المساعد الشخصي الرقمي

مشاهدة النسخة كاملة : عجايب .... طلعي خيمة أمي ..!!


منصور الغايب
15-12-2008, 20:22
بسم الله الرحمن الرحيم



ما ينقال لكم شئ يا أهل الفلة ..


صج لاقالوا الفلة صغيرة ..


وما فيها أسرار ...



بعد ماكتبت الموضوع ذاك اليوم عن خيمة أمي ..

وعنوانه سرقة عين جدي ..


وبعد أن وصفت المكان تلميحا لا تصريحا ...



قالت لي امي يوم الاربعاء اللي فات ..


يامنصور ودنا للبر بكرة نبي نستانس ..


كالعادة ابشري ... يايمة ...

ولمي غرضانك .. ولايهون الاكل .. والعجين ... وماشابهه :)



ماقصرت العجوز والبنات ...


ولمن الاغراض من الى ...


اللحم جاهز للشوي ....


العجين جاهز للخبز ......


الفحم جاهز للاكل :) قصدي للتوليع ... ولع الله بعلبا ريال :)



ما خلينا شئ ...


ومرينا المطعم اخذنا معانا ريوق ... قلنا علشان نوفر جهدنا بالطبخ كله للغدا ... قيادة حكيمة ..


ومشينا ...

ومشينا ...

ومشينا ...

وخذ هالسوالف من العجوز ... والبنات ..

وحدة تقول لا وصلنا اسوي كذا وكذا ..

والثانية تقول لا وصلنا اسوي كذا وكذا ..

ووصلنا ولله الحمد لبرنا ..

نزلنا رملي واتجهت صوب الخيمة ..


ياربع ..

يوم وصلت لمكان الخيمة ..

يا الهي ماذا ارى ...؟!!


خيمتنا مسروقة ...!!!


ما لقينا شئ ..


الفرش ..

منقلة الفحم ..

الجدور ...

العاب الوغدان ..


مو مخلي شئ هالحرامي الله لايوفقه ..

اللهم الا طابوقتين كنا نحط عليهن المنقل حق الفحم :)

ضاقت بي الدنيا ..

طالعت لامي ..

قال ها يمه ... سرقت عين جدك .. ؟!!


سكتت العجوز ولم تنطق ببنت شفه :)


دارت بي الافكار ...


ما فيه احد الصق به التهمة غيركم ياالفلاوية ...


انتم الوحيدين اللي علمتكم عن الخيمة ...


وتذكرت موضوع عجايب .. عن خيمة ابوها اللي مو عاجبته ..


فكرت وفكرت وفكرت ..


مافيه غيرك ياعجايب ...


طلعي خيمة امي ..

انت اللي سرقتيها ..


وانا اكلف لجنة تقصي الحقائق حول هذا الحادث الاليم والمكونة من الشبث وريال وابوعارف ..

للتحقيق مع المدعوة .. وارجاع خيمة امي .. ومحاولة ارجاع عين جدي :)




لاهنتوا ...
عجايب بنت الشايب
15-12-2008, 20:29
جعلني العمى كاني سرقة خيمة أمك


بعدين اذا الخيمه اللي عندنا حقتكم


فبالله عليك متنومس اللحين ؟

وناذخ ؟


اللي مثلك يتبرى من هالخيمه

ويصلي شكر لله على فقدها



هالخيمه .. تفشششل ..


حنا وسطها تقل من مخلفات الحج :)





ياويلي تبيها ؟




جعلك ماتصيد ..








وه بس






بس على العموم .. مانب مرجعتها .. :)
ريال الفسحه
15-12-2008, 20:30
الله حب يوريك المعنى على الطبيعه :)



انا اتهم ابوطاهر :)
ابو خلوف
15-12-2008, 20:34
سجل ثلاثه نفر متضامنين معك




اول واحد جدنا ابوعارف >>> الدعوه اتهام لعجايب مايقول لا




والثاني ابوطرووق >>> دايم بساقة عشيروه



والثالث محدثكم >>> دايم بساقة مدرسوه الي فوق



وننتظر الحقيقه
عجايب بنت الشايب
15-12-2008, 23:53
8
8


جعلك بساااقة البل الخسرانه من المزايين


اللي لا شافوها قالوا يااعوينتس



>>ياتكت الصدر صدز







وش تبي انت






شخبار الحج :) >> ناشبين لوه
ريال الفسحه
15-12-2008, 23:56
طبعا

ابوخلوف مطروح مع حمله [ الرصيف الصالح ]
حاج بدون تصريح وطول الحج لابس الاحرام وتحت
الاحرام الهاف :)
روح حايل
16-12-2008, 00:00
انا اشهد ان العين حق !!!



خاف ربك يابوخلوف وش هالحسد اسم الله أفنيت الخيمة بما فيها :)




هوووووو هووو ماغيروه اقص قذلتي بسكين مشذرمه :)
فتى البيداء
16-12-2008, 00:34
قسم بالله أنه مهب أنا .. أنا أخذت الرواق والباقي عجايب والشبث .. الشبث أخذ العمدان ..

