براك الفريسي وقنبلة الهودج ... راح فيها

[العذب]

ليس من طبعي أن أثير الفتنة بين الناس


ولكن من يرى تجاوزات ( براك ) لا يستطيع أن يسكت عليها


فنساؤنا أكبر من أن يصورن بهذه الصورة البشعة


وأن يقال بحقهن هذا الكلام


وأنا من هذا المنطلق ، ومن مبدأ الإنصاف ، لأطالب القضاء العادل في هذا المضايف أن يأخذ حق ( راعيات الهودج ) ومن هن من جنسهن من هذا المدعي
الذي وصفهن بصفات أعجز أن أذكرها
ولكني أترك المال لتلك القصيدة التي سار بها الركبان في صحراء المضايف
وتناقلها الجميع عبر النت


فرد عن نفسك يا براك .... |512| |512| |512|

ياحيف يارجالٍ مع رجال يمشون
رجال لكن مالها اي قيمة
رجال لكن بالمراجل يخابون
رجال ماهي رجال هذي هليمة
حريمهم تلبس على كل ابو لون=
ومن فوق خشمه تتجه للعزيمة
حريمهم تامر عليهم, يطيعون=
وهذي ترها المعظلة والعظيمة
وبعض الرجال ازوال بالزقر يقفون=
دايم مخلي حرمته له زعيمة
وين القوامة ياهل الدين وشلون =
وشلون تلعب بالشريعة حرية
وين المبادي ياهل العرف تكفون=
وين العقول الفاهمة والسليمة
و ابي اتشره ياهل العرف خلّون=
على الذي تقول انا مستقيمة
ابسألة وابيه تجاوب على هون=
بدون لف وفلسفاةٍ عقيمة
ابي الشريعة كان لدين ترضون=
وابي على سنة محمد نقيمه
اهل التعدد كيف بالجرم يجزون=
كيف التعدد صار مثل الجريمة
الجرم هذا تابع لأي قانون=
كوننا ندري ونسكت ظليمة
لازم نبيّن ديننا ليه تخفون=
لازم نوجه كل حرمه سقيمه
مثنى وثلاثة واربعة كان تدرون=
هذا كلام اللي مكلّم كليمه
وشبابنا كل مبهذل ومديون=
بسباب مهر البنت هو و الوليمة
وقف له ابو البنت بالمال مفتون=
حتى غمس وصط الديون الضخيمة
و خذا المهر راس الطماميع شيّبون=
وروّح يدورله فتاةٍ نعيمة
يقول عندي ياهل الزين مليون=
من جيب صهري ماخذيته غنيمة
ولو قالوا العقيل وش فيك مجنون=
تقضب على انسابك ولا فيك شيمة
يقول بالله ياعرب لا تلجون=
اقضب على كيفي ولاني بهيمة
أغواه راس الخبث والشر شيطون=
فتان مابين الحميم وحميمه
والحق حق وتابع ابليس ملعون=
وبالأخرة قدامه الله خصيمه
والدين دين للى عَلِم كل مكنون=
والهرج يعزل صامله عن بريمه


هذا والله من وراء القصد


هاه وش رايكم بالتفتين ...


وعلى المحبة ,,,

[البــنــدري]

تفتين على اصوله يالعذب :(

وووين امي العجوز السنعه ..تجي تشوف الفتنه :(
:)

[الكتراز]

ارخو ابوي ........ يالعذب وش تقول هذي فتنه فيها ارقاب والمصيبه مزبرق الفتنه بقصيده بعد ما اقول الا كما قال المشرف العام :D الله يخارجنا منكم :D

اثرك راعي فتنه بس ما عليك راح تجتث هذه الفتنه من جذورها من قبل ام اعضاء المضايف العيوز السنعه <<<< أماراتي على غفله :D
كني اشوف محماسة القهوه على جبهتك طررررررن :p

تحياتي:D

[العجوز السنعه]

بسم الله الرحمن الرحيم ..

بيااان من العجوز السنعه للورع براااااك

تراك ( مستأصدنا) حنا يالحريم >>> على قولة اخواننا المصريين
أولها قصيدتك ذيييييك اللي تسب فيها المدرسااااات >>> تخبرهاااااا .. ترها فاتتن تسبدي .. ليشن بناتي كلهن مدرساااات وذايقتن خيرهن أكثر مما ذقت خير عيالي اللي بس لحريمهم .

همّن طبّقت بهالقصيدة ..

