبتعد عن ارض المعركة تماما ويتجه اتجاه اخر......


كل الشكر لك اختي الفاضلة
فوووز
22-02-2009, 16:39
أختي فووووز الله يعطيك العافية على هالموضوع .

وأنا عن نفسي للحين بلشان بالاوله ماتزوجت للحين :)

يعني اعذريني عن الأجابة مابي اقول رايي عن شي ماجربته .



وين المتزوجين مالهم حس ولاخبر <_ الشاهري وينك :)



توسدي إحترامي

اهلين اخوي متكي
شرفتني بمرورك
بس كان ودي تجاوب عن اسئلة اللي موجهه لكم يالشباب كلها؟؟
يعني هالسؤال...

لو تقدم لأختك هذا الرجال اللي سبق وذكرت ,بغض النظر عن رجولته واخلاقة وش راح يكون ردك على هالخطبة ؟؟ بتوافق؟.. او ترفض ؟..
او تظل ساكت ما يكون لك وجهة نظر..أو ردة فعل.. وتقول القرار قرار اختي وهي اللي بتتزوج.. ؟؟؟<<< بس أنتبه ترى هنا أختك أحوج ماتكون لك في هالموقف.
طيب افرض اختك عشان تتخذ قرارها لجأت لك تستشيرك بالموضوع وبغت رايك بكل صراحة وش راح تقول لها ؟؟؟ ؟؟؟؟؟
طبعا قلنا بعيداً عن اخلاق الرجال وصفاته نبي رايك في وضعه الاجتماعي وحياة اختك معه..
الحين صارت حياة أختك ومستقبلها بيدك ياتقنعها تتزوجه كزوجة ثانية ,, ياتخليها ترد الخطيب والله يرزقها ابرك منه ...


مع العلم ان الكل يعرف كيف تكون حياة الرجل المتزوج من ثنتين, ووش الاعباء اللي راح يتحملها فوق طاقته واهمها العدل بين الزوجتين .



اتمنى اللي مارد عليه يتفضل يرجع ويقولنا رايه هنا وبكل صراحة...
فوووز
22-02-2009, 16:51
^

أنت ياللي فوق ... تعال وألقالك بدال الوحده ثتين ..
الحريم على قفى من يشيل .. :)
ــــــــــــــــــــــــــــــــــــ
أختي أنا أشوف أن الزواج من الثانيه .. في هذه الأيام .. أصبح شبه عام ..
للحاج الماسه له .. من النساء لقلة الرجال .. بالنسبة لكثرة النساء ..
وفي قادم الأيام .. ستقبل البنت بأن تكون ثالثه ورابعه .. وهي مبسوطه ..
عسانا نلحق هذيك الأيام .. :)
ــــــــــــــــــــــــــ
متكي وشرايك .. :d:


راعي البيرق هذا رأيك... ونحترمه ,,
بس الزواج من الثانية والثالثة والرابعة بس صار حاجة ماسة بسبب قلت الرجال بالنسبة للحريم...؟؟
طيب اللي يبي يقدم على الزواج هذا ضامن لهن عمره بيعدل بينهن عشان يوافقن عليه وهن مبسوطات..
وإلا بس هو يبي يجمع حريم وبس..؟؟

غير كذا ترى فيه حريم كثير يكرهون الشريكة لو هن كانن بيتزوجن كزوجات ثانيات..

طيب أرجع واطرح نفس السؤال لك..
قرارك اللي يتعلق باختك واللي متقدم لها... بترضى فيه والا وش بيكون ردك انت؟؟؟

عموما الاختلاف لايفسد للود قضية ..
واهلا بك ياراعي البيرق وارجوا عودتك واطلالتك من جديد..
ندووو
22-02-2009, 17:38
انا اتمنى اتزوج واحد اكبر مني باكثر من عشر سنين

حتى لو متزوج وعنده عيال

رأي الكبير راح يحبني اكثر يدلعني ويخاف علي ومستقر نفسيا وعاطفيا
مع اني لم اكمل الواحد والعشرين


اهم شي الاستقرار العاطفي واعتقد لن اجده الا عند رجل تعدا الثلاثين



هذه وجهت نظري
كلي حلا
22-02-2009, 18:20
الي يجي من الله حياه الله واذا كان عاجبني اكيد باخذه
صدىاجا
22-02-2009, 23:54
مع العلم ان الكل يعرف كيف تكون حياة الرجل المتزوج من ثنتين, ووش الاعباء اللي راح يتحملها فوق طاقته واهمها العدل بين الزوجتين .



غير انه ممكن مايكون صاحب شخصية قوية وتصير احد زوجاته مسيطرة عليه وتمشية على كيفها و تروح الزوجة الاولى او الثانية بالرجلين
اختي فوز لاحظت الارتباك وشرح المشاكل صار الحكم جلاد هذا واضح من خلال النصح اعلاه وهذا ليس من حقك لأنك تسألين فقط والتحليل للمجيب فهل كل هذا محاولة منك بتحديد الإجابات بالرفض
فوووز
23-02-2009, 23:45
{مدخل:



صحوتُ على كابوسٍ مريع..
ملأ روحي سخطًا..
بعث الموت في قلبي من جديد..
أيها السخط..
أصاحيٌ أنت أم نيم ؟؟
أجادٌ أنت أم تستبهل ؟؟



ومن جهة ثانية: ( السؤال موجة للشباب):
لو تقدم لأختك هذا الرجال اللي سبق وذكرت ,بغض النظر عن رجولته واخلاقة وش راح يكون ردك على هالخطبة ؟؟ بتوافق؟.. او ترفض ؟..
او تظل ساكت ما يكون لك وجهة نظر..أو ردة فعل.. وتقول القرار قرار اختي وهي اللي بتتزوج.. ؟؟؟<<< بس أنتبه ترى هنا أختك أحوج ماتكون لك في هالموقف.
طيب افرض اختك عشان تتخذ قرارها لجأت لك تستشيرك بالموضوع وبغت رايك بكل صراحة وش راح تقول لها ؟؟؟ ؟؟؟؟؟
طبعا قلنا بعيداً عن اخلاق الرجال وصفاته نبي رايك في وضعه الاجتماعي وحياة اختك معه..
الحين صارت حياة أختك ومستقبلها بيدك ياتقنعها تتزوجه كزوجة ثانية ,, ياتخليها ترد الخطيب والله يرزقها ابرك منه ...


مع العلم ان الكل يعرف كيف تكون حياة الرجل المتزوج من ثنتين, ووش الاعباء اللي راح يتحملها فوق طاقته واهمها العدل بين الزوجتين .


غير انه ممكن مايكون صاحب شخصية قوية وتصير احد زوجاته مسيطرة عليه وتمشية على كيفها و تروح الزوجة الاولى او الثانية بالرجلين (على حسب الزوجة المسيطرة.) <<< وغيرها امور كثيرة لايمكن حصرها.


,,,,,,


يا كثر كلامك كل ذا شرح لنقطتك , والله اننا فهمناها من اول سطر يا اخت فوووز


شوفي اذا اختي معنسة وفاتها القطار , ماعندي مانع وبنصحها تاخذه ..


على الاقل يمكن تحمل منه وتجيب ولد ينفعها ويبر فيها او بنت .


واذا كانت صغيرة وتوها , بقول صبري وان ماجاك احد وتقدم لك واحد


متزوج وانتي تخطيتي سن الزواج , خوذيه ورضي فيه


أخيراً:
انتم كشباب وش راي الواحد فيكم من الزواج من زوجة ثانية ؟؟.
ممكن يفكر فيه ؟؟!!
سواء وهو في شبابه او بعد مايتقدم فيه العمر؟؟
ووش وجهة نظرك في الموضوع ؟ وهل أنت من المؤيدين للزواج من زوجة ثانية؟ او من المعارضين اللي يقبل بالحياة الهادية والهانئه.؟؟؟


مؤيد , لاننا بنسوي خير ببنات الناس و بنسترهن
واذا عنسنا والبنات صارن اقل على قولتك
مع ان مثل هالشي مُستبعد بجد و بدون مزح
بتكون خيرة لنا , لانهم بيسمحون بالزواج
من برى و بيفتحون لنا الباب ولا براح نبلش
بسالفة الفيزا او ندور واسطات عشانها.
ذا من ناحية و من ناحية اخرى
عشان تادبين كل وحدة ان غثتك
بالثانية و تقهرينها وبس






}مخرج:


تلك السويعات التي قضيناها سوياً..
أكانت موجودة في جرايدنا أم سرقناها من دفاتر ابلة منيرة..؟؟!!
أيها السخط..
لجيتني بعد أن صجيت راسي..
اضحكتني بعد أن كنت ببتسي..

