المسافر عضو من أعضاء القاعده

[المسافـر]

بسم الله


الواحد متى مافضى لازم يخت على اخوانه وان شاء الله اننا دايم نخت عليكم
واعذرونا على الغياب .. بس أشغال و لو ماجتن رسالة من اخوي ابو ماجد
ما اعتقد اني كتبت هالموضوع ويعطيك العافية يابو ماجد على مجهوداتك .


واعذروني الموضوع طويل مارتبته من دماغي إلى المضايف مباشرة





.......


سنة السروال


اتسذب عليكم


ههههههههههههههههههههههه


..



المسافر عضو من أعضاء القاعده





رحت قبل حول الشهر يم الحسا عازمن ابو فسحه وعقب مااستانسنا عنده لنا كم يوم


رحت اختخت على هالمزارع وانا اشري تمر وطماطس وبطاطس وعنب ومن هالفواكي :thumb: .



مريت من جنب وكالة بريجستون قلت ياولد ليه ماتغير الكفر اللي قدام احسن لك


مع ان هالكفر مابه شي من الزود بس اغليه من غلا هالتوب اللي بوسطوه ومن غلا


هالتوب اسميه حسوس << من الإحساس


واحبه حب من طرف واحد مايحس فيني


عقب مابدلت الكفر توكلت على الله وشديت لاهلي


ويوم طلعت من الديره وادور حسوس ولالقيتوه وانا ارجع للمحل وانا ارزل الهنود كم ترزيله



واحط حسوس معي داخل السياره وامشي من قدامهم .. وانا امر المحطه واشري اثنين بايسون



وواحد برينقلز ويوم ركبت السياره ياولد ريح حسوس ماينصبر عليه ..



وانا انزل


انسم


انسم


انسم



مانفع التنسيم وانا احطه بالحوض واحط فوقه الكفر قلت ان شاء الله مايطير



وامشي وشوي ويطير التوب وانا مادريت بوه


واول سياره وهي تلف شوي عنوه وهي تقلب وهي تنفجر :eek:



وصارت حوادث وراي وانا ما ادري وش السالفه


مشغل شريط محمد صالح المنجد


زينة الحياة ويحتسي عن ابناؤنا و الانترنت مندمج من الحين ابي اربي وغداني << انسان مش اي انسان :315r:




وحاط معي طاسه تسبيره ماليه ماء بارد وبوسطه طماط و عنب << وشلون تجي ما ادري


هههههههههههههههههه





المهم يالربع وانا اصفط عند نقطة التفتيش



و انا القى واحدن اعرفه شايف وجهه بالمضايف و اسلم عليه


قلت انا شايفك يافلان قال الرخصة والاستمارة


واتفطن يامار هذا العريف دحام


يادحام انا مضايف شمر ماتعرفن قال لا وهو يتصدد يبي الفرقا


قلت ريال الفسحة يسلم عليك قال انت وش تبي :puzzled:


قلت تعرف الحنشل :eek: وهو ينحاش بالرخصة والاستمارة



ههههههههههههههههههههههههه



وجاء العسكري الثاني قالي ماشفت هالتفجير اللي وراك


قلت وشو قال يقولون واحد من تنظيم القاعدة مالين لوه توب مواد متفجرة


ومفجرن بهالعالم وراك ماشفتهم قلت لا والله


وهن لك يتلاوذن عيوني خابرن التوب حسوس


وشوي وقبل اركب السيارة واراعي للحوض واتهايق يمين يسار


مامن شين التوب ماهو موجود


وهي لك تزداد خفغات غلبي


الاستمارة مع دحام وانا اركب السيارة



اندلخت ما ادري وش اسوي وادري اني مسوي لي مصيبة



و انا احرك وهو يصوت لي العسكري يبي يعطيني الاستمارة





و انا انحاش ما ادري كذا الا انا زاره بواحد


و انحش على الددسن



والعالم وراي وراي وانحش وانحش واطلع يسار الدرب



وشوي و انكس واطلع يمين الدرب



وين يابو الشباب مالك الا الفلوجة و انحش





و ماغط وماغط وهالعالم وراي فوردات وجيوب حتى الطيارات قامن يحدحدني


و هالعالم ما يطلقون نار ياخي مايبون يذبحوني يبوني حي



الظاهر انه اكثر فلوس لهم


خخخخخخخخخخخخخخخخخخخ






واكثر واحد مجهد العريف دحام يجغفن من قلب وكل مايطلق نار يقول


خذها مني وانا دحام



:)



وبتسبد الخضيرا ماهي حولي



هههههههههههههههههههههههههههههه




اكتشفت انه الظاهر يبي فلوس على شان يألف ديوان شعري


:a:



و انا منحاش و اصيح و الله ماهو انا التوب


التوب والله ماهو انا كله من حسوس


والعالم وراك ودونك مشوتين طايرين وراي



و بينما انا مقلع وهي لك تحضر السيارة على التندة


بعدما تزغلبت عدة تزغلبات <<زمان يافايد


يامار هالقاع اللي حولي كله مضارب طماط كله حمرا



هههههههههههههههههههههههههههههههههه





و هو يغمى علي وهم يمسكوني



ونتج عن هذه القلبة المزدوجة



فقدان للذاكرة لمدة اسبوع ،



وبعد اسبوع كامل في العناية المركزة رجعت لي الذاكرة ولله الحمد



وبدأت التحقيقات معي ..




