المساعد الشخصي الرقمي

مشاهدة النسخة كاملة : لاتجون كلكم تروها مجرد سوالف


ابو عارف
22-01-2009, 21:47
سلام عليكم ياجماعة الخير
هل تعلمون أن عندنا عادات شينه أم لا ؟

إذا قلتوا نعم أقول صح أما إذا قلتوا لا أقول خطأ

ليه أقول خطأ ؟ لإني بالرغم من كبر سني أكتشفت هذه الليلة واحدة من هذه العادات الشينة بالصدفه.

العادة الشينة الي إكتشفتها هي عرضنا على الواحد شيء غير جاهز أو غير موجود مجاملة أو بأمل أن يقول لك لاء ما أبيه.

مثلاً أن تقول لأحدهم تفضل وهو يمشيء مار مع الشارع من أمام بيتك ومن ثم يوافق وتقعد به مثل مايقولون ولاسيم أن كنت طالع عند الباب تبي تمشيء وعرضت على هذا الرجال أن يتقهواء مثلاً ووافق.

اليوم مرة علي حاجتين من هذا النوع واحدة خرجت الساعة 11 لكي الحق على السوق قبل الظهر لي حاجه ملحه وشفت واحد من زملاء العمل سابقاً يمتر الشارع رياضة مشي من أمام البيت سلام عليكم السلام تفضل تقهو ياابو فلان قال الأجودي لايكون عندك شغل ؟ قلت لاء لاوالله ماعندي العود أقلط.

قلط الرجال وتهولو هلي توك طالع مستعجل وهالحين تعزم وقت هالظهر وين الحاجة الي أنت رايح لها؟ قلت خلوها العصر وخذ هذا وخذ هذياء من هالفناجيل حتى أذن الظهر فقام الرجال يبي يمشي فقلت له وليه ماتصلي معنا بمسجد عبدالله بن عمر ونتغداء سواء ؟

فقال لاوالله أبي أروح لأهلي أغير ملابسي وأصلي بمسجدنا وأجيك للغداء ولاصيدي الغداء لكن مشتاك للحديث معك وأبي أنشدك عن أرامكو والرئيس الجديد لذلك أجيك بعد الصلاة.

صلينا وجاء الرجال وتغدينا وروح الله يستر عليه ويوم جت صلاة العصر زهمت على وايت الماء الحلو مصري إسمه محمود يامحمود مر علينا ماعندنا ماء وصل محمود شغل الماء وقلت له ويش تشرب تبي عصير تفاح أو شاهي فقال لا جيب عصير تفاح دخلت عطونا عصير تفاح قالوا متى علمك به شربوه هالوغدان مافيه شيء.

رجعت له قلت الله يهدي هالوغدان اليوم عندنا ضيوف وشاربين التفاح ويش رايك بالشاهي فقال يامرحبا يالشاهي دخلت وقلت عطونا شاهي وجاوبوني أنت ويش بلاك ماتبي تروح تجيب غاز خالص الغاز والشاهي قضى وأنت بس جالس تعزم حتى المصارية تبي تبلشنا بهم مافيه شاهي.

رجعت لمحمود قلت يامحمود الغاز قاضي والشاهي مافيه تبي برتقال قال إيه جيب أي حاقه رحت عطونا برتقال قالو مافيه إلا شيء منتهي صلاحيته قلت أعصروا لنا برتقال طبيعي يالله بسرعه ونأخذ خمس دقائق ننتظر البرتقال وشرب وهو زعلان يقول عطلتني عطني زيادة فلوس.

ما أدري ليش نعرض شيء من أجل نسمع كلمة الله يغنيك والله مستعجل أو ما إشتهيه.

