لاتضحك بأخيك يمكن يعافيه الله ويبتليك

[ابو عارف]

اليوم بغيت أضحك على حالي من حاجتين مرٌن علي ولكن خفت من بعض الأعداء يستغلون الموقف ويضحكون علي فبتسيت أبيهم يبتسون بدل مايضحكون على شايبهم.


الحاجة الأولى:

من لي يومين أشوف بعض الأخوان يرسلون لي تهاني على الشريط الإخباري ولم أعرف سبب هذه التهاني ولم أوقف الشريط لقراءت هذه التهاني حتى وشأل نفسي ويش صاير للشايب يوم يهنونه ومرة أفكر أنهم يهنوني بفوز فريدزنا فريدز الفلة بالفوز بالمسابقة ومر أقول لايكون أحد عثر على جواتيي حقات العيد الي ضاعن من على سقف السيارة ليلة العيد أجلكم الله وإلى يومك وأنا أمشي حافي من الغبن عليهم والأمل بالحصول عليهم.

أثري هالناس تهنيني على ضوء تهنئة شام لي بمناسبة تخطي شايبكم 4000 مشاركة أطيبهن هذه المشاركة المباركة.

هذي وحده

والحاجة الثانية:

قربت العطلة ولم يجي سائق النقل لعيالي اليوم نواف وباسل وزهمت علي الكهلة بدري وقالت تعال خذ عيالك للمدرسة ماجاهم أحد والله وأنا أجيك طاير لهم وأزخهم للمدرسة وين مدرستكم قالوا هذه قلت إنزلا بسرعه مستعجل وراي شغل وتروني أجيكم في إستراحة الغداء الظهر وآخذكم للبيت ياحبايبي.

ماطول عليكم السالفة مافيها ثمرة إلا إنها الحقيقة المرة جاء وقت الغداء الأرامكون 11:30 صباحاً يعتبرونه موظفين الدولة فطور ، الرئيس غايب ومستغل الوضع يغاب البس العب يالشايب والله وأنا آخذ سيارته وأهب للمدرسة خابره شايفه الصبح وأوقف هالسيارة كابرس 2009 زيتي بأربع أناتل أنتينا وعليها طبعة شعار أرامكو الجديد طاقة الأجيال وأترجل منها أتفاحج هنا يقولون يفوشح يمار هكالحارس الأسود مسكر الباب ويطالع لي بإستغراب سلام قال أيش عندك؟ قلت إفتح الباب أبي عيالي نواف وباسل عندكم.

قال تعال الساعة 12:30 قلت إفتح الله يهديك أبي إسترخص لهم عندي شغل ولاعندهم نقل قال أصبر أشوف المدير داخل وذلف وراوه وإنتظرت إجباري شوين يوم جاء هاكالوجه السفر مرحبا يا إستاذ إفتح الباب للإستاذ بسرعه أي خدمه ياعمي ؟ تهولت أحسبه من المضايف هم الي دائماً يقولون ياعمي.

قلت إيوالله الله لايهينك أبي أطلع عيالي من الفصل مستعجل وماعندهم نقل على طول وبدون تردد قال أبشر تأمر أمر تفضل معي داخل تستلمهم أثنا دخولنا قال منهم عيالك قلت نواف بالصف الثالث وباسل بالصف الأول قال طيب تعال معي أي ثالث أ ب ج قلت والله ما أدري ثالث وبس قال بسيطه تعال لثالث أ سلام عليكم السلام الإستاذ عندكم نواف يوسف الشمري؟

لا لاوالله ماهو عندنا طيب شكراً
الثالث ب سلام عليك السلام عندكم الطالب نواف يوسف الشمري؟
سلامتك لا ماهو عندنا

الثالث ج سلام عندكم الطالب نواف يوسف الشمري؟

كلا ليس عندنا

قال أغديه برابع قلت والله ما أدري لو إنه برابع
سلام صف رابع أ
عندكم نواف الشمري قالوا إيه قال أبشربه خله يطلع يا إستاذ الوالد يبي يأخذه معه

طلع الطالب لكن عير غير عير غانم ماهو ولدي قلت ماهو ولدي هذا

قال أنت تعرف ولدك لو تشوفوه ضحكت ضحكة صفراءويه قلت كيف ما أعرف

الفصل رابع ب سلام عندكم نواف يوسف الشمري قالو مالك لواء

رابع ج نفس السؤال ونفس الجواب

قلت أصبر يمكن جاو النقل وطلع خلن أزهم على البيت أسألهم عنه هو جاهم أو لاء

تنحيت جانباً وكلمت هلو أم عارف هلو ماجوكم العيال قالت لاء قلت نواف بأي صف يدرس قالت بالخامس-ب وباسل قالت بالثاني قلت زين مع السلامة ماقصرت يا إستاذ ، العيال وصلوا البيت.