أتعلم أنني لازلت أشعر بانك لم تكن سوى واحد فاضي شغل في حوش اهلي..!


هههههههههههههههههههه
شرحي طويل.. مافكرت والله بس هو على العموم عشان تاصل لكم الفكرة اللي ببالي..

أنا معك في تعليقك على الفقرة الأولى..
وكلامك سليم..

اما تعليقك الثاني.. سالفة فارق عدد الشباب عن عدد البنات والله هذي معلومه وصلتني.. ممكن تكون غير دقيقه بس مهيب موضوعنا...:)
شوف سالفة تأديب المرة الأولى بالزواج من ثانية هذي يلجأ لها اللي مابيده حيله على زوجته الاولى..
يعني تقدر تقول هذا مستحيل يقدر يعدل.. ومستحيل يوفق بين البيتين و بيعيش عيشه نكد..
والله يعينه على مابيلاقي إذا هو راضي على نفسه بالشحططه والمشاكل,,
فوووز
23-02-2009, 23:53
حي الله اختي فوووووووزroooose

من الاخير

الرجال وش له بوجع الراس

مااخذ الا فيه قصور بزوجته استحاااااااااااااله 0او ماله مكان بقلبه
ولا وين يبي يتزوج ويبلش0!!!!!!او ان زوجته ما دخلت قلبه
استحاله غير كذا





انا عني متكيه عند الوالد:)
ما طاري على عرس وانا اختس 00ابصير صمله :)






يعطيتس الف عافيه


عاطر ودي

والله هم اللي يدورون عوار الرأس..
بس اسباب اقدامهم على الزواج ممكن نلقى الرد عند اخوانا الشباب..


أنت صاملة طيب ماتبين تعرسين ... أسوي أنا وياك حلف :)
ملامح شمري
24-02-2009, 02:16
هههههههههههههههههههه
شرحي طويل.. مافكرت والله بس هو على العموم عشان تاصل لكم الفكرة اللي ببالي..

أنا معك في تعليقك على الفقرة الأولى..
وكلامك سليم..

اما تعليقك الثاني.. سالفة فارق عدد الشباب عن عدد البنات والله هذي معلومه وصلتني.. ممكن تكون غير دقيقه بس مهيب موضوعنا...:)
شوف سالفة تأديب المرة الأولى بالزواج من ثانية هذي يلجأ لها اللي مابيده حيله على زوجته الاولى..
يعني تقدر تقول هذا مستحيل يقدر يعدل.. ومستحيل يوفق بين البيتين و بيعيش عيشه نكد..
والله يعينه على مابيلاقي إذا هو راضي على نفسه بالشحططه والمشاكل,,






طيب ما اختلفنا ..

إن شاء الله انها تكون صحيحة و يفتحون لنا باب الزواج من الخارجيات , مثل ماهو حاصل بين دولتين اوربيتين موب ذاكرهن والله لكن عدد الذكور اعلى من الاناث بوحدة منهن وجالسين
يستوردون حريم الدولة الثانية للزواج بس .

و بسالك ..

العدل وش هو ..؟

عطيت وحدة ريال , لازم أعطي الثانية ريال , عطيتها كف لازم الثانية اصفقها كف بعد < عشان اكون عادل :puzzled: حتى لو ماسوت شي..

الزواج بغرض التأديب موب شرط بس اللي ماعنده حيلة يلجأ له و مدري من نصب عليك وقال لك هالكلام ..! :a:

سمعي , بجيبها لك من الاخر ..

لو انك رجل كان عادي عندك ومؤيدة , بس لانك مرة معارضة , مع ان فيه حريم عادي عندهن
وهن اللي يخطبن ويختارن ضرتهن بعد ..
εïз خزامى εïз
24-02-2009, 02:53
هو صحيح اني مآ اعرف مين بتزوج؟
والله الرزآق
بس فكرة اني بروح اعرس على بنآت خلق الله
عشان استر عليهن
احس انهآ تقهرررررني
يعني مسوي لي فيهآ super man بتنقذ
اصبري شوي حبي بروح انقد بنت الناس من (الشرير سيد عنوسه) واجي
وانتي ازعلي وضيقي عآآدي مافيه مشكله
انآ مسوي خيييير
ايه انت آخذ اجر يالمُحسن وانآ اللي اخذ الجزاآ بالدنيآ:frown:
<< تراهآ رآيقه مرهـ :boxed:
يآرجآل قل انكـ تبغى تعرس وخلصنآ
اوومآ انقذ البنآتـــ:frown:

فوز ههههههه لا تدفين هههههه
ميرسي قلبي
نقيدانيه وافتخر
24-02-2009, 05:58
انا ممن ترفض ان تكون زوجه ثانيه ... فما اعتقد ان المراه سوف ترتاح مع وجود من تشاركها زوجها
يووووووووووووووووووووووووووووه ما اتخيل هالشي بيحصل فمهما حاول الرجل ان يعدل لن يستطيع اكيد بتكون وحده اغلى عنده فهذا... ابشع شعور عند المرأه ان يكون في قلب زوجها امراه اخرى حتى لوكانت زوجته
طبعا هذا رأيي الشخصي
تحياتي للجميع
الساطع
24-02-2009, 08:03
صباح الخير ..>>> دااااااخل بقوووووه :315r:<<<، سمعنا طاري زواج وش السالفـــــه ؟
لي عدة ملاحظـــات اولاً : يا فوز توكلي على الله ما عليك من أراء الاخرين :)
ثانيــــــــــــــــــــــــــــــــــاً : مو بصحيح أن اللي يتزوج على زوجته انه ما يحبهـــا مثلما قالت أحد الاخوات والدليـــل ( حب النبي عليه السلام لعائشة رضي الله عنها بل كان يناديهــا بالحميراء ، وعندما سُئلَ من أحب الناس قال عائشه قيل ومن الرجال قال أبوهـــا ) وكل نسائه صلى الله عليه وسلم بأستثناء خديجه كُنَّ بعد عائشة ) .
ثالثـــــــــــــــــــــــــــــاً : انتي قاعده تشيشن البنات علينـــا
رايعــــــــــــــــــــــــــــاً : اكثر من يرفض الزواج من النساء لا يعرفن فوائـــد الزوجة الثانيـــه shlwee7 بالنسبة لهن ، الفوائد كثيره منهـــا أنه يفكك من خلقته 24 ساعة كامله تأخذين راحتك لا طبخ لا كرف لا نفخ استرخاء كامل خلو بالنفس... الخ<< رقع يا مرقع وين الشباب:puzzled:<<
خامســـــــــــــــا : نصيحه اي خاطب فيه ادنى مقومات الزواج خوذي بطاقته بشرط الشهود والمين ويكون عندك ستامبه ومنوم بالشاي او العصير اذا ارتفع شخيره طقي بهامه وحطي لك شرطين احترازيين .. لانه في الاوانه الاخيره كثرة ظاهرة التحسف اثناء الخطبه يقولون الله لا يبلانا يتعذر بمكالمه وينطق ..( سياسة تيئيس لتحقيق اهداف استراتيجيه للشباب )
سادســـــــــــــــاً : رقم 2 احسن من 3 وثلاثه احسن من 4 يقولون أن الخبراء يتوقعون بنهاية عام 2010 99.9،99% من الرجال ما يكون عندهم ارقام شاغره بل ان الرجل يضطر اذا اراد الزواج ان يعطي احدى المقرودات الاربع اجازه اسثنائيه بدون مرتب ويلحقها بقرار أنهاء خدماتها مع عدم صرف مستحقاتــــهـــا ، فنصيحتي أنتهاز الفرص . وانا ضد الزواج على الزوجه مهما كانت الاسباب(>> واقفه على رأسي معها شي يلمع يكاد سنا برقه يذهب بالاوداج :hala1: <<... وبالنسبة لسؤالك عن موقفي تجاه من يخطب أختي وهو متزوج .. ما عنـــــــدي خواات كلهن دمشقتهن بشروووط تعجبك لا مؤخر ولا شي شارط عليهـــم ما يتزوجوووون عليهـــــــن وأذا فكر بالزواج مؤخر مليون ..ومصادرة جميع املاكــــه ماهي بسهله يتزوج عليــــهــــا :d:

