المساعد الشخصي الرقمي

مشاهدة النسخة كاملة : والله لنصب مرجوحه من سطوحي لــ سطوحه


أهداااب
06-01-2009, 17:22
المقادير ..

حبة خيار مفرومه فرم ناعم ..

م / عسل

م / زبادي كامل الدسم

بياض بيضة

م / خميرة

م / نشا

عصير ليمون

م / زيت زيتون .



الطريقة ..

تخلط المقادير و توضع في الثلاجة لمدة عشر دقائق

فتوضع على الوجه و العنق لمدة ربع ساعة ثم يغسل بماء فاتر و يجفف ..


و أنعمي ببشرة مشرقة ناعمة كالحرير ..:d:


طبقت كل المكتوب بالورقة

أناظر بالمراية ..


صراحة تفاجئت من النتيجة المبهره :a:


وجهي قلب أحمررررر ولا وجه حسين فهمي


و ألطم على خدودي و الله لا يبارك فيك يا وضحى أنت و خلطاتك .. :mad:



و أحاول و أغسل بما دافي عل و عسى ..

و يزيد ياويلي و يلاه يا خوفي يقلب و جهي أزرق مع هالبرد الشين .. :puzzled:

كل محاولاتي باءت بالفشل ..


أستسلمت للواقع المرّ و أخذت أجر أذيال الهزيمة لأصعد إلى غرفتي

و في عيني دمعة تترقرق تريد السقوط .. وتخشى على كبريائي



في الدور الثاني أحس برد .. برد زايد و أتحسس من وين من وين يمكن شباك مفتوح أو مكيف ..

و أكتشف أن مصدره فوق السطوح ..و أطلع و ألاقي البيبان مفتوحه

و المفاتيح محطوطه من برا .. ثلاث مفاتيح في كل باب

و من زود الفطانه والذكاء قلت في نفسي .. ( قبل ما أسكر الباب خل أحط المفاتيح من داخل
لا يجي أحد هالبزارين و يضيعها .. )

و أسكر الباب و أبي أنزل .. أحط رجلي على الدرجه الأولى لكن ..

لحظة .. لحظة هديبا ..

الباب سكرتيه صح .. و اتأكد أيه مسكر و الثاني بعد مسكر

طيب الحين كيف ينفتح و أنا حاطه كل المفاتيح من داخل ..


لا حظوا الثلاثة يعني الأصل مع الأحتياط ..:a:


و أقعد لي حول عشر دقايق مصنفه أفكر و أحاول أستوعب اللي صار .. قسم أحس أني سطلت ..:315r:


و ذهبت السكره و جاءت الفكره ..


يعني ماراح ينفتح الباب إلا في حالتين :

أما يجي عامل و يكسره أو يحطوا سلم من بلكونة الغرفة على السطح


و أنزل .. و أتصلب ثاني مره قبال الدرج و عيني فوق على السطوح ..

عيوني مبققه .. و فاتحه فمي .. وجهي صاير حبة طماطم من روعة الموقف ..


تجي أختي طالعه ..

هدوبة أنت هاااااااي بنت وش فيك عسى ما شر ..

قلت بعد لحظات صمت رهيبة و بصوت مرتجف : سويت طـــــــــامــه


قالت : لا يكون أحرقتي غدانا << وجع ما يهمها إلا بطنها

- لا لا يا ليت

- أجل

- سكرت باب السطح

- طيب

- و المفاتيح جوا من داخل كلهن

- يعني

يعني ماراح ينفتح إلا بسلم من البلكون و لا كسر

و يا خوفي تكسر ظلوعي قبل الباب ..



تدرون وش كان جوابها ..






:solh: :solh: :solh:



و مره تمسك جنوبها و مره بطنها و بعد ما شبعت ضحك

تأخذ نفس عميق و تكي حسبالي عندها حل :

وتقعد تهدد .. أعلم هاه أعلم وتروقص بحواجبها .. :c:


و أترجاها و أركع عند قدميها لا تكفين يرحم و الديك أنت يعني ما

تعرفي أبوك العميد المتقاعد أسعد عمر قلي لا حمق وعصب يده و القبر ..:puzzled:

وش الدبره .. تكفين أستري علي ..


