المساعد الشخصي الرقمي

مشاهدة النسخة كاملة : تصيح من وضعك


ابو مشاري الشمري
07-07-2002, 20:36
وافق معي..وأرفق بشخص لكم طاع=والطف بذات ينتظر لطف ذاتك
الحق غريق..في بحرحبكم..ضاع=وأنقذ حياة..اللي تهمه..حياتك
تصيح من وضعك..وأنا أعيش بأوضاع=أخفهن لو جاك..سبب..وفاتك
عطني شقى عمرك..وهمك..واأوجاع=خوذ السعادة..وأعطني مشكلاتك
وأحرق بقلبي..وأترك القلب يلتاع=ولا تترك.......يحرق شفاتك
الله خلق..وبك خلق..سر الأبداع=ملاك ماأحدبه صفه..من صفاتك
يأعز..وأغلى..خلق ربي على القاع=وشلون أنا..أسهر منك وانت بمباتك
أنا وفي..ويوم الوفاء..يالغضي ضاع=وأبغى وفاء..وأعطيك كل أمنياتك
أموت منك..ولك ترى القلب..ماباع=وأبعث بعد موتي..معي..ذكرياتك

منصور الرمالي

تحياتي لكم
الأسطورة
11-07-2002, 16:58
تسلم ايدك على هالقصيدة الرائعه
ونطمع بالمزيد
تحياتي
فلاح السعد
14-07-2002, 17:14
هلا واللــــــــــــــه وغلا براعي القصايد الزينه :)


هلا والله ببومشاري


اجمل من الجمال اختيارك


بس عندي طلب لو سمحت


يعني لو بالموضوع تكتب مثلاً القصيده الفلانيه للشاعر الفلاني


بحيث ان اللي يحب الشاعر هذا يدري ان هالقصيده له ويعنى من شانه



وشكراً ياعسل


اخوك فلاح السعد
ابو مشاري الشمري
30-07-2002, 02:14
أبشر أخوي فلاح تآمر آمر
العذب
30-07-2002, 04:15
يأعز..وأغلى..خلق ربي على iiالقاع وشلون أنا..أسهر منك وانت بمباتك



الله يعطيك العافية اخوي على هالروائع النادرة


وعلى المحبة ,,,
ابو مشاري الشمري
30-07-2002, 20:21
أخوي العذب
تسلم على أستمرارك وتعقيبك لمشاركاتنا
ghazim
01-08-2002, 14:07
أخوي ابو مشاري انت والله أعلم لك اطلاع على الشعر قديمه والحديث ياليت يا ابو مشاري تتحفنا بشعر يتعلق بالعادات الحميدة والخصال الطيبة .
ولك مني الشكر بعد الشكر ويمال العافية.
ابو مشاري الشمري
02-08-2002, 04:43
ghazim
هلا اخوي ابشر انشاءالله والشباب ماهم مقصرين بهالمضيف اطلب تجد الله يعطيهم العافيه.
اشكرك على تعليقك وتعقيبك تسلم
ابو مشاري الشمري
11-08-2002, 06:55
ألغالي الأسطورة
هلا ومرحبى بك يالغالي يأبن الغالي
أشكرك على مشاركتك وآسف على تآخيري
مشاغل ومشاكل أعذرني
وبعدين أمون علياك (بكيفي)

أبو مشاري خـــــــــــــالك والخال والد.
أشكرك مرة ثانية