وابوخلوف .. قال يمكن نحتج الأطناب بالحج ..وهو ألي أخذهن ..

منصور ترجع لكم بالسلامة أن شأالله .. << والله يا أنا رحمت أمك ..
السنعوووسيه
16-12-2008, 02:03
انا خديت الشوايه بس هم قالولي:wallah_hoo:
الله يلعن الشيطان لعب بعقولناshlwee7
منصور خلاص اخر مره




























*

موضوع:thumb:الله يعوضكم بخيمه احلا:)
ماجد
16-12-2008, 02:53
ماسرق الخيمه الا الشايب وزمرته


مع اني شاكن بعجايب من كثر ماتطري ام رقيبه
احس انه تسوق ددسن ومن زود الهياط مركبه حاشي معه


مع ذلك ارجع واقول ان الشايب خطير
يـــوسف
16-12-2008, 04:14
^
^
صرفها :)










أقول يامنصور خيمتك الله العالم عند أبو فارس :)
ابو ضاري
16-12-2008, 09:48
اطرحوا السراقه

وين اعوانها شوفوا عاجوزكم طلعت تسرق الخيام

انتبه يالقائد ابو عارف للخيام اللي حطيناها لك بجو سمين لا تنسرق حطيت عندها دبابات
عجايب بنت الشايب
16-12-2008, 10:23
فتى البيداء


لا تبلانا ..



جعل الفلاش لعيون بووش اني مااااااااسرقت >> عجايب تطررر جيبها





ماجد


لا ابشرك ددسني غماره والراكب كرسيه منتف يعني لا احد يركب :)
حمـود
16-12-2008, 10:42
ههههههههههه


منصور العوض ان شاء الله احسن منه

اجل سرقت عين جدك

وش شعود والدتك وش صار عليه احسن انه تغلي هالخيمه مثل عين جده

انا اتوقع الي سرقه عجايب مع ابو عارف

ترهم نفاق معنا كن بينهم خلاف

وهم من ورانا سمن وعسل

ايه


دمت بخير
عجايب بنت الشايب
16-12-2008, 11:42
8
8


وااااشووو ؟؟



جعل الدبسس بعين عدوي






يااخي توقع شيء حلووو
ابو عارف
16-12-2008, 13:20
الحرامي المقرود ويش سرق طالما أن الخيمة موجودة والعزبة معكم؟
لا يالذيب هذي ماتمشي على عجايب بنت الشايب تبي تأخذ أحدى خيامها.

قدور تعال لمطعم ابو مرايا وخذ قدور وصحون بعد هالحين مالقيت غلا هالإنسانة الأمينة الطيبة عجايب تتهمها بخيمة أمك لقد ظلمت نفسك ٌبل أن تظلمها إن بعض الظن أثم.

قال تعالى وإن جائكم الآيه فتبينوا أن تصيبوا قوماً بجهاله صدق الله العظيم.

تر عجايب تستطيع الآن لأن تقيم عليك دعوى. ( يحب صب الزيت على النار ).


ماشفنا شين يامنصور الغايب والمال السائب يعلم الحرامي السرقة.
ابو خلوف
16-12-2008, 13:39
وش السالفه



هذا وانا حاطن التهمه بعجايب قلبتو علي ياقليلين الخاتمه




بس الصراحه الفكره فكرت ام الهكي
الشبث
16-12-2008, 17:07
نظرا للادله الدامغه اللي جابتهن عجايب


فهي بريه



واذا الخيمه الجربا ( على حد وصف عجايب ) لكم


خذه


ههههههههه






منصور



اتوقع انوه ريال


حولوه طاري بر



خخخخخخخخخخخخخخ




وتقلدوا تحيتي
عجايب بنت الشايب
16-12-2008, 18:26
ذي صار حصاه طاحت بالسووق
منصور الغايب
16-12-2008, 18:34
عجايب


تفشل والا ما تفشل ..

خيمة أمي وأبيها ..

وكل واحد حر بخيمة أمه :)

طلعي خيمة أمي .. ياسارقة فرحة أمي بيوم العطلة :(



===============


هلا بريال ...

يعني قولتك ان الله حب يوريني شنو يعني سرقة عين جدي ؟!


الله كريم ...

ويضاف ابو طاهر الى قائمة المتهمين ..

ذكرتني بشئ انت تعرفه :)



===========================

هلا بابو خلوف ..


وين صورة عيونك اللي يبن يطيحن :)


مشكور على التضامن ...

وياليت تدور معاي خيمة أمي ..


===========================

روح حايل ..

تهقين عين ابوخلوف هي السبب


انا اقول السبب عجايب .. اللي متفشلة من خيمة أبوه :)


لاهنت على المرور ..

=============================

فتى البيداء ..

المثل يقول كاد المريب أن يقول خذوني :)

يخوك شكلك انت اللي ما خذه من كثر ما حلفت :)

لاهنت ...

============================


السنعوسية ...

أهم شئ الشواية .. :(


هي اللي نطلع على شانه ..

حنا لولا الاكل ما طلعنا أصلا :)


===============================


ماجد ...

هذا اللي خلاتي اشك بعجايب ..

