سالفتني أنا والشريفي

[غالب]

سلام عليكم
وشلونكم
الله يمسيكم ويصبحكم بالخير
المهم
سالفتن لي حصلت لي بالفصل ومع الشريفي بالذات
جا يوم السبت اللي طاف
وجانا مدرس
وقال
يالله سكروا الكتاب والدفتر
وكل واحد يحرك ماصته اللي دزدام واللي ورا واللي فوق المروحه واللي حدر المكيف حوسه
والشريفي كان يقول لي إنه ابن الحلال ماذاكر
وأنا سمسم هوا
الحبيب
سالفته سالفه بالإختبار
الرجال أقول لكم ماذاكر
ويوم دخل
قام يتلفت يمين يسار
وهو يلصق لأبو بقم
ويراعي لورقته
وأبوبقم مسوي لنا به دافور
يحط أباطه على الورقه من زود الحق عنده:)
وهو يراعي لأبوعتب
وهو يوريه اسم الطالب والفصل :315r:ههههههههههههههههه
وهو يبلش
مابقا بهالفصل غيري
وهو يغمز لي عينه
وأنا أنز
وهي تصيبن ربشه
وهي تطبح علي الحميا:)
وأنا أمسك الورقه وإذا راعا المدرس للباب رفعته ووريته إياه
لياما نقل مني كل شين إلا السؤال الأخير
على ما رفعة الورقه وهو يراعي لي المدرس
وهو يقول إشششششششششششش تسووووووووووووووووووووووووووووون كشفتكم
قلت ياأستاذ نسيت نسيت
قال لي نسيت تاكل نسيت تشرب نسيت توبك :solh:
وهو يبرد وجهي
ولياوالله يوم عصب هالشريفي
وهو يشيل الورقه ويغفصه ويدعسه بأفم أبو بقم
وهو يقول للمدرس إنت مابك فزعه مابك إحساس مابك هاه شلون يعني هاه ماتفزع للناس علشان بعدين هاه
المدرس مافهم شين أبد أبد
وهو يقوم الشريفي
وهو يودزفه برا الفصل
ولياوالله بالباب شق وأشوفه يراعي لي ويسوي علامة الشهاده أو مدري الفوز تخبرونه اللي يرفع صبعه السبابه والخنصر ويقول لاتسرع فالموت أسرع
بالله تعال يالشريفي وش دخل الموت أسرع بالسالفه:232r:
المهم
صفيت أنا بالفصل
وهو يطلع اللي الحمر اللي استشهد بسببه 5طلاب بالمدرسه
وهو يقرب لي
قال لي
ليش تسوي كدا
قلت هاه
قال ليش تسوييييي كدا
قلت ماادري
بس يااستاذ فزعت وانطلقت مني
قال
الفزعه هادي ماتمشي عندي
إفتح يدك
على مافتحت يدي وهو يدرعم السوداني
إقطع الصووووووووووط إقطع الصووووووووووووووط طربخ ليا والله يوم طير الباب
وهو يصوت للمدرس وهو يطلع المدرس وأنا فكن الله من العصا الحمرا
وهو يرن جرس الفسحه وهالناس كله طلعت وعلى ما طلع أبوبقم وهو يتلولس به الشريفي
والله لايوريكم
تخبرون المبارزه اللي بفلم الرساله اللي كانت بين حمزه بن عبدالمطلب-رضي الله عنه-هو وأبولهب أومدي أبوجهل
هي نفسه بس بالأقلام:)
وهو يصفق الشريفي أبوبقم
وهو يلتوي له شوووووووووين
وهو يفيق أبوبقم وهو يقمز ويطوح القلم ويتمز ليا والله هو بحلق الشريفي
وهو يغوله
ويغوله
لياما غدت عيون الشريفي بيض
وهو يشر لي على ماشاف الموت قدامه
وأنا أفكه عقب ماأنا أتفرج مع هالناس :)
وهو يقوم يعرض أبوبقم يوم طرح الشريفي
على ماقمز ليا والله الوكيل وراه:)
وهو يتمز برقبته
وهو يتمز رقبة الشريفي
وجابن معهم من زود الحلا:315r:
وهي تصير هالمحاكمه
منهو اللي بدا
ومنهو اللي انصرع
وإحلفوا
وقرقر كتير
وأنا بس فاتحن أفمي وولا سألن ولا سؤال
وهو يراعي لي الوكيل
قال
إنت شفت شي
قلت هاه
قال إنت شفت شي
قلت لا بس كنت أتفرج وعقب فكيتهم
قال الوكيل
ياسلاام ووش تسمي التفرج
قلت هاه
قال
وش تسمي التفرج
قلت أسميه تفرج بس مالي دخل
شاف مابه فايده مني وهو يطلعن برا
وهو يجيب أبوعتب
وحققوا معه
وصفت السالفه على إنه الشريفي يجلد جلدتين وأربع جلدات مع الرجل


