ياجماعة أفزعو لي تراي ماأستغني عنكم [ أسم لمهره ]

[فتى البيداء]

بسم الله الرحمن الرحيم


السلام عليكم ورحمة الله وبركاته


مساكم الله بالخير جميعا ..


أنا لي كم يوم وأنا أستشير وشاور لكن ماطلعت بنتيجه ..


الثلاثاء ألي فات شريت لي مهره (فرس) وما له أسم ..


وشاورت أصدقاي وكلن يعطين أسم ..


أما أسم قد سماه أحد قبلي .. ولا يحق لي أخذه ألا بإذن منه وتنازل .


ولا أسم ماهو زين (مايعجبن) ..


فلو كلفت عليكم أبي كل واحد منكم يعطين أقل شيء أسم وأكثر شيء ثلاثة أسماء ..


وأن شأالله أن الأسم ألي يصلح أباخذه وسجل الفرس به ..


ويقدر صاحب الأسم يتابع الأسم ألي سماه بمتابعة منتديات الفروسية (طبعاً لكسبت الفرس) ..


ياجماعة يمكن الموضوع مايهم البعض أو يقول والله ياهو فاضي ..


لكن والله أني بلش .. وألي يتساعد معي أعد أنه قدم لي معروف ..


ملاحظة : الموضوع جدي .. ولولا غلاكم كان ماشاورتكم ..


أرجوا منكم الجد لأن أخر فرصة لتسميه يوم السبت الصباح ..


أختي تقول سمه (غدي) .. قلت أنا أشوف أخواني بالفله ويبي يحله ربي ..



عاد تصدقون أنه طرى على بالي أسميه (المضايف) وطرى علي بعد (الفله) ..


بس قلت ألقاء عند الأخوان أحسن من هالأسامي ..


نخيتكم ..
( يقولون يموت الولد ما أنخي .. )

[غالب]

سمه
طيره:3ajebni:
تر ماأعرف للخيل حدي البعارين:3ayyen_khair:
ألا هي وشلونه
ومبروك

[فتى البيداء]

طيره ؟ سناعيس دور أسم أحسن منه أشوين ..

والله أني جالس أفكر وخطط عجزت ألقاء أسم .. أما لونه فلونه أدهماء ..



ياجماعة عنده سبق يوم الأربعاء وأنا إلى اللحين ما سميته .. أفزعوا ..

[ريتاج]

يااعله مبرووك ... تكسره بالعاافيه

والله يا اخووي ابي اجيب لك اسماااء...

اصبر....



الجازي...

وسن..

[الوافي511]

وش رايك في اسم


(تصانيف)


او

(بتول)


تحياااتي

[روح حايل]

شيهانه



بروق



تواصيف



ملحكم لا خستو :)




ارجع لك ان شاء الله :)



ياحبي للفزعه ودي افقع وجه ابوخلوف من الحماس :)

[ليلى بنت عبدالعزيز]

انا اخت فتى بيداء اني اخته
ذكرتني في اخوي يوم شرى فرس بس مااعجبه اسمها ..
وسميتها له>>وعطيته السماوه:)
سمها:
حصه >> والله لو تسميه لرسلك السماوة :)
شيخه
لطيفة
سارة
فوز
غيداء احلى من غدي
هيفاء
النايفه
والسباق ..الي فجر الخميس في رماح( سباق تحمل) ولاغيرة...!
اتمنى اني افدك اخوي ..

[فتى البيداء]

يااعله مبرووك ... تكسره بالعاافيه

والله يا اخووي ابي اجيب لك اسماااء...

اصبر....

ابشري رتاج .. أنتظرتس بس قبل السبت ..

الجازي...

ممتاز بس أخبر هالأسم مأخوذ ..

وسن..

ريتاج الله ينجحتس ويوفقس بالدنيا والأخرة .. بس عاد أحرصي لي على أسم ..

وشكراً على المرور ..

[فتى البيداء]

وش رايك في اسم


(تصانيف)

ممتاز أعجبن جدا ..


او

(بتول)

هذا ناعم وأنت عارف وأنا أخوك الخيل تبي الشده أشوين ..


تحياااتي


والله أن ما لقيت أفضل منه لأسميه هالأسم .. (تصانيف) .

ألوافي والله أنك وافي ..

ياعزوتي ..

[فتى البيداء]

شيهانه

المشكلة هذا موجود فيه فرس تركض بهالأسم ..