بالحقيقة أنا عمهم موش أبوهم أبوهم شغال ويقولون ماعندهم نقل وتعبتك معي.

قال أشواء حسبتك ابوهم ولاتعرف بأي فصل يدرسون.

مع السلامة مع السلامة

قعدت بسيارتي سيارة الرئيس حتى طلعوا الطلاب ولقطتهم ومشيت.

تشوفون هالماسأة الله يدفع البلاء.

[غالب]

قلت إنزلا بسرعه

في إستراحة الغداء

أحلىى أنزلا
ماباقي ألا تكتب لنا أعرب ماتحته خط:315r:
غادين تتكلم عربي أفصح الليله<<؟:232r:<

بإنتظار الجزء الثاني من السالفه :3ajebni:

[حيل حليل]

لحووووول هالفاصل وراي وراي
انا ماعقدن من التلفزيون الا الدعايات
وتجي انت بعد تكمله
اروووووج تكاد الشفايه تقتلني

[السنعوووسيه]

الف مبروك يابو عارف المشاركات


الحال من بعضوه الله يعين ههههههه


ننتضرك بالجزء الثاني

[صدىاجا]

الله يخليلك العيال وامهم ومبروك ال4000 مشاركة لانستغرب ذلك من مثلك وعساك على القوة

[صدىاجا]

ألف مبروك .. لقد سعدت بهذا الخبر

[حيل حليل]

^
^
تصدق حتى انا حيل سعدت بهالخبر
وش رايك تصير صقيقي

[صدىاجا]

كيف حالك إن شاء الله دائما بخير ؟ صقيق من ياحيل حليل نتشرف

[ابو عارف]

أحلىى أنزلا

ماباقي ألا تكتب لنا أعرب ماتحته خط:315r:
غادين تتكلم عربي أفصح الليله<<؟:232r:<



بإنتظار الجزء الثاني من السالفه :3ajebni:

-------------------------------------
هلا بسناعيسو
هذا الناقص إعراب ياعرب

شكراً لك أيها العربي لاهنت

ليش ما إنتظرت باقي القصة

ماني راد عليك رح أقر الجزء الثاني.
مع السلامة

[ابو عارف]

لحووووول هالفاصل وراي وراي
انا ماعقدن من التلفزيون الا الدعايات
وتجي انت بعد تكمله
اروووووج تكاد الشفايه تقتلني
----------------------------
شكراً لك يالشفاي
ويش تركض عليه مادمت متعطل

تعال أقر سوالف الشايب المخرف

سلام وتحيه

[ابو عارف]

الف مبروك يابو عارف المشاركات


الحال من بعضوه الله يعين ههههههه


ننتضرك بالجزء الثاني
----------------------
هلا بالسنعوسية ويش يصير لك سناعيسو؟

الله مار يبارك فيك وعقبالك لاهنتي

شكرا لك

[ابو عارف]

ألف مبروك .. لقد سعدت بهذا الخبر

--------------------------------
هلا والله وغلاء هو ماسال حزم الضب؟

قصدي الشعيب الي شرقه الشغوة

الله مار يبارك فيك ويخلي لك ماتحب يارب

شكراً لك لاهنت عيدوا عندنا نبي نتشارك بربع خروف يقولون الغنم غاليه مادرية بهالأزمة الإقتصادية العالمية.

تقبل تحياتي

[ابو عارف]

^
^
تصدق حتى انا حيل سعدت بهالخبر
وش رايك تصير صقيقي
-------------------------
هلا بحيل حليل
لا ما أصدق أحلف
لا لاتحلف صدقتك خايف عليك تحلف تطيح عليك المروحة.