أما أبو بقم ثمان جلدات ونقل من الفصل :d:


والسلام ياجماعه وياجماعات:)

[يـــوسف]

سناعيسو يعني الحين الله يفضحك الشريفي يدب قدامك وأنت موقف تراعي لهم تفغم من هالنعمه ههههههههههههههه








أقول وين مدرستكم ؟؟؟ :)




ابي اكفلكم لاصار شين اهم شي تفطروني :)













لاهنت يامسنعس على هالكارثه الحين يجيك ريالوه وأبو خلوف يتولجونك :)










توسد إحترامي

[جبرني الوقت18]

افااااااااااااااااا ليش ما فزعت مع الشريفي خليت الرجال تضربوه تراك خوااااااااف
انت للحين بالمدرسه هههههههههههههههه

ابو رميض ,,,,,,و

[غالب]

سناعيسو يعني الحين الله يفضحك الشريفي يدب قدامك وأنت موقف تراعي لهم تفغم من هالنعمه ههههههههههههههه


كنت أراقب الأحداث من بعيييد:)





أقول وين مدرستكم ؟؟؟ :)

عيب ياابن الحلال السؤال هذا مايصلح :)


ابي اكفلكم لاصار شين اهم شي تفطروني :)



خلاص أبي أعطيك لبنه +عصير تفاح:)









لاهنت يامسنعس على هالكارثه الحين يجيك ريالوه وأبو خلوف يتولجونك :)



لا أبد أبوخلوف هذا أنا عارفن له:)
أما الفيد هذاك ماأدري عاد :)






توسد إحترامي

وش هالرد الحلو يالعطاوي ياااو يازينه زيناه ينقط عسل:)

[غالب]

افااااااااااااااااا ليش ما فزعت مع الشريفي خليت الرجال تضربوه تراك خوااااااااف
ياابن الحلال قلت لخويك أنا كنت أراقب الأحداث من بعيد:315r:
انت للحين بالمدرسه هههههههههههههههه
أفا عليك بس:)

ابو رميض ,,,,,,و
وشو أبو رميض ووشو و:)
علمن لا آطا على بطن أبوخلوف هالحين:)
يااااو يازين ردك إنت والعطاوي ينقط حلا وعسل حتى من كثره تبرعت بـ 100كرتون للمنكوبين بحضرموت:315r:

[% الشريفي %]

شوفوا يا جماعه سناعيسو ما عنده فزعه

انا المدرس جالسن يمقطن بهالعصي وهو فاتحن فمه

ما عنده فزعه غا...... الا الحين اديني حمر من الجلد هههههه

ههههههههههههههههههههههههههههههههههههههه

[ريال الفسحه]

نسيت ان ابوعتب سرق سندويست الشريفي
اثناء الخنقه :)

ههههههههههههههههههههه


خوش موضوع ايه خلك كذا كل ماهذا اكتب لك
موضوع وكله فضايح الشريفي :)


لاهنت

[ريتاج]

اخييييييييييييرن ....كتبت مووضووع ...

الف الف الف مبرووك عقباال الثااني والثاالث....

