هي بشارة مع نكد

[فتى البيداء]

مسيكم بالخير وشلونكم ياربع كل ابوكم ..

اليوم شريت لي سيارة ددسن موديل 83 << وجع قولوا مبروك

المهم طايرن به من الفرحه لأني أحب السيارة الونيت كثير ما كنت

أحتاج لسيارات العيال وكل واحد إذا أخذت موتره يعطيك وصيه

(لا يتمخش الصندوق ) وهو إذا أخذ موتري ما يجيبه ألا لعن جدف

أجدفه ولعمري .. بديت لجيت أخذ موتر حداهم أقوله (تعطين موترك

ولا يتمخش الصندوق) كان عندي لي كسرت موتر ونيت ومعبراً

لنخيته بس أنقردت وبعته .. المهم رحت أشوف الموتر ومعي أحد

العيال .. وهو يفتح الباب وناظر بوسط الغماره ويدي على جنب الباب

وهو يبي يسكر الباب .. ولا وش يسكر ؟؟ يسكر على أصبعي الله

يقلعه .. وأنا هالحين وأنا أكتب هالموضوع مبعداً أصبعي أخاف ألمسه

وأنا ما أدري .. لأنه الله يقلعه كسر ظفري ودم الله يكفيكم الشر ..

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

ومرة حصلي قريب لهالموقف لكن عند بيع مثله ..

أول ما شريت موتر شريت ددسن ... المهم ويصير له مده معي ..

أسواقه راكدة ومهنا أحليلي .. يوم جيت أشري سيارة جديدة ..

وبيع الددسن .. أنقردت قالي واحد من العيال خذ حقك منه ..

قلت وشلون ؟؟

قال فحط به كله يومين وأنت بايعه .. قلت أنا ما أحب التفحيط أن كان

أنت تبي تفحط به شف مفتاحه عليه .. وحنا كنا جالسين لنا بنفود ..

وهو يركب ويشغل .. وهو يروح لسكه مسرع ويسحب جلنط .. تمام

قال لا هالمره أبسرع فلت أمهن ابو كتره << من زين الجهده

وهو يقلع ويسحب جلنط .... الله ياخذه ..

وهو يقلب بددسني .. بديت أشوف النور يدور مره يرقى ومره ينزل

ويطلع هو منه تقل (بس) ماجه أخلاف .. وتدخل الورشه وتقعد له

شهر ونص ما أطلعت .. وكل ما جيت للهندي قالي بكرا .. عساه

للبكرة ألي ترمحه يوم أطلعت وأنا أبيعه (بكليب سرق أهله )

وأنقطع ما شريت سيارة يمى أطلعت هالكسره من الورشه ..






باركوا لي << لكزس بفيزة ددسن ..

.. ولي يبي دوره بعشره .. والمسؤل عن التذاكر (يوسف

العطاوي )

تحياتي ..

[حيل حليل]

ابوتس يالقراده

لكن انا من خلال قرائتي وتمعني لموضوعك
حسيت انك
انسان تسمع كلام الغير
خلك رجل عصامي <<<< مدري ليه احس موقعه من الاعراب سليم
واعتمد على روحك ياملى البلش
لانه واضح من خط يدك انك شخص
طيب ومالك باللكاعات
<<<< قارئ كف

عسى الله يرزقك بأيكو ولاتيرسل
وتصير معقب جوازات قد الدنيا

ولي يبي دوره بعشره .. والمسؤل عن التذاكر

^
^
لعنبوووو بانشي هذا مو ددسن

كل الود لك

[فتى البيداء]

ابوتس يالقراده

لكن انا من خلال قرائتي وتمعني لموضوعك
حسيت انك
انسان تسمع كلام الغير
ألي ما يسمع كلام الغير يعيش بكوكب ثاني أحسن له .. لازم أنك تسمع كلام الغير بس ما يصير الواحد مخفه << (أنت ودك توصل هالفكره بس بسلوب أخر )

خلك رجل عصامي <<<< مدري ليه احس موقعه من الاعراب سليم
العصامي مهب هنا موضعه .. العصامي للي يبي يبداء بشيء من الصفر (وين أنت وموضعه من الأعراب)

واعتمد على روحك ياملى البلش
وش رايك ما دام أصبعي هذي أسواته أعتمد عليك في باقي أشغالي ؟؟ ياملي ..

