انا بصراحه احبك حب مو معقول ,,,, اكبر دليل لغلاتك غيرتي مره [الأرشيف]

مشاهدة النسخة كاملة : انا بصراحه احبك حب مو معقول ,,,, اكبر دليل لغلاتك غيرتي مره

مهاجرة باحساس

12-02-2009, 01:04

^_^ السلام عليكم

لاتقومون ..الله عليك يالشبث وانت يايوسف لا تحركون من مكانكم

وحشتكم صح , ادري مكاني خالي

يقولون البدو ... اللي مايغار << محشومين

وأنا جربت نار الغيرة ياالربع ياانها تحرق حرااااااااااق .... عشان اكون دقيقه , انا شكيت باابو العيال

أجيكم بالسالفه من طقطق

هذا فيه وحده من البنات اعرفها , دقت علي تسولف معاي يمار تقول : من دون مقدمات

زوجي تكلموه وحده تسلبه , قلت : لا مو معقول << اشك فيكي أنتي تكلمين ولا اشك

فيه

مو المصيبه أنه بحياته ماسمع صوت حرمه غير محارمه يعني لو وحده تقول : له انزح وراك

ينصرع من الحياء والكارثه ملتزم بالصلاة <<< والصلاة تنهى عن الفحشاء والمنكر

قالت: وربي أن اللي اقوله لتس صحيح ومن براءة الرجال هو قال لها وعلمها وعطاها الرقم

وقال: شوفي الرسايل واقريهن وبغى يبتسي مايدري وش يسوي << هذا بالبدايه بس

لان بنات أبليس يطيحن الواحد ويجيبن رجوله

قلت : وش سويتي قالت: دقيت وسمعت صوتها مااعرف النبره

تقول: ترسل لوه مصورتن عيونها تقول: هذولا عيوني ارسلتهن اعجبك والا لا

وتعرف كل شي عنوه واسماء عيالنا , وشكلها من الحاره

طبعا انا بزعمي نصوح واقدر انفع خويتي قلت: شوفي مالتس الا توهمينه انها ولد

ويبي يسحب فيه ,, والا ولد مرسل بنت عشان بطاقات شحن والا يبي يقول شوفوا فلان

بسرعه طيحتوه بنت

قالت :زين وبالفعل انخرش الرجال وكش قلبوه من السالفه

بس مو هنا مربط الفرس

انا ليله من اليالي جالسه عاtv...سهرانه وجالس زوجي معاي ولا عندنا من الشيطان طاري

جتوه نغمة رساله وفتحها وقلت:وش فيه منهو << الوقت متأخر مارد علي ..سكت يطالع لها

وقام ولبس نعوله وقال: ابي اطلع قلت:وين ,قال :للسياره

يقول ابي اجيب جواكيتي <<< هو لوه 20 جاكيت وفروه وبشت بالسياره

اقول: يارجال نزلهن ماينزلهن

الزبده ,, راح , ورجع بسرعه ورجدهن قدامي

قلت: وش الطاري وش عندك مواعد احد ...........قال: شوفي لاتذاكين علي انا فاهم

قصدك ...يعني شاكه فيني ..قلت :لا بس غريبه

قال: لاغريبه ولا شي ,تدرين انا مااخاف من شي لو ابي اواعد احد والا اطلع مع احد

مااخاف منك <<< قلت: كثر منها

قال: تذكرين من زواجنا أنا قلت لك أنا كان لي علاقات واعرف بنات , بس من خطبتك طويت هالصفحه من حياتي ,, وطلبت ربي يسامحني عشان اتوفق بالزواج ولا الله يبلاني بناتي

( أنا علمني بكل شي ...) بس المصيبه ان فيه من عيال عمه حاولوا بكل طريقه يرجعونه للجو القديم ,حتى واحد بنفسه اعترف قال انا لي 3 شهور احاول اجيب راسوه ولا قدرت يوم قالوا ليه تسوي كذا , قال ابي اعرف هو سعيد بحياته والا لا ينقصه شي والا لا كذا شفايه