ههههههههههههههههههههههههه كل الساالف تصفييق ... يالذرووق ليه ماافزعت مع خوويك ماالت علييك..

كش عليك<< ههههههههههه ساارقته


مشكوووره على هالساالفه الزيينه ياسنااعيسووو...
شيــــــــــــــــــــــــــــــــــع<< عشاان مووضووعك الجدييد

[حمــ الموت ـراء]

ككككككككككككك

سناعيسو اخيراً راحت العقده منك ونزلت موضوع بس حيل الله قوي :)



..ياحيي احس انا وياك من المناضلين :)



بعدين هالمشهد مارن علي بس حنا ما نضرب(بالكسره ) نضرب:3ajeeb:

[حمــ الموت ـراء]

قدّم الشكر 3 للعضو سناعيسو ريال الفسحه (http://www.shmmr.net/vb/member.php?u=12397), ريتــ حائل ــاج (http://www.shmmr.net/vb/member.php?u=18868), ــألــ ع ــطآوي (http://www.shmmr.net/vb/member.php?u=11880)





ياعيني بالله دققوا :)

[المسافـر]

هلا بسناعيسوو ياشيخ وش تبي تفزعلوه



خلوه يندب عاااادي :)



وكل يوم خلوه يندب مافيه مشكله اقول لك ليش ..




لانك لو فزعتلوه تبي تجي بهذا تهايط علينا دبيتهم وضربت وعملت


وانت ماعندك احد عدي اشوفك منحاش



:18_3_110::18_3_110::18_3_110::18_3_110:





فيالغالي خلك من بعيد تشوف وش يصير


وتكتب لنا مثل هالسوالف الحلوه والشريفي ان شاء الله انوه ماهو ميت :thumb:


خخخخخخخخخخخخخخخخخخخخ




يعطيك العافية على هالسالفة الحلوه


شكرا سناعيسوو


.
.

[صلفيق]

هالحين صدّقت العطاوي وريال الفسحة !!

أفاااا .. ماهقيتها منك ياسناعيسو ، يدب رفقيك قدّامك .. وفزعتك له تفرّج !!!!


الاّ تعال .. " اللي يرفع صبعه السبابه والخنصر ، وشمعناها ؟ والله ماأعرفها أنا .


قريبا جدا .. سينزل موضوع بالشئون الأسرية ، تحت عنوان : [ العنف في المدارس ]

أتمنى يعجبك .

كل شكري وتقديري لك ..

[غالب]

شوفوا يا جماعه سناعيسو ما عنده فزعه

انا المدرس جالسن يمقطن بهالعصي وهو فاتحن فمه

ما عنده فزعه غا...... الا الحين اديني حمر من الجلد هههههه

ههههههههههههههههههههههههههههههههههههههه

أقول بس يالله توكل يالله هههههههههههههههه:)
زين إنك طبيت موضوعي:315r:

[غالب]

نسيت ان ابوعتب سرق سندويست الشريفي
اثناء الخنقه :)

ههههههههههههههههههههه


خوش موضوع ايه خلك كذا كل ماهذا اكتب لك
موضوع وكله فضايح الشريفي :)


لاهنت

:)
ياهلااااااا ريال
أبشر بالفضايح أبي أنثرهن كل ماهاذا بالفله:315r:
لاهنت :315r:

[غالب]

اخييييييييييييرن ....كتبت مووضووع ...

