ابو عارف
03-02-2009, 21:38
ودك ماتفكر بالماضي الي راح وإنتها أبد
كيف اليوم توي أدري إني كبيٌر ، تذكرت يوم أنا جذع هاكالحين أويلي صغير أسرح مع البهم إنطنخ الوالد وقالي قدام الرجال يايوسف ياوليدي يامر عليك أحد من هالطراقي قله الله حيه وضحك بوجهه ثم أعزمه قله تقهو عندنا بعد حيي ولدي، قلت زين وسرحت قدام البيوت حوالي كيلوين وكان هناك جادة للطراقي مثل سكة الحديد كل خمس دقايق مارينن خمسه - عشره - خمس طعش ومستمرين رايحينن لحايل عطاه السيل.
المهم وقفت تقل زول ح ص ن ي على جانب الجادة الله حيهم ههههههههه تقهوو عند أبوي القهوة والمه ههههههههه والله إلا تقهوون ، الكثير منهم يسأل من أنت ولدله ياحلالي أعلمهم ثم ينحرفون يم البيوت سلام سلام أحمس ياحماس دق يادقاق قهو يامقهوي وكل ما مشاء ناس جاك ناس بدالهم حتى أقبل العصر وصرت أقول لهم تعشوا عندا الليل حال على الجبال والله ماتعدون إلا أنتم متعشين عند أبوي حتى غابت الشمس وأنا أروح.
يوم روحت الله يجيركم يمار أبوي يابس أفمه من الحكي وصلي النار له والوالدة تبتسي بجنب القدر تقول اليوم عبوس قمطريرا سبع مرات تسوي غداء وهالحين جاء دور العشاء وهالرجال ميل الرفة كأنك في جالس في برلمان أيران بس هالعمايم وهالقحيح وهذا بريق يروح ودلة تجي وكل من شافن من هالضيوف قال هذا معزبنا الليلة الله يصلحه والله قهرنا ماخلانا نفوت ياعله من نصيبكم.
يمار الوالد يخزن خز شين ويقول الله مير يحييكم ويطرح به البركة والله هذا من عنده ما أحد قال له شين قالوا إيه يبعد حيي جلي ماعمه الضحيك مطير أبن رومي ولاتهون يا أبو يوسف معقبه جد لعياله هههههههههههههه.
تعشوا الضيوف وبعضهم سراء وبعضهم أمرح ونجمع من هالغطيان وهالسويحات ويحلبون الغنيمة لهم والبهم صايم المثنية هكالليلة الله يدفع البلاء .
أصبحنا وأصبح الملك لله يخي وهم يحلبون الغنيمة لهم وفوير وبريقات حليب وخبز وتمر وقهوة ورغفان ولادري وين تروح هالنعمة بس يحمدلون ويأكلون أهبو جيبو تمر صبو لبن أحمس تقهو خذ هذا خذ هذياء حتى صارت الشمس بكبد السماء أكرمكم الله مع السلامة.
جاء دوري عاد أبي أسرح وأجيب مثلهم من أجل نتعشاء عشاء زين مثل البارح لكن الوالد قال خل إختك اليوم تسرح نبي نستريح اليوم مانمنا البارح هههههههههههه.
قلت إإإإإإإإيه الي يبي الدح مايقول أح توك عرفت أن الله حق و يخي وهو يخمش علي الخيزران وانا أهرب قال هيه والله لو ما الحقك إلا بالمدينة المنورة بس لاتذبح نفسك بالركض يخي وأنا اتقعطل وهويخمن مثل خمة الذيب للشاة وهو يقرطن من ورا العنة الحطب ياوالله هو أقرب منكم لي وهو يسوتن وهو يسوتن وااااااااو واااااااااو يايمه يايمه وهي تجي تركض الله يرحمه وويلي ذبحت وليدي يخي وهو يتناوله بالخيزران وهو يسجه وهي تهرب ،،، ويجي عملي وهو يمسكه ويش بلاك عليهم عين خير يارجل.
قال هالموذي من أمس وهو حارف علي هالجادة واليوم يقول توك عرفت إن الله حق.
ماعاد سرحوني بعدها أبد وإذا سرحت ومر علي طرقي وسألني وين هلي إذا هم شمال قلت جنوب عرفت إن الله حق من هكالدبغة وهكالمردغه.
