من بيصير هاكرز ..؟

[ملامح شمري]

السلام عليكم و رحمة الله ..
الدورة بتكون مختصة بـ مجال أمن المعلومات أو Information Security . و
الموضوع هذا لمعرفة نوعية المادة اللي تفضلونها و تكون تناسب مستواكم وقدرتكم
على الاستيعاب .
تفاصيلها و موعدها و الية تقديمها ,تعتمد على أرائكم .

[بنت الجبل آخت القصيد]

يعطيك العافيه شايبنا المستشار ملامح
بس انا قريت العنوان واستغربت

انا عن نفسي مااحب اتعلم الهكرز الا لشيء واحد
لحماية نفسي ومعلوماتي <<< عاد الله يالوزيره


قبل التصويت ممكن اعرف وشلون دوره تفاعليه
يعني اكيد فيها تطبيق وشلون نطبق
منشان نعرف نصوت صح
.
.

[ريال الفسحه]

ياليت اصير هكر واهكر على جهاز
المطنوخ واخذ صوره واهدده ويعطيني
فلوس واصير ابتزازي :)


ساعته اكون شاكر لك يا اخ ملامح:)

[مرافئ الحنين]

الله انا ابي هكرز

ياليت اتعلمها على قولت عطر القصيد حتى حمايه لنا

هذاك اليوم اخترق ايميلي بغيت اموووت من الخوف

مدري هو اختراق او مدري وش السالفه المهم انه انقطع ورجع اتصل من جديد

خفت والله

.,.,.

[روح حايل]

:thumb:

[العَـــروب]

سجلني

بس علمنا شوي شوي

يعني عالبطيء


علشان نستوعب



يعطيك العااافية مسيو ملامح

[المطنوخ]

انا ابي اصير هكرز ايميلات بس

ودي اهكر على ايميل ريال الفسحه واغير اسمه لسمية الالفي اغدي نلقى لوه زوج :)

ملامح تكفى ابي دورة تفاعليه واهم شي سرقة الايميلات :)

[مشــــعل]

تسلم ياملامح

ومجهود تشكر عليه

وانا عن نفسي ابي اراعي لكم من بعيد

تحياتي

[شليويح]

أمن المعلومات على حسب ما اعرف انه متخصص بالامور النظرية التى ليس لها علاقة باي تطبيق عملي ..

ومنكم نستفيد

يعطيك العافية

[طلال]

:. ملامح .:


الله يعطيك الف عافيه


و ربي استانست .. كل يوم اتحرى هالدوره متى تجي ..

ربي يعطيك الف عافيه ..

ابد الوقت اللي تختاره .. و ان شاء الله اكوووون من التلاميذ اللي يعجبونك ..

ابد مالي صوووت < :)..

الا اذا فلقن فايروس < :) ..

.
.

لا عدمناك يا احلى دكتووور

[ملامح شمري]

عطر : [س]

المقصود بتفاعلية انها تعتمد على مشاركتكم بها , وش نوع المشاركة أو كيف الى الان
ما اتضحت لي أو ما قررت بمعنى أصح .

,,,


أخ ريال : :)

انت بتسوي مثل اللي يجيه واحد و يعلمه كيف يسرق بنك , يقوم و يروح يسرق بقالة ..! :tongue:

,,,



مرافئ :[س]

حتى انا ابي هكرز..! :)
هذاك اليوم انقطع الكهرب و طفى جهازي و خفت و ما نمت حسبتهم اخترقو بيتنا..! :a:
بسم الله علي و عليك من الخرعه الله لا يعيدها.. :frown:


,,,

روح حايل : [س]

:7ayyoh:

,,,

المتوحشة عروب اللي كان اسمها جود و صارت جــود و قبله بريئة و ينادونها بام يوسف <- يا طوله ..! :)

اهلين مدموزيل ..

ولا يهمك العرض بيكون بالحركة البطيئة <- حشى فلم موب دورة :tongue:


,,,

دون كورليون ..! :)

هالحين بجيب لك مفطح , تقول ابي رجلها بس :puzzled:

أجل بعذره اندي غارسيا يوم يشيلك و يصير العراب بدالك بالجزء الثالث :232r:

,,,

مشعل الغفيلي :[س]

هلابك و حياك اخوي و ان شاء الله انك تستفيد من مراعاتك لنا , شرفتنا مشعل ..



