المساعد الشخصي الرقمي

مشاهدة النسخة كاملة : مشكلة بعض البنات ..الماضي


مهاجرة باحساس
02-01-2009, 10:31
.


قــــــــــــــــــــوه ...


الله يقويكم على طاعته


من زمان عنكم ..


ياناس والله أنه زين مني للحين متحملني هالرجال,كل ساع اقول الحين يلخن على عيني


مشكلتي هي تكمن في ....اسلوب الكلام مع هالأجودي



قبل يوم كان يكلمني |>>>يومننا مخطوبين

كنت اقوله (( يصير خير )) على كل شي تقريبا

هو تريه ينحمس حمس يحسبني اتحداه والا اتوعد فيه .. وانا هالشكل اقولها


واول مكالمه قلت لوه (( نصاب )) >>يعني مو مصدقه ورزلن هكا الرزاله الناشفه


وتسني صرت اشوى فتره





وهكاليوم مسوية غداء يهبل ومتقابلين تقل كناري ,,طبعا اول ماعاندتوه على طريقة

الطبخ ,,الا اطبخ زي ماابي ..وماقال شي ابن الحلال حاول يعدل علي يمار


مااتصنت لوه وهو يستسلم ,,الزبدة اننا تقابلنا على الاكل


وهو يقول لي ..المفروض كذا ...وماادري كيف يسولف لوه على شين




وانا ساكته ...وساكته ..

اخرتها قلت :تبي الصراحه



قال : ايه



قلت: ماعندك سالفه



قال: وشو



قلت: ايه ماعندك سالفه




وهو ينطن عيونه علي وانا انخرش




وانزح عن السفره وانزح وانزح




لمن وصلت لأخر الغرفه





قال : تعالي



قلت: هاه




قال : اقول تعالي




قلت: طيب ,تعطيني الامان



قال :اقول تعالي



وانا انخرش



واقوم ابي اهرب





وهو يقمز يمار قدام الباب




وانا انخرع بقى يغمن عليا



قال : ليه قمتي وين تبين تروحين




قلت: ابي اهرب للغرفه واقفل على نفسي




قال: ليه


قلت: خااااااااااااااااااااااايفه

وووووووووووووووووووووووووووووووووووووووو وووووووااااااااااااااااااااااااااااااااا ااااااااا

واقوم اتراجف





قلت بقلبي خلاص الحين يلختس على عينتس وتطيح هيبتس عنده وتفشلين قدام


روحتس ياالملسونه



والله وهو يتركن قال/اقعدي كملي اكلتس


قلت :ماابي


قال :كولي


واكل غصب




والله وهو بعد الاكل قال :هذي كلمه تنقال والله لو ماادري ان اهلتس مربينتس عدل


وادري انتس متعوده على اخوانتس


وابوتس معطيتس وجه حرام لاامشيتس لاهلتس ولا اتعب روحي معاتس


اوووووووووف


..


ياربي ماادري شلون اتكلم معاه


مع العلم انه خواته مجسرهن هو ويضحك لهن ..على سوالفهن

يعني مثلك مثلك كلنا بالهواء سوا


..


طبعا حنا ساكنين لحالنا

وانواع المواقف ...بس الله يطلعني منها سالمه


..


وفيه هوايه عندي غريبه ياشباااااااااب احب السيارات

وطوال ماحنا نتمشى عيوني على السيارات ... وتلاقيني اسولف معاه

بالله هذي كراون فكتوريا تراها مريحه بالخط

والفورد زين بس قطع الغيار حقته غاليه


الا انت شفت الفكس ماعجبني شكله والله انه قبل احلى

ترا على فكره غالبن التعديلات على الشكل من برا والاشياء اللي تعتبر اكسسوار بالسيارات


