ظاهره اجتماعيه : % صح كذا ولا غلط اجب % [الأرشيف]

الشبث

25-01-2009, 01:57

ياليت كل واحد يحط نفسه بهالموقف ويجيب بصدق

القصه

واحد من الشباب راح خطب من ناس

وهالناس راحوا يسألون عنه

فسألوا اعز اصدقائه

طبعا صديقه قال لهم ايجابياته وسلبياته

وماكتب الله انهم يزوجونه

وزعل على صديقه وقطع علاقته فيه

ياجماعة الخير

لو سألك احد عن صديقك تجيبه بصدق

ولا بس تذكر ايجابياته خوفاً من غضب الصديق ؟

لو سألوا صديقك عنك

وذكر لهم ايجابياتك وسلبياتك وتسبب ذلك برفضك

هل تغضب من صديقك ؟؟

طبعاً نفس السؤال للاخوات

وياليت الكل يجيب بصدق بعيدا عن الرسميه والمثاليه والدبلوماسيه

وعلشان تتطمنون انا راح اجاوب قبلكم

من ناحيتي انا

لو سألني احد عن صديقي راح اكذب عليه واخلي خويي ملاك

ومن كثر مدحه يمكن يحسون انه دلوع وهو جلف ههههههههه

لاني والله مدري وش الحكم الشرعي فيها

ولو سألوا صديقي عني وقال عيوبي

والله اعتقد اني ابترفس ببطنه هههههههههه

مدري

انتظر تجاوبكم

وتقلدوا تحيتي

ليلى بنت عبدالعزيز

25-01-2009, 02:01

حجز اولي

منيف الوبيري

25-01-2009, 02:04

واللـــــــــه يأخ العشيره ,,

أني مثلك .... مع أني أحس فيها محظور شرعي .

لكن ماادري وش اعمل .. هذا خويي ,,

ويمكن .. أذا اعرف اللي يسألون يصير كلام ثاني ..

ياليل الليل .. يالشبث .. أنا دخت .. الزبده واللـــــــــــه ماعلمهم ألا بالزين

والشين .. أقول مافي رجاال كامل ........ ؟؟؟؟؟؟؟

شام

25-01-2009, 02:08

فيما يتعلق بمصير انسان أو انسانة
يفترض أن نقول الجوانب السلبية و الايجابية
ليكون الطرف الآخر في الصورة
فكم من زيجات فشلت نتيجة تبديل المعلومات
عن حسن نية ..
وبهدف تسهيل أمر يرضي رب العالمين
إن اخفاء الجوانب السلبية لايجوز في حالة الخطبة و الزواج
لكن يجوز في حال الاصلاح بين طرفين كالزوجين ..
هناك من الفتيات من تقبل صاحب العيوب و يكون لديها
أمل بتغييره نحو الافضل ..
وطالما في حالة صديقك المذكورة اعلاه
فهنا صديقه قام بواجبه ولكن القسمة و النصيب بعدم اتمام العقد
غلبت .. وهذه ارادة الله تعالى .. ويجب احترام ارادة رب العباد
فالزواج رزق لا يعلم وقته ومع من الا وحده علام الغيوب..

لذلك اختلف معك قديري ابو ماجد
و الصدق في كافة النواحي أفضل
و بعد ذلك منوط بإرادة الله في اتمام العقد والزواح
أو العكس فاضلي ..

إن من شروط عقد الزواج معرفة كلا الطرفين هل هو /هي كفء للزواج ..
ثم لنعتبر الوضع مختلف اي سأل الشاب عن البنت وظهر لديه عيب فيها
ماذا سيكون موقفه عندها مؤكد معروف الموقف ...
وبكلا الاحوال لله ارادة في كل شيء سبحانه وتعالى ..

