% غطة ذيب %

[الشبث]

يقولون ان احسن بيت غزل قيل هو حق الفرزدق


ان العيون التي في طرفها حورون

قتلننا ثم لم يحيين قتلانا




وانا مع اتحرامي للحرامي وتقديري لوزيري


سمعت بيت شعر يخررررع من زينوه



تسيف يالربع يوجعني ارحامي ليا مني سمعتوه



وهالبيت هو حق المري اللي يقول


لعيون من يزهى الكحل في عينها ومن غير كحلتن عيونها سودايا



ايااااااااااااااا


يارجلي








نجي لسالفتنا





هكا اليوم يالربع بالدوام


جالسن بالمكتب وتوي جاي ولهالحين ما صحصحت


حول الساعه ثمان الا ربع



وراسي يتدودل من الدلاخه




مافطنت الا مديري يقول ذيباااااااااااااااان ( فاهم غلط الله يهديه )



قلت العمر يا شامان



قال وشو


قلت هي وش رده


قال ياخي قل ابشر بسعدك

الله يهديك يا شبيثان بس متولمن للهربه



قلت وش اعمل


المهم وش عندك يابو فيصل



قال معي هالاوراق ابيك تاخذ سيارة الشركه وتروح للاداره وتخلصهن تكفى يا شبيثان


قلت ابشر




سلام


سلام



طبعا ادارتنا بالرياض


وشغلي بينه وبين الرياض حوالي ثمانين كيلو




وانا ادعس



وجاب الله روحتي بوقت الامطار والخير




وكانت القاع توه ممطوره






ياخيويني وانا امر من عند هكا الشعيب مليان طلح



قلت شبيثان



ليه ماتوقف حدر طلحه وتاخذ غطه للساعه تسع وتروح


امر الله من سعه



وانا اوقف واسحبه نومه















فاصل اعلاني



























مريتو لتجعيد الشعر























يوم قمت يالربع



واتمغط



وانا اراعي للساعه



ياقلبي


ليمار الساعه ثلاث العصر



واغميضت شبابك يا شبيثاااان


عزالله رحت كشنه






ياوني وش اسوي




وانا ارجع لمديري



قال هاه بشر


قلت افا عليك


انت الصبح ماقلت ذيباااان


قال ايه



قلت خلااااص انتهت


وباتسر ابروح اجيبه


قال عشت يالذيب والله ما انسى هالمعروف لك



( ياقردي لو يدري اني نيم حرااااام يخليني شماغ مهو مكوي )






ويوم طلعت من عندوه وانا اتصل على واحدن بالاداره


قال الو


قلت استر علي الله يستر عليك


قال افا


وش العلم يا شبيثان



قلت تكفا العلم هاللون وهاللون



وياخوك خلصن باتسر وربي يصير مديري علك بوجهي



قال ماعليك باتسر مرن ويصير خير







ويوم جاء من باتسر وانا اروح للاداره



يوم مريت من جنب الشعيب وانا اصد عنوه مابي اشوفوه تخبرون الشيطان حريص الله يلعنوه






والحمد لله سلمت






وتقلدوا تحيتي

[ابو فارس]

الحمد لله على السلامة
ونومة العوافي ياغافي

بس انا عندي تلفون الشركة
وبكرى الصبح راح ابلغ ابو فيصل بالسالفة

الا اذا نفذت خطتنا بكرى

هاه وش قلت؟؟

دمت بخير

[يـــوسف]

يالربع والله أنا أشـــــــــــــــــهد له بهالسالفة :)



دقيت عليه وحسيت ان سبلته تدرج على التلفون نيمن تحت له طلحه هي نيته :)





أبو مـــــــاجد بس اللي غاثن شلون تقول ثمانين كيلو وأنا كل صبح أدق عليك أهب عليك والله مامريت زحمة خريص :)








يالربع تقولون موكب الملك لاجا يبي يروح الشبث لدوامه يفضي الطريق ابد بس هو لحاله أهههههههههههههههههههههههههههههههههبببببب بببببببببببببببب عليك والله الحظ :)







ماني ذاكر الله لو تموت :)






توسد إحترامي

[فتى البيداء]

ابوماجد نومة العوافي .. وحمد ربك أنه ما دري بك ولا كان أعلوم ..


