ابو عارف وأبو حسن والثور

[ابو عارف]

سلام عليكم يالربع والربعات أهلكتني عوامل التعرية الله يدفع البلا كيف يوم طالعت لنفسي بالمرآة بغيت أبتسي يخي صايرن مثل هالصورة بتوقيع المتكي ورا الشمس عاد هالوعكة الشتوية زادة الطين بله.

حتى عشيري ابو حسن يسألني يقول ويش بلاك يا أبو عارف صايرن هاللون ؟ قلت وليه معجباتك حنوكك هاللي تقل حنوك صخله ماذاقت حليب أمه؟ نسيت الله يجيرك إنه زعول ماينزل على خشمه الذباب ما أمداني أقول له هالكلام الي مابو شين إلا هو ناقزن بحلقي تقل قرطة تعرفون القرطة مثل النمر لكنها أصغر حجم تعيش بالجبال وتأكل الغنم تلبد للشاة تلصق بالقاع كأنها حصاة لين تجي الشاة تنشاها ثم تعض فمها حتى تموت بمكانه دون حراك أو جعير.

ابو حسن هذا طمر علي يقول أنا اللي تقل حنوك صخلة ياوجه العنز قلت عين خير حنا هالحين عند باب المسجد ولو تهاوشنا يبون يفرعون بيننا هالناس ولارايح يبرد نفسه الواحد منا من الثاني لكن إذا فيك خير وتبي تهاوش وعدك طعس مشهور في بر الجعيمة قال متى قلت يوم الخميس الي جاي الساعة الثانية مساءً قال تم.

ويوم جاء يوم الخميس الساعة وحدة حطو غداي يمار مالي خاطر بالأكل ما إشدهيه قالوا هلي ويش فيك تقل ما أنت على بعضك ؟ قلت لا مابي شيء بس ما إشتهي الأكل يوجعن بطني وضرسي الي باقي وأنا أعرف السبب ليش يوجعني بطني من الخوف خويي مصك وخبل وضرسي من كثر ما أعض نواجدي أتشجع وأراعي لنفسي بالمرآة يمار ما أخوف تقل باردن وجهي ما أدري ويش السالفة .


المهم يوم جت الساعة وحدة ونصف وأنا أشغل سيارتي قالوا عيالي وين رايح قلت أبي أتمشى لكن إن أبطيت شوفونن بطعس مشهور قالوا فال الله ولافالك والله اليوم ما أنت معجبنا الله الله ومشيت يوم أقبلت على الطعس يمار براس الطعس سيارة أبو حسن وعندها بعير وثور شوف عيني قلت أمنا بالله ويش جمع هالثلاثى ويوم قربت أكثر يمار السيارة فعلاً سيارة ابو حسن والبعير هو أبو حسن زاته والثور ثور ثور صعب وسمين قلت أيه أكيد هالأجودي أبو حسن تحسف على سوء الفهم الذي حصل بيني وبينه ويبي يذبح هالثور للجماعة ويجعلها مصالحة يمار أخبر الشمري مايداني الثور ولا يحبون لحم ولاحليب البقر إلا تالي عقب النيدو.


المهم وقفت سيارتي تحت الطعس ورقيت يم أبو حسن مقدم حسن الظن والنوايا وحتى عصاي خليته بالسيارة أبي أقول والله ما تذبح هالعجل ومسامحك يا أبو حسن ولكن الله يجيركم يوم قربت منه على بعد أمتار تعبان واقف نفسي من طول الطعس وعوامل التعرية قلت سلام عليك قال سلامك مايسلمك وهو يركض علي بهكالقناة وهو يصقعن بالرقبة يمار من صيد قبل أمس ويوم وعيت يمار أنا مربط على ظهر الثور يصب دمي مع رجلين الثور ويمار مالي إذان الثور خنافس وجعولة وحشرات وحازمهم وحازمني على ظهره وهو يطلق رباطه .

