المساعد الشخصي الرقمي

مشاهدة النسخة كاملة : % حتى التبليغ يبي عرف %


الشبث
17-12-2008, 18:00
والله يالربع مابي اكتب شي بس تكفون اسمحولي بهالسالفه



انا اصلا ودي اكتب هالحين ثلاث بس ابي وحيده تكفون



بس فكوني من ريال فسحه تروه يهاوشن يقول لا تكتب








يالربع مرتن كنت برفحاء عند عمامن لي



يوم انا جذع



وبحدى الايام كنت حول البيت ولا فيه بالبيت الا عمتن لي عجيز



وهو يتصل علي ولد عمي قال ياشبيثان


قلت سم الله عدوك


قال ابعديه لك هالمره مع انوه مفروض تقول سم ياملا السم


اسمع

فلان توفى ( يصير ولد عمن لنا )


قلت افااا الله يرحمه وين شلون


قال بعدين تعرف


تكفى يالشبث ماله الا انت تكفى


قلت ابشر بسعدك وش تبي


قال عمتنا نبيك تعلمه


قلت ياخوي مافيه احد منكم يجي ويعلمه


يعني مافيه الا انا


قال تكفى علمه يالغالي


قلت ازهله عندي وانا ابو هندي






( المصيبه ان المرحوم اغلا بنيخيه عنده وهو اللي تقل اشوى مهو مثلي )




واروح للبيت




يوم جيته ليمار جالستن تقهوى


قالت هلا بالغااااالي الحق تقهو


قلت بقلبي والله لا اقهويتس من علمن اقشر



قالت الحق ياخلف ابوي


وانا اكشر قلت يا خلف اللي توه متوفي


قالت منهو ؟؟؟

قلت هاه جدي

وهي تدنه خليليه قالت الله يرحموه


( وليه هذي بتست على اللي مبطي شلون على الطاااازه وه بس ياحظي )



وانا اقوووم استدير بالبيت ابي طريقه




قلت عمتي تعالي ابيتس شوين



وهي تقوم


وانا ادخل بلي غرفه يوم دخلت معي وانا اسكر الباب


قلت اسمعي ياعمه العيال بيطلعون للبر فلان مات


( اكتشفت ان ابن ادم اذا تهول يكبرن عيونوه )

وهي تصيح هكا الصيحه الله لا يوريكم


وانا احط رجلي ( احسبني ضربته )



يوم طلعت برا البيت واصوت لجاراتنا واشوى تداركن الموقف



وليومكم ما تداني تشوف وجهي



ياربي وش ذنبي انا اللي ذبحتوه




عوبا ماعلي منه احبه غصبن عليه






وهذي اخر سالفه اكتبه



توووبه يا رياااال ههههههههههه





وتقلدوا تحيتي
ابو خلوف
17-12-2008, 18:19
لاتلومه ياشبيثان
بس يختلفون الناس
احدن ميت قلبه فلان مات الله يرحمه وبس
واحدن يادافع البلا لو تقولوه بس اندعس بالشارع لازم تمهد لوه شوي شوي




بس وش سالفة اخر موضوع
لاتصير تبي تعتزل
الشبث
17-12-2008, 18:26
ياهلا بابو خلوف الغالي



سلمت يالذيب على هالمرور



وابشرك اعتزال ههههههههه




لاهنت



وتقلد تحيتي
ريال الفسحه
17-12-2008, 18:27
قالت هلا بالغااااالي الحق تقهو


قلت بقلبي والله لا اقهويتس من علمن اقشر



قالت الحق ياخلف ابوي


وانا اكشر قلت يا خلف اللي توه متوفي




ههههههههههههههههههههههههههههههههههههه
ههههههههههههههههههههههههههههههه


فرقا مبسم انت وكشرتك بغيت تذبح العجوز

:)


ياخي احس انك مباحث :)





وش انا قايل لك ؟




وكاتب موضوع ؟




:(
روح حايل
17-12-2008, 18:28
شنوح اخر سالفه لا يكون تبي تيتمنا انت وخشتك :)

ترى سناعيس مافطمتوه ، وابوخلوف يبيك تزوجوه ، وانا ابي طلايعي :)

<<< انزلعي بس :)


عمتك هذي قلبه رهيف ، بس غريبه ما اغمى عليه :)


يمكن هذا مفعول القهوة :)
ريم شمر
17-12-2008, 18:43
وليومكم ما تداني تشوف وجهي


مالومها :)

عليك اسلوب يابو ماجد يروع اللي مايتروع :puzzled:



لاعاد يطري لك تعلم احد لابزين ولاشين:)




الله يسعد قلبك يابو ماجد على هالسويليفه ..تسلم
ماجد
17-12-2008, 19:59
ههههههههههههههههه
ابو ماجد انا اشهد انك تقوطر براءه
اصعب شي نقل خبر الوفاة
مار انت اشوى من واحد اعرفه قالولوه رح علم امك ان فلانه توفت
يوم جاء عند اموه وهو يجعر وقل ماقالت وشبك زاد صياحوه يما انصفر عنده

