الورع لعيون شاويه

[الحيمري]

عام 1351 ه سنتن من السنين كانت محل وجفاف مافيه امطار وكان الشمال بعض المواقع ممطوره وذكر من الطراقي ان الثغب الفلاني بوادي ابالقور مليان من الامطار اللي جت باول الشهر وعليه الدهامشه من عنزه وشيخهم ندا بن ضبيان الملقب (((( بالورع))))



وكان الشلقان محادين قالو حنا لازم نرد الثغب اما نشرب ونروي لهلنا او نذبح عند اهلنا وحلالنا


وكان معهم الجعفر ثلاثه الشيخ بعيجان العلي ومحمد بن ذعار العلي واحد نسيته
انشالله يفطن علي واضيفه لاحقا


اتكلو على الله ثم وردو الدعوج يم الثغب المذكور وعدد حوالي 14 الشلقان +3 الجعفر +2 حريم واحده اسمها شاويه اللي بها القصيده


وعندماوصلو الثغب وبدو يروون صملانهم يمار الدهامشه جايينهم تقل سنون مشط حوالي 100 او اكثر وبن ضبيان مع اولهم وهم وياهم من الضحا حتى جاء العصر ويضرب جمل حدا الحريم وهي تصيح على جمله والدعوج يتطابقون عند الجمل


قالهم بعيجان الدعوج شفت ضربكم بالضباء بس ابي اشوف ضربكم بالرجال الدعوج شوفو
الورع هو الاول وهم يضربونه ضربه سوى يطار الورع من ذلوله وهي تصير كسيره على عنزه


كانت البنت شاويه ملكين لها على بن عمها وهي ماتبيه كان تبي له واحد معهم لكنه هاكليوم فعله مامن صمايل وشافت فعل بن عمها واعجبها وعندماوصلت لهلهاء خذت قشهاء
وراحت يم ولد عمها بعد ماعلمه والدهاء قال انتي بذمه ولد عمك


وقصد واحد منهم يقول



الورع لعيون شاويه خلي بابلقور مذبوحي


ذبحوه عيال الدعوجيه يوم البنادق لهن ضوحي



وهي اطول من ذلك بس نسيته اللي يعرفها يكملها



وشكرا للجميع

[نايف حزوم]

لا هنت يالحيمري ودمت بخير

[منذر]

لاهنت يالحيمري

انا اشهد اني امس سامع هالقصه من الوالد الله يطول بعمره على الخير والطاعه .

فعلا قصه جميله تسلينا وتأملنا بها وقت السفر , وازدادت القصه رونقا بروايتك لها .

[المطني]

انا اعرف لي بيت


الورع لعيون شاويه = خلي بابالقور مذبوحي
لعيون من حظرت الريّة = شافت بعيونه وهي توحي
ذبحوه عيال الدعوجيه = يوم البنادق لهن ضوحي

وبن عمه اسمه حسب ما سمعت برغوث وهو اللي فكه هالكيوم من العنوز بخشم البندق . وصار هو اطيب اخوياوه هو وسلطان المياح .

وسلموا الشلقان فكوا روحهم وذبحو مع ندا الورع واحد ٍ اسمه عويضه
ولا انتقصوا الا جمل المياح الحر يقولون اسمه (عريفان) ولد لشقران جمل عبكلي جملن طيب لكن ذبحوه العنوز هو النقيصة بس .

ياوالله مثل الصيف غازينن العنوز على المرزقاني بن هموم اسمه مطر ومكينينن عليه وفك نياقه لكن صوبوه ومات من الصواب ولا له الا بنت اسمه فيضه يقصدون الشلقان

ياراكبن سمحة الذرعان = كزه لياما تجي فيضه
قل ابوك تقاضوا له الشلقان = ذبحوا نداء هو ويا عويضه

الدعوج طيبهم معروف والف نعم بهم علومهم فخر لشمر .

الف شكر يالحيمري على هالقصة الطيبه

[الحيمري]

الاخوان كلا من


نايف حزوم
منذر
المطني


مروركم مشرف واشكركم جزيل الشكر

[حمتو]

الظاهر ان الي نسيته هو ابراهيم المحمد الشويعر وله قصيدة مسميه الكراخة أو المحيطة

[فواز الغسلان]

اخوي الحيمري كل الشكر والتقدير

واعتقد ان الكون هذا عام 1370 للهجره على وقت الكاسب العبكلي

وليس اقدم من هذا التاريخ والله اعلم

[حمتو]

وانا مع ابن غسلان لن جدي له تسجيل في عام 1390 يقول ان الكون له 20 سنة

[الحيمري]

الاخوان كلامن


ابوفهد الغسلان

حمتو


والله يمكن ان اللي اعطاني التاريخ غلطان علما اني قلت هذا التاريخ بعيد شوي

على كل حال اشكركم ومقدر لكم

[الشيحي2]

ونعم بالشلقان

[مضيف برزان]

ونعم بالدعوج والي معهم ,,,,,,

[المطني]

هذي روايه بعد للقصيده ويقول لي واحد ان الكون صار سنة الكسوف السنه المشهورة عند البدو لكن ما ادري كم تاريخه بالضبط



الورع لعيون شاويه = خلي بابالقور مذبوحي


ذبحوه عيال الدعوجيه = يوم البنادق لهن ضوحي
كلاه ذيب الضباعيه = بيد الولي سلم الروحي
لعيون من حضرت الريّة = شافت بعيونه وهي توحي

[الحيمري]

المطني سلمك الله

كسوف الشمس في شهر 7 سنه 1372

شايب يقولي بعد الكسوف بشهرين صمنا رمضان

[حمتو]

الي اعرفة ان الكون صار مع ندى ابن ضبيان وقومه وسنجارة الفالح قوم مياح وغريب ولا خالطهم إلا بعيجان بن علي و وذبح ندى وسبعة معه والله يغفر لهم جميعا

[حمد العطوني]

والقصة معروفة عند شمر
ومن الذي شاركوا في معركة ثغب معطان منهم منهو على قيدالحيات
من الشلقان ومن عبدة وعلى راسهم الشيخ الفارس بعيجان بن وادي بن راشد ال علي وعلماً ان هذه القصة نزلته في بعض منتديات شمر واذكران صار عليه نقاش في مضايف شمروموجودة هذه القصة في ديوانية شمروارجعوا الى هذا الرابط

http://www.altanaya.net/vb/showthread.php?t=28910

[حمتو]

ومن الي قايل لك اني اعارض هذا الي انا اعرفه

انا اقول انهم قوم مياح وغريب وعبكلي وخالطهم ابن علي والجد ابراهيم المحمد الشويعر وله قصيدة مسميه الكراخة وبعدين انت جايب كل مشايخ شمر به وابن ضبيان وهو الخصم بس وذبح وسبعة معه
وهذا الكلام موجود عندي على شريط صوتي مسجل بصوت جدي الله يرحمه واخبر ان معهم هادي بن مسلط واذا بغا احدكم يسمعه بصوته ماعندي مانع وهو يروي بها الشريط موتة ولد خالته سعود ابو خشم وقصيدته به ويجيب سالفة كون الرواة وبعض الأمور التاريخية ولعلي أكتب الكراخة واجيبه لكم