بسم الله الرحمن الرحيم

[الشمــــالي]

سؤال من قال قصيدة باح العزا ؟ للاهميه

[السنعوووسيه]

والله ماادري بس الفلاويين اكيد ماراح يقصرون

حياك الشمالي منور الفله


ياهلا ورحب فيك

[صعوة فسفورية]

شمالي طبيت ومحدش سما عليك وحياك بالفله

والله اصلا مو فاهمه سؤالك وش تقصد فيه ؟؟

[شامان]

حسافة

ما تبي اعوضك بهذي :

يا جر قلبي جر لدن الغصــــــــــوني وغصون سدر جرها السيل جــــــــــــــــرا

[محارش]

اللي انا اعرف انه ليوسف العطاوي

وقاله قبل وفاته بوقت قصير , وقد اشتهرت كثيرا وتناقلها الرواة .


وهناك من يقول بأن يوسف العطاوي لم يكن الشاعر صاحب القصيده ولكن القصيدة اشتهرت بإسمه , بل ان البعض اتهمه بسرقتها من قائلها الاصلي الشاعر الكبير زيد الخوير ولكن الارجح انها ليوسف .

وبعد اتصالي بأحد اقارب يوسف للتأكد من القصيدة قال سأتأكد لك من الموضوع وأرد عليك بأقصى سرعه .

المشكله ان قريب يوسف مسكوه المرور لتجاوز السرعة المسموحه :)

[فتى البيداء]

أخوي الشمالي أحمد ربك ما دري بك أحد ... ( يعني شل قشك وفرك له )

والله لو يطيح بك ريال الفسحه ولا (الحنشل مزمزه) وباقي الشله أن تلروح وطي ..


رح أنشد في مضيف قصة وقصيدة ويفيدونك .. عن سوألك ..

هنا ما فيه الا المروح والوناسه ... ماهي لشعر ..

حياك الله ..

[ريال الفسحه]

اهلا بك ومن حقك وحق اي عضو السؤال
عن اي شي يصيبه الشك فيه


بالنسبه للقصيده هي معروفه بالنسبه لي وسمعتها
من كثير من الشيبان وهي للشاعر الشعبي غالب السنعوسي
وهو معروف بمثل هالقصايد وبحر تلك القصيده سبق وان اخذ الشاعر
فيه السباحه على الظهر

واللي يتبين لي من كلام الاخ الراويه محارش انه وقع في لبس
حيث ان الشعرا زيد ويوسف لهم قصائد على نفس البحر ونفس
القاف ولكن الاصح والله اعلم انه للاخ الشاعر غالب


اشتهر غالب بالقصايد الغزليه ولم يكتب اي قصيده تحفظ ماء
الوجه كلهن ناكساتن للمرح



شكرا لسؤالك اخوي واتاحة الفرصه للادلاء بدلوي ياعلك
ماتتدودل زي مايتدودل الدلو


:)

[ريال الفسحه]

الا ع الطاري وش يقرب لك العريف دحام
وهل لك علاقه دبلوماسيه مع ابوطاهر .


اعترف ؟

[محارش]

فتى البيداء

^
^
مطفي النور الحبيب :)


خل عنك هالسوالف واطلع للطعوس وقسم انه ترد الروح :) ديم وخير وانت جالسن تحش بخلق الله وتخرب سمعتهم :)

[ريال الفسحه]

ههههههههههه <---خاش عرض :)

[محارش]

اخي ريال الفسحه


لا اتفق معك اطلاقا بأنها لغالب السنعوسي كونه في تلك الحقبة لم يولد بعد.

فأنا ومن خلال مراجعتي لكتاب الشاعر البائد غالب السنعوسي تبيّن لي انه لم يلحق على الزقطه فكيف به يكتب مثل هذه القصيده .

اتمنى منك ان لا تطلق الكلام على عواهنه وبإمكانك الرجوع الى كتاب مراميس يوسف والمطاريس فستجد هذه القصيدة بين ثنايا الكتاب .

[ريال الفسحه]

اخي محارش


الاختلاف بالراي لايفسد للود قضيه واود ان تقرأ كلامي
على رسلك وسادعمه بالادله التي لاتجعل مجالا للشك
انك يا اخي تمارس مهنة الهلس


في كتاب الشعر المكوم لغالب المدلقم نجد انه كتب القصيده في
صفحه 2521 والمخطوطه موجوده عندي والابيات عباره عن اثناعشر
بيتا وحوش وملحق

طبعا الشاعر الكبير يوسف في تلك الحقبه ماجدع حفاظتوه فكيف
له بنظم الشعر اصلا ؟

اصبتك في مقتل

ثم ان يوسف شاعر معروف الف كتاب شعري اسماه
بـ بالقصايد الاخيره ليوسف الطيره والكتاب مازال موجود
بلمكتبات منها جرير بالسعوديه ومكتبة عبدالله مذري بالكويت
ومكتبة ابوخلوف بالشام ولك الاطلاع على الكتاب حيث انه كله
مقتبس من كتاب غالب الآنف الذكر ..


