،،،دلوعتي احتري انا وش اسميها

[ليلى بنت عبدالعزيز]

مدخل:
(امي ياامي يانور الشمس
يافرحه قلبي اليوم وامس)
؛
؛
صبحكم الله يالخير والرضا والعافيه
بخش بالموضوع ماعندي حركتاااات
الليله ليله سبت وكلن ملتزم في البيت برد ومدارس
بينما جالستن مع وغداني شابتن نار بالمشب
الولد يبي يشوي بطاطس والبنت تبي ابوفروة
وابريق الشاهي على الجمرمابعد طبخ
سالفتن رايحه وسالفتن جايه
قال ولدي ماما ودنا ندلعك
مانبي نقول ماما ,يمه , يااااه>> هاذي اذا ناداني ونا بعيده
وصعبة نناديك بسمك حاف
وش رايك..؟
قلت اوكيشن حبيبي
ويطرح الموضوع شورى بيننا
قال ولدي بسميك :الزاحفه ولا مهايطيه 2009>> http://www.lakii.com/vb/smile/3_21.gif (http://www.lakii.com/vb/uploader/smilies.php)للمعلوميه طفل في الصفوف العليا ابتدائي ومعه ثقافات مختلفه مايدري وش سالفتها
قالت بنتي انت ماتعرف تدلع... امي واحد من عيال الفصل
قالت يمه وش رايك ..! بدلعك نجاح >> على استاذتها
قال اخوها الاعلى صديقتك الشينه ريم مو استاذتك بعد بعد ماعاد الاهي
شوفي يمه بدلعك واقولك: شيخة نجد << على فرس خاله
قالت اخته ماعاد الا هي امي بدلعها على اسم حيوان
انا بدلعك وهي تحب يدي بقولك:المملكه >> على البرج
قال اخوها: امي تسمى على سوق
قال اخري بس مماتي بدلعك فيراري ودي ادلعك همر بس مايصلح همر ذكر>> متاثربالقواعد
قالت تسمي على سيارة الا دلعها بعد سيكل ولاسكوتر
قال , قالت , قال, قالت
وانا بعد هذا الصمت ورقبتي اوجعتني رايحه يمين ويسار
:
:
قلت خلااااااص الي يدلعني راح وراحت ايام الدلع معه >> جتني الصيحهhttp://www.lakii.com/vb/smile/4_7.gif (http://www.lakii.com/vb/uploader/smilies.php)
خلاص ياعرب : ( اتفقتوا الا تتفقوا ) http://www.lakii.com/vb/smile/5_10.gif (http://www.lakii.com/vb/uploader/smilies.php)
واغلقت الجلسه لكثرت الاعتراضات
:
:

امهاتنا يستاهلون الحب والاهتمام والدلع وكل شي حلووو
انا امي اذا امازحها اقول لها حصوصه عيوني ، حصوصتنا ، حصوص نور عيوني
واذا قلت لها يمه او ماما تقول عسى ماشر والله ان فيك شي
كلمات بسيطه بس لها وقع في قلبها
ولاننسى الاب الحبيب(رحمه الله) فقد كنت ادلعه .. الغلا كله
اخوتي اخواتي .. الله الله بالدلع
لكم مني كل الود
؛
؛
مخرج:
( دلوعتي كل الحلا فيها
أحترت أنا مدري شسميها)

[شام]

هلا حصوصة
وأحلى دلع برأيي للأم أو الأب ماما وبابا
لم اعتاد أناديهم باسمهم ابداً
مدري ليه يقولون عيب عندنا بالشام
عموماً ماما ومامي وماميتو و يمه
وأبوي وباباي أكثر شي ننادي به على اهلينا
والعم بلا كلمة عمو ما يصير
و خالو وعلى هذا المنوال
موضوع شيق ورشيق
بوركت اختي حصة
نبضك راقي و احساسك جميل
دمت كأنتِ...

[يـــوسف]

أنا أدلع أمي أدعج غنج :)








عسىا الله يخلي لتس وغدانك ...

[الشبث]

انا ادلع امي يبه

خخخخخخخخخ




حصوصه

حصحص

حصاحيصو

حصوص

نصوص




اي شي





شوفي يمه بدلعك واقولك: شيخة نجد << على فرس خاله



اجل ابدلعتس الضحوك على عنز الوالد

خخخخخخخخخخخخخخخ






لاهنتي اختي حصه على هالموضوع





وتقلدي تحيتي

[عبدالله الجعيثن]

حصاحص


انا مريت جنب بيتكم البارح:puzzled:.........الا ولدك يناديك...









