متعب الشعر .. إبداع التركي [الأرشيف]

مشاهدة النسخة كاملة : متعب الشعر .. إبداع التركي

عبدالله المهيني

06-11-2008, 15:15

بدون مقدمات
عملاق من عمالقة الشعر
حتى لو إبتعد عن الإعلام منذ فترة طويلة

متعب التركي

.
.
.

المـوت هيـن البـلا وش ورا المـوت
.......................عنـد الحسـاب يهـون سهـم المنايـا

باكر نمـوت وتصبـح قبورنـا بيـوت
.......................وعقـب القصـور بضيقـات الزوايـا

في جوف الارض وكل من حولك سكوت
.......................وتعاقبـن بالقـبـر عــوج الحنـايـا

يـارب يامنجـي نبيـك مـن المـوت
.......................سترك وعفـوك يـوم كشـف الخفايـا

باكر اليا جينـا علـى داعـي الصـوت
.......................شيبـان واطفـال وشبـاب وصبـايـا

ندعـي وحنـا بيـن باكـي ومبهـوت
.......................ورحنـا لهـا ننقـاد مـثـل السبـايـا

يـارب تهدينـي قبـل لحظـة الفـوت
.......................وتغفـر ذنوبـي ياكـريـم العطـايـا

اشكيـك هـم داخـل الصـدر مكبـوت
.......................وأيامـي الــي بالخطـايـا مـلايـا

أن لاذ بك من كـان طايـع ومبخـوت
.......................فـي مـن يلـوذ المرتكـب للخطـايـا

يـارب ياقـادر علـى كـل طاغـوت
.......................لا ياقـف اللـي وحـدوبـك خـزايـا

رحماك لامنـا صحينـا مـن المـوت
.......................واليـا وقفنـا عنـد بـابـك عـرايـا

للشعر بقية

roooose

عبدالله المهيني

06-11-2008, 15:19

.
.
.

متعب التركي

.
.
.

قالوا حبيبك يسمع الشعر قلت أيه
.......................يـقـراه بعـيـونـي قـبــل تسمـعـونـه

لولاه حتـى طـاري الشعـر مـا ابيـه
.......................مير أكتبـه مـن شـان خاطـر عيونـه

هـو روح شعـري وأمنياتـه وماضيـه
.......................جذع الشجر وش كان لـولا غصونـه

اكتـب لغيـره والقصايـد تجـي فـيـه
.......................كــن القصـايـد حالـفـه مـــا تـخـونـه

هـذاك لا منـه زعـل قـمـت أهـاديـه
.......................حتـى وهـو مخطـي تـعـذرت دونــه

يمكن لـو أنـه يلمـس الجـرح بيديـه
.......................يستغرب ان اللـي لمسهـا طعونـه

ابطـى وهـو غـايـب وزلــت حـراويـه
.......................وأنــا مــن الـعــام آتـحــرى مـزونــه

هو مادرى اني فـي غيابـه محاتيـه
.......................ليته نشد عـن حالـي اللـي يجونـه

واقلبـي اللـي تــوه أفـلـت عـراويـه
.......................كيف انسرق وضلوع قلبي حصونـه

عـجـزت أرده كــان مـانــي بـراعـيـه
.......................يوم انتثـر شوقـه وهاضـت شجونـه

يبسـن عروقـي لكـن اللـي يعـزيـه
.......................ان اكـثــر الـعـالــم تــــردد لـحـونــه

خـافـو مــن الله لا تجيـبـون طـاريــه
.......................لا صــرت أنــا مـوجــود لا تـذكـرونـه

لــو كــل غـالـي جـابـه الله لغالـيـه
.......................ما شفت لك مخلوق تبكـي عيونـه

للشعر بقية

roooose

عبدالله المهيني

06-11-2008, 15:21

.
.
.

متعب التركي

.
.
.

توديع الأحباب مثل الموت له سكره
.......................ادمى جروحي وشق الصدر منيّـا

والقلب طير ضلوع الآدمي وكـره
.......................لأشاقـه الطلـع لاسلـم ولاحيّـا

مصير الأحزان تنساني وتفتكـره
.......................ماكل الأيام بيض وسمحـة محيّـا

قل غيرها ماأنت لامجبر ولامكره
.......................لاصار ماهي غلا ماأبي لك حميّـا

لو في يدي شي ماقلت الوعد بكره
.......................حزمت حدب الضلوع وقلت لك هيّا

لو كل غالي يجي دايم على ذكـره
.......................ماصرت اشوفك هناك وحبك هنيّا

ياليتني لابغيت اكره قدرت اكـره
.......................ماكان قلبي ليا جيت اكرهك عيّـا

مادامك معيف رح لكن على فكـره
.......................ماقلت لي ليه دمعـك سـال منيّـا

للشعر بقية

roooose

عبدالله المهيني

06-11-2008, 15:22

.
.
.

