فلسفه صباحيه عجايبيه ( موضوع متجدد)

[عجايب بنت الشايب]

صباح شبة النار



تخيلوا اللحييين توكم قايمين بالبر من النوم


وحليب شاي ونار ريحة السمر يقند الرااس




أويلي بسس




لا والبل رابضه توها ماتنشطت





وصوت الراعي يفك حنفية الماء






يالبيه بس





ساعتها لو تقولون لي ياعجايب




بيعي عمرك بفلس بعتها ...















يالربع باقولكم سررر






تدرون ماراح احد ياخذه غيري ..!!



واتحداه .. يفلت من يديني



لو قامت امي وابوي علي




ماخذته ماخذته :)




وهو ماارح يصير لغيري





بكل ثقه طبعا اقوله





خصوصا يوم قريت على هالصبح




قال عمر : علمت أن رزقي لن يأخذه غيري فإطمئن قلبي













فاصل (طريق عرعر )>>يعني عرض:)







بالله تذكرون هذا


7
7
http://images.abunawaf.com/2008/02/zman/3.jpg



اعتقد انه أول واخر مخلوق حرق تسبدي




لا كله كوم وصوت ضحكته كووم :)






وااتسبدي بس لا واذا مسكها .. يوريني اياها





>>تذكرت واحترقت تسبدها











خط الدمام اليمن ...

فاتكم امس ابوي



دخل علينا توه جالس عند الاخبار



يقول



العرب دقوا على بوش يقولون له : وش قومك عليــنا ؟؟



قال : ودّي ..







:( لاتعليق





لا عاد قالت امي




ايه صحيح لو هو ماهو ودّه .. مارماااهم ..






:( لاتعليق







مدري حسيت انهم يتكلمون عن أحد من جيراننا :)

















أمس بقناة مدري من :)

( ماتسوي دعايه الا للساحه ) :)



محمد العريفي يقول قصه



يقول مره البابات حقتهم طقهم الفقر


قالوا خل نلعب على الخبول .. ونقول بنبيع اراضي بالجنه


وكلن يشري من جهه .. وتحولت الكنيسه الى مكتب عقار



ويمر تااجر (فخم) من الكنيسه قال وش عندكم ( انتم يالخبول ) قالوا


الحق اشري لك ارض بالجنه ..



وهو يدخل عليهم .. ( انتم يالبابات) ويقول وش عندكم .. قالوا


ابد .. نبيع اراضي بالجنه .. تبي على شارعين على شارع ..


قال : لا ابي اشري الناار



قالوا : ابرك واسعد ( المهم فلوس وبس )



ويبيعون له الناااار ..



ويطلع قال للخبول : عودوا لاحد يشري شيء انا شريت النار كلها ولاني مدخلكم :)











احيان نستفيد من غباء البعض ..وناخذ دروس من الفشل












حاولت مره أقرأ شيء

غير ديوان الخلاوي والخلاوي راشد :)


وقريت كتاب اسمه ( السر )



هالكتاب يحاول الا الا غصب يقنعك باي فكره فيه



اذكر من كثر ماقريته يوم سكرته




حسيت ان حولي اشعة جذب ممكن من خلالها


أخلي الراعي يطّعم الغنم بدون مانقول له






قمت اوسوس :)






وانا مو نااقصه وسوسه



لأني رحت لطبيب الاسنان وقبل اطلع استشرته بشغله



انا من يوم استشرته

( حسيت انه نذخ ) و ( مصري )



تخيلوا يقول ان الأسنان مثلنا .. بتزعل وتضحك و تعاتب ..



:( انا هنا .. قلت فكه الله لأني كنت ادور شيء ألطمه فيه ..




قبل اطلع قال لي شنطتك فيها أيه ؟؟؟



انا اخت اخوووي يبي يقمرني . :a: >> عودنّا ؟




قلت : اغراضي قسم بالله



قال : فيها فرشايه ومعجوون ؟



قلت : لأ طبــــــــعاً :a: مافيها



قال : أمال شايلتها ليه؟ .. لازم الواحد يكون معها فرشايه ينظف كل وقت و.................الخ





انا قمت اتخيل نفسي بعررس بين كل فتره وفتره اروح افرش اسناني



وتخيلت اني بالسوق اتقضى واروح افرش اسناني وارجع اتقضا




والله لو لثـتي صبت ألماس .. عيّن خير يالمصري :(










ماعلينا


لي نكسه هنا





سأعود ..

[عبدالله الجعيثن]

^
^
^


كل هذا ... وبتنكسين بعد!!!


يالربع من يروح معي قبل تنكس....




لا والبل رابضه توها ماتنشطت





موضوعك الماقس والقالش هذا.....كله كوم وسالفت البل رابضه كوم





توي ايقنت انك حضريّه...وان البداوه لشيبانك وانتي تتلزقين فيهم

[ريم شمر]

ايه هذي الفلسفه اللي توسع الصدر مهوب افلاطون وخرابيطه :)


احلى صباح مع احلى عجايب :d:


تسلمين

[هايس الشمري]

هههههههههههه :)



اجل البل رابضه يا عجاايب :)





ضحكت عليّه..! :)






بس على هالوصف ما الومتس لو بعتي نفستس بريال..!