لانه واضح من خط يدك انك شخص

هين هذي واضحه وانشد عن ابوطروق ..

طيب ومالك باللكاعات
<<<< قارئ كف
والله بس أشوين لأحتجت اللكاعه لابد منه .. << مايخالف ..

عسى الله يرزقك بأيكو ولاتيرسل
وتصير معقب جوازات قد الدنيا
الله ياخذ عدوك ألي يركب الدفرنسين لو تازن له الدنيا ذهب ماحول عنه .. السياره يالأخو هذي زود .. لكن أبشري كورلا لك وتصير مدرس خصوصي (مدرس هجاء) ونص بالنص .. وش رايك؟؟
ولي يبي دوره بعشره .. والمسؤل عن التذاكر

^
^
لعنبوووو بانشي هذا مو ددسن

بانشي ولا بنشري هذي التسعيره من البلديه ..


كل الود لك
وأنت ؟؟



حياك الله ياحليل رح يم يوسف وحجز لك دوره ..

[عجايب بنت الشايب]

ههههههههههههههههههههههههههه

اما جعله للبكره اللي ترمحه شيء ء ء ء


ههههههههههههههههههههههههه






فتى البيداء


قل امين


جعل اشوف قدام بيتك خمس سيارات كلها لك




وكل وحدتن يتغبطك العالم عليها



بس لاتفحط


>>وصيت خالتك عجايب







لاهنت والله يونسك على هيك سولافه



ماننحرمش

[السنعوووسيه]

وويلى الله من القراده ونت كل من قالك ابي سياره عطيتوه طاقتن معك الفزعه
يمال الشربه00ترهم يضحكون عليك

بس احسن شي الى سكر على اصبعك هههههههههههههههه
عدي اشوف وجهك يتقلب ودتك تبتسي ومستحي

فتى البيدا

يسلمو على هيك حكيات


سلملم

[فتى البيداء]

ههههههههههههههههههههههههههه

اما جعله للبكره اللي ترمحه شيء ء ء ء
أيه والله بعد ما قلت تربض عليه .. أبرد لتسبدي هاكالسنه ..


ههههههههههههههههههههههههه






فتى البيداء

سمي ياخاله ..
قل امين
أمين

جعل اشوف قدام بيتك خمس سيارات كلها لك
الله يجزتس خير بس ترى كثرتهن مشكلة .. والله تبلش بالناس وطلباتهم ..



وكل وحدتن يتغبطك العالم عليها

أيه أثره تسذا .. أمين أحسبه من قوم هالخشاريق ..

بس لاتفحط
لا ربي ماعطن به يوم أنا بزر مهب عاد هالحين ..

>>وصيت خالتك عجايب

لا ياخاله وصيتس على العين والرأس ..





لاهنت والله يونسك على هيك سولافه

الله لا يهينتس وأن شأالله دوم هالوناسه ..

ماننحرمش

تشكرات عجايب على المرور الكريم ..

[فتى البيداء]

وويلى الله من القراده
أيه أنتي ما دريتي أني أسلمي ؟؟ << خذريف شيبان
ونت كل من قالك ابي سياره عطيتوه طاقتن معك الفزعه
يمال الشربه00ترهم يضحكون عليك
هذاك أول وذا اللحين أنتهينا .. وبدل كلن غاليه باغالي

حسيت أول مره أني بريء يابنت كلنا كذا ياالشباب << البنات علطول تبي تخربين جوالي هاتيه يالعوبا ..


بس احسن شي الى سكر على اصبعك هههههههههههههههه

الله يخذ عدوتس وتضحكين بعد .. أن شأالله يجونكم أضيوف وتقطعين سلطة وتقطعين أصبعتس ..

عدي اشوف وجهك يتقلب ودتك تبتسي ومستحي

والله لو هو ماهب عندي كان زانه .. بس فشيلة منه .. عاد يقولي أوديك للأسعاف << يبين أستشم ..


فتى البيدا
لبيه ..

يسلمو على هيك حكيات

سلمتي من كل مكروه


سلملم

لأهلاً سنعوسيه شكراً على المرور الكريم ..