يعطيك العافيه
الشبث
17-12-2008, 20:04
ريالي


ابشرك هذا اخر موووضووووووع خلااااااااااص توبه هههههههههه







نزل توقيعي يالهيس



وتقلد تحيتي
الشبث
17-12-2008, 20:05
هلا بنفسا الفله ههههههههه


يالله حي خيتي روح



من تسذب عليتس وقال انه ما انصفرت


قامت ترفس تقل صخل


واول ما طب القاع راسه



تسيف عضت القاع عض ههههههههههه






لاهنتي على هالمرور



وتقلدي تحيتي
الشبث
17-12-2008, 20:08
هلا باختي ام طلال يالله حيه




شرايتس بالله عندي قدرات بالتمويه ههههههههه






لاهنتي خيتي على هالمرور




وتقلدي تحيتي
حيل حليل
17-12-2008, 20:09
لحوووووووووول يا ابو ماجد
لعنبو بليسك انت وش مسوي بدنياك
وش انت عامل يوم انك صغير؟ اكيد عاملن لك بلى
ياخي احس الدنيا تمشي معك بالعكس
يهالقبســــــــــه
تدري من استفاد من قرادتك ومن حظك المروح
حنا يالاعضاء صرنا كل شوين نسمع لنا سالفه ونتبطح من الضحك

الا ليه ماتكتب لك كتاب غديك تأب على وش الدنيا( وش حنفي)
ياخي جحا مهو اطلق منك
بدال مهو نوادر جحا سمه قرادة الشبث
الشبث
17-12-2008, 20:10
هلا مجوووووووود



يالله حيوه


تصدق نسيت اخذ رقمك هكا اليوم


بس ماعليه وجهي عليك هههههههه




اقول ياملا البعد يا خويك هذا ما يداني ههههههههه



مهو مثلي شقردي وهب ريح


هههههههههههههه






لاهنت على مرورك




وتقلد تحيتي
الشبث
17-12-2008, 20:12
تستهبل انت وخشمك يا حيل حليل


تقارني بجحا ههههههههه




الله يسامحك



هههههههههه



لاهنت على هالمرور



وتقلد تحيتي
حيل حليل
17-12-2008, 20:14
^
^
يخسى جحا
<<< دخنت تستفه
الشبث
17-12-2008, 20:16
8
8


العن حريشك يا شيييخ


خخخخخخخخخخ




تقلد تحيتي
غالب
17-12-2008, 20:21
:)
نؤنؤنؤنؤنؤنؤنؤ<ماأدري ليه أحسه حركة خكارا:)<
حتى عميمتك
عوذاااا
يالله لاتبلانا
هههههههههههههههه
شبيثان
سلمت على هالموضوع المنتاز
وريال ماعليك منه أبد ولد عمي دب أبي أخليه ياطى على ريال ومايصير ألا اللي يسرك:)








ترى سناعيس مافطمتوه ،
أقول
تريني أعرف رجلتس :):):):)
إنتبهي
إقطعي الصوووووووووووط:):):):):)
:)
روح حايل
17-12-2008, 20:29
^


هههههههههههههههههههههههههههههههههه


قاطع الله العدو حته حته :)
εïз خزامى εïз
17-12-2008, 20:29
ماتنلام لو انآ ياخي بحسكـ وجه نحس <<<:boxed:
ياحبي لهآ عمتكـ حبيتهآ
كنهآ جدتي وانآ
متوارثين الافراط بالمشاعر هههههههه
الا ماكذبت العيون تكبر في حالتين
اذا جيت بتقول شئ هايل
والا اذا جيت بتنصت لكلام هايل
تاثرا باللي يقول لك السالفه لما يكبر عيونه
تقوم تبقهآ معهـ ههههههههههه
<<<<افلقوني اذا فهمتووو
سالفه ملح
ميرسي
لاهنت
الشبث
17-12-2008, 20:56
هلا بسناعيسو


يا هلا بهالطله هههههه


بالله خل ولد عمك يعكصوه هههههههههه





لاهنت يالذيب



وتقلد تحيتي
الشبث
17-12-2008, 20:57
روووح


وش على بالتس ههههه خطير مهو هين ههههههههههههههههههه



تقلدي تحيتي
الشبث
17-12-2008, 20:59
هلا بخيتنا خزامى


فهمنا سالفتس هههههههههه


هاااايله هههههههههههه


>> كبرن عيونوه ههههههههه





لاهنتي



وتقلدي تحيتي
السنعوووسيه
18-12-2008, 00:22
الا وعزي له من قهوتك يالشبث
قهويته هالخبر الشين ههههههههههههههه

ابو ماجد
سالفه ممتازه وعطن سالفتن ثانيه وماعليك من ريال ههههه


يعطيك الف عافيه
حمـود
18-12-2008, 00:59
ما تجيب الا اخبار المصايب وتبه تحبك

منيين يا شبيثان

اقول وش السالفه بينك وبين ريال

اكتب وامتعنا بقلمك
بنت الجبل آخت القصيد
18-12-2008, 01:14
حرام عليك .. عمه ماينفرط به بهالسهوله






لاواحلولات لو عندي عمه بس



لاتعوده مرتن ثانيه
فتى البيداء
18-12-2008, 01:32
ذكرتن بسالفة واحد أعرفه .. راح لملعب الأستاذ يبي يحضر مبارات ..