قالت : طيب لو عرفوا وش بتسوين


قلت : هم ما يطلعوا السطح إلا بالسنه مره يعني ماراح يعرفون قريب أنت بس أسكتي

و أذا ما لقيت عذر ألزقها بعيال أخواني << ظالمه :315r:

بعد المغرب جلست مع الوالد في المشب سوالف و قهوه وعلوم رجال << لا يا شيخة :315r:

شوي تدق علي مرة أخوي أطلعي فوق تقهوي معي >> مهمة كلاً يعزمها :315r:

و أطلع و أعلمها بسالفة فطانتي مع الباب أبي أفضفض أبي حل ..و جوابها كان مو أقل من جواب أختي


:)


ونسوي أبريق حليب بالشيح و ننزل عند الوالد ما هان علي أتركه لحاله العالم كلها فطت عنه

حتى عجوزه ساحبه عليه هالأيام ..:315r:

و أفتح كيس ليز بالجبنه الفرنسيه << يا حياتي أنت :d:

و ألتهم قطعة تلو الأخرى ..

و أبوي يناظر لي و يطيل النظر و يقول :

أيـــــه يا هديبا الدبيبا حلات من قفل عليك السطوح بعز القوايل و قطر لك

الأكل تقطير لين ما تصيري عظم على جلد



ســــطـــــــــــــــــــوح ..:a:



هاه وش قلت طال عمرك


من جاب سيرتها الحين :puzzled:

و اللقمة توقف في زوري ..


و عيني تطيح بعين مرة أخوي و نموت ضحك ..:)

و هو و لا داري عن السالفة ..




الآن مرّعلى حدوث الجريمة 24 ساعة و لا أحد يدري

و عارفه أني مفضوحه مفضوحه طال الزمن و لا قصر


لكن كيف أطلع نفسي منها .. ؟!



( أفيدوني أفادكم الله )







الذابله في فصل الربيع
م . م . ن
ماجد
06-01-2009, 18:15
ونسوي أبريق حليب بالشيح

^
^
هنا المشكله
وهنا الحل
εïз خزامى εïз
06-01-2009, 18:46
خلي يقولو حرامي روحي متعلقه بروحه <<احووبهآآآآ:blushing:
***
هههههههههههههههههههههههههههههههههههههههه ههههههه
هههههههههههههههههههههههههههههههههه
يالله كسرتي خآآآطري
مدري يبغالهآ خاص :boxed:
هههههههههههههههههههه
اخآآف يقرون حلي يصكوني بعين عالخبره:)
**
يابنت الحلال قولي له واخلصي
بس جهزي نفسكـ تنحاشين وتقفلين الباب
والا سوي نفسك بتموتين وقوليهآ كاعتراف
ههههههههه
الله يطلعكـ من المصيبه :(
والله كسرتي خاطري عالخلطه :(
ارفوآآر هدهد
أهداااب
06-01-2009, 20:43
ونسوي أبريق حليب بالشيح

^
^
هنا المشكله
وهنا الحل




يعني الشيح بــ حل المشكلة :0071:




وش رايك بطلع الخميس هذا كشته و أحش أكياس شيح



تبي أرسلك على الخاص حزمه







على سلامتي أن شا الله :)
Ŕĝ3Tʼnę●●ǺĻďм3ĥ
06-01-2009, 20:49
أهدآب


يآ أنك توآجهينهم وتقولين الحقيقة وخليتس واثقة بحالتس وقولي لهم اللي صار ولآ ترتبكين


عآد اذا هم عندهم فكرة شينة بنتسس تسذوبة ذيك الساعة عضي شليلتس وحطي رجلتسس لمرة أخووتس يمكن تفزعلتس عند عمها