مسافر ماذا تعرف عن اسامة بن لادن ؟



ما أعرف أحد بهذا الاسم ..يالربع خبل مايعرف يتسذب :315r:



وعينك ماتشوف انواع التعذيب انواع الطراقات انواع الفلكات انواع الضربات المزدوجات


بحل ياضربات ابو ماجد اللي اول هالوقت بالالغاز ياحليلهن احس انوه يدغدغن ..



وبينما << معجبتن هالكلمه



هم يمغطوني جاهم فاكس وهم يتركوني انا ارتحت شوي من هالتمغيط ..


شوي وهو يجيني الضابط ويعتذر ويقول اسفين والله ماكنا نقصد نلمسك اعذرنا


يالغالي وش تشرب؟ :a:



مشتهي شي تاكلوه ؟ :)



تبي نشغل المكيف ؟ :315r:



تبي تروش ؟ :eek:



أنا مندلخ قلت اكيد يبي يسوي حركة سوبلكس خلفي على غفله .


هههههههههههههههههههه






وهم يطلعوني براءة وبعد اسبوع طلبوني



وقالي الضابط اتضح لنا ان السيارة اللي وراك كان يسوقه واحد من القاعده


ومحمله متفجرات وبفضل الله ثم بفضلك اصبح كيده في نحره ...



<<لاوالله ثم بفضل هالتوب



...انفجرت المتفجرات عليه و ابشرك ان الاخوان اللي بالحادث


كل اصاباتهم خفيفه و انت الدولة تبي تكافأك مكافأة


على مجهوداتك الهائلة لحماية الدولة من هالأشرار


وهم يعطوني شيك بمبلغ و قدره مليون ريال


مع شهادة شكر وتقدير للحب و الولاء للوطن المعطاء


و يوم رجعت للبيت وش اسوي بالمليون


و من هنا اشي فكرة و من هناك اشي فكرة


قررت اني افتح محل بنشر


واسميه حسوس لخدمات البنجرجي


و كل هالحكاية على هالتوب اللي هبل بي هبال ماهو طبيعي


وكتبت هالبويتات على شان حسوس




يالتوب ياللي اسمه حسوس وجاب لي خزنة فلوس
....................ازريت ادور لك شبيه ازريت ولاحتى لقيت
تصبـر على ضـرب الجلد تصـبر ودايم بك نحوس
....................خمسة عشر رقعة ولاحتـى تويلت وشكـيت
و اقـول لكـ يا نسـل الاتـواب المـناعـيـر النـموس
....................مـقـابلك فـرحـة و لـكـن للمـقـابل ماقـويـت
اتوجد لـكـ وجودن وجد "سـعـدى" للبـسوس
....................كل مـا شـافـت رحولـن له بكاء وله نهيـت
وجـدها هـو وجـد قلبـي يـوم انـادي يا حسـوس
....................و لاحدن يسمع نداي وبعدها صحت وبكيت




و آسفين على الإطالة



ونشوفكم قريبا إن شاء الله اذا ماصار شي او سلة محذوفاي :)







.

[يـــوسف]

ينقل لسلة المحذوفات :)














حسبي الله على عدوك للحين مانسيت العريف دحام ههههههههههههههههههههههههههه





أياحبيبي والله هالخشة بغو يضيعون مستقبلك :)



أجل مسيرن على ريال أمحق من مسيار :)








واكثر واحد مجهد العريف دحام يجغفن من قلب وكل مايطلق نار يقول








خذها مني وانا دحام





:)


واكثر واحد مجهد العريف دحام يجغفن من قلب وكل مايطلق نار يقول


خذها مني وانا دحام



:)



وبتسبد الخضيرا ماهي حولي








استغفر الله العظيم :solh::solh::solh:








لعنبو عدوك وش هالمخ اللي عليك هههههههههههههه






الحمدلله على السلامة والله يوسع صدرك زي ماوسعت صدري :)




توسد إحترامي

[ريتاج]

هههههههههههههههههههههههههه


صح لساانك...

يااحيي لا لقيته ابيه يباات عندي اسبووع

لوضربنا 1000,000x7 يعطينا 7000,000

وناااااااااسه ههههههههههههههههه


اجل كسبت عقب هالتلزييخ من حسووسي هههههههههه


مشكوور عالمووضووع اخووي مساافر ...


شييييييييييييع

[المسافـر]

ينقل لسلة المحذوفات :)



قل اذبح شنقل بس لاتنقله للمحذوفااي

ههههههههههههههههههه










حسبي الله على عدوك للحين مانسيت العريف دحام ههههههههههههههههههههههههههه




وهل ينسى شامية اتصلت غلطانه بالمضيف العام

:solh:








أياحبيبي والله هالخشة بغو يضيعون مستقبلك :)



تقوله صادزز يافلااان




أجل مسيرن على ريال أمحق من مسيار :)



ياحبيبي هالسيقان ياريالووه

رجالن اجودي :thumb:










استغفر الله العظيم :solh::solh::solh:

لا إله إلا الله





لعنبو عدوك وش هالمخ اللي عليك هههههههههههههه


ماشاء الله ماشاء الله ماشاء الله ياخذ هالعيون

:)



الحمدلله على السلامة والله يوسع صدرك زي ماوسعت صدري :)

الله يسلمك يافلااان




توسد إحترامي



مشكوور على هالخته :)


.