الرجال تهووووووووول وش ذا انتي بنيه معقوله


قلت ياربي وش فيك عااااااادي

هكاليوم قال وش رايتس نروح لمعارض وتفرجي


قلت :ووووووووووووووووووووواو وناسه


قال: بالله
بالله
بالله

مستانسه


قلت:ايه يالله نروح


حنا طبعا رايحين العصر للفيصليه , قلت:ايوه ياايوه ودني يم المعارض


تهول, بس وداني



انا دخلت وانا المح هكا الرنج 2009 يمسحونه ويلمعونه وانا انط الا انا بينهم


واقوم ابترم عليه واتوايق حتى من تحت

لونه لؤلؤي



وانقز عند الفراري


وانط عند المرسيدس


وماي باخ

وبنتلي


ونطلع وندش غير هالمعرض

الين دخت ....واستانست الصراحه



عاد بليز ياشباب اذا تزوجتوا او متزوجين انتم ..تحملوا شوين ترا والله مانقصدشي..؟؟
بنت الجبل آخت القصيد
02-01-2009, 11:04
من طول الغيبات جاب الغنايم :7ayyoh:


المفروض تقولين
اللي ماعرس لايعرس :315r:
كلن يمسك مجنونه لايجيه اجن منوه
.
.
ماعليتس منه قولي اللي تبين :qannaj:
منصور الغايب
02-01-2009, 11:19
أبشرك ..


متحملين الهم والعنا :)


اول العرس تحصل مثل هالشغلات ..

لانها تكون متعودة على اخوانه بالبيت وشلون تكلمهم ..

بس الرجال العاقل يصبر ... لما تتعود عليه الحرمة ..


الله يعين اللي خذاك :)




فرحنا بعودتك للكتابة من جديد ..

عسى الله يوفقك ويهنيك ..

وكنت اقول انت وعجايب وبالمختصر لا تزوجتن تعقلن ... بس الظاهر ... مالك أمل :za3lan:
يـــوسف
02-01-2009, 11:33
والله ماعنده سالفة رجلك :)
ولا كان أقل شي مسجل صوتك وانتي تسولفين عن السيارات ومرسله وسائط لأبوك
ويقول له هذي بنتكم شلون تزوجنياه وتقولون لي ماهي عربجية ولا كانت تلبس شعار الأتحاد :(




يعني لعنبو عدوتس شلون تبين الضعيف ماينفجر :)
وآحد متزوج جديد على قولتك كناري مع اني ماأتوقع بحضورك يصير الجو كناري :) <_ واحد كناري وواحد زحيف

شلون تقولين له ماعندك سالفة ههههههههههههههههههههههههههههههههههه







الحمدلله أنا رجال ماني معرس على بنات هالجيل أبدور لي وحده مطلقه 4 مرات ومعه 30 وغد :)
أقل شي انا اتدلع عليه ماهو هي تبلشن :(



وليييييييييييييه يالزمن الغبر آخرته معارض وتعرف بعد ماشاء الله لترهيم السيارات :(





مهــأجره بشري فيه وغد ولا للحين :)



حياتس الله والساعة المباركة اللي شفناتس به أنتي وهاللي حاطتن يده على وجهه :)




توسدي إحترامي
بنت الجبل آخت القصيد
02-01-2009, 11:41
مهــأجره بشري فيه وغد ولا للحين :)





وش عندك صاير تقل عجوز n)
يـــوسف
02-01-2009, 11:55
^
^
لابس أبي أسوي حفلة بالفلة مبطي ماسوينا شي :)
وبيني وبينك أبيه تقول يوسف الوكيل عني يستلم الهدايا <_ يبي الفلوس :)






يالربع أي واحد يخبر احد جايب وغد من ربع الفلة يعلمن ابسوي لكم عرس الليلة :)
ونخلي سناعيسو وأبو خلوف يمسكون صفوف الدبكه :)
مهاجرة باحساس
02-01-2009, 12:15
من طول الغيبات جاب الغنايم :7ayyoh:


المفروض تقولين
اللي ماعرس لايعرس :315r:
كلن يمسك مجنونه لايجيه اجن منوه
.
.
ماعليتس منه قولي اللي تبين :qannaj:


والله بالنسبه لنمونتي > من طول الغيبات جاب الفشايل



هههههههههه


لا لا اعرسوا وتهنوا وانبسطوا , والله أنا بقول لاني مااقدر اتصنع


وعلى فكره كاشفني ويعرف حتى وش افكر بوه.
مهاجرة باحساس
02-01-2009, 12:22
أبشرك ..


متحملين الهم والعنا :)


اول العرس تحصل مثل هالشغلات ..

لانها تكون متعودة على اخوانه بالبيت وشلون تكلمهم ..

بس الرجال العاقل يصبر ... لما تتعود عليه الحرمة ..