شبيثان تعال أعلمك

7


7










7








7
البيت هذي لجرير ماهي للفرزدق وهي ماهي أفضل بيت .. لكن هي أرق وأغزل بيت قالته العرب ..

والعجيب أن هذه البيت أو البيتين لجرير وهي التي يقول فيها ..


أن العيون التي في طرفها حورن ـــــ قتلننا ثم لم يحيينا قتلانا
يسلبن ذا اللب حتى لا حرك به ــــ وهنا أضعف خلق الله أنسانا

وايضاً العجيب أن أهجاء بيت قالته العرب كذلك لجرير وهي ..

وغض الطرف أنك من نميراً ـــــ فلا كعباً بلغت ولا كلابا

وهذه القصيدة قالها بالشاعر الذي كان يهاجيه وهو (الراعي النميري ) ولما انتشرت هذه البيت في بلده وصار كلن يعيره بها أرتحل عن بلده لبلد أخر فوجد هذا البيت قد سبقه ..

وكذلك ايضاً أمدح بيت قالته العرب ايضاً لجرير يمدح به أمير المؤمنين عبدالملك بن مروان :

ألستم خير من ركب المطايا ــــ وأندى العالمين بطون راحي

يقولون أنه لما سمعه عبدالملك طرب حتى أنه كان يضرب برجله في الأرض بغير شعور من جزالت هذا البيت ..

وكذلك أيضاً أرثاء بيت قالته العرب ايضاً لجرير وهو :

لولا الحياء لزارني أستعبار ـــــــ ولزرت قبرك والحبيب يزار

وكان جرير يسمي هذه القصيدة بالعابرة لسعة أنتشاره في البلدان ..


أخوي الشبث الشاعر هذا من أعز الشعراء عندي ..

أوصي بقرأت ديوانه ونقائضه مع الشاعر الفرزدق والأخطل .. ففيه من علوم العرب وحروبهم كل ماهو جميل

فهم بحق نخبة شعراء ذاك العصر . .

وتقبل مروري ..

[روح حايل]

تسيف يالربع يوجعني ارحامي ليا مني سمعتوه


^^


^^



هذي استوقفتن بالتأمل هههههههههههههههههههههههههه




ولي عوده ماقريتوه الا على مضض :)

[عبدالله الجعيثن]

اجل ماسمعت بيت عبدالله الجعيثن بمعلقته الجديده



لاتبرمين الميل..عينك بلا ميل=كحله يكفي لابسات الغشاوي
مكسور كنت وصرت كاسر حلاحيل=صيري مضاوي وانتخي بالعطاوي




وبعدين البيت اللي تقول للمري


غلط واكبر غلط لان البيت من قصيدة (ابوحمزه العامري..من بني هلال)

والمري صار له نفس قصة الهلالي ولكن مابه قصيده وسرقوا المره القصيده وحطوها للغيهبان المري

اما القصيده كامله موجوده بشريط المرشدي ومنها بيت يقول:


انا ابوحمزه من سلالة عامر=خيالها المعروف بالهيجايا

[شامان]

بما ان الدعوه فله

مدري ليه حسيت اني في مضيف الشعر الشعبي

لكن ما سمعتوا شاعر الهند راجوا بن كومار وش قال :

حنا بني هنـّــاد لا صار جنجــااال // نارد حياض الموت ما فيه مشكل

مشكل نهي مشكل نهي

المهم يا شبيثان لا عاد تروح مره ثانية ... حاول انك تمسك خط غير الخط اذا صرت مصر <--- حدها حلوه مصر والا سوريا

والا روح وقت الجفاف .. علشان ما تشوف اغراءات الشعيب ...

واهم شي عسى خويك خلصك من باجر ( حلوه مو ) :)

[أهداااب]

قلت شبيثان



ليه ماتوقف حدر طلحه وتاخذ غطه للساعه تسع وتروح


امر الله من سعه



وانا اوقف واسحبه نومه






مدري كانت العزبه معك ..


مطرف لنومه من قبل ..؟!



