المساعد الشخصي الرقمي

مشاهدة النسخة كاملة : انقرصت وتبت


العَـــروب
23-01-2009, 16:36
السلام عليكم




شلونكم يا جماعة .. مشتاقتلكم والله

هالفترة مثل ما انتو عارفين فترة امتحانات .. والكورس هذا كورس تخرج باذن الله

وابشركم اجتزت 5 مواد بنجاح وباقي بيني وبين الشهادة مادة وحدة .. والله كريم ..


المهم اني خلال هالفترة بديت استرجع ذكرياتي .. وبدت حياتي تنعاد على شريط .. << هيه منتي بالفيض :a:


المهم


انا مثل ما تعرفون ان شهادتي هي كيميا حيوية وناوية اتوظف بمجال التغذية والريجيمات

بس ما تدرون ليش انا اخترت هالتخصص ..!!


ايام الثنوي كنت ابي ادخل طب .. وشديت حيلي لين تخرجت بامتياز ولله الحمد وطلعت من الـ 50 الاوائل على الكويت ..

وقدمت على الطب وانا واثقة اني بانقبل .. بس وقتها كان في نظام اختبارات قدرات جديد ما كنت ادري عنه وما قدمت هالاختبارات ..

حسبوا لي النسبة المكافئة ونزلت نسبتي حيل وما قبلوني :za3lan:


المهم ان نفسيتي تعبت وتضايقت وبنفس هالفترة تحدد موعد عرسي

بالفترة هذي زاد وزني حيييييييييل .. كنت دبة .. من النفسية وضيقة الخلق :(

عاد قبل العرس بـ 3 شهور ما خليت ريجيم ما سويته لين تحولت من دبة الى رشيقة

كانت فترة معاناة نفسية وجسدية

ومنها حطيت ببالي اني بـ اشتغل بمجال الريجيمات :)



المهم :qannaj:



الحين بما اني قربت اتخرج ولله الحمد .. كان لازم اني احط عيني على المكان اللي باشتغل فيه ..

زرت اكثر من مستشفى وشفت الاوضاع وقارنت بينهم .. وما عجبني الا مستشفى واحد بس

قلت بس هذا المكان اللي ابيه .. وما فيه الا شاغر واحد لا غير ..

وأنا وزميلتي نتنافس عليه :)

عندي هناك صديقة موظفة بالقسم .. قالت لي داومي معاي لمدة يوم واحد بس .. عشان اجرّب الوضع بشكل عملي .. بس انتبهي ترى بتشوفين العجب !

قلت لا تحاتيني اختج ذيبة :)

ولبست البالطو الابيض وداومت من صباح الله خير ..

وقلت لها يالله عاد وين تبيني ابدا..

قالت ابدي باجنحة المرضى دوري عليهم وشوفي شنو الانظمة الغذائية اللي يحتاجونها

قلت طيب ..


وانا رايحة هناك مريت عند غرفة كشف .. والا هذا ابو غازي يفحصونه ..

ما ابي اقول باي قسم :) .. الستر زين :)


كمّلت طريقي .. والا اسمع صوت صياح :a:

صوت بكا على صوت ضحك .. على صوت صراخ ..

يوم قريت اللافتة والا هذا قسم الطب النفسي

شفت مريضة هناك .. وقلت يا ربي انا شايفة هالشيفة من قبل بس مادري وين

وين يا ربي .. وين وين وين وين وين ..

لين سمعتها تقول للدكتور : اص ص ص ص .. .. كن بخير :)

قلت بس عرفتها .. :hala1:



خليتها تولي وكملت دربي


دخلت اول غرفة مريض ..

قريت تقريره وبلعت العافية .. مدري والله وشلون احط نظام غذائي لهالمرض :(

قلت له انت وش تحب تاكل ..؟

قال احب المجابيس .. قلت بس خلاص .. غداك اليوم مجبوس :7ayyoh:


طلعت ودخلت الغرفة الثانية .. والا هذا فلان .. ( شخصية مشهورة ) ..

قلت له سلامات ما تشوف شر يا فلان ..

قال الله يسلمج .. بس وين فلانة هي مسئولة التغذية .. انتي وش جايبج << مو طردة مو ؟ :(

قلت له انا استلمت مكانها بس اليوم ..

قال .. اهاااااااا اكيد عرفتي اني موجود وجيتي تشوفيني وتسولفين معاي <<<< :a:

قلت له نم بس نم واليوم ماكو غدا .. :148r: مادري تحسب روحك براد بيت :148r:


طلعت ورحت لصاحبتي .. قلت لها عووذه مابي قسم تغذية الاجنحة شوفي لي مكان ثاني :148r:


قالت خلاص .. استلمي عيادة الريجيمات ..


