هالرجال حكيم و لا نذل .. ؟!

[أهداااب]

مرحبا فيكم جميع ..:7ayyoh:




البارح كانت سهرتي أنا و أختي في المطبخ للأمانه مو قرامه

نطلع من الثلاجة و نحط على الطاولة قرقر قرقر طول الليل :)



عاد سوالف الليل أستر يا ستار تطلع كل المستخبي نستلم العالم واحد ورا الثاني

و نختمها بكفارة المجلس .. :qannaj:



قالت لي أختي سالفة لصديقتها و أبي منكم أنتم تحكموا أذا هالرجال حكيم أم نذل ..



بشرط أذا جيتوا تقصوا السالفة قالوا :


قالت أهداااب أن أختها تقول أن صديقتها عندها خال :)


هالخال المسكين متزوج و على قد الحال


و الله بلاه بمره صغيرة عقل كل شيء تشوفه عند الناس تبي مثله



يوم من الأيام أنعزموا على زواج


هالزواج ما يقرب لهم كثير ..


فلبست هالمره لبس عاادي يعني ما تكشخت حيييل وراحت ..


لما وصلت القصر ..




شافت البنات و عقلها يطيرررر :a:



الله الله وش هالزين لا أنا مستحيل أكون أقل منهن و لا هن أحسن مني


أتصلت على رجلها قالت : فلان



قال : سمي


قالت : بسرعة تعال نسيت شغله ضرورية بالبيت


و المسكين جااا بسرعة صدق



لما ركبت السيارة قالت ودني أقرب مشغل أبي أسوي شعري انا مو أقل منهن



قال : يا بنت الحلال ما معي و الله قروش كل اللي معي عطيته عينيه للمعرس



هي تصارخ عليه ما أرجع إلا تودني مشغل ما ابي ما ابي :)



قال : أصبري أصبري .. ممكن نحصل بالبيت



و صلوا البيت قال لها : أنزلي تحصلي بالدرج مبلغ و قدرة و أنا بحتريك هنا بالسيارة



و طلعت تدور الفلوس وتدور وتدور



تنفض الثياب .. و تفتح الدروج درج درج



ما في شييي:a:


نزلت تبي تسأله










حصلته مشااااااااا:a:






تتصل عليه ما يرد :a:




و بلا عرس بلا مشغل قضت اليلة بالبيت و تبكي على حضها المقرود



يا مسكينة و الله أنها كسرت خاطري :za3lan:








تعتقدوا أن هالرجال بتصرفه هذا نذل و لا حكيم


بالله جابوا على السؤال بدون حيادية ..:)





و سلملم ..

[سلمان النبهان]

الا كله حكمه وعقل يازين الرجال وتصرفه
ولو واحدا هنا بالفله متزوج قلت انه هو
الا رجعتوا الحاجات بالثلاجة والا ...لا
وبعدين هذه سالفة اختك ماسمعنا سالفتك انت ياهديبااا

[ابو عارف]

لا الرجال تصرف بحمكة ورجولة واعطاها درس في لكل عرس.

أجل يقضي ليله ينقلها من مشغل لمشغل؟

سلميلي على خال خويت إختك ياهديبا.

شكراً على هالسالفة الي قلتيها بقول إختك عن صديقتها رضي الله عن الجميع.

[السنعوووسيه]

هههههههههههههههه


هدوبه تبين الحق انا لو مكانه سويت الي سواه

هالمره مثل العنز الي ما تلد الا بالشطه ههههههههه

شوفي هي الصراحه معه حق تكون مثله مثل غيره .....بس بحدود هي تشوف البير وغطاه..

يعني من الاساس ماله داعي حركته ورجعته... والزوج يكفي انه تعذر..

ونتي قلتيه بالبدايه عقله صغير..


لو كان الزوج نزله وكشت به , وهو لوه قدره ياخذه للمشغل هنا يكون نذل



الصراحه رجل



يعطيك العافيه هدوووووبه الا وش عندكن راثعاتن بالثلاجه نصوص اليل هههههههه


شـكــ وبارك الله فيك ـــرا لك ... لك مني أجمل تحية .





















عاطر ودي
*

[أحمد]

لا لا مالوه حق يا اهداب خال خويت اخت جارت عمت خالتتس وماهو والحكمه ولايف المفروض انوه خلاهـ تروح للمشغل وتزين ويامنه تزينت يوديه يم البيت ويخليه تقلب جدايله بالبيت لحاله بلا عرس بلا قلق وبعده يروح ويخليه بالبيت



وش هالمره اللي تبي رجله يقعد يشحذ عند بيبان المساجد خخخخخخخخخخخخخ



ياسلام على القصه اللي نهايته سؤال ولكم عندي قصه هاليومين مثل هدوبه آخره
سؤال












والله انه قصه فله شكراً اهداب

[ابو خلوف]

وانتي الحين يقالتس تشاورين




هذي حكمه ورزانه عقل وحسن تدبير وتصرف وقت الازمات





وبدون اي حياديه وعنصريه :)

[ماجد]

النذله والله زوجته ولا هو عرف كيف يتصرف

[صلفيق]

هههههههههههههههههه

ياليت اللي يعرفه .. تسان رحت وحبيت خشمه


هدوبة ... الا والله عين العقل والحكمة اللي سوى !
وأي عاقل مكانه .. أقل مايسوي اللي هو سواه .

ياعله مايشوف شر ويسلمه ربي ويخلي له عياله .