تبي نتصادق ليش لا خاصة إذا الصورة بالتوقيع هي صورتك

شكراً لك لاهنت ياحيل حليل

[صدىاجا]

الحمدلله والصلاة والسلام على رسول الله وعلى آله وصحبه أجمعين ابشرك سال الحزم والشغوه والخررة
اما العيد فعساكم تعودونه سالمين نعيد بالديره على سبع حاشي او عجل

تقبل مروري

[يـــوسف]

خـــــــــــــــألي عوووووووووووووووووووووذا ضيعت نواف ههههههههههههههههههههههههههههههههههه


أشوفه أعوذ بالله هالفترة ماهو زي أول بس مكتم :)





خالي لاهنت وننتظر الجزء الثاني :)





توسد إحترامي

[فتى البيداء]

ابوعارف يالله حسن الخاتمة .. ضيعت أعيالك بأي صف ؟؟

أبعذرك تسرفتك عجايب والجيش العرمرم وما بقي معك شي تاخذ به . أذهلت ..

ابوعارف ننتظر الجزء الثاني من القصة .. أجل كاشخ بسيارة المدير ؟؟

[روح حايل]

ابو عارف له له له شو هاض يازلمه ....


عاد ميخالف انسى تاريخ ميلادي وانسى أمي وابوي :)



الا الضنا يقولون غالي بعد حيي ....



:)




مالومك اذا انت برامكو ياخي يقولون انكم مضغوطين هو صدز :)

[ابو عارف]

الحمدلله والصلاة والسلام على رسول الله وعلى آله وصحبه أجمعين ابشرك سال الحزم والشغوه والخررة
اما العيد فعساكم تعودونه سالمين نعيد بالديره على سبع حاشي او عجل

تقبل مروري
-----------------------------------------
الله يجعلك بشير تفرح يالغالي

عطونا من طحال الحاشي

شكراً لك لاهنت

[ابو عارف]

خـــــــــــــــألي عوووووووووووووووووووووذا ضيعت نواف ههههههههههههههههههههههههههههههههههه


أشوفه أعوذ بالله هالفترة ماهو زي أول بس مكتم :)





خالي لاهنت وننتظر الجزء الثاني :)





توسد إحترامي
-------------------------------------
أي بالله الله الله خلصنا وشو الجزء الثاني يالعطاوي تبون بعد أضيع عجوزي ما بقاء شين هذه السالفة وبس الله يحفظك.

شكراً لك الله لايهينك على المرور يالغالي.

تمرغ بتحياتي

[ابو عارف]

ابوعارف يالله حسن الخاتمة .. ضيعت أعيالك بأي صف ؟؟
آمين أيوالله

أبعذرك تسرفتك عجايب والجيش العرمرم وما بقي معك شي تاخذ به . أذهلت ..
هذا ويش يبي يقول مافهمت؟

ابوعارف ننتظر الجزء الثاني من القصة .. أجل كاشخ بسيارة المدير ؟؟
مافيه جزء ثاني الله يحفظك ، ويش نسوي هالدنيا كلها مظاهر.



------------------------

شكراً لمرورك الغثيث يالعدو المبين أنت وعجايب معك أينعم

[ابو عارف]

ابو عارف له له له شو هاض يازلمه ....


عاد ميخالف انسى تاريخ ميلادي وانسى أمي وابوي :)



الا الضنا يقولون غالي بعد حيي ....



:)




مالومك اذا انت برامكو ياخي يقولون انكم مضغوطين هو صدز :)
--------------------------------
تشوف هالمشكلة هذا الي قاهرن أتذكر حاجات كثيره ماهي مهمه وأنسا ضناي .

مضغوطين ..... هو حولكم مطعم حضرمي ؟؟؟

شكراً لعواطفك لاهنت

[أهداااب]

زين اللي بعدك تذكر اشكالهم و صورهم





يا الله حسن الخاتمه :)






بس حلووو اللي طلعت نفسك من هالموقف بدون إصابات :)





تصرفك :3ajebni:





تسلم عمووو على الطرح .. roooose

[شامان]

صباح الخير أيها العود




أثري هالناس تهنيني على ضوء تهنئة شام لي بمناسبة تخطي شايبكم 4000 مشاركة أطيبهن هذه المشاركة المباركة.



