عبـدالعزيز الوادي
21-01-2009, 05:37
السلام عليكم ورحمة الله وبركاته
أحب ان اضع بين ايديكم ...
هذه الابيات ... التي اتمنى ان ... تحوز على رضاكم ..
http://www.te3p.com/vb/uploaded3/90768_21183067058.jpg
ياطير ارحم حالة العود لا تطير=عقب المبيت تهوم تبغى ارتحالي
يا طير هذي حالة العود يا طير= لامن رحلت تضيق فيه الليالي
بالامس ضاق وجيت له انت بعصير=وسليت خاطر عود مبطي ما سالي
وهو جماد ولا يعرف التعابير =شفه انحنى يبي ينكسر بانفعالي
هذاك عود وراجي الطير لا يطير= وانا بعد ما ابغاك ترحل يا غالي
يا الي ملكت القلب واعطيت تهجير= ناس(ن) لهم بالقلب مكان عالي
من بعد ماأنت حاذف الدلو بالبير= شلت الدلو ثم اصبح البير خالي
يوم الظما جيتن بكل التصاوير= تبي الروا مني وانا لك زلالي
وانا انخدعت وجيت من دون تفكير= واقول في نفسي زماني صفا لي
اوطا اشواك الحب في كل تقدير= واقطع دروب الخوف سود لحالي
كله لعينا واحد قلت هو غير= راح وتركني فوق ذيك التلالي
صبح وضحا والليل والظهر وعصير=والمغرب اللي فيه نشوة خيالي
ما غير اهيجن يقطع الصوت ويغير=اول نهاري لال واخره لالي
اطالع نجوم السما واسمع العير=تحن ترجي حوير(ن) تو جالي
يومه سمع ما خيب الظن بالخير= عود لها وحينه طرا اللي طرالي
ماعاد ابين ضيقتي للمسايير =اللي تجي وتقصر اطول احبالي
ولا عاد اهوجس وش ترى باكر يصير=دام البراد يخون عز الظلالي
يامطوح(ن) صوتك للاصوات تفسير= ما احد سمعلك كود ذيك الدلالي
انص الدلال وبهره خوش تبهير= وانس الهوى واهل الهوى للزوالي
واقدع من التمره ودوك القوارير= وامله قهر حزنك وشد الرحالي
واذا نويت تحير الدرب تحيير= امش بزعل ليله جفاها الهلالي
واذا تعبت من السفر والمشاوير=واعينك الاهات من دون والي
ازبن على الغربه بليا تشاوير= وابدا حياتك ناسي اللي مضالي
يا عمـري اللي راح كله معاسير =من وين ما وجهت ما لي مجالي
يا حيلي اجبر كسرة الوقت تجبير=لا تنكسر للوقت والوقت مالي
دامي انا ويا السحاب المزابير=بيـاتيكم الماطر يعـز المفالي
ودام الهوى يعشق ملاعب نواوير=لا بد ما ياتيك ريح الغوالي
جرح الزمن مهما كبر عندي صغير= لا ما غدالي شي لو هو غدا لي
ومادام تكرهني فبعدك لي اخــير= لاني ما احب اللي كره قرب جالي
ويا شين خدك يا اليالي المغابير =لك قبلة سودا عساها الزوالي
ويازين ماطر هالغيوم المباكير= ما كنها الا دموع حز(ن) رثالي
وحظ القلم حظه بحظن المحابير= ما كنه الا يقول كف العنا لي
ويا شين حظ العود حظه معيثير= عاش الحياه بمر ما ذاق حالي
حيث انحطب واهموم بقعا به اتدير= قالوا يبس والوقت بالعود طالي
يبـون شبـة نارهم للخطاطير= ويبون لا اشتد الشتا جمر صالي
حطوه وسط النار وهو يرجي الطير=والطير عنده مبرقع ما يبالي
اصعب عذابي خونة(ن) ثم تبرير= واصعب عذاب الشوق قطع الوصالي
عبدالعزيز الوادي ,,,,,
أحب ان اضع بين ايديكم ...