[المسافـر]

هههههههههههههههههههههههههه


صح لساانك...


صح بدنك

يااحيي لا لقيته ابيه يباات عندي اسبووع

لوضربنا 1000,000x7 يعطينا 7000,000

وناااااااااسه ههههههههههههههههه


ياعلتس ماتروحين رواحوه

تفجر والعن والدوه الوالد

هههههههههههههههه



اجل كسبت عقب هالتلزييخ من حسووسي هههههههههه


مشكوور عالمووضووع اخووي مساافر ...


شييييييييييييع


اهلا وسهلا

مشكوره على هالخته :thumb:

[بالمختصر..]

و ماغط وماغط وهالعالم وراي فوردات وجيوب حتى الطيارات قامن يحدحدني


و هالعالم ما يطلقون نار ياخي مايبون يذبحوني يبوني حي


الله العالم يبونك أسير :)

و أنا أشوف كثرانه هالحوادث يادافع البلا

عمي قبل اسبوع سوى حادث و سلم الحمد لله

لايكون إنت السبب :a: :)



تقبل مروري ..




.
.

[المسافـر]

الله العالم يبونك أسير :)

انا من تعرفت على شنقل وصرت عضو معه بالكوماندوز والمشاكل

نازله علي مثل المطر

شنقل انت طالق طالق طالق :a:


و أنا أشوف كثرانه هالحوادث يادافع البلا

عمي قبل اسبوع سوى حادث و سلم الحمد لله

لايكون إنت السبب :a: :)


يمكن المعجزة الإلهية :) << زمان يافن

هههههههههههههههههه

الحمد لله على سلامته


تقبل مروري ..


أهلا وسهلا باختنا بالمختصر ..

موفقه خير إن شاء الله

مشكوره على هالخته :)


.
.

[حمــ الموت ـراء]

بحل يا بن لادن <<خربته :7ayyoh:


ياحيي وش معنى كلمه التوب هي وشي ..!!




بعدين يا المسافر تقل جايب طاري الفلوجه <<بتست :)




يعني اختم على جبهتك شجاع بني تغلب :)

[المسافـر]

بحل يا بن لادن <<خربته :7ayyoh:




إن الرقم الذي الذي اتصلت به لايمكن ان تطلبه الآن :)

انحش

:18_3_110:

:18_3_110:

:18_3_110:





ياحيي وش معنى كلمه التوب هي وشي ..!!




التوب يعني ردمية :a:

اسألي ابو طروق يعلمتس

التوب دقة قديمة الحين انقرضت :thumb:







بعدين يا المسافر تقل جايب طاري الفلوجه <<بتست :)




مدحت الدمنهوري مش موجود :solh:








يعني اختم على جبهتك شجاع بني تغلب :)




لازم نشاور الزعيم شنقل :thumb:



كككككككككككككك

مشكوره على الخته :)

.

[بنت الجبل آخت القصيد]

وهم يعطوني شيك بمبلغ و قدره مليون ريال




:mabrook:
معك سلف :315r:
العيد قرب والمقاضي تسثيره**واشوف أُمي بس تصدد بجيبه:wallah_hoo:

اول شيء هو انت طلعت من عند المبرز او محاسن عشان نعرف درب اهلك وينهم ..:)
ثانياً .. حمد الله على سلامتك ياهذا <<<متعوب عليه الجمله
رابعاً...<< طمرت ثالثاً ههههه بس مايخالف


مبروك المليون وجب بدال التوب ميه <<مثل حمراء ماتعرفوه:a:


سادساً ... كل الشكر لهالمويضيع ولاهنت



:thumb:

[غالب]

يخي عنوان موضوعك يخرع:)
أنا قلت غديك معهم أخبر لي واحدن طلع على الشاشه يحتسي وحتسيه تقل مثل كلام أهل الخفجي وأنا أخبرك جليل فود:)





يامار هالقاع اللي حولي كله مضارب طماط كله حمرا



هههههههههههههههههههههههههههههههههههههههه هههههههههه
هاذي لحاله تكفي تضحكن ليا باتسر:) هههههههههههههههههههههههههههه

[المسافـر]

:mabrook:


معك سلف :315r:




عشيري شنقل قم بتحويل هذه العجوز لمكتبنا الخاص في الضمان الاجتماعي


واصرف لها الماء الكثير والطعام الوفير


والفلوس مامن فلوس تسمعين او لا :a:


خخخخخخخخخخخخخخخخخ





العيد قرب والمقاضي تسثيره**واشوف أُمي بس تصدد بجيبه:wallah_hoo:


اول شيء هو انت طلعت من عند المبرز او محاسن عشان نعرف درب اهلك وينهم ..:)




طلعت من عند الثقبه :)


خبل ما اعرف اتسذب :a:





ثانياً .. حمد الله على سلامتك ياهذا <<<متعوب عليه الجمله
رابعاً...<< طمرت ثالثاً ههههه بس مايخالف


مبروك المليون وجب بدال التوب ميه <<مثل حمراء ماتعرفوه:a:






عزيزي ابو ردمية نحيل اليك امر هذه العجوز مع تلك العجوز


فنتمنى من حضرتكم تفسير معنى توب :)






سادساً ... كل الشكر لهالمويضيع ولاهنت




ياعجوز وين خامسا ؟؟





يعطيتس العافية على هالمرور ومشكووره


وبالتوفيق يافريق المصممين :thumb:





عطر القصيد مشكوره على الخته :)

[بنت الجبل آخت القصيد]

الا ماجيت العيون بس ....

[المسافـر]

وحتسيه تقل مثل كلام أهل الخفجي



لايابعد فرتي هالفره تقل مثل


خخخخخخخخخخخخخخخخخخخخخخخخخخخ

أبد يالمسنعس مامن شين يخرع بس انت ما ادري وش خارشك

شكلك شايف لك فلم رعب من افلام توم وجيري


هههههههههههههههههههههههههههه


المهم يافلاااان ليامنك خلصت ضحك باتسر

تعال مر علي واصرف لك وحده ثانيه تضحكك ليوم ثاني :)

كم عندنا سناعيسوو

مشكووور على الخته :)

[ماجد]

أنا مندلخ قلت اكيد يبي يسوي حركة سوبلكس خلفي على غفله .


هههههههههههههههههههه




هههههههههههههههههه

وطماطك اللي ماتهنيتبوه
قمت ترورغ ههههههههه

سالفتك تضحتس يالغالي
انشاء الله ماننحرم من هالمغامرات ونكبات


تقبل مروري

[الجـــوكر]

يعطيك العافيه على الموضوع

بعدين ما يكفي واحد بالمضايف مقرود
تجي انت


يوسف مبروك لقيتلك مقرود مثلك


تقبل مروري

[أبو روز]

هههههههههههههههههههههههههههههههههههههههه هههه
هههههههههههههههههههههههههههههههههههههههه ههه

يا زين التوجد على التوب

عندي ملاحظة على الموضوع
الكلمات الدلالية تلقونه تحت

مكافأة ، دحام ، إرهاب استنتجت استنتاج

ان اللي يمسك العريف دحام له مكافأة هههههههههههههههههههههه


لا هنت يا المسافر على الموضوع

تقبل مروري

[ريم شمر]

:goooood:




مبدع يامسافر

[عبدالله الجعيثن]

شفت قالشين كتيييير بس مثلك مافيه



المسافر




احلف!!!!




بعد هالجلغفه







ماودك تشارك برالي حايل

[ابو خلوف]

كر كر كرم كرميش >> وين شنقل



الحين وش اسمه هالتوب هذا




>> نبي نتوسط لوه عند ابوسلطان يوصل طلبات من الفله الي المحذوفات







قلت انا شايفك يافلان قال الرخصة والاستمارة




هههههه طلعت مني على طول قلت وش عنده العريف دحام



وانت جايك خبروه العريف دحام




المره الثانيه امسك لك ردميه

[عجايب بنت الشايب]

ماتبي تعلم حمراء الموت عن معنى التوب ؟


لأني انتظر اعرف معانه ثمن اضحك >> ضحكها بترتيب يااعيني








اقول



أنا اجيـــــــــــــزك ..

لي نكسه


بعد جوابك على حمراء

[ريال الفسحه]

ابيك تسيّر علي صدز :)


هههههههههه





لاهنت يا ارهابي :)

[المسافـر]

الا ماجيت العيون بس ....





جيت العيون

مشكوره على الخته مره ثانيه يالبدويه :)

[المسافـر]

هههههههههههههههههه

وطماطك اللي ماتهنيتبوه
قمت ترورغ ههههههههه

سالفتك تضحتس يالغالي
انشاء الله ماننحرم من هالمغامرات ونكبات


تقبل مروري




واطمااااطااااااااااااااااااااه

هههههههههههههههه

هلا وغلا بحسب علمي

ان شاء الله انك ماتنحرم تسان العطاوي موجود ابشر

بالقراده الواجده وانا اخوك



حسب علمي مشكور على الخته :)

[المسافـر]

يعطيك العافيه على الموضوع

بعدين ما يكفي واحد بالمضايف مقرود
تجي انت


يوسف مبروك لقيتلك مقرود مثلك


تقبل مروري




هلا بالجوكر


من نصايح عشيري شنقل حفظه الله في حله وترحاله

يقول " لاتهند ألا أجكري "

زمان يافن << هيا بنا نمذررررررح :) .



وعلى المقرد يابعد حيي واجد

طب وتخير بس محد يحتسي :315r:




الجوكر مشكور على الخته :)

[المسافـر]

هههههههههههههههههههههههههههههههههههههههه هههه
هههههههههههههههههههههههههههههههههههههههه ههه

يا زين التوجد على التوب

عندي ملاحظة على الموضوع
الكلمات الدلالية تلقونه تحت

مكافأة ، دحام ، إرهاب استنتجت استنتاج

ان اللي يمسك العريف دحام له مكافأة هههههههههههههههههههههه


لا هنت يا المسافر على الموضوع

تقبل مروري




هلا بسعدون اعجبك التوجد يافلااان

خخخخخخخخخخخخخخخخ


ياشيخ انت من وين طلعت لنا يابعد فرتي

وشلون اكتشفت هالاكتشاف انا صار لي حول الشهر ماني مبين

ادور دحام ابي المليون الثاني :eek:


وانت خربت علي وشوووله

هههههههههههههههههههههههههههههه


ابو روز مشكور على الخته :)

[المسافـر]

:goooood:




مبدع يامسافر


هلا وغلا ام طلال roooose



ام طلال شوفي هالحضريات خصوصا عجايب

ماتعرف التوب معقوله عجايب ماتعرف التوب :eek:

ماني مصدق .

اعطيهن كورس والشاهي والقهوه عليهن :).



بس لاتكونين انت ماتدرين وش السالفه بس جايتن تضحكين كذا :solh:


أم طلال مرورك دائما محل شرف وتقدير


مشكووره على الخته :)

[المسافـر]

شفت قالشين كتيييير بس مثلك مافيه



ماعليك زوود

ههههههههههههههههههههه



المسافر


لبييييه


احلف!!!!


والله العظيم ،،

ورب الكعبة ،،

اخلص وش تبي :148r:


بعد هالجلغفه



ماودك تشارك برالي حايل



يا ابو غازي صار عندي خبره بالجلغفه والمطاردات

بس اذا نويت اشارك ان شاء الله بالرالي عندي طلب واحد

وجهوني على دحام وماعليكم ابد المركز الاول بحوض الشاص


ههههههههههههههههههههه

:solh:


ابو غازي مشكوور على الخته :)

[المسافـر]

كر كر كرم كرميش >> وين شنقل



شنقل عشيري يابعدهم والله ؛؛؛ ودعتك الله بس لا تنساني



عن قريب راح يجي ويكمل مابدأته حضرتنا ويجلغفكم

انتظروا شنقل المدلقم

:)






الحين وش اسمه هالتوب هذا




>> نبي نتوسط لوه عند ابوسلطان يوصل طلبات من الفله الي المحذوفات





يافلااان لا تطري المحذوفااااي :a:




هههههه طلعت مني على طول قلت وش عنده العريف دحام



وانت جايك خبروه العريف دحام




المره الثانيه امسك لك ردميه


جلي مسكت الردمية هينه

ابو طروق ماخلا علينا ردمياات مسيطر على كل شين .



هاللي انت متقلده وشي مخالفييييي :solh:



ابو خلوف مشكوور على الخته :)

[المسافـر]

كلي بكم إعجاب عندنا :a:


شنقل تعال تودس جبهتي

:629r:





ياخبل ماهو كذا





كذا



:147r:




ايوااا ياسلااام عليك ياعشيري

انت كذا :thumb:




ايوالله عجايب



الله حيووووووووووووووووووه



:023b:







ماتبي تعلم حمراء الموت عن معنى التوب ؟


ليه مانعلم حمراء الموت

ارسلنا مندوبنا ابو طروق بس الظاهر ان العريف دحام سجنوه

هههههههههههههههه

مافيه مشاكل انا اعلمه


التوب ياهنوف البدو مع انتس طلعتي من جنب القده

ماتعرفين لابداوه ولاصخام

هو : ذلك اللستك الذي يوضع تحت كفر السياره وهو ذو لون اسود

يستخدمونه بعض الوغدان احيانا اذا بغوا يسبحون بالخباري بعدما ينفخونه بالهواء :)

هههههههههههههههههههه


لأني انتظر اعرف معانه ثمن اضحك >> ضحكها بترتيب يااعيني




وربي انك مرتبه دومنننننننن

هههههههههههههههههههه



اقول



أنا اجيـــــــــــــزك ..


لي نكسه


بعد جوابك على حمراء



جاوبنا على حمراء وعليتس اثنين في آن واحد برت بلاس :)





كلي بكم إعجااب يخليك ربي

مشكووره على الخته :)

[المسافـر]

ابيك تسيّر علي صدز :)


يارجال هكالايام مسير عليك لايكون سلماننننن غيرك

معقوله ... قسم


:)




لاهنت يا ارهابي :)



الله لايهينك اخو قلبي

بس انا والعشير نوينا ننتسب لعصابة دحام

العصابة الدحامية :)


و ينقال لواحدنا دحامي

تخصص سرق حديد

ههههههههههههههههههههههههه


اووووووياملااااااااااااااا



سلمونننا مشكوور على الخته :thumb:

[فتى البيداء]

المسافر أهلاً وسهلاً قاطع بنا لكن المشغول ما يشغل ..

سالفتك تقطع قلب الفيل من الضحتس .. أجل أرهابي .. معه طماط ؟؟

ليه مايصير معك جح ؟؟ تراه أكبر لحمل المتفجرات ..

الله لا يهينك على هالسالفه .. شكراً لك ..

[عجايب بنت الشايب]

1- ههههههههههههههههههههه

2- هههههههههههههههههههه

3- هههههههههههههههههههه



>>ماقلت لكم مرتبه هالعجيز




ياخالي من يوم شفتك مشغل المنجد


وانا عارفه انك رجالاً أجودي



ولا حولك ولا حول الأرهاب شين













المسافر ياعليك مصطلحات ووصف مدري وش يبي

ههههههههههههههههههههه




اضحك الله ضرسك








طحياتي ......,,

[المسافـر]

المسافر أهلاً وسهلاً قاطع بنا لكن المشغول ما يشغل ..


هلا وغلا بفتى البيداء

أشوا أنك عذرتن يافلااان .. جزاك الله خير .



سالفتك تقطع قلب الفيل من الضحتس ..


لايكون فيل علي :a:


أجل أرهابي .. معه طماط ؟؟

تشوف يافلااان هالحكاية ماتنسولف

هههههههههههههههههههههههه



ليه مايصير معك جح ؟؟ تراه أكبر لحمل المتفجرات ..


يافلااان المسألة ماهي مسألة كبر .. أنت وش عرفك يالغالي

خل سوالف المتفجرات على خبير المتفجرات

العريف دحام وعشيره شنقل

:solh:

ههههههههههههههههههه




الله لا يهينك على هالسالفه .. شكراً لك ..



الله يسلمك ياالغالي

فتى البيداء مشكوور على الخته :)



.

[المسافـر]

1- ههههههههههههههههههههه


2- هههههههههههههههههههه


3- هههههههههههههههههههه




>>ماقلت لكم مرتبه هالعجيز





ادري انك مرتبه وربي






ياخالي من يوم شفتك مشغل المنجد



وانا عارفه انك رجالاً أجودي




ولا حولك ولا حول الأرهاب شين





قولي لهم تكفيييين والله ماعندي الا الدجه واكل الطماط



هههههههههههههههههههههه







المسافر ياعليك مصطلحات ووصف مدري وش يبي




والله ياخالتي عليك اسئلة تطيح وجه الواحد :ezpi_blus


وبعد ما ادري وش تبي


واذا على الوصف شكرا لك وهذا من ذوقك وهو ليس من الإبداع بشيء .





ههههههههههههههههههههه



اضحك الله ضرسك



طحياتي ......,,




الله يديم الضحكه


والله يخليتس لعينن ترجيتس ياخالتي



كلي بكم إعجاب مشكوووره على الخته :thumb:




.

[الشبث]

بعذر الله بك يوم يجلغفونك


وش هالرد على ريال
ههههههههههههههههههههههههههههه





ابي افهم شي واحد يالمسافر



وين انت والقصيد عقب هالجلغفه خخخخخخخخخخخخخخخخ




اتوجد لـكـ وجودن وجد "سـعـدى" للبـسوس
....................كل مـا شـافـت رحولـن له بكاء وله نهيـت



بس بس بس حدك خخخخخخخخخخ









لاهنت يالذيب


مبدع وشهادتي فيك ملعونن جدفه




وتقلد تحيتي

[أبوطروق]

صحيح زمان يافن وزمان يا إبداع وزمان يا دجة


المسفرجي انت وينك يابعد تسبدي ووين الإرهاب أيها الحمل الوديع

أنت لو تنفجر عندك طرطعانة يصيبك شلل الرعاش



على العموم مبروك البنشر الجديد والموضوع الجديد (الرائع)

والمفروض تدخل العريف دحام شريك معك وتسوون سلسلة بناشر ويتولى العريف دحام مسئولية الأمن البنشري





مشكووووووور يالمسافر على الماضوع الإرهابي والحمدلله على السلامة



إلا صدز ماحولك سلف

"""""""""""""""

[&^^مهــــا^^&]

ههههههههههههههههههههههههههههه

حسوسك هو اللي جاب لك المصايب:)



وعينك ماتشوف انواع التعذيب انواع الطراقات انواع الفلكات انواع الضربات المزدوجات

ههههههههههههههههههههههههههههههه قصدي الحمدالله على سلامتك


ومبروووووووووووووووووووووك على المليون <<عندك سلف:)

وصح لسانك على الابيات

ونستنا ربي يونسك بالعافيه

تقبل احترامي,,

[ريم شمر]

بس لاتكونين انت ماتدرين وش السالفه بس جايتن تضحكين كذا :solh:
]


التسذب خيبه

سألت البدوي اللي عندي وعلمني....انا افدى البدو كل ابوهم :d:

والا وش يعرفن بالكفرات وخرابيطها


وسويت مثل عجايب ضحكت بالترتيب :)

[محارش]

هههههههههههههههههههههههههههههههههههه

اما دحام هههههههههههه كل ما مريت امن طرق وقال لي الرخصه فطن علي وفطنت علي سوالف الربع والجلغفه واضحك وهالعسكر يتراعون ما يدرون وش اللي يضحكن , تخبر عاد يصير به تفتيش ووو والحق يقال ما عمرهم فتشونن شخصي ابد ابد

على طاري دحام هالقصيده مارتن علي قبل , ياربي وين انا قاريه :)

آآآآآآآآه بس بس لا تكون من قصايد الرجال اللي انطرد قبل فتره واشوفه رجع هالليومين ( ما يقصد ابو طاهر ابد ابد :) )


مع اعنف واشرس التحايا المحارشيه

سلاااااااااااااااااامووووون عليكم :)

[شنقل]

الحين ماجا طاريي بالموضوع



تقلدوني بالردود





المسافر يسلم عليك مستر مايك


تولجنا بالاختبارات كل ربوووع






للمشتاقين لشنقل

يرجى زيارة كررررميش الفناتير



لاشفتوا لكم واحد منبطح ومعه لاب توب

يازين كرميشهم بوه واير لس

[ريال الفسحه]

الله حيوه


حيالله قسيس الفله


لك وحشه


وانتظر اتصاااالي باتسر


<----توه مسدد الجوال :)

[الشبث]

اويطي


وشو هالزول خخخخخخخخخخخخخخخخخخخخ



شنقل


هكا اليوم مريت من عند كرميش الفناطير


وشفت تمساح منبطح



اثريه انت


خخخخخخخخخخخخخخ

وشبلاك عاد بس بالفانيله


خخخخخخخخخخخخخخخخخخخخخخ




يقولون للحين وجهك عليه اثار الرطوبه


خخخخخخخخخخخخخخخخخخخخخخخ




وتقلد تحيتي

[ريال الفسحه]

هههههههههههههههههههههه


نطالب بموضوع خاص
بقسم الركن الهادي لشنقل



للتمكن من قراءة ابداعاته بكل هدوء




فليعيش ايه الله شنقل


ممكن رقم حسابك ابرسل لك الخمس :)

[فتى البيداء]

شنقل قسم بالله أنك تو على بالي قلت أبحجر الشبث وأسئله أقول وين العمده شنقل تراء ماهي حلا القطاعه ..

ياخوك وينك ؟؟ هالعمل ماهو زين ... من يوم ورايح تحظر من الساعه 7 صباحا حتى 2 ليلا .. وألا فيه عقوبه

سجن سنه مع الأعمال الشاقه ..

[المسافـر]

.


ردود من شخصيات لها ثقلها في قلبي ...


لا أستطيع أن أغلق المتصفح دون الترحيب بهم .


مرحبا بكم ولي عودة إن شاء الله .




<< أوووخس يا أتيكيت :solh:


.

[يـــوسف]

^
^
شنوح حسيت أن فيه ناس لابسين وردي :)





وفقعت بخشمي ريح كلونيا :)

[المسافـر]

.


بعذر الله بك يوم يجلغفونك


وش هالرد على ريال
ههههههههههههههههههههههههههههه



خذ وخل أبو ماجد لاتدغغغغغغ



ابي افهم شي واحد يالمسافر



وين انت والقصيد عقب هالجلغفه خخخخخخخخخخخخخخخخ




اتوجد لـكـ وجودن وجد "سـعـدى" للبـسوس
....................كل مـا شـافـت رحولـن له بكاء وله نهيـت



بس بس بس حدك خخخخخخخخخخ





ابو ماجد مشكلتك ماشفت دحام وعيونوه

لو انت شايفهن وشلون مشولات تسان تكتب معلقه ماهن بويتات

ههههههههههههههههههههههههههههههه




لاهنت يالذيب


مبدع وشهادتي فيك ملعونن جدفه




وتقلد تحيتي



الله يسلمك ابو ماجد وكل كلمات الشكر لاتوفيك حقك ...


ابو ماجد مشكوور على الخته :thumb: .

[المسافـر]

هلااااا وغلاااااا


صحيح زمان يافن وزمان يا إبداع وزمان يا دجة


دامك موجود مامن زمان يافلااان يكفي وجودك يالغالي .


المسفرجي انت وينك يابعد تسبدي ووين الإرهاب أيها الحمل الوديع

أنت لو تنفجر عندك طرطعانة يصيبك شلل الرعاش


شلل الرعاش اويييييييطططي زمااان يااافن

هالحين من ينفجر الطرطعان ينفجر قلبي بجنبووه

خرشوني الحكووومه يافلاان :)




على العموم مبروك البنشر الجديد والموضوع الجديد (الرائع)

والمفروض تدخل العريف دحام شريك معك وتسوون سلسلة بناشر ويتولى العريف دحام مسئولية الأمن البنشري


شف اقولك الصحيح :..

أنا نويت أدخله شريك بس العريف دحام طماع


يبي الاسم دحامكوو لخدمات البنشر ..:eek:


يبي الفرع الرئيسي بالموصل .:solh:


وعشيري شنقل ماهو مدانيه .:590r:


على شان كذا حولت أمره للعشير شنقل فامر باغتياله ..

ومازالت عملية اغتيال العريف دحام قيد التنفيذ :goooood:








مشكووووووور يالمسافر على الماضوع الإرهابي والحمدلله على السلامة

الله يسلمك ويشهد الله انك عزيز وغالي يابو طرروق





إلا صدز ماحولك سلف

عشيري شنقل نحول إليك هذا الشايب كما حولنا تلك العجز من قبله..

اصرف له الماء والطعام وتسانوه يبي فلوس شوتوه .:)



ابو طروق مشكوور على الخته :315r:

[المسافـر]

هلا بمهااوي خفيفة الظل :315r:


ههههههههههههههههههههههههههههه


حسوسك هو اللي جاب لك المصايب:)



تشوفين اللي انا اشوفه

هههههههههههههههههه


ههههههههههههههههههههههههههههههه قصدي الحمدالله على سلامتك


ومبروووووووووووووووووووووك على المليون <<عندك سلف:)

وصح لسانك على الابيات

ونستنا ربي يونسك بالعافيه

تقبل احترامي,,


الله يسلمتس من كل شر

والسلف روحي لمكتب عشيري شنقل يتولى أمرتس مع من سبقك من العجز والشيبان .

صح بدنك

عساتس تستانسين بطاعة الرحمن


أختي مهاوي بنت 2005 مشكوووره على الخته :thumb:

[المسافـر]

التسذب خيبه


ماعهدنا عليك كذبا أختااااه


سألت البدوي اللي عندي وعلمني....انا افدى البدو كل ابوهم :d:


الله يحفظ لتس هالبدوي وكل البدو اللي تعرفين واللي ماتعرفين



والا وش يعرفن بالكفرات وخرابيطها


على ما اعتقد انتي هنا بدأتي بالغلط على عشير شنقل دحام بس نمشيها:solh:




وسويت مثل عجايب ضحكت بالترتيب :)


أهم شي الضحكه يا ام طلال

والله الواحد مايكتب الموضوع الا على شانكم .




أم طلال مشكووره على التعقيب والخته مرة أخرى :thumb:

[المسافـر]

وعليكم السلام ورحمة الله


مغابش عندنا معقوووله

الله حيوووه

وشلونك يافلان

دحام رحب جب اثنين طمام

ايه محارش اخبارك يافلااان ليه ماتنشاف

هههههههههههههههههههههههه


اما سالفة مايفتشونك شخصي كثر منه .. العريف دحام وهو العريف دحام اذا صار لابس مدني يفتشونه

يعني ماتبيهم يفتشونك انت :solh:


تكفى لاتطري ابو طاهر الحين يستهيش علينا العشير شنقل ويرجفوه معقله مثل معلقته السابقه

ههههههههههههههههههههههههه



ابو المحارش مشكووور على الخته واسعدتنا بمرورك :)

[المسافـر]

عشيري


مشرف الدتسه


الزعيم

شنقل

فايد

ابو احمد



موجووود هناا

وش فيك غايب تعبت القلب بغيابك

خخخخخخخخخخخخخخخخخخخخخخخخ



يافلااان دايم جياتك حلوه ماتجي الا على مواضيعي

فديت العشير والله


الحين ماجا طاريي بالموضوع



تقلدوني بالردود



ياشيخ انت دائما حاضر في قلوبنا واخوك المسافر اربع وعشرين ساعة محيي ذكرك


من كثر مااصيح بالاهداءات ياشنقل يالعشير كل هالعالم نقدت علي يافلااان

يحسبوني خبل اكل الرقع واسولف مع روحي :)




المسافر يسلم عليك مستر مايك


تولجنا بالاختبارات كل ربوووع



عليك وعليه السلام يالعشير

تسانوه اللي انا خابر اجودي وماعليك اصبررررر هانت ان شاء الله .


للمشتاقين لشنقل

يرجى زيارة كررررميش الفناتير


عز الله انك ماراح تلقالك مكان من كثر المشتاقين


لاشفتوا لكم واحد منبطح ومعه لاب توب

يازين كرميشهم بوه واير لس


ماشاء الله الواير صار ينركب لوه لس حاجة كويسه :)


شنقل عشيري أسعدني مرورك يافلاان

مشكوور على الخته :thumb:

[الحنشل]

المسافر



عظم الله أجرك



عز الله مهو فقيده



و بعدين تسمي هذا توب

هذا المفروض اسمه حديده رضمه



و الا بالله عمرك شفت توب مليان هواء و يغرق بالماء؟!




المسافر نصيحة لوجه الله تعالى

خلك من العريف دحام و جاي

[المسافـر]

الإخوة المرحبين بشنقل

الله يجزاكم بالخير

ريال الفسحة

الشبث

فتى البيداء

الزعيم شنقل يشكركم على مشاعركم الطيبة تجاهه

[المسافـر]

^
^
شنوح حسيت أن فيه ناس لابسين وردي :)





وفقعت بخشمي ريح كلونيا :)


يافلان انت كل شين مدغغ فيه

مايصير هيك

مشكووور على الخته نوبتن اخرى :)

[المسافـر]

الحنشل

ماني مصدق

كم انت جميلة أيتها الصدف

ههههههههههههههههههههههههه


يافلااااااااااااااااااااان وييييييييييييييييييييينك

خل التوب على جنب

دحام رح جب اربعه طماط

الحنشل يغلي الطماط

هههههههههههههههههههههه


أخبار الثكبه :)

الحنشل

مشكووور على الخته

وان شاء الله هالختات مانعدمهاش يابعدي