تحياتي،،،،،،،،،
بنت الجبل آخت القصيد
24-02-2009, 08:33
اكثر من يرفض الزواج من النساء لا يعرفن فوائـــد الزوجة الثانيـــه shlwee7 بالنسبة لهن ، الفوائد كثيره منهـــا أنه يفكك من خلقته 24 ساعة كامله تأخذين راحتك لا طبخ لا كرف لا نفخ استرخاء كامل خلو بالنفس... الخ<< رقع يا مرقع وين الشباب:puzzled:<<



^
^
مايخالف فيه كثير مستعده لكرفه
بس مايصير خيروه لغيره والشقاء والعناء له ...:148r:


المهم ...
بالرغم من انك قلته يمكن على سبيل الطرفه الا انه واقع
وحده من البنات اتزوجت وربي ماكتب له نصيب وتطلقت
بعده بكم شهر تزوجت من رجل كبير ومعه 3 وكانت هي الرابعه :d:
وقعدو البنات اللي تلومه واللي تحطمه

ردت عليهم رد بصراااااحه سكتهم
قالت: جربت رجل ومامشت حياتنا الحين ابي ربع رجل :315r:
يجي يوم وثلاثه ماتشوف خشته:d:
.
.
εïз خزامى εïз
24-02-2009, 08:41
يآ عيشتن قشرآآآآآآآآآ
ودي برجل لي وحدي
محد معي
حقي انآ بسسس
اغآآآآر
الحين انآ له لحآله وهو يشآركني بوحدهـ
ابك ليه؟ :frown:
يارب ياارب هذآ يااارب
ههههههههه
بنت الجبل آخت القصيد
24-02-2009, 08:46
ابك ليه ؟!!

لان هذا شرع ربنا

:315r:
εïз خزامى εïз
24-02-2009, 08:47
8
8
ادري استغفر الله
استغفر الله
لاحشآ ماقصدتهآ
بس قصدي ليه يتكلم بالحب
خلكـ سآكتـــ !!
آه يآقلبي تعبت بطلع هههههه
فوووز
25-02-2009, 19:20
.:. فوز .:.

.:.

.:. موضوع جميل جدا .:.

.:.
.


.

.:. الصدق ..!!! .:.


و الله زين طلع سالم من المجلس :( بـ صراحه ..!!

.:.

.:. بالنسبــه للـ زوجه الثانيه << ما لاقينا الاولى الى اللحين :) .:.


.:. و الزوجه الثانيه بنظري مستحييييييييل ان شاء الله .:.

.:.

.:. لاعدمناك يالغاليه .:.

مرحبا اخوي طلال

أعجبني ردك بصراحة ..
أنا لوني ولد ممكن أكون نفس الموقف..:)

يعني توافقني الرأي..
بأن الزواج من زوجة ثانية لابد يكون بأسباب وأسباب مقنعه.. وأنه يسعى أنه يكون عادل .. ومنصف.. ورجل قائد وقوام في كل بيوته..

تقبل أحترامي/اختك فوووز
ليلى بنت عبدالعزيز
27-02-2009, 14:56
فوفو ...
من يحكم نجاح التعدد....! هو الرجل
لو الفتاه بتحصل عدل واستقرار بتتزوج ابوعيال ممكن تصير ثانيه او ثالثه او رابعه
لكن الخوف من العكس..
واردددد ..
واقول التعدد مطلوب في هالزمن وكثره النساء والفتن والرجل لازم يكون عادل بما تحويه الكلمه من معنى..
فوووز
27-02-2009, 16:19
يعطيك العافيه فوز
بالنسبه لي شخصياً طبعاً الرفض..هذي قناعتي الشخصيه
لان صعب تكون الحياه هادئه بدون مشاكل بهالزواج
واصعب منه تكونين انتِ سبب لهالمشاكل :)
فجلستك عند ميمتك احسن من مليون رجال



والله أنك جبتيها يا عطر القصيد .. جلستك عند أميمتك وفي بيت أهلك أبرك لك..


اما للي حولي من البنات دايم اقولهم من ناحية الشرع مو حرام ولاعيب
وتعتمد على الشخص المتقدم اذا كان دينه واخلاقه مشهود له بها ليش ترفض ؟



صح من ناحية الشرع .. مهوب حرام.. بس على الاقل يكون لها أسباب.. و إذا كان سبب زواجه مقنع مااحد يقدر يقوله شي..


اتذكر معيده كانت تدرسنا بالكليه وكانت زوجه ثانيه
بالرغم من جمالها وتوها باول عمرها الا انه كان السبب بقبولها لهالرجل اللي متقدم لها
اعجبها عقله وتفكيره وتعيش سعيده الان معه ومع زوجته الثانيه بكل احترام بينهم
بالرغم من انها بعمر بناته وعلاقتهم ببعض قويه حتى اولادهم مافيه تفريق بينهم
لاعيال هذي ولاعيال هذي

طبعاً مو كل الناس كذا تعتبر حاله نادره

.
.
آحترامي

عطر القصيد ...
تدرين عاد ..أنا ثنتين من خواتي تزوجوا .. وهن الزوجات الثانيات وهن لازالن بسن العشرين.. وكان الزواج الأول لهن.
على أنهن كان من المعارضين للزواج الثاني .. بس نصيبهم سبحان الله,,
بس أنا من أشد المعارضين لها الزواج... مهما كان..
ابو عارف
27-02-2009, 21:51
الزواج قسمة ونصيب هميت أن أتزوج بالثانية ولكن أم عارف أضربت عن الطعام سبعة أيام ونزل وزنها 11 كيلو في تلك الأيام وأقسمت بأنها لو تستطيع تحمل ذلك فلن تتردد في سبيل إسعادي إن كان ذلك يسعدني مع علمها بأنها لاتستطيع منعي و قد أكدت بمالايدع مجال للشك بأنها ستموت بالسكتة القلبية في ليلة زواجي من الثانية إن لم يكن قبله.


والشويب يحبها وهي بنت رجال ينشفق على قربهم وبناتي أصبحن ينعنها قبل أن تموت ويطالبنني بالعدول عن هذا الزواج الذي سوف يقضي على أمهن وتبقى زوج الزوجة الواحدة الجديدة وأرمل الزوجة أم العيال والمتسبب في موتها.



فتراجعت وهونت وتبت وتهول الدكتور من نزول وزن الكهلة بهذه السرعة 11 كيلو في إسبوع وهو كان يطالبها في تنزيل 5 كيلو في خمس سنوات ولم تستطع.


فلازواج إلا بحاجة ماسه ومبرر قوي وقدرة على العدل والمساواة وتصريح صريح من الأولى مع الإستحالة.



أعرف بأنكم تعتبون علي ولكن لاتنسون أنني حمامة سلام والزواج من الثانية تعتبره الأولى ظلم لها إن لم تقصر معك في شيء.




في تصارح صريح بعد التراويح تقول فيه شيء لصق لكبدي مثل النار أو الجمرة منعني من الأكل والشرب والنوم وشل تفكيري وكان سيؤدي بي إلى الموت دون شك وقد عشت ولكن ربي سلم وأنت ماقصرت لقد رحمتني وأشفقت بحالي وأنقذتني من الهلاك المحقق جزاك الله الجنة.