الف الف الف مبرووك عقباال الثااني والثاالث....
يختي هذا الثاني:)
ههههههههههههههههههههههههه كل الساالف تصفييق ... يالذرووق ليه ماافزعت مع خوويك ماالت علييك..
وعليك إنتي كمانا:)هههههههه

كش عليك<< ههههههههههه ساارقته
وااااي :315r:

مشكوووره على هالساالفه الزيينه ياسنااعيسووو...
وش قصدتس:)
شيــــــــــــــــــــــــــــــــــع<< عشاان مووضووعك الجدييد
يالله حي ريتاج:7ayyoh:
تخبرين سالفة خوذي:) هههههههههههههه

[غالب]

ككككككككككككك

سناعيسو اخيراً راحت العقده منك ونزلت موضوع بس حيل الله قوي :)
لاحظتي كيف:)


..ياحيي احس انا وياك من المناضلين :)
عزا الله صدقتي:315r:


بعدين هالمشهد مارن علي بس حنا ما نضرب(بالكسره ) نضرب:3ajeeb:
يالله حي حميرا:7ayyoh:
وينتس غايبتن لتس حول شهرين:232r:

[غالب]

هلا بسناعيسوو ياشيخ وش تبي تفزعلوه




خلوه يندب عاااادي :)
أنا أدري عنهم:)


وتكتب لنا مثل هالسوالف الحلوه والشريفي ان شاء الله انوه ماهو ميت :thumb:
وش قصدك :)


خخخخخخخخخخخخخخخخخخخخ




يعطيك العافية على هالسالفة الحلوه


شكرا سناعيسوو


.

.

ياهلا بك وبردك اللي ينقط عسل
حتى من كثر العسل عزلت لي كرتونين وأرسلتهن لجنوب أفريقيا:)
بشرنا عن خويك شنقل عساه بخير

[غالب]

هالحين صدّقت العطاوي وريال الفسحة !!

أفاااا .. ماهقيتها منك ياسناعيسو ، يدب رفقيك قدّامك .. وفزعتك له تفرّج !!!!
وأنا وشوله أفزع
أخبره عليه يدين تقل زراديات :315r:
يعفط الحديد:315r:

الاّ تعال .. " اللي يرفع صبعه السبابه والخنصر ، وشمعناها ؟ والله ماأعرفها أنا .



حطه على قناة الجزيره إتن أخبار فلسطين وشف أي فلسطيني يقول (الله أكبر)وراع ليده:315r:
قريبا جدا .. سينزل موضوع بالشئون الأسرية ، تحت عنوان : [ العنف في المدارس ]

الله يبشرك بالخيرر:3ajeeb:

أتمنى يعجبك .

كل شكري وتقديري لك ..


الله يحييك
ياهلا ومرحبا بك:315r:

[ماجد]

سناعيسو بلخير:7ayyoh:

سالفتك حيل حليله < اكيد طرى عليك حيل حليل:315r:

تدرى عاد والله انك رجعتن طعش سنه ورا
ايام الدراسه والاختبارات ونذاله الدوافير
اييييييييييييييييييييييييييييييييييييييي يه دنيا


تستاهل الشكر ايها الغلام

[ريتاج]

تخبرين سالفة خوذي:) هههههههههههههه



يالله هههههههههه عليك قدره بالحفظ عجييبه ههههههه ما شالله

يااخووي غلط مطبعي ومنكم نتعلم ...<<بس تسيف انك فشلتن قداام النااس وفضحتن..

[حيل حليل]

ههههههههههههههه

هو صحيح انك مالك صاحب
<<<< ياحبه للتسفيل

لكن يستاهل هالشريفي
ومدزدي بوووووه
اجل هو يتحرش بخلق الله وانت تنجلد

الا ابو خلووووووووف وينه عنكم مافزع
شكله مثلك ماعندك احد حلايا الفاطر

لكن والله موضووووووووع بطل
وجلست اضحك خاصه على سالفة الصبعين

ايه قبل لا انسى
بلاه طرف لي كرتونين
لاخواننا المستضعفين بدارفووور

[ابو خلوف]

وانت ماطلعت سوالفك الا مع الشريفي



سناعيس وش رايك بهالمخالفه الي تلمع



بلا وسام بلاخربطه

[حيل حليل]

^
^
^
انت مانكبك الا الوسام
تنازل عنه ولا بيعطوونك باند يمشي مليون

[غالب]

سناعيسو بلخير:7ayyoh:
ياهلا:7ayyoh:

سالفتك حيل حليله < اكيد طرى عليك حيل حليل:315r:
أدري لو إنه مهي حليله تسان مانزلته:315r:
أجل شلوون:)

تدرى عاد والله انك رجعتن طعش سنه ورا
حتى إنت قدمتن عشر طعش سنه قدام:)
ايام الدراسه والاختبارات ونذاله الدوافير
بعذره يخي
هو باليالله يذاكر لعمره تبيه يذاكر لك:)
والله العظيم:qannaj:
اييييييييييييييييييييييييييييييييييييييي يه دنيا


تستاهل الشكر ايها الغلام
وأنت أيضا ً ياحسب علمك:)

[غالب]

يالله هههههههههه عليك قدره بالحفظ عجييبه ههههههه ما شالله

يااخووي غلط مطبعي ومنكم نتعلم ...<<بس تسيف انك فشلتن قداام النااس وفضحتن..

أدري مار أهلي مايقولون لي غير النغره:) (النغره:الغثيث الذي إذا مسك على الواحد شي مايطلقه لو يقمز ويحب الغيم:solh: )

[غالب]

ههههههههههههههه

هو صحيح انك مالك صاحب
<<<< ياحبه للتسفيل

لكن يستاهل هالشريفي
ومدزدي بوووووه
اجل هو يتحرش بخلق الله وانت تنجلد
أنا أدري قل له يخي:)
الا ابو خلووووووووف وينه عنكم مافزع
أبوخلوف شغال بالمقصف وأكا اليوم نزل نوع سندويشات جديد وراح ينزله مع الهنود:315r:
شكله مثلك ماعندك احد حلايا الفاطر
أخس ياوجه الجودي:)
لكن والله موضووووووووع بطل
وإنت مقاتل بهراوه:)
وجلست اضحك خاصه على سالفة الصبعين
ياعله دووووم مهي يووومroooose
ايه قبل لا انسى
بلاه طرف لي كرتونين
لاخواننا المستضعفين بدارفووور
خذ كرتونين هالعسل شفهن بحوض ددسنك:solh:

[غالب]

وانت ماطلعت سوالفك الا مع الشريفي



سناعيس وش رايك بهالمخالفه الي تلمع



بلا وسام بلاخربطه
هاه
خله لك بس :wallah_hoo:
أنا ما ما أبيه:wallah_hoo:
الله ثم الفله<<الذله بنت حلال:)<

[فتى البيداء]

ياحلولاه لو أنا عندكم .. أوريك وشلون الفزعه .. فزعه فزعه ؟؟

كان أجر صوتي أشجعكم لين تدبونه لين يصل الدم أركب .. وأروح أعلم عليكم
الوكيل .. أقول الشريفي وسناعيس دبوا ألبقمي .. أيه أبي ما تغشون

( لأن من غشنا ليس منا ) ..

نبي موضوع باللهجه السودانيه ..

[غالب]

ياحلولاه لو أنا عندكم .. أوريك وشلون الفزعه ..
وشلون :)
فزعه فزعه ؟؟
لا فزعه فزعه!!:)

كان أجر صوتي أشجعكم لين تدبونه لين يصل الدم أركب .. وأروح أعلم عليكم
الوكيل .. أقول الشريفي وسناعيس دبوا ألبقمي .. أيه أبي ما تغشون
عوذا ماهقييته منك :(

( لأن من غشنا ليس منا ) ..

نبي موضوع باللهجه السودانيه ..
تسيف مصريه
ماتبيني أكتب موضوع باللغه ^^القصيميه:solh:
يالله حي فتى لبيدا
شرفتنا ياباشا:)

[الجـــوكر]

ماعليك منهم احسن شي انك
تفرج وتحرش
وبعدين ينجلدون وتضحك عليهم
هههههههههههههههههههههههههههههههههههههههه هههههههههههههههههههههههههههههههههههه

[ابو راكــــــــان]

سناعيسو

انا ما احس انك وقفت تتفرج ..............لا شكلك كنت ناوي على شي

لكن خطتك ما كملت

ولا انت شكلك مو راعي نحشة

مشكور

[غالب]

