قال ايش قال تحذير

[يـــوسف]

السلام عليكم ورحمة الله وبركاته ..



مساكم الله بالخير ياأهل العام :)




هذا يوسف العطاوي جاكم ابصير كاتب عندكم تقبلوني :)




بس تروني ماأحب أكتب الا بالعامية ماأحب الزبرقه الخداعة :)





اليوم بالداوم صراحة لفت أنتباهي وأنا أقلب الإيميلات اللي واصلتني بالعمل سواء إيميل طلب متابعة او تحديث بيانات عميل أو رد على طلب مرسله سواء إضافة خدمة أو إلغاء بطاقة إئتمانية :)




تخيلو مؤسسة النقد بكبرها تهدد :)




زي ماتعرفون ان في بعض الأحيان يصدف عطل فــ الشبكة السعودية أو الخليجيه ويكون العميل معطي جهاز الصراف أمر سحب مبلغ مالي معين .. وفجأه تطلع لك بطاقة الصراف وبالشاشة مكتوب العملية لم تتم ...




تنصدم إن فيه مبلغ مخصوم من حسابك ... شي طبيعي تخاطب بنكك اللي تتعامل معه لكي يتابع العملية ..



المهم فيه خلل غير طبيعي في شبكتنا السعودية وللأسف مؤسسة النقد بما أن أغلب مدراء أقسامها من القدامىا متعودين على الخطابات اليدوية فلاتستغرب منهم التأخير ..











ماعلينا :)



اليوم لقيت إيميل من إدارتي موجه لجميع الموظفين وفيه نبرة تهديد غير طبيعية وصلت لأنهم يقولون للموظف سوف نتخذ بحقك الأجراء القانوني في حال أفصحت للعميل أن التأخير من مؤسسة النقد :a:



طيب من منو التأخير !!!



أنا كعادتي وجه نكبات وماأعجبتني لغة الخطاب بالايميل المرسل ورحت للسوبر فايزر استفسر منه عن سبب هذه اللهجة الموجهه لموظف يتحمل أخطاء البنك وأخطاء أصحاب الكروش :)




فقال لي بالحرف الواحد ___> إذا كانت مؤسسة النقد تهدد بنكنا بغرامة مالية ضخمه في حال وجه موظفي البنك العميل لمؤسسة النقد ؟؟؟ البنك ماعنده إستعداد يدفع ملايين الريالات بسبب صدق وأمانة موظف وجه عميل صارله 6 شهور يطالب بمبلغ 100 ريال ولو كان هلله فهذا شي من حقه ومحد يمنعه ...



هزيت راسي وقلت الله كريم <_ بنقالي مسروق له 40 ريال :)





يعني مشكلتنا يالعرب والسعوديين بشكل خاص نعلق أخطائنا على اللي اصغر مننا منصب لأننا ندري ماراح يسوي شي دام أنا السلطة العليا :)



ليش العرب دايم يعلقون أخطائهم على صغار الموظفين ؟



ليش مايملكون الشجاعة ويعترفون بالتقصير الواضح حتى الأعمىا شافه بعينه من شناعة أخطائهم :)






ليش إذا خاطب موظف صغير مدير وهالمدير يحس بنقص خارج إدارته رد عليه المدير بخصم أو طرد ؟؟؟







إلىا متى وحنا نعاني من إداريين لايعرفون سوا أنت مطرود ولا منقول ولا مابيك بإدارتي دور لك إدارة







أنتم زيي تحسون إن مافيه ديموقراطية بهالدنيا كلها تمثيل وضحك على الذقون :)








أدري غثيتكم يأهل العام تحملوني ابي افضفض لكم يمكن انفصل بما اني أكثر واحد يقول للعميل التأخير من مؤسسة النقد دق عليهم :qannaj:



توسدو إحترامي

[شام]

تسجيل مرور
مشكلة محلية
قد تتعلق بقضايا دولية
و لعلها تصيب المنطقة الديمقراطية
بشظايا من ضرائب أو غرامات تأخير
لذلك ..
مابدك فيزا لأمريكا يوسف ...