متعب التركي

.
.
.

البارحة مدري وش اللـي خذانـي
.......................يوم اجنبوا عني من الضيقة اشملـت

جيـت أتكلـم بـس عيـا لسانـي
.......................ماكني إلا مرتكب ذنـب واخملـت

الله يسامح مـن ذكـرت ونساني
.......................وأنا أدري إنـي لاذكرتـه تجملـت

عانيت وأدري كـل طيـب يعانـي
.......................وعلى حساب طعوني الخضر جاملت

ياماخذوا منـي ولا احـدأ عطانـي
.......................من طيبتي في حق نفسـي تساهلـت

عـزاي لامنـه تجهـم زمـانـي
.......................يممـت وجهـي للكريـم وتوسلـت

واللي يبي قربـي وبعـدي لقانـي
.......................أمشي على وضح النقاء ما تختلـت

( يامن سكنت اجمل زوايـا كيانـي
.......................ياما على نفسي عشانـك تحاملـت)

مرات احس انك معي شخص ثانـي
.......................ومرات احس انك حبيبي وما زلـت

لاتفرح انك دجـت بيـن المحانـي
.......................لو ماتخـون الذاكـره مـا تسللـت

(( عشان ماضيك الجميل وعشانـي
.......................حاول تشيل من الوفا ربع ماشلت))

((( ماني على خبرك حبيبي ترانـي
.......................حتى عن اصغار الاماني تنازلت)))

للشعر بقية

roooose

عبدالله المهيني

06-11-2008, 15:24

.
.
.

متعب التركي

.
.
.

ليـه وطيـت عـن خيـل السـروج
.......................ليه مديـت عقـب القـراح الهمـاج

لا تجمل لي الغلطات والعوج عـوج
.......................يضحك احجاج او ينعقد لـي حجـاج

اصبر اشوي وش علمك تهوج وتموج
.......................ميت القلب مثلـك مايعـرف الهيـاج

ماتعودت اجامـل معتليـن البـروج
.......................الزم العلم قبل يصير هرجك سمـاج

المشاعر تحي مثل المعاصير هـوج
.......................ونت مالك على هوج الرياح احتجاج

جيت وقلوب حسادي تميـل وتـروج
.......................لا صفى جوهم ساعه قفـاه العجـاح

ابتسم لك وهمي فـوج يقفـاه فـوج
.......................من يحبك لزوم ايصر مثلـك هجـاج

بس قلي ونا غلطان لـك ومحجـوج
.......................وين يلقون لجروح النواعـس عـلاج

القمر غاب وانت اطفيت نور السروج
.......................قلت يكفيك نور الوجه الاصبح سراج

كن بين الضلوع العوج صفقات موج
.......................يوم فاض الغلا والشوق والقلب هـاج

ضيقة الصدر لو بين المحاني تلـوج
.......................كل ضيقة لها عنـد الكريـم انفـراج

ماهو الغيض سبت كل ابو هالهـروج
.......................بس مالي على بعض السوالف مـزاج

للشعر بقية

roooose

عبدالله المهيني

06-11-2008, 15:27

.
.
.

متعب التركي

.
.
.

ضايق البال مايستانس الحالـه
.......................وانت لاغبت عني كني الحالـي

جتك الاشواق رجليـه وخيالـه
.......................غير الاول تحمل شوقي التالـي

ليت من قال متعب خابت امالـه
.......................شاف بعيونك الخدرات منزالـي

واحدأ فيك ماهو منشغـل بالـه
.......................اشهد انه بها الدنيا هو السالـي

راوي العود يزهالك وتزهالـه
.......................عاد من يقدر ايلومه إليا مالـي

صاحبي والقصايد فيك مختالـه
.......................وأنت لك حق فيهن يوم تختالـي

دام نفسك لحب الشعـر ميالـه
.......................ليه ماصير شاعر وانت في بالي

من تمناك لاتنشد عن احواله
.......................كيف عقب العسل يستطعم الحالي

عقبك النفس مذعوره ومهتالـه
.......................سود الايام هزت برجي العالـي

لكن القلب من يمك على حالـه
.......................في تناسيك ليه اكذب على حالي

قلت لك نعمة النسيان00 زوالـه
.......................ذكرياتك بعضها قـام يبرالـي

كل مامرني طيفك علـى فالـه
.......................قلت يامرحبا في ريحة الغالـي

شلت همك وهمي ماحدأ شالـه
.......................كن قلبك غدى ياصاحبي خالي

إبتعدنا وكلـن راح فـي حالـه
.......................بين هالناس لكن كنـي الحالـي

للشعر بقية

roooose

عبدالله المهيني

06-11-2008, 15:29

.
.
.

متعب التركي

.
.
.