وقد رجّح الشاعر عبدالله الجعيثن ان يوسف كان يتغيب ورا رواق
البيت وغالب كان يقصد ويكتب الابيات ويروح ويجي من بكرا ويجلس
بمجلس شيخ القبيله المطنوخ مشعل ويلقي القصيده ويزعم انها
له فلذلك لقب يوسف بابورواق


ولك الاختيار يا اخ محارش وارجو عدم تضليل الشمالي

[فتى البيداء]

فتى البيداء

يالبيه يامحارش ..

^
^
مطفي النور الحبيب :)

لا والله ما طفى النور عندنا .. << واحد ما يفهم

خل عنك هالسوالف واطلع للطعوس وقسم انه ترد الروح :)

أيه ترد الروح بس ماهو بهاليول أنت خله تسفر وله ألف حلال (برد) .

ديم وخير وانت جالسن تحش بخلق الله وتخرب سمعتهم :)

الله يديم هالخيرات ولا يغير علينا .. وش تبين أسوي توي جاي من المزرعه مت من البرد وجيت للبيت .. ووالله ما حشيت بحد بس ريال الفسحه (قاهرهم) وأمون عليه أتعير عليه وهو يرفع بخوينا ..




محارش أنت بالقصيم ؟؟ إذا كنت بالقصيم ترا مالك عذر باتسر نبيكتطب محلنا .. نأخذ علومك ونكشت حنا وإيك .. نشوف هالسيول وش وصلت .. نقهر العطاوي ..

[محارش]

اخي العزيز ريال الفسحه


اشكرك من اعماق قلبي لتقبلك النقد بصدر رحب .

لكني لا ارى مبررا للدجل في امور لا تستحق الخجل , ويظهر لي من كلامك السابق اتهامك للشاعر الكبير يوسف بالسرقه وانك ممن ينحون هذا النحو ولا يهون الصميل .

رأيي لك بأن تعيد حساباتك في دفاعك المستميت عن البائد غالب وتعود الى جادة الصواب ولا مهونة ن للقمله .

وقد قال الكاتب الكبير ابو طروق في كتابه الموسوم بــ وش كاركم ياحي الصحافه :

نشأ غالب بين كومة من الاندومي والسي دي حقت البلاستيشن ولا اظنه سيبلغ مبلغ العقيّل حتى لو جاب الكفاءه .

لذا ومن منطلق حبي لك العام واليوم فأرجوا تصحيح مفاهيمك احسن الله اليك ورفع شأنك .

[ماجد]

:7ayyoh:

[محارش]

اخوي فتى البيداء

اشكر لك لطفك ودعوتك لكني لست بالقصيم

انا باتسر بإذن الله طالع لعريق الطرفيه خخخخخخخخخخخخخخ

[فتى البيداء]

8
8

يعني بالقصيم لا تعتذر أخوي محارش نبيك والله تشرف محلنا .. هاه نحتريك ؟؟

قل تم عسى والديك بالجنه ... عن النار محرومين ..

[عبدالله الجعيثن]

تبطي عظم


يجيك محارش



محارش: بالله ارسل له ابو شراب على انه محارش



باح العزا والصبر يااهل الهوى تكفون=وقد لي سنه والعين ماشافت الغالي
يقولون بعض الناس وش فيك يالمجنون=تدوّر وليفن راح في حكم رجالي
وقلت العفو والله والله ماتدرون=ومن حبهم حتى رفيقي تعدوالي


هذي سلمك الله قصيده قطيه



البيت الاول مشد.......كتبه الشاعر خلف الثامر
البيت الثاني............كتبه الشاعر دوهان الهربيد


الثالث.......... كتبه يوسف العطاوي وكمّل عليه كم بيت للاسف ماني حافظهن


والقصيده سامريه ودايم نغنيها بالعروس وتجي على لحن سامري اهل الشمال والدواسر



الراوي: الجمهري

[المطنوخ]

مع كامل الاحترام للرواة الذين سبقوني هنا ولكن القصيده مشهوره وهي للحنشل المعروف عبدالعزيز أبوصياح اللي سجنه والي تركيا فؤاد باشا وارسله للامير مشعل العقاب على خلفية اتفاقية التعاوين بين الامير مشعل العقاب ووالي تركيا وفعلا قص الامير رقبة الحنشل عبدالعزيز ابوصياح اللي من الغبنه مات اخو عبدالعزيز اللي يقال ان اسمه ابو شرّاب

هذا والله اعلم ولكن هذا المعروف والذي يقول غير هالكلام للاسف تنقصه المعلومات

[غالب]

لالا ياريال شكلك غلطان:)
هالقصيده هاذي قاله الشاعر المغروف أبوخلوف:315r:
وإعذروني يالربع تروني ماني حافظن منه غير أول بيت:)
يقول
ياراتسبن من عندنا فوق صرصور******ومرتسبن الماخوذ ستين نمله
دن دن درما
^^
شلون تجي:)








اللي مايعرف البسباس يسألن عنه:)

[ابو خلوف]

