المساعد الشخصي الرقمي

مشاهدة النسخة كاملة : إفزعوا للشايب عدو عجايب


ابو عارف
11-01-2009, 22:25
سلام عليكم بعد طول غياب

كيف حالكم يالقاطعين ؟ كيف الله يدفع البلاء بغت تقضي علي الكحة ولافيه واحد سأل أو قال الحمد لله على السلامه مع إنني ذكرت ذلك في بعض ردودي على بعض مواضيعكم يعني يهون عليكم شايبكم إلى هذه الدرجة وإلا إعتبرتونن مثل لبن المراعي الي منتهي مفعوله؟

خويي الي كنت أشتكي منه بسبب عزائمه للناس على الناس خويي ذاك الإجتماعي الي يجيك ثم يتصل على باقي الربع ويقول لهم القهوة والقدوع الصاخن عند فلان أو ابو فلان من شدة الأدب والإحترام تعرفونه قلت لكم عنه من قبل .


ماعينت إلا هو في هذه المرضة التي المت بي مادريت إلا التلفون يدق هلو هلو مرحبا فلان وينك الربع متواعدينك الليلة ، قلت كح كح كح والله يافلان إنني مريض طايح من هالكحة ولا أستطيع الكلام من شدة هالقحة ولاحتى الصلاة بالمسجد.

فقال لا لا بأس عليك ماتشوف شر إسمحلنا والله ماعلمنا بمرضك لا لا مسافة الطريق والربع كلهم عندك مايصير يخوي الصديق وقت الضيق .

خمس دقائق والربع كلهم على الباب سلام سلام ماتشوف شر الشر مايجيك طيب طيب إن شاء الله كح كح كح آآآآآآآآآآآه واصدري تفضلوا للمجلس إقلطوا ياهلا بكم وسهلا كح كح كح آآآآه
قال خوينا ترني مابغيت أخوفهم على صحتك وقلت لهم ابو فلان شاب لكم وأنت هالحين تدلل أنا بالخدمة أطلب الي تبي للربع وإزهل الباقي .

جلسو ا تقهووا وقال خوينا تدري يا أبو فلان أن كحتك هذه ما تبراء إلا بشيء واحد ، قلت وشو هذا الشيء ؟ قال لحم رخلة طلية ماعلاه الفحل جذعة وأنا أخبر من هي عنده وأعرف كيفية طبخها وماعليك إلا أن تعطيني تسعمائة ريال والقابلة أجيبه لك ونطبخها سواء وترشف من مرقها بالمدحرج والباقي يأكلونه الربع يستأهلون .

قل تم قلت تم هذي 900 ريال ويوم جاء العصر هلو قلت نعم قال راعي الطلية رايح للبر وأشتريت صخلة ثنية حايل 650 وبكرا إن شاء الله يجي راعي الطلية قلت يمكن تكفي الصخلة ، فقال أفا عليك يا أبو فلان تبخل على نفسك مافيه أهم من صحتك والله إلا تموت إن ما تعالجت بهالطريقة والحمد لله ماضايع شين الي ماتأكله يأكلونه الجماعة.

قلت زين جاء الليل وجا العشاء ومعه السوب المرق بالمدحرج يتدحرج ورشف وكح وشفط وكح حتى تعبت تعشوا الربع فقام أخينا ونبه عليهم القابلة العشاء هنا عند ابو فلان على الطلية وطلب زيادة الف ريال مع الطبخ له واسطة.

وبالليلة الثالثة زهم وقال يا أبو فلان وشلونك الليلة نجيك بعد العشاء نونسك ، قلت لا لا والله إني مثل الغزال كح كح كح آآآآآ÷ بس ريح بالك يوم طبت أبي أسافر للديرة بعد العشاء مباسرة أبي آخذ لي عشرة أيام هناك وقفلت الجوال وعشرة أيام ماطلعت البيت وأنتم ماسألتوا عن شايبكم الله يدفع البلاء,

سلملم ويش علاج الكحة الناشفة الحاده لاتقولون خروف نجدي بعد.
أحمد
11-01-2009, 22:48
افا والله ماتشوف شر عمي ابو عارف


والحق على عارف ماعلمنا ولا كان جيناك


بس تدري دواك عندي طرفلي 2300 ريال حق تذكرة جاكرتا وسبعة الاف حق العلاج وبعض التمشيات لالالا اقصد بعض المصاريف ولك عندي علاج والله وحدة بوحدة وهو عبارة عن مرهم تدهنبوه رجليك بس سحري ابد ابد لايهمك عمي متى امرك خخخخخخخخخخ
ريتاج
11-01-2009, 22:50
الحمد لله عالسلاامه يااعمي ,,,


مااتشووف شر...