طبعا ذكرني بكل هذا الحتسي

سكت ..وراح نام ....... يوم نام رحت وفتحت جوالوه الا بالرسايل الوارده بليز كول مي

من رقم مو مسجل بأسم ...طالعت بالاتصالات الصادره الا داق عليه بنفس الوقت اللي

طلع من البيت ...واهجم على الرسايل المرسله ,,الا رساله ( احلام سعيدة )

وانا اموت من القهر وأبتسي وأبتسي وأبتسي وأبتسي وأبتسي

هذا الحتسي الفجر وابتسي وأبتسي للساعه 10 الصبح وعندوه عالسرير

واطالع لوه وابتسي واقوم وانقل الرقم لجوالي وادق على الرقم الا خدمة صدى

اغنيه احلام سعيده وخرابيط وحب <<وأنا ابتسي بصمت

الاردت وحده الوووووووووووو <<صوت بنت قاعده من النوم

وأبتسي واسكروه

من كثر مابتسيت قعد الساعه 11 الرجال قال: وش العلم ليه تبسين

قلت :على طول ,منهي البنت اللي اللي ارسلت لها رساله الفجر

قاال : رساله ,,قلت:ايه وابتسي قال :ياحول تعالي بس ويضمني ويسكتني

قال: اسكتي وش اللي خلاكي تعتقدين اني ارسلت لبنت أثر عليكي اكيد كلامي الفجر وبعدين صيغة الرساله تصلح لرجال

قلت :لا راعي الرقم بنت قال: وش دراكي قلت: انا دقيت وسمعت صوتها

قال: هاه من اي رقم من جوالي ..........قلت لا من جوالي

قال: الله لا يعطيتس عافيه لو طلع رجال راعي الرقم وخري عني يالله<<كنت بجنبوه

وانا اوخر ......عــنه ...قال :شلون اصلن شفتي الرساله , ليه تدقين ,ليه تشكين

وليه وليه وليه <<<<< ابلش بوه تورطت

قال:اعترفي وش مسويه بعد قلت :ماسويت الااللي قلته لك <<<طبعا وابتسي للحين

قال:طيب أن ماوريتك ان ماصاحبت راعيت الرقم أن ماطلعتها وجبتها لتس

وأنا ازهد وازند من البتسا واصرخ من العوابه ودموعي للركب

والله وهو يشفق علي قال الحين تنقز مابعينها ضو

قال:تعال هنا ,خلاص تعوذي من ابليس ..نامي وراي دوام الساعه 3 العصر حرام عليتس

.

.

يـــتبع ,لاني تعبت من الكتابة

روح حايل

12-02-2009, 01:16

متابعه والعبره تخنوقوني :wallah_hoo:

εïз خزامى εïз

12-02-2009, 03:26

لآآآآآآآآآآآآآآآآآآ
كملي
ليه صار كذآآآ؟!!!
اوووفــــ
بنات قليلات ادب
كش عليهمـــ
قلو الرجال اللي "اوب" معرسين << حتى العزابي عيب وحرآم ياذكيه
بصيح معكـ :frown:<< دمعت من جد :(
انتظر وبشدهـ
يارب تصلح الحآل
:frown:
ياجمآعه ماهنآ مثل جرح الرجأل ليآ جرح
اللهم اني اعوذ بكـ من قهر الرجآآآآآآل

بسمة العز

12-02-2009, 04:10

يـــوسف

12-02-2009, 04:24

حياتس الله يامهاجره مابغيتي تجين :)

بشري فيه وغدان ولا لا <_ اذا جاتس ولد سميه سناعيسو :)

السنعوووسيه

12-02-2009, 04:36

وتسبديييييييه

انجزي وش صار

عجايب بنت الشايب

12-02-2009, 07:59

سمعنا وسلمنا

ماجد

12-02-2009, 09:27

مالوموه اذا كلم

حمـود

12-02-2009, 13:58

اويحي

تشكين بالي ما كملتي معه سنه

توه ما مل من وجهتس

ايه ان كيتكن عظيم

مشاري الخفجي

12-02-2009, 20:31

ماتنلامين يوم تبكين <<<<

وماينلام ... لو ياخذ جوالك ... ونفس طريقة الساعه باقرب جدار <<

صحيح لو طلع رجال .. وش بيكون موقفك ..

