أبو روز
14-01-2009, 01:22
السلام عليكم ورحمة الله وبركاته
في هذا الموضوع سأتكلم عن ذكاء برغش الثوير من كبار السرحان من الويبار .
وبرغش لديه ذكاء خارق رحمة الله عليه
وقد جمعت له قصص تدل على شدة ذكائه .
في أحد الأيام كان نازل ومعه السرحان ربعه ومعهم كم بيت ماهم من السرحان جاهم ضيف يعرفونه وضيفوه .
الضيف هذا يعرفونه ويبخصونه زين يوم تعشى عندهم مشى.
يوم مشى الضيف قال برغش تروا ضيفكم من الأخوان وتروه يبي يجيبهم لكم وترونا نبي نرحل .
لأنه كما تعلمون الاخوان لديهم قوة ومعركتهم ستكون محسومة بهكالوقت.
قالوا السرحان لبرغش يابرغش فلان نعرفه ولايمكن أنه يجيب الأخوان علينا قال علمتكم مار اللي يبي معي تروني راحل .
بهكالوقت كانوا فيها عرب حول السرحان ويقولي الراوي انه على ما أظن انهم ليسوا من الويبار الوكاد ان برغش بلغهم وقالهم تروا الاخوان جايين للديار هذي مار ارحلوا ولكن لم يطيعوا برغش .
برغش قعد يعد للرجل اللي راح منهم (الضيف) اليوم تغدا بالمكان الفلاني وتعشا بالمكان الفلاني الوكاد أنه عد له لين وصل المكان اللي به الأخوان وبدا يعد لهم وهم راجعين يما قال تروهم باكر يصبحوننا مار إرحلو وفعلآ رحلوا برغش وربعه.
وبعض السرحان راحوا تأكدوا من السالفه ولقوا أن الأخوان جو للمرح ويوم مالقوا برغش وجماعته غزو على العرب اللي أنذرهم برغش ولاطاعوه وخذوهم .
يقولون ان أحد قادة الإخوان المعروفين أنه قضب لحيته وقال ألعن أبو لحيتن تغزي عربٍ وبرغش معهم لأنه يعرف ذكاء برغش.
ومن القصص أيضاً
كانو العرب بمحل ونووا يرحلون يم القاع اللي به ربيع قال برغش يالربع انا خيلت برقٍ على الديرة الفلانيه قبل كم شهر وإن شاء الله هالحين مختلطةٍ الروثه والرغل به وأبي يمه كان قبلان بن عبيد الحصين من الناس القريبين من برغش ولايفارقه قال يابرغش أنت تمشي على ظن يمكن ماربعت الديره اللي خيلت برقه قال لا ياقبلان إن شاء الله إنه مربعه يقولون قبلان نوب يتبع العرب ونوب ينكس لبرغش الوكاد قام يتلي برغش ببعارينه ويشتم ويسب ، وبرغش يضحك ويقول لاتشتم أخوك بالدين ياملا الغنيمه يقولون ماأدري وش بطاهم من سرعهم يوم شرعت بعارين برغش يحسبونه ماء أثر الروث والرغل زاميات على الفيضه وصايرات بصف الحزم وربعوا وعينوا خير هكالسنة .
ومن القصص أيضاً التي تدل على حدة ذكائه رحمه الله كانوا السرحان رحيل وكان هو معهم بآخر حياته وهي الرحلة الي توفى فيها الله يرحمه كانوا سادحينه على الذلول وهو منسدح على الذلول يسألهم يقول وشي هالقاع اللي حنا به يقولون والله ماندري يابرغش يقول عطوني من الرضم اللي به ياعطوه قال إيه هذي الديرة الفلانيه ويامشوا وأبعدوا ينشدهم وشي القاع اللي حنا به يقولون ماندري يقول عطوني من الشجر اللي به ياعطوه قال إيه هذي الديرة الفلانيه وهو على ذلوله بين الحياة والموت
......