والله يامنك يحلق بي هالثور بين السماء والأرض ويتجشم الشجر مثل المجنون وهو وراو بالسيارة ويضرب بوري هرن وتعال شوف والثور يتوجه يم الخط السريع مثل الفشقة ويوم وصل طرف الهاي وي وهو يغماء علي قلت هالحين يتكرفس بحدى هالسيارات المسرعة ونروح فيها ماهمتني نفسي لكن خايف على الثور لا لا أقصد ماهمني الثور المأخوذ خايف على عمري.

ويوم أخذت مقدار بسيط وتروح الغيبوبة شوين وإطالع يمار يركض خلفي حوالي عشرين عسكري مع مدرج المطار وقدامي طائرة ترايستار الضخمة في أول المدرج وهو يغماء علي ويوم راحت الإغماءة يمار وراي سبع سيارات شرطة وإسعاف وهذا البحر قدامي وهو يغماء علي ويوم جرت بي نبهة يمار يذن الفجر ويابسن أفمي وأتذكر إن عشاي مرقوق.

كش يا أبو حسن حتى بالحلم يزعجك.

[ابو ضاري]

تبيني اجيك افكك حنوكه
راجعلك يالقائد ......عندنا meeting اعجبك وانا اتكلم انجلش متن عهن عخن تين
علم علم علم

[صدىاجا]

خير خير ان شالله يقولون الحلم المزعج له نتائج عكسيه وهذ الله اعلم هو كثر تفكيرك بتقدم العمر بس لايهمك هالثور خاصة انك لم تتعرض لمكروه أثناء الرحلة الميمونة سياحة على حساب ابوحسن لازم تعزمه وتعشية لحم بتلو(عجل صغير)

[ماجد]

ههههههههههههههههههههههه

هذي عمايل المرقرق يابو عارف هههههههههه

منا وبعد خل عشاك فواكه علشان تفوز على ابو حسن

[فتى البيداء]

ابوعارف وين العشير ابوطروق ؟؟ والله ياهو يغث طول الغيبه ..

المهم :

الله يبارك ببوحسن ألي يسنك على كتابة هالفكاهات ..

ألا ما أنت سالم من ابوحسن ولا بالحلم ؟؟

[يـــوسف]

يالعود .



أرحب والله إن ترحب :)


ياخالي انا ماقريت موضوعك زعلانن عليك تسيف مبطي مقاطعنا :(




لي نكسة مزبرقه

[ريتاج]

هههههههههههههههههههههههههههههههههههههههه ههههه

متحمسه يووم وصلت للطيااراات اللي ورااك قلت لا الساالفه به انا معقووله الثوور يطيير


اثرريه حلم هههههههههههههههههههههههههههههههه

خيير ان شالله ..

انا حلمت ان حده تقوولي انتي ريتااج الدووسري

قلت لا مني دوسرييه قااالت الا قلت لا مني دووسرييه قاالت الا انتي اخت عمر المختار

يــــــــــــمــــــيــــــن اني قمت من نوومي وانا اضحك بقوى ماعندي هههههههه ويتخللها بعض الشخراات

طلعت اخت عمر المختااار ...>> يااحضي لو انا اخته صدق..



مشكووور عمي ابو عاارف عالساالووفه الحلم


شيييييييييييييييييييع

[أحمد]

هههههههههههههههههههههههههههههههههههههههه هههههههههههههههههه
هههههههههههههههههههههههههههههههههههههههه هههههه

يالربع عمي ابو عارف مهستر هههههههههههههههههه بس والله يابو عارف اني ابغضت خويك ابو حسن هو وحنوكوه ودك يحطلوه طمره على طبلون سيارتوه غديه يعضوه مع حنوكوه

بس عساك اشوى هالحين تسان باقيبك تالي صخنه او شين علمنا نجيك باتسر على العشى وتذبحلنا لك طلي كعادة سموكم


تري مكاسي عمي ابو عارف

[حيل حليل]

وراك وراك ابو حسن
لكن شكلك حيل تغليه هاللي اودعه
ناقزا لك بكل محل
بعدين ابو عارف
اخبر الخشكاري خربوه بهالشبوك
تقل محميه يادافع البلى
الا ان كان طعسك بشعاب هذا شي ثاني

[شامان]

اهلين عمو ابو عارف rooose3


والله يا اني مشتاق لسوالف حارتكم


الا على فكرة وش اسمها حارتكم ؟؟


حارة السبع والا حارة الضبع والا حارة الجمع .