مهاجره ننتظر ... ما اسفرت عنه .. الاحداث <<

<<يبون يعرفون وش صار

تحيتي تسبق سلامي

ابو عارف

12-02-2009, 21:30

من راقب الناس مات هماً.

أكيت تطلع السالفة خرطي.

تحياتي لتس.

غالب

12-02-2009, 22:33

متابع من ورا الدريشه:055r:

واستلمي سلامي

الشبث

13-02-2009, 06:11

>>> يضرب نفسوه من القهر

كممممممممممممممممملي

تحمسنا ههههههههههههههههههههههههههههههههههههه

مهاجره

يالله حيه وان شاء الله لا انقطاع بعد اليوم

ننتظر ومتابعين

وتقلدي تحيتي

بنت الجبل آخت القصيد

13-02-2009, 08:25

كملي مهاجره

متابعين

:)

منصور الغايب

13-02-2009, 11:33

((((منصور يبكي)))))

يتبع .. :(

شو يتبع ياخالة ..

هالحين دموعنا اربع اربع ويتبع ...

اسرعي لا ينقطعن دموعنا ...

ريال الفسحه

13-02-2009, 13:33

العن شكلتس تورمت من الشفايه

بساااااااااااااااااع

كملي

مهاجرة باحساس

13-02-2009, 19:52

متابعه والعبره تخنوقوني :wallah_hoo:

.
.

هلا روح حايل , شــكرا على المتابعه

مهاجرة باحساس

13-02-2009, 19:53

مهاجرة باحساس

13-02-2009, 19:57

اهليــن مهاااجره..
والله لك وحشه اكبر من بيتنا مع بيتكم..
حــي هالطله....
الله يعينك ياقلبي..زووجك له سوابق..
بس انتي لاتزوودين الغيره..وحاولي تمسكين اعصابك..
كملي ياحياتي...
احتراامي لك,,,

.
.
هلابك زود , والله انتم وحشتووووووووووووونـي اكثر

الله يعين الجميع , اي والله لوه سوابق

طيب احاول ماأغير

مهاجرة باحساس

13-02-2009, 20:00

حياتس الله يامهاجره مابغيتي تجين :)

بشري فيه وغدان ولا لا <_ اذا جاتس ولد سميه سناعيسو :)

.

.

الله يحييك , الا أبــي اجي بس مو بكيفي

لا للحين ماكــو شين

مهاجرة باحساس

13-02-2009, 20:02

وتسبديييييييه

انجزي وش صار
.
.
.

طيب طولـي بالتس

مهاجرة باحساس

13-02-2009, 20:05

سمعنا وسلمنا

.
.
.

يجيتــس خير ياعجوبه

مهاجرة باحساس

13-02-2009, 20:07

مالوموه اذا كلم

!
!
!
!
!

مهاجرة باحساس

13-02-2009, 20:08

اويحي

تشكين بالي ما كملتي معه سنه

توه ما مل من وجهتس

ايه ان كيتكن عظيم

.
.
.

شــفت شلون

مهاجرة باحساس

13-02-2009, 20:11

مهاجرة باحساس

13-02-2009, 20:15

من راقب الناس مات هماً.

أكيت تطلع السالفة خرطي.

تحياتي لتس.

.
.
.

لاوالله مهي خرطي , ابو عارف احترم مشاعري أنا الحين راعيت بيت

مهاجرة باحساس

13-02-2009, 20:17

متابع من ورا الدريشه:055r:

واستلمي سلامي

.
.
.

شكرا على المتابعه سناعيسو

مهاجرة باحساس

13-02-2009, 20:25

الشبث ,عطر القصيد ,منصور. ريال الفسحه

.
.
.