الله يعين اللي خذاك :)




فرحنا بعودتك للكتابة من جديد ..

عسى الله يوفقك ويهنيك ..

وكنت اقول انت وعجايب وبالمختصر لا تزوجتن تعقلن ... بس الظاهر ... مالك أمل :za3lan:



ههههههههههههههههههههههههههه >> الهم والعنا



الحمد لله انه عاقل >> لاني انا مرجوجه


منصور تدري احلى شي متى ,, اذا قال : طبعا يكون الجو رمنسي < وش تفكرين به هاللحظه


انا طبعا اسكت واتضحك واتبوسم هو يعصب يقول :قولي بسرعه

اقول طيب بس خلني ارتب افكاري,,وش وش ابي اقول

يقول لا والله الا تبين تسذبين ههههههههههههه



الله يهنيكم ..ترا اذا جيت للكويت ابي اسير عليكم >عازمه روحه


على فكره ترا اليوم ندوس للرياض ..راجعين لي اسبوع بالشرقيه



منصور اناااااااااااا عاقله حيل وهذا اثر علي ..خلاني اترك العقل على جنب وانطلق للحياة
مهاجرة باحساس
02-01-2009, 12:28
والله ماعنده سالفة رجلك :)
ولا كان أقل شي مسجل صوتك وانتي تسولفين عن السيارات ومرسله وسائط لأبوك
ويقول له هذي بنتكم شلون تزوجنياه وتقولون لي ماهي عربجية ولا كانت تلبس شعار الأتحاد :(




يعني لعنبو عدوتس شلون تبين الضعيف ماينفجر :)
وآحد متزوج جديد على قولتك كناري مع اني ماأتوقع بحضورك يصير الجو كناري :) <_ واحد كناري وواحد زحيف

شلون تقولين له ماعندك سالفة ههههههههههههههههههههههههههههههههههه







الحمدلله أنا رجال ماني معرس على بنات هالجيل أبدور لي وحده مطلقه 4 مرات ومعه 30 وغد :)
أقل شي انا اتدلع عليه ماهو هي تبلشن :(



وليييييييييييييه يالزمن الغبر آخرته معارض وتعرف بعد ماشاء الله لترهيم السيارات :(





مهــأجره بشري فيه وغد ولا للحين :)



حياتس الله والساعة المباركة اللي شفناتس به أنتي وهاللي حاطتن يده على وجهه :)




توسدي إحترامي




متكي هو أنت يوسف


تدري احيانا يسولف لي وانا اطالع لي على سياره واول ماتطوف اقول العن اااااااااااااااااااامه


يقول منهو>>>>>>>>>>> اقول السيارة


يقول اشوى على بالي انا


ههههههههههه


الله يقطع شرك , شكاني لأبوي قال :ياعمي بنتك زعول وراسها يابس واللي تبيه

اذا تاخر امت تجوعر وتبتسي وتقول انت ماتبيني


قال ابوي: والله ياوليدي هذي هي من 25 سنه ماتتغير



وعلى فكره المعارض هي ونستي يااخوي شي عجييييييييييب هالمواتر





لا لا لا مامن وغد
ريال الفسحه
02-01-2009, 12:53
هلا والله والف الف مبروك الزواج ..


مبطين يامهاجره انا اشوف بالمختصر نافشتن
ريشه بهذا بس توه جا من يقصوه :)



اما رجلتس سلمي لي عليه وقولي ريال يقول
الله يعينك :)


جيت ارحب بهالعوده
مهاجرة باحساس
02-01-2009, 13:13
هلا والله والف الف مبروك الزواج ..


مبطين يامهاجره انا اشوف بالمختصر نافشتن
ريشه بهذا بس توه جا من يقصوه :)



اما رجلتس سلمي لي عليه وقولي ريال يقول
الله يعينك :)


جيت ارحب بهالعوده


هلابك وعقبالك


بالمختصر الله يرحم ايامه.



