كبسة فقع صورت لكم غدانا امس فــقــع ..

[. أنا من أكون .]

http://www.shmmr.com/vb/picture.php?albumid=99&pictureid=1294


بسم الله نبدأ


مطبق الفقع أو كبسة الفقع اللي تبغونه سموه


ننقع الفقع بماي بارده لمدة لا تقل عن خمس ساعات على شان بسرعه يتنظف ويتقشر بسهوله


http://www.gulfup.com/uploads/12318038690.jpg (http://www.gulfup.com/)


طبعاً كل وحده والكمية اللي تبغاها انا مسويه كميه أنا وزوجي ووزع عالجيران
المقادير:
3 كيلو فقع
يد خروف مقطعه 4 قطع
4 كاسات رز بالكويتي عيش
7 بصل كبار مفروم مو ناعم مره
زيت للحمس
ماء مغلي
كركم وكاري وملح وفلفل اسود ولومي مطحون ودارسين عدل وقرنفل عدل
ملعقة سمن
الطريقة:
نحمس اللحم مع ثلاث ارباع كمية البصل بالزيت ورشة كركم وكاري ونحمس على نار هادية وكلما زاد الحمس صارت النكهه أحلى بس لا يحترق قاع القدر بعد نص إلى ساعه الا ربع من الحمس نصب الماي المغلي والفقع والدارسين والقرنفل
الملح بعد ساعه ونص نرشه على شان اللحم يصير ذايب


http://www.gulfup.com/uploads/12318038692.jpg (http://www.gulfup.com/)


وبعد ما يستوي اللحم نصفيه ونشيل اللحم على جنب والفقع لحال والمرق لحال ناخذ باقي البصل ونحمسه بمقلاة تيفال وبس يتغير لونه شوي نحط عليه الفقع المسلوق ونحمسه ونرش عليه الفلفل الاسود واللومي المطحون


http://www.gulfup.com/uploads/12318038693.jpg (http://www.gulfup.com/)
http://www.gulfup.com/uploads/12318038691.jpg (http://www.gulfup.com/)


بعد ما نقعنا الرز بماي حاره شوي وملح لمدة نص ساعه نصفيه
ونحط شوي زيت بقدر لمن يحمى نصب عليه مرق اللحم وطبعا هالحركه هي سر طول حبة الرز بس بعدوا عن القدر لا يطير عليكم زيت وعلى نار عاليه الى ان تنشف المويه ونحط اللحم على جنب


http://www.gulfup.com/uploads/12318038694.jpg (http://www.gulfup.com/)


والفقع عليه ونغطي القدر على نار هاديه مرره لمدة لا تقل عن نص ساعه الى ساعه على شان يتشرب الرز ريحة الفقع بالفلفل الاسود واللومي


http://www.gulfup.com/uploads/12318038707.jpg (http://www.gulfup.com/)


ولا تنسون الاساس رشة سمن من فوق بس للريحه لا تكثرون ملعقة وحده
بالاضافة إلى


http://www.gulfup.com/uploads/12318038705.jpg (http://www.gulfup.com/)
http://www.gulfup.com/uploads/12318038706.jpg (http://www.gulfup.com/)


دقوس ومعبوج نوعين اجار المنجا
سلطة
تمر
ولبن بالنعناع



وتمنيتكم معانا امس تشاركوني انا وزوجي الغداء ..


بس ولايهمكم كل ما طبخنا فقع بصوره لكم وبخليكم بس تشوفون غدانا ههههههههه:solh:

[هند القاضي]

الله شكله مشهي جداً ولذيذ:thumb:


تسلم إيدج roooose

[سلمان النبهان]

عليكم بالعافية وعرض مميز لوجبة فاخرة
واحسن شي ان الغداء وقته قريب والا علوم
تبين الصحيح انه عرض شهي مره
الله يعطيك العافية على الطبخ الحلو هذا

[سلمان النبهان]

اقول ممكن سالفة المعبوج ومقاديره وانواعه
وطريقة اعداده في موضوع مستقل ..

[السنعوووسيه]

روووووووووووووووووعه



يعطيتس العافيه
شـكــ وبارك الله فيك ـــرا لك ... لك مني أجمل تحية .

[بنت الجبل آخت القصيد]

يبي له قعده ونص

يعطيك الف الف الف عافيه

وتسلم يدينك على هالطبخه


.
.

