المساعد الشخصي الرقمي

مشاهدة النسخة كاملة : *&%....يلي دفنتو جثــــــتـهـ....%&*


بنت الجبل آخت القصيد
01-12-2008, 03:36
السلام عليكم ...
قراتها لـ المليون مره والى الآن لم آمّل حروفها ..
أحببت ان تشاركوني قراتها..
.
.


ياللي دفنتو جثته ... ليه تبكون ؟؟
لولا الحيا ... لاقول : معكم خذوني

منه انحرمت وكنت انا عنه مسجون
مااذكر لمحته ... غير مره بعيوني

شفته ... وكانت فرحتي مالها لون
عجزت لأوصف ... من لمحته شجوني

ياليتني كنت الكفن يوم تمشون
ابقى معه بالقبر ثم تدفنوني

او ليتني ... من خلفكم كنت (( مجنون ))
اتبع خطاكم والعذر هو : جنوني

ابكي وراكم ... وادعي ان كان تدعون
مايكفي انه عاش عمره بدوني ؟؟

تكفون هاكم عمري اليوم تكفون
برخص حياتي دام خابت ظنوني

مافادني صبري !! ولا فادني عون
ولا فادني دمعن ... حرق لي جفوني

ياما بكيته والبكي يحرق عيون
ميت او انه حي ... دمعي بعيوني !!

العام كان بفرحته ... يعزف لحون
واليوم تحت الارض ... ماهو بكوني

لكن انا في فرحته ... كنت مدفون
فوق الثرى ... واليوم موته سجوني

(( سميت قلبي عقب فرقاه ملعون ))
هو والليالي ... عن هناه امنعوني

ياليتني ماعشت لحظه بهالكون
وياليت ربعي ... في سكات اذبحوني

وياليتكم ... عن همي اليوم تدرون
منه انحرمت ومن عزاه ... احرموني

حتى بوفاته !! يوم انا طحت مطعون
اخفيت طعناتي ... قبل لايفضحوني

بكيت لكن ... ماتظاهرت بالهون
ابكي واقول : الموت هو سبة طعوني

وان كان في حبي انا ماتحسون ؟!
دلوني لقبره و هناك اتركووووووووني


×
×

اختكم
عطر
roooose
الماسه الصفيان
01-12-2008, 06:43
كلماااااااااااااااااااااااااااااات رااااااااااااااااااااااااااائعه
صلفيق
01-12-2008, 12:17
فعلا اختي عطر القصيد ، قصيدة راااائعة جدا

قريتها 4 مرات قبل لاارد عليك .. وكأن بي

احساس للرجوع لقرائتها .

ماألومك لو قريتها أكثر ، فهي تستحق تكرار

القراءة ،


اختيار رائع ، وذوق رفيع


احترامر لك ،،،
&^^مهــــا^^&
01-12-2008, 15:02
قصيده رااااااااااائعه ياصاحبة الذوق الرفيع

والله يعطيك العاااافيه حبيبتي

ويسلمك ربي

تقبلي ودي,,
بنت الجبل آخت القصيد
02-12-2008, 03:26
الماسه كل الشكر لحضورك
.
.
لاعدمتك
الحيمري
02-12-2008, 10:16
عطرالقصيد

تسلمين قصيده روعه والله يعطيك الفافيه
((عبدالله بن غيث))
07-12-2008, 22:55
العطر ...!

سلمتي ودمتي , والله يرحم أمواتنا واموات المسلمين ..!

أنتي صاحبة ذائقة تعانق النجوم ..!


تحياتي لك
بنت الجبل آخت القصيد
17-12-2008, 23:34
فعلا اختي عطر القصيد ، قصيدة راااائعة جدا

قريتها 4 مرات قبل لاارد عليك .. وكأن بي

احساس للرجوع لقرائتها .

ماألومك لو قريتها أكثر ، فهي تستحق تكرار

القراءة ،


اختيار رائع ، وذوق رفيع


احترامر لك ،،،

أخوي صلفيق
كل الشكر لمرورك ..

لاهنت
.
.
بنت الجبل آخت القصيد
17-12-2008, 23:42
قصيده رااااااااااائعه ياصاحبة الذوق الرفيع

والله يعطيك العاااافيه حبيبتي

ويسلمك ربي

تقبلي ودي,,

يعافيك ربي يالغاليه على المرور

لاهنتِ
عبدالله الجعيثن
24-12-2008, 11:06
جميله جدا هذه الكصيده



والروعه الاكثر في انتقاء ناقلها



شكرا عطوووور


وماتجيبين الا الراقي
بنت الجبل آخت القصيد
08-01-2009, 02:39
الحيمري
عبدالله بن غيث
عبدالله الجعيثن

كل الشكر لمروركم وتواجدكم

.
.
لاهنتو
قمر اللــيل
08-01-2009, 15:05
تسلم يمين من نقلها لاهنت عطر وربي جبتيها على الجرح

وهيضت ماكان خافي من جروح يالغلا

العام كان بفرحته ... يعزف لحون
واليوم تحت الارض ... ماهو بكوني

الله يرحم اموتنا واموات المسلمين

اللهم امين
قريتها اكثر من مره
فعلا تستحق القراءه

دمت بخير
بنت الجبل آخت القصيد
16-01-2009, 02:00
قمر الليل

تسلمين على المرور
.
.
لاهنتِ
يـــوسف
16-01-2009, 02:45
عطر ..


قريتها أكثر من مرهـ والقصايد اللي كذا تسوي لي أزمات نفسية :)


علشان كذا متردد بالرد والله :(



لاهنتي يالغالية على هالنقل



توسدي إحترامي
السنعوووسيه
17-01-2009, 21:41
يعطيتس العافيه ع النقل
شموخ شمالية
01-02-2009, 19:10
وأنا بعد كذا مره قريتها ولامليييت منها

صح لسان شاعرها ,, وماتهوون ناقلتها .."

يعطيكي العافيه ,, ماننحرم جديدك ,, عساكي عالقوووه