ليلى بنت عبدالعزيز

25-01-2009, 02:10

انا شخصيةصريحه جداً وامي من صغري تهاوشني على هذه الصفة ..
الي يعرفني يثق فيني ويقول وش رايك بكذا هذا يناسب ولا لا..
ولي مايعرفني يحقد علي
:
:
احس الموقف صاير لك >> اعترف:)
ابو الوغدان قبل طعشات السنين سال عني أقرب صديقه وتوام روحي هيول ..ماصدقت خبر طلعت ماعندها..
وانا اذا سالني احدعن وحده اقول راي اذا كنت محتكه فيها وعارفه امورها ماأقول يقولون وفلانه تقول انها كذاااا ... لازم البينه
:
:
بصراحه موضوعك يناقش مايصير بالواقع المرير
الشبث
لك ارقى الامنيات الاخويه

εïз خزامى εïз

25-01-2009, 02:12

فرق بين سلبيآتــ وسلبيآآتـــ
هي كلهآ مسمى وآآحد
لكن فيه اشياء مو حلوهـ تطلع من صديق
بيقووول الاب او ولي الامر اللي سأل
هذآ صديقه يعلم عليه
والمرء على خليله
اجل ذولآآ ما ينبغون ابد
بس مثلن لو سألكـ
يصلي؟
وصاحبكـ مايصلي
وش رآآح يكون الجوآآبــ المثآآلي؟
جواب تقدر لاتجاوب ولا تسكت
اشوف انه لو جآآوب وقاآآل يصلي ايه نعم
وهو من جنبهآآ
فبالله تسميه مرجله؟
وين الشهامه والخوف على بنات خلق الله؟
والا بس شعر وهيآآط؟
اوومآ انه يخرط له عيوب في صديقه مالهآ دآآعي
مثل عصبي - مايختلط مع اقاربه كثير - يجتمع مع ربعه بالمكان الفلاني - راعي سفر
فهو صديق يستآهل الرفس بالبطن *_^
بنظري مع احترآآمي لوجهة النظر العكس
في انتظآآر الارآء الباقيه بشوووق
ويمكن تكون لي رجعه:blushing:
ميرسي

εïз خزامى εïз

25-01-2009, 02:23

نسيت اتكلم عن البنآآتـــ:blushing:
مرهـ صارت لي وسألت وحدهـ من بنت (مو صديقه)
لكنهآ قريبه
وهي تستآهل المدح
مدحتهآ
كان فيهآ عيب بسيط
ولكل شخص عيوبه
لانه تآآفه ماذكرته
بس لو والله انآ شايفه عليهآ مثل مااشوف على بعض البنآآتــ
اقوله عآآدي
ويمكن ما ادخل نفسي
واسوي اني مااعرف *_^
عشان ماتدبجني
ههههههه
ميرسي ثانيه
سوري

ملامح شمري

25-01-2009, 02:50

ياليت كل واحد يحط نفسه بهالموقف ويجيب بصدق

ياجماعة الخير

لو سألك احد عن صديقك تجيبه بصدق

ولا بس تذكر ايجابياته خوفاً من غضب الصديق ؟

لو سألوا صديقك عنك

وذكر لهم ايجابياتك وسلبياتك وتسبب ذلك برفضك

هل تغضب من صديقك ؟؟

والله يابو ماجد وبصراحة وعلى بلاطة يعني ..

على حسب خويي ذا ونوعيته ..

اذا هو من النوع الداج مرة

مررررررررررررررررررررررررررررررررة <- يعني داج بكثر حرف الراء :tongue:

والله بطقها بوجه وقدامه بعد لهم ولا حط بذمتي شي او اورط بنات خلق الله معه ..

اما اذا هو موب داج مرررررررررررررررررة ..

يعني داج شوي , مرة أو مررة بس <- بعدد الراء يعني :tongue:

والله بقول ماشفت منه شي يعيبه او يقلل من قدره ولو شفت شي بسيط موب ذاكره لكم ..

,,,

اما اذا سألوا خويي عني ..

على حسب البنت ...

اذا انا عاشقه و حابها وكل الليلة اكتب شعر و خواطر فيها و مسوي رومانسي و اناظر
لفلم تايتنك قبل انام عشانها :tongue:

بغسل شراع شراع أهله معه بكلوركس و قاز, وبكويه على البخار بعد :puzzled:

اما اذا كانت البنت طلعت لي بالقرعة , يعني مدري وش هي, و خوية صديقة اختي شافتها
بعرس و مدحتها لامي ..