لكن اسمع وانا امك ... أقولها تسلمتن وحده :

كانك صادز رح أعرس على مرك وخذ مثنى وثلاث ورباع ..
علشان تثبت ان كلامك كله من اوله لتاليه ما ينطبق عليك .;)

بعدها أنا اللي سألوّح لك بغدفتي المنيخل وأصفق لك بأصابعي المتعرفجه تصفيقاً منتظر القطيع مدري منقطع النظير . سب ( يعني سنعود بعد قليل )





برايفت للورع الحروش العذب ..

لا تعود له تحرّش على اخوانك .. على الملأ >>> وش رايك بالملأ ياعربي ؟؟
انت علمن بيني وبينك ..وانا أتله بالجرم المشهود على غفله .. أبلغ بالخرعه :D >>>>>لا تقول ...... ريّه :mad:



[moverعدنا لبرااااكوه : [/mover]

كان هدفي الوحيد في هالدنيا هو حبك .. ولكن للأسف ... طلع حبك تسلل . خح ( يعني خلص حتسيي معك )



السنعه |511|

[فرحان]

..


http://www.faisal1.com/b2.gif||107| |506|

يا براك يامقرود طحت بيدين العجوز

يا براك يامقرود طحت بيدين العجوز

يا براك يامقرود طحت بيدين العجوز

|109| |111| |113| |119| |3| |110| |112|

[أبو فيصل]

ال لية اللة يخلف علينا
ياجماعة الربعات ( الحريم) براك ماقال الآ الصدق وهذة القصيدة تحذير للرجال كان يبون يصيرون رجال والي مايتعض مابة طب
اية انتن يالحريم اللة يكيفينا الشر ماتبن هالكلام مايدخل من زور لكن
بس اخونا براك لكن بالمرصاد
هلا بعميمتي البنت السنعة عسى ماتكدر خاطرك تدللي اية (ام مدرسات )
(ياملا الغاظور صاكت على هالمسيكينات عشان الرويتب ، لا وتلقاهن يبن فراقة بس ماحصل مجودة الصكة ) الا قلي لشويبك يولم القهوة
ودي مع لي ناس نسير علية هاااة المخبا مليان نبية بموضوع زين بالحيل (خطبة) (عسى اللة يفلت من حريص)
هين يالعذب ان ماخلينا براك يصهدك بلك قصيدة تنصفر منها لك اسبوع بل اسبوعان
بل مع الوصاة شهر ونت بس تصفر( فية بوادر كمشة بين المراقبين (دوس ) )


اللة يستر

[المشرف العام]

أخوتي وأخواتي

لم أرى ما رأيتم ولم افهم ما فهمتم :)

ما رأيت وما فهمت الآتي :

ان الرجل الذي مواصفات حرمه المصون بتلك المواصفات والطباع ..

فليس مجبورا عليها فلقد حلل الشرع أربعه .

وهذا ما فهمت ..

وأقول يا ابو خالد .. الله يخااااااااااااااااااارجنا منك ..:p

ولا تطيع العجوز السنعه .. ترى رأيها ما ش.. بالخضيرا ..

وراعي رفحاءُ .. لا يهزّك يا عجيّزنا النعه .. أشوفك طرتي بالعجّه .. خليك ثقيله يامل الغنيمه
;)

[العذب]

:):):)


:):):)



الله يخارجنا بس



رحنا فيهااااااا

[فواز]

...

وشو عقبه ( الله يخارجنا )

عقب ما شبيت النار


يالله عاد ألحين (( الخف ))


ويا ويلك من براك ...


شكله نا ويك


بس أسمع ,, لا تدور الفزعة عندي

لأني ما راح أفزع لك لأنك أنت البادي

راح ملح



وعلى دروب الخير نلتقي ,,,

[فلاح السعد]

يالعذب


انا الف مره قايل لك اترك الحرشه يعني لازم تفشلنا عند المحارم :)



واللـــــــــــــــــــــــــــه المفروض ان براك يعطيك لك قصيده



اههههههههههههه بس قولوا امين :)


تحياتي


اخوك

فلاح السعد

[الداعيه / براك الفريسي الجربا]

مع التحية للعجيّز أم المدرسات

كان ما عنيتي روحك وجيتي .. حنا
نجيك بمضيفك جاية عند الرجال
( ياجوزاء التمياط على غفلة )