والله ماابي اطول عليكم أمس كتبت الموضوع ويوم جيت اضيف الرد الا مسجل لي خروج من المنتدى

تسان ازعل واعصب .. تعبت نفسيا وأنا اكتب واتذكر كل شي ,ماابي اخبي عليكم ولا ابي اهمل اي تفصيل دقيق

انا اراعي مشاعركم ادري معيار الشفايه عندكم عالي

طبعا جالس بجنبي اخوي الصغير الا يقول لاتزعلين قدر الله وماشاء فعل , ولا يكلف الله الاوسعها

انا انصفق وجهي << وتفشلت , لايكلف الله الا وسعها مو فارشه سجادتي انا ...قمت وتعوذت من أبليس

وتوضيت وصليت واستغفرت ربي

واليوم عاد أسمحوا لي .... مشغولة غصبا عني الليله عندنا ضيوف

بايات

بالمختصر..

14-02-2009, 01:48

قسم بالله نذله :(

كملي لا أدق على رجلتس و اسألوه وش السالفه هههههههههههههه

.
.

أحمد

14-02-2009, 17:02

ياحراااااااااااااااااااااااااااااااااااا اااااااااااااام والله اني تعاطفت معتس مهاجره

متى التتمه ذبحتن الشفايه

&^^مهــــا^^&

16-02-2009, 04:12

كملي

متابعين وبقوووووه بعد

ننتظرك بفارغ الصبر لاننسى البدايه <<عجزانه لا اعيده:)

مهاجرة باحساس

16-02-2009, 08:07

^
^
^

يوسف ادري قصدك المثل مو خطاء <<:)

ادري طولت عليكم بس وربي غصبن عن عيوني :za3lan:

أكمل لكم .. نمنا ,طبعا أنا أغمن علي من التعب .. رن المنبة وقام على الدوام :148r:

رجع المساء وأنا ماقمت ولا أكلت , جا وجايب لي بيتزا (( من بيتزا هت )) << من شان الدقه في نقل الخبر

قعدت أكل وهو يضحك علي ويتمسخر يقول بالله صاحيه مجنونه وربي انتس مصرقعه أجل احـــس من نومي عليتس

تبسين وغرقانه بدميعاتس, وانا مفتشله من نفسي .. ومتغبيه ورا قطعة البيتزا كبر وجهي واطالع من وراها

يقول: ياشيخه خرعتيني احسب فيه احد بوه شي ,أهلي والا أهلتس صاير بهم شي

وبالاخير سالفه ماقسه ...تغيرين من لاشي ,معقوله أثر فيتس كلامنا الفجر

راح نام ..وأنا قعدت مع نفسي شوي كانت مشاعري متلخبطه أفكر وش اللي سويتيه يالخبله

واللي احرجني حيييييييييييل >>> البيتزا n)

قلت يابنت اكتبي لتس كم كلمه وحطيها لوه بالغرفه يمن سافرتي >> رساله غرام

والله ياجماعه اني استغربت من نفسي ..دايم أكتب وأبدع << مداح نفسه :d:

بس هالمره بالموت كتبت , بالياالله اجمع

كتبت ..

,
,
,
,

أجمل شعور هـو التفكير فيكــ

الغالـي (...) يسعد لي صباحكـ ومسائكــ

كل دمعه ذرفتها عيناي ..تأكـد أن قبلها قـلبي نزف دم

لا أحـــب أن أغضبكــ

...... ولا أقــدر على تـحمل زعلكـ

لم أبــكي طوال حياتي ..........بــقدر مابكيت من يوم عــرفتكـ

كـــانت دمــوع ...حــب...شوق...وخــوف عليكــ

أنا لا اتأثر الا من أجل شخص غالي جدا

ولا أرخصت دموعي

في يوم من الايام لأحــد

الا لكــ أنت

ولم أسمح لبشر أن يراني وأنا أبكي

أحبكــ

واعرف أنها لاتــكفي

أعــطيكـ قبلاتي ,وأشواقي

وقـلـبي الملهوف عليكــ

كم أحس بشوق لكـ في كل لحظه تمضي وأنا بعيدة عنكـ

أنت بالنسبة لـي أب حنون
وأنت تـعرف كم أحب أن أكون أبنتكـ المدللــه

وأنت أصــبحت كل شــي في حياتي
.
كل أيامــي بوجودكـ سـعــاده وهنا
.....................وكل الليالي مـعاكـ حــلوه
,
أنت أعــظم رجــل فـي حياتــي
وراح تــكون أعــظم وأروع أب فـي الدنيا
لـــيت كل الناس مثل قلبكــ يا.....
roooose
.
.
.
حطيت لوه ملاحـظه طبعا مااقدر اكتبها << لان مالها داعي (أنتبه على نفسك ومن هالسوالف)

