الشبث
21-11-2008, 22:21
كيف حالكم
لكم وحشه ياربعي واهلي
يرجى من اللي قلوبهم وسط مايقرون هالموضوع
بالله اللي اقل من ثمان وثلاثين سنه يطلع ولا يقراء الموضوع
كم وصل الحديد يالربع ( نهوي عليكم قبل الهواش هههههههه )
مانزل شينن غيروه
الله العالم ان هالبشر مهي يم الحديد يم اوباما
عاد هالاوباما ماني هاضموه يانااااااس بس غصب وش نسوي سكوووت
جانا بوش وقلنا ياليت يجي غيروه وهذا اوباما نشوف وش يصير
الناس ما يملا عيونه الا التراب ياناااااااس
بس عاد نرجع لسالفتنا
....................
كنت بهكا الوقت راعي كوره ( كورتسي )
وعلي هكا الزول اللي يفضخ العقل ( عود موز حده السيل من علي )
والفريق المحضوض اللي العب معهم
وجاني واحدن من خوياي قال تكفى يا شبيثان
قلت ياويل قلبي امر بس
قال ابيك تلعب معي مباراة
قلت ابشر بعزك بس متى المباراة
قال يوم الخميس الجاي
قلت حلووووو
قال بس مهي بالرياض برا الرياض
قلت يعني وين
قال بالديره الفلانيه ( عند ربعوه )
وتخبر يا شبيثان فريق قريتنا مشاركن بدوره ويوم الخميس المباراة النهائيه
قلت تم يالذيب يوم الخميس الصبح نمشي من الرياض
ويوم جاء يوم الخميس الصبح ولا هذا الرجال يطق الباب
وارتسب معوه وننطلق
ويوم وصلنا قريتهم ليمار حوالي سبعين واحد من ربعوه مستقبليننا
وهو يقمز حديهم قال يالله حي الشبث ياهلا
علي الحراااااااااام الا تموت !!!؟#%^
قلت منهو اللي يموت
قال الذبيحه علي الحرام الا تموت والغداء الحين
قلت اشوى احسبوه انا
بعدين يالغالي مهي وقت عزايم ورانا كوره العصر
قال علي الحرااااام الا تمووووت
قلت منهووووووووو ؟؟
قال ماعليك اقصد الذبيحه
قلت وماااالوه تموت تموت
ونروح لبيت الرجال
واحسن شي الفريق كان مجتمع هناك ومطقمين ( ياعمري يامانشستر )
ونتغداء هكا الغداء يااااربي لك الحمد
وكثرنا حيل من الغداء
وعقب الغداء قاموا يتناقشون عن المباراة
وكل كلامهم لي
اللي يقول تكفا يالشبث اليوم يومك
واللي يقول شبيثان وين شبيثان ياما نخيتك
وفيه حريم يصيحن شبيثاااان يارجااااااااااالي
يعني غداء دسم وتحميلي مسؤليه شعب كامل
وين انا واللعب الزين
ويوم صلينا العصر ونروح للملعب ( موقع المعركه )
ولا الجماهير ماليتن جنبات الملعب
اللي معوه عجراء
واللي سكين يشطروه
وفيه واحدن شنباتوه مثل شنبات ابو جودة معوه رشاش( كلاشينكوف )
قلت لخويي يافلان ليه الجماهير هاللون
قال ماعليك هذولا جماهيرنا يبون يخوفون الفريق الثاني
المهم
بدت المباراة
ومن اول صافره حسيت جتن ام الركب وعجست اركض
وصابني غثياااان ومر ( من هالغداء )
ومدرب الفريق الثاني مخلي اثنين يراقبوني
وتجيني اول كوره وانا ادوووس اثريني وطيت على الكوره وانا اطير سما
واول ما يطب القاع راسي
واسمع الجماهير يقولون الله ياقااااك سلامتك
وفيه واحد يقول جعل راسي ينكسر ولا يجيك شي ( ياعمري حبيتوه ياناااس )
واقوم
واتحامل على نفسي
واضغط على جرحي علشانهم