يا سعود لا تنشد تـرى مانـي مجيـب
.......................خل الذي خافي لـه شهـور.. خافـي

إن شفتني مغتاظ.. لي حق و مصيـب
.......................يا سعـود مزعلنـي جديـد اكتشافـي

الغالي اللي كـان مـن قلبـي قريـب
.......................بيني و بينه.. صـار مثـل التجافـي

إن قلـت زلـه.. مثلنـا زلتـه عيـب
.......................من قال لك شمس الضحى مـا تشافـي

إن قلت هقوه.. يمكن تصيب و تخيـب
.......................كم لي سنه .. ما شفت فيـه اختلافـي

و إن صار في نفسه بعض شكة و ريب
.......................حتى البحر ما هو على طـول صافـي

صرنا من الصده .. سوات المصاويب
.......................كلن نقـل جرحـه و قـال: امتعافـي

أصعب فراق.. فراق عكف الأشانيـب
.......................مـا هـو مفـارق لابسـات الغدافـي

و الذيب لا منه عوى.. جاوبـه ذيـب
.......................و العلم حامض.. بس ويـن الأشافـي؟

دامه لقى لـه غيـر قلبـي معازيـب
.......................الله يسمـح درب هــاك السنـافـي

يروح.. لا يرجي رسـول و مكاتيـب
.......................هو خابر إنـي.. مـا اتلفـت خلافـي

واللـي تعلـى فـوق روس المراقيـب
.......................أكيـد مـا تسقـى عليـه السـوافـي

رح بشر اللي _شال شلفـا_ تريحيـب
.......................قلـه: تـراهـا ***ـوهـا عـوافـي

اليوم نفسي طابـت.. و باكـر يطيـب
.......................جرحي.. لو انه مـن يديـن المشافـي

خلصت.. و الدنيا دروس و تجاريـب
.......................سجل يـا بـو عبدالعزيـز اعترافـي

للشعر بقية

roooose

عبدالله المهيني

06-11-2008, 15:32

.
.
.

متعب التركي

.
.
.

مفتوح باب الرجى لو هب مليون ريح
.......................والريح ماتاخذ الغرسه مـن عروقهـا

القوس مكسور والرامي يقوم ويطيـح
.......................والسهـم منعـاج والايـام خازوقهـا

لو لبسو ساقط الهرجه ثيـاب المديـح
.......................قلنـا سحابـة وبلـة يابـس حلوقهـا

ياحادي الركب لا توده عليه وتصيـح
.......................ماعاد هي سالفـة ليلـى ومعشوقهـا

مديت شوفي وشفت الكون رحب وفسيح
.......................والارض حدر المواطي والسماء فوقها

مادام عين الرضا ماها هماج وشحيـح
.......................ابتبـع الغيمـة اللـي رفـة بروقهـا

مدري عن المقبلة لكن عسى الله يبيـح
.......................اللي تهـز القلـوب وهزنـي شوقهـا

غنيت للحب ولسـان المحبـة فصيـح
.......................والبدو سبـة غناهـا ضيقـة خلوقهـا

باكر يروح الشتاء والثلج قصره يسيح
.......................مايفضح الثلج غير الشمس وشروقهـا

roooose

العَـــروب

06-11-2008, 15:37

عبدالله المهيني ..

وددت لو أنك استمريت بقول ( للشعر بقية )

لا أشبع من هكذا شعر ..

لا هنت ..

.

عبدالله المهيني

06-11-2008, 15:44

ولا يهمك يا أم يوسف

للشعر بقية
سيكون هالمتصفح متجدد بين كل فترة والثانية

شكراً لحضورك أختي

roooose

ريم شمر

07-11-2008, 02:34

شاعر جميل جدا ومميز

وشعر يستحق الايراد

لك الشكر اخوي عبدالله

على النقل الطيب

ابو ياس المدهر

07-11-2008, 11:38

ريال الفسحه

07-11-2008, 12:54

لأول مره اقرأ اكثر من قصيده بصفحه واحده
بدون ان انقطع فلقد انهيت قراءة ماكتبته يا
عبدالله بوقت واحد ..

عبدالله

بما اني أول مره اسمع عن هذا الشاعر
واقرأ له بالرغم ان اول نص وضعته انت كان
معروف لدّي لكن الشاعر اول مره اسمع به
فالف شكر لك والشكر موصول لك لانتقاءك
الاروع دائما كما هي حالك مع خليف بقسم
الخواطر ..

لاتأتي الا بالرائع يارائع ..

أمل

ان تستمر معنا بإيراد كل ماتملك لهالمبدع
ولو كان هناك صوتي ستكون اغرقتنا بروعتك

عبدالله

صح لسانك

ريال الفسحه

07-11-2008, 12:56

.

.
.

متعب التركي

.
.
.