عادي البنات كثر التراب , غيرها واجد ..

كلامي كله اذا كان بحال صادق ولا حط فيني شي موب موجود .

( يعني مايقول ملامح مدمن على القهوة التركية وانا والله مشربها :a:
مشرب بس الا الكابتشينو و الفرنسية < روحي هي ترى :throb: )

,,,

خاص للشبث :
سمعت ان ابو سلطان بيسلمنا رواتبنا حنا يا حقين الشورى بشيكات بنهاية هالشهر
يعني بدون تحويل للحساباتنا البنكية , صدق ولا كلام جرايد ..؟

الشاهري العبيدي

25-01-2009, 08:21

بصراحة العاقل الي يفكر بما له وبما عليه عند الله

ما راح يجمل صورة واحد ناقص عند الناس الي وثقوا فيك وخلوك محل سؤال عن خويك

والسالفة أكبر من خوي وبفزعله ! 1

السالفة سالفة زواج وأسرة واولاد لا سمح الله راح تتحمل ذنوب لو شهدت لخويك زور وتأزمت الحياة مع زوجته

فكر شوي....ما راح تكون انت احد الأسباب التي ولدت أزمة اسرة؟!!! هذا احد اهم الأسباب

اخيرا موضوع سيق وما عندي وقت اكتب أكثر لأن ودي أقرا الردود
:)

شكرا لك الشبت

لوليتا

25-01-2009, 13:55

*
*

شوف يا شبثانو

اذا سالنى احد فى رايى عن شخص ما ونتيجته زواج او غيره
بقول رايى بصراحة ما احب لا اكذب على نفسى ولا عن غيرى
الوضوح احسن بدل ما تيجى تكحلها تعميها وتصير مسؤول امام الله ونفسك والناس عن ازمة او كارثة تحصل نتيجة رايك هذا
وبخصوص الزواج على وجه الخصوص لو كان فى صراحة ما كان حصل زواجات انتهت بطلاقات فى وسطنا
ومن اللى رايته لازم لازم الصراااحة حتى لو اعز صديق

بالنسبة لى شخصيا

ما ازعل من اللى يصارحنى بعيوبى قبل مميزاتى
ربما شئ اجهله اعرفه واصلحه
لكن
من هو اللى يصارحنى واستمع له واثق تمام الثقة فى صدقه ونواياه
هنا المشكلة

الصراحة راحة يا ابو ماجد حتى لو تؤلم واللى ما يقدر صراحتك بكيفه وبعد شوى بيفكر وبيقدر وبيرجع تانى

موضوعك راائع

تسلم ويسلم لك ماجد ونشوف يوم تيجى تزوج ماجد وتروح تسال عن العروس بتحب تعرف كل شئ بصراحة ولا تاخذ الحلو وتتوكل على الله ..

تقديرى لك

*
*

غالب

25-01-2009, 14:32

شف
أنا والله عجزت لاأشيل يدي عن الكيبورد
مع إني مستحي:ezpi_blus
بس
يعني أنا لو يبي يعرس واحدن من خوياي (بعد 4سنين بالقليل:315r:)وجو وسألوني
أبي أعلمهم بسلبياته وإيجابيته
وإن زعل
زعلت طوقان:)
ولو مثلا ً يصير معي هالشي ويسألون واحد من خوياي
ويقول لهم سلبياتي وإيجابياتي
مابه مشكله
عادي
بس لو يخلطه بتسذب ويقوم يزود من عنده بالسلبيات
مايرده ألا عصا مكنسه يمشي 450كم بين العلابي

:315r:

بالله لاتحرجوني

:315r:

واستلم سلامي

الشبث

25-01-2009, 15:09

هلا ليالي

حجز موفق ننتظرتس

وتقلدي تحيتي

الشبث

25-01-2009, 15:11

هلا منيف

ياخي مدري ليه احس ردك صريح ومافيه مجاملات ههههههه

لاهنت يالذيب

وتقلد تحيتي

الشبث

25-01-2009, 15:14

هلا اختي شام

كلامك طيب

واعتراضك معي في محله

واضافه طيبه

ولكن

ما شعورك لو صديقتك هي من ذكرت سلبياتك

تزعلين عليها ؟

لاهنتي على هالمرور

وتقلدي تحيتي

الشبث

25-01-2009, 15:17

هلا بالعجوز ليالي

عوداً حميدا

والله صريحه مره

الله يوفقتس دنيا واخره ويخليتس للوغدان

لاهنتي على هالمرور

وتقلدي تحيتي

شام

25-01-2009, 15:21

ما شعورك لو صديقتك هي من ذكرت سلبياتك

تزعلين عليها ؟

في حال الارتباط مو مشكلة
و اسلم امري لله تعالى وهذا حصل
في حياتي الشخصية...
أما في نواحي اخرى شبيثانوووووووووو
فلقد اعتدت على غدر الصديقات
وانكار الاحسان والمعروف
لذلك لم تعد تفرق معي سواء ذكروني بخير أو شر
فإيماني بالله اقوى من كل الكلام
واذا ربك كاتب شي .. لا كلام فلانة ولا علانة سوف يؤثر على ما قدره تعالى
وشكراً لأفقك الطلق في الحوار و الأخلاق العالية ..

الشبث

25-01-2009, 15:23

هلا خزامى

جواب مفصل

وكويس وشامل

وصدقتي بسالفة العيوب البسيطه

انا مثلك اعتقد مافيه داعي لذكره

خل الناس تعرس وتشوف مستقبله ههههههههههه

لاهنتي على هالمرور

وتقلدي تحيتي

الشبث

25-01-2009, 15:27

هلا ملامح

والله ياخوك كلامك مررررررررررره كويس كثر حرف الراء خخخخخخخخخخ

اتفق معك بهالكلام

خاص لملامح

ياخوك انا سمعت ان ابو سلطان هالشهر يبي يمشي لنا خمسه بالميه
مادري صحيح ولا لا

اما سالفة هالشيكات ياخوك ماني مدانيه

حلو زيلاننا صافينن طابور ننتظر الشيكات

بالله وش يقولو عنا الاعضاء وباقي الشعب

خخخخخخخخخخخ

تقلد تحيتي

الشبث

25-01-2009, 15:30

هلا اخوي الشاهري

والله ياخوك خرعتن بردك ههههههههه

وعلشان كذا ابصير مثلك وابتابع الردود

لاهنت على هالمرور

وتقلد تحيتي

الشبث

25-01-2009, 15:32

هلا اختي لوليتا

كلامك في مكانه وصحيح ميه ميه

وربنا يعينا على قول الصدق

لوليتا

اذا سألك احد عن ماجد قولي اوووووه ود حريف وبيه هههههه

شاكر لك مرورك

وتقلدي تحيتي

الشبث

25-01-2009, 15:34

ياروووحي يالمحرج

سناعيسو

لا تنحرج ولا شي

قل الصحيح وبس

ياليت يسألوني عنك

ابجيب بك العيد ههههههه

لاهت على هالمرور

وتقلد تحيتي

الشبث

25-01-2009, 15:39

اهلا بعودتك اختي شام

وربنا يكفينا واياك شر من فيه شر

ولا تحرميننا من تعليقاتك على ردود الاخوان

لاني ما اقدر عليهم ههههههههه

وتقلدي تحيتي

بنت الجبل آخت القصيد

25-01-2009, 15:44

بصراحه
كثير من البنات تزوجت وبعد الزواج صارت مشاكل ويمكن وصلت طلاق
ونفس الناس اللي مدحو رجعو يطلعون عيوبه
وين كانو او ليش تو هالكلام يطلع
مدري ليش؟!!:148r:

بكل صراحه المفروض تنذكر ايجابياته وسلبياته سواء بنت او ولد
مثل يقولون مايتتن وهو يتتن:a: << هذي عيوب صغيره
طبعا لااا
مثل بعض الامور اللي ماتاثر على شخصيته او اخلاقه او دينه لاداعي لذكره
.
.
وانا لو صار معي هالشيء عادي تنذكر سلبياتي قبل ايجابياتي بس تكون صحيحه وماتنقل بصورة خاطئه
او تكبر غير الواقع ..
.
.
كل الشكر لك اخونا الشبث وانشاء الله مايمر عليك هالموقف
.
.
آحترامي

ريال الفسحه

25-01-2009, 18:32

الحق مايزعل منه الا كمخه

سلام

الشبث

25-01-2009, 18:37

هلا عطرنا

يالله حيه
اتفق معتس ان صغار العيوب ممكن تأثر بحياة الوجين

وقيل يحسب له حساب

لانتي اختي على هالمرور الطيب

وتقلدي تحيتي

الشبث

25-01-2009, 18:42

ريالي

صح عليك

ياليت يسألوني عنك خخخخخ

وتقلد تحيتي

العَـــروب

25-01-2009, 19:28

والله يا بو ماجد اللي ما يبي تنذكر عيوبه عند خلق الله فالاولى منه انه يصلحها ويحاول يعدّل من اوضاعه وينضبط

أما أنا .. لو أحط نفسي بمكان البنت المخطوبة .. فإن سمعت ان فلان مدح الرجال وبعد الزواج اكتشفت بلاوي
بادعي على اللي مدحه ولا راح اسامحه ليوم الدين ..

البنت عالاغلب مالها الا فرصة .. اذا فكرت ببنات الناس وان مصيرهم ومستقبلهم انحط تحت ايدك راح تفكر مليون مرة قبل ما تمدح صديقك اللي ما يستاهل المدح ..

وبالنسبة للبنات ايضا الكلام ينطبق ..

لو سالوني عن بنت بأقول كل اللي اعرفه زين والا شين .. ولا يهمني اذا تزعل ..
الاولى انها تعدّل من سلوكها بدل ما تزعل من الحق ..

هذا رايي يا بو ماجد .. وبكل صراحة ..

لا هنت

الشبث

25-01-2009, 19:39

ياهلا باختي ام يوسف

رايك فيه الكثير من الصراحه

واهنيك عليها

الله لا يهينك على هالمشاركه الطيبه

وتقلدي تحيتي

ابو ضاري

26-01-2009, 01:59

ابو ماجد
الحق ماينزعل منه
في ناس سالوني عن ريال الفسحه قلتلهم منسم وشرايك انا صادز بقولي او اتراجع

سلطانهم

26-01-2009, 10:55

لا خلا ولا عدم الشبث على التساؤل الجميل والواقعي جدااااااااااااااااااا

اذا سألوني عن صديقي وكانت المسألة ارتباط وزواج (ضغط 100 تحت ارتباط وزواج) فانني سأكشف السلبيات والايجابيات حتى يكون الجميع على بينة ولكنني سأحجم إيجابياته

اما اذا كنت الشخص الخاطب وتم سؤال صديقي فأخبرهم بسلبياتي وايجابياتي فانني بلا شك سأزعل ويكون الزعل بحجم الاسلوب اللي اتبعه صديقي لإيصال تلك الايجابيات والسلبيات

اما الصحيح فالواجب مني انني ازعل من نفسي لاحتوائها على سلبيات لا تهضم ولا تقبل وكانت حاجزا في رفض الزواج واحاول اصلاحها

..

اما بخصوص الناس اللي سألوا (طبعا ما لهم اي دخل في التساؤل واسمح لي بوضعهم لكي تكون الصورة واضحة)

يجب عليهم السؤال عن الشاب المتقدم ولكن استحالة ان تجد شابا او شابة بلا عيوب او سلبيات فأنت تسأل عن انسان ليس عن ملاك

صحيح ان بعض السلبيات لا يمكن غض الطرف عنها ولكن استحالة انه وبسبب سلبيات بسيطة ينتهي الامر ببساطة

وسلامتك استاذي الشبث على هيك موضوع وطرح راقي كرقي شخصك وشخص كل من مر وابدع بالرد

طلال

26-01-2009, 11:41

.:. ابو ماجد .:.