عمو ماذا تعني بقولك :
تعرفون القرطة مثل النمر لكنها أصغر حجم تعيش بالجبال وتأكل الغنم تلبد للشاة تلصق بالقاع كأنها حصاة لين تجي الشاة تنشاها ثم تعض فمها حتى تموت بمكانه دون حراك أو جعير.






عمووو ترى انا اصدق يعني انقل المعلومة من مصدر موثوق ؟؟


والله يا عمو ابو عارف اني قلت يومنك تركب الثور
قلت هذا بس عمو ثوااار <-- يعني على وزن خيال
الخيل من خيالها والثور من ثوارها
صرت يا عمو ابو عارف ابو عارف اليخاندرو
افا يا عمي ما تعرف تركب الثور ؟
الله يهداك انت يوم حلمت ما لقيت تحلم الا بحارتكم ومشاكلكم
ما لقيت الا تحلم بابو حسن المتيح عموو الله يهداك
ثاني مره احلم بهذاك اللي جاب الضبّــان شكله ما هو عتـر.
عمو فواز البطه يسلم عليك الا عمو عرفت عيالك الصغار اي صف
والا ما عدت تراجع المدرسة الحين خوفا من الاحراج ؟؟

[ابو عارف]

تبيني اجيك افكك حنوكه
راجعلك يالقائد ......عندنا meeting اعجبك وانا اتكلم انجلش متن عهن عخن تين
علم علم علم
-----------------------------
والله مانستغني ولكن ويش يفك حنوك أبو حسن؟
كان مفتاح أبو جلنبو الكبير حق القصب 24 بوصة.

لا لا مايحتاج صارت حلم فقط ننتظر الحقيقةهههههههههه.

شكراً يراع السبق القائد الفذ الضاري لاهنت.

[ابو عارف]

خير خير ان شالله يقولون الحلم المزعج له نتائج عكسيه وهذ الله اعلم هو كثر تفكيرك بتقدم العمر بس لايهمك هالثور خاصة انك لم تتعرض لمكروه أثناء الرحلة الميمونة سياحة على حساب ابوحسن لازم تعزمه وتعشية لحم بتلو(عجل صغير)

-----------------------------------
هلا والله براعي أجاء ومرحبا
الله يبشرك بالخير ياوجه الخير على هالتفسير قبلك كنت منبطح بالسطح ومعي الكلاش أتربص با ابا حسن أبي أتغداوه قبل ما يتعشاني.

انت تقوله صدق هي سياحة عاد يوم وعيت يمار كل شيء سياحه.
بس لي مأخذ عليك ليش تقول أعزمه هو يعزم نفسه بس لايدري بهالحلم يجيني كل يوم يقول اشي قصه علي .

شكراً لمرورك الحلو يافندم.

[ابو عارف]

ههههههههههههههههههههههه

هذي عمايل المرقرق يابو عارف هههههههههه

منا وبعد خل عشاك فواكه علشان تفوز على ابو حسن
----------------------------
ودي أطيعك لكن أنا أشجع عبدالله الدعيع يوم سألوه الصحافة الرياضيه عن أكلته المفضلة قال طبعاً المرقوق وعن سيارته المفضلة قال طبعاً المورسدس البنز الأشهب طبعاً هذه للتأكيد.ههههههههههه
زين الي ماقال الأصفر.


شكراً لك ماجد

[ابو عارف]

ابوعارف وين العشير ابوطروق ؟؟ والله ياهو يغث طول الغيبه ..

المهم :

الله يبارك ببوحسن ألي يسنك على كتابة هالفكاهات ..

ألا ما أنت سالم من ابوحسن ولا بالحلم ؟؟





------------------------
والله يخوي مايدري بك شر من بدأت الهدنة المؤقتة مع عجايب غاب وهذي أرض وطابه وارض غدابه الله يحفظه ويرده سالم آمين.

هذا وهو مابارك الله فيه ويشلون لو يبارك فيه كان علوم الله يستر.

شكراً لك لاهنت.

[ابو عارف]

يالعود .