قلت طيب


رحت قسم الريجيمات وقعدت على المكتب .. طبعا يجوني مراجعين اشوف اوزانهم واكتب لهم ريجيمات ..


دخل واحد .. بعد السلام والمقدمات .. وشرح الحالة ..

قلت له تفضل على الميزان

قال ليه .؟

قلت ابي اشوف طولك ووزنك

قال ليه تبين تخطبيني ..؟ :a:



قلت له انقلع رح للغرفة الثانية ولا عاد تجي عندي :148r:



وبعده دخلت مريضة ما شاء الله للحين مادري شلون مرّت من الباب

ابلة عطيات الا شوي :)


قلت لها تفضلي يا خالة

قالت تخلخلت حنوجج انا كبر بنتج ..

قلت هاه .. :a:


آسفة ما عليه سامحيني .. ما عندي نظر :)


قلت لها تفضلي عالميزان ..


وقفت عالميزان .. والمؤشّر قام يضرب يمين يسار يمين يسار يمين يسار

احس ان الميزان قام يلهث يقول تكفين شيليها عني :)


قلت لها خلاص سجلنا الوزن والطول


الحين جا دور قياس نسبة الدهون

الطريقة اننا نستخدم جهاز ينحط على اماكن معينة بالجسم نقيس فيه نسبة الدهن

واحد من الاماكن اللي نحط الجهاز عليها هو الفخذ قريب شوي من الركبة ( طبعا هذي ما نسويها الا للحريم ومو لكل الحالات)


قلت لها لو سمحتي ارفعي ثوبج ابي احط الجهاز عالفخذ

بنت الحلال ما صدقت خبر .. قبل ما اكمل جملتي والا هي رافعة ثوبها لين راسها

انا جبدي قامت تقلب وحسيت بصدمة واحساسي انجرح وحيائي انخدش :(

أنا قلت ابي الركبة .. تطلعين لي الاولي والتالي ليييييييييييييييييييش .. : (

تركتها ورحت استفرغ .. اكرمكم الله


عقبها رحت لصديقتي ..

قلت لها عووووووووووذه .. الله لا يحدني على هالشغلة ..:148r:



ودقيت على زميلتي اللي تبي المكان .. قلت لها المكان لج عليج بالعافية انا مابيه :(





باقي لي على التخرج امتحان واحد بس

ان نجحت فيه باذن الله .. بآخذ شهادتي وأعلقها ببيتي .. وباتفرغ لعيالي وتربيتهم ..

يكفيني اني اخذت الشهادة وباقتدار .. والا المكان اللي ما فيه راحتي الله لا يرده

هذي نهايتي مع هالمجال الله لا يعود ايامه :)




ملاحظة :



ابو مجابيس طلع ممنوع من الدسم .. وسمعت انه انجلط بعد الغدا :)



ملاحظة 2 :


الموضوع بريء لا تفسرونه غلط .. :)












وسلامتكم
يـــوسف
23-01-2009, 17:42
حيالله أم يوسف الطالبة الدافورة :hala1:


امــا اللي على طول هذي عاهه ومن أسبـــآب هروب شبابنا وزواجهم من الخارج :)


أم يوسف الله يوفقك ويحقق اللي بخآطرك :7ayyoh:


لي نكسة تفصيلية .


لاهنتي ياام يوسف

توسدي إحترامي
الشبث
23-01-2009, 18:19
ام يوسف

افهم من كلامتس انتس عقب ما فشلتي بالطب قدمتي على الزواج


>>> فاااااهم غلط ومن جنب القده خخخخخخخخخخخ





الله يوفقتس يا ام يوسف


تستاهلين كل خير والله



حياتس بالفله




وتقلدي تحيتي
ابو خلوف
23-01-2009, 18:32
والله مشكله



الحين خلق الله يدورون وضايف



وانتي تشرطين



ولا الوضع عندكم ماشي
العَـــروب
23-01-2009, 19:09
مداخلة قبل الردود .. لان الظاهر انفهمت غلط :)


لا يروح بالكم بعيد :a:



سالفة بريئة والله :)
منصور الغايب
23-01-2009, 19:41
إذا الموضوع مثل ما فهمت ...!!


أقول طولي بالك شوي يا ام يوسف ...!!

لي ردة بعد ما أفهم ..

:( <<<<<< منصور زعلان
حمـود
23-01-2009, 20:40
ههههههههههه

اجل خليج تعلقين الشهاده بالبيت فوق الفرن

هههههههههههههه

والله يوفقكتس بالاختبار وتخرجيين

دمتي بخير
εïз خزامى εïз
23-01-2009, 21:30
هههههههههههههههههههههههههههههههههههههههه ههههههههههه
صدز؟
يابنت لازم الكفآآح<<اقعد يالكفآآآح
طبيعي وضع المستشفى
:)
هههههههههه
اللهم لا شمآته
يالوعة كبدي معكـ:frown:
اشتقنآلكـ وفقدنآتوآجدكـ يالعرووب:blushing:
الله يوفقكـ
ماجد
23-01-2009, 23:05
ياشين الي يصير بينك وبين الصحن
خلوني اباكل على كيفي << هو صادق << دب يعزز لدب



حسب علمي ان في بعض المستشفيات الكبيرة عندهم مشرفات على اكل المرضى ويكون عملهم اشراف على المطبخ الخاص بتزويد المرضى بالوجبات والشغلة هذه ماتخليك تتعاملين مع المرضى والمراجعين بشكل مباشر يعني شغلك راح يكون مكتبي وقريب من المطبخ ( متى ماجعتي يصير الاكل حولك )

بالتوفيق اختي
العَـــروب
23-01-2009, 23:06
حيالله أم يوسف الطالبة الدافورة :hala1:


امــا اللي على طول هذي عاهه ومن أسبـــآب هروب شبابنا وزواجهم من الخارج :)


أم يوسف الله يوفقك ويحقق اللي بخآطرك :7ayyoh:


لي نكسة تفصيلية .


لاهنتي ياام يوسف

توسدي إحترامي




هلا يوسف الله حيه ..

تسلم على دعواتك الطيبة .. لا هنت ..

بانتظار نكستك التفصيلية
العَـــروب
23-01-2009, 23:09
ام يوسف

افهم من كلامتس انتس عقب ما فشلتي بالطب قدمتي على الزواج


>>> فاااااهم غلط ومن جنب القده خخخخخخخخخخخ





الله يوفقتس يا ام يوسف


تستاهلين كل خير والله



حياتس بالفله




وتقلدي تحيتي




قدمت عالزواج ههههههههه

لا انا انخطبت قبل ما اقدم على الكلية :)


لا هنت يا بو ماجد


نورت الموضوع
العَـــروب
23-01-2009, 23:11
والله مشكله



الحين خلق الله يدورون وضايف



وانتي تشرطين



ولا الوضع عندكم ماشي



عندي واسطة :)



هلا ابو خلوف
العَـــروب
23-01-2009, 23:12
منصور الغايب


فاهمني غلط


:)



ما راح اترك



:)
ريال الفسحه
23-01-2009, 23:31
من عين شنقل
ابو ضاري
23-01-2009, 23:58
ومن قراده سناعيسو
شام
24-01-2009, 00:26
بعض القرصات تخلق شخصية مختلفة
حديدية .. وهذا كثير في الحياة
فلا تتأسفي لتلك الرؤى
إنما افرحي لاكتساب معرفة
وكوني صلبة فالحياة تحتاج للتحدي و الصلابة

وشكراً لهذه الفضفضة
كوني بخير
بنت الجبل آخت القصيد
24-01-2009, 02:11
العروب بشرينا اذا نجحتي بنقلع بالمضايف من النفيخات <<< الحضر يقولون له بالونات

وش رايتس مدام ان حنا بمنطقه وحده وتبين تتوظفين حولي
تحولين شغلتس من الريجيمات لـ اللي يبون يسمنون
خفاف الدم اللي اول مايجونتس يضحك عليهم الميزان

<< وبكون اول مرضاك

وعلى تعليق الشهاده علقناه وكل ماتمرين تتذكرين سالفه فلانه وابلا علانه هههههههههههههههههه ربي يوفقك ويكتب لك الخير
.
.
ابو ضاري
24-01-2009, 02:17
بعض القرصات تعلمك كيفيه علاجها

اما انا عندي فعلاجها الكي بين العلابي
فتى البيداء
24-01-2009, 02:36
أختي العروب الله يوفقتس في الدنيا والأخرة .. ولما يحبه الله ويرضاه ..

أختي العروب إذا كان عملتس فيه أختلاط بين الرجال والنساء .. ففري منه فراركي من الأسد .. فلن تخسرين .. فمن ترك شيئاً لله عوضه الله خيراً منه ..




وقفت عالميزان .. والمؤشّر قام يضرب يمين يسار يمين يسار يمين يسار

احس ان الميزان قام يلهث يقول تكفين شيليها عني :)



أختي العروب الحقيقة أستوقفني هذا التعبير والتصوير للموقف .. فهو تصوير رائع مضحك ..

لكن من عرض دراستكم التي تبحثون عنها في الرجيمات وتخفيف الأوزان .. ألم تكلفوا أنفسكم

وتخدمون الأنسانيه جمعا .. في البحث والتحري عن تخفيف دماء بعض الثقلاء .. فهم بحاجة

بل بأشد حاجة من ثقلاء الأوزان لتخفيف .. فلكم قاسينا منهم مرور الثواني القاسيه التي تمتد لتصبح

كل ثانيه عن يوم .. فبحكم عملكي أطرحي عليهم هذه الفكرة .. وسيسجل لكي براءة أختراع

أو بداية تمحيص .. وقد تكوني أنتي أول من نفع الأنسانيه بهذا البلاء الذي يثير الكثير من الأبرياء ..

أختي أم يوسف عذراً عن الخروج عن النص .. ولكن شأالله أن أقراء موضوعك في وقت قد سبقه

جلسه مع أحد الثقلاء الذينا أرجو من الله سبحانه وتعالى أن يمن علي بالتخلص منه طيلة ماهو يتنفس على هذه البسيطة .. فلطالما عكر علي صفو الأيام ..

أعتذر مرة أخرى أختي العروب مع النظر في قضيتي ..

وتقبلي مروري ..
أحمد
24-01-2009, 02:50
تكفين يالعروب الله يخليتس لعين ترجيتس كملي وخوذي الشهاده وتوضفي عشان استفيد من خبراتكم كمسؤلين عن التغذيه انا امنيتي بهالحياة اني اسمن وارضي والديني قبل اموت بس وشلون اسمن تهي تهي تهي ماقدرت كل شي سويته طب شعبي طب علمي بصمة دم مابقى الا اروح لسحره (استغفر اللهواتوب اليه)
طيب اللي تسوينلهم رجيم وتروح الكيلوات منهم هباء منثورا ليه انا ابيهم انا اشتري الكيلو بفلوس ياناس تكفون اللي له خاطر عند العروب يطلبه تساعدن .




وبعدين وشبلاه الخبله الدبا هذي طلعت قشه ماتستحي خخخخخخخخخخخخخخخخخخ



تري مكاسي
عبدالله الجعيثن
24-01-2009, 08:52
السلام عليكم




حسبوا لي النسبة المكافئة ونزلت نسبتي حيل وما قبلوني :za3lan:

ترقعين ولا ماترقعين...مالك الا خشمك العوج:qannaj:





ولبست البالطو الابيض وداومت من صباح الله خير ..
^
^
^
غرشة اورنجينا:a:




والا هذا ابو غازي يفحصونه ..
ما ابي اقول باي قسم :) .. الستر زين :)

^
^
اشوى...:puzzled:


لين سمعتها تقول للدكتور : اص ص ص ص .. .. كن بخير :)
^
راجنه ولا فقست:d:

قلت بس عرفتها .. :hala1:




وبعده دخلت مريضة ما شاء الله للحين مادري شلون مرّت من الباب

ابلة عطيات الا شوي :)


قلت لها تفضلي يا خالة ...تقل عرفتها:puzzled:



ملاحظة 2 :


الموضوع بريء لا تفسرونه غلط .. :)



وسلامتكم


شكرا


موضوع منتاز...


لي عوده بعد ما افطر واقنّد الراس...بفخفخينا:)
غالب
24-01-2009, 14:57
صدقت ياأبوخلوف
وش جاتس إنتي
بتس رجه بالمخ:za3lan:
بالله هاذا كلام
الناس تتذابح علشان الوظايف
وإنتي مسويه شروط
الله يرحم ريال الفسحه
كان دايم يقول
((.......إذا لقيت وظيفه على طول توظف حتى لو جندي بالحرس ونسبتك 99%:)))
وعاش ابن مبيريك




واستلمي سلامي
ريتاج
24-01-2009, 22:16
هههههههههههههههههههههههههههههههههههههههه هههههههههههههههههههه

هههههههههههههههههههههههههههههههههههههههه ههههههههههههههههههههه


تصدقيين اني ابي ادخل تخصصتس تغذييه


بس الحيين .....




الهجــــــــــــــــــــــــــــه:)









كسرة خااطري الدبا ههههههههههههههههههه


مشكووره عرووب عالساالووفه النكته هههههههههه



شع شع


شيييييييييع
ليلى بنت عبدالعزيز
25-01-2009, 00:09
عاشت اخصائيه التغذيه العروب
وعقبال التخرج
وعقبال الدراسات العليا
وتصيرين عالمة ذرة وتصنعين النوووي
عجايب بنت الشايب
25-01-2009, 02:43
افاااااا


اللحين من أول تجربه .. تكنسلين ..


وانا احسبك عصاميه وشديده ..





:)



أعترفي .. كم نسبتك ؟







تبين الصدق


دامك .. (فّقستي ) >> ياحبي لتس


خلتس عند وغيداتك .. وسوي لهم ريجيم





موضوعتس ... رهيب اهنيك عليه .. :)




طحياتي ........
ريوف
25-01-2009, 06:45
الله يوفقتس .

بس والله موآقف ومــآتسوآ على الوحده كل هذآ .
يـآوخيتي علقي شهــــــــآدتتس والعوض بـ عيآلتس يصيرون دكـــــآتره إن شآء الله .

تقبلي خـــآلص تقديري .
ريوفـ .
العَـــروب
25-01-2009, 11:24
ههههههههههه

اجل خليج تعلقين الشهاده بالبيت فوق الفرن

هههههههههههههه

والله يوفقكتس بالاختبار وتخرجيين

دمتي بخير



الله يسلمك ويخليك اخوي حمود

شهادتي باعلقها على باب الثلاجة :)


لا هنت
العَـــروب
25-01-2009, 11:30
هههههههههههههههههههههههههههههههههههههههه ههههههههههه
صدز؟
يابنت لازم الكفآآح<<اقعد يالكفآآآح
طبيعي وضع المستشفى
:)
هههههههههه
اللهم لا شمآته
يالوعة كبدي معكـ:frown:
اشتقنآلكـ وفقدنآتوآجدكـ يالعرووب:blushing:
الله يوفقكـ





هلا وغلا حبيبة قلبي خزامى

ما تفقدين غاااالي فديتج

الوضع بالمستشفى يا خوخة ما عرفته عدل لين عشته :( الكلام غير الشوف :(



تسلمين لي يالغلا عالمرور
العَـــروب
25-01-2009, 21:41
ياشين الي يصير بينك وبين الصحن
خلوني اباكل على كيفي << هو صادق << دب يعزز لدب


ههههههههههههه :)



حسب علمي


^

حنينا للاسم القديم :)


ان في بعض المستشفيات الكبيرة عندهم مشرفات على اكل المرضى ويكون عملهم اشراف على المطبخ الخاص بتزويد المرضى بالوجبات والشغلة هذه ماتخليك تتعاملين مع المرضى والمراجعين بشكل مباشر يعني شغلك راح يكون مكتبي وقريب من المطبخ ( متى ماجعتي يصير الاكل حولك )

بالتوفيق اختي



صح بس البرستيج عندهم معدوم :)


اذكر بالجولة اللي اخذتها على المستشفيات

رحت صوب المطبخ وزوجي كان معاي .. والا المطبخ بالسرداب والمكان كله هنود :(

والا وحدة ( اخصائية تغذية ) تركض ورا الهندي تصرخ عليه : جيب كرتون الطماااااااااط :)

ومن يومها ماسكها علي طنازة :)




تسلم يا ماجد ..


وسمعت انك بتتزوج او انك تزوجت ..

الف مبروووك .. :)
العَـــروب
25-01-2009, 23:23
ريال الفسحة


ما بقى فيني شي يتمزمز :-(
العَـــروب
25-01-2009, 23:27
شام


فعلا معاج حق

بعض القرصات تعلّم

وبعضها يعلّم على الجلد ويبقى اثر يذكرك بالقرصة


الله يعين


تسلمين عالمرور شامو
العَـــروب
25-01-2009, 23:32
العروب بشرينا اذا نجحتي بنقلع بالمضايف من النفيخات <<< الحضر يقولون له بالونات

شرط تكون بالونات وردية فاقعة :d:


وش رايتس مدام ان حنا بمنطقه وحده وتبين تتوظفين حولي

يا بنتي انتي بالجهرا وانا بالفنطاس :mabrook:

تحولين شغلتس من الريجيمات لـ اللي يبون يسمنون
خفاف الدم اللي اول مايجونتس يضحك عليهم الميزان

<< وبكون اول مرضاك

استقبل الحالتين .. اشيل شحم من هذا وادعسه بذاك والله كريم :)


وعلى تعليق الشهاده علقناه وكل ماتمرين تتذكرين سالفه فلانه وابلا علانه هههههههههههههههههه ربي يوفقك ويكتب لك الخير
.
.




خليني بس استلمها ان شاء الله

وابي ابورزها احلى برواز :)



عطوووووورة مرورج دايما غير يا غير


تسلمين لي
العَـــروب
25-01-2009, 23:33
الضاري


يعني فوق القرصة كي :(

ليش هالعذاب ليييييييش :(


حياك الرحمن
العَـــروب
25-01-2009, 23:40
أختي العروب الله يوفقتس في الدنيا والأخرة .. ولما يحبه الله ويرضاه ..


أجمعين باذن الله
جزاك الله خير



أختي العروب إذا كان عملتس فيه أختلاط بين الرجال والنساء .. ففري منه فراركي من الأسد .. فلن تخسرين .. فمن ترك شيئاً لله عوضه الله خيراً منه ..


فريت منه فريت :za3lan:






أختي العروب الحقيقة أستوقفني هذا التعبير والتصوير للموقف .. فهو تصوير رائع مضحك ..

لكن من عرض دراستكم التي تبحثون عنها في الرجيمات وتخفيف الأوزان .. ألم تكلفوا أنفسكم

وتخدمون الأنسانيه جمعا .. في البحث والتحري عن تخفيف دماء بعض الثقلاء .. فهم بحاجة

بل بأشد حاجة من ثقلاء الأوزان لتخفيف .. فلكم قاسينا منهم مرور الثواني القاسيه التي تمتد لتصبح

كل ثانيه عن يوم .. فبحكم عملكي أطرحي عليهم هذه الفكرة .. وسيسجل لكي براءة أختراع

أو بداية تمحيص .. وقد تكوني أنتي أول من نفع الأنسانيه بهذا البلاء الذي يثير الكثير من الأبرياء ..

أختي أم يوسف عذراً عن الخروج عن النص .. ولكن شأالله أن أقراء موضوعك في وقت قد سبقه

جلسه مع أحد الثقلاء الذينا أرجو من الله سبحانه وتعالى أن يمن علي بالتخلص منه طيلة ماهو يتنفس على هذه البسيطة .. فلطالما عكر علي صفو الأيام ..

أعتذر مرة أخرى أختي العروب مع النظر في قضيتي ..

وتقبلي مروري ..







يعني .. ؟ :)

طيب اشوف حل :)

الله يعينك على ما ابتلاك فيه .. حسيت انك تعاني




هلا بك أخوي فتى


لا هنت
حيل حليل
26-01-2009, 04:31
هههههههههههههههههههه

العروب انتي شكلك عكس العالم
اخبر الواحد اذا كان تعبان نفسيا يضعف
انتي ماشاء الله عليك عكس

الا وش صار على الميزان عقب ابله عطيات
كاني اشوف علامة out of use على جبهته

على العموم مبروك التخرج
روح حايل
26-01-2009, 22:57
قلت ابي اشوف طولك ووزنك

قال ليه تبين تخطبيني ..؟ :a:



قلت له انقلع رح للغرفة الثانية ولا عاد تجي عندي :148r:








هههههههههههههههههههههههههههههههه




استغفر الله العظيم ، اللهم عافنا مما ابتلاهم به .....


ام يوسف يبيلتس بعد كورس تدرسين عن المشاكل النفسيه ، ومراعاة مشاعر الآخرين ههههههههههههههههههههههههههههههههه


:)






الا ليه ماشفتس معصقلين :)







سلمتِ
العَـــروب
26-01-2009, 23:39
تكفين يالعروب الله يخليتس لعين ترجيتس كملي وخوذي الشهاده وتوضفي عشان استفيد من خبراتكم كمسؤلين عن التغذيه انا امنيتي بهالحياة اني اسمن وارضي والديني قبل اموت بس وشلون اسمن تهي تهي تهي ماقدرت كل شي سويته طب شعبي طب علمي بصمة دم مابقى الا اروح لسحره (استغفر اللهواتوب اليه)
طيب اللي تسوينلهم رجيم وتروح الكيلوات منهم هباء منثورا ليه انا ابيهم انا اشتري الكيلو بفلوس ياناس تكفون اللي له خاطر عند العروب يطلبه تساعدن .