العود / ابو عارف شكلك من الشيبان اللي كله مسرعين
وطاقين اللطمة وحاطينها على راس خشمهم ومطلع يده مع الدريشة .






الثالث ج سلام عندكم الطالب نواف يوسف ا
لشمري؟


كلا ليس عندنا



حيل اعجبتني كلا ليس عندنا الظاهر الطلبه هذولا كان عندهم حصة عربي وتأثرت بالموجة




قال أغديه برابع قلت والله ما أدري لو إنه برابع



الدعوه مكاسر والا وشو يا رجال بيع






سلام صف رابع أ
عندكم نواف الشمري قالوا إيه قال أبشربه خله يطلع يا إستاذ الوالد يبي يأخذه معه


طلع الطالب لكن عير غير عير غانم ماهو ولدي قلت ماهو ولدي هذا


قال أنت تعرف ولدك لو تشوفوه ضحكت ضحكة صفراءويه قلت كيف ما أعرف



العود / لو منك مشي حالي فيه كم يوم من باب التغيير
ما تدري لو تطير بووه ام عارف اغديه يطلع يملك مميزات 2009 نازلة جديدة




الفصل رابع ب سلام عندكم نواف يوسف الشمري قالو مالك لواء


رابع ج نفس السؤال ونفس الجواب



اخاف الولد بالكلية بس وانت ما تبرمجت يا العود للحين
على قولتهم الولد مهما كبر يبقى بعين ابوه ولد ولد يا بو عارف




تنحيت جانباً


يا الربع ما هو بسيط





وكلمت هلو أم عارف هلو ماجوكم العيال قالت لاء قلت نواف بأي صف يدرس قالت بالخامس-ب وباسل قالت بالثاني قلت زين مع السلامة ماقصرت يا إستاذ ، العيال وصلوا البيت.



رقع يا مرقع اشوى انك منت رايح لمدرسة ثانية





العود ابو عارف // مدرسة ولدك ما عندهم مروج كوكاو
تكفا تأكد اخاف نفس الصنف يوزع عندكم يعني احتمال
نفس المروج اللي في مدرسة فواز ولدي تطور وصار
يصدر بضاعه وانتشر على مستوى اقليمي :)

[ابو عارف]

صباح الخير أيها العود





العود / ابو عارف شكلك من الشيبان اللي كله مسرعين
وطاقين اللطمة وحاطينها على راس خشمهم ومطلع يده مع الدريشة .






حيل اعجبتني كلا ليس عندنا الظاهر الطلبه هذولا كان عندهم حصة عربي وتأثرت بالموجة






الدعوه مكاسر والا وشو يا رجال بيع






العود / لو منك مشي حالي فيه كم يوم من باب التغيير
ما تدري لو تطير بووه ام عارف اغديه يطلع يملك مميزات 2009 نازلة جديدة




اخاف الولد بالكلية بس وانت ما تبرمجت يا العود للحين
على قولتهم الولد مهما كبر يبقى بعين ابوه ولد ولد يا بو عارف






يا الربع ما هو بسيط





رقع يا مرقع اشوى انك منت رايح لمدرسة ثانية





العود ابو عارف // مدرسة ولدك ما عندهم مروج كوكاو
تكفا تأكد اخاف نفس الصنف يوزع عندكم يعني احتمال
نفس المروج اللي في مدرسة فواز ولدي تطور وصار

يصدر بضاعه وانتشر على مستوى اقليمي :)

------------------------
هلا والله بشامان ومرحبا
ياخوي تشوف هالمصيبة كيف الواحد مايعرف عن ولده إلا إسمه أقصد الشايب.

من ناحية الكاكاو عندنا وعندكم خير هو عيشتهم هنا.

أما التغيير شيء لو اخذنا ولد العرب بس من يفكنا منهم إلا إذا هم مثلنا يغافل لك الله.

شكراً لمرورك الأكثر من رائع لاهنت.

[ابو عارف]

زين اللي بعدك تذكر اشكالهم و صورهم





يا الله حسن الخاتمه :)






بس حلووو اللي طلعت نفسك من هالموقف بدون إصابات :)





تصرفك :3ajebni:





تسلم عمووو على الطرح .. roooose
---------------------------------
فيه إصابات قويه شعور بالندم والذنب كيف الواحد مايعرف غبنه وين يدرس إذا هي وقفت علي أشواء ولكن أخاف أن الأمر منتشر بين الشيبان.