صح هذه من العادات الشينه عندنا.
حيل حليل
22-01-2009, 22:08
الا هذا من الطيب اللي عندنا
ابو عارف
لاتخليني اغير نظرتي فيك
وش فايدة الرجل اذا مافز باللي يجيه
سواء يسوى ولا مايسوى
هو فعلا احيانا تصيبك احراجات
لكن اللي يبي الدح مايقول اح
وبعدين شي حلو لما ياخذون الناس انطباع جيد عنك

وصدقني هالعاده صعبه تتغير
نظرا لاننا تربينا على هالشئ وصار شي فطري لدينا


عشت سالم يالقرم
بنت الجبل آخت القصيد
22-01-2009, 22:15
ههههههههههههههههههههه

:7ayyoh:

اي والله ياعمي حنا نقرد روحنا بانفسنا:puzzled:


هذا مره اول ماوصلنا من السفر بعد الصيف
وعقب كم يوم تجي جارتنا تعزمنا رديت عليه قلت اعذرينا نبي نطلع للمكتبه تعرفين مدرسه وبنطبع اوراق للنشرات
المهم حاولت مار ماش معزمات نروح وسكرت ..

شوي الا يوم طق الباب حنا اللي لابسه طرحته وبيده عباته واللي تجهز
المهم يوم فتحنا الباب الا هي .....:a:
ودخلت الا تسلم على امي وتقول عسى ماشر <<< يعنني منخرعه عليكم :315r:
قالت امي ابد مامن شر البنات يبن المكاتب بيرحن الحين

وتقعد تقول البنات متجهزات والحين بيزعلن ياربي شقولهن
تلقفت يوم الله بغى يقردن قلت خلاص خليهن يجن :)
ماطق براسي انه تجي
وهي تقممز اركض يافلان صوت لهن
وهي تصير سهره للساعه 11 عندنا

ليتنا رحنا له ومن اوله افتكينا

تسلم عمي ابو عارف

.
.
غالب
22-01-2009, 22:27
والله هي زينتن شينه
بس وش تبي الواحد يسوي يعني لو إنه مارن خويك وعازمه ويوم عيا تركته بالله وش تتوقعه يقول
أكيد يبي يقول إنك تبي فراقه وإنك بخيل وماتبي تعزم أحد:za3lan:


أبوعارف
بالله إترك العربية الفصحى تكفى ياأبوعارف ههههههههههههههههههههههههه





واستلم سلامي
فتى البيداء
23-01-2009, 01:32
أفا يابوعارف .. هذا وأنت من نسل حاتم ..

يقول الأول :

الطيب يبقى والخساره بالأعمار ـــــــ والعمر لولا الطيب وش ينبغى به

ابوعارف هذا البيت ينسيك جميع مهامك إذا قمت بشيء من الطيب ولو كان على حساب وقتك ومالك وبيتك .. طبعاً بعد عون الله ..

ويقول الأول :

لولا المشقه لساد الناس كلهم ــــ الجود يفقر والأقدام قتال

هذي وجهة نظري ابوعارف في هذا الموضوع قد أصيب وقد أخطىء ..


تقبل مروري ..
أحمد
23-01-2009, 02:51
عمي ابو عارف والله عاد زميل العمل مالك لايم بس المصري دقتن تدق افموه مافيه عصير خلاص ياكل (ب...)
او تدري حتى زميل العمل ياكل (عدد 2 ب....) اذا عندي شغل قلعتوه هذا اللي والله باقي بغيت اقولك اطلع متلطم من البيت هههههههههههه

انا صوتي معك ياعمي ثلاث ارباع العادات والتقاليد لازم تتغير ......< سربوت لقى فرصه خخخخخخخ
روح حايل
23-01-2009, 02:54
^


ماقلت لوه تري مقاسي على السالفه :)






/ ابو عارف /




عاد صير طيب ماهو عاد كذا ....