تعالي تعالي خليك على المركا
يالله حيه .. أقدعي .. خوذي من
الهيل رايب .. على قولةالشاعر
المعروف ( لبيخا الفريسي )
رحمه الله ، يوم يقول :
ياصار مانجرك عوى وش تبي به=
طنيب ذيبٍٍ مرقبٍ بالرقايب
طنيب ذيبٍ شاف قومٍ عديبه=
مع جرة العربان يبي النهايب
وإلا مجالس دورنا بس غيبه=
صارت مجالس دورنا للحبايب
يقول مني قربي يالحبيبه=
خوذيه فنجال من الهيل رايب
تقول قهوةٍ بليا سكرٍ وش ابيبه=
اعمل لنا والا على غير طايب
اعمل لنا والا خمالك دريبه =
والكان ما تدري على الباب نايب


الحين ابي اعرف وش اللي محرق رزك
بالله قولي لي .. الحين ما دام بناتك
مدرسات وذايقتن نفعهن .. ش تبين
بالرجال .. خليهم يعرسون عليهن
لأن نفعهن يالله لك وأشكالك ياعجوز
المشاكل والنكد..
أنتي الحين ما تستحين على وجهك
كل سالفة مدخلتن خشمك به ( من زين
هالخشم عاد ) إنتي لو تبين مصلحة
بناتك وبنات الحمايل كان تسعين
باللي يمشي أمورهن مع رجالهن
مهو تدورين المنافع منهن وهن مع
رجالهن .. خافي ربك .. ياعجوز ..

تري الكمال لله .. والله العظيم لو بناتك
مصبوغاتن بماء الذهب .. ما فاحت
ريحك على هالموضوع .. يعني الدين
مقطعكن بهالموضوع .. وغيرها من
المواضيع ما تبن
وبعدين وش الحاجة اللي مخليتك
تحاكين الرجال بموضوع ماهو لك
ليه ما تقضبين أرضك ومضيفك ..
واللي تبينه ياصلك بدون طولة لسان
ماهو جايتنا تمايلين تقل انتل ،، لكن
تصدقين يوم شفتك تذكرت قولة عبدالله
فضاله يوم يقول :

يالله إني طالبك ربٍ خبير=
تعلم الخردل ولجات البحار
ياسميع وياعليم ويابصير =
يامجلي الليل يغشاه النهار
ترحم العجز يالولي من قصى السعير =
ماللحمايل عندهن يالله وقار
هن ركاب ابليس في وقت الأخير =
يقطعن الليل في جو الغدار
يذبحن الطير لو إنه يطير
يمسكنّه لو جناحينه كبار
من بغى اللي لابسن ثوب الحرير=
كامل الأوصاف ونهوده صغار
من عجز عنّه ولا له به مطير =
ينحر العجز المحاديب الكبار
يقول ياجديدتي جفني سهير =
من فلانه والله ما ليبه قدار
عدّلت ظهره وقالت ما يصير =
لازم أديره وجيبه بالقمار
وحين قفت منك عجله بالمسير =
كنه الشيطان طاليها الغبار
وثوبها من ظهرها يبي يطير =
وكوعها يومي كما ذيل الحمار
لا تهقوى بنت سلطان كبير =
نزلتها من منازلها الكبار
ياسقيم العقل وأفهم ياضرير=
لا تخلي العجز ياطنلك بدار
ّ


أقول ...
ياعجوز الفلس .. فعلا الأم قبل تضم .. لكن
الحمد لله اللي سلمنا منك ... أصبري
أصبري ياعجوز .. لا تقومين ..
أشوف انعقد حجاجك .. الظاهر زعلتي
لكن ابي أقول لك كلمة قبل ما تقومين

الحين انتن تقلن انه ما به عدل
عند رجال هالوقت ( زين ) ..
وانه مالمفروض إننا نعرس
على حريمنا إذا ما به عيب
.. ياسلام
يعني أنتن كاملات والكامل وجه الله ..
لكن تدرين هذا عليك انتي وبناتك
المدرسات وغيرهن من الحريم ,و تدرين
ليه ..
أنا أقول لك ..
ذا يعني إن كل واحد عنده مره
لازم الحين يعرس عليه .. لأنه ما به
مرة كاملة كل وحده به عيب .. هذا
غير نقص العقل والدين ..