وكان متعصب لأحد الفريقين ألي يبي يتبارن ..


لكن الماخوذ مايدفع تذكرة دخول .. دايم يطمر له جدار ويروح للمدرجات ..


وخذ يا تصفيق وتصفير ..


لكن هالنوبه وهو يقمز طب على عسكري وهو ماسك العسكري (زامه)

قال ... قسم بالله مهب أنا ....

ضحك العسكري وأطلقه لوجه الله ..


أنت ليته تالتك مع علباك وبعصاه متلولشك ..


ابوماجد أن كان الدعوى ديمقراطيه وبتصويت حنا أكثر من ريال الفلس ..

نطالب بعدم وقوفك عن الكتابة ..


تقبل مروري ..
يـــوسف
18-12-2008, 04:30
وجه نحس بعد :)



يعني فوق ماأنت مقرود تقرد خلق الله شنوح ؟؟؟







إلا تعال تبيني اعلم بسالفة الربع اللي غرزو بأم رقيبة :)





<_ يفل السحبه بسرعه ههههههههههه



ياحظ المباحث بي واهني عينهم هههههههههههههههه











لاهنت يالمقرود وأمسح رقمي رجاء ترن رجال ورآي مستغبل باهر :)








توسد إحترامي
شنقل
18-12-2008, 08:23
على فكره شبيثان

تخبر يوم اكلمك بالعيد


ترى الرجال اللي بجده يبي يدق عليك


اوكيك



سحقا للشفايين
الشبث
19-12-2008, 00:43
هلا بخيتي السنعوسيه

اذا تفكيني من ريالوه ابشري ابنهذر هههههه



اقول ماتبيني اقهويتس ههههههههههه




لاهنتي على هالمرور



وتقلدي تحيتي
الشبث
19-12-2008, 00:47
هلا حمود


ياخوي هذا يتبلاني


يقول انت ابلشتنا كل يوم منزلن سالفه


وعيا علي يقول ما تكتب ثاني مره هههههههههه


تخبرن اذل ههههههههههههههه



لاهنت



وتقلد تحيتي
الشبث
19-12-2008, 00:50
هلا باختي عطر


ودي اقول الله يرزقتس بعمه بس خلاص هههههههههه



الله لا يهينتس على هالمرور



وتقلدي تحيتي
الشبث
19-12-2008, 00:52
ياهلا بالغالي فتى البيداء


المشكله مهي ديمقراطيه


دكتاتوريه


هههههههههه



شاكر لك هالمرور الطيب





وتقلد تحيتي
الشبث
19-12-2008, 00:55
يوسف

اذا جبت طاري سالفة ام رقيبه مهو ازين لك هههههههههه


اعتبر نفسك مثل اللي جرحتوه خخخخخخخخخخخخخخخخخخخ





يعني برا الفله





انتظر مني مسيار مهو اتصال هههههههههه



وتقلد تحيتي
الشبث
19-12-2008, 01:00
شنقل منقل


ياخوي فيه اختراع اسمه جوال او رسايل خاصه


وشبلاك فضحتنا


مفضح




خلوه يدق ويصير خير



وتقلد تحيتي
سلمان النبهان
19-12-2008, 11:35
:):):):):):):)
اقول عسى مايموت لاحد غالي وانت تنقل خبره
اجل العيال يبون يطلعون للبر ههههههههههههه
واكيد العجيز الضعيفه هالحين كل مايجي طاريك تنصفر
الشبث
19-12-2008, 13:35
هههههههههههه


يالله حي ابو سند


يالغالي مدري وش بلاه


كل ما جاء طاريي ترتعد وتقع


ههههههههههههههه







الله لا يهينك على هالمرور



وتقلد تحيتي
&^^مهــــا^^&
21-12-2008, 05:40
ياويل قلبي اشوى انه ماراحت به

والله اصعب شي هالموقف

وانت وش الله قردك توافق وتقوله هالخبر

يعافيك ربي

تقبل احترامي,,
الشبث
21-12-2008, 08:36
ياهلا بالاخت مهاوي


ياخوتس تخبرين ادور الخيره ههههههههههه


بس شرايتس ما اصلح مخبر ههههههه




لاهنتي على هالمرور


وتقلدي تحيتي
أبوطروق
23-12-2008, 09:31
قلت اسمعي ياعمه العيال بيطلعون للبر فلان مات

ههههههههههههههههه ههههههههههههههههههه هههههههههههههههههه

ياعليك أسلوب رهيب بمثل هالمواقف

إيه هاللون طقه كاش وبدون مقدمات وماصاير إلا المقدر والمكتوب



ثانكيو مسيو شبيتان

""""""""""""""""""""
الشبث
23-12-2008, 22:54
ياهلا بالغالي ابو طروووق


عزالله انك قلت المفيد



مايصير الا اللي الله كاتبوه


ههههههههه




لاهنت يالذيب على هالمرور



وتقلد تحيتي