يقرب لك رجلي :)
ريتاج
23-01-2009, 04:18
هههههههههههههههههههههههههههههههههههههههه

طرى علي ابووي هههههههه يرسلي وغداان ربعه يبيني اعطييهم حلااو وانا مكلفتن بهم امن اقووله مااعندي غمممضته امن يقووولي طييب عصصير امن اقووله مااابه امن يقوولي طييب لبن امن اقووله شرربته امس مع تمر امن يقوولي يااملا العرررس ماااااء مااااء
امن يشربوون ماء ويتووكلوون لابواانهم:)


صح الى الحيين يااعمي ماالقيت لي وظييفه بأرامكو:)

لو حقت تفتييش الجواالاات<< بعررس حشى:)
ريوف
23-01-2009, 05:12
أبو عــآرف .

لآ والله أنك صآدق بـ الذآت الشيء اللي مو متأكد من أنه معك أو تقدر إنك تعطيه كيف تعطيه .
مثل اللي يبيع السمك وهو بـ البحر .


:


يعطيك العآفيه على مصدآقيتكْ .
أختكْ : ريوفـ .
البارق99
23-01-2009, 08:28
ابد انتم ياحقين ارامكو تنسون العادات بعذركم من هالزغر اللي عندكم
تعال عندنا بسابك كل عادات شمر نطبقه عندنا منافسين كلن يقول حنا اطيب وحنا وحنا ومن هالخرطي
وكل مانسوي شي يتهولون ومن ظمن الاشياء اللي مستغربين منه انك تعزم وتقلط على طول يقولون وام العيال ماتدري ماخذيت شورها ؟؟؟؟؟؟؟؟؟
الزبده خلك وسط عندك شغل سلم واعزم بيوم تكون فاضي فيه وتعذر من الرجال انك مشغول عاد كل اهل هالديره فاهمين خلاص مشغول توكل على الله السعه موسعه يابن الحلال
ابو عارف
23-01-2009, 09:46
الا هذا من الطيب اللي عندنا
ابو عارف
لاتخليني اغير نظرتي فيك
وش فايدة الرجل اذا مافز باللي يجيه


عشت سالم يالقرم
---------------------
إلا غيرها أغدي هالحولت تتغير.

شكراً لطيب مرورك لاهنت.
ابو عارف
23-01-2009, 09:50
ههههههههههههههههههههه

:7ayyoh:

اي والله ياعمي حنا نقرد روحنا بانفسنا:puzzled:


ليتنا رحنا له ومن اوله افتكينا

تسلم عمي ابو عارف

.
.
---------------------------
كلكم تقولون لي ياعمي شكلكم صدقتوا إني شايب.
أنا يابنت الحلال والله إني سنة الكسوف جذع على أولي.

شكراً للموافقة على إن هذه العادة سلبيه وشكراً على الإضافة.

تقبلي تحياتي ياعطر المضايف لاهنتي
ابو عارف
23-01-2009, 09:56
والله هي زينتن شينه

بس وش تبي الواحد يسوي يعني لو إنه مارن خويك وعازمه ويوم عيا تركته بالله وش تتوقعه يقول
أكيد يبي يقول إنك تبي فراقه وإنك بخيل وماتبي تعزم أحد:za3lan:



أبوعارف
بالله إترك العربية الفصحى تكفى ياأبوعارف ههههههههههههههههههههههههه







واستلم سلامي

-------------------------------
ماقدرت أحذف من تعقيبك شين كله صح ياسناعيس قلبي أنت هالسناعيسو.

أبش بعزك بشأن اللغة
ابنهج أويق يم قاموسنا الخاص وجايك بآخر ماتوصلنا له من كلام محلي حلو.

شكراً لهالكشرة مالقيت أحلى منها في قاموسنا.

يخوي أنا لي عن حايل ولهجتهم مدة طويله وصرت مثل الغراب ألي ضيع مشيوه يوم قلد النعامه.

لاهنت يالعوزة.
ابو عارف
23-01-2009, 10:00
أفا يابوعارف .. هذا وأنت من نسل حاتم ..