.. واذا سحبوا عليتس وجحدووك اشتكي لحقوق الانسان هههههه يمكن يفكونتس بس مآضنتي






ترى التسذوب اللة يحطوووة بآلنــآر
ماجد
06-01-2009, 20:52
^
^
ياويسي

اقول انت تعرف سلمان
أهداااب
06-01-2009, 21:02
خلي يقولو حرامي روحي متعلقه بروحه <<احووبهآآآآ:blushing:


تعالي حطي أيدك بيدي ندبك :wavetowel


أحبها أنا بعد :d:




***
هههههههههههههههههههههههههههههههههههههههه ههههههه
هههههههههههههههههههههههههههههههههه
يالله كسرتي خآآآطري
مدري يبغالهآ خاص :boxed:
هههههههههههههههههههه
اخآآف يقرون حلي يصكوني بعين عالخبره:)


عطيني الحل تكفي ولو على خاص


ولك حزمه شيح أنت بعد :315r:


**
يابنت الحلال قولي له واخلصي
بس جهزي نفسكـ تنحاشين وتقفلين الباب

الدبه نحشتها صعبة :315r:


والا سوي نفسك بتموتين وقوليهآ كاعتراف
ههههههههه


ما أعرف أكذب :listen:


الله يطلعكـ من المصيبه :(

يااااااااااااااارب :(

والله كسرتي خاطري عالخلطه :(


انا مجنونة خلطات و أحب أجرب كل جديد

الجهاز خلطات .. الجوال خلطات .. و لا يهون كتاب أسرار الحريم

و تحسس بشرتي و أتعذب و لا أتوب :315r:


ارفوآآر هدهد

ثااااااانك خز .. خز






rooooserooose2roooose
شامان
06-01-2009, 21:07
أهداااااااااااب


ولكموووووووووووووو بعد غياااااب


يقول الشاعر : عبد الحسين عبد الرضا في مسلسل ( فريج العتاوية )


يا زارع الريحان فوق السطوحي \\ لا تزرع الريحان عذبت روحي


وتقول الشاعره : سعاد عبد الله في أوبريت ( بساط الفقر )


يا حليل ابوي امنوه يسأل علي أمنووووه


وسلامتكم



المقادير ..





حبة خيار مفرومه فرم ناعم ..





م / عسل



م / زبادي كامل الدسم




بياض بيضة




م / خميرة




م / نشا




عصير ليمون




م / زيت زيتون .






الطريقة ..




تخلط المقادير و توضع في الثلاجة لمدة عشر دقائق





^

^

قلت وش عندهااا هدبدب مضيعه مضيف المطبخ
قلت يمكن عازمه الشباب بالفله ولا قالتلي






الآن مرّعلى حدوث الجريمة 24 ساعة و لا أحد يدري







و عارفه أني مفضوحه مفضوحه طال الزمن و لا قصر






^

^

اصبري 5 سنوات علشان تسقط القضية بالتقادم





ما عليج ترى السنين تركض ركض <---- امانه ما عليج حلوه مو :thumb:








يقول راشد الماجد :

مالك إلا هذا الحل اي حيله ما ينفع
:)
حمـود
07-01-2009, 01:02
م / عسل





م / زبادي كامل الدسم




بياض بيضة




م / خميرة




م / نشا




عصير ليمون




م / زيت زيتون .



اول شي الميم شنو معناها
يعني مهندس مهني او مهجول

ثانيا توي اكتشف انتج مجنونه

ثالث شي من طول الغيبات جاب الغنايم

وانت جبتي الهم والغم بالسالفه

اقول وش اخبارك

واخبار الوالد المتقاعد

ايه للحين معتس الملف الاخضر

والحل

هو انتس تقوليين لبوتس انتس شفتي اخوتس اللي مرته

قالتلتس تعالي تقهوي معي

وشربتي معه شاهي بالحليب مع الشيح البرتغالي

انتس شايفته وهو ينزل من السطح

ويوم جيتي لقيتيه مسكر على المفتاح
غالب
07-01-2009, 23:43
وش السالفه
أخاف
لالا واي:)