ولا تلحفت بعباتك .. وتوسدت ذراعك .. :)





النوم سلطان :)





نوم العوافي ابوماجد

[أبوطروق]

فتى البيداء وشبلاك تولجت الشبث؟؟؟؟

ياخوي ترا القصيدة للفرزدق بس جرير سرقه منه وكانت القصيدة موجهه لأمير فلة الحجاج أبوماجد الشبثي والدليل قوله في آخر القصيدة


إن الشعيب الذي في وسطه طلحتن
يأتيك بالنوم وإن لم تكن نعسانا

فلا (حيفن) عليك يا أبا ماجدن
إن نمت فيه أو ضليت طربانا



نوم العوافي يابوماجد وأهم شي إنك خذيت حقك من هالطلحة

""""""""""""""""

[ريتاج]

8
8
8
8صح لساانك ياابو طروووق...هههههههههه


اشوى انك سلمت هههههههههههههه

انتم لو تسلموون من هالذييب كاان بخيير والف نعمه هههههههه


مشكوور اخووي ابو مااجد

ونووم العواافي << بس لا تعووده....

شييييييييع

[ابو عارف]

الطلح واجد عند ابو ماجد

شكراً لك على حياة البوهة نعم هذه غطة الذئب 72 فقط , إلا ويش علاقتك في الإسطورة أبا أذان الي يقولون يتغطى بإذن ويتلحف بالأخرى وينام إسبوع؟.


عساه نومة العوافي وسر ياساري.

شكراً لك أبو ماجد على هالسوالف الزينة لاهنت.

[فتى البيداء]

فتى البيداء وشبلاك تولجت الشبث؟؟؟؟

ماتولجته ولا عاش من يتولجه ..


ياخوي ترا القصيدة للفرزدق بس جرير سرقه منه وكانت القصيدة
أنت ودك يصير كذا ؟؟ لا أجل تراء ألي قايل القصيدة لشبث بس أنت غلطان (وخذنا ) ..

موجهه لأمير فلة الحجاج أبوماجد الشبثي والدليل قوله في آخر القصيدة
لا تراه صارت لشبث علمه بعلمه .. كلش ولا ابوطروق يزعل علي ..



إن الشعيب الذي في وسطه طلحتن
يأتيك بالنوم وإن لم تكن نعسانا

فلا (حيفن) عليك يا أبا ماجدن
إن نمت فيه أو ضليت طربانا



ولو عندك الأسطول وتملك معداته
ونزلت قواتك وتبغى تحاربنا
أنا أقول أتحداك والنفس مواته
حياة الشرف ولا على عز تذبحنا

نوم العوافي يابوماجد وأهم شي إنك خذيت حقك من هالطلحة

""""""""""""""""
يقولك ماقام ألا العصر تقول عساك خذيت حقك من هالطلحه ؟؟

ألا أخذ حقه وحق ولد ولده ..


ابوطروق ياحيي ولهن عليك .. وأنت ماتزين الفلة ألا بمخانقك ..

[حمـود]

ههههههههههههه

يا زين النومه بالشعبان

تحياتي
الشيخ دكتور طيار سيكل متقاعد سنه ربيع الدمنه
ابدعت فامتعت

[غالب]

والله ياشبيثان قرادتك له بدايه من دون نهايه تسيف هالسالفه خرعتن
عاد تخبر يقولون اللي ينخرع وهو صغير إحتمال تجيه سكته قلبيه وهو عمره 106:shocking:
عاد أنا أبي أقول إنت اللي خرعتن:)
وألا هاذي نومه حتى نومة أصحاب الكهف أشوا منه:osama:
ودي أتخيلك وإنت تتراعد يوم كلمك فيدك هاذا أبوفيصل ههههههههه:)
فتى لبيدا
أنا أشور عليك تقرا كتب الأمير طلال الرشيد(الله يرحمه)
وأترك جرير هاللي مكمل 1300سنه من موتته:afro:
الله يرحمه

[&^^مهــــا^^&]

ههههههههههههههههههههههههههههههههههه

نووووووووم العوافي

والله يجزاه خير اللي ساعدك والا كان علوم هههههههههههههههه

والحمدالله على السلامه

والله يعطيك الف عافيه يالذيب

تقبل احترامي,,

[حيل حليل]