يقول الأول :

الطيب يبقى والخساره بالأعمار ـــــــ والعمر لولا الطيب وش ينبغى به

ابوعارف هذا البيت ينسيك جميع مهامك إذا قمت بشيء من الطيب ولو كان على حساب وقتك ومالك وبيتك .. طبعاً بعد عون الله ..



تقبل مروري ..





------------------------------
مرورك عسل وكلامك صح يافتى البيداء
لكن تلقى لك واحد يأكل له سندويتش بيض باقي ربعه ويقول تفضل.

شكراً لمرورك العذب لاهنت.
ابو عارف
23-01-2009, 10:03
عمي ابو عارف والله عاد زميل العمل مالك لايم بس المصري دقتن تدق افموه مافيه عصير خلاص ياكل (ب...)
او تدري حتى زميل العمل ياكل (عدد 2 ب....) اذا عندي شغل قلعتوه هذا اللي والله باقي بغيت اقولك اطلع متلطم من البيت هههههههههههه

انا صوتي معك ياعمي ثلاث ارباع العادات والتقاليد لازم تتغير ......< سربوت لقى فرصه خخخخخخخ
------------------------------------
العيب ماهو فيهم العيب بالي يعزم على الفاضي بس مجرد لهجه عاده تفضل أو كلمة أي خدمه وإذا قلت نعم أبي تساعدني بهذي أو ذيك قال لا يابيي إسمحلي.


شكراً لك لاهنت على التعقيب الحلو بل منتاز.
ابو عارف
23-01-2009, 10:07
هههههههههههههههههههههههههههههههههههههههه

طرى علي ابووي هههههههه يرسلي وغداان ربعه يبيني اعطييهم حلااو وانا مكلفتن بهم امن اقووله مااعندي غمممضته امن يقووولي طييب عصصير امن اقووله مااابه امن يقوولي طييب لبن امن اقووله شرربته امس مع تمر امن يقوولي يااملا العرررس ماااااء مااااء
امن يشربوون ماء ويتووكلوون لابواانهم:)


صح الى الحيين يااعمي ماالقيت لي وظييفه بأرامكو:)

لو حقت تفتييش الجواالاات<< بعررس حشى:)
------------------------------
ههههههههههههههههه
أكيد أبوك أخوي من الرضاعه
ماهي أنتي ريتاج بنت فلان هذا هو أخوي وهذه العادة منتشرة بالمجتمع كله.
زين سويتي مع هالبزارين بس عسى الماء دبج وبارد بهالمربعانية.

شكراً لمرورك الرائع لاهنتي.
ابو عارف
23-01-2009, 10:11
^


ماقلت لوه تري مقاسي على السالفه :)






/ ابو عارف /




عاد صير طيب ماهو عاد كذا ....



يقرب لك رجلي :)
------------------------------
هلا بروح حايل ومسهلا
نعم يقربلي كلنا من مدرسة وحده
ههههههههههههههههه
هي تقرب لك زوجتي؟

شكراً لك لاهنتي.
ابو عارف
23-01-2009, 10:15
أبو عــآرف .

لآ والله أنك صآدق بـ الذآت الشيء اللي مو متأكد من أنه معك أو تقدر إنك تعطيه كيف تعطيه .
مثل اللي يبيع السمك وهو بـ البحر .


:


يعطيك العآفيه على مصدآقيتكْ .
أختكْ : ريوفـ .
-------------------------------
كلامك صحيح ياريوف
ياعنز بك من عيون ريوف في طلحة سايح ظله
لو أذبحك ما معي معروف تنقد علي كل خلق الله

شكراً لمرورك العذب والموافق لكلام الشويب لاهنتي.
ابو عارف
23-01-2009, 10:19
ابد انتم ياحقين ارامكو تنسون العادات بعذركم من هالزغر اللي عندكم
تعال عندنا بسابك كل عادات شمر نطبقه عندنا منافسين كلن يقول حنا اطيب وحنا وحنا ومن هالخرطي
وكل مانسوي شي يتهولون ومن ظمن الاشياء اللي مستغربين منه انك تعزم وتقلط على طول يقولون وام العيال ماتدري ماخذيت شورها ؟؟؟؟؟؟؟؟؟
الزبده خلك وسط عندك شغل سلم واعزم بيوم تكون فاضي فيه وتعذر من الرجال انك مشغول عاد كل اهل هالديره فاهمين خلاص مشغول توكل على الله السعه موسعه يابن الحلال

----------------------------------
دورلي بيت عندكم مؤثث وبنت حلال مضياف وجايكم.