[يـــوسف]

شـــآم أنا أخطط أروح لكندا أبي آخذ الجنسية الكندية عشان أجي هنا وأستلم راتب 40 ألف غصب عليهم بغض النظر عن مؤهلاتي :)



مالاقيها الا الهنود والباكستانيين :)




مشكوره على هالمرور ياشام وياليت ترسلين لي الفيزا :)

[جبرني الوقت18]

الله يعينكم يا اهل البنووووك (والمقراطيه) ممسوحه من عند العرب من زمااااااااان ,,,
لا هنت يايوسف ...
الله يعطيك العافيه .. ويصبرك
حمود رميض الشمري

[يـــوسف]

جبرني الوقت موجدهـ هي بس بالأسم لاكن تطبيق مستحيل :)



الله يجزاك خير على هالدعوهـ ترن محتاجه حيل بعد ماوصلنا ان فيه مسألة قانونية ضد اي موظف يفيد عميل بهالشي <_ بالعن العافية :)





لاهنت يالغالي على هالمرور




توسد إحترامي

[أبو روز]

لا تشكي لي يا العطاوي فأبكي لك

عندنا وعندك خير

تقبل مروري

[يـــوسف]

خالي أبور روز يعني الدكتاتورية موجودهـ فــ آرامكوshlwee7


صح نسيت أنها تحولت سعودية 100% العذر منك :)


الله يعينكم ويعنا ..


مشكور على هالمرور يالعزوهــ .



توسد إحترامي

[ريم شمر]

ياحظنا .........يوسف عندنا :7ayyoh:



العام اخوي يوسف المفروض يكون منبر المضايف


وللجميع سواء كتب عربي والا لاتيني

فصحى والا عامي

المهم انه يوضح فكرته ويطرح همومه كمواطن :)

بحيث نشاركه فيها






ليش العرب دايم يعلقون أخطائهم على صغار الموظفين ؟



ليش مايملكون الشجاعة ويعترفون بالتقصير الواضح حتى الأعمىا شافه بعينه من شناعة أخطائهم


مافيه احد بيعتبر نفسه غلطان

وعلشان يريح نفسه يلقي عبء اخطائه على غيره

واحيانا من كثرة مغالطته يطالبهم بالتبرير :a:

لذلك تظل الاخطاء بلا علاج حقيقي


والضحيه

الوطن والمواطن :puzzled:



تسلم يوسف


منورنا

[ماجد]

الله يعين وانشاء الله ان رياح التغير تهب

هونها وتهون يالعتاوي

اقول سمعت اللي يقول
قالولي طيب قلت ماني بطيب ...... امش

شكرا على الموضوع الهادف اخوي

[يـــوسف]

حياك الله ياأم طلال ومشكووووووووووووره على هالترحيب اللي يريح لأني خايف من الشاهري العبيدي تخبرين يغار مني هههههههههههههه


بالنسبة للخطا أذكر ياأم طلال حاثه صارت لي قبل أسبوع بالتحديد وقفت بطاقة عميل بالخطا وكان مسافر خارج السعودية والباطاقة فيزا يعني توهق الأخو :)


وكان بإمكاني اسكت وأخليها تعدي ومحد يدري عني الا بعد سنة إلين يصيدوني المركز الرئيسي بلندن :)


تخبرون السعودية دجه دونات وقهوه هذي شغلتهم مسؤلي البطاقات الأئتمانية :)



سويت لها برنت وأرسلتها للسوبر فايزر وكنت مستعد أتحمل أي إجراء يصدر ضدي لأني أخطيت ومن الممكن ان يصير للعميل مواقف لاتحمد عقباه .. والحمدلله أنحلت المصيبة بوقت قياسي بسبب وقفت الأخوان معي وفوقها تم شكري بأيميل لجميع موظفي القسم <_ حاطه خلفية للشاشة بالدوام :)


يعني بالمختصر المفيد متى ماكان الشخص فيه خوف من الله وخوف على الغير راح يكون شجاع ويعترف بخطاه .. بس الضعيف هو اللي يبرر ويحور الموضوع ويضيع كل شي :)



لاهنتي ياأم طلال على هالمرور اللي اسعدني ..



توسدي إحترامي

[العَـــروب]

الله حيوه

يا هلا بالعطاوي .. منوّر العام





ليش العرب دايم يعلقون أخطائهم على صغار الموظفين ؟


ليش مايملكون الشجاعة ويعترفون بالتقصير الواضح حتى الأعمىا شافه بعينه من شناعة أخطائهم :)


ليش إذا خاطب موظف صغير مدير وهالمدير يحس بنقص خارج إدارته رد عليه المدير بخصم أو طرد ؟؟؟





والله تساؤلاتك من العيار الثقيل يالعطاوي


يمكن لأن الموظّف ما عنده قوانين تنصفه وتحميه بالشكل الكافي
السلطة لأصحاب السلطة .. والموظّف لازم يقول سمعاً وطاعة ..



لا تتأمل بأن الوضع بيتغيّر
هذا حالنا من زمان .. وبنبقى على هالحال






كل ما قهروك وحبيت تفضفض تعال العام :)




حيّااااك الله يا يوسف

[εïз خزامى εïз]

كسرت خاطري!!!!http://gif.vip600.com/smiles/17/893d16c7fc6b4f1f5f22271151020a06.gif (http://gif.vip600.com)
ممم
العرب وكل العالمـ عندهم فكره ان اي اداره
لو قالت الخطأ مني يعني ماعندهم دبره
والفشل لاداره كبير بنظرهم
يعني دليل جهلهااا بالمسؤليه
والموظفين فيها غير مؤهلين
وجهل اللي وظفهمـ واللي وظفهمـ اكبر مرتبهـ
فيرمون كل اخطائهم على الموظفين العاديين
وعآآآآآدي مايصير لهـ شئ ,,,,
طاح الحطب وحلوه الحياه

واللهـ انكسر خاطري
اللهـ يكون بالعون
http://gif.vip600.com/smiles/17/893d16c7fc6b4f1f5f22271151020a06.gif

[يـــوسف]

أخوي حسب علمي لابد وتجي رياح التغير بس للأسف تهب وتهب وتفرح القلوب ولكن للأسف تجد من يغلق الباب أما هذه الريح الطيبة لكي لاتنقص من قيمته :)



لاهنت يالغالي على هالمرور .


توسد إحترامي

[يـــوسف]

حياك الله ياأم يوسف ومشكوره على هالترحيب الطيب ..



أسمحي لي بتعقيب بسيط بس :)


أنتي تقولين الموظف ماعنده قوانين بالعكس وربي العقود اللي موقعين عليها بنودها واضحه وضوح الشمس وتحمينا بالدرجه الأولى بس للأسف هالبنود يشمله التجاهل لأنه تضر المدير والمدراء شلل يعني القهر ان حقك يضيع قدامك وتدري إنه ماراح يرد لك بأي شكل من الأشكال مهما تكلمت ومهما صار راح تبقىا مخطي ..




وأنا كل يوم أتضايق لاتحسبيني مستانس يعني لو بجيبكم كل يوم الله يعينكم علي كل الهموم مثل هذي وأردى <_ ول الله يسدهـ بوجه العدو :)



لاهنتي ياأم يوسف على هالمرور الطيب ..


توسدي إحترامي

[يـــوسف]

أختي خزامى حياك الله على هالمرور ..


أسمحي لي أوضح لك شي بالنسبة للغرب والعرب :)

أنا موظف في بنك والبنك اللي أنا فيه أغلب أسهمه مملوكه لبنك أوربي بالأصل وقبل عشرات السنين تعرض لأنهيار وكان على وشك إعلان أفلاسه وأغلب العملاء سحبو أموالهم من المصرف خوف من ضياعها ..


طلعو المدراء التنفيذيين أمام الملا وأعلنو أنهم السبب بالخسارة بسبب التخبطات ببعض القرارات الإدارية اللي أتخذوها ..

وأعلنو أنهم ماراح يتخلون عن البنك وراح يشتغلون بدون مرتب إلين يرجع المصرف زي ماكان وفعلا حققو أرباح خيالية خلال عام واحد بسبب شجاعتهم وعملهم بصدق وأمانة ...




قبل سنة بالضبط تعرض بنكنا هنا بالسعودية لمشكلة بالسستم لما تهور مدير قسم البطاقات طبعاٌ سعودي :)

وصارت لخبطة غير طبيعية في بيانات العملاء وكان اللي مستلم قسم الأي تي سعودي ونائبه أوربي السعودي قدم إستقالته وطلع وراح لبنك آخر الأوربي مر عليه اسبوع كامل ومعه بعض الشباب السعوديين يشتغلون وأقسم لك بالله أنهم كانو ينامون بالددوام لأنهم تحملو أخطاء غيرهم بكل شجاعة وفعلا عدلو الوضع ولما تأكدو أن السستم سليم قدمو إستقالاتهم وجا رفض الاستقالة من مدير البنك وكرمهم ورفض يخسر موظفين زي كذا طبعاٌ المدير التنفيذي جنسية أوربية ولا لو وقفت على المدير المباشر اللي ارسل له مدير قسم وطلب منه يجيب لهم أقل شي أكل رفض وقال ماهم مجبورين :)



يعني عندنا ناس أمينة وولائه الوظيفي غير طبيعي بس يتحطمون لما يلقون محاربة فشي طبيعي ان الموظف يطلع ويبحث عن مكان عمل آخر ...







توسدي إحترامي

[ريال الفسحه]

يعني قالوا لاتعلم العميل وفضحتهم
بهذا يالدلخ ؟ :)


ههههههههههه


لاهنت يالعزوه

[طلال]

:. ابو العز .:

.
.

موضوع يحاكي الوضع الحالي لمجتمعنا للأسف ..!!

.
.

حتى داخل نظام الأسره نعاني من هالناحيه ..

.
.

لا هنت يالغالي

[يـــوسف]

ريالوه يارجل أسكت مايدخلون منتديات هم حدهم موقع البنك :)

بعدين مافضحتهم ياخي تلقا هالسوالف بكل مكان رح لمواقع البنوك :)




لاهنت يالغالي على هالمرور اللي يقوطر عسل :)








توسد إحترامي

[يـــوسف]

حيالله الغالي طلال ..



فعلاُ ياطلال المشكلة هذي معاناته ماهو محصورة بمجال العمل بكل مكان ومجتمع تحصل هالشي ..


وإن شاء الله يكون الوعي ويتعدل الوضع والأمل فينا حنا يالجيل الجديد ..






لاهنت يالشيخ على المرور ...




توسد إحترامي

[قلم شمر]

العطاوي ...
تدري ليش يحملون الموظف الصغير اخطاءهم ...
لأنه الحلقه الأضعف بالمنظومه الأداريه ...
فلا حقوق له ... وعليه كل شئ
هذا يدل على عدم جودة الهرم الوظيفي والتي تكون قمته في الأعلى ...

وكما ذكرت فأصحاب الكروش يتصرفون بعملهم على أهواءهم وكأنهم في منازلهم .
دام الأداره القانونيه بأدارته تحت سيطرته حسب الهيكله الوظيفيه فلن يتم التحقيق معه .

موضوع جميل يوسف ونبقى بحاجه الى تحديث اصحاب المناصب ..
التدوير مفقود ... اذاً الموظف هو ضحية مزاج ...


يوسف تصدق اني لازلت اطلب البنك المتحد مبلغاً بسبب خطأ صرافه آليه ...
الغي البنك المتحد كمسمى باندماجه مع البنك الامريكي ...
وتملص البنك الامريكي من المسئوليه ...
<<< يحس أنه يطلب الوليد بن طلال يعني مسلفه :)

الغريب في الأمر من الموظفين الكبار عندما تكون الحاجه له يجيبك بالنظام واذا كانت الحاجه لك تهرب من المسئوليه ...