,,,

شيلويح : [س]

أمن المعلومات , مصطلح فضفاض و له عدة تعريفات منها : السياسات و الاجراءات و التطبيق العملي لها
لحماية المعلومات و انظمة المعلومات من الدخول الغير مصرح و التغيير و المحافظة على خصوصيتها .
المصطلح عام و له تفرعات و اقسام محددة . وعمره ما كان نظري, و كلامي هذا على مبلغ علمي و
حسب معرفتي ..

والله يعافيك و حياك , أنتظر منك المشاركة و الإثراء بمداخلاتك لنا .


,,,

مصممنا طلال ::thumb:

علها دوم ان شاء , بهالموضوع قاعدين نطبخها على نار هادية وعشان تكون سهلة و الكل يقدر يستوعبها..
الى الان ما بديت بهيكلتها , لاني ما بعد خذيت معطيات كافية اقدر ابني عليها من خلال هالموضوع ..

[مطلق الثنيان]

موضوع مهم ورائع جداً .. ومقدماً نشكرك ياملامح شمري على مجهوداتك المبذولة للرقي بمضايف شمر.
وسأكون إلى جانب مشعل الغفيلي مع الجماهير ونشجعكم من بعيد .
تحياتي لك .

[&^^مهــــا^^&]

الله يعطيك العافيه ومجهود تشكر عليه

والله كنت قبل ابي اتعلمه ربي ماكتب بس ان شاءالله على يدينك

طبعا سجلني معكم

وان شاءالله اكون عند حسن الظن

تقبل احترامي,,

[ابو فارس]

تسلم ياملامح

انا ابغى عن أمن المواقع

واذا تبغى نحدد اي لغة برمجة ايضا يكون افضل
دمت بخير

[العَـــروب]

المتوحشة عروب اللي كان اسمها جود و صارت جــود و قبله بريئة و ينادونها بام يوسف




كل هذا أنا ..؟ :)


الله يعطيك الصحة والعافية


الوقت ما فيه مشكلة ان شاء الله .. متى ما بغيت ..



قوااااك الله

[هايس الشمري]

السلام عليكم و رحمة الله و بركاته..



ملامح سجلن..



دوره مهمه.. احتاجها.. و افكر اخذ ماجستير في هالمجال.. Information Security




<<<<<<< متحمس مررره

[السنعوووسيه]

ايوالله فزعتك ياملامح

ويعطيك العافيه

[مطلق الثنيان]

ماهي آخر أخبار الدورة؟.. ومتى تبدأ؟.. متحمس لحشد الجماهير من أجل أن نشجعكم ونصفق لكم ولو من بعيد!

[ملامح شمري]

^




هذا الإستطلاع سيغلق في 21-11-2008 الساعة 04:58



بعد الإغلاق لكل حادث حديث , و الدورة متوقفة على نقاشي مع الإدارة .

[εïз خزامى εïз]

حلووو
فلللللللللللللللهـ
معـ اني اعرفــ نفسي مستحييل افهمـ:blushing:
لازم احد ياشر لي هنآآآ وهنآآآآآ :boxed:
يعطيكـ العافيهـ ملامحــ شمري,,
وننتظركـ يلاآآآآ
ميرسي

[غالب]

أشوا يعني مامن مخالفه أشواااااااااااااااااا
طيب
والله أنا ودي أكون هاكرز

[ابن جشعم]

ملاااااامح شمّــــــــــــــــري
\
/
\
/
\
مع ان اي برامج تعليمية للهكرز وأختراق المواقع عليها بعض
التحفظات في شبكة شمّر الا اننا بحاجة لمثل هذه الدورة التي هي:

مختصة بـ مجال أمن المعلومات أو Information Security

عليه تم تسجيل اسمي وحجز معقد بالصف الثاني يسار من لم الجدار حدر الدريشة..


ننتظر الترتيبات بشوق وعلى مهلك:)


تحياتي