ما أدري هي تستطبع أن تموت قبل يومها لكن إنها فعلاً تدهورت صحتها وأطلب من الله لها الصحة والعافية وإن يسامحني على إذا مشاعرها وتعريضها للخطر والله إنها ماتستأهل مني إلا كل خير ومحبة؟.



وسلامتكم.
ليلى بنت عبدالعزيز
27-02-2009, 22:10
8
8
8
8

عاش الحاكم

عاااااااااااااااااااش
فوووز
28-02-2009, 20:08
اختــــــــــي فوز
موضوع جميل ويستحق النقاش....للزوجه الثانيـــــــــــه

ارى يختلف فيها كل رجل منهم من هو مؤيــــــــد ومن هو غير مؤيـــد

ومن الممكن يكون وجود الزوجه الثانيه بلا سبب اتباع سنه المصطفى
وله الحق في ذالك ولكن الكثير من الناس لا يقبل على الزوجه الثانيه الا بسبب من الزوجه الاولى ..اما مشاكل اوغير ذالك

وانا لا استطيع ان احكم على الكل.......

مرحبا ياضيدان

صح كلامك..
بس اللي يبي يطبق سنة المصطفى.. يطبقها بحاجات ثانية.. ماوقفت السنة على التعدد وبس.

اما اذا الرجال بيتزوج من ثانية ويكون السبب هي الزوجة الاولى ..اللي مقصرة بحقة ومهيب قايمه بواجباتها ومهما حاول معها انها تتعدل وتتسنع ماتبي تتسنع..
أنا معه .. واذا بغى يتزوج علها ثانية ما احد يقدر يقول له ليه .. والا لا.........
بس مارديت على سؤالي اللي هو .. وش رد لو تقدم هذا الرجل لاختك؟؟
تقبل تحيتي /أختك فوووز
فوووز
28-02-2009, 22:03
باقي فئه رأيهم مهم مع انك ماطلبتيه


الزوجه الاولى :)



وبما اني زوجه أولى وان شاء الله اكون الأولى والاخيره :d:..( قولوا آمين يالسامعين:qannaj: )

مرحبا ياريم شمر
يسعدني أسمع رأيك ...
وأنا أول من يقول آميييييييييييييييييييييييييييييييييييييي ييييييين


فاليك رأيي :


التعدد ليس قانون بشري بل هو شريعة الرحمن

سمح به الله سبحانه للرجل مثنى وثلاث ورباع

اذن لايحق لي كمسلمه أن اعترض أو أو ارفض ماشرعه ربي

صحيح الله سمح وشرع التعدد.. بس اذا كان ياليت مايغفلون أن الله قال في نهاية الايه فإن لم يعدلوا فواحدة..




وفي حالة حدوثه سواء كان بسبب أو بدون سبب فليس علي الا الرضى والتسليم

لأن الرجل لم يقترف ذنياً او أثما او كبيره ولم يتعدى حدود الله

واما ان قاده ذلك الى الظلم والميل فهو ذنبه ويحمل وزر ذلك على كاهله



ورغم ذلك فـمن الطبيعي لكل إمرأة أن تحزن أو تغار او تغضب
فأمنا عائشة رضي الله عنها غارت

هنا المرأة ان حصل وتزوج رجلها عليها راح ترضى غصب عنها مهوب بكيفها..
بس المشكلة اذا ماعدل .. راح تتعرض الزوجه الأولى للظلم هي وعيالها.. وللتفريق.. والتهميش..
أنا ما اقول هالكلام إلا من نماذج قريبة ..
يكون عايش حياة حلوة ومبسوط ومنزوج من وحدة يموت عليها .. ومات لين اخذها .. ودايم يمدحها ومايدري وين يوديها من كثر ماهو مبسوط..
و مابين عشية وضحاها يسمع خبر ملكته...وش السبب ؟؟
قال أنه يبي وحدة مثلك بكل شيْ؟؟؟؟؟؟!!!!!!!!!!!
وش هالهبال.. ما عجبته حياته مرتاح ..شكله من النوع اللي يحب الاكشن والمعاند والهوشات..........
وتغيرت معاملته لزوجته الاولى.. وطين عيشة حريمه..
لا وغير كذا صارن هن اللي يصرفن على انفسهن وعيالهن وبيوتهم.. وهو ما ادري على اي اساس يسمى رجال البيت..
اكيد ذنبه على جنبه ... مافيه احد يرضى على نفسه الظلم..حتى وأن كان من اقرب الاقربين له..




وقطعاً زواج الزوج لمرة اخرى أمر ليس بالهين على زوجته الاولى

خصوصا إن كان بينهما حب وموده وليس هناك سبب قوي للزواج ثانيه

لكن الحزن شئ والاعتراض شئ آخر !!
.
هنا أعيد كلامي,, وأقول ياليت الرجال اذا كان عايش حياة حلوة وهادية وسعيد,, يرضى باللي هو فيه لايدور لنفس نكد.. وينغص على نفسه حياته..
وياليت لو تزوج على الاقل يحفظ لزوجته الاولى احترامها وتقديرها ,,



بالنسبة للرجل ففي هذا العصر الزواج من واحده وانشاء عائله

يحتاج لبال طويل وقدرة على التعامل مع تحديات الحياة

فمابالك باكثر من واحده او فتح اكثر من بيت

هذا الامر كما نرى جميعاً مايحصل في مجتمعنا

سيؤدي في النهايه بالرجل الى الهرب بعيداً عن المشاكل والمسؤليات

وترك بيوته المفتوحه وابناءه عرضه للضياع

يعني على قولة واحد من اعمامي ( عساني اتحمل وحده علشان آخذ الثانيه:) )

هذا عدا عن احتمال وقوعه بالظلم وبالتالي مزيد من الذنوب يحاسب عليها
.
.
هذي المشكلة
ان بعض الشباب مهوب قد المسئولية.. أو مايقدر على فتح بيت لايتهور ويتزوج ويعدد
خاصة اذا مهوب قادر انه يضف زوجة وعيال..
كيف يضفهم اذا تزوج كذا وحدة وكثروا عياله وصعبة عليه المسئولية..
وهنا واقع الظلم .. والاهمال .. اكيد مايبي لها كلام,,
ياليت الشباب يقدرون و يراعون امكانياتهم .. مهوب الزواج وبس .. في كل امور حياتهم,,



بالنسبه للبنات فحسب ظروفها وماتحصل عليه

فاذا لم يتقدم لها الا متزوج فهل تبقى عانساً حتى لاتكون زوجه ثانيه ؟!!

لا اظن ان هذا من العدل ؟!

فلها الحق في بناء حياتها وانجاب ابناءها !!

أنا أرى أن من الظلم لها .. أنها توافق على اي واحد يجي يطق باب بيتهم,,
اذا ماتقدم فيها العمر ,لا توافق على أي أحد ,, تنتظر نصيب افضل من المتقدم لها..
والله يكتب لها الخير,,




ولايجب الحكم على الزوجه الثانيه لمجرد قبولها الزواج من متزوج

فمن نوى الزواج سيحقق نيته بها وبدونها

لا طبعاً...
ممكن تكون الزوجة الثانية أفضل من الزوجة الأولى بكثيييييييييييير,,,
وعلى فكرة ترى.. أنا ثنتين من خواتي وهم بنات في العشرينات.. تزوجوا رجال متزوجين على مشارف الاربعين أو في الاربعين..
بس مهوب شرط أن خواتي رضوا وواقفوا على الزواج من رجل متزوج أنا أكون معهم بنفس الفكر.. والراي..
أنا من أشد المعارضين للزواج الثاني,,,




هذا رأيي بكل شفافيه وصدق
الذي طبعاً لايعلم عنه أبو طلال شيئاً :055r:


شكراً لك يافوزroooose

نورتيني برأيك يا ريم
وماقصرتي .. وأنا ماقصرت ماخليت كلمة مارديت عليها هههههههههههههههههههه

الا وينه ابو طلال يجي ويسمع هههههههههههههه

تقبلي تحيتي/أختك فوووز
نورة الشريف
01-03-2009, 07:37
صباح الخير

من رأيي ان اللي يتزوج ثنتين وثلاث جايب لنفسه الهم ووجع الراس

خلك مع وحده وارضى بنصيبك اذا شفت منها اعوجاج لاتصلح الغلط بغلط وتتزوج عليها هذا مو حل

هذا رأيي

تحياتي
فوووز
01-03-2009, 18:28
أهلا بك اختنا الفاضلة فوووز ...


