لــيـــل الـمــديـــنــه

[مشعان عتيق]

http://thumbs.bc.jncdn.com/48480a415dabac377d21b85abccfbb17_l.jpg




http://www.snnam.com/vb/images/smilies/srose4.gif



......


..........................................




ملول مقرف برد ليل المدينه


ياما سهرته ضايق الصدر مخنوق


طفت شموع العمر فيها حزينه


احسِّني منِّي .. من سنين مسروق


للحزن نخل الروح وجلى رهينه


وفي روض صدري ماتت جذوع وعذوق


يشد قلبي للصحاري حنينه


والعمر خالي ما روى ظامي الشوق


حظيظ من يقضي بقايا سنينه


يفرد جناح الروح ويحوم الى فوق


ما تشوف له من ضافي الغيم بينه


عايف ظنون الناس عاشق ومعشوق


ان اشهد ان البر للبدو زينه


وتفريج قلبٍ موحش وظامي عروق


يا كبر حظه يوم صفق يدينه


هالطفل الاسمر راح يركض ورا النوق


حلوه حياة البدو ماهي بشينه


حلوه بسيطه هيّـنه عذبة الذوق


فراق بعض الناس ماهي غبينه


وفراق قيل وقال سارق ومسروق


الخير قرْب اهل العقول الرزينه


والشر قرب الجاهل ان جاك مطفوق


صديت عايف كل حمْل السفينه


وهيجنْـت في عشق المراقيب طاروق


نفضت عن صدري مواجعٍ دفينه


والبال تو ارتاح والخاطر يروق


اليوم .. عيد فراق ليل المدينه


وعيديّته .. دمعه اخيره من الموق


..............................................


..



http://www.snnam.com/vb/images/smilies/srose4.gif

[عبدالله الجعيثن]

مشعان



ابيات جميله جدا



جزل ومتمكن


شرفنا حضورك

[مشعان عتيق]

بسم الله الرحمن الرحيم

السلام عليكم

عبدالله الجعيثن .. الغالي

كل عام وانتم بخير

...

شرف للقصيدة حضورك الطيب

صح بدنك

يا جزل الحضور

..

لك الحب

و .. في امان الله الكريم

..

[وسمي المويس]

مشعان صح لسانك


قصيده ابداع

[مشعان عتيق]

http://thumbs.bc.jncdn.com/48480a415dabac377d21b85abccfbb17_l.jpg

هلا فيك الغالي / وسمي

وسم للمحبة والتقدير

شاكر لك جود حضورك

دم سالما

..

لك الحب والحشمه

..

[عبدالمجيد الشمري]

صح لسانك أخوي مشعان , ولا هنت ..

بانتظار جديدكـ ..





تقبل مروري المتواضع ..

الأشمـل

[نايف حزوم]

فراق بعض الناس ماهي غبينه


وفراق قيل وقال سارق ومسروق


الخير قرْب اهل العقول الرزينه


والشر قرب الجاهل ان جاك مطفوق
[align=center]

صح الله لساانك ولا هنت يابوعتيق