اما رااعي الطلي هالطمااع كاان لامخه برجلك يووم قضيت عشا ..هههههههههههههه


فييه علااج منا زيينه ...


العسل حلو للكه ...



شيييييييييييع
عبدالله الجعيثن
11-01-2009, 22:57
يالربع ابو عارف ماتنفع به العلاجات




اخر العلاج الكي



اشي ابطحوه



الزمه يابوخلوف من كرعانه



تعال سناعيس....افرط على بطنه




عجايب.....هاتي المخطر



تتتتششششششش



بس



علمك بالشر




تغط زين ..... والصبح تدعيلي
ليلى بنت عبدالعزيز
11-01-2009, 22:58
وعليكم السلام ورحمة الله وبركاته
حياء الله ابو عارف..
والله مادريت انك تعبان ،، سامحنا
عندي لك وصفات من خيراتي بالحياة وبالكحه خاصه :
الوصفه الاولى :
خذ ملعقه عسل وملعقة رشاد واخلطهم واكلها الصبح على الريق مع ماء دافي
الوصفه الثانيه:
تطبخ لبان مر( لبان ذكر) مع شويه مرة في شوية زيت زيتزن..
الوصفه الثالثة:
اشرب مغلي اوراق الجوافه اة الزعتر البري..
ادهن حلقك وصدرك بكريم الحبه السوداء تلقاه عند الصيدليه غطاه اخضر
وابتعد عن البخور والعطور ولاتشب نااار تحمل البرد
وش بعد ...اممممم
:
اذا ذكرت شي برجع لك ثانيه

سلامات ابو عارف ..
εïз خزامى εïз
11-01-2009, 22:59
بسم الله عليك
يالله والله مادريت ولا قريت
قسمن بالله
ماتشوف شرررر:(
***
الا وش هالصاحب
هههههههههههههههههههههههههههههههههههههههه هههههههههههههههههههه
هههههههههههههههههههههههههههههههههههههههه هههههه
يوم تتعشى كسرت خاطري كل لقمه بكحه
ههههههههههههههههههههه
فالكـ العافيه يارب
انآآ الي اعرفه واشربه وانآآ صغيره للحين
العسل مع الحليب
بس مو حليب شآآي
لأ
حليب حليب <<قولي والله؟؟:boxed:
والقهوه حط فيهآ شوية زيت زيتون
ومعافآآآ ياااارب
العذر والسموحه منكـ:(
وي ار سوري
عجايب بنت الشايب
11-01-2009, 23:09
لاحووووووول ولا قوووه الا بالله


ياافتاااح يااكريم >> تنفض شليلها




انا ابترم الا اسمي بالعنوان





يعني لازم .. تعلم العالم انك من الأعداء مو من الأصدقاء






المهم



اللي فااك راسي


يوم تقول



ولا أستطيع الكلام من شدة هالقحة ولاحتى الصلاة بالمسجد





بالله اي مسجد :) بالضبط






شف ماعليك الا العافيه ... اعتبر الفلوس اللي راحت تكفير ذنوبك أتجاهي


والكحه .. انت قطو بـ 7 ارواح راحن 3 باقي 4 :)


يمديك تصخن مره ثانيه وتطيب






وبعدين بالله لاعاد تكتب بالفصحى تزوم كبدي يطري علي دكتور الأسنان





بعدين خويك هالهتلي قل له : عجايب تسلم عليك وتقول


ياليت بعض الاوادم يقطـع لسانـه
الخبل يزعجك مير إن جاك وإن جيته
الخبل لاتنشده لو هو عـن اخوانـه
لاتنشد الخبـل ثـم تـدق ساقيتـه
واللي ورى التايهه يغويه شيطانـه
ويجنب اللازمه لو جـات ناصيتـه
لأدناة حاجة يجيك يشيـل محجانـه
أشجع من ال*** عند أطناب راعيته
خله لعـل الكـوارث بيـن حجانـه
ويطيح في واحـد ويفـش عافيتـه
أحمد
11-01-2009, 23:24
طيب عمي عندي لك حل ثاني وش رايك مع الفجر وعقب تسوية ابو جعيثن تخلطلك شوين ببسي مع عنزروت وتلبس فنيلة ريال مدريد وتركض يما تطلع الشمس وتسانه مثل اليوم مغيمة الصبح مالي دخل لاتاقف يما تطلع الشمس لعل وعسى تروح هالقحة
فتى البيداء
12-01-2009, 00:30
الحمدلله على السلامه ابوعارف .. ماتشوف شر ..

شف مرضك عندي له حل .. وهو :

تجيب لك زيت زيتون مع فلفل أسود مطحون مع زنجبيل وتخلطهن ... وتشربه ..

وأن شأالله أن مابك ألا العافيه .. قبل شهرين عندي لي حصان بس يكح وعجزت

عن علاجه .. حتى أني رحت به للبيطريه وعطوه مغذيات ولا فاد .. وعطان لي

دكتور وصفه بثلاثمئة ريال .. ولا فاد .. أخر شيء عطيته هالوصفه وأن شأالله

رب خلقه .. أنه من ياتسر مابه ألا العافيه وعلطول يرجع لتمرين ..

وإلى يومك مابه أخلاف .. لاحظ هذا حصان قوته عن قوت الأدمي 12مرة ..

.. أما خويك ثقيل الطينه فماعندي له حل .. وأن لقيت لك حل لا تبخل علي ..

لأن واحد بالين بلوى الله يكفينا شر البلاوي .. والمشكلة أنه يتغيباء ..

أقول نطحه :


المغفل يامصيبه
أبتلش به وأبتلي به
مجلسه مابه يطيبه
لقعد ضاق المكان


ويدري أني أقصده .. بس ثقل الدم الله يكفينا شره .. يالله أنك تفك عن أنا

وابوعارف ..

ابوعارف والله مادريت أنك مرضان .. أنت عم وأخ كبير لنا ..


وتقبل مروري ..
السنعوووسيه
12-01-2009, 00:39
علاااااااااااااااااجك عندي يا عمي بو عارف


اعطن 2200واجيب لك حويشي وحده بـ وحده علمك بالشر

والله يامرقته بالراس علي شوين ليمون وفلفل اسواد

اسالن عنه مجربته ههههههههههه


ماتشوف شر عمو


حط بخار دايم بالاضافه لعسل على الريق منا حليلوه حلو للتهاب الصدر


اما خويك هذا سدمه ماينعطي وجه نشبه

































يعطيك العافيه يارب












عاطر ودي
حيل حليل
12-01-2009, 02:47
انا اعلمك بلك علاج
وشرط وحده بوحده

اسمع يافرة جدي هالفره
ابيك ليا من وصلت الساعه 10 الضحى
تلبس فنيلة النصر وشرط يكون مكتوب عليه فهد في قلوبنا
والبس طال عمرك شرابات صوف من ماركة النخله تلقاه عند ابو حوسه بسوق الحريم
وعليك بجواتي لزاق من المحل المذكور اعلاه
وعقبه ياجدي تله يم شارع الحمل وخذ لك شوط مشي والشوط الثاني هروله حسب المقدره
عقبه ياطويل العمر علمك بالشر
تراه مجربه هالطريقه وادت الى نجاح باهر
واترك سوالف شيبانا اللي لو تعطس حقن بأفمك لك عنزروت ولا لهزك بلك حلتيته
ترى ماذبح شيبانا الا هالاعشاب المضروبه
لا والمشكله يقولون وحده بوحده
مافقع بطوننا وجاب لنا هالامراض الا هالأعشاب
قسم بالله ليا منك صخنت تحس انك عنز مو ادمي
مافي عشبة بهالدنيا الا يوكلونك اياه

الف لاباس عليك <<<< ياجدي يا أنفا
ابو عارف
12-01-2009, 06:59
افا والله ماتشوف شر عمي ابو عارف


والحق على عارف ماعلمنا ولا كان جيناك


بس تدري دواك عندي طرفلي 2300 ريال حق تذكرة جاكرتا وسبعة الاف حق العلاج وبعض التمشيات لالالا اقصد بعض المصاريف ولك عندي علاج والله وحدة بوحدة وهو عبارة عن مرهم تدهنبوه رجليك بس سحري ابد ابد لايهمك عمي متى امرك خخخخخخخخخخ
-----------------------------
هلا والله بالجي ثري ومرحبا

يخوي ذكرولي دم الضب يمدحونه

ماتخبرلي ضب حولكم؟

شكراً لمرورك لاهنت.
ابو عارف
12-01-2009, 07:03
الحمد لله عالسلاامه يااعمي ,,,


مااتشووف شر...


اما رااعي الطلي هالطمااع كاان لامخه برجلك يووم قضيت عشا ..هههههههههههههه


فييه علااج منا زيينه ...


العسل حلو للكه ...



شيييييييييييع
--------------------------
عسى ماتشوفين الشر ياريتاج حايل والربع كلهم

العسل أغلى من الصخله وشو عليه لايكون على لحم قعود؟

شكراً لك لاهنتي
يـــوسف
12-01-2009, 07:50
خالي أبو عارف الحمدلله على السلامة :)


والله ياخالي تخبر الأسبوع الماضي واللي قبله أنا عندي أزمة ولافطنت والله :)







بس علاجك أم 14 وأترك عنك صفاتهم يبي يذبحونك هذولا :)




لاهنت ياخالي .



توسد إحترامي
ابو عارف
12-01-2009, 07:58
يالربع ابو عارف ماتنفع به العلاجات




اخر العلاج الكي



اشي ابطحوه



الزمه يابوخلوف من كرعانه



تعال سناعيس....افرط على بطنه




عجايب.....هاتي المخطر



تتتتششششششش



بس



علمك بالشر




تغط زين ..... والصبح تدعيلي
-------------------------------
الله يهديك ابو جعيثن هالحين مالقيت إلا عجايب تجيب المخطر
أنت تعرف إنها عدوة الشيبان وتدري إنها تبي تجيب مخطر البل.

لي الله ولاعلاجكم يالنحيسين.

مشكورين ما أحب الكي
ابو عارف
12-01-2009, 08:08
وعليكم السلام ورحمة الله وبركاته



حياء الله ابو عارف..
والله مادريت انك تعبان ،، سامحنا
عندي لك وصفات من خيراتي بالحياة وبالكحه خاصه :
الوصفه الاولى :
خذ ملعقه عسل وملعقة رشاد واخلطهم واكلها الصبح على الريق مع ماء دافي
الوصفه الثانيه:
تطبخ لبان مر( لبان ذكر) مع شويه مرة في شوية زيت زيتزن..
الوصفه الثالثة:
اشرب مغلي اوراق الجوافه اة الزعتر البري..
ادهن حلقك وصدرك بكريم الحبه السوداء تلقاه عند الصيدليه غطاه اخضر
وابتعد عن البخور والعطور ولاتشب نااار تحمل البرد
وش بعد ...اممممم
:
اذا ذكرت شي برجع لك ثانيه



سلامات ابو عارف ..

---------------------------
شكراً لك إختي حصه على الوصفات العلاجية بارك الله فيك

عسى ماتشوفين شر أنتي ومن تحبين

لقد أخذت صورة لوصفاتك الثلاث لاهنتي

شكراً لك مرة ثانية يالطيبه.
ابو عارف
12-01-2009, 08:12
بسم الله عليك
يالله والله مادريت ولا قريت
قسمن بالله
ماتشوف شرررر:(
***
الا وش هالصاحب
هههههههههههههههههههههههههههههههههههههههه هههههههههههههههههههه
هههههههههههههههههههههههههههههههههههههههه هههههه
يوم تتعشى كسرت خاطري كل لقمه بكحه
ههههههههههههههههههههه
فالكـ العافيه يارب
انآآ الي اعرفه واشربه وانآآ صغيره للحين
العسل مع الحليب
بس مو حليب شآآي
لأ
حليب حليب <<قولي والله؟؟:boxed:
والقهوه حط فيهآ شوية زيت زيتون
ومعافآآآ ياااارب
العذر والسموحه منكـ:(
وي ار سوري

----------------------------
شكراً إختي خزامى على الوصفات بارك الله فيك
عسى ربي يسلمك ومن تحبين لاهنتي
أشهد إنك ماقصرتي يالطيبه

تقبلي تحياتي
ابو ضاري
12-01-2009, 08:19
القائد أبو عارف الحمدلله على السلامة

انا كتبت في شريط الاهداءات مره السؤال عنك

انت بالقلب يابو عارف .....

علاجك انت تعال للجبـــــيل تراا سريه مانبي عجبجب بنت الشايب

تدري
ابو عارف
12-01-2009, 08:26
لاحووووووول ولا قوووه الا بالله



ياافتاااح يااكريم >> تنفض شليلها





انا ابترم الا اسمي بالعنوان






يعني لازم .. تعلم العالم انك من الأعداء مو من الأصدقاء


العدو البين أحسن من العدو المتخفي وهذا فقط للجدد من باب العلم بالشيء




المهم




اللي فااك راسي



يوم تقول




ولا أستطيع الكلام من شدة هالقحة ولاحتى الصلاة بالمسجد






بالله اي مسجد :) بالضبط



عبدالله بن عمر بن الخطاب رضي الله عنهما

ليه تبين تصلين معنا؟



شف ماعليك الا العافيه ... اعتبر الفلوس اللي راحت تكفير ذنوبك أتجاهي
ليه ويش سويت معك عاطل؟


والكحه .. انت قطو بـ 7 ارواح راحن 3 باقي 4 :)



يمديك تصخن مره ثانيه وتطيب

والقطوة كم لها من روح؟ أقصد البسه.





وبعدين بالله لاعاد تكتب بالفصحى تزوم كبدي يطري علي دكتور الأسنان

كنت أكتب بالشمري المشمرح.




بعدين خويك هالهتلي قل له : عجايب تسلم عليك وتقول

الله يسلمك ويعافيك يارب.

ياليت بعض الاوادم يقطـع لسانـه
الخبل يزعجك مير إن جاك وإن جيته
الخبل لاتنشده لو هو عـن اخوانـه
لاتنشد الخبـل ثـم تـدق ساقيتـه
واللي ورى التايهه يغويه شيطانـه
ويجنب اللازمه لو جـات ناصيتـه
لأدناة حاجة يجيك يشيـل محجانـه
أشجع من ال*** عند أطناب راعيته
خله لعـل الكـوارث بيـن حجانـه
ويطيح في واحـد ويفـش عافيتـه
صح الله لسانك وسلم بنانك نعم الذهب لازم يظهر بريقه.



شكراً لك لاهنتي على المرور لكن ماقلتي لي شيء عن العلاج.
عبدالله الجعيثن
12-01-2009, 08:27
^
^

انت عالج خشـــــــــــامك...وبعدين دور علاج لبوعارف



ابوعارف ...قالش!!! وماله الا الكوي..



صدقوني
ابو عارف
12-01-2009, 08:31
طيب عمي عندي لك حل ثاني وش رايك مع الفجر وعقب تسوية ابو جعيثن تخلطلك شوين ببسي مع عنزروت وتلبس فنيلة ريال مدريد وتركض يما تطلع الشمس وتسانه مثل اليوم مغيمة الصبح مالي دخل لاتاقف يما تطلع الشمس لعل وعسى تروح هالقحة
----------------------------------------
أبي أحاول لكن على السيارة ، ليه ماهي فانيلة ريال الفسحه

ماش أثر عليك ابو جعيثن مايعرف بالطب البشري شيء.

عنده مبادي بيطري مرة يقولون كوى أحد زمايلهم ومات.


شكراً لك لاهنت.
ابو عارف
12-01-2009, 08:36
الحمدلله على السلامه ابوعارف .. ماتشوف شر ..

شف مرضك عندي له حل .. وهو :

تجيب لك زيت زيتون مع فلفل أسود مطحون مع زنجبيل وتخلطهن ... وتشربه ..

وأن شأالله أن مابك ألا العافيه .. قبل شهرين عندي لي حصان بس يكح وعجزت

عن علاجه .. حتى أني رحت به للبيطريه وعطوه مغذيات ولا فاد .. وعطان لي

دكتور وصفه بثلاثمئة ريال .. ولا فاد .. أخر شيء عطيته هالوصفه وأن شأالله

رب خلقه .. أنه من ياتسر مابه ألا العافيه وعلطول يرجع لتمرين ..

وإلى يومك مابه أخلاف .. لاحظ هذا حصان قوته عن قوت الأدمي 12مرة ..

.. أما خويك ثقيل الطينه فماعندي له حل .. وأن لقيت لك حل لا تبخل علي ..

لأن واحد بالين بلوى الله يكفينا شر البلاوي .. والمشكلة أنه يتغيباء ..

أقول نطحه :


المغفل يامصيبه
أبتلش به وأبتلي به
مجلسه مابه يطيبه
لقعد ضاق المكان


ويدري أني أقصده .. بس ثقل الدم الله يكفينا شره .. يالله أنك تفك عن أنا

وابوعارف ..

ابوعارف والله مادريت أنك مرضان .. أنت عم وأخ كبير لنا ..


وتقبل مروري ..






-----------------------------
هلا بفتى البيدا ومرحبا
الله يسلمك ويعافيك آمين

شكراً لك على الوصفة الطيبة

مابقى شيء من علاج الحصان؟

كم عمر الحصان؟

تقبل تحياتي
ابو عارف
12-01-2009, 08:40
علاااااااااااااااااجك عندي يا عمي بو عارف


اعطن 2200واجيب لك حويشي وحده بـ وحده علمك بالشر

والله يامرقته بالراس علي شوين ليمون وفلفل اسواد

اسالن عنه مجربته ههههههههههه
يهون خويي معك حاشيء مرة وحده؟


ماتشوف شر عمو
ولاتشوفين شر يارب


حط بخار دايم بالاضافه لعسل على الريق منا حليلوه حلو للتهاب الصدر


اما خويك هذا سدمه ماينعطي وجه نشبه
صدقتي والله بلشة هل التلعة

































يعطيك العافيه يارب
الله يعافيك على الوصفة العلاجية الطيبة












عاطر ودي
تقبلي تحياتي وتقديري
ابو عارف
12-01-2009, 08:49
انا اعلمك بلك علاج
وشرط وحده بوحده

اسمع يافرة جدي هالفره
ابيك ليا من وصلت الساعه 10 الضحى
تلبس فنيلة النصر وشرط يكون مكتوب عليه فهد في قلوبنا
والبس طال عمرك شرابات صوف من ماركة النخله تلقاه عند ابو حوسه بسوق الحريم
وعليك بجواتي لزاق من المحل المذكور اعلاه
وعقبه ياجدي تله يم شارع الحمل وخذ لك شوط مشي والشوط الثاني هروله حسب المقدره
عقبه ياطويل العمر علمك بالشر
تراه مجربه هالطريقه وادت الى نجاح باهر
واترك سوالف شيبانا اللي لو تعطس حقن بأفمك لك عنزروت ولا لهزك بلك حلتيته
ترى ماذبح شيبانا الا هالاعشاب المضروبه
لا والمشكله يقولون وحده بوحده
مافقع بطوننا وجاب لنا هالامراض الا هالأعشاب
قسم بالله ليا منك صخنت تحس انك عنز مو ادمي
مافي عشبة بهالدنيا الا يوكلونك اياه

الف لاباس عليك <<<< ياجدي يا أنفا
--------------------------
صحيح إنك حيل حليل ياحولت جدي أنت هالحولة
ويش فيك تحكي علي وتطالع وراك ؟
جيت حوسه يقول الناس منافقين بعد وفاته الله يرحمه ماصار بعيونهم وتكدسة الفنايل وأعطاها الجمعية الخيرية ولاعنده إلا سراويل قصار مكتوب عليهم برويز مشرف.

وليه عاد شارع الحمل؟

يمكن شايفني ليلة آكل الصخلة.

والمشي صعب والهرولة مستحيله.

شكراً لك يالحليل الحول
ابو عارف
12-01-2009, 08:56
خالي أبو عارف الحمدلله على السلامة :)


والله ياخالي تخبر الأسبوع الماضي واللي قبله أنا عندي أزمة ولافطنت والله :)







بس علاجك أم 14 وأترك عنك صفاتهم يبي يذبحونك هذولا :)




لاهنت ياخالي .



توسد إحترامي
-------------------------
هلا والله بالسمي الغالي ومرحبا

مالاحقني فيك شك يالعزوة

وشيء هذه أم 14 طعش هي بندق؟

ولا على المريض حرج.

شكراً لك لاهنت.
ابو خلوف
12-01-2009, 14:07
جدي حمد لله على السلامه اولا



وبعدين الحق روحك حالتك مزريه :)



ولا ينفع لك الا الكي




ويقولك بالموسم كلن يرفع الاسعار




الا ابوجعيثن بالموسم تكفيه شوفتك وانت ترافس































ابوجعيثن نمسكوه
ابو عارف
12-01-2009, 15:12
جدي حمد لله على السلامه اولا



وبعدين الحق روحك حالتك مزريه :)



ولا ينفع لك الا الكي




ويقولك بالموسم كلن يرفع الاسعار




الا ابوجعيثن بالموسم تكفيه شوفتك وانت ترافس































ابوجعيثن نمسكوه
---------------------------------------
ما أقدر ارفس عسى يرفسكم ابو سيمر أنت وأبو جعيثن
كي وبفلوس بكم يكوي الله يصلحه؟
العام إنبطحت عند لي عجوز وكوتني 53 مرداع ومخلب ومطرق ثم قالت إنقلب على ظهرك ومثلهن على البطن ومن بعدها جتني الكحة.

لاتخاف تر ابو سيمر مات الله يرحمه.

شكراً لك ابو خلوف
روح حايل
13-01-2009, 03:49
عساك طبت :)
ابو عارف
13-01-2009, 07:13
عساك طبت :)
--------------------------
للساع تنتابني زخات من الكحة حتى إنصفر.

شكراً لك روح حايل.
ابو عارف
13-01-2009, 07:16
القائد أبو عارف الحمدلله على السلامة

انا كتبت في شريط الاهداءات مره السؤال عنك

انت بالقلب يابو عارف .....

علاجك انت تعال للجبـــــيل تراا سريه مانبي عجبجب بنت الشايب

تدري
--------------------------------------
وافي يالضاري مالاحقني فيك شك عساك تسلم ، لكن قصدي إسمعي ياجاره.

سوف إنتظرك على مدخل حي الفيحاء.

شكراً لك لاهنت.
أبوطروق
13-01-2009, 13:15
سلامات يالعشير وماتشوف شر


إذا تبي تطيب عطن 50ألف وخلن أخطبلك من بنات طرابلس

وإذا قحيت عقبه ترن ما أفهم ويتعداني الفنجال




(ترا عندهم زواج مسيار تسانك ذالن من أم عارف)

"""""""""""""""
ابو عارف
13-01-2009, 15:07
سلامات يالعشير وماتشوف شر


إذا تبي تطيب عطن 50ألف وخلن أخطبلك من بنات طرابلس

وإذا قحيت عقبه ترن ما أفهم ويتعداني الفنجال




(ترا عندهم زواج مسيار تسانك ذالن من أم عارف)

"""""""""""""""
-----------------------------
يخوي تخبر قول السويد بعرس الشتاء يقولون مثل الدين تفرح عند إستلام القروش وتبلش عند السداد.

لا لا ما نعني الدكتور من الماء ودواعيه لمدة عام تيمموا صعيداً طيباً.

ليه خمسين الف ماني ذابحها هذه الدية كاملة إذا تبي 85 الف وإلا لا؟

شكراً لك يالعشير لاهنت خوش دواء.
غالب
13-01-2009, 15:27
اشهدوا عليه يالربع تروا هو اللي أعداني
أنا من ليلة الربوع اللي طاف وأنا ماني بالحيل وأخبر أكا الليلة إني قمت أفتش بملفك الشخصي
ههههههههه
ألا يابعد أبوخلوف ياأبوعارف والله إني مثلك وحتى أنا ياهاللي عمري بالطعش محدن سأل عني
أقول على طاري العمر وش رايك تاخذ عشر سنين من عمرك وتعطيني إياهن وترجع 10 سنين ورا:)

واستلم سلامي
ابو عارف
13-01-2009, 15:39
اشهدوا عليه يالربع تروا هو اللي أعداني



أنا من ليلة الربوع اللي طاف وأنا ماني بالحيل وأخبر أكا الليلة إني قمت أفتش بملفك الشخصي
ههههههههه
ألا يابعد أبوخلوف ياأبوعارف والله إني مثلك وحتى أنا ياهاللي عمري بالطعش محدن سأل عني
أقول على طاري العمر وش رايك تاخذ عشر سنين من عمرك وتعطيني إياهن وترجع 10 سنين ورا:)



واستلم سلامي

---------------------------------
هلا بسناعيسو ومرحبا

الحمدلله على السلامة أنت صادق هذا الفايرس يمشي مع الكمبيوتر ومعظم الربع مرضى الله يشفي الجميع آمين.


يقولون العرب إذا أكلت بصل كثر ويش رأيك أعطيك 55 سنة أحسن تقرب للتقاعد وترتاح.


شكراً لك لاهنت.
حمـود
14-01-2009, 11:38
شلون تبينا نعرف وشبك وانت غامت الجوال (اي مقفل الجوال)

الحمد لله على السلامه

ياعمي انا مثلك لي اربعت ايام وانا بفراشي ولا دخلت المضايف ابد

يعني ما يبوننا

بس خلنا نحاربهم بالكحه نعديهم به
ابو عارف
14-01-2009, 22:37
شلون تبينا نعرف وشبك وانت غامت الجوال (اي مقفل الجوال)

الحمد لله على السلامه

ياعمي انا مثلك لي اربعت ايام وانا بفراشي ولا دخلت المضايف ابد

يعني ما يبوننا

بس خلنا نحاربهم بالكحه نعديهم به


----------------------------------
كلامك صحيح يالغالي السبب هو إذا تكلمت على طول كحيت لين إنصفر قلت أحسن أسكر الجوال وأرشف من مرق هالصخال.

يالله وبرأسك خلنا نعديهم كلهم ياحمود كح وأنا أكح كح كح كح كح. خلاص كلهم هالحين يكحون.

شكراً لك لاهنت.
&^^مهــــا^^&
15-01-2009, 20:09
الحمدالله على سلامتك

وان شاءالله ماتشوف شر

والله ياعمي فقدناك بس قلت يمكن مشغول مادرينا انك تعبان

وان شاءالله دووووم تكون بصحه وعافيه

تقبل احترامي,,
ابو عارف
17-01-2009, 08:20
الحمدالله على سلامتك

وان شاءالله ماتشوف شر

والله ياعمي فقدناك بس قلت يمكن مشغول مادرينا انك تعبان

وان شاءالله دووووم تكون بصحه وعافيه

تقبل احترامي,,

--------------------------
عسى ماتفقدين غالي

شكراً لك يامها لاهنتي

تقبلي تحياتي وتقديري
شامان
20-01-2009, 13:32
عــموووو ابو عاااارف


ما تشوف شر وسلامتك بصديقك المدحرج اللي يتدحرج ولا فيك


عمو ابو عارف انا متابع اخبار العربية اول بأول ما كتبوا شي عنك نهااائياااا


الحمد الله على سلامتك ،، الا ما قلت عمووووو شنو يعني :


ومعه السوب المرق بالمدحرج يتدحرج <---- شنو يعني حلوه شنو مو :d:
ابو عارف
21-01-2009, 21:35
عــموووو ابو عاااارف



ما تشوف شر وسلامتك بصديقك المدحرج اللي يتدحرج ولا فيك


عمو ابو عارف انا متابع اخبار العربية اول بأول ما كتبوا شي عنك نهااائياااا


الحمد الله على سلامتك ،، الا ما قلت عمووووو شنو يعني :



ومعه السوب المرق بالمدحرج يتدحرج <---- شنو يعني حلوه شنو مو :d:

-------------------------------------------
المدحرج الفلفل الأسود والسوب مرق أي ماء طبخ اللحم ويتدحرج عللا وزن المدحرج يبترم نعم هذا سلمك ربي من ضمن الوصفات العلاجية.

عساك ماتشوف شر يالغالي ليش يعني ماشفتني ب CNN كانو حاطينن كراكاتير على الصفحة الأولى على شكل عنز تكح بالإنقليزي.

شكراً لك لاهنت