والنعم والله بربعنا أهل سابك أنشهد إنهم كفو حاطينن هالبيوت المفتوحة الله يقويهم ويعزهم.

يايينكم.

شكراً لك لاهنت.
منصور الغايب
23-01-2009, 11:16
والله انك جبته يابوعارف ...


وهذا طبع فينا ..

والاصل بالماس انهم يعيون ..

لكن لا طحت لك بواحد مثل وجه ابن فهره ... وابتلشت فيه ..

فيه امور مجاملات معروفة ..

ويجب على الانسان انه يراعي صاحبه ..

ومثلها لا شاف واحد بيدك ساعة وقال لك حلوة وقلت تستاهله .. وخذاه وخلاك وهي جايتك هدية من حرمتك <<< صايرتبه :(


وغيرها كثير


لاهنت ياعم ويازين سوالفك
حمـود
23-01-2009, 11:16
عمي

ههههههههههه

والله انك صادز

صارت لي كثير

مع اخوياي العزوبيه

يفرحون باللي يقول اقلط
السنعوووسيه
23-01-2009, 14:07
عمي ابو عارف

امش معي لمضيف المطبخ ابي بلي ملعقه اشوف شغلي ههههههههههههه








الاماسالت عن محمود عقب عصير البرتقال الطايف ما تسمم !!ههههههه









عمي سوالفك ولا اروع يعطيك العافيه



عاطر ودي
*
ابو عارف
23-01-2009, 16:48
والله انك جبته يابوعارف ...


وهذا طبع فينا ..

والاصل بالماس انهم يعيون ..

لكن لا طحت لك بواحد مثل وجه ابن فهره ... وابتلشت فيه ..

فيه امور مجاملات معروفة ..

ويجب على الانسان انه يراعي صاحبه ..

ومثلها لا شاف واحد بيدك ساعة وقال لك حلوة وقلت تستاهله .. وخذاه وخلاك وهي جايتك هدية من حرمتك <<< صايرتبه :(


وغيرها كثير


لاهنت ياعم ويازين سوالفك
-------------------------
اليوم هذا والله إن هالشيء حصل معي يادافع البلاوي الناس هذي لاتعذر ولاتاوي.
جاني وقت الغداء وجلس عندي إلى الساعة 4:30 طفشت من طول الجلسة وقلت له انا معزوم بالجبيل 70 كيلو من رأس تنورة وقال معك والله إني ودي أعرف بيت الشعر الي يذكرونه بالجبيل فقلت له معي عائلتي فقال إذاً أمشي وراك بس لاتسرع وهو حارس ليل بأم الساهك ما أدري ويش يوديه الجبيل مشيت 199 وراح بالعجه الله يستر عليه.

عالم ماتفهم.

شكراً لك لاهنت
ابو عارف
23-01-2009, 16:51
عمي

ههههههههههه

والله انك صادز

صارت لي كثير

مع اخوياي العزوبيه

يفرحون باللي يقول اقلط
---------------------------------
هلا بحمود فعلاً ناس تحرج ناس بدون إحساس شف ردي على الغئب فوق وتعرف إنه مازال عندنا غجر.

شكراً لك لاهنت.
ابو عارف
23-01-2009, 16:54
عمي ابو عارف

امش معي لمضيف المطبخ ابي بلي ملعقه اشوف شغلي ههههههههههههه








الاماسالت عن محمود عقب عصير البرتقال الطايف ما تسمم !!ههههههه









عمي سوالفك ولا اروع يعطيك العافيه



عاطر ودي
*
-------------------------------
ويش سويت معك عاطل يالسنعوسية؟
اللي سير على اليوم شوفي سالفته بردي على منصور الغايب أشواء من الملعه.