^




^





مع احترامي المتواضع لك اخي العزيز




على مايبدو خانتك الذاكره يا ايها الشايب الخرب الهرم



القصيده ولاحض نطقها بالقصيده باللهجه الاردنيه المائله الي شرق غربيه




وصولا الى اليمن ومصر




هذه قصيده كان يرددها المبندين




والمبندين في رواية الراوي سلمان بن ريالين





هو الشخص اللطيف الضريف الذي يبند



وكانوا يرددونها وهم مولين الادبار من التبنيد
وهذا يعني انها من اشعار اباطاهر الفارسي
او صدقت السايلنتي








ارجو ان تكون المعلومه وصلت اخي العزيز

[فتى البيداء]

تبطي عظم


يجيك محارش



محارش: بالله ارسل له ابو شراب على انه محارش

والله أن جاء فودي يطب محلنا والمحل محله ... وأنا عاد ماجاء فأكرام

النفس هواه .. وأنا جاء ابوشراب ولا ابو بنطلون الله يحييه الأرض فضاء

شالت من العالم الحي والميت ..

باح العزا والصبر يااهل الهوى تكفون=وقد لي سنه والعين ماشافت الغالي
يقولون بعض الناس وش فيك يالمجنون=تدوّر وليفن راح في حكم رجالي
وقلت العفو والله والله ماتدرون=ومن حبهم حتى رفيقي تعدوالي


هذي سلمك الله قصيده قطيه



البيت الاول مشد.......كتبه الشاعر خلف الثامر
البيت الثاني............كتبه الشاعر دوهان الهربيد


الثالث.......... كتبه يوسف العطاوي وكمّل عليه كم بيت للاسف ماني حافظهن


والقصيده سامريه ودايم نغنيها بالعروس وتجي على لحن سامري اهل الشمال والدواسر



الراوي: الجمهري

حياك الله ابوجعيثن ..

[ريال الفسحه]

الربع صايبهم اسهال ؟

[يـــوسف]

اياحبيبي والله كاشخن بالغتره وحاطن رجل على رجل مايدري انه وخذ هههههههههههههههههههه









أقول تلاحق عمرك واطلب حذف الموضوع لا والله يصير بك زي ماصار بدحام :)





---------


صراحة استغرب هجوم الأخ الراوي ريال الفسحة على الشاعر يوسف العطاوي :)

وأشكر الراوي محارش على انصافه لمقرن الخنافس ...



يالجمهري لاتحرف بالتاريخ الدوهي وخلف مايقصدون الا بالنعيرية والقصيدة هذي على حسب كلام الراوي محارش قيلت بالصفري زي ماهو واضح بالابيات تقل الله العالم ان الشاعر يوم يقصد شدوقه ملياناتن تراب من العج ...









لي نكسة ابروح افضي السطول اللي بالصالة تخبرون غرقنا :)

[عبدالله الجعيثن]

اياحبيبي والله كاشخن بالغتره وحاطن رجل على رجل















لي نكسة ابروح افضي السطول اللي بالصالة تخبرون غرقنا :)


^
^

ماتبي ابو كنعان يساعدك باللوّدر:)

[ريتاج]

شف ترره انا اللي قاايلته ..

بس سرقووه مني ههههههههههه

[يـــوسف]

تروني أقفل الموضوع :)




لحد يتعرضن خلوكم على هالولد الحلو المزيون <_ ترفيع هههههههههههههههههههههههههههههههه






أبو غازي ابو كنعان ماهو على خبرك بس منجضع ويعمر سبيل :)

[غالب]

الشمالي مثل أكا الغزال اللي حفر مذبحه






يالربع ماأدري ليه أحسه شنقل داخل بيوزر ثاني

[ابو خلوف]

^



^




تصدق انك اذهن واحد بالمضايف




بعدي انا طبعااا ههههههه

[عبدالله الجعيثن]

^
^
تصدقون انتم يالثنين لو يكثر بذركم تسان وخذنا

[المطنوخ]

^
^
^
هه!! ابوجعيثن

ماعليه جريتك احسبك رواق خيمة انا اسف

[عبدالله الجعيثن]

^
^
وانت بك حيل تجر هاليومين

[الونش]

أشوف لي رجالن يركض وعاضن طرف ثوبوه ونعولوه بيد والشماغ بالاخرى

عانقن وأنا داخلن المضايف وهو طالع يهذري ويصيح ويقول .... يالله الجنه :)


ألا ياربي وأنا داخلن عليك تقاطعتوا هالنشاد :)

لا والمشكله مامن روايه موكده الى هالحين بين من يروي ومن يقصد :315r:



ياعلي ماني نشاد وأطيح بين حنوككم :)



-

[ريال الفسحه]

8



شرايك تفتح موضوع جديد بالفله ؟ <--- مشروع مزمزه :)

[السنعوووسيه]

يمزمز عليكم ذيب بليلتن مابه ضو قمر
عزالله مابقيتو بوه ولا عضم

اعنبو بلسكم احسبكم كل هالردود تناقشون بالقصيده اثريكم من جنبه


والله مايرجع لكم ولا يعودكم