واستلمي سلامي
الشبث
08-01-2009, 01:11
يا حيالله اختنا اهدااب


من طول الغيبات جاب وصفات خخخخخخخخخخخخخ


عنزروت

ومره


وحلتيته

وسعوط

وعلتس ماء

وبقل


ورضم


ويد نجر


وشراب العايله

وماء صحه

ومعجون طماط



ودارسين



خخخخخخخخخخ






ياهلا بعودتس



وتقلدي تحيتي
بنت الجبل آخت القصيد
08-01-2009, 01:54
:7ayyoh:



:wavetowel
:wavetowel
ههههههههههه

السالفه بها ضربه <<< وده تفرج n)

بس الله يعينك يالغلا

عندي لتس حل
البسي 12 بجامه عشان ماتحسين بوجع الضرب
وتهووووون
مو يقولون "علقه تفوت ولاأحد يموت" ..
وخلصي همه احسن من الاستغلال :315r:
.
.
صلفيق
08-01-2009, 02:30
هههههههههه

من زماااان عن كتاباتك هدوووب
ياهلا بعودتك ، وعسى ماتغيبين من شر !

مدري _ بس الأحسن ولا كأنك تدرين عن شي !


احتراماتي لك
أهداااب
08-01-2009, 04:25
أهدآب


يآ أنك توآجهينهم وتقولين الحقيقة وخليتس واثقة بحالتس وقولي لهم اللي صار ولآ ترتبكين


عآد اذا هم عندهم فكرة شينة بنتسس تسذوبة ذيك الساعة عضي شليلتس وحطي رجلتسس لمرة أخووتس يمكن تفزعلتس عند عمها

.. واذا سحبوا عليتس وجحدووك اشتكي لحقوق الانسان هههههه يمكن يفكونتس بس مآضنتي






ترى التسذوب اللة يحطوووة بآلنــآر





مرة أخوي ... يا هم لا لي



هي أقرد مني تخاااااف من أبوي :)




والدي العزيز مؤمن أشد الإيمان بمقولة .. ( لا ضربت أوجع .. ولا هرجت أسمع )



و نحن الضحية .. :)






هلا بك حياك منور
أهداااب
08-01-2009, 04:30
^
^
ياويسي

اقول انت تعرف سلمان




أي يعرفه.. :3ajeeb:











فضلاً وليس أمراً لا تحول موضوعي شات








:)
أهداااب
08-01-2009, 04:50
أهداااااااااااب



ولكموووووووووووووو بعد غياااااب





هلابك شامان :7ayyoh:




يقول الشاعر : عبد الحسين عبد الرضا في مسلسل ( فريج العتاوية )


يا زارع الريحان فوق السطوحي \\ لا تزرع الريحان عذبت روحي


وتقول الشاعره : سعاد عبد الله في أوبريت ( بساط الفقر )


يا حليل ابوي امنوه يسأل علي أمنووووه


وسلامتكم






ويقول ملك الفن بشير شنان ..



على سطح البلكونه غزال يمشي على هونه


سهام الموت بعيونه .. و لا ناشد و لا منشود ..







^


^


قلت وش عندهااا هدبدب مضيعه مضيف المطبخ


قلت يمكن عازمه الشباب بالفله ولا قالتلي





لا المطبخ الحين صار مو من مستوانا :315r:





^


^


اصبري 5 سنوات علشان تسقط القضية بالتقادم





:a:



ما عليج ترى السنين تركض ركض <---- امانه ما عليج حلوه مو :thumb:





أعرس و أعيل و القضية ما أنتهت .. :)


يا صبر أيوب بس





يقول راشد الماجد :


مالك إلا هذا الحل اي حيله ما ينفع


:)







ويقول بعد في شريطة الأخير ..




أجيبه يعني أجيبه لو كان تحت الحراسة .. :7ayyoh:
أهداااب
08-01-2009, 04:58
م / عسل





م / زبادي كامل الدسم





بياض بيضة





م / خميرة





م / نشا





عصير ليمون





م / زيت زيتون .