انا يوم اسوي سالفتي كان يوم جمعه وعساس مسافره الاثنين .يبي يحجز لي من شان اسير على اهلي
قلت احطها لوه بمكان يشوفها بعد مايرجع من المطار للبيت
صار حجزي يوم الخميس وجا اليوم الموعود وكانت الرحلة الساعه 2 الظهر قام بدري الساعه 9 طلع وكلمني قال اكــوي لي قميصي الابيض قلت من اللقافه مكوي
جا وسألني عن جوالي اللي مشغله فيه شريحة زين قلت مدري وينوه قال هاتيه جبتوه قال عطيني ابي ادق على الشركه وافصل عليهم shlwee7
((هو مسوي شكوه على شركة زين , مزعجيني يدقون ويسكرون وهذي لحالها قصة )) قلت يووووووووووووووووووووووه الحين وقتوووووووووووووووووووووووووه طبعا بنزرة قال هاتيه قلت لا قال جيبيه قلت لا

قال يالله هاتيه وانا اشوتوه يمار مثل الطلقة من قدام خشموه واجدعوه بأخر الغرفه
وهو يقلب وجوه وينطط عيونوه علي وانا انخرش قال هييييييييييييييييين
اوريتس
قلت وتقول هين
قال هييييييييييييييييييييييييييييييييييييييي ييين والله لوريتس مردوده عليتس

وانا اخاااااااااااااااااااااااااااااااف
واروح داخل
وافرش سجادتي واصلي <<< طايفتها صلاة الفجر
ويجي ويدش الحمام ياخذ شور وايقف قدام الباب قال نعم وش تبين
واصير ورا الباب واطلع عين وحده قلت تبي شي قال لا شكرااا

بس جهزي لي القميص وبنطلون عشان اللبسهن لا نتاخر
قلت وانا ضايع وجهي قميص الدوام قال اروح للمطار بلبس الدوام ليه وش صاير
قلت هااااااااااااااااااااااااااه
طيب الحين ثواني واركظ واخمش القميص والكوايه واكويه واطالع لــ التلفزيون
ومطلعين
mbcواحد يشرب ميت نااااااااااااار
وانا افتح افمي واحرق كم القميص(صـوفر القماش مااحترق حيل )>>عشان اكون دقيقه
وانااخذوه واجي الا هو قدامي بالغرفه واعلقوه بالدولاب قال هاتيه قلت لا اللبس هذا
قال ليه قلت احترق قال انتي وش امرتس انتي تعمدين تسوين اشياء ترفع الضغط قلت لالالالالاوالله
وانط واضحك واقول اسفه ودموعي يصبن من الفشله >>ردت فعل غريبه صح
قال لحول, طبعا هو زعلان من شوتت الجوال
جينا نبي نطلع من البيت
واقرب عساس ابي اودعـوه وهويصد عني
وانا ععععععععععععععععععععععع ابتسي
قال حيل تبسين حيل
وانا عععععععععععععععععععع وجعير
وهويضحك علي من أعماقوه
قال الحين برد قلبي
طلعانا وسوالف ودلع ويدعي لي بالتوفيق
وسالفه وقصيده
لمن وصلنا المطار
والحظ يلعب دور ياناس
طافتني الطياره :d:
ماهمني الا ارجع للبيت من شان اشيل رسالتي عشان مايشوفها قبل اسافر