الاولى ... هي المسؤولة عن زواج الثانية ..

إذ لو قرت عينه بالاولى لما احتاج إلى ثانية ..

والثانية .. قد تكون مؤدبة للاولى .. مقومة لها .. اذا أحسن الاختيار ..
وقد تكون معينا لها ... على الاجهاز ما بقي من حياة الزوج :)


شكرا لك ..
مرحبا اخوي منصور الغايب..
صحيح الزوجه الاولى ممكن تكون هي السبب في زواج رجلها من زوجه ثانية ..
بسبب اهمالها.. وعدم قيامها بواجباتها باكمل وجه.
بس أن الثانية تكون مؤدبه للأولى!!!!!!!!!!!!
ممكن تكون في حالة ..
إذا حست الاولى ان الحياة اللي كانت عايشتها بسعادة ومرتاحة فيها ومتهنية << على الاقل زي هي ماتر ى.
وهي ماحافظت عليها طارت من بين يديها.. وطبعا بشرط تكون هالمرأة ماتحمل في نفسها روح عدائيه للزوجه الثانية..
هنا ممكن تتعدل الزوجة الاولى و تتأدب.وتتحسف على اهمالها وتقصيرها اللي وصلها الى هالحد...
بس اذا كانت شيطانه .. عز الله اللي ماتعدلت الا بتقلب علي زوجها حياته جحيم.. وبتسوي مشاكل لها اول مالها تالي..
ويصير يبي يكحلها عماها,,,,,,,,,,,,
فوووز
01-03-2009, 19:40
^
^
معك في هذا لكن ليس في مطلق الاحوال

أحيانا تكون هناك اسباب اخرى لاعلاقه لها بالزوجه الاولى

بل أن الزوجه الاولى تظل هي الاغلى والاحب حتى لو تزوج عليها ثلاث :)

هلا والله يك مرة ثانية ياريم ,,

ياليت والله على الاقل ان الرجل اذا تزوج على زوجته الأولى يحفظ لها حقها .. وكرامتها..
وحبه لها اذا كان فيه مجال للوفاء..
لوه كذا كان ماراح تلقين كثير من الحريم يعترضون على الزواج الثاني ..لانهن بيقولن انا الاولى وانا ببقى الغالية مهما كان..
فوووز
01-03-2009, 19:58
مرحبا أخوي شامان





^
^
فوووز ما ادري صراجه وش مصدرك تكفي احصائيات حوادث الطرق،،
على كلن البنات اضعاف اضعاف الشباب .


:)
والله ما ادري وش كان مصدر المعلومة...,,, بس خلاص خلنا منها ونرجع للموضوع :)



على العموم نرجع لمحور حديثنا ...
الزوجة الثانية ..


اما ان يكون تصحيح للزواج الاول وتلافي السلبيات الموجودة فيه .. كجمال المرأه
مستواها التعليمي ..
صحة المرأه
عامل الزمن والوصول لسن اليأس
حاجة الرجل لإمرأه ثانية لإرضاء غريزته الجنسية ..


والحمد الله هذا شي مقبول شرعااا .. والخوف كل الخوف من عدم العدل فيما بينهم واعان الله من تعدد في الزوجات فهذا شي مرتبط بالعدل بينهن


طيب هو أول ماتزوج ليه ما قال شروطه .. وأختار زوجته على مايبي..
مهوب يوم تزوج عاد ذكر أنه كان يبي جميلة أو نحيفة أومستواها التعليمي موب اقل منه..عاد ماله عذر أخذها وهو مغمض
..أو..أو...
أما وصولها لسن اليأس ..!!!!!!!
هو وين يكون واصل لسن الشباب..؟؟؟؟
والا هو بعد ماشي به العمر لين وصله لسن اليأس وماعاد باقي شي على الشيخوخة..
يا شامان يقولون ولد الشيبه للخيبة..
يتزوج ويجي له عيال وين يوديهم من يربيهم بعده إذا مات.. طبعا الاعمار بيد الله بس هو فكر بتجديد الشباب اللي ما ادري كيف مقتنعين فيه.. ولا فكر باللي بيكونون من مسئوليته راح يضيعون.. والسبب تفكيره بنفسه بس..
إذا وصل به العمر الى هالسن أحسن له يقضب أرضه .. ويقعد على زوجته الأولى .. ويكمل جميلة لا يطينها تالي عمره ويخرب حياة عياله ,, بنزوة .. من الممكن ماتتم..





شكرا فوز ارجو قبول شخابيطي بصدر رحب


العفو يا اخوي شامان
وشخابيطك مقبولة ,,, وأرجوا منك بعد تتقبل ردودي بصدر أرحب,,,
:)
تقبل تحيتي /أختك فوووز
ابو عارف
01-03-2009, 21:51
8

8
8
8


عاش الحاكم



عاااااااااااااااااااش

---------------------------------
عاشت أيامك بهنا وسعاده إن شاء الله
طلال الاسلمي
02-03-2009, 17:49
وإلا وش الغرض من هالزواج بوجهة نظركم؟



الرجل بطبيعته البيولجية يميل لتعدد .. لذلك تجدين في المجتمعات غير الاسلامية
كثرة خيانة الزوج .... الا عندنا ما فيه خيانه .. زوجة ثانيه




ممكن نستثني المطلقات والأرامل.. من السؤال ..لان اكيد المجتمع راح يكون حاكم عليهم انهم خلاص (زوجه ثانية)..!!

استثناء في غير صحيح ...... اللي يرغب بالزوجة الثانيه يشدد على موضوع انها لم تتزوج قبل .... للمعلومية المطلقات والارامل في الاغلب تتزوج رجل مطلق .
طلال الاسلمي
02-03-2009, 18:06
سواء وهو في شبابه او بعد مايتقدم فيه العمر؟؟

اغلب اللي يتزوج ثانيه يكون فوق 45 سنة ... بنسبة للشباب هالوقت

يبي زوجة وحدة ......... مستقبلاا اكيد يغير رأية .
طلال الاسلمي
02-03-2009, 18:13
^

أنت ياللي فوق ... تعال وألقالك بدال الوحده ثتين ..
الحريم على قفى من يشيل .. :)
ــــــــــــــــــــــــــــــــــــ
أختي أنا أشوف أن الزواج من الثانيه .. في هذه الأيام .. أصبح شبه عام ..
للحاج الماسه له .. من النساء لقلة الرجال .. بالنسبة لكثرة النساء ..
وفي قادم الأيام .. ستقبل البنت بأن تكون ثالثه ورابعه .. وهي مبسوطه ..
عسانا نلحق هذيك الأيام .. :)
ــــــــــــــــــــــــــ
متكي وشرايك .. :d:



امين يارب خخخخخخخخخخخخخخخخخ
فوووز
02-03-2009, 23:22
مثنى وثلاثة ورباع
لا اعتراض على شرع الله
و يجب الخضوع التام لأوامره سبحانه وتعالى في العدل
ومع ذلك ومع شدة التخوف من اللاعدل
ومع ارتفاع تكاليف الحياة الباهظة
بات الزواج من ثانية أمر جداً ضئيل ولا يستحق الذكر
محصوراً فقط لدى حالات معينة ( الانجاب )
إن كانت الزوجة الأولى لا تنجب ..
وغير ذلك فلم نعد نسمع أن فلان تزوج مرة ثانية ..
بل هناك مشكلة أكثر أهمية وهي عزوف الشباب عن الزواج لسن متأخر
بسبب كذلك ارتفاع تكاليف الحياة .. ويفضل الارتباط بعاملة او موظفة أو لديها مهنة
لمساعدته ..
شكراً اختي فوز للطرح المفيد