أما عرسي أللي تبينه .. فانا
يالعجيّز عندي وحده عن اربع من
الحريم والحمد لله والشكر ..
ولا فوق الأربع شئ عسى الله
يستره ويحفظه آمين

اسمعي


قبل ما تقفين .. تريك أنتي أمٍ
لنا بهالمضايف .. وسوالفك حلوه
وانا والله شرهت عليك ..لأني ما أبيك
تصيرين من اللي قال بهن الشاعر
والحكي ما هولك لكن اللى قال عنهن الشاعر
وانا اعلم انكان شاء الله منتي منهن
يقول الشاعر :

ياعجوز أبليس يا حدبا ظهر =
أخبريني يالخبيثه وش تبين
إدرجي درج على راسك كفر =
كنورٍ مشحون وقلوصه إثنين
ينقلب من فوقهن وإنتي حدر=
ويشتعل من فوق راسك بانزين

وانتي ما تستاهلين إن ينقالك
هالكلام وعسى الهشهاش ما يجي عظامك
ويوفق الله بناتك بكل شيء ؟؟...
وأنا أغليك والله لأنك عجوز لنا كبيرة
ورايك في كثير من الأمور زين
ومواضيعك حلوه .. واللي ماله كبير
يطيح بالبير .. وحقك كبير عندي أنا بالذات
وسامحينن إن زليت عليك بالكلامواخطيت
هذا بدل ما توافقيني وتقولين صحيح ما قلت
في بنات هالوقت الا ما شاء الله يالعجوز
السنعة زاد المهر والعيال بلشوا بالمصاريف

اقول عسى الله يخارجنا مثل قولت الرجال

والموضوع طال وانا ما ودي إنه يطول
لكن عسى الله يوفقنا جميعا


وياهلا

[الشمري محمد فهد]

:)




النص الأصلي مرسل من قبل المشرف العام



أقول يا ابو خالد .. الله يخااااااااااااااااااارجنا منك ..:p

ولا تطيع العجوز السنعه .. ترى رأيها ما ش.. بالخضيرا ..

وراعي رفحاءُ .. لا يهزّك يا عجيّزنا السنعه .. أشوفك طرتي بالعجّه .. خليك ثقيله يامل الغنيمه
;)



انا محايد :)

يعني مع اللي يفوز:D


:roleyes:

[عاشق الذكريات]

اييييييييه ياااااااالربع الهووووون الهوووووون

تغطن ياااابنات ابى ادخل

ااححححححححححم

اااااحححححمممممم

براااك صدز انك ظااااااالم

ليش كذااااااا

الحين انت تطلع من مشكله تدخل فى مشكله

بعدين انت يااالعذب

تعال هنيا

عطنى اذنك ايييييييييه عطنى اذنك

يااااااااملا الذهاااااااب يوم انك تبربر بالحكى هنا وهناك وشوله

هااااه

ا تقول اااى خلنى اقطع اذنك بالأول عشان دايم تذكر ان الحرشه مو شيء ابد |513|

اما انت ياااااسنعووووووووه

عز الله مالك من أسمك نصيب |512|

الحين يوم ان الرجال ذا قال الى فى خاطره على طول همشتيه

ونزلت فيه الورع الورع صج انك مو سنعه

على العموم انا الحين ابى اسوى صلحه

قبل كل شيء وقبل عين وما جرت

اولا / هناك فرق بين تسلط النساء فى الوقت الحاضر على ازوجهن
وبين ووجوب حسن العشرة
السبب فى انتقاد كثرة الذهاب للأفرا ح ليس الفعل نفسه
بل ما ترتب على ذا الفعل من مصائب
فى اللبس / العطورات / اهمال حقوق الزوج / اهمال تربية الأولاد
وقس عليها كل خروج غير مسبب >>>>>>>> والله شيء ذى الأخيرة |513|
ثانيا / هل ننكر ان المراءة بحاجة دائما للتوجيه والنصح حتى لا تنخدع بالمظاهر الكذابه >>>>>>>>>>>>|511|
ثالثا / ان نجعل قضية التعدد سيف مسلط على رقبة المراءة هذا ليس عدلا

||106|

ومما لاشك فيه ان المراءة تتألم من ذلك وتغار بل وتحقد |111|

والبقية تأتى بس عشان الإطالة >>>>>> وشو عقبه :confused:

[قليل العذاريب]