دلّعوة عفنان...:a:




هل البيت اللي مريت عليه ....صدق بيتكم؟



ولا انا متوهم!!!:)

[ابو خلوف]

اييييه



انا ادلع ابوي عزيز :)




وامي اميمتي roooose

[εïз خزامى εïз]

انآ اقول ماما وبابا
الوحيده بالبيت:)
الكل يممه يبه
كلهم رجآل
انآ ياحبني لي ادلع :) حتى اخواني
هههههههه
احس كني امهم
بس احلى دلع لي
بابا اذا جا بيدلعني يقوول
( منيره يمي)
ولين قالهآ احس ودي اقدم الدنيآآآ
وووه بس
هههه
حصووووصه
اسمكـ بكبرهـ دلع
:blushing:
اللي يصلحهم ويهديهم ويصيرون دايم معاكـ وبارين
<<تسمع بالدعاء
سيووو

[ليلى بنت عبدالعزيز]

هلا حصوصة
وأحلى دلع برأيي للأم أو الأب ماما وبابا
لم اعتاد أناديهم باسمهم ابداً
مدري ليه يقولون عيب عندنا بالشام
عموماً ماما ومامي وماميتو و يمه
وأبوي وباباي أكثر شي ننادي به على اهلينا
والعم بلا كلمة عمو ما يصير
و خالو وعلى هذا المنوال
موضوع شيق ورشيق
بوركت اختي حصة
نبضك راقي و احساسك جميل
دمت كأنتِ...



اتمنى اني شاعرة
تدرين ليه.!
عشان ارد عليك بقصيده ترتقي لك
حياك الله شامنا

[ليلى بنت عبدالعزيز]

أنا أدلع أمي أدعج غنج :)








عسىا الله يخلي لتس وغدانك ...



ادعج >>يعيني مدعجه عيونها بكحل ولا ايش..!
اشك فيك يامتكي احس دلعك مثل وغداني ودهم يدلعون بس يقلبون الدعوة
اااااامين... ويخليك ياوغد لامك
حياك يوسف..

[ليلى بنت عبدالعزيز]

انا ادلع امي يبه

خخخخخخخخخ




حصوصه

حصحص

حصاحيصو

حصوص

نصوص




اي شي







اجل ابدلعتس الضحوك على عنز الوالد

خخخخخخخخخخخخخخخ






لاهنتي اختي حصه على هالموضوع





وتقلدي تحيتي



هههههههه
عليك تدليع موصاحي
طيب ماجد وش يدلعك ..قل ولا اعلم احد ابدن..!
مرور غير شبوووث..

[ليلى بنت عبدالعزيز]

حصاحص


انا مريت جنب بيتكم البارح:puzzled:.........الا ولدك يناديك...









دلّعوة عفنان...:a:




هل البيت اللي مريت عليه ....صدق بيتكم؟



ولا انا متوهم!!!:)


النبيذ له تاثير عليك ...
الله يشفيك ياعبيد

[ليلى بنت عبدالعزيز]

اييييه



انا ادلع ابوي عزيز :)




وامي اميمتي roooose








عزيز >> بصراحه تصغير يفيد التحقير
بقترح عليك سمه عزوزي ..العزي..عزوزنا يالبييه
اميمتي >> بعد نفس الشي ..
ابحث عن دلع ثاني اذا صعب عليك علمن
ابو خلوفي هلا فيك

[ليلى بنت عبدالعزيز]

انآ اقول ماما وبابا
الوحيده بالبيت:)
الكل يممه يبه
كلهم رجآل
انآ ياحبني لي ادلع :) حتى اخواني
هههههههه
احس كني امهم
بس احلى دلع لي
بابا اذا جا بيدلعني يقوول
( منيره يمي)
ولين قالهآ احس ودي اقدم الدنيآآآ
وووه بس
هههه
حصووووصه
اسمكـ بكبرهـ دلع
:blushing:
اللي يصلحهم ويهديهم ويصيرون دايم معاكـ وبارين
<<تسمع بالدعاء
سيووو



منيرة يمي > ماتلاحظين دايم الدلع من الاب ..ياحبيله الله يجمعنا وياه بالجنه
ليت اسمي حصه
سارقته من الوالدة خخخخخخ
الله يتقبل دعاك يالغلا..