ههههههههههههههههه

الظاهر بعد سنه تبي تألف كتاب عن القراده
لعنبوووووو بليسك هالقرد منين انت مستورده
بعدين ثاني مره كل ماتمر من جنب الطلحه
انفث عن يسارك ثلاث مرات
واقرى اية الكرسي

شبثبث ماتبيني اتسويك تره وحده بوحده
طعن يا ابو حظ جنــــــــــــان

[فتى البيداء]

والله ياشبيثان قرادتك له بدايه من دون نهايه تسيف هالسالفه خرعتن



عاد تخبر يقولون اللي ينخرع وهو صغير إحتمال تجيه سكته قلبيه وهو عمره 106:shocking:
عاد أنا أبي أقول إنت اللي خرعتن:)
وألا هاذي نومه حتى نومة أصحاب الكهف أشوا منه:osama:
ودي أتخيلك وإنت تتراعد يوم كلمك فيدك هاذا أبوفيصل ههههههههه:)
فتى لبيدا
أنا أشور عليك تقرا كتب الأمير طلال الرشيد(الله يرحمه)


سناعيس أقر أي كتاب يطب بيدك ألا كتاب تدري أنه فيه إنحرافات فكرية
من الممكن أن يحرف أعتقادقك أو يشكك في عقيدتك .. لأن القراءة هي غذاء الروح
وانفتاح الفكر .. لكن أحرص على قراءة الجيد منها .. فقد قال المفكر الدكتور (مصطفى العقاد ) مثال من أجمل الأمثله في هذا الشأن .. قال (قراءة كتاب جيد أكثر من ثلاثة مرة أفضل من قرأة ثلاثة كتب غير جيده ) ..


وأترك جرير هاللي مكمل 1300سنه من موتته:afro:


الله يرحمه


سناعيس أنا للأمانه سمعت قصايد الشاعر طلال الرشيد رحمه الله لكن ماقد قريته
بعدين أنت تدري أن قصائد جرير أفضل وأفود من قراءة قصايد الأمير طلال ..
وبعيدن عن التعصب .. جرير يتكلم في لغة القرأن الصالحه لكل مكان ولكل زمان
أما الأمير رحمه الله .. فهو يقصد في اللغة العامية التي لا تسمن ولا تغني من جوع ..
والتي لو كنا بعيدين عنها كل البعد لفهمنا القرأن الكريم والحيث الشريف على أفضل مما نحن عليه الأن ..


سناعيس أقعد بالضلال يمرونك لحملوا ..

[صعوة فسفورية]

* الحلو حلو ولو لسه صاحي منالنوم ... والمعفن معفن ولو
غسل وشوه كل يوم

:goooood:
^

جعله نوم العافيه اخوي عطني رقم مديرك ابيه بسالفه ممكن هههههههههههههه

[ريم شمر]

صراحه تنحسد على هالنومه يابو ماجد :)


بس وانت صادق


غطة ذيب:315r:

[شام]

جعله نوم العافيه اخوي

أحسن اختصار
مشكور شبيثانو

[حمــ الموت ـراء]

ياعيني على بدايه الموضوع بادي بهالمعلقات وش عندك ياذويباان ..:)



بعدين نومة العافيه وش لاحقين وراء هالدومات وهالدنيا غير دبلت التسبد ..



كبر طلحتك قصدي مخدتك .. :)

[منصور الغايب]

يخوي عليك غطات .. مدري شتبي :)



مخلص شغلك مبكر .. وماخذلك غطة ان شاءالله ليوم القيامة محد يبي منك شئ :)



لاهنت يالمقرود ..

[ليلى بنت عبدالعزيز]

النوم سلطان وربي،
نوم العافيه وماصار الا كل شي زين،
لك طابع مميز اخوي في مواضيعك..
بعدين لاتنوم ايام الامطار في الطريق ..اوكيه:315r:

[عجايب بنت الشايب]

متى تجي الصفحه 3

>>وكيل معتمد وحصري للصفحه 3 :)

[تحدوة البشر]

هههههههههههههههههههههههههههههههههههههههه هههههههههه هههه
هههههههههههههههههههههههههههههههههههههههه هههههههههه هههه
هههههههههههههههههههههههههههههههههههههههه هههههههههه هههه
هههههههههههههههههههههههههههههههههههههههه هههههههههه هههه