.
.

.. طرح راقي و اسلوب ارقى ..
.
.

.. من وجهه رايي ..

.
.

محد سالم من العيوب .. على شان كذا .. اتفق اتفاق تام مع [ ملامح ] .. اجابه و راي قمه ..

.
.

انا سمعت عن شيكات لأعضاء مجلس الشورى ... ؟ .. صدق و لا لا .. !!

(:

.
.

.:. لا عدمناك يالغالي .:.

الحيمري

26-01-2009, 13:20

الشبث تسلم على هذا الموضوع حطيت يدك على الجرح

انا لي صديق قديم جدا وعزيز جدا ومن نفس القبيله

فيه يوم من الايام اتصل على واحد قال انت فلان قلت نعم قال اما تقهوى عندي ولا انا اجيك
قلت حياك الله جاني وتقهوينا

قال شف انا عندي بنت وخاطبها صديقك فلان وانا اسئلك بالله لو انت في مكاني تزوجه او لا
انا احطه في ذمتك

جوابي قلت هذا رجل ماهو صغير وقمه بالعقل والدين وانا وهو سنين اصدقا وحياتنا كله مقانيص

لكن هل تعرف انه سابق متزوج وطلق قال اعرف قلت قالك سبب الطلاق قال لا قلت له سبب الطلاق عدم انجاب حسب قوله وانت لك الخيار قال غيره قلت مافيه غير شي

سئل الرجال نفسه قال ماسبب طلاقك الزوجتك قال بالحرف الواحد انا حسب قول الطبيب ان عندي ضعف بالانجاب

قال والد البنت انا زوجتك لكن شرطي اذا الله مامر بحمل تطلقها بعد سنتين قال تم
وتزوج وبعد الزواج رحت انا وياه للقنص وقالي انا جيت الطبيب وقالي الطبيب انت الضعف اللي عندك بسيط وان شالله زوجتك باذن الله تحمل بالانابيب وعطاني علاج استعداد لخذ العينه
وصديقي مازعل على علما اني علمته وقلت سئلني بالله قال اشكر ثم اشكرك بس ادعلي ان الله يرزقني ودعيت له

وانتم ادعوله ان الله يرزقه بالذريه الصالحه ويرزق كل مسلم يالله يالله يالله

وشكرا لكم

شامان

26-01-2009, 13:27

مرحبا الشبث
وتحياتي لك على هالموضوع
بالنسبة لي صراحه جربت هالموقف اكثر من مره
ومرت على فترة حسيت ما فيه خطابه بالبلد غيري ( اسف اقصد خطاّب :))
تجيني اتصالات هاتفية من الشباب يسالون عن شخص يعمل في القطاع اللي انا اعمل فيه
شلونه تعرفه شلونه من رجال ومن هالسوالف او اسال عنه جزاك الله خير .

وانا اذا يهمني امر اهل البنت صراحه اعلمهم بإيجابيات الرجال وبسلبياته
وهم كيفهم يحكمون . .
واذكر مره من المرات سالوني الجيران عن زميل لي في العمل . والولد خوش ولد
وعمره فوق الثلاثين ومطلّق . . ووظيفته جدا مرموقه والولد اخلاق ومادب .
لكن السؤال اللي منعهم لا يوافقون عن الخطبه وسألوني ولم اجد جواب هو :
ليش طلق مرته ( انا صراحه نقدت عليهم ) كان سؤال ماله داعي ..
للعلم هو مطلّق من خمس سنوااات . .
الاكيد انه ما صار فيه نصيب وما ردوا للولد خبر .

