المساعد الشخصي الرقمي

مشاهدة النسخة كاملة : الجم لو ماعلّني عذب جمّه ...رد على اخي احمد الخالدي


بشير اللويش
08-07-2002, 22:43
مع التحيه للجميع وخاصه اخي احمد الخالدي

وآسف على التاخير .

لكن اذا عرف السبب بطل العجب

باختصار لقد انقطعت عنكم بسبب الظروف

الصحيه الت يمر بها عمّي والتي بسببها

اضطريت لان اكون مرافقاً معه في المستشفى (

واتمنى له الشفاء العاجل ).




الجم لو ماعلّني عذب جمّه = ماعلّني عن سلسبيل الغلا جم

يابعد قلبٍ حتّى لو كان يمّه = لي مركبٍ ماردته موجة اليم

قافٍ لفاني بالعلوم المهمّه = يامرحبا به عد مالشعر ينظم

يامرحبا بالقاف واللي متمّه = اهلاً هلابه عد ماينطق الفم

من راس شاعر فيه عزمٍٍ وهمّه = احمد عريب الجد والخال والعم

قرمٍ وطبعه للشدايد يزمّه = عساه من كل الصواديف يسلم

عند المواقف منزله راس قمّه = بالفعل يصعد يوم غيره تكلّم

شعره جزل في كل شدّه وضمّه = شاعر ولايبحل ببيت وتلعثم

وافي بحقوق الطيب ... شيٍ يهمّه = راسي وغيره بالفعايل تحطّم

افرح ليامن جاء قصيده واخمّه = مثله عزيزٍ نفتخر به وننعم

شاعر يقول القاف ياخوك سمّه = ابيات تطرد اسود الهم والغم

يشكي علينا وقت كلٍّ يذمّه = راح النقا واصبح لنا الشر بالدم

يالقرم ضمّ الصدق بالجوف ضمّه = من كمّك الايسر ليا ايمن الكم

واصبر عسى المعبود ... خيرٍ يعمّه = بارض الوطن يزهر لنا الخير ويعم

وإن كان به شخصٍ يحب المذمّه = يوم الفقر والكل يطعنك ويذم

خلّه عسى التفكير دايم بهمّه = ويضيق به قبرٍ وحيشٍ ومعتم

واعرف ترى لازال بالناس ذمّه = شرواك لامن جيت قام يتبسّم

يفداك لاشٍ مهبداني ورمّه = وابقى انا وايّاك من دون نهتم

امشي معك ياصاحبي بكل يمّه = آنا رفيقك افتخر فيك واهتم

تنثرني الاشواق يمّك والمّه = متى اشوفك ؟ يابعد حيّ قل تم

وهذا سلامي تالي القول اتمّه = من جاش ببحور المعاني تلاطم

بشير اللويش ... الراسي
فيصل اللويش
08-07-2002, 23:12
الغالي والرائع بشير اللويش



صح لسانك فالقصيده جدا رائعه واحمد يستاهل


فيصل اللويش
راعي العميشاء
09-07-2002, 00:50
اخي/بشير اللويش صح لسانك على الابيات الجزله والوافيه . ومن حصل شي يستاهله والخالدي يستاهل......تقبلوا تحيات اخوكم راعي العميشاء
ريانة العووود
09-07-2002, 02:28
<Center>
<FONT FACE="Monotype Koufi"><FONT SIZE="5"><FONT COLOR="blue">

صح الله لسان اخي بشير..

والف الف سلامه ..(للعم الغالي..)

وتحياتي لك ..
فلاح العماش
09-07-2002, 03:51
وستين نعم فيك يابشير

وستين نعم بأحمد


الله يبيض وجهك يابشير


والله جزله ووافيه يا أبو سلطان


صح ألسانك والله لايهينك



تقبل تحياتي

أخوك /


فلاح العماش
أبو فيصل
09-07-2002, 04:19
أولا اللة يسلم العم من كل مكروة واخواننا المسلمين ( امين)
ثانيا صح لسانك والآخ العزيز احمد يستاهل
فلكما كل محبة وأحترام
فأنت كما قلت الراسي اسم على مسمي اهني الشعر بكم
اخوك ابو فيصل
العنوود
09-07-2002, 08:48
أخي العزيز00بشير اللويش

صح لسانك ولاهنت

وأهلاً بعودتك بيننــــــــــا

وألف سلامة للعم الغالي

والأخ أحمد الخالدي يستــــــاهل

ودمتم جميعـــــــاً

تقبل أحلى التحــــايا المعطرة من

أختـــــك000الغاليـــــــة
سنجار
09-07-2002, 09:03
الراسي

واعرف ترى مازال بالناس ذمه

شرواك لامن جيت قام يتبسم


تسلم وصح لسانك على المعاني الرائعه

ولاهي غريبه من شاعر مثلك..........


والف نعم للخالدي.........

مع صدق دعائنا لعمك بالشفا العاجل انشاالله.