بروق
وهذا قد سمي ..



تواصيف
موجود أيضاً (أهل الخيل ماخلو ولا أسم )



ملحكم لا خستو :)




ارجع لك ان شاء الله :)

بس قبل السبت الصبح ..



ياحبي للفزعه ودي افقع وجه ابوخلوف من الحماس :) والله ماطلعتي من أصلتس .. الله يعافيتس .. تكفين عجلي على ابوخلوف ..
ترى أسواتس أهم عندي من الأسم ..




الله لا يهينتس يا روح حايل ..

[ريتاج]

اخووي وش راايك..

بأسم...تسواااهم

[فتى البيداء]

انا اخت فتى بيداء اني اخته
أي والله أفزعي لي ياحصه ..

ذكرتني في اخوي يوم شرى فرس بس مااعجبه اسمها ..
وسميتها له>>وعطيته السماوه:)
لا يصير عليان ؟؟
أجل أفزعي لي مثله ..
سمها:
حصه >> والله لو تسميه لرسلك السماوة :)
شيخه : موجوده
لطيفة : كود أخذ تنازل به ..
سارة : ماهو زين ..
فوز : ماهو زين ..
غيداء احلى من غدي : هذا مسمى كود تنازل ..
هيفاء : تنازل ..الخ
النايفه : بنت نايف للأمير سلطان بن محمد ..
والسباق ..الي فجر الخميس في رماح( سباق تحمل) ولاغيرة...!

أيه تحمل .. وأنا ماني راعي سباقات تحمل .. سباقات سرعة ..
اتمنى اني افدك اخوي ..

ياحلولاه .. بس قبل يوم السبت الصبح ..




حصيصه الله يجزاتس خير .. شرفتي ولا كلفتي ..

[ابو ضاري]

المها

البتول

الشقراء

البغداديه ..اصبر شوين طلعت حدى اسم الدلال

الهنوف

السنعوسيه

الاجوديه

وقف مخي وسلامتك

[فتى البيداء]

اخووي وش راايك..

بأسم...تسواااهم

ريتاج زين بس أبي أفضل منه أشوين .. لو كلفت عليتس ..


الله لا يهينتس ريتاج .. على هذا المجهود ..

[عجايب بنت الشايب]

فتى البيداء


الله يساااامحك





وانا جااايه اعدي وخثعت وانمشخخ وجهي


كله يووم قريت افزعوااا




واخرتها اسسسسسم




ياشيخ سمها




قشعه




جلاده >>مافيه بالخيل بسس بعرور :)





سمها



اللعوب



العاتيه



الجذابه



الملهمه




المعّجبه :)










ياشيخ سمها فرسي وخلاااص






ياخسارة شعر راسي اللي وفق يوم سمعتك تنتخي :(




طحياتي .......

[روح حايل]

سمها ....


نجديه حلوه مره :)



ولا موبايلي هي اختياري :)



ولا روح حايل / أم الهكي /


ولا تغلي :)


ولا غاليه :)


ولا قاهرتهم :)

[يـــوسف]

أول شي هالسالفة يابو الليد يبيله جلسة وتشاور :)










والماضوع مثبت لعصر الجمعة نبي الربع يفزعون لك :)


وبعد إذنك ابغير العنوان :)












ياخي ليش تعقد الأمور أنت :(



سمه باسكال :)

نيرمين الفقي :)

خلوفه :)

غلوبة :)




يعني دور لك من الأسماء الزينة يافهد خل العالم تسولف به قبل تاصل علشان حتى لو تخسر تاخذ صيت بالأسم :)





بالله وش رايك بي ماني مخ قائد محنك :(










ولا زي ماقالت أم الهكي كوينية :)

ولا تهاني الحسن ..


ولا موضي










تعبت اص :)







لي نكسة يافهد ..