وجود آثار ددسن جنب قاعنا :)

ربك راح يكشف الحرامي ولو بعد حين .. :)


=================================


العطاوي ...

يضاف ابوفارس الى قائمة المتهمين ..

ويتم التحقيق معه بالطرق الغير مشروعة :)

ولم بطل ياريال :)


================================


الضاري .. هلا وغلا ..


عجوز وتسرق خيام .. :)

لو شباب نقول تمون ... :)


المصيبة عجيز لا فايدة ولاعايدة ..

لاهنت ..


========================


هلا بالناصر ...


والله انك جبته العجوز تغلي هالخيمة .. كثر ما ريال يغلي الخوخ :)


ولاتخليني اشك بابو عارف .. لان الوحيد بالفلة اللي صايم ومصلي :)


============================


ابوعارف ..

جبتم عون طلعت فرعون :(

شلون الخيمة معنا ..

ليه مقعدينها قدام عند السايق ؟!!

وشلون العزبة معنا ؟!

اللي معنا الاكل بس :)

غريبة تدافع عن عجايب ...

الظاهر كلام الناصر صحيح


طلعوا خيمة امي لا افضحكم ...


===========================


ريال ... وطاري بر ؟!!


ابو ماجد ...

عزالله انك جبته ..

واشوف يسألني يقول خيمتكم .. كم تجيب بالميت ؟!


يامروح .. وانا اللي امنتك على حلالي ودخلتك بيتي :) <<< قلب مسلسل خليجي

افا ياريال ..

تبكي امي يوم العيد ..

شباب .. اذا ريال هو اللي ماخذه ... احكموا عليه بالاعدام حرقا داخل خيمة :)
ريتاج
16-12-2008, 20:59
اللي خذا الخييمه احسن له يطلعه بالطييب..


ولا اتصرف معه تصررف ثاااني ..
ابو خلوف
16-12-2008, 21:11
^


^


اقسم بالله العظيم انه مهب انا


لاتقعدين تتتتتهههههمين الناس بدون وجه حق


والله العظيم قسم بايات الله



هذي اخرته انا اسرق



ريتاجوه تخبرين سالفة خوذي >>> معلمن السالفه مايخفي علي شي
منصور الغايب
17-12-2008, 13:28
ريتاج حايل ..


كفو على هالفزعة ما قصرتي :)



ابوخلوف .. من كثر ما تحالف بديت اشك انه انت الحرامي :)
غالب
17-12-2008, 13:57
أنا مالي دخل
بس
منصور الغايب
18-12-2008, 19:07
^
^
^


ياربع كل ماشكيت بواحد ..
طلعلي واحد ثاني يقول تقفى شك فيني :)
غالب
18-12-2008, 19:35
^
^
^


ياربع كل ماشكيت بواحد ..
طلعلي واحد ثاني يقول تقفى شك فيني :)

ليه هليام تسرق أسطوانة الغاز هاه تر والله أعلم أمك
وأخليه تقوم
يم عين أدد
أدد:يقولون هالرواة إنه أبون لقحطان تسانكم تصدقون
منصور الغايب
19-12-2008, 11:03
^
^
^


أبشرك الشئ الوحيد اللي ما نحب نجيبه بالبر ... اسطوانة الغاز ..

يروحلك ادد فدوة :)
أبوطروق
23-12-2008, 08:20
أهم شي طبختوا غداكم ولا لا

ولا الخيمة بداله خيمه وأبشر بالعوض



وعلى فكرة تر عجايب وكيل رقيب يعني عسكرية يعني ماتطلع الحدود يعني ماسرقت الخيمة





أنا أقول اللي لطش الخويمة أبوسلطان لأنه قاعد يجهز لمخيم المضايف2009



والله أعلم

"""""""""
لوليتا
24-12-2008, 01:56
*
*


الحمد لله مانى راعية بر

والا وين بودى الخيمة

وكنتوا قلتوا انا سرقتها

ولا تهون علىّ ام منصور ابدا

من عيونى اجيب لها خيمة جديدة

وعجايب احتنا ولا تهون مو مشكلة نخلى لها خيمة ام منصور فيها البركة


منصور انت كريم وانا اعرف وعجايب اخت وتستاهل

سامحها المرة دى


وعفا الله عما سلف


سالفة

روووووووووووووووعة

الله يخلى لك الوالدة منصور

تسلم

*
*
منصور الغايب
25-12-2008, 11:16
أبو طروق الحكيم :)



قولتك يعني ابوسلطان ... هو الحرا..... <<<< اذا رجال قوله :)


ماضاع حق وراه مطالب ... ابي أظل أطالب بوم اطلع خيمة امي ...
منصور الغايب
25-12-2008, 11:18
لوليتا ..

خلاص .. تمونين ..


بعد وساطة الاخت الفاضلة لوليتا ...


قررت أنا منصور الغايب ..

التنازل عن المدعوة عجايب بنت الشايب والتي تبلغ من العمر 75 عاما ..

واعتبار ما اخذ من امي دفعة بلا عنها ..

شكرا لكل من ساهم في البحث عن الخيمة المسروقة ..

وكل عام وانتم وخيمة امي وعين جدي بخير ...