وش بنات........؟؟؟؟؟؟؟؟؟

[الاعصار]

السلام عليكم


وش بنات حاملٍ فيهن فتات=في زمانٍ فات وكلٍ من فحل
والعجب في يومنا شيفن شتات=في بطون اعيال كلٍ له محل




تحيتي وتقديري للجميع

[سيدة القـــــلم]

المحبَرة ..!! :0070:




رَمْعَة

.
.
.

[الاعصار]

المحبره
مالك لوى
تحيتي لك

[سيدة القـــــلم]

الْــفــُلُوس ..!! :icon_roll


رَمْعَة

.

.

.

[الاعصار]

الفلوس
مالك لوى
تحيتي لك

[همس القصيد]

فرشاة الالوان

[الاعصار]

فرشاة الالوان
مالك لوى
تحيتي لك

[صلفيق]

وش بنات حاملٍ فيهن فتات=في زمانٍ فات وكلٍ من فحل
والعجب في يومنا شيفن شتات=في بطون اعيال كلٍ له محل







هلا والله ومرحبا بالأعصار ..

ياحلو ألغازك يالغالي .. بس انذبحنا من البنادول ، من كثر التفكير
صار يجينا صداع ..!!


شرايك يالغالي بــــــــ علامات يوم القيامة !!!!!

[الاعصار]

اخوي صلفيق
حياك الله يالغالي والحلا بكلماتك الطيبه
والرمعه ماصابت
انتظر مرماعك القادم
تحيت لك

[العَـــروب]

والله لغزك هالمرة صعب يا بوماجد


جاري التفكير


ولي عودة ان شاء الله

[الاعصار]

العروب
حياك الله
واللغز حتى لوكان فيه صعوبه مايصعب عليكم
تحيتي لك وتقديري

[وافي الزنيدي]

وعليكم السلام ورحمة الله وبركاته

هلا وغلا بابو ماجد

بالنسبة للغز عندي رمعة مدري عنها بس يمكن وأقول يمكن انها دولة العراق ومحافظاتها أو فلسطين ومدنها أو الدول الاسلاميه الحاليه يوم كانت دولة واحدة نق اللي تبي يابوماجد منهن :)

[الاعصار]

اخوي وافي الزنيدي
الله يحييك
والرمعات مالك لوى ولا تنسى كل وحده من فحل
تحيتي لك

[((عبدالله بن غيث))]

هلا والله ببو ماجد ...!
يالله حيه كيف الحال..!

لغزك هذا رهيب , وأن شاء الله أني متفائل بحلي , ويارب تصيب..!
((بس وين شبيثان, ودي يجي أشرح له المعلقات السبع .....؟))


تحياتي للجميع

[الاعصار]

كحل المحاجر
نعم يالغالي
صح لسانك
المعلقات كانت تحملهن الكعبه واليوم في بطون الكتب وكل واحده تنسب لفحل من فحول الشعراء
بيض الله وجهك

[صلفيق]

صح لسانك كحل المحاجر

وصح لسان الأعصار


لغز فعلا يستحق التفكير

الله لايهينكم جميعا ..

[((عبدالله بن غيث))]

صح أبدانك يابعدي..!

وسلمت ودام هتانك على هالألغاز الطيبة ...!



تقبل تحياتي

[((عبدالله بن غيث))]

صح لسانك كحل المحاجر

وصح لسان الأعصار


لغز فعلا يستحق التفكير

الله لايهينكم جميعا ..


صلفيق, هلا بك , صح أبدانك ..!