وعلى ضوء ماحصل ما الوم عجايب لو طلبت مني أن أنتحر بس حرام.

شكراً لك اهاااب على المرور العذب لاهنتي.

[أبوطروق]

هههههههههههه ياكثرهم هالوقت اللي مايدرون عيالهم بأي صف من كثر المشاغل (البركة بأمهاتهم ولا تسان مضيعين الطاسة)


بس أشوى أنك رقعته وقلت أنك عمهم خخخخخخخخخخ




لاهنت يالعشير على هالسالفة ومبروك الـ4000 مشاركة وعساهن زوووووود



شكراً

"""""""""""""""""

[ريتاج]

هههههههههههههههههههههههههههههههههههههههه هههههههههههههههههههههه

هههههههههههههههههههههههههههههههههههههههه هههههههههههههههههههههههه

ابو عاارف يالظاالم مااتدري عياالك بأي صف

انت زي ابووي

يسألن : يقوول انتي علمي ولا ادبي

انا تصفق وجهي وجتن الصييحه

قلت مااتدري

قاال لا والله يااوليدي

قلت : ادبي ويخب

قاام يخاانق ويقوولي انتي اصلن فاشله ولا كاان دااخله علمي ويخاانق

قلت : بيي هدي شووين لي سنتيين وانا اشااورك وش ادخل بس ما اعطيتن وجه..

طااح وجهه.. احسن<<تحشش بأبووه

ماش الابووان

[ابو عارف]

هههههههههههه ياكثرهم هالوقت اللي مايدرون عيالهم بأي صف من كثر المشاغل (البركة بأمهاتهم ولا تسان مضيعين الطاسة)


بس أشوى أنك رقعته وقلت أنك عمهم خخخخخخخخخخ




لاهنت يالعشير على هالسالفة ومبروك الـ4000 مشاركة وعساهن زوووووود



شكراً

"""""""""""""""""
-----------------------------------
هلا والله بالعشير أبوطروق ومرحبا
إلاطروق الله يحفظه عساه يدرس؟
تكفى أبوطروق إن قدرت حاول لاتكبر تر الكبر شين يخليك تنسى عيالك.

إيه أشواء نافعتني الذهانة والنية الطيبة إن شاء الله نوب تخلصني من بعض المواقف المحرجة.

الله يبارك فيك يالعشير ويحفظك ، لاهنت على التهنئة يالغالي.

تقبل تحياتي وتقديري

[ابو عارف]

هههههههههههههههههههههههههههههههههههههههه هههههههههههههههههههههه

هههههههههههههههههههههههههههههههههههههههه هههههههههههههههههههههههه

ابو عاارف يالظاالم مااتدري عياالك بأي صف

انت زي ابووي

يسألن : يقوول انتي علمي ولا ادبي

انا تصفق وجهي وجتن الصييحه

قلت مااتدري

قاال لا والله يااوليدي

قلت : ادبي ويخب

قاام يخاانق ويقوولي انتي اصلن فاشله ولا كاان دااخله علمي ويخاانق

قلت : بيي هدي شووين لي سنتيين وانا اشااورك وش ادخل بس ما اعطيتن وجه..

طااح وجهه.. احسن<<تحشش بأبووه

ماش الابووان
----------------------------------------
هلا برتوجة حياك الله اثريك أدبي وتقولين دورلي عمل عندكم بارامكو لا لا هذا مايجوز إستغفري إستغفري قبل تكتب عليك.

خلي أبوك يمر علي إعطيه دروس بالواجب نحو الأبناء لا هذا غلط مايعرف تخصص إبنته ريتاج حايل الله يهديه الأبناء لهم حقوق وعليهم واجبات وأهم حقوقهم:

1- تشتري له شنطة مدرسية ومقلمة وسائق وتعطيه ريال الفسحة.
2- تعشيه وتغديه وتكسيه وتسكنه عندك وبس ويش يبي بعد يحمد ربه.

كانوا أبواننا يسرحوننا ويعروننا وإ>ا ضيعنا صخل يضربوننا ولايدرسوننا ولايعطوننا ريال.