[أبوطروق]

أول شي الحمدلله على سلامة أصيبعك

وبعدين مبروك الموتر وتكسره بالعافية

وبالأخير تراني حاجزن دورة وأرسلت ليوسف حوالة 50ريال أبي خمس فرات

وبعد الأخير مشكور يالعشير

"""""""

[يـــوسف]

أول شي ابي دورة :)





أبي أفر بالنظيم وأشغل مزعل:7ayyoh:






أقول فهد الحمدلله على سلامتك وجعله بصبع العدو :)



ياخوي احمد ربك ددسن أبرك مني اول سيارة شريته تقل سيارة مدرس خصوصي سوداني يااسرعت عليه وصلت الستين قامت تدخن علي من كل جهه وأموت وأعرف المسجل وش يبي يدخن ههههههههههههههههه







ياعله مبروك يافهد وتر الددسن القديم جيد حديده يعجن الوجه لاتشيل هم لاصدمت لك بنقالي قاطع سيدين :)





لاهنت يالغالي ..


توسد إحترامي

[ابو خلوف]

اييييه

حمد لله على السلامه


والله يعطيك خير ويكفيك شر هالموتر



اقول ياحق البيدا ماتبي سزوكي منتاز مهنا ازين منوه


بكيفك الكميه محدوده

الحق

[&^^مهــــا^^&]

8

8

لاتقلد بدعوتي من اليوم وانا اكتب وطار الرد قهررررر


...

الله يعطيك خيره ويكفيك شره


ههههههههههههههههههههههههههههههههه ان هذا الفتى يتألم هع هع


الحمدالله على سلامتك


ترى ماضحكت عليك اضحك على نفسي


مره سكرت باب السياره على اصبعي الصغير وصار ظفري اسود وقلبت الدنيا الوان


يعافيك ربي على سالفتك اللي تونس


تقبل احترامي,,

[فتى البيداء]

أول شي الحمدلله على سلامة أصيبعك

أهلاً ابوطروق .. الله يسلمك ..

وبعدين مبروك الموتر وتكسره بالعافية

الله يبارك فيك ... لا المواتر الأوله ما تكسر .. الحتسي بالجديد .. ألي تكسر ..

وبالأخير تراني حاجزن دورة وأرسلت ليوسف حوالة 50ريال أبي خمس فرات

أبوطروق لا تغير الوضع أنا شاريه أمس بالليل ولا ديت أن به مكيف .. أللحين تغير السعر الدورة

20ريال

وبعد الأخير مشكور يالعشير

أهلاً ابوطروق

"""""""
ابوطروق خفة دمك فارضه علينا غصب .. الله يخليك وشكراً على المرور ..

[فتى البيداء]

أول شي ابي دورة :)


يوسف حنا بلشين بجمع الدراهم وأنت تبي تاخذ دوره .. أصبر لما نطلع رأس المال ورح أقلب

به .. تصير سالفة أول ما مسكت سيارة ..




أبي أفر بالنظيم وأشغل مزعل:7ayyoh:

لا أن كان تبي تشغل نشيد (ابوعابد ) ولا لا (نشيد مرحبا) والله ياهو شيء بعد ..





أقول فهد الحمدلله على سلامتك وجعله بصبع العدو :)

الله يسلمك يايوسف من كل شر .. قايلن للي صك على أصبعي لا أشوفك يومين (تراك تبي

تصيح) يوسف بما أنك شريك نحتاج فزعك عليه ..



ياخوي احمد ربك ددسن أبرك مني اول سيارة شريته تقل سيارة مدرس خصوصي سوداني يااسرعت عليه وصلت الستين قامت تدخن علي من كل جهه وأموت وأعرف المسجل وش يبي يدخن ههههههههههههههههه

يوسف تكفى وشي هالسيارة ؟؟ أموت ودري وشي شكله (200L كحليه ) ..

يوسف كان نصحته يمكن يخلي الدخان بسببك تاخذ أجره .. (المسجل) ..






ياعله مبروك يافهد وتر الددسن القديم جيد حديده يعجن الوجه لاتشيل هم لاصدمت لك بنقالي قاطع سيدين :)
وش يدريك أنه قاهرن له بنقالي عندنا ودي أقطعه ثلاجه .. ودي أعجنه لقال (كوفيل) يعني كفيل

ولا (بورسيم) يعني (برسيم) .. أجل أتقعد لهم بشارع البرج ..