والموقف الثاني : اتصل فيني شخص شمري خطب حق اخوه بنت من الجماعه
وهم صاملين على الزواج .. وسألني سؤال غريب عجيب يقولي منو ( خوال ام البنت )
والله كان سؤال غريب قلت يا خوي انت تبي تخطب البنت والا امهااااا الأكيد نقد على نفسه
والحمد سعيت في أمر الزواج معااااه هو لين تم الزواج وخاصة كانت البنت يتيمة أب ..
وكتب الله لها نصيب ورقصت بعرسها فرحااا :)

الاكيد احياااان اتهرب واذا حصلت في الرجال اللي سالوني عنه عيب كبير وما يصلح لهم
قلت مدري وما اعرف ومدري وما اعرف عاد هم يفهمونهااااا

اما عن خطبة اصدقائي فأصدقائي هم انا فأنا راضي عنهم كل الرضا ولله الحمد
وابشركم كلهم متزوجين واخرهم امس تعشينا تمايم ولده وسلامتكم

اسف على الإطالة .... وشكرا مره اخرى الشبث
وتقبل شخابيطي بصدر رحب

فتى البيداء

27-01-2009, 02:00

ابوماجد نحن مسلمين ولنا قواعد وأحكام تحكمنا .. فليس الشخص ملك لصديق

أو لقريب .. بل أن الشخص ليس ملك لنفسه .. الشخص مقيد بإنظمة وقواعد

من الله عز وجل .. فلا أظن أن أحد يستطيع التغيير في معتقد مسلم من حيث

الأوامر والنواهي .. فقد قيل (قل اللحق ولو على نفسك ) فما بالك بصديق ؟؟

أخي ابوماجد هل تريد الأجابه من كل عضو ؟؟

أدمج هذا السؤال مع سؤالك :
(هل يأنبك ضميرك إذا غششت الزوجه أنك بمدحك بما ليس فيه ؟؟ أو تبريته عن ماكان فيه ؟؟)

أخي ابوماجد لو سألت عن أخي لأجبت بما فيه .. وعلى قدر السؤال ..

الشبث

27-01-2009, 17:41

ابو ضاري

الا والله صادز وبعد زيدهم من الشعر بيت

قل عفن مايعطي الريال هههههههههههههه

لاهنت على هالمرور يالذيب

وتقلد تحيتي

الشبث

27-01-2009, 17:45

هلا اخوي سلطانهم

شرفتني بهالمرور

وبهالرد الراقي برقي من كتبه

اوضحت وجهة نظرك بكل صراحه

وهذا حقك

قد اختلف مع ان اللي سألوا يحق لهم السؤال عن كل صغيره وكبيره

لانهم راح يعطونه بنتهم ولازم يعرفون عنه كل شي

لاهنت اخوي سلطانهم على تشريفي بردك

وتقلد تحيتي

الشبث

27-01-2009, 17:47

هلا اخوي طلال

حتى انا اتفق معك ومع ملامح هههههههههه

شيكات شيكات الله يعين

هههههههههه

وتقلد تحيتي

الشبث

27-01-2009, 17:51

هلا اخوي الحيمري

والله ياخوك ماعقب سالفة خويك شي

عزالله انوه رجل اي ورب البيت

الله يوفقوه ويرزقوه الذرية الصالحه ياااارب

امين

ولاهنت على هالاضافه المميزه

وتقلد تحيتي

الشبث

27-01-2009, 17:55

هلا شامان

ياخوي شف لنا عروس لماجد من هالحين

وابو ماجد بعد هههههههههههه

دامك خطابه ابستغلك خخخخخخخخخخخخخخخ

والموقف الثاني : اتصل فيني شخص شمري خطب حق اخوه بنت من الجماعه
وهم صاملين على الزواج .. وسألني سؤال غريب عجيب يقولي منو ( خوال ام البنت )
بالعكس مهو عجيب ولا شي

ياخي يمكن خوال امه من جنب القده ويتوهق ههههههههه

لاهنت يالذيب على هالمرور

وتقلد تحيتي

الشبث

27-01-2009, 17:58

عزيزي فتى البيداء

قالوا للحرامي احلف قال جاك الفرج ههههه

لو يقولون للداشر احلف انك منت داشر بيحلف انه مو داشر هههههههه

واهل البنت لهم الحق بالسؤال صح ولا انا غلط

اما عنك انت والله مالاحقني بك شك

لاهنت يالذيب

وتقلد تحيتي

Oo همـس نجـد oO

27-01-2009, 19:17

.
.