اخوك سنجار.
داهم العصيمي
09-07-2002, 11:27
اخي بشير..

صح الله لسانك


والف الف سلامه .
.(للعم الغالي..)


وتحياتي لك ..
الهاجريه
09-07-2002, 14:15
بدايه مرحباااااااا ألف اخوي فيصل بعد هالغيبه

وما يشوف شر وعسى عمره طويل العم الغالي

صح لسااااااااانك على الابيات الرائعه

والسبعة انعام فيك يا فيصل انت و الخالدي

القصيده من واحد كريم لواحد يستاهل

تقبلوا تحياتي

الهاجريه
الداعيه / براك الفريسي الجربا
09-07-2002, 14:21
هلا بالغالي بشير (الراسي)



قصيدة ما تحتاج لثناء


قمة وبدون مجاملة



والحمد لله على السلامة


وياهلا
سويلم الشمري
09-07-2002, 15:48
بشير مساك نور

اولا ان شاء اللة ما ترى مكروة
وعسى اللة يشفي مريضكم

ثانيا صح لسانك يالراسي


رائع رائع كعادتك

سجل اعجابي
فلاح السعد
09-07-2002, 17:05
اخي بشير


صح لسانك

والاخ احمد يستاهل كل خير



ونتمنى ان يتعافى عمك ان شاء الله



تحياتي


اخوك فلاح السعد
حاكم العلي
09-07-2002, 19:36
الشاعر المتميز : بشير اللويش

أخي بشير أنت متميز حتى في الرد

وأخي أحمد يستاهل المدح

أرجو أن تطمنا عنصحة العم الغالي علينا جميعاً

وألف لا بأس عليه

والله يسبغ عليه لاباس الصحة والعافية

و يخرجه من كل مكروه مشافاً ومعافاً


ودمت بخير
احمد الخالدي
10-07-2002, 08:32
الله يبيض وجهك يابشير...

والحمد لله على السلامه...ومايشوف شر عمك

وعساكم على القوه جميعاً

بيضتها يابشير اللويش

قصيده رائعه...ومواساه صادقه

وشكراً للجميع
الاصمعي
10-07-2002, 14:03
تـسـلم وصــح لـسـانك عـلـى الـمعاني الـرائعه
ولاهــي غـريـبه مــن شـاعـر مـثلك.




ألـف ألـف ســلامـه لعمك ومـايـشـوف شـر إنـشـالله


رائع كعادتك .....
فهد الاسلمي
10-07-2002, 21:53
صح يابو سلطان واحمد طير شلوى يستاهل ما جا منك من رد ... ولا يهونون الربع
وعساكم على القوه ووفيت وكفيت يالسنافي

واعرف ترى لازال بالناس iiذمّه شرواك لامن جيت قام iiيتبسّم
بشير اللويش
12-07-2002, 23:10
اخي