لاهنتِ

[لوليتا]

*
*


شوفى انا


الاكلة شكلها شهى وحلو كتير
والمقبلات معها خطيرة

بس يطلع ايه الفقع وموجود بمصر ولا لا واسمه ايه لو موجود

مدرى اتصرفى عاد


تسلم يدينك
وبالف هنا وصحة وعافية على قلبك انتِ وزوجك


تشكراااات

*
*

[المتوقد]

والله يالربع ذبحن الجووووع>>>>اللحم شكلوووههه يجننن ومع فقع
أحد يالربع عنده فقع للبيع؟

اكله شهيه >>>أنا ذبحني الجوع من هااالحين

السؤال اللي يطرح نفسوووه:
الفقع منين جبتوووهه :)

[المتوقد]

*
*


شوفى انا


الاكلة شكلها شهى وحلو كتير
والمقبلات معها خطيرة

بس يطلع ايه الفقع وموجود بمصر ولا لا واسمه ايه لو موجود

مدرى اتصرفى عاد


تسلم يدينك
وبالف هنا وصحة وعافية على قلبك انتِ وزوجك


تشكراااات

*
*




هي نبته أو ثمره من غير زراعه
تنبت في موسم الربيع مع الامطار الموسميه مثل البطاطس لكن من غير نبات
اسمها في اللغه العربيه " الكمأه "

طبعا ورد فيها حديث شريف حينما قال الرسول صلى الله عليه وسلم
وماؤها شفاء للعين

طبعا توجد على سطح الارض بالشكل هذا بشكل عشوائي

http://www.arb-up.com/files/arb-up-2008-6/iTJ86829.jpg

وهنا
http://www.arb-up.com/files/arb-up-2008-6/VSS86897.jpg

ومن ثم تحفر بأي قطعه من حديد أو باليد هنا مثلا
http://www.arb-up.com/files/arb-up-2008-6/Eo186864.jpg
http://www.arb-up.com/files/arb-up-2008-6/0Tt87127.jpg

ويجمع بالشكل هذا
http://www.arb-up.com/files/arb-up-2008-6/cbp87280.jpg

ومن ثم يؤخذ الى المطبخ ويغسل ويطبخ بالشكل السابق

طبعا يوجد في الاراضي المغربيه يبيعونه في الخليج وربما يوجد مصر ولييا


>>وخلاص

[صعوة فسفورية]

والله ابداع وست بيت ناجحة مشاء الله بس اش هي سلطة التمر ممكن تعطينا المكونات


تسلم ايدك ياست الكل < مصرية هههههههههه

[هايس الشمري]

والله كبسه محتررررمه..!



الله يجيب الربيع و الخير ان شاء الله..!



الف شكر..!

[. أنا من أكون .]

الله شكله مشهي جداً ولذيذ:thumb:






تسلم إيدج roooose




يسلم قلبج هنوده والله كنت اتمني تشاركوني الاكل مو بس الشوف

عطرتي موضوعي بمرورج الحلووو ..

[. أنا من أكون .]

عليكم بالعافية وعرض مميز لوجبة فاخرة
واحسن شي ان الغداء وقته قريب والا علوم
تبين الصحيح انه عرض شهي مره
الله يعطيك العافية على الطبخ الحلو هذا




هلا والله ومسهلا يلااا ان تحيه اقلط اقلط الغداء لزوم يتسوي يا طويل العمر ..

الشهي هو تعليقك طال عمرك والله يعافيك بخصوص طلبك ان شاء الله قريب انزل موضوع بخصوص المعبوج وخلافه وهلابك مليون اسعدني تعليقك ..

[ابو خليف]

وين بيتكم بصير واحد من جيرانكم

وكل ما طبختو ترشلون لي طعمه

ههههههههههه

[عبدالله المهيني]

حرام عليكم




حرام عليكم




حرام عليكم






حرام عليكم الحين هذا غداكم
ولا عزمتوني مايصير :)



عافيه على قلوبكم

[ماجد]

الا ايها الليل الطويل الا انجلي بصبح وما الاصباح منك بأمثلي
^
^
هذا الادمي قد راح فيها

ماشاءالله طبخة مابعده
الله يوفقك
شكرا يالي مدري وش تكونين

[عجايب بنت الشايب]

ووزع عالجيران



ليتنا جيرانكم :( >> بابكي



قسسسم مو حلو الواحد ينزل مواضيع مثل كذا تبكي




الحمد لله على كل حال >>> :)



وعافيه على قلبوكم يااخيّه ..



والله يجيب الفقع بالسكاريب ماهو بالدراهم

[ريال الفسحه]

بصم الله على النعمه مايصلح
<---- ايه هيّن منقهر :)


هني وعافيه