[بنت الجبل آخت القصيد]

سمها

الـعطر
او عطرالقصيد <<< فدوه لك اسمي

سمها الهنوف ...
او قصايد..
او ســلــمـى

[&^^مهــــا^^&]

مبرووووووووووكه عليك ان شاءالله

والله مالي علم بتسميتهم

بس ان شاءالله يعجبك

دلع

والا الحلوه

وان شاءالله تلقى لها اسم

[الشبث]

انا اقول سمه بأسم حدى خواتنا اللي هنا


ولا سمه الشبث

خخخخخخخخ






وشرايك بأسم سعدى


ولا الضابحه





تصدق عجبني المضايف


حلو




ويالله يالربع افزعوووووووووووووا لخوكم



وتقلدوا تحيتي

[السنعوووسيه]

فتى البيدا



السنعووووووووووووووووووسيه
او
الضيغميـــــــــــــــــــــــــــــــــ ه
او
النايفــــــــــــــــــــــــــــــــــ ـــه




والله اسماء روعه


وابوي يقول خليه يسميه

كحيله على فرسوه يقول اسم روعه


الله يبارك لك به انشالله



عاطر ودي





































*

[ابو خلوف]

مبرووكه ان شاء الله




وانا مالي بالاسامي هذي



بس مثل ماقال يوسف



خلوفه :)

غلوبة :)



احسن اسامي بالمضايف كله

[εïз خزامى εïз]

حلوو ماشاء الله
عساهآ مبروكه
ياي حصانه <<هههههههههههههههه
ممم
جوزا <<تنطق جازا :)
غيوض
روابي
جملآ
الغضى
طخيمه :) هههههههههههه
ثمرآ

[εïз خزامى εïз]

وبعد الراسيه
ووان شاء الله لي رجعه
بسال

[قمر اللــيل]

مبروك الفرس وفاله الفوز ان شاء الله
ياعندي لك اسم تريه مميز ولا له شبيه ولا حد يفكر به

بس هالاسم حصري محتكر لك


سمها ((((((((شعشاعه)))))))))

تسان الاسم عجبك خيرن على خير وان كان ماعجبك حيل الله اقوي

دمت بخير



قمر الليل

[غالب]

وش رايك تسميه
1-شامخه
2-طيف
3-زينه

[يـــوسف]

سمه ..




جلمونية



لينة :)


صلفه <_ ماهي خالتي :)








يافهد والله أنك بهالسالفة سببت لي أرق حتى النوم ماأنامه زين بس افكر لك بأسم :(

[الشبث]

فهد وشرايك بحالمه


او يوسف


خخخخخخ




سمه (( حالـــمه ))




او متفائله


او مسعوده




او سلقلق


خخخخخخ



وتقلد تحيتي

[ريتاج]

عيـــــــــــــــون المـــــــــــــــهــا...


شيــــــــــــهــــــــانه...

[منصور الغايب]

لميس .......... :)

[εïз خزامى εïз]

عنَابه
الوديعه
الظليمه <<سالت وقالو هالاسم بس وشهو بصراحه مدري؟؟
الغيد
داعجه
كحيله
اللاحقه:) ههههه
مممممم
بس:blushing:

[بنت الجبل آخت القصيد]

سمه
الحلا

[عبدالله الجعيثن]

سمه




دندوفه............اتحدى احد سمّاه قبلك





ولا



طوّايه..........هم اتحدى احد سماه





ولا





سمه "بيدا"......على اسمك عندنا

[ابو عارف]

سمها : سراااب

[فتى البيداء]

كلن بأسمه الله لا يهينكم .. ومشكورين على التفاعل ..

أللحين أقدر أقول طلعت بعدة أسماء ..

وش رايكم :
1/ بـــ( الضابحه ) هالأسم الشبث ألي أختاره وقد ذر في القرأن (والعاديات ضبحا) الحقيقة أعجبن حيل ..

2/ بــــ(مضايف ) على مضايفنا ..

3 / بـــ( الوديعه) على ماقالت أختنا خزامى ..

سناعيس كل ألي أخترت موجودات ..

منصور الغايب والله ماتسوى السافلة من يسمي عليه فرس .. (أسلقة يمكن).

ريتاج عيون المها وشيهانه موجودات في الميدان ..

الشبث أعجبن (الضابحه ) جدا ..

يوسف جلمونية وش معناه بعدين ثقيل .. أما لينه .. الواحد يبر أهله قبل خواله .. دور لي ديرة من ديار شمر وابشر بالجايزة (بس تكون ما وخذت ) ..

قمر الليل شعشاعه بنت شارد مأخوذه كود تنازل ..

ابوخلوف الله ياخذك ..

السنعوسيه .. كل ألي قلتي موجودات بس السنعوسيه والضيغيميه ثقيل .

عطر القصيد أسمائتس ناعمه والخيل تبي الشجاعه ونذشدي ابوطروق ..

يابن جعيثن طيور الجو طارت بالأرزاق يابوغازي ..