وسلامتكم.
كيف اليوم توي أدري إني كبيٌر ، تذكرت يوم أنا جذع هاكالحين أويلي صغير أسرح مع البهم إنطنخ الوالد وقالي قدام الرجال يايوسف ياوليدي يامر عليك أحد من هالطراقي قله الله حيه وضحك بوجهه ثم أعزمه قله تقهو عندنا بعد حيي ولدي، قلت زين وسرحت قدام البيوت حوالي كيلوين وكان هناك جادة للطراقي مثل سكة الحديد كل خمس دقايق مارينن خمسه - عشره - خمس طعش ومستمرين رايحينن لحايل عطاه السيل.
المهم وقفت تقل زول ح ص ن ي على جانب الجادة الله حيهم ههههههههه تقهوو عند أبوي القهوة والمه ههههههههه والله إلا تقهوون ، الكثير منهم يسأل من أنت ولدله ياحلالي أعلمهم ثم ينحرفون يم البيوت سلام سلام أحمس ياحماس دق يادقاق قهو يامقهوي وكل ما مشاء ناس جاك ناس بدالهم حتى أقبل العصر وصرت أقول لهم تعشوا عندا الليل حال على الجبال والله ماتعدون إلا أنتم متعشين عند أبوي حتى غابت الشمس وأنا أروح.
يوم روحت الله يجيركم يمار أبوي يابس أفمه من الحكي وصلي النار له والوالدة تبتسي بجنب القدر تقول اليوم عبوس قمطريرا سبع مرات تسوي غداء وهالحين جاء دور العشاء وهالرجال ميل الرفة كأنك في جالس في برلمان أيران بس هالعمايم وهالقحيح وهذا بريق يروح ودلة تجي وكل من شافن من هالضيوف قال هذا معزبنا الليلة الله يصلحه والله قهرنا ماخلانا نفوت ياعله من نصيبكم.
يمار الوالد يخزن خز شين ويقول الله مير يحييكم ويطرح به البركة والله هذا من عنده ما أحد قال له شين قالوا إيه يبعد حيي جلي ماعمه الضحيك مطير أبن رومي ولاتهون يا أبو يوسف معقبه جد لعياله هههههههههههههه.
تعشوا الضيوف وبعضهم سراء وبعضهم أمرح ونجمع من هالغطيان وهالسويحات ويحلبون الغنيمة لهم والبهم صايم المثنية هكالليلة الله يدفع البلاء .
أصبحنا وأصبح الملك لله يخي وهم يحلبون الغنيمة لهم وفوير وبريقات حليب وخبز وتمر وقهوة ورغفان ولادري وين تروح هالنعمة بس يحمدلون ويأكلون أهبو جيبو تمر صبو لبن أحمس تقهو خذ هذا خذ هذياء حتى صارت الشمس بكبد السماء أكرمكم الله مع السلامة.
جاء دوري عاد أبي أسرح وأجيب مثلهم من أجل نتعشاء عشاء زين مثل البارح لكن الوالد قال خل إختك اليوم تسرح نبي نستريح اليوم مانمنا البارح هههههههههههه.
قلت إإإإإإإإيه الي يبي الدح مايقول أح توك عرفت أن الله حق و يخي وهو يخمش علي الخيزران وانا أهرب قال هيه والله لو ما الحقك إلا بالمدينة المنورة بس لاتذبح نفسك بالركض يخي وأنا اتقعطل وهويخمن مثل خمة الذيب للشاة وهو يقرطن من ورا العنة الحطب ياوالله هو أقرب منكم لي وهو يسوتن وهو يسوتن وااااااااو واااااااااو يايمه يايمه وهي تجي تركض الله يرحمه وويلي ذبحت وليدي يخي وهو يتناوله بالخيزران وهو يسجه وهي تهرب ،،، ويجي عملي وهو يمسكه ويش بلاك عليهم عين خير يارجل.
قال هالموذي من أمس وهو حارف علي هالجادة واليوم يقول توك عرفت إن الله حق.
ماعاد سرحوني بعدها أبد وإذا سرحت ومر علي طرقي وسألني وين هلي إذا هم شمال قلت جنوب عرفت إن الله حق من هكالدبغة وهكالمردغه.
وسلامتكم.