الرجال تبهدل صاعد نازل حجزلي انتظار عالساعه 4 العصر وبقى واقف على اعصابوه مو هاين عليه ينكسر خاطري ومااسافر ومع ذالك يقول حلو تقعدين معي يوم زياده ..ياناس والله يستاهل اكثر من رساله :)
وللاسف كل تعبوه راح على الفاضي لان ماضبط معانا الحجز حجز على الجمعه
رجعنا ونزلت من السياره ركظ واغبي رسالتي
وكل هكااليوم اروغ بها , جا ثاني يوم ..واحطها بقميصوه ونطلع ويوديني قبل الرحلة بساعتين <<ماينلام خايف تطوفني وارجع معوه
سافرت ويوم وصلت قلت حبيبي وينك قال بالدوانيه قلت ترا قميصك بالغرفه << عشان يشوف الرساله
وبالفعل شافها ودق علي قال شكرا شكرا شعور متبادل ..اجيبوه يمين يسار ماقال الا هالكلمتين

بغيت اخربها بعدين قلت يابنت اختشي <<بصراحه خفت منكم لاتقصفون عمري

.( العبر والمواعظ )

لا تشكين في زوجك ولا تغيرين الا اذا تزوج عليتس
لاتفتشين جوالوه , وأن فتشتيه لا تدقين على الارقام, وأن دقيتي لاتعلمينوه
لاتكوين ملابس قدام التلفزيون
لاتشوتين الجوال بوجود زوجك وخصوصا اذا كان حاجز لتس ويبي يسفرتس ..خوفا من ان يلقي حجزك
لاتكتبين رساله لزوجك ابد

.

أعذروني تسان بوه أخطأ والا محيوس

n) مالي وجهه اقابلكم

بنت الجبل آخت القصيد

16-02-2009, 08:18

حمد الله على السلامه

نهااايه سعيده <<<زين مابتسينا:)

مشاري الخفجي

16-02-2009, 08:52

مسافره .... لا اخفيك .... استمتعت .. جدا ... .. باحداث .. قصتك .. <<<

اكتشفت .... عدة امووووور ...

بكايه درجه اولى ..<<

اي شي تبينه يصير ...<< ولو مايصير ... تحووسييين كل شي

مبدعه .. في مجال .. رواية القصص .. كانت طويله ام قصيره ..!

تحملين .. قلب .. طاهر ..<< اسعدكي المولى ...

ماتعرفين تكويييييين << ملابس

ابو العيال ..<<< فعلن .. يحمل قلب كبييييييييييييييييييييييير ... وعسى الله يوفقه ..

استمتعت ... جدا ... بما قدمتي ...

كل التوفيق .. لكم ....

<<متابع ... لجديدكم ...

اخوكم .. مشاري ..

ماجد

16-02-2009, 08:53

وبالفعل شافها ودق علي قال شكرا شكرا شعور متبادل ..اجيبوه يمين يسار ماقال الا هالكلمتين
وشتبينوه يقول بعد << ماسك ورقه وقلم يبي يسجل ملاحظات

.( العبر والمواعظ )

لا تشكين في زوجك ولا تغيرين الا اذا تزوج عليتس
هههههههههههه ايه هين
لاتفتشين جوالوه , وأن فتشتيه لا تدقين على الارقام, وأن دقيتي لاتعلمينوه
يعني ايها الزوج العزيز امسح كل المكالمات الصادره والوارده قبل ماتدخل البيت
لاتكوين ملابس قدام التلفزيون
منعا للاحراج كل واحد يشتري لزوجته مكوى على البخار
لاتشوتين الجوال بوجود زوجك وخصوصا اذا كان حاجز لتس ويبي يسفرتس ..خوفا من ان يلقي حجزك
ياويسي كسرت خاطري
لاتكتبين رساله لزوجك ابد
مالي دخل

شكرا اختي على هالمغامره
اسعدنا حظورك وكل عام وانتي بخير << شنوحي

مشاري الخفجي

16-02-2009, 08:59

بقت نقطه .... مهاجره .... غاب عني . شي ورجعت ابي اقووله لك ..

لو اني وقتها ... حول زوجك ... كان قلتله ... شي ... الا وهو

انا لو اني منك .... يا بو فلان ..... اسوي الاتي ...