الوكااد.. دروس يستفاد منها في هذا المتصفح..! :)




شووكرن

[أبوطروق]

سلمتي أيتها الأخت الفاضلة والكريمة عجايب بنت سبع البرمبة

ودمتي فيلسوفة لحارة فلة حجاج العظيمة


لاتبطين

ناطرينك ونترياك

"""""""""""""""""""

[ريال الفسحه]

ههههههههههههههههههههههههههههههههههه


اما ابوجعيثن وهايس مايفوتون الكلمه


اجل رابضه ؟ :)

[ابو خلوف]

تخيلوا يقول ان الأسنان مثلنا .. بتزعل وتضحك و تعاتب ..



واتسبديه



والي سنون لو يجيه بقس طاحت كله



وش تسوي به سنونه





ياويلي من سنيناتي

[ابو عارف]

مرة شفت لي أبل شكلها بني مربضة ومعها بعير أبيض يزوع ويطلع من فمه مادري علكة كبيرة أو لحمية يمه يخوف وهو منجضع وشلون لو ياقف أو يركض صوبي ياوه يمه تمساح.

لا وحاطينه في مجلس الشورى ماشفتيهم خويانا وين إختفوا؟


شكراً لك لاهنت

[عجايب بنت الشايب]

تضحكون علشان راابضه :)




ماتعرفون اللي اخطأ من شدة الحزن




انا أخطيت من كثر ماني ابي هالمنظر :)






بعدين شلون ماااعرف بااركه


وانا اللي اقول في قصيدتي




تبرك مباريك الجمل وأنت ناقه :)



>> قسم بالله أتعب أنا





:)





لي نكسه

[حمـود]

بسرعهه انكسي نبي من علومتس

لا يهمونتس من اكبرهم ابو عارف الى اصغرهم هايس لان ريال مثلهم طلع شايب

لانهم قوم شيبان

وانتي اخطيتي من شدت الفرح

ننطرتس نحترتس

[عجايب بنت الشايب]

يُتبع ...,,




العصريه .. قلطت علينا قصيرتنا


و ياااحبها .. للغثا



يعني ليه ماتسون .. وليه ماتعلمن


والأولين والأولين




طبعا انا اعطيها جوهااا




واقول : اي والله صدقتي ... بنات اليوم مااااش > وانتي من بنات بعد بكره :( ؟



المهم وهي تراعي :a: لي ودها تقول علمي روحك :)



وكل ماقالت : مايعرفن ولا يزينن ولا مدري وشو


قلت : اي بالله .. ياحرق تسبدي .. من هالبنات .. الرديات






الوكاد اني حشرتها .



اليوم جتنا .. وتجيب الشغاله .. القهوه .. ( على فكره قهوة الرجال مايزيننها الشغالات اما قهوة الحريم .. يحمدن ربهن لاحد سوالهن قهوة >> طعسس نااطق )


قالت : ماتعرفن تسوون القهوة .. الشغاله تزينها ؟؟؟



قلت : ايه :( حرام ؟ :(



قالت : لا .. بس الصاحااااااااابيات .. يسون قهوتهن بنفسهن ..





لأ لأ بدينا ندخل بالعقيده .. يام سعيد ..




لي نكسه

[السنعوووسيه]

ههههههههههههههههههههههههههههههه


عجايب فلسفه تحطيييييييم شئ


يعطيتس العافيه

[ريال الفسحه]

جارتكم هذي مغلوثه ؟


:)

[الشبث]

الشيخه عجايب


حيالله شيختنا ههههههه


مره كنت ادرس بمعهد الاداره


وكان عندنا دكتور قال لي ابيك تكتب بحث عن تشارلز دكن

قلت منهوووووو؟


قال ليه ماتعرف تشارلز دكن


قلت ايه اعرفه



واروح لجرير وادور كتب عنوه

اثريه مشهور المروح وانا ما اعرفه


وحق رومنصيااات ههههههه



بالتالي خليته وكتبت بحثي عن خليل الزياني





كرهني الامريكي بغا يلعن شكلي ههههههههه










عجايب



التميز ياخذ منتس




وتقلدي تحيتي

[عجايب بنت الشايب]

ريال توقيعك :(


الأنشوده تبكي ..

[ريال الفسحه]

سارق التوقيع من راعي البيرق :)

[يـــوسف]

مثــــــــــــــــــــــــــــــــــــــ ـــــــــــــــــــــــــبت :3ajebni:


تفلسفي ياعجايبنا :)
فيلسوفة فلة حجاج ستي على سن ورمح :)






العصريه .. قلطت علينا قصيرتنا


و ياااحبها .. للغثا



يعني ليه ماتسون .. وليه ماتعلمن





هذي ريال قاز وبنص كبريت ويادار مادخلك شر :)






ريالوه ** تبي الأجر ماوالله يحصل لك :)







لي نكســه :)

[غالب]

^^^^
ياقليل اللللللأدب
^^^^^^^^^^^^^^^^^^^^^^^^
عجوبه
من زين قناة الساحه
أبي أعرف بس وشوله محزنين علشان هالرياحي
خلاص الرجال توفى الله يرحمه بس هو وش سوى علشان يسوون كل هاللجه وهالصجه أبي أفهم
<<مسك خط<<
شوفي ياعجوبه
بإنتظار نكتتس يانكست الشر



واستلمي سلامي

[عجايب بنت الشايب]

8
8

سناعيسو


7

7


أكبر حزن خيّم بعام الثلاثيـن

الظلم في غزة وموت الرياحي

يارب يامعبود تنصر فلسطيـن

وترحم فقيد المرحلة والكفاحي

[عجايب بنت الشايب]

متكي مشكووور لشوشتك

[فتى البيداء]

عجايب متعوده على تربية الأسود فالأسود يقال له رابضه .. وألي يبي يراهنن

تراء ماعندي مانع ..