لاهنت يالغالي ..

الله لا يهينك يابو يس ..


توسد إحترامي
توسدناه



يوسف الله لا يهينك على المرور .. تكرم عينك ..

[فتى البيداء]

اييييه

حمد لله على السلامه

الله يسلم هالوجه ..


والله يعطيك خير ويكفيك شر هالموتر
الله يجزاك خير يابوالذهانه .. (حسيت أنه أول موتر أشريه ..




اقول ياحق البيدا ماتبي سزوكي منتاز مهنا ازين منوه
ألا والله أبيه أبحطه مرسم بجنب الأسطبل لبغيت أوصف لأحد أقول شف هالسزوكيه بجنبه .. إلى هالحين وأنا حق البيداء ؟؟



بكيفك الكميه محدوده

الحق
لا شرينا لا تهون .. ياحلاته مرسام ..




ابوخلوف الله يخلف علينا .. شكراً على هالطله ..

[فتى البيداء]

8

8

لاتقلد بدعوتي من اليوم وانا اكتب وطار الرد قهررررر

الله يعوض عليتس دايم تحصل لي ..


...

الله يعطيك خيره ويكفيك شره
الله يخليتس ..ويعافيتس ..



ههههههههههههههههههههههههههههههههه ان هذا الفتى يتألم هع هع
وفرحه الله ياخذ عدوتس ..


الحمدالله على سلامتك
الله يسلمتس ..


ترى ماضحكت عليك اضحك على نفسي
أيه واضح ..


مره سكرت باب السياره على اصبعي الصغير وصار ظفري اسود وقلبت الدنيا الوان
هههههههههههههههههههههههههههههههههإن هذه الفتاة تتألم هع هع
(تراي ما ضحكت عليتس أضحك على نفسي .. (كما تدين تدان )


يعافيك ربي على سالفتك اللي تونس
الله يعطيس العافيه والله يونستس بالعافيه ..


تقبل احترامي,,
شكراً لكي ..

شكراً لكي على هذه المرور الكريم ..

[غالب]

اسمع أبي أبادلك بددسن مديل92وأبي أزودك كرتون فاين :)هاه وش قلت بس أهم شي موترك نظيف :315r:

[فتى البيداء]

اسمع أبي أبادلك بددسن مديل92وأبي أزودك كرتون فاين :)هاه وش قلت
ما يخالف بس الزود يصير أكثر لأني شاريه بليل وما دريت أن به مكيف ألا أمس يوم رحت أجيبه .. بعدين تراه تفحط بثالث ..(هذي أبحد ذاته تبي ألف ريال زود )
(طبعاً على شور يوسف العطاوي )

بس أهم شي موترك نظيف :315r:
أقولك تفحط بثالث وش تبي أنظف من هاللون ؟؟



شكراً سناعيس على هالمرور المزكرت ..

[ريتاج]

ههههههههههههههههههههههههه<<< الهم لا شمااته ...

مبرووك السيااره.... كللللللووووووووش

ومررره ثاانيه لا تعطييه احد مفهووم هههههههه

مشكوور اخووي عالساالووفه....


شييييييييييع.....

[جبرني الوقت18]

ههههههههههههههههههههههههههه
الحمدلله على السلامه
مبروك السياره الجديده
وبعدين لايش تبيع الددسن( قديمك نديمك )
وبعدين ابي فره على السياره ابي افحط

وشكرا يافتى البيداء على السالفه الجميله

حمود

[صلفيق]

ههههههههههههههه

يالله حي فتى البيداء
ياعزوتي من اسمك السيارة ماترهم عليك !!
مار اشتر لك حصان ، وخلك مع البيداء .
حتى الدورة على الحصان أغلى من الددسن !
اترك القرنبعات _ ماوراهن الا المغثة !

وجهة نظر ،،،

[حمـود]

الله يعيينك

اجل انت ثالث المقاريد

انا يوم السبت الصبح مشيت من حايل

وقبل لا اطلع منه لزخن جمس من شنطه السياره

وراحت وطي