استاذي وسيدي الشبث :) ، اسمحلي اقف منسخطا ما نيب في عقلي من هول ما قرأت ، بعد ما انهيت قراءة الموضوع حسيت اني من زمان ما قريت شي ولا شفت هبال ، يمكن لشيء واحد لأنك تسيدت في نوع خاص من الصرقعه :)، وهي العياره المأساويه اقدر اسميها ، فهذا الفن الخاص لا يجيده إلا الشبث قدس الله سره :315r: ، نعم لقد تسيدت مملكة كسر الخواطر ، انت يا الشبث لو تترك الوظيفه وتجي تكتب معاريض للأمراء فيه تشكوي وتظلم والله ليمشي سوقك ، انت يا الشبث لو تتفرغ للدراما الخليجيه وتدور لك فرصه كومبارس مع عيال المنصور والله لتبكي الأمه العربيه كلها بس المشكله انك حوطي وأبت السباكه أن تتخلى عنك >>>>>>> يلعن ام القلبه :)


بعد كل هذا الترفيع نجي للاقتباسات :7ayyoh:




يقولون ان احسن بيت غزل قيل هو حق الفرزدق


ان العيون التي في طرفها حورون

قتلننا ثم لم يحيين قتلانا



لحوول والله كشفوك اجل للفرزدق هالبيت خخخخخخ اشوا ان فيه ناس مثقفه كشفتك ولا لو انه انا كان تلقاني اقول هالبيت لحبيبتي طبعا لو سألتني لمنهو اكيد بقول للفرزدق :315r:




تسيف يالربع يوجعني ارحامي ليا مني سمعتوه


انشهد ان ارحامك اوجعنك :)


مافطنت الا مديري يقول ذيباااااااااااااااان ( فاهم غلط الله يهديه )

تر عاد ذيبان والشبث كلهم من فصيله وحده يعني ماراح بعيد :315r: لا تهول منه




قلت العمر يا شامان


عوايدك يالهربه :d:


ياخيويني وانا امر من عند هكا الشعيب مليان طلح

اخبرك مالك تسبد على الطلح :)





مريتو لتجعيد الشعر


تصدق مدحوووه لي قبل هالمره :a:




وتقلدوا تحيتي



تقلدناه يالشبث :)

تصدق لو اقتبس موضوعك كله مااوفيه حقه من فلة الحجاج يالخايس :7ayyoh:

الشبث مافعلوا عضويتي باسم com.زهق.www بس اشوى تذكرت اني مسجل من عام 2007 باسم تحدوه البشر


اخيرا تقلد تحياتي :) <<< ابدا ماقلدت الشبث بتاتاً البته :)

[ماجد]

^
^
شلون لو يدري بسالفة البسه

[تحدوة البشر]

8
8
8
8
8
8



ادري بكل شيئ بس شكلك انت اللي ماتدري من انا :)

ماجد كل عام وانت بخير ياوليدي :7ayyoh:

[الشبث]

لعنبو بليسكم كم رد



هالحين يبيلي كم يوم علشان ارد عليكم





اصبروا لين افضي



والله النت برفحاء مو شي






لاهنتم جميع



وتقلدوا تحيتي

[الشبث]

ابو فاااارس



ياخوك خله مستوووره


وخطتنا موافق عليه


وشروطي متنازل عنهن خخخخخخخخخخ



ذليتن يابو فارس هههههههه





لاهنت على هالمرور الطيب




وتقلد تحيتي

[الشبث]

يوسف

عزالله منت شاهدن بشينن بوه فود خخخخخخخخ





اهب ياوجهك يالحسووود






وتقلد تحيتي

[الشبث]

ياهلا باخوي فتى البيداء



يالغالي ما همني جرير ولا فرزدق



اهم شين البيت الثاني خخخخخ




لاهنت على هالمرور




وتقلد تحيتي

[الشبث]

ياهلا بالاخت روح حايل



انتي ما استوقفتس الا هالجمله خخخخخخخخخ



وه بس




ننتظر عودتس



لاهنتي




وتقلدي تحيتي

[الشبث]