يعني وشي الناقه عند الأسد .. وعجايب ماضي من أفعاله مايطيب فاله ..

الشايب ابوعارف يغلط بالصلاة ولا يرد عليه .. وعجايب حتى لما تداخلت هواياتها

جيتوا تركضون تدورون الزله .. يا معشر الشيبان ..

[لوليتا]

*
*

فلسفة ارستقراطية
خلاصة تجربة انسانية

الخالة عجايب
والله انك احكم من جارتكم


وما زلنا متابعين نكساتك


رووعة


ارق تحياااتى لك

*
*

[بنت الجبل آخت القصيد]

لا والبل رابضه توها ماتنشطت


اجل البل رابضه يا عجاايب :)

اجل رابضه ؟

هههههههههههه
جالسه اقراء وعندي امي وانا اسئله قلت يمه البعارين ياصارت جالسه وش تسمونه ؟
قالت : جالسه:puzzled:
يسمونه بارتسه او منوخه او معقله <<< خذت حصه طويله عريضه عشان هالسؤال

انا ماعجبن الا ابوتس وامتس وفلسفة الاخبار هذي يبي له شرح لحاله عندنا وعندكم خير:wallah_hoo:
.
.
لاعدمناتس

[شنقل]

الخميس فيه صيام والا لا

[عجايب بنت الشايب]

فتى البيداء


يعنبو غيرك لو يشنقلك شنقل على ظهره


ويحج بك ويشربك من زمزم بيدوه


ماوفيتك حقك


>> تخبر مايصلح تشنقكل هي :)






وربي بغيت ابتسي >> وذي ناادره تحصل معي


يوم شفت ردك

[عجايب بنت الشايب]

حزمة سمر


ريحته تاخذ العقل

لكل من مر او مرت من هنا


وردوا




فديت العرب انا :)


>>متابعه لكم

[بالمختصر..]

بالله تذكرون هذا


7
7
http://images.abunawaf.com/2008/02/zman/3.jpg





يووووووووووه ياهاللعبه .. كنت قناصه :)


... متابعين فلسفتك ...




.
.

[الأصيل]

صباح شبة النار
صباح الدفاية والبشت والغرفة مسكّره مرررره:)

حنا بالمربعانية ، وهذي تدور البران:a:







ساعتها لو تقولون لي ياعجايب




بيعي عمرك بفلس بعتها ...

وش هالغلا !!:315r:

الأسعار نزلت ياخاله:thumb:















يالربع باقولكم سررر






تدرون ماراح احد ياخذه غيري ..!!









قال عمر : علمت أن رزقي لن يأخذه غيري فإطمئن قلبي




يعني مسويه حكيمه !! وتقرا كتب:d:










لا عاد قالت امي




ايه صحيح لو هو ماهو ودّه .. مارماااهم ..



خير الكلام ماقل وفل وهل ودل:thumb:












احيان نستفيد من غباء البعض ..وناخذ دروس من الفشل




هذي الكلمة اللي استفدته من هالموضوع:mabrook:












اذكر من كثر ماقريته يوم سكرته




حسيت ان حولي اشعة جذب ممكن من خلالها


أخلي الراعي يطّعم الغنم بدون مانقول له






قمت اوسوس :)






وانا مو نااقصه وسوسه

أنا أشهد:a:








قال : أمال شايلتها ليه؟ .. لازم الواحد يكون معها فرشايه ينظف كل وقت و.................الخ



وهو كل وقت : عيد ؟؟!!:a:

أنا أفرشهن من العيد للعيد:315r:






سأعود ..


موضوع يصب في قالب اللاتوازن المنطقي والفكري عبر الأقاليم الأرسطقراطية :thumb:


أعتقد أن الكاتبه لها مستقبل إنها تكون معلقة رياضيه على قناة الجزيرة:315r:

[εïз خزامى εïз]

يختي من كثر ماالكلام حلو مانيب عارفه وش اقول
متآآبعه
ودي نسوي محاور انآ وانتي:)
احسن من عتآوي وهآري
سحبو على بعض :)
ههههههههه
اكبر المتآآبعين يااعجووبه
بالكراسي الاماميه:)
سيوو

[روح حايل]

:post-16-1

[عجايب بنت الشايب]

شكرا شكرا يالمتابعين

والله انكم جمهور نمبر ون >> ناذخه فيكم :)

[عجايب بنت الشايب]

يُتبع ..