اول شي الميم شنو معناها
يعني مهندس مهني او مهجول



( م ) يعني أختصار لي واحد ملعقة طعام .. :)






ثانيا توي اكتشف انتج مجنونه




أكتشاف متأخر ... :315r:



ثالث شي من طول الغيبات جاب الغنايم

وانت جبتي الهم والغم بالسالفه



أدري .. :315r:



اقول وش اخبارك

واخبار الوالد المتقاعد

ايه للحين معتس الملف الاخضر



الملف الأخضر قلب أحمر و يبي يدخل الأسهم ..




والحل

هو انتس تقوليين لبوتس انتس شفتي اخوتس اللي مرته

قالتلتس تعالي تقهوي معي

وشربتي معه شاهي بالحليب مع الشيح البرتغالي

انتس شايفته وهو ينزل من السطح

ويوم جيتي لقيتيه مسكر على المفتاح




و تظن أن مرة أخوي ترضى أني أتهم رجلها .. :3ajeeb:


يمكن تسقط القضية بالتقادم على قولة شامان ..




حياك حمود منور ..
وافي الزنيدي
08-01-2009, 05:04
<= = = = شوفي حصاني هاللي بالصوره يقولون انه مبطي مقفل على مفاتيحهم بالسطح وصار من ذوي الاحتياجات الخاصه .
عاد والله ان اقرا م/خميره م/ زبادي واقول وش هالمهندسين ياكثرهم .
وصحصحت اخر شي واكتشفت انها ملاس
أهداااب
08-01-2009, 05:19
وش السالفه

أخاف
لالا واي:)



واستلمي سلامي






أيه .. ممكن



ليش لا .. :tongue:
أهداااب
08-01-2009, 05:27
يا حيالله اختنا اهدااب


من طول الغيبات جاب وصفات خخخخخخخخخخخخخ


عنزروت

ومره


وحلتيته

وسعوط

وعلتس ماء

وبقل


ورضم


ويد نجر


وشراب العايله

وماء صحه

ومعجون طماط



ودارسين



خخخخخخخخخخ






ياهلا بعودتس



وتقلدي تحيتي




الله يحيك أبو ماجد ..



بس هالوصفة وشي له .. دفعة بلا يعني :)


ومتى أخذها قبل ما أعلم و لابعد


و كم مره في اليوم ..







عجل علينا يا عبد الباسط .. :)
أهداااب
08-01-2009, 05:38
:7ayyoh:



:wavetowel
:wavetowel



عطر ... :7ayyoh:



ههههههههههه

السالفه بها ضربه <<< وده تفرج n)



يمه متوحشه .. :a:



بس الله يعينك يالغلا

عندي لتس حل
البسي 12 بجامه عشان ماتحسين بوجع الضرب
وتهووووون
مو يقولون "علقه تفوت ولاأحد يموت" ..



عندي ثمن بجايم بس ..

من وين أجيب الباقي ..:puzzled:


هقوتك خواتي بيفزعون لي لين تفوت العلقة ..




وخلصي همه احسن من الاستغلال :315r:



أي و الله صدقتي ..


التنغيز كل شوي يرهق نفسياً .. :315r:
.

.
عطر نورتي الموضوع .. roooose
أهداااب
08-01-2009, 05:46
هههههههههه

من زماااان عن كتاباتك هدوووب
ياهلا بعودتك ، وعسى ماتغيبين من شر !

مدري _ بس الأحسن ولا كأنك تدرين عن شي !


احتراماتي لك




هلا صلفيق .. :7ayyoh:


ما من شر .. أتدلع عليكم بس :315r:


أنا مسوية روحي و لا داريه عن السالفة

بس مدري ليه دائماً المتهم الأول بالبيت هو أنا .. :wallah_hoo:




يمكن لأني قرمة .. << نصابه :315r:
أهداااب
08-01-2009, 05:55
<= = = = شوفي حصاني هاللي بالصوره يقولون انه مبطي مقفل على مفاتيحهم بالسطح وصار من ذوي الاحتياجات الخاصه .