وتجيني الكوره الثاني
وانا اجي ابي استلمه بثقه
وهي تزرق كبري
وهو يصيح واحد بس من الجمهو فدااااااااااء
وينتهي الشوط الاول ماسويت شي
ويبداء الشوط الثاني
والمباراة حاميه
وهي تجيني هكا الكوره اللي ما احلم به
انفرااااد
بس انا والحارس وضميري
بس ضميري كان نايم
شت الكوره برا
واسمع ابو جوده يقول جعلها تجيني فيك ( بدت تخرب الاخلاق )
ومناوشات
كوره هنا وثانيه هناك
واسمع مدرب الفريق الثاني يصيح على خوياوه الثنين اللي يغطوني
يقول خلووووه هذا داجن هاج
( يصير خير يا حمزه ادريس )
الوكاد ان الشوط الثاني انتهى واجت البلنتيات
وهو يجي مدربنا ويكتب خمس لاعبين يشوتون البلنتيات
قال انت يالشبث تشوت الخامسه لانه تبي ثقه ( عزي لحالي وين انا والثقه )
وهم يشوتون خمس بلنتيات ويسجلونهن كلهن
وخويانا شاتوا اربعه وسجلوهن
باقي شوتتي انا
اذا سجلته نتعادل وتتمدد البلنتيات
واذا ل سمح الله ضيعته يفوزون علينا
وانا اروح للكوره
والجماهير هااااااايجه
اللي يقول ياويلك اذا ضيعته
واللي يقول علي بالحرام تضيعه لا اضيعك معه
واللي يقول اسمع يالشبث تراني ابصدمك لو تضيعه
( بالله عليكم وين القلب اللي يخليني اشوت )
ويوم ثبتت الكوره
واسمع ابو جودة يقول ياليتك تضيعها علشان الطلقات اللي بالرشاش كلها عليك
وانا التفت ولا الرجال مصوب علي ( في كل كبد رطبه اجر يا اخ العرب )
وانا اسمي بالله واشوته بكل قوتي
واكمل ركض للرياااااااض
لانه ضاعت وسلمت انا
وسلامتكم
وتقلدوا تحيتي
لكم وحشه ياربعي واهلي
يرجى من اللي قلوبهم وسط مايقرون هالموضوع
بالله اللي اقل من ثمان وثلاثين سنه يطلع ولا يقراء الموضوع
كم وصل الحديد يالربع ( نهوي عليكم قبل الهواش هههههههه )
مانزل شينن غيروه
الله العالم ان هالبشر مهي يم الحديد يم اوباما
عاد هالاوباما ماني هاضموه يانااااااس بس غصب وش نسوي سكوووت
جانا بوش وقلنا ياليت يجي غيروه وهذا اوباما نشوف وش يصير
الناس ما يملا عيونه الا التراب ياناااااااس
بس عاد نرجع لسالفتنا
....................
كنت بهكا الوقت راعي كوره ( كورتسي )
وعلي هكا الزول اللي يفضخ العقل ( عود موز حده السيل من علي )
والفريق المحضوض اللي العب معهم
وجاني واحدن من خوياي قال تكفى يا شبيثان
قلت ياويل قلبي امر بس
قال ابيك تلعب معي مباراة
قلت ابشر بعزك بس متى المباراة
قال يوم الخميس الجاي
قلت حلووووو
قال بس مهي بالرياض برا الرياض
قلت يعني وين
قال بالديره الفلانيه ( عند ربعوه )
وتخبر يا شبيثان فريق قريتنا مشاركن بدوره ويوم الخميس المباراة النهائيه
قلت تم يالذيب يوم الخميس الصبح نمشي من الرياض
ويوم جاء يوم الخميس الصبح ولا هذا الرجال يطق الباب
وارتسب معوه وننطلق
ويوم وصلنا قريتهم ليمار حوالي سبعين واحد من ربعوه مستقبليننا
وهو يقمز حديهم قال يالله حي الشبث ياهلا
علي الحراااااااااام الا تموت !!!؟#%^
قلت منهو اللي يموت
قال الذبيحه علي الحرام الا تموت والغداء الحين