يقول الشاعر


آه يامل عينً ماتنام


كن فيها رمد ولا هزوم



كن فيني المرض عشرين عام


الله أكبر وهي عشرين يوم






فمن هذا الباب طرى علي .. ( التهول ) وفي روايه ( الجور )




وأكثر ماتلقى هالصفه فينا حنا يالحريم



ادري ماهي صفه زينه


بس غصب طيب حلو مو حلو


لبا قلوبنا و ياحلاتنا .. :) >> عنصريه




المهم




اختي الصغيره .. أخطت على اخوي أكبر منها بشوي





وهو يكمخها على ظهرها ... كمخه بسيطه



شافت امي جت ..



مسكت رقبتها وقعدت تصيح


قللللللللللبي قللللبي قللللللللبي





اللحين طاقها مع ظهرها .. تمسك رقبتها تقول قلبي .. ليه بالله؟ :(









سبق وان قلت لكم عيارتي ( نشارة الأخبار )


فكان بوه ولد من عيال الحااااااره .. اذا شافني



قال : أخبار أخبـــار أخبار .. ( يقلد الطير اللي بالكراتين )



:( أنا أطنقر وتجيني ام العبيد والعنز و غيوم سووده فوق راسي


انغبنت .. هالمروح يعيرن وانا اشووف :a:



واخزنها بقلبي باليوم والتاريخ >> حقدت بقوه



ويقيض الله ان تسقط كورتهم بالحووش بعد شهوور



وهو يراعي من فوق التانكي حق بيتهم لحوشنا يقول


عجيبه الله يخليك احذفيها علينا



طبعا كأي انثى تسمع الله يخليك يسبقها تدليع (عجيبه) بتحذفها بود و خجل




بس كأي عجايب :( .. بتروح للمطبخ .. وتجيب سكين



وأرجع له .. وانا أرعي لوه واشقهاااا شق ق ق ق ق >> تستانس



وهو يقول : ليييييييييييييييييييه :a: ?



وأقول : أخبااار اخبااار هاه ؟





الوكاد انه طلق وحرم وحلف انه يمسكني لامريت من باب بيتهم .. في طريقي للدكان





* حكمه * في هالزمن من جد عساااه ان يجد ..






يُتبع ..

[منصور الغايب]

عجايب ...

أحس إنك في أيامك الاخيرة ...


اخلصي قولي وصيتك ..

اتوقع حاجة من ثنتين ..


يا انك تبين تعقلين ... وهذي صعبة حاليا :)



يا إنك تبين تعرسين .. وهذي أصعب من الاولى ...:)


ثانيا ...

عندي اعتراض ..

تقولين :


بيعي عمرك بفلس بعتها ...


الفلس ماهو لكم يابابا .... روحي العبي بعيد عن الفلس ... الفلس فلسنا ولا نسمح لاحد ياخذه مننا :)


































تشكرات ...

[أهداااب]

لا والبل رابضه توها ماتنشطت





:)


اللي أخبره مع أني حضريه منعمه لا عندنا لا بل و لا غنم و لا جيب شاص :)


أن الغنم هي اللي تربض


و البل تبرك ..


حتى النوق تبرك و يقالوا لا بركت ما تقوم << ثقيلت طينه :)



ذكرتيني بحضري يقنص مع خوالي يبي يتلزق بالحويطات


يقول : ( خمنتنووووه ) يقصد ( خمنتنه ) :)








احيان نستفيد من غباء البعض ..وناخذ دروس من الفشل






في هذي صدقتي .. :)








قالت : ماتعرفن تسوون القهوة .. الشغاله تزينها ؟؟؟







ردي عليها بالمثل الهندي القائل :



( نفراات شيف زيادة بعدين لحم يجي خرااب )


الترجمه .. ( اذا كثر الطباخين فسد اللحم )





شكراً على الهلوسة / الفلسفة الصباحية :)

[الشبث]

متابعين










احياناً ودك الواحد يكتفي بالاشارات او برموز ويكون هذا ابلغ من الكلام



مهو بس ابلغ


الا افضل




يعني بدال ما اكتب سؤال احط علامة استفهام بس


مثل اول يوم حنا صغار كان الواحد اذا سوا شي غلط يناظر لابوه على طول


وابوه بس يهز راسوه ويفهمه الولد بساااع ههههه



تقلدوا تحيتي

[عجايب بنت الشايب]

أهلاً بالجمهور المستمع الجيد


منصور الثانيه يمكن صح :)








الداب


انتي حضريه ولا حضرميه :)


لاتغشين من هايس والجعيثن :)




كذلك الأبل حقتي :) >> ياااي


تربض .. على تسبوود العدا


فالعباره هنا أبلغ وأعنف .. :) >>> اتعب يااعجوبه وربي







حياااك
















الشبث


مثلي يعني لا كتبت موضوع أناظر فيك وش بتقول .. اذا عجبط اكمل واذا لا .. اطس



:)







سي يو


> بالفجر يعني .. :)

[أهداااب]

انتي حضريه ولا حضرميه




لا الأولى و لا الثانية ..