شكراً لمرورك وحضورك الممتع لاهنتي.
ليلى بنت عبدالعزيز
23-01-2009, 17:49
انا واقفه عند الباب ..عمو ابو عارف
تقول لاتجون كلكم،، يمكن انا من عايله كلكم ونا مادريت
ادخل ...! ولا ارجع لبيتنا الهمام الجو برررد
الشبث
23-01-2009, 18:01
ابو عارف


ياخوك كثير العادات الشينه بنا


وعرض الشي وهو مهو موجود اعتقد انه مهايط هههههههههه





لاهنت على هالموضوع القيم





وتقلد تحيتي
ابو خلوف
23-01-2009, 18:25
انت الحين اخر عمرك وتعزم خلق الله على عصير تفاح وبرتقال



وين قهوتك يبو عارف



لايصير راده المصري
يـــوسف
23-01-2009, 19:04
عوذا ياخالي :(


لي نكسة :(
ابو عارف
23-01-2009, 21:51
انا واقفه عند الباب ..عمو ابو عارف



تقول لاتجون كلكم،، يمكن انا من عايله كلكم ونا مادريت
ادخل ...! ولا ارجع لبيتنا الهمام الجو برررد

------------------------------
حياك الله تفضلي ياليالي لكن خليني أشوف هو عندنا غاز أو لا.
قصدت بالعنوان أن هالسوالف ماحصلتش بس خايف تحصل.

مثل ذاك الي طارحن خصمه ويصيح يقول خايف من الإنقلابة.

شكراً لك لاهنتي
ابو عارف
23-01-2009, 21:55
ابو عارف


ياخوك كثير العادات الشينه بنا


وعرض الشي وهو مهو موجود اعتقد انه مهايط هههههههههه





لاهنت على هالموضوع القيم





وتقلد تحيتي
--------------------------------
هلاوالله وغلا بشبيثان
والله إنك صادق في كل ماقلت
الشايب عايش مع مهايطيه

شكراً لمرورك الفاخر لاهنت
ابو عارف
23-01-2009, 21:59
انت الحين اخر عمرك وتعزم خلق الله على عصير تفاح وبرتقال



وين قهوتك يبو عارف



لايصير راده المصري
----------------------------------
ياقشر لقافة بعض الناس ويش تبي بهالمواضيع تفتحهن؟
الله يسلمك محمود هذا عميل وأعرف مزاجه مايشرب إلا أزوزه.

شكراً لك لاهنت.
ابو عارف
23-01-2009, 22:09
عوذا ياخالي :(


لي نكسة :(
----------------------------
لا لا لاتروح تفضل تفضل ياشيخ متكي.
به فنجال والم ياشيخ عوذا كيف تمرنا ولاتقهواء الله يدفع البلاء.

مع السلامة لاتقاطعنا يالغالي.


لا أبشركم الرجال عنده شغل ومستعجل، يالله أركبوا بسرعه نروح لهالي عازميننا. ويش نسوي يابنت الحلال هذا عزيز علينا وبعدين جاي من وراء الشمس يعني بعيد خطوة.


طيب ويشبلاك تلزم عليه لو وافق وين نودي وجيهنا من جماعتنا الي يتحروننا؟

بسيطه نقول لهم خربت سيارتنا بس الرجال عيا يقلط على نياتكم ترزقون.

