,, سالفه .. بنشده .. بخاقا باقا ,, !!!

[مشــــعل]

.



.



الشوف قرّب .. يابوعايد .. تدهورت
.. وانا شباب شلون ياصرت شايب :za3lan:








اي واللــه يالربع الشوف غدى شجر .. وانا توي شباب :za3lan:


واعزااااه ..








لسعة صدور اهل الفلــه .. قلنا خل ندربي استفسارنا بشليل حديكم










اكا اليوم الشايب ضيع مجموعة من نيـاقوه ..


ومرن العصوريه على عجاله .. قال ودن .. البل مذكوراتن لنا بالمتسان الفلاني ..




وحنا نجيــك .. انا وياوه



خذينا لنا شوين .. وحنا نطب على مجموعة من الشيبان رعاهم الله


(خافور ومروي وصنيدح)





سلام عليكم .. عليكم السلام




حي الله هل البل .. تحيون .. عينتو لهن عينــه ؟




قالوا البل قريبّااه .. تقهوو


(تقهوينا) .. قالوا هذلنتسهن نياقكم ..!!




وحنا نوقفّ .. على اساس نبي ناخذ الوصف :puzzled:


وهم يقومون يدربلـون .. قالوا تشوفون هكا النبــا على صوبوه ..




وهم يمدون الدربيل لابوي .. قال الوالد عطوه مشعل غديه اشوا مني :za3lan:




وانا اقوم لك .. اصاوغــوه يمين يسار . ياولد مهي هي .. عجزت اشوف شين :za3lan:


والزينــه واحدن بجنبي يقول .. هذا انا اشوفهن بعيني .. العن ام القهر




والثاني كايزن .. انت شفتهن .. انت شفتهن ..


بغيت اجحر الدربيل بأفموه .. فرقى سنّ ..







قلت ياولد مابدهاش .. خلن ادربيـه عليهم
قالوا: شفتهن


قلت : اي واللـه يالربع شفتهن .. مايحتاج :za3lan:




بعد هالسبب المؤلم .. وااسباب كثيره .. يصعب علينا حصرهن


وبعد انحدار الشوف لاخوكم .. من لي تقريبا ثلاث سنوات وجاي .. ومنحاش عن النضارات




قلنا مالنا الا عملية تعديل النظر






نشدّنا بالسعوديه .. طلعت التكلفه عاليه والنجاح ماهو مضمون


واحد من الخويا سواه بالمغربي حول 9000 ريال .. وعينوه اليسرى صابه جفاف :za3lan:





لذلك قررنا ان تكون الوجهه اما للاردن او سوريا ..



وذلك الاسبوع القادم .. ان شاء الله






فأي البلدين افضل من ناحية الكفاءه .. وهل فيه احد منكم سواه


لاحد يقول لي سمعت .. لاني ياما سمعت :za3lan:





ابي تجربه شخصيه .. لك او لاخوك او لاختك او لاحد تعرفــوه


ولو فيه ارقام لدكاتره معينين ياليت ..






وياحبذا لو يكون الرد قبل الثلاثاء ..







لانه صباح الثلاثاء وانا ماسكن خط الجوف ومشغل خالد السلامه:)











لاوالله شالوا على الحمـراء .. وتقرفطت فوقها نوره :za3lan:



جزاكم الله خيرا مقدما roooose < منــوخذ

[السنعوووسيه]

قلت : اي واللـه يالربع شفتهن .. مايحتاج :za3lan:


هههههههههههههههه

فى المواقف الى مثل هاذي معك حق
دربه وماجاك على

الله يعينك ياخوي

بس اعتقد الاردن بالطب احسن من سوريا
لذالك ياجيت عمان اسحب بريك لا تعدي

وبتوفيق لك


عاطر ودي

[εïз خزامى εïз]

الحين الدربيل له شئ تفره ويصفي لكـ النظر
لو ماوضح لك بالعدسه الطبيعيه
ناسيه شسمه ?? ممممممم
لو انكـ محركه كان شفت زين
لنقص النظر هو واحيانا عشان القطر ماالقطر
نسيييت والله وش اسمه:boxed:
المهم
كسرت خاطري :( الله يكون بعونكـ
اسمع اللي اعرفه ان الليزر مو زين
يعني لو بتسوي عمليه (نيزك) احسن من الليزر
والاردن اكيد احسن من سوريا بس اغلى اتوقع
الله يعطيكـ العافيه والسلامه
ياخي ماحب هالعملياتـــ
طمنآ عليكـ
سيوو

[ليلى بنت عبدالعزيز]

مساء الخير اخ مشعل
لاسوريا ولا الاردن
ومجرب >> الحموله كلها عنده
رح لمصر لدكتور طارق صلاح
اسم المركز
المركز التخصصي للعيون
18 شارع الخليفه المامون- مصر الجديده- القاهرة
ت 014549570
0123990401
0123990402
فاكس 024545839
الايميل
tsalah_esc@hotmail.com (tsalah_esc@hotmail.com)

وبالتوفيق وعقبال ماتشوف حايل ونت بالقاهرة

[حيل حليل]

روح لسوريا اونس
<<<< ابوك يالفاسد

والله اذا تبي تطيع شوري سوها في السعوديه اضمن

[يـــوسف]

لي نكسة مع لسته به أسماء دخاتره بالبطحاء :)





الدوام ينادي :(

[محارش]

نصيحه للجميع

لا احد يسوي عمليه بعيونه الا بعد ستشارة اكثر من دكتور لانهم مدهرين بدعايات الليزك علشان يستغلوننا بسبب عدم إلمامنا بمخاطرها على المدى المتوسط والبعيد .

مع اعنف واشرس التحايا المحارشيه

[ماجد]

خابرن لي واحد ليابغى يحاتسيك جمع علمتوه
واذا اقبلت عليه بوسط لك مجلس تبي تسلم مايقوم الا يمى تنبهوه
راح للاردن وسوى ليزك وهالحين ماشاء الله شوف طير

ابكلموه وجيبلك المعلومات الي تفيدك

[عجايب بنت الشايب]

تكفون ياعرب عجلو عليه


الله يشفييك :) >> هالدعوه تقهرر استغفر الله





الله يحيييك بالفله ويسلم عويناتك

[ريم شمر]

حبيبتاك لاتسلمهم الا من تثق فيه

اصبر لاتستعجل اخوي مشعل

اسأل كثير واستخير والله يسلمك ويسلم عيونك :)

[ليلى بنت عبدالعزيز]

وبعد انحدار الشوف لاخوكم .. من لي تقريبا ثلاث سنوات وجاي .. ومنحاش عن النضارات

توي شايفه هالسطر
تعال هنا
بتسوي عمليه ونت مالبست نظارات
البسها احسن لك
وكانك خايف على اللوك حقك يكون موحلو
البس عدسات
ملاحظه / ثانيه ترى الكبر شين
تقبل نكستي الثانيه

[غالب]

عدي أشوفك بوسط هالشيبان ههههههه
والله يخوي ماأدري
بس أغلب اللي بلاهم النظر يروحون للأردن

[ابو خلوف]

قلت : اي واللـه يالربع شفتهن .. مايحتاج :za3lan:


وعساها طلعت هي



الحقيقه ما اعرف



ولا الي تسمع به كثير

[روح حايل]

ماتشوف شر .......

نص اهلي بالاردن :)



وشوفهم الحين تمام التمام :)

[عبدالله المهيني]

لا سوريا


لا الأردن


لا المغربي بالسعودية





.
.
.



مستوصف خاص في إيران


طلع بتقنية جديدة أفضل بمراحل من الليزر والليزك والسوالف هذه كلها
حتى الألمان اللي إخترعوا تقنية الليزر والليزك قاموا يسوون العملية في هالمستوصف بإيران



والعجيب إن مدة العملية لا تستغرق أكثر من 10 إلى 12 ثانية <<< ثانية مو دقيقة لاحظ


والعجيب أكثر إن قيمة العملية كلها على بعضها ما تتجاوز 550 دولار يعني أقل من 2000 ريال