ابو غازي



ياخوك لا تشره علي بعلوم القصيد


ترن من جنبه



والقصيده للي هي لوه



اهم شي معجبتن ويوجعني ارحامي منه





لاهنت




وتقلد تحيتي

[الشبث]

هلا بالغالي شامان



ابشرك خلصن الرجال


ولا تسان علوووم خخخخخخخخ




لاهنت على هالمرور




وتقلد تحيتي

[الشبث]

ياهلا بالاخت العزيزه والقديره اهدااب


والله وانا اخوتس نوم سفري بدون عزبه خخخخخخخ


متوسدن ذراااعي بصمالله علي




لاهنتي على هالمرور



وتقلدي تحيتي

[الشبث]

الله الله يابو طروق



صح لسانك


ابشرك لحقت على شهوتي خخخخخخخخ




لاهنت يالذيب



وتقلد تحيتي

[الشبث]

ياهلا برتوجه المرجوجه

هههههههههههه


مادري ليه اذا شفتس اضحك ههههههههههههههههههههههه



الله يعافيتس يالذيبه




وشاكر مرورتس



وتقلدي تحيتي

[الشبث]

ياهلا بالعم ابو عارف


اشاعاااات يابو عارف


مالي علاقه بوه خخخخخخخخخخ



لاهنت على هالمرور



وتقلد تحيتي

[الشبث]

فتى البيداء


ترك عزيز


بس لاتقرب لابو طرووووق



تروه غلوتي

خخخخخخخخخخخخخ


وتقلد تحيتي

[الشبث]

هههههههههههه


حمود


اجل لاهسن على نومة الشعبان



ياربي من فضلك بغيت افصل والسبه هي





لاهنت على هالمرور يابو سيكل



وتقلد تحيتي

[الشبث]

سناعيسوو


ياحبي لك يالدب



ياخوي وش تقول انت

والله فريت راسي من اهل الكهف لجرير



الوكاد انك تحفه



لاهنت



وتقلد تحيتي

[الشبث]

ياهلا بمهاوي


الله لا يهينتس


والله انتس ذيبه


لاهنتي على هالمرور الطيب



وتقلدي تحيتي

[الشبث]

حيل حليل

انت جاين بمخطرك تبي تسوي خخخخخخخخخخ



الله يكفينا شر القراده جميع



لاهنت على هالمرور



وتقلد تحيتي

[الشبث]

فتى البيداء


شكلك قاطن معي هههههههههه



ياخوي خل سناعيسو وش تبي بوه خخخخخخخخ




لاهنت



وتقلدوا تحيتي

[الشبث]

صعوه

اغليتس بأول ردتس


وبأخر الرد حقدت ههههههههه


تبين رقم مديري 999



خخخخخخخخخ




تقلدي تحيتي

[الشبث]

ياهلا باختي ريم

يالله حيه



اصلا انا قايل لتس منذ مبطي اني ذيب ههههههههه



لاهنتي على هالمرور


وتقلدي تحيتي

[الشبث]

ياهلا بالاخت شام

والله يعافيتس


لاهنتي على هالمرور


وتقلدي تحيتي

[الشبث]

ياهلا بالذيبه حمراء الموت


ههههههههههه

هالحين الطلحه مخدتن لي هههههههههههه




ابيتس تنتظرين هالكم يوم خبر مني




لاهنتي



وتقلدي تحيتي

[الشبث]

اخوي منصور


حياااك الله


خرعتن يوم قلت يوم القيامه الله يكفينا الشر ياااارب


لاهنت على هالمرور



وتقلد تحيتي

[الشبث]

ياهلا بالاخت حصه


ونصيحتك وصلت ههههههه


لاهنتي على هالمرور




وتقلدي تحيتي

[الشبث]

ياهلا بالشيخه عجايب


الصفحه الثالثه عدت عليتس فكري بالرابعه هههههههه



شرفتيني بهالمرور



وتقلدي تحيتي

[الشبث]

ياهلا بالغالي تحدوه البشر


ياخوي انت ماترسي على بر خخخخخخخخ


مره ترفعن سما


والثانيه تضربي هههههههههه




لاهنت يالذيب







وتقلد تحيتي

[الشبث]

ماجد


وشهي سالفة البسه ؟؟


خخخخخخخ


وتقلد تحيتي