احتراماتي لك اهدااااب

[ريتاج]

هههههههههههههههههههههههههههههههههههههههه ههه

يااملي شلوون وجهه وهو مااشي وتااركه وهي وهي مندبلتن تسبده تدوور بالدرووج

ههههههههههههههههههههههههههه

هي صرااحه المفرووض من اووله راايحتن للمشغل وشووله تدق عليه يررجعه

والله متسدين به ههههههههههههههههههه


بس والله انه كااسرتن خااطري...


هدووبا لا تكوونن حشيتن بي لان اذني تصفر ذااك اليووم ,,


حطي عيينتس بعييني اهاااااااااااا اهااااااااااااااا


ههههههههههههههههههههههههههه


مشكووره هدووبا عالساالووفه



شييييييييييييع

[ابو راكــــــــان]

نعم انا اشووووووووفه تصرف جميل ومن شخص

لا تملكه الا الحكمه

وبما انه قال لها انا ما معي شي

هي ماتفهم

خلاص مامعي شي مامعي شي............اجل شنو معي شي

وبصراحه حركه حلووووووووه

ابي اجربها على المدام

[εïз خزامى εïз]

مزدين فيهآ رجآلهآ
هي من الاساس تحط قاعده
لكل زواج وحفل تتزين وتتضبط
الاقارب لهم تميز اكيد
بس المعارف بعد من اول متزينه
اجل ناس ماتشوفهم كتير تروح عادي كذآ؟
ماله دآعي رجعني للصالون ابتزين
بدري يالطيبه؟
ووهـ بس ياهو عرف يجيبهآ ههههه
ماعليكـ منهآ هدووبه
بتهيم به زيآده عقب حركته هذي :)
ههههههههههههههههههههه
القطو يتبع خنآقه
هههه
سالفه حلوووهـ
بروح اقولهآ لماآمآ ههههه:)
ميرسي

[حمـود]

لا حكيم ونص

اجل وش يسوي به

ازين من انه يرثع به ويتوطا صوابره

[أم قرينات]

هـــو حـــــــكيم:) وهـــــي داجـــــــهn)

[يـــوسف]

تسان مطلقه أبرك له :)


هو خبيل وهي خبيله يعني كلهم منسمين :)



لاهنتي ياأهداب

[ليلى بنت عبدالعزيز]

هذا الرجال ولابلاش خله يربيها..
الحريم مايعطن وجه ولا يصيرن طاغيات..

وش مسهرك انت وختك..هاه >> ماتقولون حصيصه ضعيفه تصككها العواير تدور احد تكلمه

[شامان]

مرحبا اهدااااب


صراحه الرجال حكيم ... وزين منه متحملها وما تصرف تصرف ثاني


وزين ما وداها بيت اهلها على هالعقلية . . . ان شاء الله تكون


درس على حسن التصرف وهذا دليل حكمته وصبره عليها


شكرا اهداااب

متى السهره الثانية علشان نتوقع سالفة ثانية

[روح حايل]

الا رخمه ماقدر يقول بوجه مرتوه شين :)


اهداب وش كنتم تزورطون:)

[حيل حليل]

الا نذل وعم النذاله بمعنى اصح
ياخي حرام يكسر خاطر المسيكينه
وش ذنبه المره اذا تزوجت واحد مطفر
ياخي المفروض يحس بشعور المرأه
آآآآآآآآآآآآآه ( فيس مشجع نصراوي)
المشكله انه يعتقد انه بهذي الحركه
انه حكيم وانه الواد الذي تقوطر من فمه الحكمه
اخس على رجالة هذا الزمن
<<<<<<< هوايته المشي عكس التيار

انا ومن هذا المنبر الطاهر الشريف
اطالب بفتح باب تحقيق في هذه المسأله
<<<<<< الحبيب يحسب انه بمجلس الامه

وفي الاخير لايسعني الا ان اقدم بالغ حزني
لأختي المغلوبه على امرها واقول لها لاتقلقي نحن معك قلبا وقالبا

فلتسقط الشعارات ولتسقط اسرائيل معها
<<<<<< من الحماس وده يحرق علم امريكا

[غالب]

ألا تصرفن حكيم وزعيم ورئيس ومستوطن وإن بغيتي جندي أول بعد:)
بس لو إنه مسوي أكشن ومطلقه كذا يعني بالثلاث وإن حصل مرنجفه بالسياره ومبهذله وحايس جدف أمن جابته:)



يوسف وش جاك منجضع ومقابلن هالشمس تر مابه بحر بالرياض:315r:


واستلمي سلامي

[اورنس]

كلهم سبايك

المفروض من رجله يوديها لبيت ابوه

ويجحده يومين وهكا الساعه تتوب ما تروح لعرس ولا تبلشه..

[ريال الفسحه]

اقسم بالله قليل :)

[منصور الغايب]

هلا هديبا ...


اعتقد انه مخطئ ..

فيه طرق كثيرة احسن من الطريقة اللي سواه ..


بس هو يبي يتخلص منها هالليلة .. وما يبيها تتعلم ..


ما فيه احسن من الحوار والتعليم والتأديب ..

اما مثل هالحركات يمكن تنغص الحياة الزوجية ..


والا شرايك ؟؟ :)


ماشاء الله علي .. خبرة 6 شهور زواج قاعد انثرها هنا على جنبات الفلة :)

[عبدالمجيد الشمري]

والله انه فعل ما لم يطري لي ببال ..

ذلكـ الرجل اعتقد انه مثااااال حي لكل زلابه

ما يهش ولا ينش ..


موضوع رائع بانتظارك ,,


الأشـمـل