بدوية ما خذه الجنسيه .. :)









إلا كيف عرعر برد


الله يعين أهل الحلال هناك .. :)




<< يا خالي القلب مالك بهايم :)

[الشبث]

كان فيه شايب عندنا بالحاره


المسكين تقدرون تقولون مقطوع من شجره


وصار كل يوم يحضر عد شبة الربع

يتقهوى ويسولف ويبعد الهم عنه




لاحظت ان هالشويب صار يحاول يسوي نفسه خفيف دم


يستهبل ويستخف دمه






وعلشان المعروف عد الغالبيه ان خفيف الدم وراعي الضحك بعيد عن الحقد


كان يتظاهر بهالشي


يعنني ماني حقوود





لكن حبل الكذب قصييير


صار يتكلم في ظهر فلان

ويسب فلان


وينقل كلام فلان لفلان



واغلب الشيبان كرهوووه



مابقى الا واحد يعطيه وجه





وبيوم من الايام كان اخذن له ترزيله من واحدن من الشيبان



وجاء خويه


وهو يقمز هالشويب بحلق خويه ويحط الحره بوه



خويوه طبعان سحب عليه لانه اكتشف انه مهو كفو لهالاحترام




وصاااار مثل ما كان


وحداني



بس



صار يحاول يخش هالمجلس بأي طريقه



اما انه يرسل احد


او يحاول يتقرب من الشيبان


بس على مين يا حمزه












عجايب


كل حرف تكتبينه له معنى وفايده



فتك بعافيه



وكش ملك





وتقلدوا تحيتي

[عجايب بنت الشايب]

الشبث


:) والله يهالشايب مثله واااجد الله المستعان


مدرسات معنا واعضاء وحتى بالقطاوه فيه :) >> بيئتها



لاهنت مرورك موكب لاهنت

[ابو راكــــــــان]

هههههههههه


ابو جعيثمن انا ابغى اروح معك


لكنه اسبقتن وانكست

[عبدالله الجعيثن]

عندي سؤعال



انتي وش عندك هاليومين مستلجه؟



انا ...... عندي عذر



وانتي وش عذرك

[عجايب بنت الشايب]

8
8

والله يااخالي ... انا دفتري ابو (الى اجل غير مسمى)

عاد تخبر الحيره مشكله


لااحد حيرك مااتدري متى بالضبط



تستلج ؟ :)

[سمااا]

صباحك .. جنة ..


عجوبه .. أنتي كذا ..


حلوه سولافتك ..

يعني .. نبض متجدد ..




يا لبا البر و عشاقه << وين الفقع ..

[طلال]

:. عجايبنا .:

.
.


.
.

.:..:. متابع بقوه .:..:.

: )

.
.

[عجايب بنت الشايب]

مرحبا بالمتابعين .. اسفه على التاخير

[عجايب بنت الشايب]

يُتبع


...




يقول الشاعر


أحدن على جاره بختري ونوار // واحدن يراعي لجاره من فوق السطح







تدرون ياجماعه لو ان الله فاكني من شر لساني وانا صغيره


كان هاللحين منا زين وجهي :)



مرتن من المراريت ولد جيراننا العبد .. مار من بيتنا



وانا كنت فوق الشعير اللي فوق الونيت ..>>قمة الزعامه والسلطنه


قدام باب البيت وابوي فاتح الباب وبالحوش يتقهوى




يعني راعية الله ثمن رعاية ابوي


وفوق ونيتنا وفوق شعيرنا وقدام البيت ولا ابوي يراعي لي


يعني


احس الموت ماهو جااي من كثر الأمان




الوكاد ..



ويمر هالعبد



عاد تعرفون .. تطلع هنا الأحقاد القديمه




واقعد اغني .. ( العبد الأسود قرقع الباب .. قالت منيره وش نبي به ؟ )



هو انا قلته يااااجماعه ..


انا بس قلت ( نبي به ) >> اخر مقطع


الا هالكراعين السوود بوسط حوض السياره



الا ياااخشتي بالقاااار




الا يااربي دخيلك




( اللهم نعوذ بك من زوال نعمتك وتحول عافيتك )




ويهرب



ويجي ابوي



يشيل ماتبقى من أشلائي على الشعير والقار


وماتبقى من كرامتي



وهو يقول



وش قومتس عليه ؟ وش تطلبينه يوم تعايرينه ؟


















يااخواني ابوي صااادز


القشاره فينا ياهالعرب على بعض جيدين على بعض













وسلمتم

:)







يُتبع ..

[حيل حليل]

وانتي ماتسلطتي الا على هالخال
دوري لتس واحد ضعيف وحطي عليه للصبح ( فيس وغد لابس نظاره طبيه)

متابعين للأخر

[شنقل]

سوعال مواضيعك ليه تكتبينه بين الاذان والاقامه
يعني تدورين الاجر

ياخاله وضعك هاليومين مش ولابد
كاني اقراء مذكرات حدى العجز اللي ماتت مع التيتانك

[أهداااب]

أي والله ..



العبد شيييين لعصب



أنتبهي لا يمعط شوشتك .. :)


الأولى سلمتي فوق التبن و المره الجايه ما يندرا وين .. :)

[يـــوسف]

من أقوال يوسفطون وريث أفلاطون :)


ان لم تكن انت فلن تكون انت وأن لم تكن انت فكن انت وهكذا تصبح انت انت :)



حيل حليل شي اليوزر :)

[الشبث]

ماعليش ابشطح شوي








قبل سنوات لعبت هندوراس والاكوادور مباراة كورة قدم





وتسببت هالمباراة بحرب بين هالبلدين



























بس




وتقلدوا تحيتي

[عجايب بنت الشايب]

يُتبع ..