قالوا حبيبك يسمع الشعر قلت أيه
.......................يـقـراه بعـيـونـي قـبــل تسمـعـونـه

لولاه حتـى طـاري الشعـر مـا ابيـه
.......................مير أكتبـه مـن شـان خاطـر عيونـه

هـو روح شعـري وأمنياتـه وماضيـه
.......................جذع الشجر وش كان لـولا غصونـه

اكتـب لغيـره والقصايـد تجـي فـيـه
.......................كــن القصـايـد حالـفـه مـــا تـخـونـه

هـذاك لا منـه زعـل قـمـت أهـاديـه
.......................حتـى وهـو مخطـي تـعـذرت دونــه

يمكن لـو أنـه يلمـس الجـرح بيديـه
.......................يستغرب ان اللـي لمسهـا طعونـه

ابطـى وهـو غـايـب وزلــت حـراويـه
.......................وأنــا مــن الـعــام آتـحــرى مـزونــه

هو مادرى اني فـي غيابـه محاتيـه
.......................ليته نشد عـن حالـي اللـي يجونـه

واقلبـي اللـي تــوه أفـلـت عـراويـه
.......................كيف انسرق وضلوع قلبي حصونـه

عـجـزت أرده كــان مـانــي بـراعـيـه
.......................يوم انتثـر شوقـه وهاضـت شجونـه

يبسـن عروقـي لكـن اللـي يعـزيـه
.......................ان اكـثــر الـعـالــم تــــردد لـحـونــه

خـافـو مــن الله لا تجيـبـون طـاريــه
.......................لا صــرت أنــا مـوجــود لا تـذكـرونـه

لــو كــل غـالـي جـابـه الله لغالـيـه
.......................ما شفت لك مخلوق تبكـي عيونـه

للشعر بقية

roooose

صح قلبك وقلبه أقسم بالله عذوبه
لاتوصف ..

يـقـراه بعـيـونـي قـبــل تسمـعـونـه

شطر عن ابيات ..

دمت

عبدالله المهيني

07-11-2008, 13:08

شاعر جميل جدا ومميز

وشعر يستحق الايراد

لك الشكر اخوي عبدالله

على النقل الطيب

الشكر لحضورك يا ريم

لا هنتي والله

ابو فارس

07-11-2008, 13:08

عبدالله المهيني

07-11-2008, 13:11

يعطيك العافيه ابو صاااااااااالح

والله ماتفارق لساني هالقصيدهـ خصوصا البيت الاول والثاني ولا اعلم لمن

متعــب شاعر جــــــــــــــــزل

وانت جزل ولا تنـــــــقــل إلا جزل

تقبل مروري ابو صالح

أنت يالمدهر
أترك هالقصايد والكلام هذا كله

أنت وينك ..؟ حتى إيميلك مقفل ويرجع كل مسج أرسله لك

شكراً لحضورك

roooose

عبدالله المهيني

07-11-2008, 13:15

عبدالله

بما اني أول مره اسمع عن هذا الشاعر
واقرأ له بالرغم ان اول نص وضعته انت كان
معروف لدّي لكن الشاعر اول مره اسمع به
فالف شكر لك والشكر موصول لك لانتقاءك
الاروع دائما كما هي حالك مع خليف بقسم
الخواطر ..

ابو فسحه

الشاعر .. متعب التركي
شاعر كان يتربصد بكبد الصفحات الشعرية ويرتبها بشكل شعري
وأقولك بشكل شعري .. أي أن مؤشر الشعر كان يرتفع بإستمرار

كان وعاد لا حظ كان وعاد
للنشر في مجلة المختلف

إنقطع فترة عن الساحة الشعبية لأنه إلتزم أسأل الله أن يثبته

.
.
.

عني وعن التركي وعن خليف
لك كل الشكر على هالحضور الأكثر من رائع

roooose

عبدالله المهيني

07-11-2008, 13:18

أن لاذ بك من كـان طايـع ومبخـوت
.......................فـي مـن يلـوذ المرتكـب للخطـايـا
---------
لا ادري ايهم ابداع

الشاعر المبدع
ام الناقل العذب
متعب اقرأ له منذو فترة ليست بسيطة
لكن اظن ترك الساحة وابتعد عنها قليلا
ويظل مبدعا
------------------

عبدالله
تنتقي مزهريات الشعر
من بساتين الابداع
وردة وردة
وبيت بيت

دمت مبدعاً

ابو فارس

حضورك دائماً يتسبب لي بضياع الكلام
ولا يبقى إلا رفع القبعة إحتراماً لتشريفك

أنت ذائقته وقراءة خطيرة جداً
شكراً لحضورك

roooose

الحيمري

18-11-2008, 01:22

مشكور اخوي/ عبدالله المهيني

على هذا الايراد علما ان هذ الشاعر اول مره اسمع اسمه

لكن انه حق شاعر وقصايده جزله بلحيل ومشكور ثاني مره