هذا ما استطعت كتابته عن الشيخ برغش الثوير السرحاني الوبيري رحمه الله وأسكنه فسيح جناته
تقبلوا خالص ودي واحترامي
في هذا الموضوع سأتكلم عن ذكاء برغش الثوير من كبار السرحان من الويبار .
وبرغش لديه ذكاء خارق رحمة الله عليه
وقد جمعت له قصص تدل على شدة ذكائه .
في أحد الأيام كان نازل ومعه السرحان ربعه ومعهم كم بيت ماهم من السرحان جاهم ضيف يعرفونه وضيفوه .
الضيف هذا يعرفونه ويبخصونه زين يوم تعشى عندهم مشى.
يوم مشى الضيف قال برغش تروا ضيفكم من الأخوان وتروه يبي يجيبهم لكم وترونا نبي نرحل .
لأنه كما تعلمون الاخوان لديهم قوة ومعركتهم ستكون محسومة بهكالوقت.
قالوا السرحان لبرغش يابرغش فلان نعرفه ولايمكن أنه يجيب الأخوان علينا قال علمتكم مار اللي يبي معي تروني راحل .
بهكالوقت كانوا فيها عرب حول السرحان ويقولي الراوي انه على ما أظن انهم ليسوا من الويبار الوكاد ان برغش بلغهم وقالهم تروا الاخوان جايين للديار هذي مار ارحلوا ولكن لم يطيعوا برغش .
برغش قعد يعد للرجل اللي راح منهم (الضيف) اليوم تغدا بالمكان الفلاني وتعشا بالمكان الفلاني الوكاد أنه عد له لين وصل المكان اللي به الأخوان وبدا يعد لهم وهم راجعين يما قال تروهم باكر يصبحوننا مار إرحلو وفعلآ رحلوا برغش وربعه.
وبعض السرحان راحوا تأكدوا من السالفه ولقوا أن الأخوان جو للمرح ويوم مالقوا برغش وجماعته غزو على العرب اللي أنذرهم برغش ولاطاعوه وخذوهم .
يقولون ان أحد قادة الإخوان المعروفين أنه قضب لحيته وقال ألعن أبو لحيتن تغزي عربٍ وبرغش معهم لأنه يعرف ذكاء برغش.
ومن القصص أيضاً
كانو العرب بمحل ونووا يرحلون يم القاع اللي به ربيع قال برغش يالربع انا خيلت برقٍ على الديرة الفلانيه قبل كم شهر وإن شاء الله هالحين مختلطةٍ الروثه والرغل به وأبي يمه كان قبلان بن عبيد الحصين من الناس القريبين من برغش ولايفارقه قال يابرغش أنت تمشي على ظن يمكن ماربعت الديره اللي خيلت برقه قال لا ياقبلان إن شاء الله إنه مربعه يقولون قبلان نوب يتبع العرب ونوب ينكس لبرغش الوكاد قام يتلي برغش ببعارينه ويشتم ويسب ، وبرغش يضحك ويقول لاتشتم أخوك بالدين ياملا الغنيمه يقولون ماأدري وش بطاهم من سرعهم يوم شرعت بعارين برغش يحسبونه ماء أثر الروث والرغل زاميات على الفيضه وصايرات بصف الحزم وربعوا وعينوا خير هكالسنة .
ومن القصص أيضاً التي تدل على حدة ذكائه رحمه الله كانوا السرحان رحيل وكان هو معهم بآخر حياته وهي الرحلة الي توفى فيها الله يرحمه كانوا سادحينه على الذلول وهو منسدح على الذلول يسألهم يقول وشي هالقاع اللي حنا به يقولون والله ماندري يابرغش يقول عطوني من الرضم اللي به ياعطوه قال إيه هذي الديرة الفلانيه ويامشوا وأبعدوا ينشدهم وشي القاع اللي حنا به يقولون ماندري يقول عطوني من الشجر اللي به ياعطوه قال إيه هذي الديرة الفلانيه وهو على ذلوله بين الحياة والموت
......
هذا ما استطعت كتابته عن الشيخ برغش الثوير السرحاني الوبيري رحمه الله وأسكنه فسيح جناته
تقبلوا خالص ودي واحترامي