وافي


هههههههههههه


هذا تسميه حصان .. وين رجليه



لا لا تقول أنه ... :a:



عاد والله ان اقرا م/خميره م/ زبادي واقول وش هالمهندسين ياكثرهم .
وصحصحت اخر شي واكتشفت انها ملاس



طلعت أذهن من حمود


ايه م / ملاسه :)



حياك منور
بالمختصر..
08-01-2009, 09:00
الله يرحمتس :)

و الباب حديد بعد ..! شكلهم راح يحبسونتس بالسطح بعد مايصلحون الباب ..

و روحي إنصبي مرجوحه هناااااااااك :)


كان ودي أساعدتس .. بس للأسف ماعندي حل !!




.
.
بالمختصر..
08-01-2009, 11:32
بــاآاآاكـ :)


تذكرت حركه كنا نسويه قبل إذا أحد قفل الباب و المفتاح داخل ..

بس تحتاجين ( جريده .. و إبره أو أي حديده صغيره حيل )

حطي الجريده تحت الباب و حاولي تدفين المفتاح بالأبره من برا عشآن يطيح عالجريده

و عقب إسحبي الجريده و المفتاح :thumb:

بس المشكله إذا ماكان في مجال تحت الباب ( يعني مسدود :puzzled: )



شطحه / أخوي الصغير يقول خليه تنادي سبايدر مان :)




.
.
صعوة فسفورية
08-01-2009, 13:51
هدوبة هلا وغلا فيك منورة حياتي

اسمعي .. سوي الخلطة وحطيها في الكيلون حق الباب وجيبي مفتاح وادحسيه جوه .. وحاولي فيه


وغني ... للكيلون لاتخاف من اهلي ولا عمامي:)
عبدالله المهيني
08-01-2009, 14:09
ماعندك إلا حل واحد

هو إنكم تبيعون البيت










:)
الشبث
08-01-2009, 14:20
8
8

انقلع عني ياوجه العنز





اقول يستحسن تشبينهن على الريق


يعني قبل صلاة الفجر



ولا تفطرين الا الساعه 12 الظهر


يعني فطورن غدا





خلاص يا مهيني ارجع مكانك




وتقلوا تحيتي
عبدالله المهيني
08-01-2009, 14:24
^
^
^


خذي الكلام من لقمان المضايف



:)
الشبث
08-01-2009, 15:14
8
8



اقعد يا اشعب المضايف خخخخخخخخخخخ


وتقلد تحيتي
عبدالله المهيني
08-01-2009, 15:33
^
^
^


افا

الحين أنا أمدحك بـ لقمان الحكيم

وأنت قاعد تسبني بـ اشعب


هذا وأنا بمحلك أجل لو حنا بالبرحه اللي جنبكم وش راح تقولي










:)
ابو عارف
08-01-2009, 17:05
حيالله أهداااب ومبروك المنزل الجديد.

هي مبطية السالفة أم مذا ؟

إذا الوضع مازال على حاله خلي أخوك يجيب عامل نجارة ويفك القفل ويفتح الباب بخمس دقائق ولامن شاف ولامن دراء وكلها عشرة ريال.

وإذا إنحلت المشكلة تقدرين تعلمين الوالد يبي ينبسط على حسن التصرف وحل المشكلة.

تقبلي تحيات وتمنيات ابو عارف.
روح حايل
08-01-2009, 19:32
تستاهلين يالقاطعه

يارب يدري بتس ويمعط شوشتس :)
أهداااب
09-01-2009, 07:56
الله يرحمتس :)

و الباب حديد بعد ..! شكلهم راح يحبسونتس بالسطح بعد مايصلحون الباب ..

و روحي إنصبي مرجوحه هناااااااااك :)


كان ودي أساعدتس .. بس للأسف ماعندي حل !!




.
.




ما عندك حل ... :za3lan:



يعني جايه لشماته بس ..
أهداااب
09-01-2009, 08:04
بــاآاآاكـ :)


تذكرت حركه كنا نسويه قبل إذا أحد قفل الباب و المفتاح داخل ..