الله يسلمك,,يعــين الجميع




شكرا شكرا عالترحيب
مهاجرة باحساس
02-01-2009, 13:18
ياشباب وسعوا صدورك لاتزعلون مننا ..حنا مانقصد


دائما بالمزح اقوله ياولد

او ياصــبي


ينطن عيونه علي ...ومره قلتلوه مهو بكيفك


ومره قال / انا اقدر اغصبك على اللي ابيه


قلت : ماتقدر


قال :اقدر


قلت: صدقني ماتقدر

وهو يعصب علي ويعطيني محاضرة




















































ترا والله مااقصد ^_*
حمـود
02-01-2009, 13:20
هههههههههه

منين طلعت المسلونه

بالله هذي هي مهاجرة بأحساس


منيين نتقت

ههههههههههههه

لا عادي معطينه وجه

بس انتي غريبه تحبين السيارات

بس كلمتس عاديه وشبه زعل

تحياتي

لمن طول الغيبات وجاب الغنايم
صعوة فسفورية
02-01-2009, 15:54
حبيبتي انتي ماغلطتي بشي ومن ابسط حقوقك انك تروحي معرض سيارات وتتفرجي .. واسلوبك كان عادي

بس مشكلتنا ان مجتمعنا ذكوري ..وتعجبني ثقتك بنفسك
εïз خزامى εïз
02-01-2009, 17:09
هههههههههههههههههههههههههههههههههههههه
هههههههههههههههههههههههههه
حرآآآم عليه والله انكـ كيوتــــ
وش فيهآ السيااتـ مو دفاشه ولا شئ
عااتي
وخذي راحتكـ ماعليكـ منه
بس قويه ماعندكـ سالفه:boxed:
لو اقولهآ لاحد صفقني:(
هههههههههههههههههه
هلا بكـ من جديد
منوره المضايف:blushing:
ميرسي(ورده منسدحه)
غالب
02-01-2009, 20:41
والله أنا إذا أعرست ماأخلي له مجال كل 5دقايق كف على وجنته
حتى لو بدون سبب
بكيفي ذكر:)
الله يعين هالرجال الظاهر إنه يبي يربتس لتس مرتن ليا والله إنتي تلتوين
هههههههههههههههههههههههههههههههههههههههه ههههههههههههههههه




واستلمي سلامي
روح حايل
02-01-2009, 20:53
:)



ذكرتينن قبل 17 سنة قلت لوه : شوي !! <<< ابيه يبعد عن طريقي :)


وعطانن محاضره كبر خشم متكي :)



بس عادي طولي بالتس ، وغيري أسلوبتس ، لأنه راح يحس انتس تتحدينوه :)



الله يوفقكم جميعاً ولا يفرق بيناتكم


وليه ماعلمتيني بعرسكم عشان أطق لتس :)
منصور الغايب
03-01-2009, 16:33
الله يهنيكم ..ترا اذا جيت للكويت ابي اسير عليكم >عازمه روحه



الله محييك ... ونتشرف بكم انا و حرمتي :)


بس لاقعدتي معاه .. مو تحاولين تطلعين سوالفنا وتجين تفضحيني بالفلة :)


الله محييكم ...

حنا بالجهراء ..
أبوطروق
08-01-2009, 04:41
أول شي الحمدلله على سلامتس والعودة للفلة

وثاني شي الحمدلله على سلامتس من كف أو بقس يمشي 3000 من يد زوجتس (ياعل يده ماتنشل)

وثالث شي أنتي منين جايبه هالخبرة عن السيارات وموديلاتهن
(شكلتس بنت شريطي)

""""""""""""
بالمختصر..
08-01-2009, 11:46
مشكلة بعض البنات ..الماضي

لا والله المشكله الإسلوووووب :)

ماتسمعين نصايحي إنتي ! :puzzled:

ودي أنصحتس سلسلة نصائح جديده بس ماش شكلتس تفهمين بالمقلوب :)


سي يوو ..




.
.
الشبث
08-01-2009, 14:04
اقول يا حضرة الشريطيه كم سيمة هالددسن


خخخخخخخخخخخخخخخ




اجل رجلتس بالحلقه الاخيره اكتشف انتس شريطيه


واكتشف ان اهلتس لاعبينن عليه


بدال ربة منزل صرتي ربة معرض


خخخخخخخخخخخخخخخ






ياهلا باختنا مهاجره


وافتقدناتس بالفتره الماضيه


ولا تعودينه ترى سهل نلقاتس


معارض السيم ولا معارض الشفا ههههههههه





وتقلدي تحيتي