أهلا وسهلا بك أختي شام
الزواج من زوجه ثانية عندنا بعكس ماعندكم
أصبح القله هم من يبقون على زوجاتهم الاول..
أما مسأله عزوف الشباب عن الزواج الى سن متأخر .. هذا يحتاج الى موضوع مستقل ونقاش آخر,,
شكرا لك على تواجدك..
فوووز
02-03-2009, 23:39
يالربع قضبوني طريق لراعي البريق يقول على قفىا من يشيل وين اللي توافق :(
لاخطبت الوحده قالت وين يشتغل موظف بنك لا لا مابيه ياربي راتبه حرآم :)
وش أسوي بروحي أنا


راعي البريق ياخي لاتقول قل الرجال انا عندي استعداد اصفهن طابور ياشيخ بس دلوني على اللي يوافقون :)


:)

والله أني مادريت أن فيه أحد إلى هالحين يشوف أن راتب موظف البنك حرام..
أنا كنت أسمع السالفة منول.. احسب الناس عقلت ..أثاريهم إلى هالحين على غيهم القديم:)

بس تدري يامتكي أنك تستاهل ...
أجل من هالحين تفكر تصفهن طابور ..وأنت توك مابعد حتى لقيت الأولى,,

عطاك الله على قد نيتك,, هههههههههههههههههههههههههههههههههه
فوووز
04-03-2009, 00:06
مرحبا أختي لوليتا...
سعدت بإنظمامك لنا في هذه الصفحة المتواضعه ,,,


*

*

لكل حالة ظروفها
وما قد نرفضه شكلا الان قد نقبله بعد حين
تقريباً.. أنا عن نفسي كل فترة أشوف الدنيا تتغير من حولي,, فأضطر أني أغير من قناعاتي,,
وأخفف من التعصب لكثير من الأمور,,
ولكن لازالت لدي أراء ومبادئ لازلت متمسكه فيها,,

وطالما لا شئ يخالف شرع الله
فلا بأس ابدا
المهم لا ضرر ولا ضرار
المهم أن يكون الرجل هنا هو الحاكم ,, العادل ,,
وإلا طبعا سيجد , ما ينغص عليه حياته..

فلا يكون الزواج الثانى بضرر باقى الاطراف والا هنا تم الرفض بكل تاكيد

في حال الضرر,, سيكون أول المتضررين هم من كان لهم الجميل الأول,,
أو هم فلذة الأكباد,, أو من حل ضيفاً جديداً على الأسرة,,

ولكن يبقى الأمل معقود,, بقدرة الرجل على السيطرة على الامور.. وعلى السير بقافلته الى بر الآمان..




فوووز موضوع حيوى

تسلمين

*
*

العفو يا لوليتا
ويشرفني مرورك هنا

تقبلي تحيتي /أختك فوووز
شامان
04-03-2009, 07:33
مرحبا أخوي شامان



:)
والله ما ادري وش كان مصدر المعلومة...,,, بس خلاص خلنا منها ونرجع للموضوع :)


طيب هو أول ماتزوج ليه ما قال شروطه .. وأختار زوجته على مايبي..
مهوب يوم تزوج عاد ذكر أنه كان يبي جميلة أو نحيفة أومستواها التعليمي موب اقل منه..عاد ماله عذر أخذها وهو مغمض
..أو..أو...
أما وصولها لسن اليأس ..!!!!!!!
هو وين يكون واصل لسن الشباب..؟؟؟؟
والا هو بعد ماشي به العمر لين وصله لسن اليأس وماعاد باقي شي على الشيخوخة..
يا شامان يقولون ولد الشيبه للخيبة..
يتزوج ويجي له عيال وين يوديهم من يربيهم بعده إذا مات.. طبعا الاعمار بيد الله بس هو فكر بتجديد الشباب اللي ما ادري كيف مقتنعين فيه.. ولا فكر باللي بيكونون من مسئوليته راح يضيعون.. والسبب تفكيره بنفسه بس..
إذا وصل به العمر الى هالسن أحسن له يقضب أرضه .. ويقعد على زوجته الأولى .. ويكمل جميلة لا يطينها تالي عمره ويخرب حياة عياله ,, بنزوة .. من الممكن ماتتم..




العفو يا اخوي شامان
وشخابيطك مقبولة ,,, وأرجوا منك بعد تتقبل ردودي بصدر أرحب,,,
:)
تقبل تحيتي /أختك فوووز



^
^
^
ليه احس ان هالبنت تشن هجوم كاسح
فووز من صجك انا اتزوج وحدة ثانية ،
مستحيل امبوسيسبول ابسلوتلي اوكي:)
ما باقى الا انا ،، انا مثل ابو عارف
اخاف على أم العيال n)تصيبها جلطه


وبيني وبينك ولا تعلمين أحد صراحه اخاف منها !!! shlwee7
فوووز
04-03-2009, 18:07
قبل لا اقرا دعوة متكي لي لارد :)

كنت مجهز حالي وبأرد




موضوعك أخيتي موضوع الساعة لكثير من الناس والأسر



الرجل يبقى يطمح بالثانية


والمرأة الغيور تبقى تحد من هذا الطموح



والغالب من يسيطر بعطفه وحكمته وذكائه وفطنته بهذه الحرب السجال



فأحيانا تفشل الأولى باحتواء قلبه فتخسر الرهان!


ومرات تتحلى بصفة الحنونة المالكة لعقله وقلبه فتكسب الحرب الضروووس



هذا ما اراه حقيقة


مرحبا أخوي الشاهري
كلام سليم,,, بس اللي أستغربه.. بعض الأحيان مع محاولة المرأة كسب قلب زوجها.. تخسر الرهان..

اما فارق السن فليس بمهم جدا هنا

فارق السن ..مشكلة خصوصا إذا كانت الزوجه الثانية لم يسبق لها الزواج و المتقدم لها فارق السن بينهم كبير..

واحيانا اخر....يكون الزواج بالثانية بوقت يحدده هو وقت شاء أو

عند ولوج قصة حب في قلبه!

لاااااااااااااااااااااااا
الشاهري ,,,
وش هالكلام... ولوج قصة حب على قلبه؟؟؟؟؟؟؟!!!!!!!!!!!
وهو متزوج..............
أكيد هذا عمره ماحب زوجته............. وعينه زايغه...
هنا يبتعد عن ارض المعركة تماما ويتجه اتجاه اخر......

هنا اقول لابارك الله فيه...
واكيد زوجته ...بعد بتتجه اتجاه اخر


كل الشكر لك اختي الفاضلة

العفو اخوي الشاهري

تقبل تحيتي/ أختك فوووز
فوووز
04-03-2009, 18:25
مرحبا ندووووووووو



انا اتمنى اتزوج واحد اكبر مني باكثر من عشر سنين

حتى لو متزوج وعنده عيال

رأي الكبير راح يحبني اكثر يدلعني ويخاف علي ومستقر نفسيا وعاطفيا
مع اني لم اكمل الواحد والعشرين


اهم شي الاستقرار العاطفي واعتقد لن اجده الا عند رجل تعدا الثلاثين



هذه وجهت نظري

:3ayyen_khair:


ندوووووووووووو

وش هالتهور
اسمحي لي أقولك رايك متهور مرررررررررررررة
وانت بها العمر تبين ابو عيال وزوجة .. تعتقدين انه بيدلعك وبيحبك ويخاف عليك..
ياماما .. هو مهوب مدور بها العمر وحدة قدك إلا يبيها تدلعه..مهوب فاضي لها يدلعها..الشيبه.
و من قال انك ماراح تلاقين الاستقرار العاطفي الا عنده وغيره لا...
ماتسمعين بالمراهقة في سن الخمسين... يالله الثبات بس..