بس تحتاجين ( جريده .. و إبره أو أي حديده صغيره حيل )

حطي الجريده تحت الباب و حاولي تدفين المفتاح بالأبره من برا عشآن يطيح عالجريده

و عقب إسحبي الجريده و المفتاح :thumb:

بس المشكله إذا ماكان في مجال تحت الباب ( يعني مسدود :puzzled: )



شطحه / أخوي الصغير يقول خليه تنادي سبايدر مان :)




.
.



أحلى باااااك :7ayyoh:



شكلك يا بالمختصر مدمنت أفلام


يادهية أنت و الله حركة حلووووه :thumb:



بسويها و أذا فتح معي الباب أغديك بالسطوح و ننصب مرجوحه هناك .. :)




و لاتنسي أخوك و سبايدر مان تراهم معزومين بعد ..:)




منور غلاتي بطلتك .. rooose2
أهداااب
09-01-2009, 08:11
هدوبة هلا وغلا فيك منورة حياتي



اسمعي .. سوي الخلطة وحطيها في الكيلون حق الباب وجيبي مفتاح وادحسيه جوه .. وحاولي فيه




وغني ... للكيلون لاتخاف من اهلي ولا عمامي:)






و قوم درج لي و أمش قدامي ..




صعودة .. :7ayyoh:



النور نورك وخل الغنى و الرقص عقب ما نفتح الباب :puzzled:




حياك ..roooose
أهداااب
09-01-2009, 08:16
ماعندك إلا حل واحد



هو إنكم تبيعون البيت












:)






نبيع البيت .. :a:


ما لنا شهرين ساكنين فيه .. :3ajeeb:













بكم تشتري .. :)
أهداااب
09-01-2009, 08:24
8
8

انقلع عني ياوجه العنز





اقول يستحسن تشبينهن على الريق


يعني قبل صلاة الفجر



ولا تفطرين الا الساعه 12 الظهر


يعني فطورن غدا





خلاص يا مهيني ارجع مكانك




وتقلوا تحيتي





طيب يا عبد الباسط ..



وش اللي يضمن لي أنه ماراح يصير بي شي ..


أخاف تكون مثل وصفة وضحى .. :)
أهداااب
09-01-2009, 08:32
حيالله أهداااب ومبروك المنزل الجديد.

هي مبطية السالفة أم مذا ؟

إذا الوضع مازال على حاله خلي أخوك يجيب عامل نجارة ويفك القفل ويفتح الباب بخمس دقائق ولامن شاف ولامن دراء وكلها عشرة ريال.

وإذا إنحلت المشكلة تقدرين تعلمين الوالد يبي ينبسط على حسن التصرف وحل المشكلة.

تقبلي تحيات وتمنيات ابو عارف.




هلا بالعمدة أبو عارف .. :7ayyoh:



و الله يبارك فيك ..



السالفة يا طويل العمر صار لها حول أسبوع .. :)



و حلك بمكانه بس ما هقيت أخواني بيسكتوا لازم يعلموا الوالد



في حاله وحده ممكن يسكتوا و يستروا على السالفة ..



أذا كان في بخشيش .. :)


عايلة أستغلاليه الله لا يبلاك بمثلهم





وحياك الله من ملفاك لبعد ملقاك ...
أهداااب
09-01-2009, 08:38
تستاهلين يالقاطعه

يارب يدري بتس ويمعط شوشتس :)





يمه منك .. :a:


هذا و أنا مسميتك القلب الحنون .. << قماره لا تصدقيها :)




و الله ظروف يا خيه مو أنا اللي أقاطع ناس أحبهم بدون سبب .. :d:







حياك غلاتي .. rooose2
أحمد
09-01-2009, 16:34
مرحبا اهداب انا والله احس ان مشكلتس عويصة مع ان القفل غيره الف قفل وماتكلف الشغله ثلاثين ريال بس اسعد عمر قلي وش يقنعوه (هنا مربط الرجال):d: بس شوفي سجلي بمنتدى (حرامي دوت كوم) اقول عندهم الحل http://www.shmmr.net/vb/images/icons/icon3.gif ولاتنسينا من الشيح واذا عندكم خواجوا بعد خخخخخخخخخخ
&^^مهــــا^^&
10-01-2009, 05:25
يقولون في قديم الزمان ان حبل الكذب قصير :)

يعني روحي لابوك وقولي له يبه الله يسلمك ويخليك

ابي اعترف لك بشي بس عطني الامان :)

واعترفي له بكل شي واذا عصب مايردك الا باب الشارع ههههههههههههههههههههه

ويعافيك ربي هدوبه

تقبلي ودي,,
صعوة فسفورية
10-01-2009, 05:43
لقيتها لقيتهاا .. والحل عندي وانا ام هندي < تهز راسهااا .. لاراح ابوك الدوام جيبي كم طرطيعة من الحجة

وحطيها ع القفل وبأذن الله ينفتح
أهداااب
10-01-2009, 23:03
مرحبا اهداب انا والله احس ان مشكلتس عويصة مع ان القفل غيره الف قفل وماتكلف الشغله ثلاثين ريال بس اسعد عمر قلي وش يقنعوه (هنا مربط الرجال):d: بس شوفي سجلي بمنتدى (حرامي دوت كوم) اقول عندهم الحل http://www.shmmr.net/vb/images/icons/icon3.gif ولاتنسينا من الشيح واذا عندكم خواجوا بعد خخخخخخخخخخ



طيب عطني رابط .. ( حرامي دوت كوم )


<< الفراغ مفسده .. :)



عندي نو نخه مع القهوة تبي ..



حياك خيووو





وعاجبتني صورتك الرمزيه لا تغيرها هي و الداااب من بيئة وحده >> متوحشه .. :)
أهداااب
10-01-2009, 23:12
مها :7ayyoh:






يقولون في قديم الزمان ان حبل الكذب قصير :)





ما جبتي شي جديد:)






يعني روحي لابوك وقولي له يبه الله يسلمك ويخليك


ابي اعترف لك بشي بس عطني الامان :)


واعترفي له بكل شي واذا عصب مايردك الا باب الشارع ههههههههههههههههههههه




ههههههههه




يعني أعترف و عباتي على راسي :)



وبعدين وش أسوي



أخاااف تصير العلقة علقتين ههههه





ويعافيك ربي هدوبه



تقبلي ودي,,





الله يعطيك ألف عافية



و حياك غلاتي .. rooose2
أهداااب
10-01-2009, 23:20
لقيتها لقيتهاا .. والحل عندي وانا ام هندي < تهز راسهااا .. لاراح ابوك الدوام جيبي كم طرطيعة من الحجة

وحطيها ع القفل وبأذن الله ينفتح






يا أم هندي ..



تبين أصير من قائمة المطلوبين :a:





كم عقال على الظهر أرحم و لا السجن و العار .. :)
أهداااب
10-01-2009, 23:39
بينما و الدي عائد من المسجد عقب صلاة العشاء .. << ابوك يا اللغه :)



دخل علينا الصاله بمشلحه البني متلطم و لا باين منه غير عيونه

معصببببب و الشرار طالع منها و يصارخ ...



من مقفل السطح و من شاب الليت كله >> يا حليله والدي العزيز كأنه من عمال ترشيد الأستهلاك بالكهرب :)


و على طول أشر بأصبعه أنتِ منو أنا :wallah_hoo:


أيه أنت يا هديبا >> كأنه كان حاس


و على طول أعترفت >> ما أعرف أكذب :)



و عطاني كم كلمه قوية و راح

أششششششششو ما صار فيه اصابات :)





تم فتح الباب بواسطة أخوي المعصقل صعوداً من البلكونه الى السطح :)






و هنا أشكر كل من شارك و حاول في حل المشكلة لو بالمشاركة الوجدانيه




دمتم عزوة لي .. :d: