المطني
17-12-2008, 23:04
اسمه حميّان بن مران من الهزيم من الرمال (اخو سعدى)
كان رحمه الله فارسا ً شجاعا ً كريما ً كان من
فرسان الرمال المشهورين له مواقف بطوليه كثيره
مع قبيلته الرمال ومع شمر عموم كان رحمه الله
كثير الحياء . من مواقفه البطوليه رحمه الله . كان
مع نياقه الهيظليات وسمين الهيظليات لأنه خذاهن
ابوه العقيد مران بن رمال من الهيظل من عتيبه
وكان حميان مع ابوه بهالمغزى المهم اغار عليه
بني صخر وهو لحاله جناب مع نياقه بالشامات
هاللي حول زرود وتربه ياوالله البل كثيره وبدان قال
للراعي لا تهج للبل خله جميع على شان اقدر افكه
لآنه اذا هجت تفرقت ولا اقدر افكه فلا تهجله الا انا
قايلن لك هجله . يوم شرعوا القوم بالبل اطلع
فرسه وكان اسمه ( ام اللولو ) وهو يصله عليهم
ويجدع منهم واحد وهم يطلعون من البل وهم
ينكسون عليه ثاني مره وهو يصله عليهم وهو يجدع
واحد وهم يطلعون من البل مره ثانيه المهم انه
يتجاول هو وياهم من الضحى الياما اقبل الظهر
على هالحال وهو فاكن البل لكن ثري بعضهم معه
مسدس وصوبوا الفرس وانصاب هو لكن صوابه
خفيف ما ضره لكن الفرس عقب الصواب ما ساعدته
على الهوش يقول الراعي يوم خذيت ياولله وهذا
يوم جانن قال هج للبل يقول وانا اهج للبل وهو
يحتمي تاليه لياما فكه الا بعض البل الثقال اجلدت
من الهجيج وخذوه اما البل الخفاف اللي قويت تهج
فكه ولو سلمت الفرس من الصواب كان فكه كله
لكن الفرس عاقته عن الهوش وكانت الفرس الطيبه
بهاكالوقت هي سلاح الرجل الطيب . فك البل ما
وخذ منه الا شيء قليل والفرس مصوبه . الله
يرحمه واموات المسلمين .
المره الثانيه ابي اذكر لكم قصته يوم هو عند الروله
اثناء جلوة الرمال .
تقبلوا تحيات / المطني
كان رحمه الله فارسا ً شجاعا ً كريما ً كان من
فرسان الرمال المشهورين له مواقف بطوليه كثيره
مع قبيلته الرمال ومع شمر عموم كان رحمه الله
كثير الحياء . من مواقفه البطوليه رحمه الله . كان
مع نياقه الهيظليات وسمين الهيظليات لأنه خذاهن
ابوه العقيد مران بن رمال من الهيظل من عتيبه
وكان حميان مع ابوه بهالمغزى المهم اغار عليه
بني صخر وهو لحاله جناب مع نياقه بالشامات
هاللي حول زرود وتربه ياوالله البل كثيره وبدان قال
للراعي لا تهج للبل خله جميع على شان اقدر افكه
لآنه اذا هجت تفرقت ولا اقدر افكه فلا تهجله الا انا
قايلن لك هجله . يوم شرعوا القوم بالبل اطلع
فرسه وكان اسمه ( ام اللولو ) وهو يصله عليهم
ويجدع منهم واحد وهم يطلعون من البل وهم
ينكسون عليه ثاني مره وهو يصله عليهم وهو يجدع
واحد وهم يطلعون من البل مره ثانيه المهم انه
يتجاول هو وياهم من الضحى الياما اقبل الظهر
على هالحال وهو فاكن البل لكن ثري بعضهم معه
مسدس وصوبوا الفرس وانصاب هو لكن صوابه
خفيف ما ضره لكن الفرس عقب الصواب ما ساعدته
على الهوش يقول الراعي يوم خذيت ياولله وهذا
يوم جانن قال هج للبل يقول وانا اهج للبل وهو
يحتمي تاليه لياما فكه الا بعض البل الثقال اجلدت
من الهجيج وخذوه اما البل الخفاف اللي قويت تهج
فكه ولو سلمت الفرس من الصواب كان فكه كله
لكن الفرس عاقته عن الهوش وكانت الفرس الطيبه
بهاكالوقت هي سلاح الرجل الطيب . فك البل ما
وخذ منه الا شيء قليل والفرس مصوبه . الله
يرحمه واموات المسلمين .
المره الثانيه ابي اذكر لكم قصته يوم هو عند الروله
اثناء جلوة الرمال .
تقبلوا تحيات / المطني