الأخ براك الفريسي / انت مع حق في ابيات القصيده حول بعض الرجال ولا نقول كلهم فيما يتساهلون فيه من متابعة نسائهم متابعة دينيه ومشيهم خلفهن على الخير والشر ..
ولكن موضوع التعدد أخالفك فيه الرأي وذالك لعدة اسباب ...
أولها وأهمها / العدل ..واعتقد انه من الصعوبة وخصوصا في هذا الزمن العدل وذلك لوجود رجال ( هلايم ) كما ذكرت في قصيدتك ...( ملاحضه / انت تناقض نفسك تسب الرجال وتدعوهم للتعدد )...
ثانيا / الفلوس وكمانعرف جميعا ان اغلب الشباب عليه ارتباطات ماديه كثيره ولا يسلم من التقسيط الا من رحم ربي .. وأولياء أمور البنات يطلبون مليون ..( ملاحضه / كذلك أنت تناقض نفسك في هذه النقطة ايضا ..حيث انك تقول ان اولياء الأمور يطلبون الكثير فكيف تريد من الرجال التعدد)..
ثالثا / لاتأمر بشئ لاتستطيع ان تفعله انت وقولك ان من عندك تسوى اربع من النساء بأيى شرع وبأي سنة هذا الكلام .. ولو كان صحيحا لاكتفى رسول الله صلى الله عليه وسلم بسيدة نساء العالمين عائشة رضى الله عنها .. ( كما من المحتمل انك لم تجرب غيرها ولم تعرف منزلتها بن النساء ) ...
الموضوع كبير وأكبر جدا من ان يطرح في هذه العجاله ولكن اقتصرت على اهم النقاط ......ولك خالص تحياتى وللعزيزه العجوز السنعه أقول العجائز هن الخير والبركه وجدتي وجدتك وأمي وأمك وعمتي وعمتك وخالتي وخالتك كلهن عجاز فأطال الله أعمارهن ورحم من مات منهن ......

[الداعيه / براك الفريسي الجربا]

ما تستحي

... لا ...

يا قليل


العذاريب

اخي العزيز قليل العذاريب


السلام عليكم


ارجو منك نقل تعقيبك الى

مضيف الشعر النبطي


لكي يتسنا لي الرد عليك


ما نبي نطلع فضايحنا عند الحريم


انقله علىموضوع


( من فوق خشمه تتجه للعزيمة)


وهناك يبدأ النزال


وياهلا
\nانا بنتظارك

,,,,,لا,,,,,,



تأخر

[متجند سيفه]

ياشباب يلي فوق

ترى مصختوها الى متى وانتم مدزابلين هالحريم تناكخون عندهن

عييييييييييييييب عيييييييييييييييييييييييب عليكم

روحو دوروا سوالف الرجاجيل ياملين الغنيمه



اما الي قالت لهم عجوز بليس (ورعان) عزالله انهم مايتسونه

حقهم وماجاهم:p

[الهاجريه]

ما شاء الله عليهم الشباب شادين حيلهم اشوف:)


شسالفه قلبتوا مضيف الحريم لديوانيه وسوالف


سوالف خطبتكم وعرسكم على حريمكم ( اللي الله لا يتمه )


خلوها برا مضيف الحريم


هذا اذا تبون السلامه :D :D


وبالله عندي تساؤل ياليت احد منكم يجاوب عليه


انتم اذا واحد منكم على قولتكم تزوج وحده ولقها ناقصه ( مدري شنو ناقصها

ايد والا رجل بس يالله الله ينصرهن على من عاداهن ) وفيا عيب على طول ما

كدبشي خبر( على قولة اخوانا المصريين ) سيده تزوج عليها... لكن بالله

مقرودات الحظ والنصيب اذا طلع من حظها واحد علة من علل الزمان ومليان

عذاريب بالله هذا شتسوي فيه ( هم الشرع ما حلل لها تعرس عليها )

الله يعينها تبلع مصيبتها وتسكت عليها


لكن انتم يا معشر الرجال ( يمه منكم ) سيده ما يطري عليكم الا العرس


لكن شوفوني توجهت صوب القبله ودعيت ( عساه يفلس من اعرس على

مرته )



رددوا من ورائي يا معشر النساااااء



للهم اميييييييييييييييييييييييييييين

:D :D :D


تحيه خااااااصه ( لامي العجوز السنعه الله لا يحرمنا منج يالغاليه )


تحياتي

الهاجريه

[الداعيه / براك الفريسي الجربا]

http://www.shammar.net/vb/showthrea...44108#post44108

ارجو اي تسائل علي ان يكون على هالرابط


للجميع


وياهلا