يعني سرعه ورخص وأفضلية




وإذا تبي أدز لك كامل المعلومات على الإيميل أرسلي إيميلك وتوصلك نشرة كاملة بالموضوع هذا







( بس ترى ما جربت ولا أعرف أحد جرب )




:)

[الشبث]

الزقرت ما قصروا بيض الله وجيههم


وحاب اقول ياهلا بهالخطوه العزيزه علينا


وياليتك مجحرن الدربيل بحلق هالغثيث وملحدزوه فنجال



دبل تسبدي خخخخخخخخخخخ









يذكرون فيه ببنقلادش دكتور اسموه عبدالله رحيمان


يقولون حق ركب خخخخخخخخخخخخ







لاهنت على هالطله الحلوه



وتقلد تحيتي

[حياة الورد]

كانك معزم و بتاخذ الشور..
سو عملية لايزيك عند الدكتور عبدالملك القحطاني بتلاقيه بالشميسي ..
على ما اذكر موجود بالعيادات الخارجيه..وعلى حسابك..
والله يشفيك ويقومك بالسلامه...

[حمـود]

ليس لدي علم

بس اخوي مسوي عمليه عند

الدكتور عبدالله براون بمغربي المدينه المنورة

بس تراه فوق 7000 الالف

وما به شي لليوم

دكتور شاطر وممتاز

وكثير راحو لمه حتى من الرياض

الدكتور عبدالله براون مو اي احد ثاني

[ريال الفسحه]

والله لو انا محلك رافع الدربيل فووووق ومجحره
بخشم هالنشبه :)



يالله حيّ البناخي


اسمع العلم اللي يجمد على الشارب يامشعل


اخوك ابوفسحه ساكن كما تعلم بمدينه الاحساء
له اخون لوه يلبس المناظر قبل سنوات طويله
فوق العشر فوقهن بكم سنه ولايشوف بدونهن لو
تذبحه نصحوه ربعن لوه يعمل الليزك ورحنا لمستشفى
المغربي وفحصوه وقالوا تقدر تسوي العمليه :)

حجزنا لوه والعجوز حطت لوه شنطى ملابس وله بتسا
تحسبه شهور :)


طبعا وديناه خلال نص ساعه وهو طالع وقال الدكتور لايطلع
بالشمس مياشره عشان ماتخرب عمليته واشتروا له نظاره
شمسيه وخلوه يلبسه لمدة شهر وعطوه لوه قطره واتبعنا
المواعيد كل موعد نحظره ..


والان ماشاء الله عليه يشوف اللي تحت الارض :)

قيمة العمليه تقريبا 6500 ريال مع الفحص يعني
يفتحون لك ملف ويفحصونك هل العمليه تنفعك او
لا [ لان بعض اللي يلبسون نظارات ماتنفعهم ]
المهم فحصوه وسوا العمليه مع المراجعات ببلاش


اتوقع 7000 ريال لو تروح لسوريا او الاردن مع المخاطر
هناك وسكن واكل راح تكلفك فوق هالكلام غير انك ماتقدر
تشتكي لو حصل شي لاسمح الله ..


ميزة الليزر والليزك

الليزر مالك الامره وحده لانه لو فشلت العمليه خلاص ماتنفع
اما الليزك لو تفشل اليوم تعيدها بكرا ولاله اي ضرر على العين
يعني انصحك بمستشفى [ مغربي ] وخصوصا فرع الاحساء اغديك
تسيّر علينا :)

اي استفسار اي شي ارسل للخاص وابشر بالجوال وراعيه
تبيني اسالك مغربي نفسهم تامر امر نسال عن نفس الاستشاري
او افضل واحد عندهم وباي فرع يعمل تامر بعد يابعدي ..


الان اللي سوا العمليه له فوق سنة ونص وعيونه مدهرااااي :)




تحياتي

[هايس الشمري]

مشعل



موضوع راائع..



انا والله ودي اسوي.. و ذالن على عيوني..


و ناوي بالصيفيه.. هنا .. و كلامي ريال زود قناعتي..




ننتظر و نشووف

[ريال الفسحه]

8


انت عملية عيونك مايسويه الا انا وسطام
بالورشه حقت الدوام :)