وبعدين وشبلاه الخبله الدبا هذي طلعت قشه ماتستحي خخخخخخخخخخخخخخخخخخ



تري مكاسي






يا هلا .. حي الله الجثري

عطني طولك ووزنك .. وتفاصيل وجباتك اليومية بالضبط .. وابشر بالنظام الغذائي اللي يسمنك باذن الله :)


لي موضوع بمضيف طبيب الاسرة عنوانه ( ملف الغذاء والتغذية ) تقدر تكتب لي التفاصيل فيه ..



ما يحتاج فزعات وانا اختك :) حاضرين للطيبين ..



يا هلا
العَـــروب
26-01-2009, 23:43
هلا حي الله بوغازي

يقولون فقست والعلم عند الله :)


حضورك الممتاز .. لا هنت






























برايفت للكل ماعدا ابوغازي ..:
















































شنهي غرشة الاورنجينا ؟ :a:
العَـــروب
26-01-2009, 23:46
صدقت ياأبوخلوف

وش جاتس إنتي
بتس رجه بالمخ:za3lan:
بالله هاذا كلام
الناس تتذابح علشان الوظايف
وإنتي مسويه شروط
الله يرحم ريال الفسحه
كان دايم يقول
((.......إذا لقيت وظيفه على طول توظف حتى لو جندي بالحرس ونسبتك 99%:)))
وعاش ابن مبيريك






واستلمي سلامي





حي الله سناعيسو


الواسطة تسوي شغل ياختك < :)





حياك الرحمن ..
العَـــروب
26-01-2009, 23:48
رتوووووجة


والله يا قلبي انتي اذا بتسمعين كلام اختج اقول لج انحاشي بعمرج :)

لما تشوفين الوضع بالواقع راح تنصدمين :(



بالتوفيق يالغلا .. عسانا نشوفج دكتورة ..
&^^مهــــا^^&
27-01-2009, 17:15
قسم قسماااات عليك وصف هههههههههههههههههههههههههههههه

والله مشكله الوااااقع الله يعين بس

ومبرووووووووووووووووك التخرج يالغلا

ويعافيك ربي العروب

تقبلي ودي,,
العَـــروب
28-01-2009, 02:16
هلا وغلا حصوصة

الله يسمع منج وآخذ الدكتوراه واصير عالمة ذرة وأفجر المضيف العام :)


حياج الرحمن
العَـــروب
28-01-2009, 02:22
افاااااا


اللحين من أول تجربه .. تكنسلين ..


وانا احسبك عصاميه وشديده ..





:)


ما شفتي اللي شفته :za3lan:





أعترفي .. كم نسبتك ؟


3.1


:d:









تبين الصدق


دامك .. (فّقستي ) >> ياحبي لتس


خلتس عند وغيداتك .. وسوي لهم ريجيم


عروبة يبيلها ريجيم :) .. اسم الله عليها
لازم اتفرغ لبنتي واحافظ على وزنها علشان يمشي حالها بعدين :)
والدهون اللي اشيلها من عروبة باعبّيها بخدود يوسف :puzzled:







موضوعتس ... رهيب اهنيك عليه .. :)


شيخة الفلة .. مرورج هو الرهيب .. :thumb:





طحياتي ........







حياج الله عجوبة .. نورتيني ..
العَـــروب
28-01-2009, 02:24
هلا والله ريوف

الشهادة باعلقها ان شاء الله .. ويكفي راحة البال


لا هنتِ
العَـــروب
28-01-2009, 02:26
هههههههههههههههههههه

العروب انتي شكلك عكس العالم
اخبر الواحد اذا كان تعبان نفسيا يضعف
انتي ماشاء الله عليك عكس

الا وش صار على الميزان عقب ابله عطيات
كاني اشوف علامة out of use على جبهته

على العموم مبروك التخرج



انا وزني يزيد مع النفسية :(

الميزان دفناه وصلينا عليه :)

الله يبارك فيك حيل حليل ..

لا هنت عالمرور
العَـــروب
28-01-2009, 02:28
هههههههههههههههههههههههههههههههه




استغفر الله العظيم ، اللهم عافنا مما ابتلاهم به .....