قلت اشوى احسبوه انا
بعدين يالغالي مهي وقت عزايم ورانا كوره العصر
قال علي الحرااااام الا تمووووت
قلت منهووووووووو ؟؟
قال ماعليك اقصد الذبيحه
قلت وماااالوه تموت تموت
ونروح لبيت الرجال
واحسن شي الفريق كان مجتمع هناك ومطقمين ( ياعمري يامانشستر )
ونتغداء هكا الغداء يااااربي لك الحمد
وكثرنا حيل من الغداء
وعقب الغداء قاموا يتناقشون عن المباراة
وكل كلامهم لي
اللي يقول تكفا يالشبث اليوم يومك
واللي يقول شبيثان وين شبيثان ياما نخيتك
وفيه حريم يصيحن شبيثاااان يارجااااااااااالي
يعني غداء دسم وتحميلي مسؤليه شعب كامل
وين انا واللعب الزين
ويوم صلينا العصر ونروح للملعب ( موقع المعركه )
ولا الجماهير ماليتن جنبات الملعب
اللي معوه عجراء
واللي سكين يشطروه
وفيه واحدن شنباتوه مثل شنبات ابو جودة معوه رشاش( كلاشينكوف )
قلت لخويي يافلان ليه الجماهير هاللون
قال ماعليك هذولا جماهيرنا يبون يخوفون الفريق الثاني
المهم
بدت المباراة
ومن اول صافره حسيت جتن ام الركب وعجست اركض
وصابني غثياااان ومر ( من هالغداء )
ومدرب الفريق الثاني مخلي اثنين يراقبوني
وتجيني اول كوره وانا ادوووس اثريني وطيت على الكوره وانا اطير سما
واول ما يطب القاع راسي
واسمع الجماهير يقولون الله ياقااااك سلامتك
وفيه واحد يقول جعل راسي ينكسر ولا يجيك شي ( ياعمري حبيتوه ياناااس )
واقوم
واتحامل على نفسي
واضغط على جرحي علشانهم
وتجيني الكوره الثاني
وانا اجي ابي استلمه بثقه
وهي تزرق كبري
وهو يصيح واحد بس من الجمهو فدااااااااااء
وينتهي الشوط الاول ماسويت شي
ويبداء الشوط الثاني
والمباراة حاميه
وهي تجيني هكا الكوره اللي ما احلم به
انفرااااد
بس انا والحارس وضميري
بس ضميري كان نايم
شت الكوره برا
واسمع ابو جوده يقول جعلها تجيني فيك ( بدت تخرب الاخلاق )
ومناوشات
كوره هنا وثانيه هناك
واسمع مدرب الفريق الثاني يصيح على خوياوه الثنين اللي يغطوني
يقول خلووووه هذا داجن هاج
( يصير خير يا حمزه ادريس )
الوكاد ان الشوط الثاني انتهى واجت البلنتيات
وهو يجي مدربنا ويكتب خمس لاعبين يشوتون البلنتيات
قال انت يالشبث تشوت الخامسه لانه تبي ثقه ( عزي لحالي وين انا والثقه )
وهم يشوتون خمس بلنتيات ويسجلونهن كلهن
وخويانا شاتوا اربعه وسجلوهن
باقي شوتتي انا
اذا سجلته نتعادل وتتمدد البلنتيات
واذا ل سمح الله ضيعته يفوزون علينا
وانا اروح للكوره
والجماهير هااااااايجه
اللي يقول ياويلك اذا ضيعته
واللي يقول علي بالحرام تضيعه لا اضيعك معه
واللي يقول اسمع يالشبث تراني ابصدمك لو تضيعه
( بالله عليكم وين القلب اللي يخليني اشوت )
ويوم ثبتت الكوره
واسمع ابو جودة يقول ياليتك تضيعها علشان الطلقات اللي بالرشاش كلها عليك
وانا التفت ولا الرجال مصوب علي ( في كل كبد رطبه اجر يا اخ العرب )
وانا اسمي بالله واشوته بكل قوتي
واكمل ركض للرياااااااض
لانه ضاعت وسلمت انا
وسلامتكم
وتقلدوا تحيتي