شكراً يوسف

[صلفيق]

يوسف يـأ ـلــ ع ــطآوي !!!!

ردا على كل تساؤلاتك .. أبعطيك صرّة حكي

لأننا عزيزي لازلنا متخلفين ...

لآزلنا نخاف من المواجهة لمن هو أعلى ،

لآزلنا على قواعد هشه ، ولانستطيع تحمل

الصدمات .

لآزلنا نتمتع بالمضاهر البراقة الزائفة ، والتي

سرعان ماتكون أثرا بعد عين بمجرد مرور

أدنى عاصفة ..

يوسف ..!!!

ودّي أحكي --- بس ماافطرت !

وإذا ماأفطرت .. يصير حكيي خناق .


بعد الفطور .. لي عودة . وانا اليوم

ماني رايح للشغل قبل الساعة10 ...

وهذا هو سبب تخلفنا .


بيّن عليك لياهالحين نيم .. بس أقول


تلحف بتحياتي،،،

[لوليتا]

*
*

كبش فداء
او شماعة

كل العرب يعتمدوا هذا الاسلوب
لا يتحملون مسؤولية اعمالهم ويتنصلون من النتائج اذا كانت سلبية
ويبحثوا عن كبش فداء يقدمونه وقت المساءلة
ولا انفع فى هذه الحالة من صغار الموظفين فى اى مؤسسة .. لماذا؟؟
ببساطة شديدة قد يكون لعدم معرفة لحقوقهم.. واحيان لعدم وجود ما يساندهم
واحيان كثيرة لان القوة والسلطة لها هيبة فى نفس المواطن العادى فيسكت اذا ضااع حقه حتى لا يضيع ما بقى من كرامته وخوفا ورهبة منهم
وفى النهاية نتيجة السكوت يفقد كل شئ؟؟ وليس فقط فى حالة اخطاء ادارية مثل ما قلت.. انما هناك اخطاء تؤدى الى السجن وتلويث السمعة والموظف الصغير منها برئ فقط يحمل خطأ غيره من الكبار


الله يعينك يوسف وتبقى جرئ كذا دائما ولا تخاف فى الحق لومة لائم ولكن لا يصح الا الصحيح والله اعلم بالمتقين



موضوع رااااائع يالعطاوى ويناقش سلبيات ادارية ليست فقط فى المجتمع السعودى
لا اطمئن اغلب مجتمعاتنا العربية تعانى منها وخصوصا فى القطاعات الحكومية والتى المفروض تحمى موظفيها اكثر وتطبق القوانين بشكل اقدر

وبالنسبة للقطاع الخاص حدث ولا حرج الا من رحم ربى وعرف حق الناس وحق الله عليه


تقديرى

*
*

[ابو ضاري]

انا تقهوا واحد عتدي من بنك ؟؟؟؟ وعلمته بسالفتك جبت

العيد بك خخخخخخخخ

خالي اسمع التقصير موجود بالدول العربيه ولا يخفى على

اي احد لكن يتباهون بما يفعلونه ويقولون نحن

فعلنا كذا وكذا وهم من جنب القده ....

اقول شوف دوامهم متى يجون واغسل يدك

لاهنت ياخالي ......تراني البارح متوسد تحياتك وراحت

على نومه من زينها

[إيدن]

سويت لها برنت وأرسلتها للسوبر فايزر وكنت مستعد أتحمل أي إجراء يصدر ضدي لأني أخطيت ومن الممكن ان يصير للعميل مواقف لاتحمد عقباه .. والحمدلله أنحلت المصيبة بوقت قياسي بسبب وقفت الأخوان معي وفوقها تم شكري بأيميل لجميع موظفي القسم <_ حاطه خلفية للشاشة بالدوام :)




تستاهل

[&^^مهــــا^^&]

الله يعينك

مافي احد يتحمل المسؤوليه كلها بروس صغار الموظفين

لازم تحملهم والله يوفقك ويسهل امرك

وربي يعطيك العافيه على موضوعك

تقبل احترامي,,