ياعيوني..
دامه بيلقى وحدة مثلك..ترضى فيه ..بيطمع بعد ثانية أنه راح يلقى غيرك ترضى فيه .. وبيروح يدور له على ثالثة..

عموماً,, لو جاك ورضيتي فيه .. عن قناعة..مهوب زي ماتقولين هالحين..
مالي الا اقول الله يوفقك..

تقبلي تحيتي /أختك فوووز
فوووز
06-03-2009, 02:11
الي يجي من الله حياه الله واذا كان عاجبني اكيد باخذه


مرحبا

وجهة نظر خاصة فيك...
أحترم قرارك إذا أنت مقتنعه تمام الاقتناع..

الله يوفقنا وياك

تقبلي تحيتي/ أختك فوووز
فوووز
09-03-2009, 00:02
مع العلم ان الكل يعرف كيف تكون حياة الرجل المتزوج من ثنتين, ووش الاعباء اللي راح يتحملها فوق طاقته واهمها العدل بين الزوجتين .





غير انه ممكن مايكون صاحب شخصية قوية وتصير احد زوجاته مسيطرة عليه وتمشية على كيفها و تروح الزوجة الاولى او الثانية بالرجلين


اختي فوز لاحظت الارتباك وشرح المشاكل صار الحكم جلاد هذا واضح من خلال النصح اعلاه وهذا ليس من حقك لأنك تسألين فقط والتحليل للمجيب فهل كل هذا محاولة منك بتحديد الإجابات بالرفض


مرحبا أخوي

أنا وضعت الموضوع .. وبينت وجهة نظري,, و طرحت النماذج الموجودة من حولي..
و طلبت أن أرى رأي البقية في الموضوع,,
كما أنني طرحت أسئلة للجميع للرد عليها,, وتبيين وجهات النظر مهما أختلفت,, مع توضيح الأسباب .. والقناعات..
وأنت لو عدت للنظر للموضوع من جديد بعيداً عن عصبيتك.. ورأيت ردودي على الأخوة والأخوات الكرام..
لاختلف رأيك,,
أخيراً الأختلاف لايفسد للود قضية

لك مني كل الاحترام والتقدير
أختك/فوووز
فوووز
09-03-2009, 00:18
هو صحيح اني مآ اعرف مين بتزوج؟
والله الرزآق
بس فكرة اني بروح اعرس على بنآت خلق الله
عشان استر عليهن
احس انهآ تقهرررررني
يعني مسوي لي فيهآ super man بتنقذ
اصبري شوي حبي بروح انقد بنت الناس من (الشرير سيد عنوسه) واجي
وانتي ازعلي وضيقي عآآدي مافيه مشكله
انآ مسوي خيييير
ايه انت آخذ اجر يالمُحسن وانآ اللي اخذ الجزاآ بالدنيآ:frown:
<< تراهآ رآيقه مرهـ :boxed:
يآرجآل قل انكـ تبغى تعرس وخلصنآ
اوومآ انقذ البنآتـــ:frown:

فوز ههههههه لا تدفين هههههه
ميرسي قلبي


مرحبا ياخزامى

أنت شفتي كيف بعض الأعذار...
يالله يابنت الحلال مصيرهم ذولا يعضون أصابع الندم ,, يومهم بدلوا الهناء اللي هم فيه الى شقى,,بس ماراح ياخذون منا إلا لين يجربون..

تقبلي تحيتي/أختك فوووز
فوووز
14-03-2009, 12:10
انا ممن ترفض ان تكون زوجه ثانيه ... فما اعتقد ان المراه سوف ترتاح مع وجود من تشاركها زوجها
يووووووووووووووووووووووووووووه ما اتخيل هالشي بيحصل فمهما حاول الرجل ان يعدل لن يستطيع اكيد بتكون وحده اغلى عنده فهذا... ابشع شعور عند المرأه ان يكون في قلب زوجها امراه اخرى حتى لوكانت زوجته
طبعا هذا رأيي الشخصي
تحياتي للجميع

مرحبا أختي

وأنا أوافقك الرأي ..
فوووز
15-03-2009, 08:09
صباح الخير ..>>> دااااااخل بقوووووه :315r:<<<، سمعنا طاري زواج وش السالفـــــه ؟
صباح النور .. والله يحييك يا أخوي الساطع

لي عدة ملاحظـــات اولاً : يا فوز توكلي على الله ما عليك من أراء الاخرين :)
أولا: أنا هنا طرحت وجهة نظري في موضوع انا أرفضه تماماً ولايهمني راي من حولي فيه ..خاصة إذا كان يخصني..
ولكن طرحي للموضوع للنقاش وتبادل وجهات النظر المختلفة..والاختلاف بالرأي لايفسد للود قضية.
وليس الأمر كما خطر لك.. ولكن موضوع مطروح فقط.

ثانيــــــــــــــــــــــــــــــــــاً : مو بصحيح أن اللي يتزوج على زوجته انه ما يحبهـــا مثلما قالت أحد الاخوات والدليـــل ( حب النبي عليه السلام لعائشة رضي الله عنها بل كان يناديهــا بالحميراء ، وعندما سُئلَ من أحب الناس قال عائشه قيل ومن الرجال قال أبوهـــا ) وكل نسائه صلى الله عليه وسلم بأستثناء خديجه كُنَّ بعد عائشة ) .
هذي اللي عجزت أستوعبها.. ليه طيب؟؟؟
ولو بنضرب الامثال بالرسول والصحابه..
يكون هو يعامل زوجته مثل مايعامل الرسول جميع زوجاته..


ثالثـــــــــــــــــــــــــــــاً : انتي قاعده تشيشن البنات علينـــا
ومن قالك ؟؟ هم اللي فيهم كافيهم.. مهمب بحاجة تشييش :)

رايعــــــــــــــــــــــــــــاً : اكثر من يرفض الزواج من النساء لا يعرفن فوائـــد الزوجة الثانيـــه shlwee7 بالنسبة لهن ، الفوائد كثيره منهـــا أنه يفكك من خلقته 24 ساعة كامله تأخذين راحتك لا طبخ لا كرف لا نفخ استرخاء كامل خلو بالنفس... الخ<< رقع يا مرقع وين الشباب:puzzled:<<
بالعكس لو فكرنا بانه ما راح يكون لزقه..راح يكون فيه شريكة دائمه لنا..
تبرير خاطئ,, ويجيب عوار الرأس ,, مهوب يفكك من الطبخ والنفخ ..والكرف..

خامســـــــــــــــا : نصيحه اي خاطب فيه ادنى مقومات الزواج خوذي بطاقته بشرط الشهود والمين ويكون عندك ستامبه ومنوم بالشاي او العصير اذا ارتفع شخيره طقي بهامه وحطي لك شرطين احترازيين .. لانه في الاوانه الاخيره كثرة ظاهرة التحسف اثناء الخطبه يقولون الله لا يبلانا يتعذر بمكالمه وينطق ..( سياسة تيئيس لتحقيق اهداف استراتيجيه للشباب )
(اي خاطب فيه ادنى مقومات الزواج)<<<< مرفوض من هالحين :)
طيب وش هالشروط الأحترازية :)
وبعدين اذا هو يبي يتحسف.. من اللي ضاربه على يدينه وقايل له يتقدم..<<جعل مانيب قايله:148r:
بصراحة السياسة هذي مافهمتها بالله وشهي يالساطع ؟؟؟

سادســـــــــــــــاً : رقم 2 احسن من 3 وثلاثه احسن من 4 يقولون أن الخبراء يتوقعون بنهاية عام 2010 99.9،99% من الرجال ما يكون عندهم ارقام شاغره بل ان الرجل يضطر اذا اراد الزواج ان يعطي احدى المقرودات الاربع اجازه اسثنائيه بدون مرتب ويلحقها بقرار أنهاء خدماتها مع عدم صرف مستحقاتــــهـــا ،
ولاينسى أنه راح ياخذ هو اجازة استثنائية معها :)