قصدك طاويه ممتاز بس أغدي ما أوخذ .. دندوفه بعينك يالشايب ..

أما بيدا ؟؟ فرسي موجودة.. له عندي تسع سنوات أسمه البيداء .. بسم الله عليه ..

عمي ابوعارف يشارك معنا .. الله يرفع قدرك .. والله ليت لو أن هالأسم ماهو موجود كان علشانك أسميه .. بس خسارة ..


أخواني شيروا علي بالأسماء الي فوق .. (ضابحه .. مضايف .. الوديعه ) ..


ولكم جزيل الشكر .

[عبدالله الجعيثن]

^
^

كلهن مايصلحن




دندوفه........وبس

[قمر اللــيل]

دميره سمها دميره

[السنعوووسيه]

عبدالله
اشاطرك الرائ داموه ماسمي بسمي
مالوه الا دندوفه هع هع

[εïз خزامى εïз]

الحمد لله رسيت لكـ على اسماء
زين
ممممم
تبغى الصراحه
مضايف اسم حلو
لكن اشوف انه حلو لو لاستراحه او مزرعه
وماشابه
يعني بناء
اما لخيل( الله اعلم) بس مو راكب ههههههه
وبالنسبه للضابحه
يكفي انه ذكر بالقران
وفوق كذاأآ له هيبه بالنطق
والوديعه تعبت اليوم دقيت على ناس بمنطقه وين؟ بعاآآد ؟!!
عندهم خيول اسأل لكـ لاني اعرف ابل بس:)<<<تمن :boxed:
الوديعه سهل نطقه بالمناداه وحلو معناه
الزبده
استبعد مضايف
:)
وثبت الثنين الباقين
اهم شئ يافتى
الله يباركـ لكـ فيهآآآآ
ياارب


http://www.mlfk.net/download/208449380a640a3c6.jpg

[محارش]

عنابه

مضاوي <<< وقسم انه مصفوط

فيكتوري فايندر <<< سيارتين في سياره :)


فريال <<< باااااااااااااند :)


دندوفه


الاصوات

اربعه لدندوفه يالله توكل على الله وسمه عاتيه :)

[حمـود]

هيه

دوري يالله الكل اسكتوا

خلونن اقول لو اسم

اسمه عقدة>>هههههههههههه

الضابحه مع اخوي ابو ماجد اسم حلو اما مضايف اقل

بس انا من رأيي مثلا سمه الجوهرة او عاليه او العاديه

ودمت بخير

[ريال الفسحه]

سمه جعرا ويخب عليه

وبالسباق بذمتي انه تبي تنخمع
اول مايفتحون له الباب

:)


طعن اذبحه وقطعه ثلاجه


<----ابوك يالتحطيم :)

[عبدالله الجعيثن]

^
^

حتى ثلاجه ماتنفع



ثلاجه........اسم منتاز



ثلاجه..ثلاجه.......ثلاجه تتقدم الجياد




والمنعطف الاخير....ياسلالالالالالالام



ثلاجه...المركز الاخير




مبرووووك




اقول تبيعه ب 6 اكياس علف "وافي"

[بالمختصر..]

الجوهرة

عروبه

أصيله


وش رآيك ..؟





.
.

[فتى البيداء]

ابن جعيثن : أسمائك كلها مميزه بس ما ينفعن ..

ريال الفلس : والله من يوم سميت روحك ريال وأنا عارف أن ماعندك غير الفلس .. ريال؟؟ ريال؟؟ .. يمان

الغنيمة .. ليه ماصرت تسع طعش ؟؟

بالمختصر الله يعافيتس ..


قضينا سميته الضابحه .. واوراقه بالرياض .. عساهم مايعترضون على هالأسم ..





الشبث أنا ممنونك على هالأسم الجميل ..





شكراً لكم جميعا دون أستثناء ..

[ريال الفسحه]

جعصه

حلو

[فتى البيداء]

ريال الفسحه ياعصا المكنسه .. قضينا من الأسامي (الضابحه) أن شأالله ..

[*رمـــاد ذكـرى*]

سمها غطريفه

سمها مهيه

أو العزوف أو صرخه ..

هذي اسماء لأفراس عندي وعادي الله يفسحك ويبريكـ سمها


وإن كانكـ خلاص سميتها فالله يبارك لك في حلالك ومالك وعيالك انشاء الله