مصباح جني

[سعد جاسم الشمري]

أعزائي وأحبابي المشتركين في هذا المنتدى الرائع أقدم لكم
أول مشاركه لي في ((مضايف شمر))
هذا المنتدى الأدبي الرائع

ياسامعي لا تنشد الناس عني
أنشد قوافي الشعر وسأل حروفه
شعري أنا طيرن بفرحه يغني
وان مالقى فرحه همومي تحوفه
مايرتوي ضامي وربعه توني
لويرتوي صارت حياته حسوفه
أكتب أنا قافي بفكري وفني
وأطرق دروب العز لو هي كلوفه
ماني ترا شاعر يعيش ابتمني
ينوي على فكره ويغرق بخوفه
ولاني مثل غيري أطبل وأغني
وأخفي شعاع الحق وأنثر صفوفه
عايش مع أيامي بوضعي امتهني
عارف أنا قدري وعيني تشوفه
لو كان لي غايه بمصباح جني
أغطس أنا باليم وأبحث بجوفه
وأصرخ بكل ما بي بجد امتحني
راضي انا بالحق وكلي بشوفه
جني وجن جنه جنونه تجني
وش لي بهالجني وباقي وصوفه
بطوي معاناتي ومصباح مني
مالي ابد حاجه بجن وضيوفه
وان كانها قصة عنادن وظني
يكفي معي شعرن يحاكي ظروفه
مهما حوى شعري حروفه حوني
يبقى معي وافي وبيضا كفوفه

[بنت الجبل آخت القصيد]

وان كانها قصة عنادن وظني
يكفي معي شعرن يحاكي ظروفه
مهما حوى شعري حروفه حوني
يبقى معي وافي وبيضا كفوفه

.
.
الله ..الله قمة الروعه
صح لسااااانك واعتلاشانك
.
.
لاهنت ولاتهت

[سعد جاسم الشمري]

عطر القصيد
شكرا لك أيتها الرااااااااااااااااااااااااااااااائعه
مرورك على القصيده اسعدني كثيرا
مليووووووون تحيه واحترام لك

[الحاصود]

سعـد


وجـودكـ إضـآفـة لـ آلمضـآيـف

وآكبـر دليـل هـ آلقصيـدهـ


لآ هنـت علـى هـ آلآبيـآت


كـل بيـت آحلـى من آلثـآنـي


تقبـل مـرووووووووووري

[((عبدالله بن غيث))]

صح لسانك فاضلي ..!

واهلاً وسهلاً فيك , وبجيتك , أبرك الساعات أنظمامك لهذا الصرح .!

قصيدة رائعه ...!
وننتظر المزيد ...!

لكن عندي ملاحظة ...!



بطوي معاناتي ومصباحي مني
مالي ابد حاجه بجن وضيوفه


^
^
راجع هالبيت

تحياتي لك

[سعد جاسم الشمري]

عمر الشمري شكرا لك على المرور
وعلى الاطراء
انضمامي لكم يزيدني فخر
ألف شكر لمرورك ياغالي
الأخ عبدلله بن غيث
الملاحظه صحيحه ولكن الخطأ مطبعي
الحرف الزائد هو حرف الياء في كلمة مصباحي
وصدقني هي غلطه مطبعيه
بحر القصيده المسحوب
والتفعيله
مستفعلن /مستفعلن/فاعلاتن
واذا لاحظت في البيت(( لو كان لي غايه بمصباح جني==اغطس ان باليم وابحث بجوفه))
صدقني غلطه مطبعيه
اذا لاحظت ان حرف الحاء متحرك وليس ساكن
وحرف الياء في البيت الذي ذكرته ان كتب لا ينطق
شكرا لك على الملاحظه

[عبدالمجيد الشمري]

صح لساااااانك اخوي سـعـد ..

أسعدتنـا بهالمشاركـه .. وانت شاعر وما يحتاج يالذيب ,,


وعز الله ان تبريركـ سميـــن و وافي ,,


صح كلك وبانتظار ابداعاتكـ ,,


تقبل مروري المتواضع

عبدالمجيد الشمري

[سعد جاسم الشمري]

عبدالمجيد الشمري((الأشمل))
شكرا لك يالغالي على المرور
وصدقني النقد البناء ما يزعلني
وما في أحد كامل
ولكن الاهم اني بين أهلي وناسي
واللي يجي منهم خير وبركه
ومرورك على القصيده شرف لي يالغالي

[سيف الدولة]

أخي سعد

أولااا يا هلااابك في مضايفك

واللي مثلك يحتفى به

تواجدك وأمثالك يهمناا كثير ومعتازينه

القصيدة بغيت أعلق على بعضها لكن كلها رائعة

من نظم شاعر وراعي قافيه

أبيات محبوكة

شكررررا لك ولتواجدك هناااا

[سعد جاسم الشمري]

الغالي سيف الدوله
وجودي في مضايف شمر معكم شرف لي
وتعليقك وسام على صدري
ألف شكر لمرورك على القصيده
وتقبل تحياتي

[عبدالرحمن]

أكتب أنا قافي بفكري وفني
وأطرق دروب العز لو هي كلوفه


صح لسانك شاعرنا الكريم سعد
وتسلم على القصيدة الرائعة
ومن رائعة الى اروع
دمت بحفظ الرحمن.

[عبدالله الجعيثن]

سعد الشمري


صح لسانك


تشرفنا وننتظر الاجمل اخي

[سعد جاسم الشمري]

الغالي//عبدالرحمن============= عبدالله الجعيثن
شكرا لكم على المرور وألف شكر على التعليق
ومليون شكر لكم على تشريفي بالدخول بينكم
وجودي معكم اضافه لي وأنتم أخوه أعزاء
لكم مني كل الأحترام والتقدير
دمتم بحفظ الله ورعايته