موضوع حسـاس جداً ..

على أساسه يبنى بيت وتنشـأ عائله ..

لذا الصدق ولا غير الصدق ، أما الكذب ماله فيها مكان ..

ولكن بنفس الوقت واجب علينا المحافظه على صورة الشخص أمام الناس يعني ( مانفضّح فيه عند خلق الله ) ..

أذكر موقف صارلي قبل 4 سنوات تقريباً ..

سألتني قريبه لي عن بنت درست معاي في المرحله المتوسطه وكانت البنت الله يستر عليها نوعاً ما مش مستقيمه صحيح معرفتي فيها كانت سطحيه لكن مجتمع
المدرسه صغير والاخبار ماتخفى عن أحد ..

للأمانه ماقلت عنها أي شي سيء لأني ما أحب أكون سبب في فضيحة أحد و لكن أكتفيت بالرد ( أعرف البنت وأعرف الولد لكن أشوف أنهم مايناسبون لبعض
بيئتهم غير وطباعهم غير وبينهم إختلافات كثيره ) ..

فـ حاولت أنهي الموضوع وأبري ذمتي لأن السؤال أمانه ..

وبنفس الوقت أحافظ على سمعت البنت ..

أخوي الشبث ..

شـكري وتقديري لك ولـ طرحك ..

.
.

الشبث

27-01-2009, 19:45

همس

انا اوافقتس بردك

احس انتس سويتي الزين

لاهنتي على هالمرور

وننتظر اذا فيه من الاخوان من يختلف معك

وتقلدي تحيتي

شامان

27-01-2009, 22:26

الشبث

28-01-2009, 00:23

ياخوي بيني وبينك وشوله تفضحنا انت هههههههههههههههه

عزيز وغالي يابو فواز

وتقلد تحيتي

منصور الغايب

29-01-2009, 18:47

المسؤول مؤتمن ..

وقد حصل معي ذات الموقف ..

وقلت لمن سألني كل ايجابيات صديقي

وذكرت ان فيه عيبين ..

الاول ضعف الشخصية ..

والثاني .. ضعف الاستقامة الدينية ..

هذا دين ..

سئل أحد السلف عن ولده .. وقوته في الرواية .. فقال :

إنه الدين .... الولد كذاب !!

شكرا ابو ماجد ...

الأصيل

29-01-2009, 21:03

ياليت كل واحد يحط نفسه بهالموقف ويجيب بصدق

وعليكم السلام ( واحد صفر ):hala1:

القصه

واحد من الشباب راح خطب من ناس

وهالناس راحوا يسألون عنه

فسألوا اعز اصدقائه

طبعا صديقه قال لهم ايجابياته وسلبياته

وماكتب الله انهم يزوجونه

وزعل على صديقه وقطع علاقته فيه

ماعندوه سالفه:za3lan:

ياجماعة الخير

لو سألك احد عن صديقك تجيبه بصدق

أكيد
ولا بس تذكر ايجابياته خوفاً من غضب الصديق ؟

لو سألوا صديقك عنك

وذكر لهم ايجابياتك وسلبياتك وتسبب ذلك برفضك

هل تغضب من صديقك ؟؟

لا
طبعاً نفس السؤال للاخوات

وياليت الكل يجيب بصدق بعيدا عن الرسميه والمثاليه والدبلوماسيه

وعلشان تتطمنون انا راح اجاوب قبلكم

من ناحيتي انا

لو سألني احد عن صديقي راح اكذب عليه واخلي خويي ملاك

من غش فليس مناroooose
ومن كثر مدحه يمكن يحسون انه دلوع وهو جلف ههههههههه

لاني والله مدري وش الحكم الشرعي فيها

انشدن يخي:315r:

ولو سألوا صديقي عني وقال عيوبي

والله اعتقد اني ابترفس ببطنه هههههههههه

مدري

انتظر تجاوبكم

وتقلدوا تحيتي

جاوبتك:)