أرحب والله إن ترحب :)


ياخالي انا ماقريت موضوعك زعلانن عليك تسيف مبطي مقاطعنا :(




لي نكسة مزبرقه
---------------------------
أرررررررررررحب يالمتكي ياهلا بالبناخي ومرحبا
لا لاتزعل مالك إلا طيبة الخاطر يالطيب

شكراً لك ننتظر نكستك لاهنت.

[ابو عارف]

هههههههههههههههههههههههههههههههههههههههه ههههه

متحمسه يووم وصلت للطيااراات اللي ورااك قلت لا الساالفه به انا معقووله الثوور يطيير


اثرريه حلم هههههههههههههههههههههههههههههههه

خيير ان شالله ..
-----------------------
إن شاء الله خير
بس لو الله يفكنا من أبو حسن كان نتعشاء اللي نبي مرقوق وغيره ماعندنا مشكلة غير هالمعضلة ابو حسن.
إقترحت عليه يغير إسم ولده قال ليه ؟ قلت متشائم من حسن هذا؟ قال نادني في إسم بنتي زهبه قلت أثريها بنتك ذيك الي يناذونها الممرضين الهنود بالستشفى زغ..؟ ، قال إيه الله يبلاهم مايقدرون ينطقون زهبه.
قلت لا خلك على حسن كلما صار أخشن صار أحسن.
قوليها ثلاث مرات ياريتاج.

انا حلمت ان حده تقوولي انتي ريتااج الدووسري

قلت لا مني دوسرييه قااالت الا قلت لا مني دووسرييه قاالت الا انتي اخت عمر المختار

يــــــــــــمــــــيــــــن اني قمت من نوومي وانا اضحك بقوى ماعندي هههههههه ويتخللها بعض الشخراات ههههههههههههههههههه

طلعت اخت عمر المختااار ...>> يااحضي لو انا اخته صدق..
بعد حلمك ي ههههههههههههههههههههه.

خير إن شاء الله.


مشكووور عمي ابو عاارف عالساالووفه الحلم


شيييييييييييييييييييع


شكراً لك لاهنتي

[ابو عارف]

هههههههههههههههههههههههههههههههههههههههه هههههههههههههههههه
هههههههههههههههههههههههههههههههههههههههه هههههه

يالربع عمي ابو عارف مهستر.
ماعليك زود أنت وهالصورة الي تقل هرش يودز مع له شفى هههههههههههههههههه بس والله يابو عارف اني ابغضت خويك ابو حسن هو وحنوكوه ودك يحطلوه طمره على طبلون سيارتوه غديه يعضوه مع حنوكوه.
ما الومك لكن ويشي الطمره كان هي خطرة سير علينا وجبها معك.

بس عساك اشوى هالحين تسان باقيبك تالي صخنه او شين علمنا نجيك باتسر على العشى وتذبحلنا لك طلي كعادة سموكم.
لا لا طيب ولوماني طيب كلامك هذا يخليني أقول طيب تقيه.


تري مكاسي عمي ابو عارف


تري مكاسي مكاسيي أخي الجثري

شكراً لك لاهنت.

[ابو عارف]

وراك وراك ابو حسن
لكن شكلك حيل تغليه هاللي اودعه
ناقزا لك بكل محل
بعدين ابو عارف
اخبر الخشكاري خربوه بهالشبوك
تقل محميه يادافع البلى
الا ان كان طعسك بشعاب هذا شي ثاني
-----------------------------
كلامك صحيح لكن من يقول للثور أن قدامك شبوك يتجشمها وهو مغمض هذا اللي شيب بي وأنا ولد.

لكن الحمدلله غنه حلم.

الله يغل شيطانك جلينن مجنون أغلي أبو حسن؟

شكراً لك لاهنت.