[ابو عارف]

حصحص

[يـــوسف]

سؤالي هو :)



الحين هي نيتك تبين اسم دلع وأنتي هالكبر :)







دلعي وغدانتس أصـــرف لتس وخلي الدلع لسناعيسو وابو خلوف :)

[حمـود]

حصيه

وش اخبارتس انتي وعيالتس

الحين اسمتش مو حصه

اجل وشو >>احراج بالحراج

للحين مصره على اسم لدلع والا بس تبين عيالتس يدعونتس

[ليلى بنت عبدالعزيز]

حصحص


سم يا ابو عارف تامر شي...! >>> مصدقه انها تدلع

[ليلى بنت عبدالعزيز]

سؤالي هو :)



الحين هي نيتك تبين اسم دلع وأنتي هالكبر :)




طيب وغداني وكيفي..
تدري يايوسف عمري ماقيل اسمي دايم دلع
الله يديم النعمه




دلعي وغدانتس أصـــرف لتس وخلي الدلع لسناعيسو وابو خلوف :)

الرازق في السماء
والحساد بالارض
يعني تبي ندلعك ...خلاص
بخلي ولدي يجيبلك دلع خطير ههههههههههه
معجب فيك وزاد الاعجاب بعد التوقيع
هههه هههه هههه

[ليلى بنت عبدالعزيز]

حصيه

وش اخبارتس انتي وعيالتس

الحين اسمتش مو حصه

اجل وشو >>احراج بالحراج

للحين مصره على اسم لدلع والا بس تبين عيالتس يدعونتس


سم يالناصر
بخير برد وصرد وكحه وحرارة
ماابي اقوله اخاف تسرقه لانه مميز شووووي ههههه
عيالي يدلعوني وخالصين بس حابين نغير مع السنه الجديده..
ههههه

[يـــوسف]

طيب وغداني وكيفي..
تدري يايوسف عمري ماقيل اسمي دايم دلع
الله يديم النعمه



صم الله على الفضل :)
طيب شنوح انتي كذا ؟؟
كل هذا من زود الأتيكيت عندك طيب درينا هههههههههههههههههههههههههههههههههههههههه

يعني تبي ندلعك ...خلاص
بخلي ولدي يجيبلك دلع خطير ههههههههههه

لا يرحم شيبانتس ماني من اللي يدور دلع ولو يدلعن احد اوكله شي زين :)
وولدتس خليه يدلعتس اول وبعدين وصيه :)


إلا هو كم عمــره ماودهـ يخاويني نروح للثمامة اخليه يجيتس تقل طالعن من حدر الأرض من الغبرة

[عبدالله الجعيثن]

^
^

مثل رشت ددسنك..




رشت مطر...ولا رشت القصيم!!!

[غالب]

خليهم يسمونتس
أم جبهتين

[ليلى بنت عبدالعزيز]

صم الله على الفضل :)
طيب شنوح انتي كذا ؟؟
كل هذا من زود الأتيكيت عندك طيب درينا هههههههههههههههههههههههههههههههههههههههه


لا يرحم شيبانتس ماني من اللي يدور دلع ولو يدلعن احد اوكله شي زين :)
وولدتس خليه يدلعتس اول وبعدين وصيه :)


إلا هو كم عمــره ماودهـ يخاويني نروح للثمامة اخليه يجيتس تقل طالعن من حدر الأرض من الغبرة




ههههههههههههه
لاحول ولاقوة الابالله >>> ياشين الغيارة
ولدي رجال اصغر منك بشوي ...ههههه
خلاص متى تمره ابيك تعلمه على الخشونه وابيك تصورة وهي راكب ددسنك..
والعزبه والرواق عليه

[ليلى بنت عبدالعزيز]

^
^

مثل رشت ددسنك..




رشت مطر...ولا رشت القصيم!!!



عبدالله .. حياك الله

[ليلى بنت عبدالعزيز]

خليهم يسمونتس
أم جبهتين



:qannaj:

[حمـود]

ههههههههههههه
لاحول ولاقوة الابالله >>> ياشين الغيارة
ولدي رجال اصغر منك بشوي ...ههههه
خلاص متى تمره ابيك تعلمه على الخشونه وابيك تصورة وهي راكب ددسنك..
والعزبه والرواق عليه



من صدزتس
تبي ولدتس يطلع البر مع المتكي
اعوذ بالله
الا اذا موافقه
ولا وتبين نصورة وهو مغطينه بالرواق
لا لا
ما يصير
يوسف ابي اروح معكم
نعلمه السواقه وترصيص الكفرات >>ملعون
المتكي تراه بسادس
كبر دحيمر
هههههههههه

[ليلى بنت عبدالعزيز]

من صدزتس
تبي ولدتس يطلع البر مع المتكي
اعوذ بالله
الا اذا موافقه
ولا وتبين نصورة وهو مغطينه بالرواق
لا لا
ما يصير
يوسف ابي اروح معكم
نعلمه السواقه وترصيص الكفرات >>ملعون
المتكي تراه بسادس
كبر دحيمر
هههههههههه


ابيه يدربه على القراده >> دروس داخل المنزل وخارجه

ماشاء اجل مابين وغدي ومتكي الا ... كم شهر

يوسف لاتاخذونه...انت وش تبي فيهم ماتكفي الغمارة..!