هذه الابيات ... التي اتمنى ان ... تحوز على رضاكم ..
http://www.te3p.com/vb/uploaded3/90768_21183067058.jpg
ياطير ارحم حالة العود لا تطير=عقب المبيت تهوم تبغى ارتحالي
يا طير هذي حالة العود يا طير= لامن رحلت تضيق فيه الليالي
بالامس ضاق وجيت له انت بعصير=وسليت خاطر عود مبطي ما سالي
وهو جماد ولا يعرف التعابير =شفه انحنى يبي ينكسر بانفعالي
هذاك عود وراجي الطير لا يطير= وانا بعد ما ابغاك ترحل يا غالي
يا الي ملكت القلب واعطيت تهجير= ناس(ن) لهم بالقلب مكان عالي
من بعد ماأنت حاذف الدلو بالبير= شلت الدلو ثم اصبح البير خالي
يوم الظما جيتن بكل التصاوير= تبي الروا مني وانا لك زلالي
وانا انخدعت وجيت من دون تفكير= واقول في نفسي زماني صفا لي
اوطا اشواك الحب في كل تقدير= واقطع دروب الخوف سود لحالي
كله لعينا واحد قلت هو غير= راح وتركني فوق ذيك التلالي
صبح وضحا والليل والظهر وعصير=والمغرب اللي فيه نشوة خيالي
ما غير اهيجن يقطع الصوت ويغير=اول نهاري لال واخره لالي
اطالع نجوم السما واسمع العير=تحن ترجي حوير(ن) تو جالي
يومه سمع ما خيب الظن بالخير= عود لها وحينه طرا اللي طرالي
ماعاد ابين ضيقتي للمسايير =اللي تجي وتقصر اطول احبالي
ولا عاد اهوجس وش ترى باكر يصير=دام البراد يخون عز الظلالي
يامطوح(ن) صوتك للاصوات تفسير= ما احد سمعلك كود ذيك الدلالي
انص الدلال وبهره خوش تبهير= وانس الهوى واهل الهوى للزوالي
واقدع من التمره ودوك القوارير= وامله قهر حزنك وشد الرحالي
واذا نويت تحير الدرب تحيير= امش بزعل ليله جفاها الهلالي
واذا تعبت من السفر والمشاوير=واعينك الاهات من دون والي
ازبن على الغربه بليا تشاوير= وابدا حياتك ناسي اللي مضالي
يا عمـري اللي راح كله معاسير =من وين ما وجهت ما لي مجالي
يا حيلي اجبر كسرة الوقت تجبير=لا تنكسر للوقت والوقت مالي
دامي انا ويا السحاب المزابير=بيـاتيكم الماطر يعـز المفالي
ودام الهوى يعشق ملاعب نواوير=لا بد ما ياتيك ريح الغوالي
جرح الزمن مهما كبر عندي صغير= لا ما غدالي شي لو هو غدا لي
ومادام تكرهني فبعدك لي اخــير= لاني ما احب اللي كره قرب جالي
ويا شين خدك يا اليالي المغابير =لك قبلة سودا عساها الزوالي
ويازين ماطر هالغيوم المباكير= ما كنها الا دموع حز(ن) رثالي
وحظ القلم حظه بحظن المحابير= ما كنه الا يقول كف العنا لي
ويا شين حظ العود حظه معيثير= عاش الحياه بمر ما ذاق حالي
حيث انحطب واهموم بقعا به اتدير= قالوا يبس والوقت بالعود طالي
يبـون شبـة نارهم للخطاطير= ويبون لا اشتد الشتا جمر صالي
حطوه وسط النار وهو يرجي الطير=والطير عنده مبرقع ما يبالي
اصعب عذابي خونة(ن) ثم تبرير= واصعب عذاب الشوق قطع الوصالي
عبدالعزيز الوادي ,,,,,