استاذي

ابوطلال

هداج الشعر

وجود اسمك في متصفحي بحد ذاته فخر لي

صح بدنك ولاخلا ولاعدم

تقبل تحيات اخوك الصغير

الراسي

ابوسلطان
بشير اللويش
12-07-2002, 23:30
اخي الغالي

راعي العميشاء

صح بدنك

وشكرا لمرورك

واعذرني على التاخير في الرد

تقبل تحيات اخوك الصغير

الراسي
بشير اللويش
12-07-2002, 23:34
اختي العزيزه

ريانة العود

شكرا لمرورك

وصح بدنك

والف شكر لك على مشاعرك ودعواتك

تقبل تحيات اخوك الصغير

الراسي
بشير اللويش
12-07-2002, 23:50
اخي الغالي

شقيق البياض

ابوعماش

صح بدنك

ماعليك زود يابعدحيي

شكرا لمرورك البهي

وشهادتك افتخر بها

اعذرني على التاخير في الرد

تقبل تحيات اخوك الصغير

لراسي
بشير اللويش
12-07-2002, 23:54
اخي الغالي

ابوفيصل

شكرا لك على الدعوه وان شاء الله مقبوله

وصح بدنك

ومرورك بحد ذاته فخر لي

تقبل تحيات اخوك الصغير

الراسي
بشير اللويش
13-07-2002, 00:04
اختي العزيزه

الغاليه

صح بدنك

وشكرا لمرورك

وشكرا لدعوتك

اعذريني على التاخير في الرد

تقبل تحيات اخوك الصغير

الراسي
بشير اللويش
13-07-2002, 00:10
اخي الغالي

سنجار

لاهنت على المرور

وصح لسانك يالغالي

الف شكر لك على الدعوات

اعذرني على التاخير في الرد

ماعليك زود يابعد حيي

تقبل تحيات اخوك الصغير

الراسيr
بشير اللويش
13-07-2002, 00:17
اخي الغالي

داهم

صح بدنك

والف شكر لك على مرورك

والف شكر لك على مشاعرك ودعواتك الصادقه

تقبل تحيات اخوك الصغير

الراسي
بشير اللويش
13-07-2002, 20:18
اختي العزيزه

الهاجري

شكرا لمرورك

وشكرا لوجودك

وصح بدنك

وانا واخي فيصل لافرق بيننا

على كلاً بيض الله وجهك

تقبل تحيات اخوك الصغير

الراسي
بشير اللويش
13-07-2002, 20:32
اخي الغالي

سويلم الشمري

تسلم يابعد حيي وان شاء الله دعاء مقبول

وشكرا لمرورك

وصح بدنك

اعذرني على التاخير في الرد

تقبل تحيات اخوك الصغير

الراسي
بشير اللويش
15-07-2002, 00:23
اخي الغالي

فلاح السعد

فلاح العز

صح بدنك

وشكرا لمرورك

وان شاء الله دعاء مقبول

تقبل تحيات اخوك الصغير

الراسي
محمد الربع
15-07-2002, 12:07
الغالي / الغالي / الغالي



قصيدة رائعة من شاعر اروع


وابو حميد يستاهل


وسلامات وما يشوف الشر العم الغالي


بلغه سلامن لك مني كل الورد والود
طلال صعفق الحافظ
16-07-2002, 05:39
تسلم على رائعو ودره من دررك

وما يشوف شر عمك وانشا الله يتعافى
راكان العياده
16-07-2002, 10:59
واعرف ترى لازال بالناس iiذمّه شرواك لامن جيت قام iiيتبسّم

اخي العزيز المبدع: بشير

تعجز كلماتي عن التعبير

بمدى اعجابي الشديد

بكل ماهو اصيل

صح لسانك يالغالي


وما يشوف شر عمك

وتحية حاصة لاخونا احمد الخالدي

وتقبل تحياتي
احمد الخالدي
17-07-2002, 02:02
الله يبيض وجه كل من اثنى على احمد..

والله طبع شمر وكرمها وسلومها اللى مافيه احد يقدر يعذرب هالقبيله

واهلها....والدليل اني صرت واحد منكم وانتم منى

بياض وجيه عز الله....لاهنتوا جميعكم

اخوكم احمد الخالدي
بشير اللويش
18-07-2002, 14:37
اختي العزيزه

الوحيده

شكرا لمرورك

والف شكر لك على الدعوه

وان اشاء الله الشر مايجيك

وصح بدنك

واعذريني على التاخير في الرد

تقبل تحيات اخوك الصغير

الراسي
n
بشير اللويش
18-07-2002, 14:39
اخي الغالي

ذعار

لاهنت على الرد

وبيض الله وجهك يابعد حيي ولاهو غريب عليك

الطيب يامنقع الطيب

صح بدنك

واعذرني على التاخيرفي الرد

تقبل تحيات اخوك الصغير

الاسي
بشير اللويش
18-07-2002, 14:41
اخي الغالي

النادر

الاصيل

احمد الخالدي

الف شكر لك على مرورك البهي

وان شاء الله ترقى لمستوى قصيدتك

ولمستوى ذائقتك

واعذرني على التاخير في الرد بالقصيده (

بسبب ظروفي )

وكذلك على تاخري بردي هذا .

صح بدنك.

تقبل تحيات اخوك الصغير

الراسي
بشير اللويش
18-07-2002, 14:43
[poet font="Simplified Arabic,14,black,normal,normal" bkcolor="" bkimage="http://www.shammar.net/vb//backgrounds/41.gif" border="double,4,gray" type=0 line=200% align=center use=sp char="" num="0,black"]

اخي العزيز

الاصمعي

لاهنت على الرد الرائع

والف شكر لمرورك

صح بدنك

وجزاك الله خير على دعوتك

اعذرني على التاخير في الرد

تقبل تحيات اخوك الصغير

الراسي
[/oet]
بشير اللويش
18-07-2002, 14:45
اخي النقي

فهد الاسلمي

صح بدنك

وكما قلت وعلقت فعلا احمد يستاهل اكثر واكثر

وهو وربعه فيهم الطيب واكثر مما قلنا

لاهنت على المرور

تقبل تحيات اخوك الصغير

الراسي
\r
ابوسلطان
عطارد
18-07-2002, 16:59
الاخ العزيز بشير اللويش

بعد التحية

الجم لو ماعلّني عذب جمّه ماعلّني عن سلسبيل الغلا جم


قيصيدة جميلة جدا

ابدعت فيها غاية الابداع

واحمد الخالدي يستاهل اللي قلت فيه

تسلم اخي الراسي

وعسى الله يقوم عمك بالسلامة

اخوك / عطارد
غريب الروح
20-07-2002, 03:08
الغالي بشير

اولاً
الحمدلله على سلامة عمك
وانشالله مايشوف شر
ثانياً
انت كبير بكلماتك
انت كبير بالفاظك
انت كبير بمعانيك
انت كبير بمفرداتك
ثالثاً
انت كبير في قلبي



اخوك غريب الروح


تبي تشوف الذل في صورته صح
شف دمعة الفرقا على خد رجال