أحمدي ربك وعيني خير.

شكراً لك على المرور الحلو

[&^^مهــــا^^&]

ههههههههههههههههههههههههههه

الحمدالله انك لقيتهم بعد وماضيعتهم

والله يخليهم ويحفظهم لك

والف الف مبروووووووووووووووووووووووك على الالفيه

وربي يعطيك العاااااافيه

تقبل احترامي,,

[حيل حليل]

ياحبيبي يا ابو عارف
اثريك طبيت الفيضه
واغميضتــــــــــك ياخالي
افلسنا منك

لكن ترى والله يابو عارف ماتنلام
مع كثر المشاغل الواحد ينسى

ياحلو سوالفك

[ابو عارف]

ههههههههههههههههههههههههههه

الحمدالله انك لقيتهم بعد وماضيعتهم

والله يخليهم ويحفظهم لك

والف الف مبروووووووووووووووووووووووك على الالفيه

وربي يعطيك العاااااافيه

تقبل احترامي,,
----------------------
تريني أنسا هي أنتي الي يمين المسجد ؟
وين الرغافين والقهوة رحت يمين ويسار وغرب وشرق ومسكتن الدورية يقولون ويش تدور ياشيبه ماغمضني إلا قولهم ياشيبه هالمروحين.

الله يحفظك ايوالله الحمد لله يوم الله عقلهم.

شكراً لك على التهنئة لاهنتي.

[ابو عارف]

ياحبيبي يا ابو عارف
اثريك طبيت الفيضه
واغميضتــــــــــك ياخالي
افلسنا منك

لكن ترى والله يابو عارف ماتنلام
مع كثر المشاغل الواحد ينسى

ياحلو سوالفك
---------------------------
توك تدري طابه مبطي
والله غنك صادق ياحيل حليل
المشاغل كثيرة والكبر شين

إذا سوالفي حلوة ويش رايك ما أسولف إلا بشرط؟

شكراً لك على المرور لاهنت.

[حمـود]

ههههههههههههههههههه

عمي لا عيالك نواف بسادس راء


وباسل بثالث ح

هههههههههههههه

معقوله العم يوسف ابو عارف ما يعرف عياله وين هم


دمت بخير

والتهنئه شفه رقعته بمضيف الاهداء

[ابو عارف]

ههههههههههههههههههه

عمي لا عيالك نواف بسادس راء


وباسل بثالث ح

هههههههههههههه

معقوله العم يوسف ابو عارف ما يعرف عياله وين هم


دمت بخير

والتهنئه شفه رقعته بمضيف الاهداء
-----------------------------------------
لا بالله ماهي معقولة لكن هذا الوقت تغير كل شيء
أجل معقولة تختفي شبة الصبح الذي كنا نسمع دنين نجورهم قبل صلاة الفجر.

ومعقولة يصل كرتون الطماط 50 ريال وكان بريال ونصف.

معقولة يحرجون على التيس ب 150 الف ريال ودية الرجل المسلم 100 الف ريال.

أشياء واجد تغيرت أخي الناصر وتغيرنا معها مواكبة للعصر والعولمة.


شكراً لمرورك الجميل لاهنت.

[عجايب بنت الشايب]

سبحان اللله بس


ويلوموني

[ابو عارف]

سبحان اللله بس


ويلوموني
---------------------------
حتى أولادي نسيتهم بسببها.

بس أفكر كيف القي القبض عليه حية.

ويلوموني فيها بعد

[وليم اخو هاري]

اول شي الف مبرووك ...

ثاني شي ..

لا تعوده ماتعرف عيالك باي صف ...

خخخخخخخخخخخخخ..

قسم طيحه وجه ..

تعيش وتاكل غير ((ياعمي)) ..

[ابو عارف]

اول شي الف مبرووك ...

ثاني شي ..

لا تعوده ماتعرف عيالك باي صف ...

خخخخخخخخخخخخخ..

قسم طيحه وجه ..

تعيش وتاكل غير ((ياعمي)) ..
---------------------------
الله يبارك فيك يالأخو

ويش فيك طايح فيني تشمت

إيه مقيولة الجمل ياطاح كثرة سكاكينوه

شكراً لك لاهنت.