ام يوسف يبيلتس بعد كورس تدرسين عن المشاكل النفسيه ، ومراعاة مشاعر الآخرين ههههههههههههههههههههههههههههههههه


:)






الا ليه ماشفتس معصقلين :)







سلمتِ



شفتي يا خالتي شصار فيني :(

ابي آخذ كورس طب نفسي يمكن يمشي حالي :3ajebni:


يسلمج الرحمن يالغالية .. منورة
العَـــروب
28-01-2009, 02:30
قسم قسماااات عليك وصف هههههههههههههههههههههههههههههه

والله مشكله الوااااقع الله يعين بس

ومبرووووووووووووووووك التخرج يالغلا

ويعافيك ربي العروب

تقبلي ودي,,




الله يبارك فيج ويخليج ويسلمج يالغلا

تسلمين عالمرور الذوق يا ذوق
الأصيل
28-01-2009, 12:47
والكورس هذا كورس تخرج باذن الله


الفال للعرس:7ayyoh:


انا مثل ما تعرفون ان شهادتي هي كيميا حيوية

إي والله ونعم التخصص ،، نبي تسوين قنبله نوويه

ونبي تخترعين لنا سيارات يمشن على الرمث:315r:

وإذا ماتعرفين ،، فأرجو أن تحذفين هالشهاده اللي ماتفيد:a:

المهم ان نفسيتي تعبت وتضايقت وبنفس هالفترة تحدد موعد عرسي

الفال للشهاده:315r:
بالفترة هذي زاد وزني حيييييييييل .. كنت دبة .. من النفسية وضيقة الخلق :(

لا والله ياخاله ،، من المتسابيس وحلويات ليالي الشرق وسابليه:)


المهم :qannaj:



الحين بما اني قربت اتخرج ولله الحمد .. كان لازم اني احط عيني على المكان اللي باشتغل فيه ..

والله يافي مكان ،، منازينوه

عندنا بالجهراء ،، حول السنترال براااحه ،، ممكن تبنين محل خياطه ،، ولا أروع:thumb:

زرت اكثر من مستشفى

عسى ماشر:a:

وشفت الاوضاع وقارنت بينهم .. وما عجبني الا مستشفى واحد بس

مستشفى الجهراء:d:



ولبست البالطو الابيض وداومت من صباح الله خير ..


وهات ياعمليات قلب ومعدة ورئة وقسطرة ودماغ:d:


وانا رايحة هناك مريت عند غرفة كشف .. والا هذا ابو غازي يفحصونه ..

ما ابي اقول باي قسم :) .. الستر زين :)
أكيد مهو بقسم الولاده:thumb:

وبعده دخلت مريضة ما شاء الله للحين مادري شلون مرّت من الباب

ابلة عطيات الا شوي :)


قلت لها تفضلي يا خالة

قالت تخلخلت حنوجج انا كبر بنتج ..

أنا أخو العيال ،، أنا كل ماأشوف عجوز بامضايف أقول له : ياخاله:puzzled:





قلت لها لو سمحتي ارفعي ثوبج ابي احط الجهاز عالفخذ

بنت الحلال ما صدقت خبر .. قبل ما اكمل جملتي والا هي رافعة ثوبها لين راسها

انا جبدي قامت تقلب وحسيت بصدمة واحساسي انجرح وحيائي انخدش :(

أنا قلت ابي الركبة .. تطلعين لي الاولي والتالي ليييييييييييييييييييش .. : (

لالالالالالالالالالالالالا

لالالالا

ماأسمح

وين الرقابه ،، ؟؟!!!

إقطع يامخرج ،، إقطع اللقطة ،،

عندنا مراهقين مثل شبثان وطنخان ولينا وعدنان:d:


ملاحظة 2 :


الموضوع بريء لا تفسرونه غلط .. :)



برييييييء

وينوه ووين الربراءه ياخاله

تخلخلن حنوك العدو:d:









بصفتي عضو مجلس شورى

سأبدأ باستخدام واستغلال صلاحياتي:thumb:

وأطلب بنقل الموضوع للمضيف العام ، وتنقل نسخه للشعر الشعبي:315r:














وموضوع فله :thumb:
العَـــروب
31-01-2009, 17:31
برييييييء



وينوه ووين الربراءه ياخاله


تخلخلن حنوك العدو:d:


والله ما سويت شي يا بو عثمان :a:

بريئة والله بريييييييييئة :315r:










بصفتي عضو مجلس شورى


سأبدأ باستخدام واستغلال صلاحياتي:thumb:


وأطلب بنقل الموضوع للمضيف العام ، وتنقل نسخه للشعر الشعبي:315r:


وبالمرة نسخة ثانية للشكاوى:d:
















وموضوع فله :thumb:






نورت يا شيخ مشايخ الفلة :hala1:


لا هنت على مرورك يا بو عثمان