تلهلم بالتحية والتقدير
ليلى بنت عبدالعزيز
23-01-2009, 22:38
لايمكن نخليه هالعاده ابد
مرتن من المرامير
الوالد جعله بالجنه
وكنا معزوم لعرس وهاااا لحظات ونطلع هاااااه وراء باب الشارع
ويعزم واحد غثيث ويجلس ويتقهوى ويتعشى ويخلص العرس.. وجابوا ولد وهو ماطلع>> ادري اتسذب
واذا كان عندك ارتباط ويكلمون ويقلون ولموا القهوة والعشاء جهزوووه طع وسكر الجوال
طيب وانا ... مايصير ونمشيها على مضض
عاد عمي تقبل خربطتي انت الي عزمتني تحمل..ههههه
السنعوووسيه
23-01-2009, 23:14
اليوم هذا والله إن هالشيء حصل معي يادافع البلاوي الناس هذي لاتعذر ولاتاوي.
جاني وقت الغداء وجلس عندي إلى الساعة 4:30 طفشت من طول الجلسة وقلت له انا معزوم بالجبيل 70 كيلو من رأس تنورة وقال معك والله إني ودي أعرف بيت الشعر الي يذكرونه بالجبيل فقلت له معي عائلتي فقال إذاً أمشي وراك بس لاتسرع وهو حارس ليل بأم الساهك ما أدري ويش يوديه الجبيل مشيت 199 وراح بالعجه الله يستر عليه.

عالم ماتفهم.


هههههههههههههههههههههههههههههههههههههههه ههههههههه


ههههههههههههههههههههههههههههههه




ابو عارف والله مابك حيله خلاص متواسيه الدنيا عندك

الضاهر من كثر مادبلو تسبدك


طق الامبير عندك


والله يعينك على هالنوعيات










يعطيك العافيه









عاطر ودي
*
ابو عارف
24-01-2009, 07:04
هههههههههههههههههههههههههههههههههههههههه ههههههههه


ههههههههههههههههههههههههههههههه




ابو عارف والله مابك حيله خلاص متواسيه الدنيا عندك

الضاهر من كثر مادبلو تسبدك


طق الامبير عندك


والله يعينك على هالنوعيات










يعطيك العافيه









عاطر ودي
*
------------------------------
هلا والله بالسنعوسية ومرحبا بعد
والله إن الأعصاب مع الكبر صارت ماتحمل واجد.
بس الله يعين هذه العادات مارايح تنقطع وهي من إنتاجنا المحلي.

شكراً لك لاهنتي.
ابو عارف
24-01-2009, 07:08
لايمكن نخليه هالعاده ابد



مرتن من المرامير
الوالد جعله بالجنه
وكنا معزوم لعرس وهاااا لحظات ونطلع هاااااه وراء باب الشارع
ويعزم واحد غثيث ويجلس ويتقهوى ويتعشى ويخلص العرس.. وجابوا ولد وهو ماطلع>> ادري اتسذب
واذا كان عندك ارتباط ويكلمون ويقلون ولموا القهوة والعشاء جهزوووه طع وسكر الجوال
طيب وانا ... مايصير ونمشيها على مضض


عاد عمي تقبل خربطتي انت الي عزمتني تحمل..ههههه

----------------------------------
مثل ماقلت لك عين فراش وعين لحاف
الله يحييك يا أم حموده هذا ماهو بعيد عن رفيقي المصري محمود.

تري هرج العاقل يطيح نصفه

نعم نعزمكم إذا مريتوا مع شارعنا شارع الحمل بس لاتوافقون على طول قولوا مرة ثانية إن شاء الله.

شكراً لك لا هنتي.
سمااا
24-01-2009, 08:59
عوافي ...


يا زين سولافاتك زيناه .. يا عمي"


بس صدقني الكرم حلو ..

بجميع الحالات ..



تحياتي يا عمي ..
ابو عارف
24-01-2009, 10:08
عوافي ...


يا زين سولافاتك زيناه .. يا عمي"


بس صدقني الكرم حلو ..

بجميع الحالات ..



تحياتي يا عمي ..
--------------------
كلامك صح من ناحية الكرم
لاتمدحون السولافه ترو الشايب مثل الطفل يصدق.

شكراً لك يا سماء لاهنتي.