أحمد
12-01-2009, 18:08
بسم الله الرحمن الرحيم
يالربع انا عندي لكم سالفة مدام موش قتح مجال السوالف القديمة وتجاوب شبيثان على طول
تبداء القصة يوم رحت مع ابوي يم واحد من خواله بدوي بالنفود
الموقع حول تربه والشعيبة
وكان وقتها معي (اخطبوط صغير) :a: :a::a:(قويه صح) بس زي المتكي
الوكاد جينا العرب وياهلا ويامرحبا وذبحولنا ذبيحتين [بدا المهايط]
بعد العصر قامو الشيبان يسولفون بالبل وراحوا من عندنا
معنا يالجثري قلت لا ابي العب كوره
جلست وكان عندي ولد بعمري وفيه ناقة هدية عند البيت (هدية = اخلاق مرتفعة وتصرفات متزنة) عاد هدية او اكله بكل الحالات انا منخرع منه بس هالطعس اللي عندي عادي يروح للنافة وماعندة مشكلة !!!!!
بعد نص ساعة وصلت لمرحلة طيبه ادخل بين يدين ورجلين الناقة ولا تقول شي يلعن ام الوناسة
ساعة ثانية والوضع اني مسكت الولد حارس واشوت عليه بلنتيات والباب طبعا يدين ورجلين الناقة ( خرمان كورة )
شوي ياهاذا صوت معزبة البيت (اسكنوا اسكنوا ياغويش) على طول الطعس خويي راح وجلس عند النار مسوي راعي معاميل هو ووجهه
قبل المغرب بساعة وشوي ابو جثير وصل لمرحلة انه يسوي حركة طرزان على ذنب الناقة (اعزكم الله)
بعدها رجعت لصديقي الطعس وقمت انصب عليه انواع النصب وهو مصدق
شوي الا والله فيه مجموعة بنات جايين باتجاه اهل البيت اللي انا عندهم:d: :d:
ابو جثير على طول ارتفع امبير النذخة عندة وثواني الا انا عند الناقة (يعني مااخاف)
بس الوقت كان وقت غروب والناقة تشرب من الحوض والملعون الطعس خويي ماقالي ان هذي ماهي حزت لعب عند الناقة الوكاد ان الخطه اللي سويته بسيطة كالتالي:
دخول بين اليدين والرجلين وحركة طرزان وحدة
وانا انفذ وياعله ماعدت البدايه تسديده من الناقه بالقدم اليسرا وانا اتكوم بالقاع ومن هول الصدمة ماعندي اي ردة فعل انتظر بس .......
وهي تقوم تهابد الناقة ومعزبة البيت تصيح (ياخيويني افزعوا النافة ذبحت الوغد)
ربي يابعد حيي ... وانا آخذ هاتس ( مادٍ يدوه على طوله)
يعني صلقط رجليك يالجثري
اول ماتحضنن الطنب بالحلق يانا من امس على ضهري والله يطري علي (سبلكس هلك هوقن)
واقوم وافرك شوين يوم نطحنن هالكالبعارين قلت بس هذولا فزعة للناقة وانا انسفه يمين مع قليل من الجعير
اثاري هالبعارين يسوقونهن ابوي وخاله على الجيب
بس وين المخ اللي يبي يستوعب شويين يوم قام يبرالي الجيب وهذا صوت ابوي (جثري جثري ياملا البلش لاتجفل البل) ثواني وانا احلل السالفة براسي وهي تطلع عندي (لاتجفل البل= لاتوقف لهن ياكلنك)
وهو يزيد الجعير الله يجيركم مع قليل من زيادة في السرعة ليين طبق ابوي على رجليه ومسكن وانا انصفر من التعب والخرعة ولا اصحي الا وحنا متعدين بقعاء وجهنا لحائل
الوضع وقت الصحيان داخل السيارة اللوحة تقول حائل 50 كم وابوي يقول وشبلاك ياوغد ياملا الرعاب قلت مابي شي قال وشو اللي يركضبك وسط هالعربان جعيرك يسمعوه اللي بالدمام
تلفتت للسيارة مامعنا لا الولد الطعس ولا اموه الله يقطعة ولا البنيوات اللي نكبنن
قلت : ادور الكورة
قال كلمة مافهمته الا بعدين:يقول : لك علي ياوجه الرقيعي ماننام الليل انا وامك ياما نتعوضبك
ودمتم
يالربع انا عندي لكم سالفة مدام موش قتح مجال السوالف القديمة وتجاوب شبيثان على طول
تبداء القصة يوم رحت مع ابوي يم واحد من خواله بدوي بالنفود
الموقع حول تربه والشعيبة
وكان وقتها معي (اخطبوط صغير) :a: :a::a:(قويه صح) بس زي المتكي
الوكاد جينا العرب وياهلا ويامرحبا وذبحولنا ذبيحتين [بدا المهايط]
بعد العصر قامو الشيبان يسولفون بالبل وراحوا من عندنا
معنا يالجثري قلت لا ابي العب كوره
جلست وكان عندي ولد بعمري وفيه ناقة هدية عند البيت (هدية = اخلاق مرتفعة وتصرفات متزنة) عاد هدية او اكله بكل الحالات انا منخرع منه بس هالطعس اللي عندي عادي يروح للنافة وماعندة مشكلة !!!!!