اروووح .. للغرفه .. واطلع .. اجمل ... فستانين <<< لها ... واجيب الكوايه ....

واحرقهم .....<<<< كاقل رد على اللي سوته

ومنها .. تتوووووب ... وتنتبه .. ولاتحرق شي جديد ..

احمدي ربك مافكر كذا ... زوجك ..<<

<<يقوووول ... بالتوفيق لكم ...

سلااااااام

ماجد

16-02-2009, 09:17

^
^
هو الخسران

شامان

16-02-2009, 10:33

مهاااااااااااااجرة

اول ما قرات الموضوع تحمست صراحه

وحبيت اعرف وش صاااااااار ... ارتفع ضغط الشفاية عندي

علشان كذا يا شارلوك هولمز ... مدري انا بروحي والا الكل معاي

ان للحين ما عرفنا وش سالفة البنت ؟؟؟

الظاهر لج عوده لجواله مرة اخرى !!!

متى واين لا نعلم ؟؟ كان الله بعونك

نصيحة \ دم ضروس الرجال ان المرأه تفتش بجواله عن رسايل والا ارقام مشبوهه

او اسماء مشبوهه ذات رموز او نكات .

لان المضيبة تكون اكبر في حال اتصلتي وطلع رجااال

صراحه يا ويلك يا سواااد ليلك .... كل التوفيق ان شاء الله في حياتك الاسرية

وان شاء الله من حال الى حال افضل منه بالتسر والصحه يا رب

ماجد

16-02-2009, 11:03

^
^
شامان
الجزء الثاني من القصه تلقاه فوق قبل 6 ردود
<< ( فاضي )

عبدالله الجعيثن

16-02-2009, 13:13

^
^
شامان

الجزء الثاني من القصه تلقاه فوق قبل 7 ردود

<< (ايضا فاضي

روح حايل

16-02-2009, 13:33

^

هالرجال احس انوه دبوس ياوراي ياقدامي بالردود :)

كش زوووووووول

المهم مهاجرة

وش هالنهايه !!

اويلي بس ماعندوه سالفه تسان ماعطن شوشتس :)

وشوين كدمات بالبراطم والعيون يصير خوش :)

الله يوفقكم سوا ولا يفرقكم

حيل حليل

16-02-2009, 15:14

مشكلتكن يالحريم
ان عرق الشفايه وعرق الغيره يلتمسن سوى
وهذا يؤدي الى تصرفات لا ارادايه عند معشر النساء
<<<<<< يسمع بالتحليل النفسي

قصه ولا اروع اخت مهاجره

يـــوسف

16-02-2009, 15:23

أم السعف والليف وش دخلن هههههههههههههههههههه

لي نكسة :)

مهاجره الله لايهينك يالعروس :)

εïз خزامى εïз

16-02-2009, 15:39

ياحيآآآتي
والله انهم "اوب" فاهمين
الحب شين
والبلآآآ الشكـ اقشرررررر
يآويل قلبي بسسسس
لازم توسعين صدركـ لا تصيرين شكآكه
ادري صعبه بس تعلمي
تدرين
انآ ون هندريد بورسينت معآكـ بسآلفة الرسايل
تدرين انهآ ناجحه جدن!!
والله لو زعلت والا بخآطري شئ مع اي مخلوق من البشر ...رسآله هي الحل
وترى "اوب" لازم يرد عليكـ
اذا رد عليكـ الرجآل بكلام حلوو ومثآآلي
دليل انه لووووووقي ورآعي حريييم وحركآآتــــ
اذا قال كلمتين
هذآ دليل المحبه الرآئعه... ايييييه هههههه :blushing:
انه مايقدر يعبر بأكثر من هالجمله
يالله ان تدوومهآ
<< خقت هههه :blushing:
مهآجره ياقلبي
ليه ماتكتبين لي روآيآت وترسلينهآآآ والله حبيت الدقه بالوصف
ووووهـ ياقلبي
الله يوفقكـ يآآبنت
سيوو