[ابو عارف]

اهلين عمو ابو عارف rooose3


أهلاً بيك ابو فواز ومرحبتين

والله يا اني مشتاق لسوالف حارتكم


الا على فكرة وش اسمها حارتكم ؟؟
إسمها الي انت مشتاق لسوالفه

حارة السبع والا حارة الضبع والا حارة الجمع .
حارة أبو حسن


عمو ماذا تعني بقولك :




عمووو ترى انا اصدق يعني انقل المعلومة من مصدر موثوق ؟؟
لاتنقل شيء مجرد أضغاث أحلام


والله يا عمو ابو عارف اني قلت يومنك تركب الثور

قلت هذا بس عمو ثوااار <-- يعني على وزن خيال

الخيل من خيالها والثور من ثوارها
صرت يا عمو ابو عارف ابو عارف اليخاندرو
افا يا عمي ما تعرف تركب الثور ؟
شف يالضاري لايغرك قولهم فارس شبكة شمر لو أن أبو حسن ماربطني زين على ظهر الثور كان رحت فيها في أول ملف.




الله يهداك انت يوم حلمت ما لقيت تحلم الا بحارتكم ومشاكلكم

ما لقيت الا تحلم بابو حسن المتيح عموو الله يهداك
كل يحلم بلي هو شاف إيه يقوله الي ماشاف أبو حسن
ثاني مره احلم بهذاك اللي جاب الضبّــان شكله ما هو عتـر.
قال طلقها وخذ إختها.
عمو فواز البطه يسلم عليك
الله يسلموه ويوفقه وينجحه ويوفق الجميع آمين الا عمو عرفت عيالك الصغار اي صف
ويش دراني؟ خلهم يجون من حارة ابو حسن أسألهم وأخبرك.




والا ما عدت تراجع المدرسة الحين خوفا من الاحراج ؟؟
كأنك تشوفني وقفت قدام المدرسة متلطم وقلت لهم روحوا جيبوا شهاداتكم عيالي.




------------
شكرا لك الضاري مرورك عسل.

[السنعوووسيه]

هههههههههههههههههههههههههههههههههه


ول عليه ابو حسن فضخ قلبك ما خلا بك قلب

انا لله وانا اليه راجعون

لازم ناخذك لشيخ يقر عليك يا عمي وضعك ما يطمن ههههههههههه



يعطيك العافيه على السالفه الفلاويه


عاطر ودي

[ابو عارف]

هههههههههههههههههههههههههههههههههه


ول عليه ابو حسن فضخ قلبك ما خلا بك قلب

انا لله وانا اليه راجعون

لازم ناخذك لشيخ يقر عليك يا عمي وضعك ما يطمن ههههههههههه



يعطيك العافيه على السالفه الفلاويه


عاطر ودي
-------------------------------------
حتى القراءة ماتنفع مع ابو حسن
ماخليت شيخ ماقعدت عند ركبه
ويقولون جبلنا ابو حسن نقراء عليه

وإذا قدرت عليه وديته لهم وأخبركم بالنتيجة.

سلام مع عاطر التحية والتقدير.

[شامان]

يا جماعــــــــــه شوفوا المشاركة رقم

19

عمو ابو عارف شفيك لخبطت بالموضوع بيني وبين الضااااري

تسولف تقول ابو فواااز وفجاه تقول الضاري ؟

ما بك عمووو ؟؟

[ابو عارف]

يا جماعــــــــــه شوفوا المشاركة رقم



19


عمو ابو عارف شفيك لخبطت بالموضوع بيني وبين الضااااري


تسولف تقول ابو فواااز وفجاه تقول الضاري ؟



ما بك عمووو ؟؟

--------------------------------
لو مر عليك الي مر علي كان ماتلومن
أنت تعرف أبو حسن هذا؟
قلت لا إيه هذا الي يخليك تهول من لخبطتي.
أنت عمرك ركبت ثور مليانات إذانه خنافس وهرب فيك؟

برضه تقول لا على شان لا هذه تنتقد ابو عارف.

أقول لاتضحك بأخيك يعافيه الله ويبتليك.

شكراً لهذه الملاحظة حاطها عينين لإكتشاف ذكائك يالضاري ابو البطة.

[غالب]

ول ياأبوحسن
تسيف قمت إنخرع منه وأنا ماشفته

واستلم سلامي

[ابو عارف]

ول ياأبوحسن
تسيف قمت إنخرع منه وأنا ماشفته

واستلم سلامي
--------------------------
شف موحش ياسناعيسو

لوتشوفو تقلب إحجتك بيض.


شكراً لك لاهنت.