بعد نص ساعة وصلت لمرحلة طيبه ادخل بين يدين ورجلين الناقة ولا تقول شي يلعن ام الوناسة
ساعة ثانية والوضع اني مسكت الولد حارس واشوت عليه بلنتيات والباب طبعا يدين ورجلين الناقة ( خرمان كورة )
شوي ياهاذا صوت معزبة البيت (اسكنوا اسكنوا ياغويش) على طول الطعس خويي راح وجلس عند النار مسوي راعي معاميل هو ووجهه
قبل المغرب بساعة وشوي ابو جثير وصل لمرحلة انه يسوي حركة طرزان على ذنب الناقة (اعزكم الله)
بعدها رجعت لصديقي الطعس وقمت انصب عليه انواع النصب وهو مصدق
شوي الا والله فيه مجموعة بنات جايين باتجاه اهل البيت اللي انا عندهم:d: :d:
ابو جثير على طول ارتفع امبير النذخة عندة وثواني الا انا عند الناقة (يعني مااخاف)
بس الوقت كان وقت غروب والناقة تشرب من الحوض والملعون الطعس خويي ماقالي ان هذي ماهي حزت لعب عند الناقة الوكاد ان الخطه اللي سويته بسيطة كالتالي:
دخول بين اليدين والرجلين وحركة طرزان وحدة
وانا انفذ وياعله ماعدت البدايه تسديده من الناقه بالقدم اليسرا وانا اتكوم بالقاع ومن هول الصدمة ماعندي اي ردة فعل انتظر بس .......
وهي تقوم تهابد الناقة ومعزبة البيت تصيح (ياخيويني افزعوا النافة ذبحت الوغد)
ربي يابعد حيي ... وانا آخذ هاتس ( مادٍ يدوه على طوله)
يعني صلقط رجليك يالجثري
اول ماتحضنن الطنب بالحلق يانا من امس على ضهري والله يطري علي (سبلكس هلك هوقن)
واقوم وافرك شوين يوم نطحنن هالكالبعارين قلت بس هذولا فزعة للناقة وانا انسفه يمين مع قليل من الجعير
اثاري هالبعارين يسوقونهن ابوي وخاله على الجيب
بس وين المخ اللي يبي يستوعب شويين يوم قام يبرالي الجيب وهذا صوت ابوي (جثري جثري ياملا البلش لاتجفل البل) ثواني وانا احلل السالفة براسي وهي تطلع عندي (لاتجفل البل= لاتوقف لهن ياكلنك)
وهو يزيد الجعير الله يجيركم مع قليل من زيادة في السرعة ليين طبق ابوي على رجليه ومسكن وانا انصفر من التعب والخرعة ولا اصحي الا وحنا متعدين بقعاء وجهنا لحائل
الوضع وقت الصحيان داخل السيارة اللوحة تقول حائل 50 كم وابوي يقول وشبلاك ياوغد ياملا الرعاب قلت مابي شي قال وشو اللي يركضبك وسط هالعربان جعيرك يسمعوه اللي بالدمام
تلفتت للسيارة مامعنا لا الولد الطعس ولا اموه الله يقطعة ولا البنيوات اللي نكبنن
قلت : ادور الكورة
قال كلمة مافهمته الا بعدين:يقول : لك علي ياوجه الرقيعي ماننام الليل انا وامك ياما نتعوضبك
ودمتم