ماعليك منهم احسن شي انك
تفرج وتحرش
وبعدين ينجلدون وتضحك عليهم
هههههههههههههههههههههههههههههههههههههههه هههههههههههههههههههههههههههههههههههه

ههههههههههههههههههههههههههه
إي بالله أنا وش علي منهم
خلهم يولووووووووووووووووووووون:)

[غالب]

سناعيسو

انا ما احس انك وقفت تتفرج ..............لا شكلك كنت ناوي على شي

لكن خطتك ما كملت

ولا انت شكلك مو راعي نحشة

مشكور

ياخي شكله مامن أحد حاسن بي غيرك
راعو له يالربع
هذا اللي عنده إحساس
مهو إنتم

لاهنت على هالمرور أو مدري أمن الطرق:)

[حمـود]

سناعيس يا مقدام يا شجاع

وش اخبارك

مبطين ما سمعنا صوت الكيبورد بتاعك

موضوع رائع بس لو فزعت كان صارت السالفه غغير

يا تفخ لا تعوده



ايه صح فيه سؤال

الحين الشريفي وشو مدرس والا طالب

لانه بوه رد يقول ان الشريفي مدرس

السؤال الثاني

وشي الماده

السؤال الثالث

وش قلت لخوي عشير الهم عني يا السلوقي

عرفت من انا والا اقول

[عجايب بنت الشايب]

ليت والله يسمحون بادارة النسوان عليكم يالسلنتح





وحلالاه من حرمك من الفسحه وفسحة الصلاه


وخلاك لا تكسب دين ولا دنيا






يهيييييييييب







عطن دفتر الواجبات


اشيك على سلوكك


















:)




سناعيسوو



مبدع يبي لك دفعه من الشريفي ثانيه علشان تكتب لنا

ننتظر جديدك يالقرم




طحياتي.........,

[أبوطروق]

سناعيس ماعليك من أحد وخل عنك الفزعات

ماحد نافعك لا جلدوك بالطابور قدام الله وخلقه






ثانكيو مسيو سناعيسو


إلا ماعلمتنا أنت بأي صف

"""""""""""""""""

[غالب]

سناعيس يا مقدام يا شجاع

وش اخبارك

مبطين ما سمعنا صوت الكيبورد بتاعك

موضوع رائع بس لو فزعت كان صارت السالفه غغير

يا تفخ لا تعوده



ايه صح فيه سؤال

الحين الشريفي وشو مدرس والا طالب
طالب وأصغر مني بـ 3شهور بعد<مايأمن على سر:315r:<<

لانه بوه رد يقول ان الشريفي مدرس

السؤال الثاني

وشي الماده
الماده ياطويل العمر فقه:315r:

السؤال الثالث

وش قلت لخوي عشير الهم عني يا السلوقي
ماقلت له شين ياللوقي :thumb:بعدين وشبلاك علي ياخي راعي بالله ماوجهي ينقط براءه:)

عرفت من انا والا اقول
لاهنت ياحمود على هالرد اللي ينثر دبس
أصبر أبي أعزم أبوخلوف على هالدبس اللي إنتثر منك ومع هالخبز اللي جابته لي ريتاج:)

[غالب]

ليت والله يسمحون بادارة النسوان عليكم يالسلنتح
الله لايجيب اليوم اللي تدرسننا :315r:





وحلالاه من حرمك من الفسحه وفسحة الصلاه
وش فسحة صلاته ماأخبر شي اسمه فسحة صلاه:315r:


وخلاك لا تكسب دين ولا دنيا






إهب عليتس ياوجه الجيزانية اللي واطيه عايدي :solh:
يهيييييييييب







عطن دفتر الواجبات


اشيك على سلوكك
أويطي ياهالحريم مايعرفن شين مايعات الله يتسفينا الشر:solh:


















:)




سناعيسوو



مبدع يبي لك دفعه من الشريفي ثانيه علشان تكتب لنا
تعالي أتحداتس تقولين لي الشريفي وش يرجع أصله بالتفصيل:d:

ننتظر جديدك يالقرم




طحياتي.........,
ياهلا بالأستاذه عجايبn)

[غالب]

سناعيس ماعليك من أحد وخل عنك الفزعات

ماحد نافعك لا جلدوك بالطابور قدام الله وخلقه
إي بالله






ثانكيو مسيو سناعيسو


إلا ماعلمتنا أنت بأي صف

"""""""""""""""""
أنا ياطويل العمر بالمتوسط :315r:
ياهلا والله بأبوطروق:7ayyoh:
وشلون طروق

[عجايب بنت الشايب]

ياهلا



تمنيت اني ماقريتها...!!!

[غالب]

تمنيت اني ماقريتها...!!!





لاحول ولاقوه
خلاص يابنت الحلال عدلته:wallah_hoo:
لو إني داري إنه تبي تزعلتس تسان ماقلت لتس شين:wallah_hoo:<<خنقته العبره:)<<
أستاذه عجايب
تم تعديل الرد
وتقلدي تحية الشبث
وتوسدي تحية يوسف






إقطع الصووووووووووط إقطع الصووووووووووووووط طربخ ليا والله يوم طير الباب


يالربع ماأحد لاحظ هالكلمه:)

[ليلى بنت عبدالعزيز]

سناعيسو،،
أضحك الله سنّك ،،
وربي اضحك والي عندي يقولون وش عندها ذي انهبلت..
تقبل مروري وفي انتظار سالفه احلى..

[غالب]

^
^^
^^^
أهلا ً وسهلا ً ياأخت العرب
ماأخبار بني صنيدح

[&^^مهــــا^^&]

ههههههههههههههه

اخيرا شفنا لك موضوع

كان فزعت مع صديقك ياملا العااااافيه

انتم احسن مننا لان حنا مايتعقلون الا بالشوشه

الحمدالله ماعمري جربته بس اتفرج هههههههههههههههههههههههه<<ايه هين

والله يعطيك العااااافيه ويسلمك ربي

تقبل احترامي,,

[غالب]

^
^^
^^^
هههههه
لاحنا كل يومين هوشه <<من كثر مايتفرج<<<
لاهنتي يامهاوي على هالنطله

[السنعوووسيه]

ههههههههههههههههههههههههههههههههههههههه


تتفرج هااااا

اعنبو بليسك لزخو خويك ونت تتفرج000000وليه مافزعت معه

عدي اشوف الشريفى وهو متودن ياحول

يعطيك العافيه سناعيسو

[غالب]

^
^^
^^^
^^^^
^^^^^
^^^^^^
^^^^^^^
^^^^^^^^
جايه مطفيه النور؟:)
لا بس أنا ماأفزع إلا للجعفري (حصريا ً)
لاهنتي يالسنعوسيه على هالمرور

[% الشريفي %]

هههههههههههههههههههه

يعطيكم العافية

[غالب]

^
^^
ردك بااااارد
بعدين ترك راد قبل هالمره يالغشيم
ههههههههههههههه
أهلين وسهلين يالشريفي

[الشبث]

يالربع خبل هالولد



سناعيسو


قريت الموضوع كم مره عجست ارد عليك



بالله وش دخل علامة الشهاده والسرعه خخخخخخخخخخخخخخ







لاهنت يالطربه





وتقلد تحيتي

[غالب]

^^
^
وش طرا السرعه؟
الله يحييك
وتقلد تحيتي

[روح حايل]

قلت لا بس كنت أتفرج وعقب فكيتهم
قال الوكيل
ياسلاام ووش تسمي التفرج
قلت هاه




ودي اشوف كبر أفمك وأنت تقول / هـــــــــــاه / هههههههههههههههههههههههههههههه


سناعيسو منت هين لك أسلوب :)


:thumb:

[غالب]

^
أدري مار إسلوبي أحسن من إسلوبتس يالمروحه هههههههه
الله يحييتس