خويتي وسنايدي وحبيبة قلبي

دائما تقول لي لو مايبقى هاالولد بهالجماعه ماراح اخذه


ولد عمها واللي سمعت انه حليل وهي ماتبيه



عاد تسب شكله وتصرفاته وطعااسته



وانا اقول لها برااحتك لاتاخذينه

بس ترا هو عاادي لو صار شيء غصب عنك
ارضي يااختي ..لاتسببين مشلشاكل علشان شكليات
:)

يعني بالاصح هيئي نفسك ..ماتدرين النصيب وينه


طبعا انا ماعرف الا اسمه فقط



المهم



تمر الشهووور وتروح السنه :)


رحت السوق وشفته .. يوم قال اخوي اسمه




وانا اتغبى ورى واقصّر صوتي

وادق على خويتي



فلانه


لبيه



تعرفين فلان ولد فلان


قالت : ايه


قلت : لو تنطبق السماء على الأرض لااااااااااا تاااخذينه







وهي تموت ضحك وتقول بردتي كبدي شفتيه علشان ماتلوموني







يااخوان

ياليته معنا هنا بالمضايف علشان ارسله رساله خااصه تهزيء >>شف الطموح


قسم بالله ولد عمره 27 سنه تقل خرووف من كثر هالشعر اللي بوجهه


لايشري كريمات .. يتدهن بودك اغدي يروح شيء من هالحرااشه



يااخوان ركبته وشو اللي منزلها يسار القدم :a:




أقص يدي ... من رقبتي >> عزتي لهاليد كل يوم وهي مقصوصه



اقصص يدي

ان ماكان من هالعيال اللي عندهم ان الوصاخه وقلة النظافة مرجله ..



يعنبوكم ماافيه أرجل من الرسول صلى الله عليه وسلم وهذا هو نظيف



اهتموا



ياويلي ياعيال فلان ... :)








أقم الصلاه ياااشنقل :)








يُتبع ..

[حيل حليل]

لعنبو مومياء هذا مو ادمي

[ابو ضاري]

شكلتس مثل شبيثان مقروده

اول مع العبد..... والحين مع الدينصور

اقول ينفع ينقع بدهن

[يـــوسف]

يقولون يبي يحطونه بمتحف الملك عبدالعزيز ويكتبون تحت إسمه [ من رجالات توحيد المملكة ] :)
ياعله يتزوج اللي في بالي :)

[عبدالله الجعيثن]

يا انك عبده.......



او ساكنه بحارة افريقيا بالثكبه




او انك عبده

[منصور الغايب]

أنا أكرر ...

عجايب ... به بلا ...


يا انه تبي تعقل ... وهذا مستحيل ... :)


يا إنه تبي تعرس ... والله يعين اللي ياخذه ... :)


متابعين

[عبدالله الجعيثن]

^
^
^


تعرس:puzzled:


ليه؟!!!! هي متى تطلقت:solh:

[ريال الفسحه]

8

طلقه سئيد مبطي :)

[عجايب بنت الشايب]

8
8

والله يااخوان ...



ممكن نفكر بالموضوع ..




انا تطلقت قبل سنه .. بعد طلاقي بسنه


الوعد ان شاء اللله بعد سنه بعرس جديد



:)





:) لي نكسه الفجريه ..قبل يدخل شنقل المسجد :)

[ريال الفسحه]

8


ليه شنقل متوظفن مذن ؟ :)

[فتى البيداء]

عجايب ههههه ...

يقولون أنا به له رجال ومعه عبده مسافرين .. وهم يطلع لهم حنشل ..

وهم ياخذون حلالهم ويربطونهم ..

والعبد نشيط بس ماسوى شيء .. المهم رابطينهم ببعض ..

جاء حدا الحنشل ويتكلم عليهم والرجال وعبده مسكتين ..

جاء الحنشولي ولمس خشم العبد .. وهو يقوم سئيده ويقطع أرباطه ..

ويتمردغ الحنشل كلهم ويفك عمه .. وهو يقول (بئد بئد تلمسين كشمي) ..

أنتي أحمدي ربتس أنتس عيرتيه .. مالمستي خشمه ..


تحياتي عجايب ..

[شنقل]

وناسه اليوم الخميس

[السنعوووسيه]

هههههههههههههههههههههههه

عجيبه مااحسن من سالفة العبد الا الي ركبته يسار القدم ههههه


هههههههههههههههههههههههههههههه



وتسبدي ههههههههههههههههه



عجوبه فلسفه صباحيه روووووووووعه


يعطيك الف عافيه




















عاطر ودي
*

[عجايب بنت الشايب]

فديت العرب


الي مروا من هنا


:)



لي نكسه يااااحباب


بس في موعدنا المحدد ( الفجريه) :)





أعتذر على التأخير >> لا بالله


بسبب الشيخ دي بن اس بن آل






لي نكسه

[عجايب بنت الشايب]

تابع ..




تقول زبيده >> ليتها صديقتي


صبرت نفسي بشاهي ثم ليمونه
/////////////////////// عن غيره القلب غسلته بصابونه


أويييحي


تنكس




بس لاتكسر :)




طرى علي ..