فنصيحتي أنتهاز الفرص . وانا ضد الزواج على الزوجه مهما كانت الاسباب(>> واقفه على رأسي معها شي يلمع يكاد سنا برقه يذهب بالاوداج :hala1: <<... وبالنسبة لسؤالك عن موقفي تجاه من يخطب أختي وهو متزوج .. ما عنـــــــدي خواات كلهن دمشقتهن بشروووط تعجبك لا مؤخر ولا شي شارط عليهـــم ما يتزوجوووون عليهـــــــن وأذا فكر بالزواج مؤخر مليون ..ومصادرة جميع املاكــــه ماهي بسهله يتزوج عليــــهــــا :d:

ههههههههههههههههههههههههه
زين .. يعني في النهاية .. قلت رأيك لو كان الأمر يعنيك .. وهذا اللي يهمني..
والله عاد يستاهل اللي بس يبي يعدد وبس .. يتزوج ويجيب عيال ولا يربي.. هذا يستاهل مصادرة امواله .. ونفيه بعد :)


تحياتي،،،،،،،،،

تقبل تحيتي/ أختك فوووز
فوووز
18-03-2009, 20:11
المهم ...
بالرغم من انك قلته يمكن على سبيل الطرفه الا انه واقع
وحده من البنات اتزوجت وربي ماكتب له نصيب وتطلقت
بعده بكم شهر تزوجت من رجل كبير ومعه 3 وكانت هي الرابعه :d:
وقعدو البنات اللي تلومه واللي تحطمه

ردت عليهم رد بصراااااحه سكتهم
قالت: جربت رجل ومامشت حياتنا الحين ابي ربع رجل :315r:
يجي يوم وثلاثه ماتشوف خشته:d:
.
.


ياعطر القصيد
البنية .. مالله وفقها بالرجل السنع من الاول .. وقالت ماقالت ..عسى الله يوفقها..
بس مهوب اكيد حتى ربع الرجل يكون فيه خير.. ويسعدها..
كلها توافيق من الله..
فوووز
18-03-2009, 20:19
يآ عيشتن قشرآآآآآآآآآ
ودي برجل لي وحدي
محد معي
حقي انآ بسسس
اغآآآآر
الحين انآ له لحآله وهو يشآركني بوحدهـ
ابك ليه؟ :frown:
يارب ياارب هذآ يااارب
ههههههههه


ايو الله انك صادقه ياخزامى
المشكلة من الشريكة :)
فوووز
23-03-2009, 10:42
ابك ليه ؟!!

لان هذا شرع ربنا

:315r:

صحيح انه الشرع حلل أربع
بس لاسباب.. مهوب على الهوى,,
فوووز
27-03-2009, 13:53
8
8
ادري استغفر الله
استغفر الله
لاحشآ ماقصدتهآ
بس قصدي ليه يتكلم بالحب
خلكـ سآكتـــ !!
آه يآقلبي تعبت بطلع هههههه

خزامى

وأنا والله تعبت مثلك...
<<< متأزمه نفسيتها :(
فوووز
27-03-2009, 14:04
فوفو ...
من يحكم نجاح التعدد....! هو الرجل
صح لسانك.. مهوب قالوا الرجال هو الطبينه
لو الفتاه بتحصل عدل واستقرار بتتزوج ابوعيال ممكن تصير ثانيه او ثالثه او رابعه
لكن الخوف من العكس..
انا مهو معك في هالشيء.. لان الشراكة صعبه..
واردددد ..
واقول التعدد مطلوب في هالزمن وكثره النساء والفتن والرجل لازم يكون عادل بما تحويه الكلمه من معنى..
لوله أنا مو معك في هالشي ..
كني بك صاير من انصار التعدد :)
شوفي ياعيوني إذا بيعدد ياليت يكون بسبب معين اضطره الى انه يعدد
أما إذا كان هو عايش مبسوط وحياته مستقرة نصيحة له يظل على زوجته الأولى .. ويعيش بسلام.. أحسن له من دورة الغثى والشقاء..

ووين اللي بيصير عادل ...ولو قدر قلبه مايقدر يحكمه .. بيبين غلا ناس عن ناس..

الله يحييك يام حمادة
فوووز
07-04-2009, 12:18
الزواج قسمة ونصيب هميت أن أتزوج بالثانية ولكن أم عارف أضربت عن الطعام سبعة أيام ونزل وزنها 11 كيلو في تلك الأيام وأقسمت بأنها لو تستطيع تحمل ذلك فلن تتردد في سبيل إسعادي إن كان ذلك يسعدني مع علمها بأنها لاتستطيع منعي و قد أكدت بمالايدع مجال للشك بأنها ستموت بالسكتة القلبية في ليلة زواجي من الثانية إن لم يكن قبله.
ماتنلام ..
عقب الهنا وراحة البال,, تبي تجيب لها شريكه..


والشويب يحبها وهي بنت رجال ينشفق على قربهم وبناتي أصبحن ينعنها قبل أن تموت ويطالبنني بالعدول عن هذا الزواج الذي سوف يقضي على أمهن وتبقى زوج الزوجة الواحدة الجديدة وأرمل الزوجة أم العيال والمتسبب في موتها.
كل هذا فيها وتبي تتزوج عليها..
شفت انها ماتستاهل..



فتراجعت وهونت وتبت وتهول الدكتور من نزول وزن الكهلة بهذه السرعة 11 كيلو في إسبوع وهو كان يطالبها في تنزيل 5 كيلو في خمس سنوات ولم تستطع.
ياعيني عليها بالله عليك ماشفقت عليها..
وبان لك حبها..


فلازواج إلا بحاجة ماسه ومبرر قوي وقدرة على العدل والمساواة وتصريح صريح من الأولى مع الإستحالة.
؟؟؟؟
ياعم ابو عارف..
الحاجة الماسة .. هي اسباب معينه واذا توفرت نسمح للرجل بالزواج ونقول من حقك..
اما قدرة على العدل والمساواة هذي أنا اشكك فيها بصراحة ولا احد يزعل علي.
والزوجه الاولى مستحيل تصرح لزوجها بانه يتزوج عليها الا اذا رضت هي بالنقص اللي موجود والسبب اللي ممكن يخلي الزوج يقدم على زواج من ثانية.
وفي هالحالة ممكن بعد هي تخطب له ,, وهالنموذج نااااادر الوجود..




أعرف بأنكم تعتبون علي ولكن لاتنسون أنني حمامة سلام والزواج من الثانية تعتبره الأولى ظلم لها إن لم تقصر معك في شيء.
صحيح.. والا وش رايك يابو عارف..
مهوب من حقها تعتبره ظلم..




في تصارح صريح بعد التراويح تقول فيه شيء لصق لكبدي مثل النار أو الجمرة منعني من الأكل والشرب والنوم وشل تفكيري وكان سيؤدي بي إلى الموت دون شك وقد عشت ولكن ربي سلم وأنت ماقصرت لقد رحمتني وأشفقت بحالي وأنقذتني من الهلاك المحقق جزاك الله الجنة.

يابعدهم والله..
ما أدري هي تستطبع أن تموت قبل يومها لكن إنها فعلاً تدهورت صحتها وأطلب من الله لها الصحة والعافية وإن يسامحني على إذا مشاعرها وتعريضها للخطر والله إنها ماتستأهل مني إلا كل خير ومحبة؟.



وسلامتكم.

شفت أنك تحبها وما تقدر على زعلها..
تكفى يابو عارف لاتسويها مرة ثانية..
اسمع من بنتك .. دامك سعيد لا تتزوج ثانية ترى دوام الحال من المحال..
فوووز
13-04-2009, 09:14
صباح الخير

من رأيي ان اللي يتزوج ثنتين وثلاث جايب لنفسه الهم ووجع الراس

خلك مع وحده وارضى بنصيبك اذا شفت منها اعوجاج لاتصلح الغلط بغلط وتتزوج عليها هذا مو حل

هذا رأيي

تحياتي

صباح النور
:3ajebni:

ونعم الرأي يانورة

تقبلي تحيتي/أختك فوووز