بعرس غليّم من الجماعه .. على بنت (ن) خدعها الزمن وقال لها اعرسي



وام المعرس مايقص راسها سيفين


من النذخ .. مدري على وشو (دا كولهم تقوزو عآدي )


ماعلينا



بلاكم يالربع .. يوم جت وحدت(ن) بخمس مية ريال



( تحيه لريال الفسحه ياعرب)


وهي ترمي الـ 500 على العبده يااعرب وتقول طقي بفلان ( اخوها )


وتجيك العبده



وفلان بيتهم مبني ومشيده مبانيه ..


ويقلط مدري وشو على صحون ودلالي


وبيتهم مدري شفيهم اذا جاهم النااس من بعيد



وفلان وخروا عنه .. وكل العدا مايدانونه ..




ياعرب انـــا .. ( اكتني حبيته ):)


المهم انه مااخلصت الطقه ( الأغنيه ) الا وانا مجمعه معلومات عنه :) >> سنايدي محرك بحث



ياعرب .. ابسط معلومات فاشله تحصلت عليها


انه البارح عند ابوه عشاء رجال .. وهو يلعب بلوت مع السلنتح


واخته هاللي ناذختن فيه هي اللي تشيل امها لحالها توديها للطبيب مع السايق


لأن الأخ مسافر .. للبـــحــ ...



ماقول الا ياخسارة التمايم

ليتن ادري من زماااان كان لحقت على الخمس ميه وقلت لها



عيني خير واتركي فلان وشجرته


وارقصي معي أصرف لتس على


ردوا لي قلبي ياهل الشرقية


ســــــــر ا





يُتبع ...

[السنعوووسيه]

هههههههههههههههههههههههههههههه


عجووووووووووووووبه


انا اشهد انه خسارتن فيه ذبح التمايم



فلسفه ولا اروع














عاطلر ودي
*

[منصور الغايب]

لا بالله ... عظم الله أجرك بروحك :)

[عجايب بنت الشايب]

8
8

اجرنا وأجرك:)

[شنقل]

<<<< توه قاعد

من فاز السعوديه والا عمان

[أم قرينات]

ملكه الفلسفه ياكلي بكم اعجاب/// .تسيف حالتس ياملي:hala1: <<<عضوه مغبرهn)

[عبدالله الجعيثن]

ليه؟ هم لعبوا

[يـــوسف]

زي اللي يقولن يازين فلان بينهم :)
وهو سربوت ووجه من كثر ماهو مغضبن ربه اسود على شوي ناشف مابوه دم :)


ياعجايب العالم مشكلة :)







حسافة ذبح التمايم بس بهالخسته :)

تعريف الخسته **
شوفو سناعيسو وتعرفون الخسته وشو :)

[عجايب بنت الشايب]

ايه لعبو بالحاره ورى دكان سئيد

[عبدالله الجعيثن]

^
^

معهم طيران

[عجايب بنت الشايب]

8
8

لا معهم ثلاثة طيور :)

[ليلى بنت عبدالعزيز]

متابعه سوالفك ياعجوبه

[عجايب بنت الشايب]

لبا قلب المتابعين :)

[عجايب بنت الشايب]

تابع ..


يقول الشاعر



شين الغبيبنه شيناه ..


صار لنا موقف ياجماعه .. امس





بينما كنت استبد في حلمي ومسويه قويه على الضعوف في الحلم :)


الا هاللي خمتني .. فجأه الا انا بالحوش



لا اله الا الله



وش العلم .. من انتي .. الا هي امي



افزعي ياعجيبه



لبا العرب ...ابشري بسعدك وشوووووووووووووووووووووووووو



قالت ابوتس


انا هنا غيّب علي .. وحسيت اني تدرعت للحرب



وش فيه ؟



قالت الراعي دق علينا فااح يقول من 1نا الليل والغنم مايدري وينها .. وماعلمنا الا الساعه 5 الفجر


وابوتس رااح وادق على جواله مغلق .. ربطوه اكيد ..



انا هنـــــــــــا ..تمنيت عصاة العجوز الشبهه .. اللي مع ابو ذنب


قسم بالله يااجماعه ياشين حرقة التسبد


مافيه سياره ولا كان قسسسم بالله ثلاث مايردن عن ركوبها لا اقرار ملكي ولا دولي


وفي خضم التفكير .. وشريط حياتي يمر من قدام عيوني


كيف اننا مرتين تسرق غنمنا ..



الا هذا جوالي أبي العزيز يتصل



الا الغنم بخير


قلت وينها


قال : طمحت على الراعي :)



لقيناها على بعد مدري كم .. تمشي ولا تلتفت والدموع بعيونها .. :)




يالبا قلبها .. واهني نفسي على العقلان ..





وجوال مغلق مافيه ارسال .. >> عادي انت بالسعوديه :)






على طاري السرقه الأولى لغنم الوالد حفظه الله ..



حلفت ..أول ماتوظف رسمي اخذ قرض واشري لأبوي 150 راس تعويض :)





يتبع ..,,

[هايس الشمري]

راع الغنم.. غير الغنم وش يهمه..؟؟

..................... يطق شاته حين تنفر ولدها..!




الحمد لله اللي الله عقلهن..!



متااابع..!

[ابو عارف]

الخبل ماتنسا قصيدته بسرقة غنم عجايب بنت الشايب يوم الفزعة براسه ويعرض عليها المساعدة وتعويض الشايب وترفض العرض والقرض المقرودة.


كل يوم وهالغنم أما مسروقة أو ضايعه.


الغنم 1 ما أدري ضايعه الساعه ادور أيس فيه؟
ههههههههههههه.

من مسجد عبدالله بن عمر نقول سوالف ولا اروع..

[عجايب بنت الشايب]

يطق شااته :( لا ياهايس مانطقها ( شعارنا دلل شاتك )




ابو عارف .. تدري يوم كتبت على طاري السرقه الأولى


بغيت اكتب


صح لسان ( ابو عارف ومشعل بن حويد والذيب الأحمر ) >>شفت اني ماانسى :)






بعدين ليه متخفي .. ترا ما أعض انا :)




سننكس

[عبدالله الجعيثن]

الحمد لله على سلامة الغنم...



ولا الوالد...









































بعد الحمدلله على سلامته...مهو علشانك...علشان حبيبة قلبه هاللي جنبك

[شنقل]

والراعي وش صار عليه؟؟؟

[عجايب بنت الشايب]

8

8


استعملناه منظف للبلاط :)

[حمـود]

8
88


قسم






















انتس مبدعه
وانتس خالتي بالاسلام

متابع

[عجايب بنت الشايب]

تابع ..



الأسم / ام صقر

الأسم الفني / أم غويزي :)



الأسبوع اللي طاف محاضره ( لقروب بنات الحاره بمكتب الدعوه ) .. وتفضلت أم غويزي بالحضور


المحاضره عن الصلاه


وكانت الله يهديها تقاااطع البنت


البنت تقول : يااخوات ان الصلاه كانت .....الخ

وهي تقول يابنت يابنت


فيه وحده ماتصلي وربي عاقبها



ونا اقول في نفسي حنا والله اللي ربي عاقبنا بك



وهكذا ..


اخر شيء جتها على جنب وحده من البنات قالت ياام صقر الله يجزاك خير


لاتعلقين .. ببالمحاضره ..




وهي تصيح : أنــــــــــــا أعلــــّق ( مع دقة على الصدر ) أنـــا أعلّق ..

( ومع تضييق للعين) الله يســـــــــــامحك .. انا اعلق يابنتي








فاهمه .. التعليق .. خطأ .. يعني مثل قولت لاتطنزين ..



ياليل النشبه وهي تولجنا



الله يسامحكن .. انــــــا اعلق .. هو انا اعرف اعلق .. ولا اعرف التعليق !!

















يامن شرا له من حلاله محاضره..:)











يتبع ..

[عجايب بنت الشايب]

نكسه خفيفه :)



أثناء المحاضره .. ولما جا طاري ان تارك الصلاه مثل الكافر والعياذ بالله ...

قالت أم غويزي : الله يزيلهم .. هالكفار عن غـــزه


( لا ماشاء الله فيها أمل تتابع السياسه ) :)



وفي نهاية المحااضره .. :)


قالت البنت دعاء لأهل غزه .. ومن الدعاء ان الله يزيل كربتهم ..


فقطعت الدعاء .. وقالت أم غويزي حفظها الله :



يابنتي ابشــــــــــــــرك .. يقولون .. عبدالله حلفهم على المصحف .. !!! :a:





وتقول الله يسامحك انا اعلق ؟؟ :)







بصراحه يوم شفتها تتكلم عن الملك باسمه الفردي .. حسيت انها شخصيه مهمه




لا وأهم نقطه .. اننا حلفنــــــــاهم على المصحف..


:)






مع تحيات أم غويزي .. :)









يتبع ..

[منصور الغايب]

^
^
^

متابعين الى الحلقة الاخيرة ...

نبي نشوف آخرته ..


ياتعقلين انتي ..

يا ننجن حنا .. :)



وشكرا مو لك .. لام غويزي .. :)

[يـــوسف]

بس بس بس بس بس بس هذي هي اللي نبيه :)

خاله أم غويزي عزبة مطلقة عانس وش وضعه :)
<_ براعي لخلف الرويتع وأبو عارف :)






حبتين ياأم غويزي ـمممممممممممممممممممممممممممش يالسياسية مربعه بلوت الأخت مع الحكام :)





<_ راح غلطة تعبير :(

[عجايب بنت الشايب]

8
8

هههههههههههههههههههههههههههههههههههههههه ههههه

اما بلووت

[أجا]

0000000000

مجرد مرور وسلام

ومتابعه من بعيد .

[يـــوسف]

تم فك الحجـــز عن الماضوع :)

بإنتــظار عجيزنا عجايب وبناء على طلبها ورغبتها بفك التثبيت بسبب غيابها هالفترة ..

[منصور الغايب]

^
^
^

ليش ماتقول انك اكتشفت ان ماعندها سالفة :)








بانتظار العجيز على أحر من جمر ..

[عجايب بنت الشايب]

8
8

شـــــــــــــــــكراً


يالغايب .. ماهي غريبه منك ..